హన్నోవర్: డెమోగ్రఫీ, డెమొక్రసీ, డిమాండ్(3డీ)  ఈ మూడు అంశాలు ప్రపంచం భారత్ వైపు చూసేలా చేస్తున్నాయని ప్రధాని నరేంద్ర మోదీ అన్నారు. తమ దేశంలో అవకాశాలను అందిపుచ్చుకునేందుకు పెట్టుబడులు పెట్టాలని విదేశీ ఇన్వెస్టర్లను కోరారు. జర్మనీ హన్నోవర్లో ఏర్పాటుచేసిన అంతర్జాతీయ వాణిజ్య ప్రదర్శనను ఆయన ప్రారంభించారు.
 
 ఈ సందర్భంగా మాట్లాడుతూ... సంక్లిష్టంగా ఉన్న పన్నుల విధానాన్ని ఎత్తివేశామని వెల్లడించారు. పన్నుల విధానాన్ని సరళీకరిస్తామని తమ ప్రభుత్వ మొదటి బడ్జెట్ లోనే పేర్కొన్నామని తెలిపారు. అభివృద్ధికి ఆటంకం కలిగించే పాత భావనలను అవసరమైతే వదులుకునేందుకు వెనుకాడబోమని మోదీ స్పష్టం చేశారు.


 హన్నోవర్:  జర్మనీ హన్నోవర్లో ఏర్పాటుచేసిన అంతర్జాతీయ వాణిజ్య ప్రదర్శను  ప్రధానమంత్రి మోదీ, జర్మనీ ఛాన్సలర్   ఏంజెల్ మోర్కెల్  ప్రారంభించారు.  ఈ  ప్రదర్శనలో భారతీయ స్టాల్‌ను మోదీ ప్రారంభించారు. ఈ సందర్భంగా ప్రధాని మాట్లాడుతూ   తయారీ రంగంలో ప్రపంచానికి భారత్ కేంద్రంగా మారుతుందని పేర్కొన్నారు. పెట్టుబడులపై ప్రపంచ దేశాలన్నీ  భారత్ వైపు  చూస్తున్నాయన్నారు.    ఈ సదస్సులో తమ దేశానికి భాగస్వామ్యం కల్పించినందుకు  ప్రధాని సంతోషం వ్యక్తం  చేశారు.  భారత్‌ లో  పెట్టుబడులు పెట్టేందుకు అందరినీ ఆహ్వానిస్తున్నాననీ, ఇందుకోసం జర్మనీతోపాటు ప్రపంచదేశాలు ముందుకురావాలని ఆయన కోరారు. నాలుగు వందల భారత కంపెనీలు  పాల్గొంటున్న ఈ  ప్రదర్శనలో నిర్మలా సీతారామన్  కూడా హాజరయ్యారు. అయితే
 కాగా  మూడు దేశాల్లో తొమ్మది రోజుల పర్యటనలో భాగంగా  ఫ్రాన్స్ పర్యటనను  ఇప్పటికే ముగించిన ప్రధాని మోదీ జర్మనీలో రెండురోజుల పర్యటన అనంతరం కెనడాకు బయలుదేరి వెళ్ళనున్నారు.