తెలుగు సినిమా స్థాయిని పెంచిన బాహుబలి రిలీజ్ అయ్యి ఏడాది దాటిన ఇప్పటికీ రికార్డ్ల వేట కొనసాగుతూనే ఉంది. ఇప్పటికే ఎన్నో అవార్డులు రివార్డులు అందుకున్న బాహుబలి, పలు జాతీయ అంతర్జాతీయ వేదికల మీద ప్రదర్శింపబడింది. తాజాగా మరో అరుదైన గౌరవం బాహుబలి ఖాతాలో చేరింది. ప్రతిష్టాత్మక బ్రిక్స్ సమిట్లో బాహుబలి చిత్రాన్ని ప్రదర్శించనున్నారు.
 
 భారత్తో పాటు బ్రెజిల్, రష్యా, చైనా, సౌత్ ఆఫ్రికాలు భాగంగా ఉన్న బ్రిక్స్ సమిట్ సెప్టెంబర్ 2 నుంచి 6 వరకు ఢిల్లీ జరగనుంది. ఈ సమిట్లో ప్రతీ దేశం నుంచి నాలుగు సినిమాలను ప్రదర్శిస్తారు. ఈ ఏడాది భారత్ తరుపున ప్రదర్శనకు అర్హత సాధించిన సినిమాలో బాహుబలి కూడా ఉండటం విశేషం. బాహుబలితో పాటు బాజీరావ్ మస్తానీ, సినిమావాలా(బెంగాళీ), తితీ(కన్నడ) చిత్రాలను ప్రదర్శించనున్నారు.


 ఎప్పటికప్పుడు తన ట్వీట్లతో సంచలనాలు సృష్టించే వివాదాస్పద దర్శకుడు రాంగోపాల్ వర్మ.. తాజాగా మరో వ్యాఖ్య చేశాడు. వరల్డ్ పవనిజం డే గురించి గుర్తుచేస్తూ.. సర్దార్ గబ్బర్సింగ్ సినిమా మొత్తం ప్రపంచం అంతటికీ వెళ్లాలని తాను నమ్ముతున్నానన్నాడు. బాహుబలి కంటే ఎక్కువగా ఇది వెళ్తుందని నమ్ముతున్నట్లు రాంగోపాల్ వర్మ ట్వీటాడు.
 
 పవన్ కల్యాణ్ తెలుగు సినీ పరిశ్రమలోకి అడుగుపెట్టిన రోజును గుర్తు చేసుకునేందుకు ఆయన అభిమానులు వరల్డ్ పవనిజం డే అని ఒకదాన్ని ప్రారంభించారు. దాన్ని దృష్టిలో పెట్టుకునే వర్మ ఈ వ్యాఖ్యలు చేశాడు.
  
 
 On this #WorldPawanismDay I truly believe that Sardar Gabbar Singh will reach out to the entire whole world more than Bahubali
 — Ram Gopal Varma (@RGVzoomin) October 12, 2015