ఐక్యరాజ్యసమితి: అంతర్జాతీయ ఆయుధ వ్యాపారానికి సంబంధించి 85 బిలియన్ డాలర్ల (సుమారు రూ. 5 లక్షల 40 వేల కోట్లు) విలువైన నియంత్రణ ఒప్పందం బుధవారం నుంచి అమలులోకి వచ్చినట్టు ఐక్యరాజ్యసమితి ప్రధాన కార్యదర్శి బాన్‌కీమూన్ వెల్లడించారు. ఉగ్రవాదులు, మానవ హక్కుల దుర్వినియోగానికి పాల్పడే వారికి ఆయుధాలు చేరకుండా ఈ ఒప్పందం సహాయపడుతుందని, ప్రధానమైన ఆయుధాల ఎగుమతిదారులు, దిగుమతిదారులు ఈ ఒప్పందంలో చేరాలని ఆయన సూచించారు. అయితే భారత్, రష్యా, చైనా, పాకిస్తాన్ సహా 23 దేశాలు ఒప్పందంపై సంతకాలు చేయలేదు.