మహేశ్‌ బాబు 'బ్రహ్మోత్సవం' సినిమాతో చైల్డ్‌ ఆర్టిస్టుగా పరిచయమై నేడు ప్రపంచవ్యాప్తంగా గుర్తింపు దక్కించుకున్న అవంతిక వందనపు హాలీవుడ్‌లో సత్తా చాటుతుంది. తాజాగా ఆమె నటించిన హాలీవుడ్‌ సినిమా ఓటీటీలోకి వచ్చేసింది. ఈ మధ్య  టాలీవుడ్‌ ప్రేక్షలు కూడా భాషతో సంబంధం లేకుండా కంటెంట్‌ బాగుంటే అన్ని సినిమాలను చూస్తున్న విషయం తెలిసిందే. ఈ క్రమంలో అవంతిక నటించిన చిత్రం తాజాగా ఓటీటీలోకి రావడంతో అమెరికాలోని తెలుగు ప్రేక్షకులు క్రేజీగా చూస్తున్నారు. హాలీవుడ్‌లో 'మీన్‌ గర్ల్స్‌- ది మ్యూజికల్' అనే సినిమాలో అవంతిక కీలకపాత్ర పోషించింది.  జనవరి 12న  ప్రేక్షకుల ముందుకు వచ్చిన ఈ సినిమా అక్కడి ప్రేక్షకులను మెప్పించింది. ఈ చిత్రంలో ఆమె నటన పట్ల హాలీవుడ్‌ ప్రేక్షకులు ప్రశంసించారు. టీన్‌ కామెడీ చిత్రంగా వచ్చిన ఇందులో  హాలీవుడ్‌ ప్రముఖ నటులతో కలిసి అవంతిక నటించింది. ఈ చిత్రంలోని బోల్డ్‌ సాంగ్‌ ఒకటి ఇప్పటికీ కూడా నెట్టింట వైరల్‌ అవుతుంది. 'మీన్‌ గర్ల్స్‌-ది మ్యూజికల్' అనే సినిమా ఓటీటీలో మంచి రెస్పాన్స్‌ను అందుకుంటోంది. అమెజాన్ ప్రైమ్ వీడియోలో స్ట్రీమింగ్ అవుతున్న ఈ సినిమా ఇప్పటికే హాలీవుడ్‌లో ట్రెండింగ్‌ అవుంతుంది. కానీ ఈ సినిమాను ప్రస్తుతం ఇండియన్‌ ప్రేక్షకులు చూడలేరు.  ప్రస్తుతానికి అమెరికాలో మాత్రమే స్ట్రీమింగ్ అవుతోంది. త్వరలో ఇండియన్‌ ప్రేక్షకులకు కూడా యాక్సెస్‌ రావచ్చని సమాచారం.  'బ్రహ్మోత్సవం' సినిమాలో మహేశ్‌ బాబుకు చెల్లెలుగా నటించిన అవంతిక పలు వాణిజ్య ప్రకటనల్లో కూడా నటించింది. కానీ ఆ తర్వాత ఏ తెలుగు సినిమాలోనూ ఆమె కనిపించలేదు.  ప్రస్తుతం ఆమె నటించిన మరో రెండు హాలీవుడ్‌ చిత్రాలు విడుదలకు సిద్ధంగా ఉన్నాయి. వీటితో పాటు మూడు హాలీవుడ్‌ వెబ్‌ సిరీస్‌ల్లోనూ అవంతిక నటిస్తోంది. 


 హైదరాబాద్‌ : అమీర్‌పేట బిగ్‌బజార్‌లోని బిగ్‌సినిమాస్‌లో శుక్రవారం అభిమానులు ఆందోళన చేశారు. ఈ రోజు  విడుదలైన బ్రహ్మాత్సవం సినిమా సాయంత్రం షోలో అభిమానులు నిరసన వ్యక్తం చేశారు. సినిమా మొదటిభాగం తర్వాత ఏసీలు పనిచేయకపోవడంతో ప్రేక్షకులు అసహనం వ్యక్తం చేశారు. ఎంతసేపటికీ ఏసీలు పనిచేయకపోవడంతో సినిమాను నిలుపుదల చేశారు. అభిమానుల నిరసన మేరకు వారి సినిమా టికెట్ ధరను బిగ్‌సినిమాస్ యాజమాన్యం వెనక్కి ఇచ్చారు. మల్టీప్లెక్స్‌లలో సినిమా మధ్యలో సాంకేతిక లోపాలు రాకుండా తగు జాగ్రత్తలు, ప్రత్యామ్నయ చర్యలు తీసుకోవాలని అభిమానులు కోరారు.