అమ్మవారి దర్శనానికి వెళ్తున్న భార్యా భర్తలు రోడ్డు ప్రమాదంలో తీవ్రంగా గాయపడ్డారు. వారి పరిస్థితి విషమంగా ఉన్నట్లు వైద్యులు తెలిపారు. ఈ సంఘటన కర్నూలు జిల్లా బనగానపల్లె మండలం నందవరం సమీపంలో ఆదివారం చోటుచేసుకుంది. వైఎస్సార్ జిల్లా రాజుపాలెంకు చెందిన భార్యాభర్తలు ఓబుల్ రెడ్డి(35) హుస్సేనమ్మ(32) తమ ఎనిమిదేళ్ల కూతురితో కలిసి నందవరం చౌడేశ్వరి అమ్మవారి దర్శనానికి బైక్ వెళ్తున్నారు.
 ఈ క్రమంలో నందవరం పండ్లాపురం గ్రామల మధ్యకు చేరుకోగానే ఎదురుగా వస్తున్న స్కార్పియో వాహనం ఢీకొట్టింది. దీంతో భార్యా భర్తలకు తీవ్ర గాయాలయ్యాయి. ఇది గుర్తించిన స్థానికులు క్షతగాత్రులను ఆస్పత్రికి తరలించి పోలీసులకు సమాచారం అందించారు. సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు.


 చీరాల: ప్రకాశం జిల్లా చీరాల రూరల్ మండలం కొత్త కావూరిపాలెం గ్రామానికి చెందిన వైఎస్సార్ కాంగ్రెస్ పార్టీ ఎంపీటీసీ హుస్సేనమ్మ, అమె అక్క కిడ్నాప్‌కు గురయ్యారు. ఈ మేరకు హుస్సేనమ్మ భర్త శ్రీనివాసరెడ్డి, గ్రామస్తులు కలసి బుధవారం రాత్రి చీరాల వన్‌టౌన్ పోలీసుస్టేషన్‌లో ఫిర్యాదు చేశారు.
 
 గతనెల 26వ తేదీన పట్టణంలోని పాలేటి రామారావు హాస్పిటల్ వద్ద గవినివారిపాలెం గ్రామానికి చెందిన గవిని శ్రీనివాసరావు, మరో ఇద్దరు కలసి తన భార్యతో పాటు ఆమె అక్కను కూడా కిడ్నాప్ చేసినట్లు శ్రీనివాసరెడ్డి ఫిర్యాదులో పేర్కొన్నట్లు ఎస్సై శ్రీహరి తెలిపారు. నిందితులపై కేసు నమోదు చేసి దర్యాప్తు చేస్తున్నట్లు చెప్పారు.