పోచంపల్లి వస్త్ర సోయగం.. సిటీవాసులను పలకరించింది. మాదాపూర్‌లోని చిత్రమయి స్టేట్ ఆర్ట్ గ్యాలరీలో ఆదివారం పోచంపల్లి ఇకత్ ఆర్ట్‌మేళాను టాలీవుడ్ నటి మనాలి రాథోడ్ ప్రారంభించింది. లంగాఓణిలో తళుక్కుమన్న రాథోడ్.. సంప్రదాయానికి ప్రతీకగా నిలిచింది. ష్యాషన్ లుక్.. ట్రెడిషనల్ మార్క్.. ఈ రెండూ చేనేత వస్త్రాల్లోనే కనిపిస్తాయన్నారామె. తాను కూడా చేనేత వస్త్రాలను ఇష్టంగా ధరిస్తానని చెప్పారు. ఈ నెల 21 వరకు కొనసాగే ప్రదర్శనలో..
 
 డిజైనర్ శారీస్, సిల్క్ అండ్ కాటన్ డ్రస్ మెటీరియల్స్, కుర్తాలు, టేబుల్ లెనిన్ వంటి రకరకాల ఉత్పత్తులు అందుబాటులో ఉన్నాయి. ఉదయం 10 గంటల నుంచి రాత్రి 8 గంటల వరకు ప్రదర్శన కొనసాగుతుంది.