అక్కడకు చేరిన వాళ్లందరి ఖాన్‌దాన్ ఒకటే.. అదే ‘కామిక్ కాన్’దాన్. కామిక్స్ అభిమానులంతా తమ అభిమాన కామిక్ పాత్రల వేషధారణలో వచ్చి సందడి చేశారు. ప్రపంచంలోని కామిక్ పాత్రలన్నీ ఒకేచోటికి రావడంతో సందర్శకులు ఆనంద పరవశులయ్యారు. హైటెక్స్‌లో శుక్రవారం ప్రారంభమైన ‘కామిక్ కాన్’కి నగర వాసుల నుంచి స్పందన లభించింది. మూడు రోజులు జరగనున్న ఈ కార్యక్రవుంలో రోజూ ఐదు విభాగాల్లో పోటీలు నిర్వహిస్తారు. కామిక్ బుక్/గ్రాఫిక్ నావెల్, ఏనిమేటెడ్ సిరీస్/మూవీ, మాంగా/ఏనిమీ, స్కై-ఫై/ఫాంటసీ, గేమింగ్ విభాగాల్లో నిర్వహించే పోటీల్లో ఒక్కో విభాగం నుంచి ఒక్కో విజేతను రోజూ ఎంపిక చేస్తారు. ఈ విజేతల నుంచి లక్కీ డ్రాలో ఎంపికైన లక్కీ విజేతకు వచ్చే ఏడాది షికాగోలో జరిగే కామిక్ అండ్ ఎంటర్‌టైన్‌మెంట్ ఎక్స్‌పోలో పాల్గొనే అవకాశమిస్తారు.
  
  అంతర్జాతీయ కామిక్స్ ప్రత్యేకం..
  కామిక్ కాన్‌లో అంతర్జాతీయ కామిక్ సంస్థలు ప్రత్యేక ఆకర్షణగా నిలుస్తున్నాయి. జపాన్‌కు చెందిన ఐఐఎన్‌ఈ టాయ్స్ సంస్థ ఏనిమీ అండ్ మాంగా మెర్చ్ ప్రదర్శన ఏర్పాటు చేసింది. అంతర్జాతీయ ప్రచురణ సంస్థలు ఐడీడబ్ల్యూ, ఓని ప్రెస్, ఇమేజ్ కామిక్స్ వంటివి ప్రపంచం నలు మూలలకు చెందిన కామిక్ పుస్తకాలను తీసుకొచ్చాయి. టాంకీ టాయ్స్, ఐఐఎన్‌ఈ టాయ్స్ వం టి సంస్థలు కామిక్ బొమ్మలు, టీషర్టులు, గ్లాసులు, కప్పులతో ప్రదర్శనలు పెట్టాయి. తొలిరోజు..స్యెనగరి స్టూడియోస్ ప్రదర్శించిన ‘ది రోబోస్ ఆఫ్ ధర్మ’, రాహుల్ ఫిలిప్ ప్రదర్శించిన ‘లైవ్ కాన్సెప్ట్ ఆర్ట్’ డెవూన్‌స్ట్రేషన్ ఆకట్టుకున్నాయి. రాన్ వూర్జ్, నాథన్ ఎడ్మండ్సన్, జేక్ ఎల్లిస్, వివేక్ తివారీ వంటి అంతర్జాతీయు కామిక్ రచయితలు, చిత్రకారులు పాల్గొన్నారు.
  
  అద్భుతమైన స్పందన..
  హైదరాబాద్ కామిక్ కాన్ తొలి ఎడిషన్ కార్యక్రమం కోసం నిజాంల నగరానికి రావడం ఆనందంగా ఉంది. హైదరాబాదీల ప్రేవూభిమానాలు, వారి నుంచి మాకు లభిస్తున్న ఆదరణ అపూర్వం.
  -జతిన్ వర్మ, వ్యవస్థాపకుడు,
  కామిక్ కాన్ ఇండియా
  -  సిద్ధాంతి


