చెన్నై: ప్రఖ్యాత నటుడు కమల్‌హాసన్‌ను ఫ్రాన్స్ ప్రభుత్వం త్వరలో ప్రతిష్టాత్మక షెవలీర్ అవార్డుతో గౌరవించనుంది. కమల్‌ను ‘నైట్ ఇన్ ది నేషనల్ ఆర్డర్ ఆర్ట్స్ అండ్ లెటర్స్’ అవార్డుతో సత్కరిస్తామని ఫ్రాన్స్ కళలు, సమాచార శాఖ ప్రతినిధి ఆదివారమిక్కడ ప్రకటించారు. త్వరలో జరగబోయే ప్రత్యేక కార్యక్రమంలో ఈ అవార్డును ఇస్తారు. గతంలో శివాజీ గణేషన్, అమితాబ్ బచ్చన్, ఐశ్వర్యా రాయ్, నందితా దాస్, షారూఖ్ ఖాన్ ఈ అవార్డును అందుకున్నారు.