దేవి చలాకీ అమ్మాయి. అందరినీ నవ్విస్తూ ఉంటుంది. ఆ అమ్మాయి జీవితంలో జరిగే అనుకోని సంఘటనలే ‘సీతాదేవి’ అంటున్నారు శ్రీనివాస్ మల్లం.  సందీప్ హీరోగా నటిస్తూ, నిర్మిస్తున్న ఈ చిత్రానికి శ్రీనివాస్ మల్లం దర్శకుడు.  భవ్యశ్రీ కథానాయిక. ఈ చిత్రం ఇటీవలే హైదరాబాద్‌లో ప్రారంభమైంది. నిర్మాత తండ్రి వెంకన్న కెమెరా స్విచ్చాన్ చేయగా, విజయారెడ్డి క్లాప్ నిచ్చారు. దర్శక, నిర్మాతలు మాట్లాడుతూ - ‘‘భయం కలిగిస్తూనే, ఇంకో పక్క కడుపుబ్బా నవ్వించే చిత్రం ఇది. అసలు ‘సీతాదేవి’ అనే టైటిల్ ఎందుకు పెట్టామో సినిమా  చూశాకే తెలుస్తుంది’’ అని చెప్పారు. ఈ చిత్రానికి కెమెరా: మురుగన్, సమర్పణ: అరుణ.