అనంతగిరి(విశాఖపట్నం): ఎదురెదురుగా వస్తున్న రెండు ఆటోలు ఒకదానిని మరోకటి ఢీకొనడంతో ఐదుగురు వ్యక్తులు తీవ్రంగా గాయపడ్డారు. ఈ ఘటన విశాఖపట్నం జిలా అనంతగిరి మండలంలో చోటుచేసుకుంది. విజయనగరం జిల్లా మామిడిపల్లెకు చెందిన వారు అరకలోయ మండలంలోని సుంకరమెట్ట సంతకు వెళ్లి వస్తుండగా అనంతగిరి మండలంలోని మూలిగూడ వద్ద వీరు ప్రయాణిస్తున్న ఆటోను మరో ఆటో ఢీకొట్టింది. దీంతో తీవ్రంగా గాయపడిన వారిని ఏరియా ఆస్పత్రికి తరలించి చికిత్స అందిస్తున్నారు.


 కర్నూలు(పెద్దకడబూరు): పెద్దకడబూరు మండలానికి సమీపంలోని మఠమమ్మబండ వద్ద పెద్దకడబూరు-ఆధోని రహదారిపై ఎదురెదురుగా వస్తున్న రెండు ఆటోలు ఢీకొన్నాయి. ఈ ప్రమాదంలో లింగన్న(12) అనే ఏడో తరగతి విద్యార్థి తీవ్రగాయాలయ్యాయి. గాయపడిన విద్యార్థిని ఆసుపత్రికి తరలించగా.. చికిత్సపొందుతూ మరణించాడు. పోలీసులు కేసు నమోదు చేసుకుని దర్యాప్తు చేస్తున్నారు.