లక్నో: రంజీ ట్రోఫీ గ్రూప్ ‘సి’ మ్యాచ్‌లో హైదరాబాద్ బౌలర్లు సీవీ మిలింద్ (5/28), రవికిరణ్ (4/33) నిప్పులు చెరిగారు. తొలి రోజు ఆటలో ఆంధ్ర బ్యాట్స్‌మెన్‌ను వణికించారు. దీంతో బుధవారం మొదలైన ఈ మ్యాచ్‌లో ఆంధ్ర తొలి ఇన్నింగ్‌‌సలో 59 ఓవర్లలో 190 పరుగుల వద్ద ఆలౌటైంది. మిడిలార్డర్‌లో ప్రణీత్ (88 బంతుల్లో 63; 11 ఫోర్లు), అశ్విన్ హెబ్బర్ (63 బంతుల్లో 52; 6 ఫోర్లు, 2 సిక్సర్లు) రాణించారు. హైదరాబాద్ ఆట ముగిసే సమయానికి తొలి ఇన్నింగ్‌‌సలో వికెట్ కోల్పోకుండా 10 పరుగులు చేసింది.