హైవే నేపథ్యంలో సాగే  యాక్షన్ ఎంటర్‌టైనర్‌గా  తెరకెక్కిన చిత్రం ‘రహదారి’. రాజ్, సేదు, పూజా ఉమాశంకర్ ప్రధాన పాత్రల్లో  రూపొందిన ఈ చిత్రాన్ని జి. శ్రీనివాస్ అందిస్తున్నారు. రాహుల్‌రాజ్ స్వరాలందించిన ఈ చిత్రం పాటల వేడుక హైదరాబాద్‌లో జరిగింది.. ‘‘ఈ సినిమా ప్రచార చిత్రం చాలా బాగుంది. సినిమా కూడా విజయం సాధించి అందరికీ మంచి పేరు తీసుకురావాలి’’ అని  ‘మల్టీ డైమన్షన్’ వాసు ఆకాంక్షించారు. ఇందులో యాక్షన్ సన్నివేశాలు చాలా విభిన్నంగా ఉంటాయని దర్శకుడు తెలిపారు. ఈ వేడుకలో నిర్మాతలు తుమ్మలపల్లి రామసత్యనారాయణ, ప్రసన్నకుమార్, సాయిరాజేశ్ తదితరులు పాల్గొన్నారు.