న్యూఢిల్లీ : రెవెన్యూ కార్యదర్శిగా ఉన్న శక్తికాంత్ దాస్ ఆర్థిక వ్యవహారాల కార్యదర్శిగా నియమితులయ్యారు. ప్రస్తుతం ఆర్థిక వ్యవహారాల కార్యదర్శిగా ఉన్న రాజీవ్ మహర్షి ఈ నెల 31న పదవీ బాధ్యతల నుంచి వైదొలగనున్నారు. అలాగే ఫైనాన్షియల్ సర్వీసెస్ కార్యదర్శిగా ఉన్న హస్ముక్ అదియా రెవెన్యూ కార్యదర్శిగా శక్తికాంత్ దాస్ స్థానాన్ని భర్తీ చేయనున్నారు. కార్పొరేట్ వ్యవహారాల మంత్రిత్వ శాఖ కార్యదర్శిగా ఉన్న అంజులీ చిబ్ దుగ్గల్ ఫైనాన్షియల్ సర్వీసెస్ కార్యదర్శిగా నియమితులయ్యారు. దుగ్గల్ స్థానంలో కార్పొరేట్ వ్యవహారాల మంత్రిత్వ శాఖ కార్యదర్శిగా కొత్తగా తపన్ రాయ్ నియమితులయ్యారు.