సాక్షి, ముంబై: బాలీవుడ్‌ హీరో సంజయ్ దత్‌  62వ పుట్టిన రోజు సందర్భంగా  అటు ఫ్యాన్స్‌, స్నేహితులు,ఇటు కుటుంబ సభ్యులనుంచి సోషల్‌ మీడియాలో  శుభాకాంక్షల వెల్లువ  కురుస్తోంది.  ముఖ్యంగా  బాలీవుడ్‌ కండల వీరుడు  సల్మాన్‌ ఖాన్‌ ఒక చక్కటి ఫోటోతో సంజయ్‌కు విషెస్‌ అందించారు. ఇపుడా ఫోటో ఫ్యాన్స్‌ను విపరీతంగా ఆకట్టు కుంటోంది. బాలీవుడ్‌ లివింగ్‌ లెజెండ్స్‌ అంటూ  అభిమానులు కామెంట్‌ చేశారు. సల్మాన్‌, సంజయ్‌ జంటగా నటించిన దస్‌ చిత్రంలోని ‘సునో గౌర్ సే దునియా వాలో’ పాటలోని ఒక స్టిల్‌ను సోషల్‌ మీడియిలో షేర్‌ చేశారు. హ్యాపీ బర్త్‌డే బాబా అంటూ త్రోబ్యాక్ ఫోటోను ఇన్‌స్టాలో పోస్ట్‌ చేశారు. పాత జ్ఞాపకాలను తలచుకుంటూ తన ప్రియమైన స్నేహితుడు సంజూబాబాకి ప్రత్యేక శుభాకాంక్షలు అందించారు.  దీనికి సంజయ్ దత్ భార్య మాన్యతాతో పాటు పలువురు స్పందించారు.  కాగా సల్మాన్ ఖాన్, సంజయ్ దత్ సాజన్, చల్ మేరే భాయ్ లాంటి చిత్రాల్లో కలిసి నటించారు.  అలాగే సంజయ్ దత్  2012 చిత్రం సన్ ఆఫ్ సర్దార్ లోని పో పో పాటలో సల్మాన్ ఖాన్ నటించారు. కాగా సంజయ్ దత్ పుట్టినరోజు సందర్భంగా  ప్రశాంత్ నీల్ దర్శకత్వంలో  రూపొందుతున్న 'కేజీఎఫ్ 2' సినిమాలోని  సంజయ్‌ లుక్ కి సంబంధించిన స్పెషల్ పోస్టర్‌ను చిత్ర యూనిట్‌ రిలీజ్ చేసింది. ఈ సినిమాలో సంజయ్ దత్ అధీర అనే విలన్ పాత్రలో కనిపించబోతున్న సంగతి తెలిసిందే. View this post on Instagram A post shared by Salman Khan (@beingsalmankhan)

లాక్‌డౌన్‌ కారణంగా  ఇంట్లో ఉంటున్న వారికి వెబ్‌సిరీస్‌లు ఊరటనిస్తోన్నాయి. రోజు రోజుకి వెబ్‌సిరీస్‌ల హవా పెరుగుతోంది. దీంతోచాలా మంది సినీ ప్రముఖులు కూడా వెబ్‌సిరీస్‌ చేయడానికి ఆసక్తి చూపిస్తున్నారు.  రీ ఎంట్రీ ఇచ్చేందుకు ఒక్కప్పటి హీరోయిన్లు కూడా ప్రధానంగా వెబ్‌సిరీస్లనే ఎంచుకుంటున్నారు. తాజాగా బాలీవుడ్‌ భామ లారాదత్తా కూడా వెబ్‌సిరీస్‌తో రీఎంట్రీ ఇవ్వబోతుంది. హండ్రెడ్‌ పేరుతో హాట్‌స్టార్‌లో ఇది ప్రసారం కాబోతుంది. దీనికి సంబంధించి అఫిషియల్‌ పోస్టర్‌ను విడుదల చేశారు. దీని గురించి బాలీవుడ్‌ స్టార్స్‌ చాలా మంది ప్రచారం చేశారు. ఇప్పుడు బాలీవుడ్‌ స్టార్‌ సల్మాన్‌ ఖాన్‌ తన పార్టనర్‌కు సపోర్ట్‌గా ముందుకొచ్చాడు. ఈ సిరీస్‌లో లారాదత్తా, రింకు రాజ్‌గురూ కూల్‌గా కనిపిస్తోన్న పోస్టర్‌ను తన ఇన్‌స్టాగ్రామ్‌లో పోస్ట్‌ చేశాడు. పార్ట్‌నర్‌ సినిమా నుంచి నా ఫేవరెట్‌ హీరోయిన్‌. నా ఫ్యాన్స్‌ అందరూ ఈ సిరీస్‌ చూడండి అంటూ అందులో పేర్కొన్నాడు. దీనికి తోడు హండ్రెడ్‌ ట్యాగ్‌లైన్‌ దో కిలాడీ ,ప్రాబ్లమ్‌ భారీ ( ఇద్దరు కిలాడీలు, పెద్ద సమస్య) అనే ట్యాగ్‌లైన్‌ను కూడా సల్మాన్‌ జత చేశాడు.ఈ వెబ్‌ సిరీస్‌ హాట్‌స్టార్‌లో ఈ నెల 25 నుంచి ప్రసారం కాబోతుంది. ఈ పోస్ట్‌కి లారా దత్తా కూడా పార్టనర్‌ అని కామెంట్‌ పెట్టి సల్మాన్‌పై ఉన్న అభిమానాన్ని చాటుకుంది. సల్మాన్‌ ఫ్యాన్స్‌ కూడా పార్టనర్‌ సినిమాను గుర్తు తెచ్చుకొని రీఫ్రెష్‌ అవుతున్నారు.  సల్మాన్, లారాదత్తా కలసి పార్టనర్‌ సినిమాలో నటించారు.   View this post on Instagram My fav heroine from Partner ... she’s doing a show, pls go catch it ... #DoKhiladiProblemBhaari #HotstarSpecialsHundred @larabhupathi A post shared by Salman Khan (@beingsalmankhan) on Apr 23, 2020 at 6:45am PDT

