సీనియర్ హీరోయిన్ రాధ కుటుంబంలో వివాదం నెలకొంది. తన చెక్‌లను దుర్వినియోగం చేశారని రాధ ఆరోపిస్తూ చెన్నై కోర్టును ఆశ్రయించింది. తన సోదరి అంబిక, సోదరుడు మల్లికార్జున కుంజన్ నాయర్‌పై గ్రేటర్ చెన్నై పోలీస్ కమిషనర్‌కు ఫిర్యాదు చేసింది. తాను సంతకం చేసిన ఖాళీ చెక్కులను దొంగిలించారని రాధ తన ఫిర్యాదులో పేర్కొంది.తన చెక్‌లను తస్కరించి దాదాపు రూ.46 కోట్ల మోసానికి పాల్పడ్డారని రాధ ఆరోపిస్తోంది. ఆ చెక్కులను తన సోదరుడు మల్లికార్జున, తన సోదరి అంబిక కలిసి ఈ పని చేశారని రాధ ఫిర్యాదులో పేర్కొన్నారు. తాను ఇంట్లో లేనప్పుడు.. తన ప్రమేయం లేకుండా తన గది నుంచే ఆ చెక్కులను తీసుకున్నారని తెలిపారు. తాను ఆ చెక్కులను తన సోదరికి ఎప్పుడూ ఇవ్వలేదని.. వెంటనే చెల్లింపులను నిలిపివేయమని బ్యాంకు అధికారులకు సూచించినట్లు రాధ వెల్లడించింది.అంతేకాకుండా విలువైన వస్తువులు, నగలు, ఆస్తి పత్రాలు, ఇతర రికార్డులు ఉంచిన తన ఆస్తి భాగాన్ని తీసుకోకుండా అంబిక, మల్లికార్జున తనకు రాకుండా అడ్డుకున్నారని కూడా రాధ ఆరోపించారు. విచారణ జరిపి వారిద్దరిపై క్రిమినల్ చర్యలు తీసుకోవాలని ఆమె పోలీసులను కోరారు. ప్రస్తుతం ఈ టాపిక్‌ కోలీవుడ్‌లో చర్చనీయాంశంగా మారింది.

సాక్షి,తాడేపల్లి : రాష్ట్రంలో ప్రజాస్వామ్యం ఉందా? అని వైఎస్సార్‌సీపీ స్టేట్ కోఆర్డినేటర్ సజ్జల రామకృష్ణారెడ్డి ప్రశ్నించారు. డీఎస్సీలో అక్రమాలు చేసి, ఆ తప్పుల నుంచి బయటపడేందుకే వెన్నుపోట్ల పార్టీ దాడుల్ని కొనసాగిస్తోందని ఆగ్రహం వ్యక్తం చేశారు. డీఎస్సీ అక్రమాల్లో కూటమి ప్రభుత్వ ఆటలు సాగవు. న్యాయ స్థానాల ద్వారా పోరాడుతామన్నారు. సోమవారం తాడేపల్లిలోని వైఎస్సార్‌సీపీ కేంద్ర కార్యాలయంలో డీఎస్సీ అక్రమాలపై శాంతియుతంగా నిరసన తెలుపుతున్న వైఎస్సార్‌సీపీ శ్రేణులపై కూటమి శ్రేణులు దాడులకు తెగబడుతున్న ఘటనలను ఆయన తీవ్రంగా ఖండించారు. ఈ సందర్భంగా ఆయన మీడియాతో మాట్లాడారు. దబాయించడం, బుకాయించడమే కాదు... ఎదురుదాడికి దిగుతున్నారు. శాంతియుతంగా ధర్నాలు చేస్తున్న వారిపై దాడులకు తెగబడుతున్నారు. నియంతల పాలన సమయంలో కూడా ఇలా జరగలేదు. అబద్ధం, దుర్మార్గం, బరితెగింపు, క్రూరత్వం కలిపితే అది వెన్నుపోట్ల పార్టీ. చంద్రబాబుకు కొడుకు తోడయ్యాక ఈ పరిస్థితులు మరింత దిగజారాయి.డీఎస్సీ అభ్యర్థి కోర్టుకు వెళితే అసలు బండారం బయటపడింది. డీఎస్సీలో మోసపోయిన అభ్యర్థులకు న్యాయం చేయకపోతే ఎలా? డీఎస్సీలో ఎన్ని కుంభకోణాలు జరిగాయో అన్నీ ఇప్పుడు వెలుగులోకి వస్తున్నాయి. టెట్‌ పాస్ కానీ వారికి ఉద్యోగాలు ఇచ్చారు. సంబంధం లేని సబ్జెక్ట్‌లలోనూ ఉద్యోగాలు ఇచ్చారు. చివరికి పరీక్షా పేపర్లు కూడా అమ్ముకున్నారనే వార్తలు వచ్చాయి. మాపై దాడులు చేస్తూనే.. మరోవైపు ఉపాధ్యాయులపై వైఎస్సార్‌సీపీ నేతలే దాడులు చేస్తున్నారంటూ తప్పుడు ప్రచారాలు చేస్తున్నారు. తప్పు చేసి కూడా దబాయించాలని చూస్తున్నారు.ఇక, ఎకనామిక్‌ బ్యాక్‌వర్డ్‌ క్లాసెస్ కోటాలో నకిలీ పత్రాలు సృష్టించారు. డీఎస్సీ అక్రమాల బేరసారాల వీడియోలు దొరికినా, వాటిని వదిలేసి కేవలం అనుమానితుడిపైనే కేసులు పెట్టారు. 'సెవెన్ స్టెప్స్' అంటే కూటమి ప్రభుత్వంలో వేరే అర్థం ఉంది. స్పోర్ట్స్ కోటాను దాటేసి మరీ అనర్హులకు ఉద్యోగాలు కట్టబెట్టారు. తాము చేసిన తప్పులను కప్పిపుచ్చుకోవడానికి వీటికి పొలిటికల్ కలర్ ఇస్తున్నారు’ అని ధ్వజమెత్తారు.

