Select Your Preferred Category to see your Personalized Content

టీ20 వరల్డ్‌కప్‌ 2024 సూపర్‌-8లో ఒక్క మ్యాచ్‌ గెలవకపోయిన సెమీస్‌కు చేరే సువర్ణావకాశం బంగ్లాదేశ్‌కు వచ్చింది. ఆఫ్ఘనిస్తాన్‌తో ఇవాళ (జూన్‌ 24) జరుగుతున్న మ్యాచ్‌లో 12.1 ఓవర్లలో లక్ష్యాన్ని (116 పరుగులు) ఛేదిస్తే.. భారత్‌తో పాటు సెమీస్‌కు అర్హత సాధిస్తుంది. ఈ మ్యాచ్‌లో ఆఫ్ఘనిస్తాన్‌ టాస్‌ గెలిచి తొలుత బ్యాటింగ్‌ చేసి నిర్ణీత ఓవర్లలో 5 వికెట్ల నష్టానికి 115 పరుగులు మాత్రమే చేసింది. ఆఫ్ఘన్‌ ఇన్నింగ్స్‌లో గుర్బాజ్‌ (43) ఒక్కడే రాణించాడు. మిగతా ఆటగాళ్లంతా దారుణంగా విఫలమయ్యారు. ఇబ్రహీం జద్రాన్‌ (29 బంతుల్లో 18), అజ్మతుల్లా (12 బంతుల్లో 10), గుల్బదిన్‌ (3 బంతుల్లో 4), నబీ (5 బంతుల్లో 1) తక్కువ స్కోర్లకే పెవిలియన్‌కు చేరారు. ఆఖర్లో రషీద్‌ ఖాన్‌ 3 సిక్సర్లు కొట్టడంతో (10 బంతుల్లో 19) ఆఫ్ఘనిస్తాన్‌ ఈ మాత్రం స్కోరైనా చేయగలిగింది. బంగ్లా బౌలర్లలో అందరూ పొదుపుగా బౌలింగ్‌ చేశారు. రిషద్‌ హొసేన్‌ (4-0-26-3), తస్కిన్‌ అహ్మద్‌ (4-1-12-1), ముస్తాఫిజుర్‌ (4-0-17-1), షకీబ్‌ (4-0-19-0) ఆఫ్ఘన్‌ బ్యాటర్లను కట్టడి చేశారు. ఆఫ్ఘనిస్తాన్‌ ఇన్నింగ్స్‌ అనంతరం వర్షం మొదలు కావడంతో మ్యాచ్‌ను ఆపేశారు.

టీ20 వరల్డ్‌కప్‌ 2024లో గ్రూప్‌-1 నుంచి రెండో సెమీస్‌ బెర్త్‌ రేసు రసవత్తరంగా మారింది. ఈ గ్రూప్‌ నుంచి టీమిండియా తొలి సెమీస్‌ బెర్త్‌ ఖరారు చేసుకోగా (ఆసీస్‌పై విజయంతో).. రెండో బెర్త్‌ కోసం తీవ్రమైన పోటీ నెలకొంది. టీమిండియా చేతిలో ఆసీస్‌ ఓటమితో గ్రూప్‌-1 నుంచి రెండో సెమీస్‌ బెర్త్‌ కోసం మూడు జట్లు పోటీపడుతున్నాయి. బంగ్లాదేశ్‌-ఆఫ్ఘనిస్తాన్‌ మ్యాచ్‌కు ముందు ఆసీస్‌, ఆఫ్ఘనిస్తాన్‌ ఖాతాల్లో చెరి 2 పాయింట్లు ఉండగా.. బంగ్లాదేశ్‌ ఖాతా పాయింట్లేమీ లేవు.ఆఫ్ఘనిస్తాన్‌తో మ్యాచ్‌లో బంగ్లాదేశ్‌ గెలిస్తే.. ఆ జట్టు ఖాతాలో కూడా 2 పాయింట్లు చేరతాయి. అప్పుడు ఆసీస్‌, ఆఫ్ఘనిస్తాన్‌లతో పాటు బంగ్లాదేశ్‌ కూడా సెమీస్‌ రేసులో ఉంటుంది.ఆఫ్ఘనిస్తాన్‌పై బంగ్లాదేశ్‌ 61 పరుగులు అంతకంటే ఎక్కువ తేడాతో గెలిచినా.. 13 ఓవర్లలో లక్ష్యాన్ని ఛేదించినా భారత్‌తో పాటు సెమీస్‌కు చేరుకుంటుంది.ఆఫ్ఘనిస్తాన్‌.. బంగ్లాదేశ్‌ను ఓడిస్తే భారత్‌తో పాటు సెమీస్‌కు చేరుకుంటుంది.ఆఫ్ఘనిస్తాన్‌తో మ్యాచ్‌లో బంగ్లాదేశ్‌ 61 పరుగుల కంటే తక్కువ తేడాతో గెలిస్తే ఆస్ట్రేలియా సెమీస్‌కు చేరుకుంటుంది.ఇదిలా ఉంటే, సెయింట్‌ విన్సెంట్‌ వేదికగా ఇవాళ (జూన్‌ 25) ఉదయం 6 గంటలకు ఆఫ్ఘనిస్తాన్‌-బంగ్లాదేశ్‌ మ్యాచ్‌ మొదలైంది. ఈ మ్యాచ్‌లో ఆఫ్ఘనిస్తాన్‌ టాస్‌ గెలిచి తొలుత బ్యాటింగ​ ఎంచుకుంది. 16.3 ఓవర్లు ముగిసే సమయానికి ఆ జట్టు స్కోర్‌ 3 వికెట్ల నష్టానికి 89 పరుగులుగా ఉంది. గుర్బాజ్‌ (43), ఇబ్రహీం జద్రాన్‌ (18), ఒమర్‌జాయ్‌ (10) ఔట్‌ కాగా.. గుల్బదిన్‌ నైబ్‌ (4), నబీ (1) క్రీజ్‌లో ఉన్నారు. బంగ్లా బౌలర్లలో రిషద్‌ హొసేన్‌ 3, ముస్తాఫిజుర్‌ ఓ వికెట్‌ పడగొట్టారు. ఈ మ్యాచ్‌ ఫలితంపై గ్రూప్‌-1 రెండో సెమీస్‌ బెర్త్‌ ఆధారపడి ఉంది.


 బెంగళూరు: ప్రొ కబడ్డీ లీగ్‌లో తెలుగు టైటాన్స్ సెమీస్ అవకాశాలు దాదాపుగా గల్లంతైనట్లే. మంగళవారం బెంగళూరు బుల్స్‌తో కచ్చితంగా గెలవాల్సిన మ్యాచ్‌లో టైటాన్స్ 26-27 తేడాతో ఓటమిపాలైంది. దీంతో ఇరు జట్లు 42 పాయింట్లతో సమంగా నిలిచాయి. అయితే టైటాన్స్ మ్యాచ్‌లన్నీ అయిపోయాయి. బెంగళూరు మరో మ్యాచ్ ఆడాల్సి ఉంది. బెంగళూరు తమ ఆఖరి మ్యాచ్‌లో 10 పాయింట్లతో ఓడిపోతే టైటాన్స్ సెమీస్‌కు చేరుతుంది.