ఎప్పటికప్పుడు తనకు సంబంధించిన ఫోటోలను వీడియోలను సామాజిక మాధ్యమాల్లో షేర్‌ చేస్తూ సందడి చేస్తూంటాడు.. బాలీవుడ్‌ కండల వీరుడు సల్మాన్‌ ఖాన్‌. సరదాగా పిల్లలతో ఆడుకునే వీడియోను, జిమ్‌లో కసరత్తు చేస్తూ ఉండే సరదా వీడియోలను ఇన్‌స్టాగ్రామ్‌లో షేర్‌ చేసి అభిమానులను అలరిస్తుంటాడు. తాజాగా భాయిజాన్‌ తల్లి సల్మాతో కలిసి డ్యాస్‌ చేసిన వీడియోను పోస్ట్‌ చేశాడు. తల్లి సల్మా చేతులను తన చేతుల్లోకి తీసుకుని సరదా స్టేప్‌లు వేస్తూంటే సల్మా వాటిని ఆస్వాదిస్తూ కొడుకును అనుసరిస్తున్న ఇన్‌స్టా వీడియో  సోషల్‌ మీడియాలో  వైరల్‌ అవుతోంది. అలాగే మరో బాలీవుడ్‌  హీరో హృతిక్‌ రోషన్‌ కూడా భాయిజాన్‌ బాట పట్టారు. తల్లితో కలిసి జిమ్‌లో కసరత్తు చేస్తున్న వీడియోను షేర్‌ చేశారు. ఇప్పుడు ఆ వీడియో  కూడా సోషల్‌ మీడియాలో హల్‌ చల్‌ చేస్తుంది. 'మామ్‌ సేయింగ్‌ బంద్‌ ఖరో యో నాచ్‌ గానా'(అమ్మ.. ఇంకా ఆట పాట ఆపమంటుంది) అంటూ పోస్ట్‌ చేసిన వీడియోకి లక్షా ముప్పై వేలకు పైగా లైకులు వచ్చాయి. డ్యాన్స్‌ చివరల్లో తల్లిని ఆత్మీయంగా హత్తుకున్న ఈ వీడియోను చూసిన బాలీవుడ్‌ హీరో 'వరుణ్‌ ధావన్‌ హార్ట్‌ ఎమోజీల వర్షం కురిపించాడు'. అలాగే అభిమానులంతా ఈ తల్లీ, కొడుకుల ప్రేమను చూసి 'మేడ్‌ ఫర్‌ ఈచ్‌ అదర్‌',  'అత్యంత అందమైన వీడియో ఇది',  'ఓ స్టార్‌ హీరో అతని తల్లీ ఇద్దరిని ఇలా చూస్తుంటే చాలా ముద్దుగా ఉంది'. అంటూ నెటిజన్లు కామెంట్లు పెడుతున్నారు.  View this post on Instagram A post shared by Salman Khan (@beingsalmankhan) on Jul 22, 2019 at 2:12am PDT

