నగరంలో వెరైటీ చోరుడు
 సోషల్ మీడియాలో వీడియో హల్‌చల్
  
 సిటీబ్యూరో: ‘కాదేదీ చోరీకి అనర్హం’ అనుకుంటున్నాడేమో ఆ దొంగ. ద్విచక్ర వాహనంపై దర్జాగా వచ్చి... దుకాణాల ముందు ఉంటున్న కరెంట్ బల్బులు చోరీ చేస్తున్నాడు. ఫిబ్రవరి 27వ తేదీ తెల్లవారుజామున జరిగిన ఈ తరహా చోరీ సీసీ కెమెరాల్లో రికార్డయింది. అది ఏ ప్రాంతంలో జరిగిందో స్పష్టంగా లేకపోయినప్పటికీ... మొత్తం 1.42 నిమిషాల నిడివితో ఉన్న ఓ వీడియో సోషల్ మీడియాలో హల్‌చల్ చేస్తోంది.
 
 ఇలాంటి సెకండ్ హ్యాండ్ వస్తువులకు నగరంలోనికొన్ని మార్కెట్లలో మంచి డిమాండ్ ఉందని పోలీసులు చెబుతున్నారు. బల్బులైతే పెద్దగా ఎవరూ పట్టించుకోరని... సులువుగా డబ్బుగా మార్చుకోవచ్చనే ఉద్దేశంతో ఆ దొంగ ఈ మార్గాన్ని ఎంచుకున్నట్టు ఉంది.