పోలీస్స్టేషన్ సమీపంలో దొంగల హల్చల్

మరిపెడ: పోలీస్ స్టేషన్‌కు కూతవేటు దూరంలో దొంగలు బీభత్సం సృష్టించారు. ఒకే రోజు మూడు దుకాణాలలో చోరీలకు పాల్పడి పోలీసులకు సవాల్ విసురుతున్నారు. ఈ సంఘటన వరంగల్ జిల్లా మరిపెడ పోలీస్ స్టేషన్ సమీపంలో బుధవారం అర్ధరాత్రి జరిగింది. పోలీస్ స్టేషన్ సమీపంలో ఉన్న ఓ మెడికల్ షాపులో దొంగలు పడి రూ. 15 వేల నగదు, పక్కనే ఉన్న పాన్ షాప్ నుంచి రూ. 3 వేల నగదు, ఆ పక్కనే ఉన్న వైన్ షాప్ నుంచి విలువైన మద్యం బాటిల్లు ఎత్తుకెళ్లారు.

సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు. కాగా.. పెట్రోలింగ్ నిర్వహించకపోవడం తోనే దొంగలు రెచ్చిపోతున్నారని స్థానికులు ఆందోళన చెందుతున్నారు. ఇప్పటికైన పోలీసులు మేల్కొని పెట్రోలింగ్ ఏర్పాటు చేయాలని స్థానికులు డిమాండ్ చేస్తున్నారు.