కుక్కలు పిల్లి నడకలు నడిస్తే ఎలాగుంటుంది? ఏటా న్యూయార్క్‌లో నిర్వహించే డాగీస్ అండ్ టయారాస్ పోటీకి వెళ్తే.. మనకా విషయం తెలుస్తుంది. ఈ బుల్లి కుక్కల అందాల పోటీలో యాక్టివ్ వేర్, టాలెంట్, ఈవెనింగ్ వేర్ వంటి విభాగాలుంటాయి. ఆయా విభాగాల్లో వచ్చే మార్కుల ఆధారంగా విజేతను ప్రకటిస్తారు.
  
 గౌన్లు, ఫ్రాకులు వంటి వివిధ డ్రస్సులేసుకుని బుల్లి కుక్కలు ర్యాంప్‌పై క్యాట్‌వాక్ చేస్తుంటే.. చూడముచ్చటగా ఉంటుంది. ఈ పోటీల్లో పాల్గొనాలనుకునే శునకాల యజమానులు ఎంట్రీ ఫీజు కింద రూ.4,500 చెల్లించాలి. ఈ పోటీల ద్వారా వచ్చే డబ్బును వీధి కుక్కల సంక్షేమానికి ఉపయోగిస్తారు.