గోపీకృష్ణ-ప్రియాంక చౌదరి హీరోహీరోయిన్లుగా నటిస్తున్న తాజా చిత్రం ‘ఎక్కడికో ఈ అడుగు’.రాజు బొనగాని దర్శకత్వం వహిస్తున్న ఈ చిత్రాన్ని 'స్కై లైన్ ఎంటర్ టైన్మెంట్స్' పతాకంపై  అట్లూరి శ్రీనివాస్ నిర్మిస్తున్నారు. 1990లో జరిగిన ఓ యదార్ధ సంఘటన ఆధారంగా ఈ మూవీ తెరకెక్కుతుంది. గ్రామీణ నేపథ్యంలో రూపొందిన ఈ మూవీ అన్ని వర్గాల ప్రేక్షకులను అమితంగా ఆకట్టుకుంటుందనే నమ్మకం తమకుందని, సెన్సార్ కార్యక్రమాలు జరుపుకుంటున్న తమ చిత్రాన్ని నవంబర్ ద్వితీయార్ధంలో విడుదల చేసేందుకు సన్నాహాలు చేస్తున్నామని దర్శకుడు రాజు బొనగాని తెలిపారు. నిర్మాత అట్లూరి శ్రీనివాస్ మాట్లాడుతూ...చిత్ర నిర్మాణంతోపాటు పోస్ట్ ప్రొడక్షన్ "ఇనావర్స్ స్టూడియోకు అప్పగించాం. మాకు ప్రామిస్ చేసిన బడ్జెట్ లో... మాకు ప్రామిస్ చేసిన దానికంటే మంచి క్వాలిటీతో పూర్తి చేశారు. ఈ సందర్భంగా ఇనావర్స్ స్టూడియో వారికి కృతజ్ఞతలు తెలుపుకుంటున్నాం అన్నారు. ఈ చిత్రానికి ఛాయాగ్రహణం: ఈశ్వర్ ఎల్లుమహంతి, సంగీతం: దిలీప్ బండారి.

‘ఎఫెక్ట్స్‌ రాజు’ గా చిత్ర పరిశ్రమ వర్గాలకు సుపరిచితుడైన రాజు బొనగాని దర్శకత్వం వహించిన తొలి చిత్రం ‘ఎక్కడికో ఈ అడుగు’. గోపీకృష్ణ, ప్రియాంకా చౌదరి జంటగా నటించారు. స్కై లైన్‌ ఎంటర్‌ టైన్‌మెంట్స్‌ పతాకంపై అట్లూరి శ్రీనివాస్‌ నిర్మించిన ఈ సినిమా ఫస్ట్‌ లుక్‌ని సంక్రాంతి కానుకగా విడుదల చేశారు. ఈ సందర్భంగా రాజు, శ్రీనివాస్‌ మాట్లాడుతూ–‘‘విభిన్న ప్రేమకథా చిత్రం ‘ఎక్కడికో ఈ అడుగు’.  1990లో జరిగిన వాస్తవ ఘటన ఆధారంగా గ్రామీణ నేపథ్యంలో రూపొందింది. పోస్ట్‌ ప్రొడక్షన్‌ కార్యక్రమాలు దాదాపుగా పూర్తయ్యాయి. మార్చిలో సినిమా విడుదలకు సన్నాహాలు చేస్తున్నాం. మా సినిమా కోసం 55 రోజులు రేయింబవళ్లు పని చేసిన యూనిట్‌కి ధన్యవాదాలు’’ అన్నారు. ఆర్తి రాజ్, జయప్రకాష్‌ (తమిళ్‌), తోటపల్లి మధు, పిల్లా ప్రసాద్‌ ముఖ్యపాత్రలు పోషించిన ఈ చిత్రానికి సంగీతం: దిలీప్‌ బండారి, కెమెరా: ఈశ్వర్‌ ఎల్లుమహంతి, ఎగ్జిక్యూటివ్‌ ప్రొడ్యూసర్‌: తాతినేని సుజన్‌ బాబు.

