సాక్షి, తూర్పుగోదావరి: జిల్లాలోని కాకినాడ నగరంలో దారుణం చోటుచేసుకుంది. గుడారిగుంటలో లారీ డ్రైవర్‌ బ్రహ్మానందం హత్యకు గురయ్యాడు. గుర్తు తెలియని దుండగులు బ్రహ్మానందం ఇంట్లోకి చొరబడి కత్తులతో అతి కిరాతకంగా కత్తులతో నరికి చంపారు. ముఖానికి మాస్క్‌లు ధరించిన దుండగులు బ్రహ్మానందం భార్య కళ్లముందే ఈ దారణానికి పాల్పడ్డారు. అనంతరం దుండగులు పరారయ్యారు. విషయం తెలుసుకున్న స్థానికుల సమాచారంతో పోలీసులు రంగంలోకి దిగారు. సంఘటన స్థలాన్ని పరిశీలించిన పోలీసులు కేసు నమోదు చేసుకన్నారు. ఈ హత్యపై పలు కోణాల్లో దర్యాప్తు ప్రారంభిస్తామని పోలీసులు తెలిపారు. పరారైన దుండగుల కోసం గాలింపు చర్యలు చేపట్టామని పోలీసులు పేర్కొన్నారు.

చిత్తూరు, మదనపల్లె టౌన్‌ : లారీ డ్రైవర్‌ దారుణ హత్యకు గురైన సంఘటన ఆదివారం అర్ధరాత్రి మదనపల్లె సమీపంలో చోటుచేసుకుంది. నోట్లో గుడ్డలు కుక్కి, తలపై ఇనుప రాడ్‌తో దాడి చేయడంతో డ్రైవర్‌ ప్రాణాలు కోల్పోయాడు.   రూరల్‌ రెండవ ఎస్‌ఐ హెచ్‌వై నాయుడు కథనం.. నెల్లూరు పట్టణం 6–91 దగదర్తి 4–6 బ్లాకులో కాపురం ఉంటున్న జి.రమేష్‌(31) నెల్లూరుకు చెందిన ఓ లారీ యజమాని వద్ద 11 ఏళ్లుగా డ్రైవర్‌గా పని చేస్తున్నాడు. తల్లిదండ్రులు గుంజి రామయ్య, కాంతమ్మ పక్షవాతంతో బాధపడుతుండడంతో కుటుంబ పోషణ, వారి సంరక్షణ బాధ్యతలు మోస్తున్నాడు. ఈ నేపథ్యంలో శనివారం నెల్లూరులో ఫీడు లోడు వేసుకుని కర్ణాటకకు వెళ్లాడు. అక్కడ సరుకును అన్‌లోడ్‌ చేసి ఆంధ్రాకు మరో బాడుగ మాట్లాడుకున్నాడు. మైసూరు నుంచి రాగుల లోడుతో సదుంకు బయల్దేరాడు. మదనపల్లె, కలికిరి మీదుగా సదుంకు వెళుతూ లారీని సీటీఎం రోడ్డులోని ఐదవ మైలు వద్ద్ద నున్న ఓ పెట్రోల్‌ బంకు వద్ద నిలిపాడు. క్లీనర్‌ మురళి(30)తో కలసి లారీపై కూర్చుని ఇద్దరూ మద్యం సేవించారు. భోజనం చేశాక అక్కడే ఇద్దరూ గొడవపడ్డారు. అనంతరం రాత్రి పది గంటల సమయంలో నిద్రకు ఉపక్రమించారు. ఆ సమయంలో క్లీనర్, డ్రైవర్‌ మురళి తల ఇనుపరాడ్డుతో దాడిచేసి హతమార్చాడనే అనుమానాలు వ్యక్తం అవుతున్నాయి. మత్తు దిగాక క్లీనర్‌ ఉదయం పరారైనట్లు స్థానికులు పేర్కొంటున్నారు. సమాచారం అందుకున్న పోలీసులు సోమవారం ఉదయం సంఘటన స్థలానికి చేరుకుని పరిశీలించారు. లారీడ్రైవర్, క్లీనర్‌ గొడవ పడినట్లు పెట్రోల్‌ బంకులోని సీసీ కెమెరాలో రికార్డు అయి ఉండటం గుర్తించారు. డ్రైవర్‌ నోట్లో గుడ్డలు కుక్కి హత్యకు పాల్పడినట్లు ఆనవాళ్లను గుర్తించారు. ఘటనపై పెట్రోల్‌ బంకులోని సిబ్బందిని ఆరాతీశారు. అయితే ఈ హత్యను క్లీనరే చేశాడా? లేక డబ్బుల కోసం ఇద్దరూ నిద్రలో ఉన్న సమయంలో మరెవరైనా చేశారా? అనేది తెలియరాలేదు. పోలీసులు పంచనామా నిర్వహించి మృతదేహాన్ని స్థానిక ప్రభుత్వ ఆస్పత్రి మార్చురీకి తరలించారు. హత్య కేసుగా నమోదు చేసి దర్యాప్తు చేస్తున్నారు.


