టెక్సాస్‌: తెలుగు వైభవం, నెలనెలా తెలుగు వెన్నెల కార్యక్రమాలను ఉత్తర టెక్సాస్‌ సంఘం(టాంటెక్స్‌) టెక్సాస్‌లో ఘనంగా నిర్వహించింది. ఈ కార్యక్రమాలకు పలువురు విశిష్ట అతిధులు హాజరయ్యారు. 120 నెలల పాటు వరుసగా సాహిత్య సదస్సులు నిర్వహించిన ఘనత టాంటెక్స్‌కు ఉంది. ప్రముఖ సాహితీవేత్తలను ఆహ్వానించి వారి సమక్షంలో టాంటెక్స్‌ ఈ సదస్సులను నిర్వహిస్తుంది.
 
 ఈ నెల 8వ తేదీన జరిగిన తెలుగు వైభవం 10వ వార్షికోత్సవం , తెలుగు వెన్నెల కార్యక్రమాలకు ఉప్పలపాటి కృష్ణారెడ్డి, సింగిరెడ్డి శారద, పలువురు సాహితీ ప్రియులు హాజరయ్యారు. సాహిత్య వేదిక సమన్వయ కర్త సింగిరెడ్డి శారద 2017లో జరిగిన సాహిత్య కార్యక్రమాల మీద మాట్లాడారు. ప్రొ. వీ దుర్గాభవాని తెలుగుసాహిత్యం మీద, దాసరి అమరేంద్ర 'తెలుగు యాత్రా సాహిత్యం' అనే అంశాలపై ప్రసంగించారు.
 
 డా.కాత్యాయని విద్మహే, వాసిరెడ్డి నవీన్‌, డా.కందిమళ్ల సాంబశివరావు, గొర్తి బ్రహ్మానందం, మెర్సీ మార్గరెట్‌, నశీం షేక్‌, కేవీ సత్యనారాయణ, ఆదిభట్ల మహేష్‌ ఆదిత్య తదతరులు కార్యక్రమానికి హాజరై ప్రసంగించారు. అనంతరం సాంస్కృతిక కార్యక్రమాలను నిర్వహించారు. గాయని సునీత, వందేమాతంర శ్రీనివాస్‌, భార్గవి పిళ్లై, దినకర్‌, యాసిన్‌ నజీర్‌, సమీర భరద్వాజ్‌లు సంగీతంతో అలరించారు.
 
 
 
 
 


 సాక్షి, హైదరాబాద్‌: ప్రముఖ రచయిత మర్రిపూడి దేవేంద్ర రావు సంకలనం చేసిన ‘తెలుగు వైభవం’ అనే పుస్త కాన్ని విపక్ష నేత, వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌రెడ్డి మంగళవారం తన నివాసం లో ఆవిష్కరించారు. తెలుగు కళామతల్లికి తన సామ్రాజ్యమంతా చలువ పందిళ్లు వేయించిన ఘనత శ్రీకృష్ణదేవరాయలదైతే.. తెలుగుకు వెలుగునిచ్చే ప్రాచీన హోదాకోసం శ్రమించిన తెలుగు తల్లి ముద్దుబిడ్డగా దివంగత వైఎస్‌ రాజశేఖరరెడ్డి గణుతి కెక్కారని దేవేంద్రరావు ఈ సందర్భంగా అభివర్ణించారు.
 
 పార్టీ శాసనసభాపక్ష ఉపనేత పెద్దిరెడ్డి రామచంద్రారెడ్డి మాట్లాడుతూ తెలుగు సంప్రదాయానికి ఆయువుపట్టు అయిన పంచెకట్టుతో తెలుగు ప్రజలపై చెరగని ముద్ర వేసిన మహానేత వైఎస్‌ రాజశేఖరరెడ్డి.. తెలుగు భాష, జాతి ఔన్నత్యాన్ని చాటారని కొనియాడారు. వైఎస్సార్‌ స్మారక ఫౌండేషన్‌ కర్ణాటక శాఖ కార్యదర్శి పి.రాకేష్‌రెడ్డి మాట్లాడుతూ తెలుగు సంవత్సరాలు 60, రాజన్న జీవన యానం 60, దీనికి ప్రతీకగా 60కి పైగా కవి వరేణ్యులతో ‘తెలుగు వైభవం’పై తిరుపతిలో జాతీయ సమ్మేళనాన్ని అతి త్వరలో భారీఎత్తున నిర్వహించబోతున్నట్లు తెలిపారు. కార్యక్రమంలో వైఎస్సార్‌ సేవాదళ్‌ నేత జి.లక్ష్మీపతి కూడా పాల్గొన్నారు.