ప్రేమని సీరియస్‌గా కాకుండా సిల్లీగా తీసుకుంటే ఎలాంటి పరిణామాలు సంభవిస్తాయి? రెండు మనసులకు సంబంధించినది అని కాకుండా, ఈ ప్రేమవల్ల లాభనష్టాలేంటి? అని వ్యాపార ధోరణిలో బేరీజు వేసుకుంటే ఏం జరుగుతుంది? అనే అంశాల సమాహారంతో రూపొందిన చిత్రం ‘జస్ట్ బిజినెస్’. హరిచరణ్, దివ్యాసింగ్ జంటగా శ్రీని బొగడపాటి స్వీయదర్శకత్వంలో తెరకెక్కించిన ఈ చిత్రం ఈ నెలాఖరున విడుదల కానుంది. ఈ సందర్భంగా దర్శక, నిర్మాత మాట్లాడుతూ - ‘‘సందేశంతో కూడిన వినూత్న ప్రేమకథా చిత్రం ఇది. అజయ్ పట్నాయక్ స్వరపరచిన పాటలకు మంచి స్పందన లభిస్తోంది. సినిమా కూడా అందరి ఆదరణ పొందుతుందనే నమ్మకం ఉంది’’ అని చెప్పారు.
  


  హరిచరణ్, దివ్యాసింగ్ జంటగా రూపొందుతోన్న చిత్రం ‘జస్ట్ బిజినెస్’. శ్రీని బొగడపాటి స్వీయ దర్శకత్వంలో ఈ చిత్రాన్ని నిర్మిస్తున్నారు. అజయ్ పట్నాయక్ స్వరాలందించిన ఈ చిత్రం పాటలను హైదరాబాద్‌లో విడుదల చేశారు. తొలిసీడీని తులసీరామ్ ఆవిష్కరించారు. ప్రతి విషయాన్నీ తమకు అనుకూలంగా మార్చుకొని వ్యాపారం చేసే వ్యక్తుల మధ్య ఓ యువకుడు ఎలా నెట్టుకొచ్చాడనే ఆసక్తికరమైన కథాంశంతో ఈ చిత్రం రూపొందిస్తున్నామని, సమాజంలో మీడియా పాత్ర ఎంత కీలకమో ఈ చిత్రం చెబుతుందని శ్రీని చెప్పారు. కథకు తగ్గట్టు మంచి సంగీతం కుదిరిందని సంగీత దర్శకుడు అన్నారు