బాలీవుడ్ హాట్ జంట కత్రినా కైఫ్.. రణబీర్ కపూర్ పెళ్లి చేసుకోబోతున్నారని, ముగ్గురు పిల్లలను కంటారని ఇటీవలి కాలంలో విపరీతంగా మీడియాలో కథనాలు గుప్పుమన్నాయి. అయితే.. కత్రినా మాత్రం ఇప్పట్లో పెళ్లి చేసుకోవట్లేదని ఆమె ప్రతినిధి స్పష్టం చేశారు. ఆమె త్వరలో పెళ్లి చేసుకోబోతోందంటూ వచ్చిన కథనాల్లో ఏమాత్రం వాస్తవం లేదని తెలిపారు.
 
 వచ్చే ఏడాది కత్రినా - రణబీర్ల పెళ్లి ఉందని ఇప్పటికే జాతీయ మీడియాలో పలు రకాలుగా కథనాలు వచ్చాయి. ఈ నెలాఖరులోనే వాళ్ల నిశ్చితార్థం కూడా జరుగుతుందన్నారు. ప్రస్తుతం అభిషేక్ బచ్చన్తో కలిసి 'ఫితూర్', అనురాగ్ బసు తీస్తున్న 'జగ్గా జాసూస్' చిత్రాల్లో కత్రినా నటిస్తోంది. ప్రస్తుతం తొలిసారిగా కాన్స్ అంతర్జాతీయ చిత్రోత్సవంలో పాల్గొనేందుకు ఫ్రెంచి రివెరాకు వెళ్లింది.


 తారే జమీన్ పర్, త్రీ ఇడియట్స్ లాంటి సందేశాత్మక చిత్రాల్లో నటించిన హీరో అమీర్ ఖాన్ ఇప్పుడు ధూమ్ 3లో దుమ్ము రేపాడు. కత్రినా కైఫ్తో కలిసి ఆక్రోబాట్ విన్యాసాలతో ఓ పాట చేశాడు. తన సిక్స్ ప్యాక్ బాడీని చూపిస్తూ కాగడా మంటలు పట్టుకుని, బీభత్సంగా డాన్స్ చేశాడు.
 ఇప్పటికే ధూమ్-3 ట్రైలర్లు ఆన్లైన్లో వీరవిహారం చేస్తుండగా తాజాగా యూట్యూబ్లో విడుదలైన మలంగ్ మలంగ్ పాట కూడా అదే స్థాయిలో నడుస్తోంది. ఇప్పటికే దాదాపు 26 లక్షల మందికి పైగా ప్రేక్షకులు ఈ పాట ట్రైలర్ చూశారు. 'మలంగ్ మలంగ్ దమ్ మలంగ్ మలంగ్.. మలంగ్ మలంగ్ దమ్ మలంగ్ మలంగ్ దమ్ ఇష్క్ హై మేరా' అంటూ ఈ పాట సాగింది. భారీ ఆక్రోబాట్ సెట్టింగు నడుమ లేజర్ లైట్లు, జూనియర్ డాన్సర్లతో అదరగొట్టారు.