‘దృశ్యం’ వంటి హిట్ చిత్రం తర్వాత శ్రీప్రియ దర్శకత్వంలో రూపొందిన చిత్రం ‘ఘటన’. నిత్యామీనన్ లీడ్ రోల్‌లో, క్రిష్ జె.సత్తార్ హీరోగా మలయాళంలో రూపొందిన ‘22 ఫిమేల్ కొట్టాయమ్’ చిత్రాన్ని మల్కాపురం శివకుమార్ సమర్పణలో వి.ఆర్. కృష్ణ ‘ఘటన’ పేరుతో తెలుగు, తమిళ భాషల్లో చేశారు. ‘‘ఈ చిత్రంలో నిత్యామీనన్ నటన చూస్తే, ‘ప్రతిఘటన’ చిత్రంలో విజయశాంతిలా అనిపిస్తారు. రేపు ఈ చిత్రాన్ని రిలీజ్ చేస్తున్నాం’’ అని తెలిపారు.


 - దర్శకురాలు శ్రీప్రియ
  ‘‘ఆడదంటే ఆటబొమ్మ కాదు.. ఆది పరాశక్తి అనే కథాంశంతో తెరకెక్కిన చిత్రమిది. నిత్యా మీనన్ అద్భుతంగా నటించింది’’ అన్నారు దర్శకురాలు శ్రీప్రియ. క్రిష్ జె.సత్తార్, నిత్యా మీనన్ జంటగా ‘దృశ్యం’ ఫేమ్ శ్రీప్రియ దర్శకత్వంలో వీఆర్ కృష్ణ.యం నిర్మించిన సినిమా ‘ఘటన’. మలయాళంలో ఘన విజయం సాధించిన ‘22 ఫీమేల్ కొట్టాయం’ చిత్రానికి తెలుగు రీమేక్ ఇది. శనివారం ప్రమోషనల్ సాంగ్ విడుదల చేశారు. అతిథిగా హాజరైన నిర్మాత రాజ్ కందుకూరి మాట్లాడుతూ - ‘‘ఎవరూ స్పృశించని విభిన్నమైన కథ ఇది.
  
   నర్సు ఉద్యోగాల కోసం విదేశాలు వెళ్లే అమ్మాయిలు ఎలాంటి సమస్యలు ఎదుర్కొన్నారనే విషయాల ఆధారంగా శ్రీప్రియ ఈ సినిమా తీశారు. ఇటువంటి మహిళా సినిమాలు తీయడానికి మహిళా దర్శకురాలే కరెక్ట్’’ అన్నారు. వచ్చే నెలలో చిత్రాన్ని విడుదల చేయడానికి సన్నాహాలు చేస్తున్నట్లు నిర్మాత వీఆర్ కృష్ణ.యం తెలిపారు. నరేశ్, కోట శ్రీనివాసరావు, కోవై సరళ తదితరులు నటించిన ఈ చిత్రానికి కెమేరా: మనోజ్ పిళ్లై, పాటలు: అనంత శ్రీరామ్, సంగీతం: అరవింద్ శంకర్, సమర్పణ: బేబీ సంస్కృతి.యం, బేబీ అక్షర.యం.
  


 ‘‘భిన్నమైన కథలు, కథనాలతో రూపొందుతున్న ‘దృశ్యం’లాంటి చిత్రాలను ప్రేక్షకులు ఆదరిస్తున్నారు. ఆ చిత్రదర్శకు రాలు శ్రీప్రియ నుంచి వస్తున్న మరో విభిన్నమైన చిత్రమిది. ఇప్పటివరకూ చేయని పాత్రను ఇందులో చేశాను’’ అన్నారు సీనియర్ నరేశ్. నిత్యామీనన్, క్రిష్ జె.సత్తార్, నరేశ్ ముఖ్య తారలుగా శ్రీప్రియ దర్శకత్వంలో వీఆర్ క్రిష్ణ యం. నిర్మిం చిన చిత్రం ‘ఘటన’. శుక్రవారం థియేట్రికల్ ట్రైలర్ విడుదల చేశారు. వీఆర్ క్రిష్ణ మాట్లాడుతూ - ‘‘ఓ అమ్మాయి తనకు జరిగిన అన్యాయంపై ఎలా ప్రతీకారం తీర్చు కుందనేది కథ.  ఆగస్టు 31న ప్లాటినమ్ డిస్క్ వేడుక, సెప్టెంబర్‌లో చిత్రాన్ని రిలీజ్ చేయాలనుకుంటున్నాం’’ అన్నారు.
  


 వెంకటేష్ హీరోగా తెరకెక్కిన మలయాళ రీమేక్ సినిమా దృశ్యంతో డైరెక్టర్గా పరిచయం అయ్యింది సీనియర్ నటి శ్రీ ప్రియ. తొలి సినిమాతోనే అందరి దృష్టిని ఆకర్షించిన ఈమె, తన రెండో ప్రయత్నంగా కూడా ఓ థ్రిల్లర్ సినిమానే ఎంచుకుంది. రీమేక్ సినిమాతో ఎంట్రీ ఇచ్చిన శ్రీ ప్రియ ప్రస్తుతం ఓ స్ట్రయిట్ సినిమాను రూపొందిస్తోంది. ఈ సినిమాలో లేడి ఓరియంటెడ్ సినిమాల కేరాఫ్ అడ్రస్ నిత్యామీనన్ ప్రధాన పాత్రలో నటిస్తోంది.
  
 ఘటన పేరుతో రూపొందుతున్న ఈ సినిమా ట్రైలర్ ఇటీవల రిలీజ్ అయ్యింది. లవ్ కం రివేంజ్ డ్రామాగా తెరకెక్కుతున్న ఈ సినిమాను కూడా తన మార్క్ థ్రిల్లర్ గా రూపొందిస్తోంది శ్రీ ప్రియ. సన్ మూన్ క్రియేషన్స్ బ్యానర్పై నిర్మిస్తున్న ఘటనను సెప్టెంబర్లో రిలీజ్ చేసేలా ప్లాన్ చేస్తున్నారు. నిత్యా మీనన్తో పాటు క్రిష్, నరేష్, కోట శ్రీనివాసరావు, కోవై సరళలు ఇతర ప్రధాన పాత్రల్లో నటిస్తున్నారు.