లక్నో: ఎవరైనా పిచ్చిగా ప్రవర్తిస్తే ‘కల్లు తాగిన కోతి లెక్క చేస్తున్నవ్‌’ అంటారు. కానీ, నిజానికి కోతి కల్లు తాగటం చూసినవారు చాలా తక్కువ. అలాంటిది లిక్కర్‌కు బానిసైన వానరాలూ ఉన్నాయంటే నమ్ముతారా? కానీ, ఓ కోతి ఏకంగా వైన్స్‌ షాప్‌లోకి దూరి చోరీ చేస్తోంది. మద్యం మత్తులో తూలుతూ జల్సా చేస్తోంది. బీరు బాటిల్‌ ఎత్తి తాగుతున్న ఓ కోతి వీడియో ప్రస్తుతం సామాజిక మాధ్యమాల్లో వైరల్‌గా మారింది. ఉత్తర్‌ప్రదేశ్‌లోని రాయ్‌బరేలీ జిల్లాలో లిక్కర్‌కు అలవాటు పడిన ఓ కోతి షాపుల్లో దూరి మద్యం బాటిళ్లు ఎత్తుకెళ్లిపోతోందంటూ స్థానిక వైన్స్‌ షాపుల విక్రయదారులు అటవీశాఖ అధికారులకు ఫిర్యాదులు చేస్తున్నారు. ఓ కోతి మద్యం తాగుతూ ఎవరైనా కనిపిస్తే వారి దగ్గర నుంచి బాటిళ్లు లాక్కుని పారిపోతోందని స్థానికులు చెబుతున్నారు. అడ్డుకోవడానికి చూస్తే మీద పడి కరిచేందుకు సైతం ఎనకాడటం లేదటా. దీంతో వైన్స్‌ షాపులకు వచ్చి మందు కొనాలంటేనే భయపడుతున్నారటా మద్యం ప్రియులు. మొత్తానికి ఈ తాగుబోతి వానరం అక్కడి వారికి చుక్కలు చూపిస్తోంది.  రాయ్‌బరేలీ జిల్లాలోని గడాగంజ్‌ పోలీస్‌ స్టేషన్‌ పరిధిలోని అచల్‌గంజ్‌ ప్రాంతంలో ఓ కోతి బీరు తాగుతున్న వీడియో తెగ వైరల్‌గా మారింది. ఫిర్యాదులు పెరిగిపోతున్న క్రమంలో అటవీ శాఖ అధికారులతో కలిసి కోతులను పట్టుకునేందుకు ప్రయత్నిస్తున్నామని ఎక్సైజ్‌ అధికారులు తెలిపారు. ఇదీ చదవండి: కేబుల్‌ బ్రిడ్జిపైకి కారు..‘మోర్బీ’ విషాదం చూశాకైనా మారరా?

లక్నో: ఒక జిల్లాకు కలెక్టర్‌ అధిపతి. జిల్లాలో ఆయనను మించిన పవర్‌ఫుల్‌ వ్యక్తి మరొకరు ఉండరు. అయితే, అలాంటి వ్యక్తికే ఝలక్‌ ఇచ్చింది ఓ కోతి. చుట్టూ పదుల సంఖ్యలో పోలీసులు, స్థానికులు ఉన్నప్పటికీ కలెక్టర్‌ కంటి అద్దాలను ఎత్తుకెళ్లి తానేంటో చూపించింది. ఈ సంఘటన ఉత్తర్‌ప్రదేశ్‌, మథురాలోని బృందావన్‌ నగరంలో వెలుగు చూసింది. సామాజిక మాధ్యమాల్లో ఈ దృశ్యాలు వైరల్‌గా మారాయి.  జిల్లా మెజిస్ట్రేట్‌ నవనీత్‌ చాహల్‌ గ్లాసెస్‌ను ఎత్తుకెళ్లిన వానరం దృశ్యాలను ట్విట్టర్‌లో షేర్‌ చేశారు భారత అటవీ సర్వీసెస్‌(ఐఎఫ్‌ఎస్‌) అధికారి సుశాంత నంద. కలెక్టర్‌ నవనీత్‌ చాహల్‌, పలువురు పోలీసులు ఓ భవనం వద్ద గుమిగూడి కోతి నుంచి గ్లాసెస్‌ ఎలా తెచ్చుకోవాలో ప్రయత్నిస్తున్న దృశ్యాలు ఆ వీడియోలో కనిపిస్తున్నాయి. ఆ భవనం గోడలపై ఇతర కోతులు సైతం ఉన్నాయి. కొద్ది సేపు బుజ్జగించిన తర్వాత కంటి అద్దాలను తిరిగి ఇచ్చేసింది ఆ వానరం.  ‘భారత్‌లోని ఓ జిల్లాలో డిస్ట్రిక్ట్‌ మెజిస్టేట్‌ను మించిన పవర్‌ఫుల్‌ వ్యక్తి ఉండడు. బృందావన్‌లో డీఎం నవనీత్‌ చాహల్‌ అద్దాలను కోతీ ఎత్తుకెళ్లింది. కొద్ది సమయం బుజ్జగించిన తర్వాత తిరిగి ఇచ్చేసింది’ అని ట్విట్టర్‌లో రాసుకొచ్చారు సుశాంత నంద. If you had not seen someone more powerful than District Magistrate of a District in India😊 Monkey snatches glasses from DM Navneet Chahal in Vrindavan, Mathura.After some pleading,the monkeys returned the glasses. pic.twitter.com/YTERfjh62G — Susanta Nanda IFS (@susantananda3) August 21, 2022 ఇదీ చదవండి: మెడలో విష సర్పంతో అతిచేష్టలు.. నిండు ప్రాణం బలి!


 మారెంపల్లి (గుమ్మఘట్ట) : మారెంపల్లిలో ఓ వానరం వీరంగం సృష్టిస్తోంది. పాఠశాల సమీపంలో తిరుగుతూ విద్యార్థులపై దాడులకు తెగబడుతోందని సర్పంచ్‌ జి.లక్ష్మిదేవి తెలిపారు. మధ్యాహ్న భోజనం తయారు చేస్తున్న ఏజెన్సీ నిర్వాహకురాలు జయమ్మ చేతికి కరవడంతో మూడు కుట్లు పడ్డాయి. అంగన్‌వాడీ కేంద్రానికి వెళ్లే చిన్నారి యువరాజుపై దాడిచేసి తీవ్రంగా గాయపరిచింది. ఇలా ఇప్పటి వరకు 20 మంది కోతి దాడిలో గాయపడ్డారు. తలపైకి ఎగిరి కూర్చుంటుందని, ఆ సమయంలో కదలకుండా ఉంటే ఏమీ అనదని, కదిలితే కరుస్తోందని బాధితులు చెబుతున్నారు. అటవీ అధికారులు స్పందించి తక్షణం గ్రామంలోంచి ఆ కోతిని బంధించి తీసుకెళ్లాలని సర్పంచ్‌తోపాటు గ్రామస్తులు కోరుతున్నారు.