అనుష్క ప్రధాన పాత్రలో తెరకెక్కుతున్న తాజా చిత్రం భాగమతి. పిల్ల జమీందార్ ఫేం అశోక్ దర్శకత్వంలో తెరకెక్కుతున్న ఈ సినిమా ను యువీ క్రియేషన్స్ సంస్థ భారీ బడ్జెట్ తో ప్రతిష్టాత్మకంగా నిర్మిస్తోంది. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం నిర్మాణాంతర కార్యక్రమాలు జరుపుకుంటోంది. జనవరి 26న రిలీజ్ కు రెడీ అవుతున్న ఈ సినిమాను తెలుగుతో పాటు తమిళ, మలయాళ భాషల్లోనూ ఒకేసారి రిలీజ్ చేసేందుకు ప్లాన్ చేస్తున్నారు. తాజాగా ఈ సినిమా తమిళ రైట్స్ ను స్టూడియో గ్రీన్ సంస్థ భారీ ధరకు తీసుకున్నట్టుగా ప్రచారం జరుగుతోంది. కోలీవుడ్ లో స్టార్ హీరోల సరసన నటించిన అనుష్క సినిమా రైట్స్ దాదాపు 15 కోట్లు వెచ్చించి సొంతం చేసుకున్నారట. బాహుబలి సినిమాతో జాతీయ స్థాయిలో గుర్తింపు తెచ్చుకున్న అనుష్క  ఈ సినిమాతో మరోసారి సత్తా చాటుతుందని భావిస్తున్నారు. ఈ సినిమాలో ఆది పినిశెట్టి, మలయాళ నటుడు ఉన్ని ముకుందన్ లు ఇతర కీలక పాత్రల్లో నటిస్తున్నారు.


 భారతీయ, సినిమానే కాదు ప్రపంచ సినిమా ఆసక్తిగా ఎదురుచూస్తున్న చిత్రం బాహుమలి. మగధీరతో వారెవ్వా అనిపించుకుని, అల్పప్రాణి ఈగతో తెరపై అద్భుతాలు ఆవిష్కరించిన టాలీవుడ్ మోస్ట్ టాలెంటెడ్ దర్శకుడు రాజమౌళి తాజాబ్రహ్మాండ సృష్టి బాహుబలి. ప్రభాస్, రానా, కన్నడ నటుడు సుదీప్, సత్యరాజ్, నాజర్, అనుష్క, తమన్న, రమ్యకృష్ణ వంటి పలువురు ప్రతిభావంతులైన తారాగణంతో నిండిన ఈ చిత్రాన్ని రెండు భాగాలుగా విడుదల చేయనున్నారు. షూటింగ్ కార్యక్రమాలు పూర్తి చేసుకున్న ఈ చిత్రం సమ్మర్ స్పెషల్‌గా వెండితెరపైకి రావడానికి ముస్తాబవుతోంది.
  
  బాహుబలి తెలుగు, తమిళం, మలయాళం, హిందీ భాషలతో పాటు ఇతర దేశాలలోను భారీ ఎత్తున విడుదలకు సన్నాహాలు చేస్తున్నారు. ఒక్క తమిళంలో మాత్రమే బాహుబలి 27 కోట్లు అమ్ముడు పోయిందని సమాచారం. తమిళంలో సూర్యతో సింగం, సీక్వెల్‌తోపాటు పలు విజయవంతమైన చిత్రాలను అదే విధంగా కార్తీతో పలు భారీ చిత్రాలను నిర్మించిన స్టూడియో గ్రీన్‌సంస్థ అధినేత కెఇ జ్ఞానవేల్ రాజ్ బాహుబలి హక్కులను సొంతం చేసుకోవడం విశేషం.
  
  ఈ విషయాన్ని జ్ఞానవేల్ రాజా స్పష్టం చేస్తూ బాహుబలి చిత్ర తమిళ హక్కులను తాను యువి క్రియేషన్స్‌తో కలిసి అత్యధిక మొత్తం వెచ్చించి పొందినట్లు తెలిపారు. ఈ చిత్రంలోని 45 నిమిషాల సన్నివేశాలను తాను చూశానన్నారు. బాహుబలి తమిళనాడులోను అద్భుత విజయం సాధిస్తుందనే నమ్మకం తనకుందని పేర్కొన్నారు. అందుకే అంత పెద్ద మొత్తంతో చిత్ర తమిళనాడు విడుదల హక్కులను కొనుగోలు చేసినట్లు చెప్పారు. బాహుబలి హిందీ హక్కులను ప్రముఖ బాలీవుడ్ దర్శక నిర్మాత కరణ్ జోహార్ సొంతం చేసుకున్నట్లు సమాచారం.