కవిత
  
 నేనిపుడే వస్తా ఒక మనిషిని కలిసి ఒంటరిననుకుంటున్న ఒక మనిషిని కలిసి  పరమ ఏకాకితనంలో మునిగిపోయిన  ఒక మనిషిని కలిసి ఇపుడే వస్తా.
  
 ‘కలిసి ఏం చేస్తావ్?’ నువ్వు అడుగుతావు  ఏం చేయను,  అలా చేయి పట్టుకు కూచుంటా-  భుజం మీద చెయ్యేసి హత్తుకుంటా-
  
 మాటలు నిరర్థకమైనపుడు స్పర్శ మాట్లాడుతుందనుకుంటా. బహుశా అతనికి తెలియదు  అతనెంత ఒంటరో  నేనూ అంతేనని.
  అంత దూరం పోయి నన్ను నేను కలిసి వస్తానేమో
  - కె.శివారెడ్డి