ఇటీవల భూమి సినిమాతో ఆకట్టుకున్న బాలీవుడ్ సీనియర్ హీరో సంజయ్ దత్ ద గుడ్ మహారాజా అనే సినిమాలో నటిస్తున్నట్టుగా కొద్ది రోజులుగా వార్తలు వినిపిస్తున్నాయి. సంజయ్ లీడ్ రోల్ లో భూమి చిత్రాన్ని రూపొందించిన ఒమంగ్ కుమార్ దర్శకత్వంలోనే ద గుడ్ మహారాజా తెరకెక్కనుంది. దీంతో ఈ వార్తలకు మరింత బలం చేకూరింది. ఈ సినిమాలో సంజయ్ దత్, నవానగర్ మహారాజా సాహిబ్ దిగ్విజయ్ సింగ్జీ రజింత్ సింగ్జీ పాత్రలో కనిపించనున్నారని ప్రచారం జరిగింది. రెండో ప్రపంచ యుద్ధం సమయంలో వందలాది చిన్నారలకు ఆశ్రయం కల్పించిన సాహిబ్ చరిత్ర పుటల్లో నిలిచిపోయారు. ఈ ఆసక్తికర కథతో ఒమాంగ్ కుమార్ తెరకెక్కించబోయే సినిమాను పోలిష్ ఇంగ్లీష్ నిర్మాణ సంస్థలు నిర్మిస్తాయన్న ప్రచారం జరిగింది. అయితే తాజాగా సమాచారం ప్రకారం ద గుడ్ మహరాజా సినిమాలో సంజయ్ దత్ నటించటంలేదట. ఇప్పటికే రిలీజ్ అయిన ఫోటోలు విజువల్ రిప్రజెంటేషన్ కోసం ఫొటోషాప్ ద్వారా తయారు చేసినవి మాత్రమే అని చిత్రయూనిట్ తెలిపారు. ప్రస్తుతం సంజయ్ సాహెబ్ బీవీ ఔర్ గ్యాంగ్ స్టర్ 3 సినిమాతో పాటు మరో రెండు సినిమాలో బిజీగా ఉన్నాడు.


 
 ప్రస్తుతం భూమి సినిమా రిలీజ్ కోసం ఎదురుచూస్తున్న బాలీవుడ్ సీనియర్ హీరో సంజయ్ దత్ తన నెక్ట్స్ సినిమాను ఎనౌన్స్ చేశారు. ఎమోషనల్ థ్రిల్లర్ గా తెరకెక్కుతున్న భూమి తరువాత ఓ చారిత్రక చిత్రంలో నటించనున్నారు. ప్రస్తుతం సంజయ్ లీడ్ రోల్ లో భూమి చిత్రాన్ని రూపొందిస్తున్న ఒమంగ్ కుమార్ దర్శకత్వంలోనే ద గుడ్ మహారాజా తెరకెక్కనుంది.
 
 ఈ సినిమాలో సంజయ్ దత్, నవానగర్ మహారాజా సాహిబ్ దిగ్విజయ్ సింగ్జీ రజింత్ సింగ్జీ పాత్రలో కనిపించనున్నారు. రెండో ప్రపంచ యుద్ధం సమయంలో వందలాది చిన్నారలకు ఆశ్రయం కల్పించిన సాహిబ్ చరిత్ర పుటల్లో నిలిచిపోయారు. ఇప్పడు అదే కథను వెండితెర మీద ఆవిష్కరించనున్నారు ఒమాంగ్ కుమార్. పోలిష్ ఇంగ్లీష్ నిర్మాణ సంస్థలు ఈ సినిమాను తెరకెక్కించనున్నాయి.
 
 తమకు మహారాజాకు సంబంధించిన కొన్ని ఫోటోలు లభ్యమయ్యాయని తెలిపిన దర్శకుడు వాటి ఆధారంగానే సంజయ్ దత్ లుక్ ను డిజైన్ చేసినట్టుగా తెలిపారు. అయితే కొన్ని విషయాల్లో సినిమాటిక్ లిబర్టీ తీసుకున్నామని వెల్లడించారు. ఈ సినిమాను భారీ బడ్జెట్ తో అంతర్జాతీయ చిత్రంగా తెరకెక్కించనున్నారు.