సెమీస్‌లో వృశాలి, ప్రమద

స్టేట్ సీనియర్ బ్యాడ్మింటన్ చాంపియన్‌షిప్

హైదరాబాద్: తెలంగాణ సీనియర్ బ్యాడ్మింటన్ చాంపియన్‌షిప్ మహిళల సింగిల్స్‌లో వృశాలి, ప్రమద సెమీఫైనల్‌కు చే రుకున్నారు. మంచిర్యాలలో జరుగుతోన్న ఈ టోర్నీలో శనివారం జరిగిన క్వార్టర్స్‌లో వృశాలి (రంగారెడ్డి) 21-9, 21-6తో రమిజా ఫైజాన్ (వరంగల్)పై గెలుపొందగా... ప్రమద (మెదక్) 21-16, 21-19తో వంశికను ఓడించింది.

ఇతర మ్యాచ్‌ల్లో పూజ (హైదరాబాద్) 21-16, 21-14తో సుప్రియ (రంగారెడ్డి)పై, వైష్ణవి (రంగారెడ్డి) 21-11, 21-4తో పూర్వి సింగ్ (నిజామాబాద్)పై విజయం సాధించారు. మహిళల డబుల్స్ క్వార్టర్స్‌లో పూజ-రమిజా ఫైజాన్ (వరంగల్ ) జోడి 21-12, 21-13తో నితీష (వరంగల్)-వంశిక (రంగారెడ్డి) జంటపై నెగ్గి సెమీస్‌లోకి ప్రవేశించింది.

 ఇతర మ్యాచ్‌ల ఫలితాలు
 పురుషుల సింగిల్స్ క్వార్టర్స్ ఫలితాలు
 సిరిల్ వర్మ (మెదక్) 21-18, 21012తో ఆదిత్య (ఖమ్మం)పై, విజేత (హైదరాబాద్) 21-12, 21-7తో భార్గవ (రంగారెడ్డి)పై, కిరణ్ కుమార్ (ఆదిలాబాద్) 21-15, 21-15తో గోపాలకృష్ణ (రంగారెడ్డి)పై, రాహుల్ యాదవ్ (హైదరాబాద్) 21-19, 21-12తో సాగర్ (మెదక్)పై నెగ్గారు.

 పురుషుల డబుల్స్  క్వార్టర్స్ ఫలితాలు
 తనిష్క్- వినాయక్ (హైదరాబాద్) జోడి 21-11, 21-18తో రితిన్-అనిష్ చంద్ర (వరంగల్) జంటపై, గోపాలకృష్ణ (రంగారెడ్డి)-ఆదిత్య (ఖమ్మం) జోడి 21-19, 21-12తో అన్వేష్-సతీశ్ (హైదరాబాద్) జంటపై, రాహుల్ యాదవ్-గోపి రాజు (హైదరాబాద్) జోడి 21-15, 21-13తో భవదీర్-విఘ్నేశ్ (రంగారెడ్డి) జంటపై, రాహుల్-శ్రవణ్ (రంగారెడ్డి) జోడి 21-13, 22-20తో నవనీత్-తరుణ్ కుమార్ (మెదక్) జంటపై పైచేయి సాధించారు.