మిల్కీ బ్యూటీ తమన్నా టాలీవుడ్ లో మళ్లీ జోరు పెంచింది. వరుసగా సినిమాలు చేస్తోంది. ఇప్పటికే రెండు భారీ సినిమాల్లో నటిస్తున్న ఈ అందాల భామ మరో సినిమాకు సంతకం చేసింది. ప్రముఖ నిర్మాత బెల్లంకొండ సురేష్ తనయుడు శ్రీనివాస్ తో జతకట్టేందుకు తమన్నా అంగీకరించింది. అల్లుడు శీనుతో తెరంగ్రేటం చేసిన శ్రీనివాస్ రెండో సినిమాకు రెడీ అవుతున్నాడు. దీనికి బోయపాటి శ్రీను దర్శకత్వం వహించనున్నాడు.
 
 ఈ సినిమాలో నటిస్తున్నట్టు తమన్నా ధ్రువీకరించింది. స్క్రిప్ట్ తనకెంతో నచ్చిందని, తన పాత్ర బాగా కుదిరిందని ఆమె తెలిపింది. మిగతా వివరాలు వెల్లడించేందుకు ఆమె నిరాకరించింది. ఈ సినిమా షూటింగ్ కోసం ఆసక్తిగా ఎదురు చూస్తున్నట్టు చెప్పింది. అయితే శ్రీనివాస్ తో మొదటి సినిమాలోనే తమన్నా నటించింది. అల్లుడు శీను లో ఐటెం సాంగ్ లో తమన్నా మెరిసింది.