సాక్షి, విశాఖపట్నం: రాష్ట్ర ప్రభుత్వం నైపుణ్యాభివృద్ధికి అధిక ప్రాధాన్యం కల్పించి నిరుద్యోగ యువతకు శిక్షణతో పాటు ఉపాధిని కల్పించడమే లక్ష్యంగా పనిచేస్తోందని రాష్ట్ర నైపుణ్యాభివృద్ధి శాఖా మంత్రి కొల్లు రవీంద్ర అన్నారు. స్థానిక నోవాటెల్‌ హోటల్‌లో బుధవారం జరిగిన ‘ఇంప్లిమెంటేషన్‌ ఆఫ్‌ అప్రెంటిస్‌షిప్‌ స్కీమ్‌ ఇన్‌ ఏపీ’ సదస్సులో ముఖ్య అతిథిగా ప్రసంగించారు. అ ప్రెంటిస్‌షిప్‌ విధానంపై పరిశ్రమల్లో ఉన్న అపోహలను తొలగించడమే సదస్సు ముఖ్య ఉద్దేశమన్నారు. రాష్ట్రంలో 2 లక్షలకు పైగా పరిశ్రమలు న్నా.. మెజారిటీ వాటిల్లో ఈ విధానాన్ని అమలు చేయడం లేదన్నారు. ఏదైనా పరిశ్రమ ఇది అమలుచేస్తే వారికిచ్చే శిక్షణలో 25శాతాన్ని ప్రభుత్వం తిరిగి ఆ కంపెనీకి చెల్లిస్తుందని తెలిపారు. దీని ద్వారా నెలకు ఒక్కో విద్యార్థికి రూ.1500 స్టైఫండ్‌ అందిస్తారన్నారు. కేంద్రం రూ.10 వేల కోట్ల కేటాయింపు.. దేశవ్యాప్తంగా 50 లక్షల మంది నిరుద్యోగులకు శిక్షణనివ్వాలనే లక్ష్యంతో కేంద్ర ప్రభుత్వం రూ. 10 వేల కోట్లు కేటాయించిందని, నేటికి రూ.200 కోట్లు మాత్రమే ఖర్చుచేశామన్నారు. త్వరలో 10 లక్షల నిరుద్యోగులకు రాష్ట్ర ప్రభుత్వం భృతి ఇవ్వనుందని, వారికి అప్రెంటిస్‌ షిప్‌ను అనుసంధానించాలన్న ఆలోచనలో ఉన్నామన్నారు. సర్వీస్‌ సెక్టార్లు అగ్రికల్చర్, ఆక్వాకల్చర్, సెరికల్చ ర్‌లో 5 లక్షల వరకూ ఉపాధి అవకాశాలున్నాయని, ఈ తరహా శిక్షణ అందించి ఉపాధి కల్పించనున్నామన్నారు. దేశంలోనే ‘ఈజీ ఆఫ్‌ డూయింగ్‌ బిజినెస్‌’లో ఏపీ ప్రథమ స్థానంలో నిలించిదని కొనియాడారు. రాష్ట్ర నైపుణ్యాభివృద్ధి సంస్థ ఎండీ కె.సాంబశివరావు మాట్లాడుతూ అప్రెంటిస్‌షిప్‌ విధానంపై అపోహలు తొలగించేందుకు ట్రైనింగ్‌ పార్టనర్‌లతో ఈ సదస్సు ఏర్పాటు చేశామని చెప్పారు. ఈ స్కీమ్‌ ఉద్యోగం కాదని, భవిష్యత్తులో ఉపాధి పొందడానికి ఒక మార్గంగా ఉపయోగపడుతుందన్నారు. స్కిల్‌ డెవలప్‌మెంట్‌ స్పెషల్‌ చీఫ్‌ సెక్రటరీ జె.ఎస్‌.వి ప్రసాద్, యూత్‌ ఎఫైర్స్‌ చీఫ్‌ సెక్రటరీ ఎల్‌.వి.సుబ్రహ్మణ్యం, ఏపీఎస్‌డీసీ డైరక్టర్‌ కె.లక్ష్మీనారాయణ, సీఐఐ మాజీ చైర్మన్‌ జి.ఎస్‌.శివకుమార్, పలు పరిశ్రమల ప్రతినిధులు, ట్రైనింగ్‌ పార్టనర్స్, విద్యార్థులు పాల్గొన్నారు.


 
 పొంగులేటి ప్రశ్నకు పియూష్ గోయల్ సమాధానం
 
 సాక్షి, న్యూఢిల్లీ: రామగుండం ఎన్టీపీసీ ఆధ్వర్యంలో కార్పొరేటు సామాజిక బాధ్యత కింద 2011-12 నుంచి 2014-15 వరకు రూ.18.88 కోట్లు, సింహాద్రి ఎన్టీపీసీ సీఎస్‌ఆర్ కింద రూ.6.06 కోట్లు నిధులను వెచ్చించినట్టు కేంద్ర విద్యుత్ శాఖ మంత్రి పియూష్ గోయల్ చెప్పారు.
 
 సీఎస్‌ఆర్ నిధులను ఆయా ప్రాంతాల్లో విద్య, వైద్యం, మహిళా సంక్షేమం, పారిశుద్ధ్యం, తాగునీరు, రోడ్లు, ఇతర మౌళిక సదుపాయాలు, సౌరవిద్యుత్ వ్యవస్థ, నైపుణ్యాభివృద్ధి, వృత్తి విద్యశిక్షణ మహిళా సాధికారిత, గ్రామీణ క్రీడల ప్రోత్సాహం, వికలాంగుల సంక్షేమం, ప్రకృతి వైపరీత్యాలు, హుద్‌హుద్ తుపాను సమయంలో పునరుద్ధరణ, పునరావాస పనులకు వినియోగించినట్టు వెల్లడించారు. ఆంధ్రప్రదేశ్, తెలంగాణలో ఎన్టీపీసీ సంస్థ సీఎస్‌ఆర్ నిధుల వినియోగంపై వైఎస్సార్‌సీపీ ఎంపీ పొంగులేటి శ్రీనివాసరెడ్డి గురువారం లోక్‌సభలో అడిగిన ప్రశ్నకు మంత్రి గోయల్ బదులిచ్చారు.
 
 హుద్‌హుద్ తుపాను వల్ల సింహాద్రి విద్యుత్ కేంద్రానికి సుమారు రూ.34 కోట్లు నష్టం వాటిల్లిందని చెప్పారు. జాతీయ సోలార్ మిషన్‌పై ప్రపంచ వాణిజ్య సంస్థలో యూఎస్ ఫిర్యాదు చేసిన విషయమై ఎంపీ పొంగులేటి అడిగిన మరో ప్రశ్నకు  భారత డొమెస్టిక్ కంటెంట్ రిక్వైర్‌మెంట్‌కు సంబంధించి జాతీయ సోలార్ మిషన్‌లోన నిబంధనలపై యూఎస్ ఫిర్యాదు చేసిందని మంత్రి అంగీకరించారు.