సాక్షి, అమరావతి: రాష్ట్రంలో భర్తీ చేయనున్న కానిస్టేబుల్‌ పోస్టులకు సంబంధించి కాకినాడలో దేహదారుఢ్య పరీక్ష నిర్వహించనున్నట్లు ఏపీ స్టేట్‌ లెవెల్‌ పోలీసు రిక్రూట్‌మెంట్‌ బోర్డు చైర్మన్ అతుల్‌సింగ్‌ శుక్రవారం తెలిపారు. కాకినాడ మినహా అన్ని జిల్లాల్లోనూ ఈ పరీక్షలు పూర్తి అయ్యాయని, ఇటీవల తుపాను ప్రభావం కారణంగా కాకినాడలో వాయిదా పడిన దేహదారుఢ్య పరీక్షలను 24 నుంచి ఈ నెల 31 వరకు కొనసాగిస్తున్నట్టు పేర్కొన్నారు. రాష్ట్ర వ్యాప్తంగా 3,216 సివిల్‌ కానిస్టేబుల్స్, 1,067 ఏఆర్‌ కానిస్టేబుల్స్, వార్డర్స్‌(పురుషులు) 240, మహిళలు 25 పోస్టుల భర్తీకి రాత పరీక్షల అనంతరం దేహదారుఢ్య పరీక్షల ప్రక్రియ చేపట్టినట్టు ఆయన వివరించారు.