సాక్షి,ముంబై:  బాలీవుడ్‌ మోస్ట్‌ ఎవైటెడ్‌ మూవీపై తాజాగా వెల్లడైన పోస్టర్‌ అభిమానుల్లో హల్‌చల్‌ చేస్తోంది.  తన అప్‌కమింగ్‌ మూవీ ‘రేస్ 3’  ట్విటర్‌లో   హింట్‌లు ఇస్తున్న బాలీవుడ్‌  సూపర్‌స్టార్‌ సల్మాన్‌ఖాన్‌ తాజాగా మరో  ఫోటోను షేర్‌   చేశారు.  ఈ చిత్రానికి సంబంధించి లేటెస్ట్ పోస్టర్‌ని ట్విటర్‌లో సల్మాన్‌ పోస్ట్‌ చేశారు.   అయితే ఈ సారి మాత్రం హీరో బాబీ డియోల్‌తో జాక్విలైన్ ఉన్న ఓ ఇంట్రెస్టింగ్‌ ఫోటోను పోస్ట్‌ చేయడం విశేషం. ఈ పోస్టర్‌ లుక్‌,  బాబీ, జాక్విలైన్‌ మధ్య  రొమాంటిక్ ఎక్స్‌ప్రెషన్స్  ఫ్యాన్స్‌ను ఆకట్టుకుంటున్నాయి.  ఇటీవల సల్మాన్  ట్వీట్‌ ప్రకారం  సల్మాన్‌తో వెరైటీగా పోజులిచ్చిన జాక్విలైన్, ఇప్పుడు బాబీడియోల్‌తో కనిపించడంతో ఈ సినిమాపై ఇంకా భారీ క్రేజ్‌ నెలకొనడంతోపాటు యూత్‌లో భారీ సస్పెన్స్‌ నెలకొంది.  ఎవరు ఏంటో అనే  సీక్రెట్‌ త్వరలోనే రివీల్‌ అవుతుందంటూ  సల్మాన్‌  ప్రకటించడంతో.. ఇంతకీ ఈ  హీరోయిన్ ఎవరితో రొమాన్స్ చేయబోతోందన్న డౌట్ సినీలవర్స్‌ని వెంటాడుతోంది. రెమో డైరెక్ట్ చేస్తున్న ఈ ఫిల్మ్‌లో సల్మాన్, అనిల్‌కపూర్ బాబీడియోల్‌తోపాటు జాక్విలైన్  ప్రధాన పాత్రలో నటిస్తున్నారు. ముఖ్యంగా ‘రేస్’ సిరీస్‌లో ఇప్పటివరకు వచ్చిన చిత్రాలు బాక్సాఫీసు వద్ద హిట్ కొట్టగా, గతంలో సైఫ్ చేసిన రోల్‌లో ఇప్పుడు సల్మాన్  అలరించనున్నారు. జాక్విలైన్‌ మొదటి రెండు  భాగాల్లోనూ నటించారు. ఈద్ సందర్భంగా జూన్ 15 న ప్రపంచవ్యాప్తంగా రిలీజ్ కానున్న సంగతి తెలిసిందే. 


 ముంబై: యాకూబ్ మెమన్ కు మద్దతుగా హీరో సల్మాన్ ఖాన్ చేసిన ట్వీట్స్ ను అపార్థం చేసుకున్నారని నటుడు రితేశ్ దేశ్ ముఖ్ అన్నారు. సల్మాన్ వ్యాఖ్యలను నెటిజన్లు సరిగా అర్థం చేసుకోలేదని అన్నాడు. యాకూబ్ మెమన్ అమాయకుడని, అతడి సోదరుడు టైగర్ మెమన్ చేసిన దానికి యాకూబ్ ను ఉరితీయం సరికాదని ఆదివారం సల్మాన్ ఖాన్ ట్వీట్ చేశాడు. తన వ్యాఖ్యలపై తీవ్ర వ్యతిరేకత రావడంతో సల్మాన్ తర్వాత క్షమాపణ చెప్పాడు.
 
 సల్మాన్ ట్వీట్స్ ను అర్థం చేసుకోకుండానే చాలా మంది వ్యతిరేకంగా స్పందించారని రితేశ్ పేర్కొన్నాడు. తప్పొప్పుల చర్చ జరగకుండానే సోషల్ మీడియాలో కామెంట్స్ పోస్ట్ చేస్తున్నారని వాపోయాడు. చాలాసార్లు బాలీవుడ్ సెలబ్రిటీలను సాఫ్ట్ టార్గెట్ గా చేసుకుంటున్నారని, దాంతో ప్రజామాధ్యమాల్లో తమ అభిప్రాయాలు వెల్లడించాలంటే వెనుకంజ వేయాల్సివస్తోందని అన్నాడు. ప్రతి ఒక్కరికి తమ అభిప్రాయాలు వ్యక్తం చేసే హక్కు ఉందని రితేశ్ స్పష్టం చేశాడు.