ముంబై: స్వీడన్‌కు చెందిన లగ్జరీ కార్ల తయారీ కంపెనీ ‘వోల్వో కార్స్’ తాజాగా కొత్త సెడాన్ ‘ఎస్90’ని మార్కెట్‌లోకి తీసుకొచ్చింది. దీని ప్రారంభ ధర రూ.53.5 లక్షలు. ఇందులో డీ4-2 లీటర్ 4 సిలిండర్ డీజిల్ ఇంజిన్, 8 స్పీడ్ ఆటోమేటిక్ గేర్‌బాక్స్, ఎస్‌పీఏ టెక్నాలజీ, 3 డ్రైవింగ్ మోడ్‌‌స (ఎకో, డైనమిక్, కంఫర్ట్), డీఆర్‌ఎల్‌తో కూడిన హెడ్‌ల్యాంప్స్, 9 అంగుళాల ఇన్ఫోటైన్‌మెంట్ స్క్రీన్‌గన్, ఏబీఎస్ వంటి పలు ప్రత్యేకతలు ఉన్నాయని కంపెనీ పేర్కొంది. కాగా కంపెనీ ఈ ఏడాది వాహన విక్రయాల్లో 20 శాతం వృద్ధిని అంచనా వేస్తోంది. ‘గతేడాది విక్రయాలు 20 శాతం వృద్ధితో 1,400 యూనిట్లుగా నమోదయ్యారుు.
 తాజా ‘ఎస్90’తో ఈ ఏడాది అమ్మకాల్లో కూడా ఇదే స్థారుు వృద్ధిని ఆశిస్తున్నాం’ అని వోల్వో ఆటో ఇండియా మేనేజింగ్ డెరైక్టర్ టామ్ వాన్ బాన్‌‌సడర్ఫ్ తెలిపారు. దేశీయంగా వాహన తయారీకి సంబంధించి భారత్‌లో ప్లాంట్ల ఏర్పాటు ఆలోచనలు ప్రస్తుతం కంపెనీకి లేవని పేర్కొన్నారు. తన విభాగంలో ఎస్90 నే అతిపొడవైన ఎస్‌యూవీ అని తెలిపారు. ప్రస్తుతం 16గా ఉన్న ఔట్‌లెట్స్ సంఖ్య జనవరి నాటికి 20కి చేరుతుందని చెప్పారు. కాగా కంపెనీ తన ‘ఎస్90’తో మెర్సిడెస్ ఈ-క్లాస్, బీఎండబ్ల్యూ 5 సిరీస్, ఆడి ఏ6 వంటి మోడళ్లకు గట్టి పోటీనివ్వనుంది.


 న్యూఢిల్లీ: జర్మనీ లగ్జరీ కార్ల కంపెనీ మెర్సిడెస్ బెంజ్ ఎస్-క్లాస్ లగ్జరీ సెడాన్‌లో లేటెస్ట్ వెర్షన్, ఎస్-క్లాస్ ఎస్ 500ను బుధవారం మార్కెట్లోకి తెచ్చింది. గతేడాది అక్టోబర్లోనే ఈ కారును అంతర్జాతీయంగా విడుదల చేశామని, మూడు నెలల తర్వాత భారత్‌లోకి తెస్తున్నామని మెర్సిడెస్-బెంజ్ ఇండియా ఎండీ, సీఈవో ఇబెర్‌హర్డ్ కెర్న్ చెప్పారు. ఈ కారు ధర రూ. 1.57 కోట్లు (ఎక్స్ షోరూమ్, ఢిల్లీ). గతేడాది 8 కొత్త కార్లను భారత్‌లో అందించామని పేర్కొన్నారు. ఈ కారులో 4.6 లీటర్ వీ8 ఇంజిన్, 12 అంగుళాల టీఎఫ్‌టీ డిస్‌ప్లే,    ప్రయాణాల్లో ఇంటర్నెట్ యాక్సెస్ కోసం వైఫై హాట్‌స్పాట్, 8 ఎయిర్‌బ్యాగ్స్ వంటి ప్రత్యేకతలున్నాయి.