సాక్షి, తిరుపతి : తిరుపతి ఎయిర్‌పోర్ట్‌లో ప్రయాణికులు ఆందోళన వ్యక్తం చేస్తున్నారు. ఉదయం 6గంటలకు రావాల్సిన స్పైస్‌ జెట్‌ విమానం ఇప్పటికి రాకపోవడంతో ఎయిర్‌పోర్ట్‌లోనే ప్రయాణికులు పడిగాపులు గాస్తు ఇబ్బందికి గురవుతున్నారు. కాగా మొత్తం 172 మంది ప్రయాణికులు స్పైస్‌ జెట్‌ విమానం రాక కోసం ఎదురుచూస్తున్నట్లు తెలుస్తుంది. అయితే విమానం రాకపోవడానికి సాంకేతిక కారణాలే కారణం కావొచ్చని అధికారులు పేర్కొన్నారు.  


 శంషాబాద్ ఎయిర్పోర్ట్ నుంచి విజయవాడ వెళ్లాల్సిన స్పైస్ జెట్ విమానంలో శనివారం సాంకేతిక లోపం ఏర్పడింది. ఈ నేపథ్యంలో సాంకేతిక లోపాన్ని నివారించేందుకు ఎయిర్ పోర్ట్ అధికారులు చర్యలు చేపట్టారు. అయితే విమానం మూడున్నర గంటల ఆలస్యంగా బయలు దేరుతుందని ఎయిర్పోర్ట్ వర్గాలు వెల్లడించాయి. ఈ రోజు ఉదయం 11.30 నిముషాలకు ఆ  స్పైస్ జెట్  విమానం శంషాబాద్ ఎయిర్పోర్ట్ నుంచి విజయవాడ బయలుదేరుతుందని తెలిపాయి.