శ్రీనగర్‌: జమ్ము కశ్మీర్‌లో భద్రత బలగాలతో జరిగిన ఎన్‌కౌంటర్‌లో ఇద్దరు ఉగ్రవాదులు హతమయ్యారు. మృతుల్లో హిజ్బుల్ ముజాహిద్దీన్ టాప్ కమాండర్ ఉన్నాడు.
 
 ఆదివారం పుల్వామా జిల్లాలోని అవంతిపొర ప్రాంతంలో ముగ్గురు ఉగ్రవాదులు కారులో వెళ్తున్నట్టు సమాచారం రావడంతో 55 రాష్ట్రీయ రైఫిల్స్, పోలీసులు సంయుక్తంగా తనిఖీలు చేపట్టారు. కారును ఆపేందుకు పోలీసులు ప్రయత్నించగా, ఉగ్రవాదులు కాల్పులు జరిపారు. భద్రత బలగాలు జరిపిన ఎదురు కాల్పుల్లో ఇద్దరు ఉగ్రవాదులు మృతిచెందగా, మరో ఉగ్రవాది పరారయ్యాడు. పరారైన ఉగ్రవాది కోసం భద్రత బలగాలు గాలిస్తున్నాయి.