జైపూర్ (ఆదిలాబాద్) : ఆదిలాబాద్ జిల్లా జైపూర్ మండలంలోని వేలాల గ్రామంలో విషజ్వరాలు ప్రబలుతున్నాయి. గత ఐదు రోజుల్లో గ్రామానికి చెందిన ముగ్గురు వ్యక్తులు మృతిచెందారు. తాజాగా.. గ్రామానికి చెందిన రాధమ్మ(53) గత వారం రోజులుగా జ్వరంతో బాధపడుతోంది. కాగా మంచిర్యాలలోని ప్రైవేటు ఆస్పత్రిలో చికిత్స పొందుతూ శుక్రవారం మృతిచెందింది. మండలంలో విషజ్వరాలు ప్రబలుతున్నా అధికారులు ఏమాత్రం  పట్టించుకోవడం లేదని గ్రామస్థులు ఆందోళన చేస్తున్నారు.