అదిలాబాద్: కుటుంబకలహాలతో ఓ తల్లి తన ఇద్దరు పిల్లలతో సహా బావిలో దూకి ఆత్మహత్య చేసుకుంది. ఈ హృదయ విదారక సంఘటన అదిలాబాద్ జిల్లా తామ్సి మండలం వామన్‌నగర్‌లో జరిగింది. గ్రామానికి చెందిన ప్రమీల(27) భర్తతో గొడవలు కారణంగా.. మనస్తాపం చెంది తన కొడుకు వికాస్(9), కూతురు సంజన(7)తో పాటు గ్రామ శివారులోని వ్యవసాయ బావిలో దూకి ఆత్మహత్య చేసుకుంది. ఈ ఘటనతో గ్రామంలో విషాదఛాయలు అలుముకున్నాయి. ఈ ఘటనకు సంబంధించిన పూర్తి వివరాలు తెలియాల్సి ఉంది.