జెరూసలేం: ఇజ్రాయెల్‌లో భీకర యుద్ధం నడుస్తోంది. ఇజ్రాయెల్‌ దళాలు, హమాస్‌ మిలిటెంట్ల మధ్య హోరాహోరీ యుద్ధం కొనసాగుతోంది. ఈ యుద్ధంలో నెత్తుటేర్లు పారుతున్నాయి. ఇరువర్గాల మధ్య ఘర్షణ మూడు రోజులుగా కొనసాగుతూనే ఉంది. హమాస్‌ మిలిటెంట్లె లక్ష్యంగా ఇజ్రాయెల్‌ సైన్యం సోమవారం గాజాపై వైమానిక దాడులు ఉధృతం చేసింది. మిలిటెంట్ల చొరబాట్లను అడ్డుకోవడానికి సరిహద్దుల్లో యుద్ధ ట్యాంకులు, డ్రోన్లను మోహరించింది. ఇజ్రాయెల్‌ దాడుల్లో గాజాలో వందలాది భవనాలు నేలమట్టమయ్యాయి. మరోవైపు దక్షిణ ఇజ్రాయెల్‌లో ఉద్రిక్త పరిస్థితులు నెలకొన్నాయి. హమాస్‌ మిలిటెంట్లు ఇజ్రాయెల్‌ జవాన్లపై కాల్పులకు దిగుతున్నారు. రాకెట్లు కూడా ప్రయోగిస్తున్నారు. దీంతో, ఇజ్రాయెల్‌ సైన్యం తిప్పికొడుతోంది.  I am drafted as well to serve and defend my country Israel. 🇮🇱 I said goodbye to my wife India, who sent me with blessings and protection of God. From now on she will be managing and posting on my behalf so be nice to her. 😉🇮🇱😊 @indianaftali pic.twitter.com/K8O56kAQH7 — Hananya Naftali (@HananyaNaftali) October 9, 2023 ఇదిలా ఉండగా.. తాను పుట్టిన దేశంలో కోసం ఇజ్రాయెల్‌ ప్రజలు యుద్ధ రంగంలోకి దిగుతున్నారు. దేశానికి సేవ చేసేందుకు తమంట తాముగా ముందుకు వస్తున్నారు. హమాస్ అకృత్యాలకు చలించిపోయిన ఇజ్రాయెల్‌వాసులు కదనరంగంలోకి అడుగుపెడుతున్నారు. ఈ క్రమంలో దాదాపు 3 లక్షల మందిని ఇజ్రాయెల్ ప్రభుత్వం సన్నద్ధం చేసింది. దీంతో, కన్నబిడ్డలను, కుటుంబాలను వదిలి.. హమాస్‌పై పోరాడేందుకు రెడీ అవుతున్నారు. ఈ క్రమంలో ఓ ప్రముఖ జర్నలిస్టు సైతం తాను సైన్యంలో చేరుతున్నట్టు ప్రకటించారు. దీనికి సంబంధించిన వీడియో సోషల్‌ మీడియాలో వైరల్‌గా మారింది. దీంతో, నెటిజన్లు ఆయన్ను ప్రశంసిస్తున్నారు.  The reason we are deployed is not just to defend our borders, it’s literally to defend our homes and families. This is a war between good and evil. #IsraelUnderAttack pic.twitter.com/xNWmJmHhxX — Hananya Naftali (@HananyaNaftali) October 9, 2023 వివరాల ప్రకారం.. ఇ‍జ్రాయెల్‌కు చెందిన ప్రముఖ జర్నలిస్టు హనన్యా నఫ్తాలీ సంచలన నిర్ణయం తీసుకున్నారు. తాను హమాస్‌కు వ్యతిరేకంగా పోరాడేందుకు తన భార్యను వదిలి వెళ్తున్నట్టు ప్రకటించారు. ఈ మేరకు యుద్ధానికి వెళ్తున్న నఫ్తాలీ.. తన భార్యను హత్తుకున్న ఫొటోను ట్విట్టర్‌లో షేర్ చేస్తూ భావోద్వేగ పోస్టు పెట్టారు. తన గైర్హాజరీలో తన సోషల్ మీడియా ఖాతాను ఆమె నిర్వహిస్తుందని పేర్కొన్నారు. ‘నా దేశాన్ని రక్షించుకునేందుకు, సేవ చేసేందుకు వెళ్తున్నాను. నా భార్య ‘ఇండియా నఫ్తాలీ’కు గుడ్‌బై చెప్పేశాను. ఆమె నన్ను ఆశీర్వదించింది. భగవంతుడి రక్షణ నాకు అండగా ఉంటుందని చెప్పింది. ఇక నుంచి నా తరపున నా సోషల్ మీడియా ఖాతాను ఆమె నిర్వహిస్తుంది’ అని తెలిపారు.   ఇదే సమయంలో ఇది మంచికి, చెడుకు మధ్య జరుగుతున్న యుద్ధం అని పేర్కొన్నారు.  I rushed to the bomb shelter as rocket sirens sounded in Tel Aviv. My heart breaks for my neighbors. I see some of their kids crying and the elderly not making it down the stairs in time. pic.twitter.com/G6C3xgAVzM — India Naftali (@indianaftali) October 9, 2023 ఆ తర్వాత నఫ్తాలీ మరో వీడియోను పోస్టు చేస్తూ.. తాను యుద్ధానికి వెళ్తున్నది తమ సరిహద్దులను కాపాడుకోవడం కోసం మాత్రమే కాదని, తమ ఇళ్లను, కుటుంబాలను కాపాడుకోవడానికని పేర్కొన్నారు. ఓ బాంబు షెల్టర్‌లో నఫ్తాలీ-ఇండియా ఇద్దరూ ఉన్న వీడియో వైరల్ అయింది. ఈ వీడియో ఇండియా నఫ్తాలీ కంటతడి పెడుతూ కనిపించారు. ఇక, ఈ వీడియోపై నెటిజన్లు స్పందిస్తూ జర్నలిస్తు నఫ్తాలీని ప్రశంసిస్తున్నారు. దేశంలో తనకున్న అంకితభావంపై అభినందనలు కురిపిస్తున్నారు. నిజమైన దేశభక్తి ఇదీ అంటూ పొగుడుతున్నారు.  "I promised him I’ll be back soon." This is only one father out of thousands of parents who have had to say goodbye to their children, as 300,000 Israelis report for reserve duty. The IDF and the people of Israel will stand strong and united in the face of any threat. pic.twitter.com/356qUyLtEW — Israel Defense Forces (@IDF) October 9, 2023 ఇది కూడా చదవండి: ఇజ్రాయెల్‌లో 9 మంది అమెరికన్లు మృతి


