‘హృదయ కాలేయం’ ఫేమ్‌ సంపూర్ణేష్‌ బాబు హీరోగా రూపక్‌ రొనాల్డ్‌సన్‌ దర్శకత్వంలో తెరకెక్కిన చిత్రం ‘కొబ్బరిమట్ట’. ఇషికా సింగ్, గీతాంజలి కథానాయికలు. ఆది కుంభగిరి, సాయిరాజేష్‌ నీలం నిర్మించిన ఈ సినిమా నవంబర్‌ 14న విడుదలవుతోంది. ఈ చిత్రం సాంగ్‌ టీజర్‌ను ‘బిగ్‌ బాస్‌ 1’ కంటెస్టెంట్‌ల మధ్య హైదరాబాద్‌లో విడుదల చేశారు. డైరెక్టర్‌ రూపక్‌ రొనాల్డ్‌సన్‌ మాట్లాడుతూ– ‘‘కొబ్బరిమట్ట’ చిత్రం ఎంటర్‌టైనింగ్‌గా ఉంటుంది. ఒక సంపూర్ణేష్‌ని చూస్తేనే కామెడీ ఎంత ఉంటుందో చెప్పక్కర్లేదు. ఇందులో ముగ్గురు సంపూర్ణేష్‌లుంటారు’’ అన్నారు. ‘‘కొబ్బరిమట్ట’ సినిమా రిలీజ్‌ రోజున సంపూర్ణేష్‌బాబు, సాయిరాజేశ్‌తో ‘సంపూ ఇన్‌ అమెరికా’ అని ఓ సినిమా ప్లాన్‌ చేస్తున్నాం’’ అన్నారు చిత్ర సమర్పకుడు కృష్ణారావు.‘‘హృదయ కాలేయం’ సినిమా టైమ్‌లో మేం ఎదగాలని అందరూ సపోర్ట్‌ చేశారు. అయితే ‘కొబ్బరిమట్ట’ చిత్రానికి మూడేళ్ల పాటు చాలా సమస్యలు ఎదుర్కొని అధిగమించాం’’ అన్నారు నిర్మాత సాయి రాజేష్‌. ‘‘మిట్టపల్లె అనే చిన్న ఊరు నుంచి నన్ను తీసుకొచ్చి రాజేష్‌ అన్న ‘హృదయ కాలేయం’ సినిమా చేశాడు. ఇప్పుడు ‘కొబ్బరి మట్ట’ సినిమాకి కూడా తనే నిర్మాత. ఆయన వెనక నిలబడి ఎన్ని రోజులైనా సపోర్ట్‌ అందిస్తాను’’ అన్నారు సంపూర్ణేష్‌ బాబు. భరత్, అజయ్, కత్తి కార్తీక, సమీర్, ముమైత్‌ ఖాన్, మధుప్రియ, రైటర్‌ కిట్టు, అనురాగ్, సౌమ్య వేణుగోపాల్, శ్రవణ్, సాయిబాలాజీ, ధనరాజ్‌ తదితరులు పాల్గొన్నారు.


 ‘‘చిన్న నటుడినైనా నాకు ‘హృదయ కాలేయం’ సినిమాతో ప్రజల్లో గుర్తింపు వచ్చింది. ఈ ‘కొబ్బరిమట్ట’ చిత్రాన్ని కూడా అందరూ ఆదరించాలని కోరుకుంటున్నాం’’ అని నటుడు సంపూర్ణేష్‌ బాబు అన్నారు.  ఆయన హీరోగా రూపక్‌ రొనాల్డ్‌ సన్‌ దర్శకత్వంలో అమృత ప్రొడక్షన్స్, గుడ్‌ సినిమా గ్రూప్, సంజనా మూవీస్‌ నిర్మించిన చిత్రం ‘కొబ్బరిమట్ట’. షకీలా, గాయత్రి, ఇషిక, భార్గవి, మహేశ్‌ కత్తి తదితరులు ముఖ్యపాత్రలో నటించారు.
 
 ఆది కుంభగిరి, సాయి రాజేష్‌ శీలం నిర్మాతలు. జూన్‌లో చిత్రం విడుదల కానుంది. సోమవారం సంపూర్ణేష్‌ బాబు పుట్టినరోజు సందర్భంగా పాత్రికేయుల సమావేశం ఏర్పాటు చేశారు. ఈ సందర్భంగా సంపూర్ణేష్‌ మాట్లాడుతూ– ‘‘కొబ్బరి మట్ట’ మంచి ఫ్యామిలీ ఎంటర్‌టైనర్‌. ఏడుగురు భార్యలు, పన్నెండు మంది పిల్లలు, ముఫ్పై నలభైమంది పిల్లలతో సినిమా పెద్ద కుంటుంబంలా ఉంటుంది. సోలో హీరోగా మరో రెండు సినిమాలు చేస్తున్నాను. క్యారెక్టర్‌ ఆర్టిస్టుగా ఏ సినిమా చేయడం లేదు’’ అని అన్నారు. ‘‘