చిత్తూరు: ఎదురెదురుగా వస్తున్న రెండు వాహనాలు ఢీకొన్న ప్రమాదంలో ఓ వ్యక్తి మృతిచెందాడు. ఈ సంఘటన చిత్తూరు జిల్లా సదం మండలం అంకాలమ్మ గుడి సమీపంలో శుక్రవారం సాయంత్రం చోటుచేసుకుంది.
 
 చింతలవారిపల్లికి చెందిన రహీంఖాన్(40) రేషన్ సరుకుల కోసం బైక్పై పీలేరుకు వెళ్తున్న సమయంలో ఎదురుగా వస్తున్న టాటాసుమో ఢీకొట్టింది. దీంతో రహీంఖాన్ అక్కడికక్కడే మృతిచెందాడు. సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు.