ఆదిలాబాద్ క్రైం : జిల్లాలోని న్యాయశాఖలో ఖాళీగా ఉన్న ఆఫీస్ సబ్ ఆర్డినేటర్ పోస్టుల భర్తీ కోసం బుధవారం అభ్యర్థులకు ఇంటర్వ్యూలు నిర్వహించారు. స్తానిక జిల్లా కోర్టులో జిల్లా జడ్జి గోపాలకృష్ణమూర్తి ఇంటర్వ్యూలు ప్రారంభించారు. మొదటి రోజు 400 మంది అభ్యర్థులు హాజరయ్యారు. మధ్యాహ్నం 2 గంటల నుంచి సాయంత్రం వరకు ఇంటర్వ్యూలు కొనసాగాయి. కోర్టు ద్వారా కాల్ లెటర్స్ జారీ చేసిన అభ్యర్థులకు ముందుగా సర్టిఫికెట్లు పరిశీలించారు. అనంతరం ప్రత్యేక కమిటీ వీరిని ఇంటర్వ్యూ చేసింది.