 
 ఆక్వా అసిస్టెంట్ డెరైక్టర్ ఖాన్‌దాన్
 
 కోడూరు : ఆక్వా సాగు చేసే రైతులు సీడ్‌ను ఎంచుకునే విషయంలో సరైన జాగ్రత్తలు పాటిస్తేనే ఫలితం ఉంటుందని ఎంపెడా సంస్థ ఆక్వా అసిస్టెంట్ డెరైక్టర్ ఎస్.ఖాన్‌దాన్ అన్నారు. శుక్రవారం  శ్రీదానాశక్తి ఆర్యవైశ్య ప్రార్థనామందిరంలో భారత వాణిజ్య, పరిశ్రమల మం త్రిత్వ శాఖలకు చెందిన సముద్ర ఉత్పత్తుల ఎగుమతి అభివృద్ధి సంస్థ ఆధ్వర్యంలో టైగర్ రొయ్యల సాగు పట్ల అవగాహన కార్యక్రమాన్ని నిర్వహించారు.
 
 ముఖ్యఅతిథిగా వచ్చిన ఖాన్‌దాన్ మాట్లాడుతూ ఆక్వా రంగంపై ప్రసుత్తం వెనామీ జాతికి చెందిన రొయ్యలపై రైతులు మక్కువ చూపుతున్నారని, కానీ టైగర్ రొయ్య సాగుచేయడం వల్ల మంచి లభాలతో పాటు ప్రజలకు ఆరోగ్యానికి ఎలాంటి ఇబ్బందులు ఉండవన్నారు.  
  
 రొయ్యల పెంపకంపై సెమినార్..
 
 రొయ్యలను చెరువులో వేసిన దగ్గర నుంచి పట్టే వరకు తీసుకోవాల్సిన జాగ్రత్తల పట్ల ఎంపెడా యాంటిబయాటిక్స్ అసిస్టెంట్ డెరైక్టర్ వి.సుబ్బారావు సెమినార్ ద్వారా రైతులకు వివరించారు. ఆచార్య నాగార్జున యూనివర్సిటీకి చెందిన ప్రొఫెసర్ ఎస్.వి.శర్మ ,కాకినాడకు చెందిన నాస్‌ఖా సీఈవో జి.రాజ్‌కుమార్,  ఎంపెడా ఏఐ షణ్ముకరావు, ఆక్వా జేటీవో పి.శ్రీనివాసులు, ఆక్వా టైగర్ హెల్త్ అధికారి జి.రామార్ మాట్లాడారు.
 
 కోడూరు, నాగాయలంకకు చెందిన ఆక్వా రైతులు వంసతరావు సుధాకర్‌రావు, పేర్ల శేషగిరిరావు, సైకం భాస్కరరావు, తదితరులు ఆక్వా రైతులు ఎదుర్కొంటున్న సమస్యలను అధికారుల దృష్టికి తీసుకెళ్లారు. రొయ్యల సాగు చేస్తున్న రైతులకు లెసైన్సులను ఉచి తంగా అందజేశారు. భావదేవరపల్లికి చెందిన మండలి వెంకటకృష్ణారావు ఫిషరీస్ పాలిటెక్నికల్ కళాశాలకు చెందిన విద్యార్థులు, రైతు సంఘం నాయకులు ఆవుల బసవయ్య పాల్గొన్నారు.
 
 టైగర్ రొయ్యతో లాభాల పంట
  
 తగిన జాగ్రత్తలతో  సాగుచేస్తే ఆక్వా రంగంలో సుస్థిర స్థానం సంపాదించుకున్న టైగర్ రొయ్య రైతులకు లాభాల పంట తెచ్చిపెడుతుందని ఆచార్య నాగార్జున యూనివర్సిటీ  రిటైర్డ్ ప్రోఫెసర్ ఎస్.వి.శర్మ అన్నారు. టైగర్ రొయ్య పెంపకంపై కోడూరులో రైతులకు ఏర్పాటు చేసిన సదస్సుకు హజరైన శర్మ పలు సూచనలు అందించారు. యాంటిబయాటిక్స్‌ని నిబద్ధత లేకుండా వాడటాన్ని తగ్గిస్తే ప్రజలకు ఆరోగ్యవంతమైన రొయ్యలను అందించగలుగుతారని ఆయన తెలిపారు. రొయ్యల పెంపకంలో తీసుకోవాల్సిన జాగ్రత్తలను ఆయన వివరించారు.