మహిళా విలేకరికి క్షమాపణలు చెప్పిన గవర్నర్‌

మహిళా విలేకరి చెంపపై తట్టినందుకు తమిళనాడు గవర్నర్‌ బన్వరీలాల్‌ పురోహిత్‌ బుధవారం ఆమెకు క్షమాపణలు చెప్పారు. ఆమె తన మనవరాలి వంటిదనీ, విలేకరిగా ఆమె పనిని మెచ్చుకుంటూ అప్యాయతతో చెంపపై తట్టానని పురోహిత్‌ వివరణ ఇచ్చారు. ఇంగ్లిష్‌ మేగజీన్‌లో విలేకరిగా పనిచేసే లక్ష్మి సుబ్రమణియన్‌ మంగళవారం పురోహిత్‌ను ఓ ప్రశ్న అడగ్గా, దాన్నుంచి తప్పించుకునేందుకు పురోహిత్‌ ఆమె చెంపపై తట్టి వెళ్లిపోయారు.