 ఆగి ఉన్న లారీని.. మరో లారీ ఢీ కొన్న ఘటనలో డ్రైవర్ మృతి చెందాడు. వివరాల్లోకి వెళితే..  నల్లగొండ జిల్లా సూర్యాపేట సమీపంలో బుధవారం ఉదయం 8.30 గంటల ప్రాంతంలో ఘటన జరిగింది. పిల్లల మర్రి స్టేజి సమీపంలోని దాబా వద్ద రాథేశ్యాం యాదవ్(35) అనే వ్యక్తి తన లారీ అద్దాలు తుడుచుకుంటున్నాడు. ఇంతలో మరో లారీ రివర్స్ చేస్తూ.. అతడిని ఢీకొట్టింది. దీంతో రెండు లారీల మధ్య నలిగి రాథ్యేశ్యాం అక్కడికక్కడే మరణించాడు. ఏఎస్సై జహంగీర్ సంఘటన స్థలాన్ని పరిశీలించి వివరాలు సేకరించారు.
  


 పాతూరు (భీమడోలు) : ఆగి ఉన్న లారీని వెనుక నుంచి మరో లారీ ఢీకొట్టిన ఘటనలో లారీ డ్రైవర్ దుర్మరణం చెందగా క్లీనర్‌కు తీవ్ర గాయాలయ్యాయి. జాతీయ రహదారి సూరప్పగూడెం శివారు పాతూరు వద్ద గురువారం ఉదయం ఈ దుర్ఘటన చోటుచేసుకుంది. ఐరన్ లోడుతో వెళుతున్న లారీ డ్రైవర్ నిద్రమత్తులో మరో లారీని ఢీకొట్టగా అతను క్యాబిన్‌లో ఇరుక్కుపోయూడు. అతడిని రక్షించేందుకు స్థానికులు, పోలీసులు ప్రయత్నించినా ఫలితం దక్కలేదు. మృతుడు చిత్తూరు జిల్లా విజయపురం మండలం పన్నూరు సమీపంలోని బూసనత్తం గ్రామానికి చెందిన జడపల్ల వెంకటేశులు (38). వివరాలు ఇలా ఉన్నాయి..
  
   జడపల్ల వెంకటేశులు సొంత లారీలో ఐరన్ లోడుతో విశాఖ నుంచి ఒంగోలు వెళుతున్నాడు. అతని మేనల్లుడు సూరా వెంకటేశులు లారీ క్లీనర్‌గా ఉన్నాడు. మార్గమధ్యలో పాతూరు వద్ద ఆగి ఉన్న లారీని వేగంగా వచ్చి ఢీకొట్టాడు. దీంతో ఐరన్‌లోడు క్యాబిన్‌లోకి చొచ్చుకొచ్చింది. లారీ ముందు భాగం నుజ్జునుజ్జుకాగా డ్రైవర్ వెంకటేశులు క్యాబిన్‌లో ఇరుక్కుపోయూడు. కొద్దిసేపు ప్రాణాలు కాపాడండంటూ ఆర్తనాదాలు చేశాడు.
  
   సమాచారం తెలుసుకున్న ఎస్సై బి.వెంకటేశ్వరరావు అక్కడికి చేరుకుని సిబ్బంది, స్థానికులు సహాయంతో వెంకటేశులను రక్షించేందుకు ప్రయత్నించారు. పొక్లయిన్ సాయంతో క్యాబిన్‌ను విడగొట్టేందుకు ప్రయత్నించినా వెంకటేశులు ప్రాణాలను కాపాడలేకపోయూరు. క్లీనర్ సూరా వెంకటేశులకు గాయూలయ్యూరుు. ప్రమాదానికి కారణమైన రోడ్డు పక్కన ఆగి ఉన్న లారీని పోలీసులు అదుపులోకి తీసుకున్నారు. మృతునికి భార్య, ఇద్దరు పిల్లలు ఉన్నారు. భీమడోలు ఎస్సై బి.వెంకటేశ్వరరావు కేసు నమోదు చేసి దర్యాప్తు చేస్తున్నారు.