 ♦ రూ.3 వేల నుంచి రూ.5 వేలకు పెంపు
 ♦ జిల్లాలో 35 మందికి లబ్ధి
  
 శ్రీకాకుళం న్యూకాలనీ: యుద్ధవీరుల సేవలను ప్రభుత్వం గుర్తించింది. 1939 నుంచి 1945 సంవత్సరాల మధ్య రెండో ప్రపంచ యుద్ధ సమయంలో పనిచేసిన మాజీ సైనికులు, వారి కుటుంబాలకు ఆర్థిక సాయం పెంచింది. కొన్నేళ్లుగా నెలకు రూ.3000 ఇచ్చే ఆర్థిక సాయాన్ని రూ.5 వేలకు పెంచుతూ ఉత్తర్వులు జారీ చేసింది. 2016 జూలై 20 నుంచి పెంచిన సాయం అమల్లోకి వస్తుందని ‘ఉత్తర్వుల సంఖ్య 88 హోమ్‌ (సర్వీసెస్‌–4) డిపార్ట్‌మెంట్‌’లో పేర్కొంది. ఈ మేరకు జిల్లా సైనిక సంక్షేమాధికారి కార్యాలయానికి ఉత్తర్వుల చేరాయి. జిల్లాలో 35 కుటుంబాలకు ఆర్థిక లబ్ధి చేకూరనుంది. యుద్ధంలో పాల్గొన్న ఒకేఒక్క మాజీ సైనికుడు బతికుండగా, మిగిలిన 34 మంది వితంతువులే కావడం గమనార్హం. మాజీ సైనికులు, వితంతువుల ఆధార్‌ కార్డు నంబర్, ప్రస్తుతం సహాయం అందుతున్న బ్యాంకు ఖాతా నంబర్‌ను అనుసంధానం చేసి జిరాక్సు కాపీలను జిల్లా సైనిక సంక్షేమాధికారి కార్యాలయానికి అందజేయాలని సంక్షేమాధికారి సత్యానందం కోరారు. మరిన్ని వివరాలకు 08942–227688 నంబర్‌ను సంప్రదించాలని కోరారు. 
  
 చేయూత ఇలా మొదలైంది..
  
 పింఛన్‌కు కూడా నోచుకోని యుద్ధసైనికుల కుటుంబాలను రాష్ట్రసర్కారు తొలుత 1985లో గుర్తించింది. వీరికి అప్పటి రాష్ట్ర  ముఖ్యమంత్రి ఎన్టీఆర్‌  హయాంలో (1985)లో 500 అందజేశారు. తర్వాత చంద్రబాబు హయాంలో (2002లో) దీనిని రూ.1000కి పెంచారు. అనంతరం దివంగత ముఖ్యమంత్రి వైఎస్‌ రాజశేఖరరెడ్డి (2005లో) రూ.3000లకు పెంచారు. తాజాగా దానిని రూ.5 వేలకు పెంచారు. 
  
 ఆర్థిక చేయూత పెంచాలి 
 రెండో ప్రపంచ యుద్ధ సమయంలో ప్రాణాలను సైతం పనంగా పెట్టి సైనికులు పోరాడారు. సైనికులు అందిస్తున్న సేవలు వెలకట్టలేనివి. ప్రభుత్వాలు పెద్దమనసుతో ఆలోచించాలి. దశాబ్దం తర్వాత గాని పెంపునకు నోచుకోకపోవడం బాధాకరం. కనీసం రూ.10 వేలకు తగ్గకుండా ఆర్థిక చేయూతను అందించి వారి కుటుంబాలను ఆదుకోవాలి.
   – డి.సింహాచలం, జిల్లా మాజీ సైనిక,కుటుంబ సంక్షేమ సంఘం అధ్యక్షుడు