- ‘జూనియర్‌’ ఎంపీసీలో 465 మార్కులతో జిల్లా టాపర్‌
 అనంతపురం ఎడ్యుకేషన్‌ : ఇంటర్‌ ప్రథమ సంవత్సరం ఎంపీసీ విభాగంలో రూప శ్రీలేఖ 470 మార్కులకుగాను 465 మార్కులు సాధించి జిల్లా ప్రథమ స్థానంలో నిలిచింది. నారాయణ జూనియర్‌ కళాశాలలో చదువుతున్న శ్రీలేఖ ఈ సందర్భంగా మాట్లాడుతూ జిల్లా ప్రథమస్థానం దక్కించుకోవడం చాలా ఆనందంగా ఉందని పేర్కొంది. ప్రణాళిక ప్రకారం చదివితే మార్కులు సాధించడం సులువేనంది. అధ్యాపకులు, తల్లిదండ్రుల ప్రోత్సాహం బాగా కలిసొచ్చిందని, ఇదే స్ఫూర్తితో ద్వితీయ సంవత్సరంలోనూ కష్టపడి చదువుతానని చెప్పింది.