హాట్‌ గర్ల్‌ నిషా కొఠారి గుర్తుండే ఉంటుంది. రామ్‌గోపాల్‌ వర్మ ‘ఆగ్‌’ సినిమాలో హాట్‌ హాట్‌గా నటించిన ఈ బ్యూటీ తెలుగు, తమిళ, హిందీ, కన్నడ భాషల్లో పలు చిత్రాలు చేశారు. ఇప్పుడు ఆమె  కథానాయికగా సంపత్‌ రాజ్‌ దర్శకత్వంలో మహంకాళి మూవీస్‌ పతాకంపై మహంకాళి దివాకర్‌ నిర్మించిన చిత్రం ‘ఓ రావణ లంక’. ప్రస్తుతం నిర్మాణానంతర కార్యక్రమాలు జరుగుతున్నాయి. సంపత్‌ రాజ్‌ మాట్లాడుతూ– ‘‘లేడీ ఓరియంటెడ్‌ యాక్షన్‌ చిత్రమిది. పోరాట సన్నివేశాలు అద్భుతంగా ఉంటాయి. క్లైమాక్స్‌ ఫైట్‌ హైలైట్‌. నిషా కొఠారి నటన ప్రేక్షకులను మెప్పిస్తుంది’’ అన్నారు. ‘‘సంపత్‌ చెప్పిన కథ నచ్చింది. మంచి సంగీతం కుదిరింది. చిత్రం మంచి విజయం సాధిస్తుందన్న నమ్మకం ఉంది’’ అన్నారు దివాకర్‌. ఈ చిత్రానికి సంగీతం: శిఘు, కెమెరా: వల్లి.


 రణధీర్, గౌతమి జంటగా శివమణిదీప్ ప్రొడక్షన్స్ పతాకంపై ఓ చిత్రం రూపొందుతోంది. సంపత్‌రాజ్ దర్శకుడు. త్రిపురం సత్యనారాయణ నిర్మాత. 80 శాతం చిత్రీకరణ పూర్తి చేసుకున్న ఈ చిత్రం ప్రచార చిత్రాలను దర్శకుడు మారుతి చేతుల మీదుగా హైదరాబాద్‌లో విడుదల చేశారు. థ్రిల్లర్ నేపథ్యంలో సాగే సినిమా ఇదని, అన్ని కార్యక్రమాలను పూర్తి చేసి మార్చిలో చిత్రాన్ని విడుదల చేస్తామని దర్శకుడు చెప్పారు. వైజాగ్, అరకు, హైదరాబాద్ పరిసరాల్లో చిత్రీకరణ జరిపామని నిర్మాత తెలిపారు. ఈ చిత్రంలో  భాగం కావడం పట్ల చిత్రం యూనిట్ సభ్యులు ఆనందం వ్యక్తం చేశారు. ఈ చిత్రానికి రచన: భాషాశ్రీ, సంగీతం: నవనీత్ చారి.