గోపీకృష్ణ, ప్రియాంకా చౌదరి జంటగా నటించిన చిత్రం ‘ఎక్కడికో ఈ అడుగు’. ‘ఎఫెక్ట్స్‌ రాజు’గా చిత్రపరిశ్రమకు సుపరిచితుడైన శ్రవణ్‌ బొనగాని దర్శకత్వంలో అట్లూరి శ్రీనివాస్‌ నిర్మించారు. ‘‘విభిన్న ప్రేమకథా చిత్రమిది. 1990లో జరిగిన వాస్తవ సంఘటన ఆధారంగా గ్రామీణ నేపథ్యంలో ఈ చిత్రాన్ని రూపొందించాం. ప్రస్తుతం పోస్ట్‌ ప్రొడక్షన్‌ కార్యక్రమాలు జరుగుతున్నాయి. త్వరలోనే ఫస్ట్‌ లుక్‌ విడుదల చేస్తాం’’ అని చిత్రవర్గాలు పేర్కొన్నాయి. ఈ చిత్రానికి సంగీతం: దిలీప్‌ బండారి, కెమెరా: ఈశ్వర్‌ ఎల్లుమహంతి.


 న్యూఢిల్లీ: భారత క్రికెటర్ సురేశ్ రైనా పెళ్లి సందడి మొదలైంది. తన బాల్య స్నేహితురాలు ప్రియాంక చౌదరితో శుక్రవారం సాయంత్రం లీలా ప్యాలెస్ హోటల్లో రైనా వివాహం జరగనుంది. బుధవారం ఘజియాబాద్‌లో వీరి నిశ్చితార్థం జరిగింది. ఈ స్టార్ క్రికెటర్ బుధవారం వరకు షాపింగ్ చేస్తూనే ఉన్నాడు.
  
 ‘పెళ్లికి సంబంధించిన రకరకాల వేడుకలలో ధరించే దుస్తుల కోసం ఇంకా షాపింగ్ చేస్తూనే ఉన్నాను. ఆస్ట్రేలియా నుంచి వచ్చిన తర్వాత సమయం తక్కువగా ఉండటంతో పనులు పూర్తికాలేదు’ అని రైనా చెప్పాడు. మరోవైపు భారత క్రికెటర్లంతా రైనా పెళ్లికి హాజరయ్యే అవకాశం ఉంది. కోహ్లి, అనుష్క ఇప్పటికే ఢిల్లీ చేరారు. ఉమేశ్ యాదవ్ కూడా భార్యతో పాటు ఢిల్లీ వచ్చాడు.


 న్యూఢిల్లీ: భారత క్రికెటర్ సురేశ్ రైనా ఒక ఇంటివాడు కాబోతున్నాడు. తన చిన్ననాటి స్నేహితురాలు, మీరట్  సమీపంలోని బారుట్‌కు చెందిన ప్రియాంక చౌదరిని అతను వివాహమాడనున్నాడు. ప్రపంచకప్ ముగిసిన తర్వాత ఏప్రిల్ 3న ఢిల్లీలో ఈ పెళ్లి జరుగుతుంది. ఏప్రిల్ 8న రిసెప్షన్ నిర్వహిస్తారు. ప్రస్తుతం ప్రియాంక నెదర్లాండ్స్‌లో బ్యాంకర్‌గా పని చేస్తోంది. వీరిద్దరి కుటుంబాలకు సుదీర్ఘ కాలంగా సాన్నిహిత్యం ఉంది. ఇద్దరి తండ్రులు మురాద్‌నగర్ ఆర్డ్‌నెన్స్ ఫ్యాక్టరీలో కలిసి పని చేశారు. పెళ్లికి ముందు నిర్వహించే సంప్రదాయ ‘రోకా’ వేడుకను ఈ నెల 12న జరిపిన తర్వాత రైనా కుటుంబ సభ్యులు పెళ్లి విషయాన్ని ధ్రువీకరించారు.