అసోం: అసోంలోని గౌహతిలో శనివారం జంట బాంబు పేలుళ్లు సంభవించాయి. నిత్యం రద్దీగా ఉండే ఫ్యాన్సీ బజార్ ప్రాంతంలో ఓ దేవాలయానికి సమీపంలోని చెత్త డంప్లో ఒక్కసారిగా నాటు బాంబులు పేలడంతో నలుగు వ్యక్తులు తీవ్రంగా గాయపడ్డారు. వారిని చికిత్స నిమిత్తం ఆస్పత్రికి తరలించారు. 
  
 గౌహతి పోలీస్ కమిషనర్ ముఖేష్ అగర్వాల్ సంఘటనా స్థలాన్ని పరిశీలించారు. ఉల్ఫా తీవ్రవాదులే ఈ ఘటనకు పాల్పడి ఉంటారని ఆయన పేర్కొన్నారు. పేలుడు పదార్థాలను దేవాలయానికి దగ్గరలో చెత్తకుండి డంప్ కింద అగంతకులు పెట్టినట్టుగా  అనుమానిస్తున్నారు. ఇందుకు సంబంధించి పూర్తి వివరాలు ఇంకా తెలియాల్సి ఉంది.