డా.రాజేంద్రప్రసాద్ ప్రధాన పాత్ర పోషించిన చిత్రం ‘నూతిలో కప్పలు’. చంటి జ్ఞానమణి దర్శకుడు. వి.శివాజీరాజు, వినయ్ పూనాటి నిర్మాతలు. అక్టోబర్ 10న ఈ చిత్రాన్ని విడుదల చేయనున్నారు. ఈ సందర్భంగా దర్శకుడు మాట్లాడుతూ -‘‘హాస్యాన్ని ఇష్టపడే ప్రేక్షకులకు ఈ సినిమా విందుభోజనం లాంటిది. రాజేంద్రప్రసాద్ ఇందులో యంగ్‌గెటప్‌లో కనిపిస్తారు. ఇందులోని అయిదు పాటలను అయిదుగురు సంగీత దర్శకులు స్వరపరచడం విశేషం. రాజేంద్రప్రసాద్ ఆలపించిన పాట ఈ చిత్రానికి హైలైట్. యువహీరోలు భరత్‌భూషణ్, మనోజ్‌నందం, మానస్, విజయ్‌సాయి పాత్రలు యువతను ఆకట్టుకుంటాయి’’అని తెలిపారు. ఈ చిత్రానికి సంగీతం: సాయికార్తీక్, ఎస్.ఆర్.శంకర్, సత్యకాశ్యప్, ఘంటసాల విశ్వనాథ్, సుభాష్ ఆనంద్, కెమెరా: ఎం.మురళీమోహన్‌రెడ్డి, కూర్పు: విరామ్స్.