భిన్నమైన నిర్మాణ శైలితో, తెలుపు, నీలం రంగుల్లో కాంతులీనుతూ కనిపిస్తున్న ఈ భవనం ఎంత అద్భుతంగా ఉందో కదా! ఈ అపూర్వమైన నిర్మాణం మన ఇండియాలోనిదే. పశ్చిమబెంగాల్‌లోని మాయాపూర్‌లోని నిర్మితమవుతున్న వేదిక్‌ ప్లానిటోరియం టెంపుల్‌. ఇస్కాన్‌ సంస్థ నిర్మిస్తున్న ఈ ఆలయ ప్రత్యేకతలేంటో తెలుసుకుందాం..  ప్రపంచంలోనే అతిపెద్దదిగా అ­వ­తరించబోతున్న ఈ ఆలయ ఫొ­టోలను ఇంటర్నేషనల్‌ సొసైటీ ఆఫ్‌ కృష్ణ కాన్షియస్‌నెస్‌ (ఇస్కాన్‌) సంస్థ నిర్వాహకులు ఇటీవలే ట్విట్టర్‌లో షేర్‌ చేశారు. 2010లో మొదలుపెట్టిన ఈ ప్రాజెక్టు విలువ వంద మిలియన్‌ డాలర్లట. విశ్వంలోని వివిధ గ్రహాల కదలికలకు ప్రతీకగా ఈ ఆలయాన్ని నిర్మిస్తున్నారట. వేదాల ప్రకారం విశ్వం గురించి, ఇతర పురాణ కథల గురించి తెలుసుకోవడానికి ఉపయోగపడుతుందని నిర్వాహకులు చె­బు­తున్నారు. దేశంలోని ఐకానిక్‌ భవనాల జాబితాలో చేరనున్న ఈ ఆలయం.. వాటికన్‌లోని సెయింట్‌పాల్‌ కేథడ్రల్‌ కంటే, ఆగ్రాలోని తాజ్‌మహల్‌ కంటే పెద్దది. ఆలయ డోమ్‌ సైతం ప్రపంచంలోనే అతి పెద్దది. ఇకనుంచి ఇస్కాన్‌ సంస్థ ప్రధాన కేంద్రంగా పనిచేయనున్నది. అంతేకాదు ఒకేసారి 10వేల మంది భక్తులకు వసతి కల్పించే సామర్థ్యం కలిగి ఉందట. దీని నిర్మాణ వ్యవహారాలన్ని వ్యాపార దిగ్గజం హెన్రీఫోర్డ్‌ మనవడైన ఆల్ఫ్రెడ్‌ ఫోర్డ్‌ చూసుకుంటున్నారు. ప్రస్తుతం అంబరీష్‌ దాస్‌గా పేరు మార్చుకున్న ఆయన ఇస్కాన్‌ భక్తుడు. ఈ అద్భుతాన్ని వెంటనే చూడాలనిపిస్తోంది కదా... అయితే 2024 దాకా ఆగాల్సిందే. 2022నాటికే ఇది ప్రారంభం కావాల్సి ఉన్నా.. కరోనా కారణంగా రెండేండ్లు ఆలస్యమయిందని ఇస్కాన్‌ నిర్వాహకులు తెలిపారు. సాధారణ వ్యక్తులనే ఆకట్టుకుంటున్న ఈ నిర్మాణం పూర్తవ్వడంకోసం కృష్ణుడి భక్తులు ఉత్సాహంగా ఎదురుచూస్తారనడంలో సందేహమే లేదు.  


 ప్రపంచంలోనే అతిపెద్ద హిందూ మోడల్ (నమూనా) దేవాలయానికి బీహార్ ముఖ్యమంత్రి నితీష్ కుమార్ బుధవారం ఆవిష్కరించారు. సుమారు 20 వేల మంది కూర్చునే సామర్ధ్యముతో త్వరలో నిర్మించబోయే ఈ దేవాలయం ఎత్తు 405 అడుగులు ఎత్తు ఉంటుంది అని తెలిపారు.  ద్వారక పీఠాధిపతి శంకరాచార్య స్వామి స్వరూపానంద సమక్షంలో విరాట్ రామాయణ్ మందిర్ కు శంకుస్థాపన చేశారు. 
  
 అత్యంత సంపన్న ట్రస్ట్ గా పేరొందిన మహావీర్ మందిర్ ట్రస్ ఈ దేవాలయ నిర్మాణాన్ని చేపట్టింది. 500 కోట్ల రూపాయలకు పైగా వ్యయంతో ఈ దేవాలయాన్ని పాట్నాకు 125 కిలో మీటర్ల దూరంలోని దక్షిణ చంపారన్ జిల్లాలోని కెసారియా సమీపంలోని జంకి నగర్ లో నిర్మిస్తున్నారు. ఈ ఆలయ నిర్మాణానికి మహావీర్ మందిర్ ట్రస్ట్ కార్యదర్శి ఆచార్య కిషోర్ కునాల్ కీలకంగా వ్యవహరిస్తున్నారు. 
  
 కాంబోడియాలోని 12వ శతాబ్దంలో నిర్మించిన  ఆంగోకర్ వాట్ టెంపుల్ (215 అడుగులు)కు రెండింతలు పెద్దదిగా ఉంటుందని కునాల్ తెలిపారు. 'ఈ ఆలయ ప్రాంగణంలో మొత్తం 18 దేవాలయాలు ఉంటాయి. ఈ ఆలయ పరిసర ప్రాంతాల్లో ఉండే శివాలయంలో ప్రపంచంలోనే అతిపెద్ద శివలింగాన్ని నిర్మిస్తాం అని కునాల్ తెలిపారు.


 ప్రపంచంలోనే అతిపెద్ద హిందూ దేవాలయాన్ని బీహార్లో నిర్మించనున్నారు. పశ్చిమ చాంపరన్ జిల్లాలోని కేసారియా సమీపంలోని జానకి నగర్లో విరాట్ రామాయణ మందిరం నెలకొల్పేందుకు ప్రణాళిక రూపొందించారు. 405 అడుగుల ఎత్తు గల గోపురం, ఒకేసారి 20 వేల మంది కూర్చుకునేందుకు వీలుగా ప్రార్థనా మందిరం నిర్మించనున్నారు. దుర్గా పూజ అనంతరం ఆలయ నిర్మాణం పనులు ప్రారంభించనున్నట్టు ఓ అధికారి తెలిపారు.
 
 పాట్నాకు ఆలయ నిర్మాణ ప్రాంతం 125 కిలోమీటర్ల దూరంలో ఉంది. కంబోడియాలో 12వ శతాబ్ధంలో కట్టిన ప్రపంచ ప్రఖ్యాత ఆంగ్కోర్ వట్ ఆలయం కంటే దాదాపు రెండింతలు పెద్దదిగా ఉంటుంది. కంబోడియా ఆలయం 215 ఎత్తు ఉంది. '190 ఎకరాల విస్తీర్ణంలో ఆలయం నిర్మిస్తాం. ప్రార్థనా మందిరంలో రాముడు, శివుడు, లవకుశల విగ్రహాలను ప్రతిష్ఠిస్తాం. నిర్మాణానికి 500 కోట్ల రూపాయలకుపైగా వ్యయం కావచ్చు' అని పాట్నాకు చెందిన మహవీర్ ట్రస్ట్ కార్యదర్శి కిషోర్ కునాల్ చెప్పారు.