సికింద్రాబాద్‌లో దోపిడి దొంగలు రెచ్చిపోయారు. ఏకంగా ఆర్మీ కల్నల్‌ ఇంట్లోనే చోరీకి పాల్పడ్డారు. దుండగులు కల్నల్‌ నయ్యర్ కుమారుడిని కత్తులతో బెదిరించి.. కట్టిపడేసి దోపిడీకి పాల్పడ్డారు. ఇంట్లో నుంచి కేజీ బంగారంతో పరారైనట్లు తెలుస్తోంది. ఈ ఘటన సమయం నుంచి వాచ్‌మెన్‌ కూడా కనిపించకపోవడంతో పలు అనుమానాలు వ్యక్తమౌతున్నాయి. పోలీసులు సంఘటనా స్థలాన్ని పరిశీలించారు.