కాసియో టచ్ స్క్రీన్ పియానో ‘పిఎక్స్- 560’

కాసియో టచ్ స్క్రీన్ పియానో ‘పిఎక్స్- 560’

హైదరాబాద్: డిజిటల్ పియానోలకు, వెస్ట్రన్ క్లాసికల్ మ్యూజిక్ ఎడ్యుకేషన్‌కు పెరుగుతున్న డిమాండ్‌ను దృష్టిలో ఉంచుకొని ‘కాసియో ఇండియా’ తాజాగా ‘పిఎక్స్-560’ని మార్కెట్‌లోకి తీసుకువచ్చింది. దీని ధర రూ.69,995. వినూత్నమైన ఫీచర్స్, నూతన టోన్స్, యూజర్ ప్రోగ్రామ్ బుల్ రిథమ్స్, బిల్టిన్ స్పీకర్స్‌ను కలగలిపి ఉన్న ఆకర్షణీయమైన బ్లూ కేస్‌లో ఈ డిజిటల్ పియానో వినియోగదారులకు అందుబాటులో ఉంటుందని కంపెనీ ఒక ప్రకటనలో తెలిపింది. ఇందులో 5.3 అంగుళాల డిస్‌ప్లేతో కలర్ టచ్ ఇంటర్‌ఫేజ్, ఎబోనీ-ఐవరీ కీలతో ట్రై-సెన్సర్ స్కేల్డ్ హామర్ యాక్షన్ కీబోర్డ్, 256 నోట్ పోలిఫోనీ వంటి తదితర ప్రత్యేకతలు ఉన్నాయని వివరించింది. గ్రేట్ సౌండింగ్ ఫిల్టర్స్, రెస్పాన్సివ్ ఎన్వలప్స్, ఎక్స్‌టెన్సివ్ మాడ్యులేషన్స్‌తో పిఎక్స్-560 ఒక చక్కటి పర్‌ఫార్మన్స్ ఇన్‌స్ట్రుమెంట్‌గా ఉంటుందని కాసియో ఇండియా వైస్ ప్రెసిడెంట్ కుల్‌భూషణ్ సేథ్ పేర్కొన్నారు.