సోమవారం ఉదయం లాభాల్లో ప్రారంభమైన.. దేశీయ స్టాక్ మార్కెట్లు, ట్రేడింగ్ క్లోజ్ అయ్యే సమయానికి భారీ లాభాల్లో ముగిశాయి. సెన్సెక్స్ 599.90 పాయింట్లు లేదా 0.81 శాతం లాభంతో 74,894.86 వద్ద, నిఫ్టీ 82.60 పాయింట్లు లేదా 0.35 శాతం లాభంతో 23,429.00 వద్ద నిలిచాయి.పతంజలి ఫుడ్స్ లిమిటెడ్, ఇంజనీర్స్ ఇండియా లిమిటెడ్, జ్యోతి సిఎన్‌సి ఆటోమేషన్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. ఒరాకిల్ ఫైనాన్షియల్ సర్వీసెస్ సాఫ్ట్‌వేర్ లిమిటెడ్, వర్ధమాన్ టెక్స్‌టైల్స్ లిమిటెడ్, ఏపీఎల్ అపోలో ట్యూబ్స్ లిమిటెడ్ వంటి సంస్థలు నష్టాల జాబితాలో నిలిచాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

బెంగళూరులో ఇళ్లకు విధిస్తున్న కొత్త రుసుముపై దుమారం రేగుతోంది. ఆస్తి పన్ను చెల్లించే వారికి కొత్తగా ‘సాఫ్ట్‌వేర్ ఛార్జీ’ కనిపిస్తోంది. గ్రేటర్ బెంగళూరు అథారిటీ (GBA) పరిధిలోని ఐదు నగర కార్పొరేషన్లు ఆస్తి పన్ను సంబంధిత ఆన్‌లైన్ సేవలకు ఈ అదనపు రుసుమును వసూలు చేస్తున్నాయి. నివాస ఆస్తులకు ఏడాదికి రూ.200, వాణిజ్య, వసతియేతర, మిశ్రమ వినియోగ ఆస్తులకు రూ.1,000 చొప్పున ఈ ఛార్జీని నిర్ణయించినట్లు తాజా నివేదికలు వెల్లడించాయి. ఈ రుసుము ప్రస్తుత ఆర్థిక సంవత్సరం మధ్యలో పన్ను డిమాండ్‌లో కనిపించడం, దీనిపై ముందస్తు స్పష్టమైన ప్రజా ప్రకటన లేకపోవడం చర్చకు దారితీసింది.గ్రేటర్ బెంగళూరు అథారిటీ ప్రత్యేక కమిషనర్‌ (రెవెన్యూ, ఐటీ) మునీష్‌ మౌద్గిల్‌ మాత్రం ఈ ఛార్జీని సమర్థించారు. ఆస్తి పన్ను వసూళ్లు, ఈ-ఖాతా వంటి పౌర సేవలకు ఉపయోగిస్తున్న డిజిటల్‌ వ్యవస్థలను అభివృద్ధి చేయడం, నిర్వహించడం, అప్‌గ్రేడ్‌ చేయడం, డేటా భద్రత వంటి వాటికి నిరంతరం ఖర్చవుతుందని అధికారులు చెబుతున్నారు. గ్రేటర్ బెంగళూరు అథారిటీకి ఈ ఐటీ మౌలిక వసతుల కోసం ప్రత్యేక ఆదాయ వనరు లేకపోవడంతో ‘యూజర్‌ పేస్‌’ విధానంలో ఈ రుసుమును విధించినట్లు వివరణ ఇచ్చారు. ఆన్‌లైన్‌ సేవల ద్వారా సమయం, సౌలభ్యం లభిస్తున్న నేపథ్యంలో నివాస ఆస్తికి ఏడాదికి రూ.200 తక్కువ మొత్తమేనని అధికారులు పేర్కొన్నారు.అయితే, కొత్త ఛార్జీపై ప్రాపర్టీ యజమానులు, పౌర సంఘాలు, ప్రతిపక్ష నాయకుల నుంచి ప్రశ్నలు వస్తున్నాయి. ఆస్తి పన్నులోనే పౌర సేవల నిర్వహణ ఖర్చులు భాగమై ఉన్నప్పుడు సాఫ్ట్‌వేర్‌ నిర్వహణ కోసం ప్రత్యేకంగా ఎందుకు వసూలు చేస్తున్నారనే ప్రశ్నతో పాటు, రూ.200, రూ.1,000 మొత్తాలను ఎలా నిర్ణయించారు? వాటి ద్వారా ఎంత ఆదాయం వస్తుంది? ఏ చట్టపరమైన నిబంధన ఆధారంగా ఈ రుసుమును విధించారు? అనే అంశాలపై స్పష్టత కోరుతున్నారు.ఈ కొత్త ఫీజు నిర్మాణం ఆస్తి పన్నుకే పరిమితం కాలేదు. తాజా నివేదికల ప్రకారం ఈ-ఖాతా ఫైనల్‌ ప్రాసెసింగ్‌కు రూ.400, బీ-ఖాతా నుంచి ఏ-ఖాతాకు మార్పిడికి నివాస ఆస్తులకు రూ.2,000, వసతియేతర ఆస్తులకు రూ.10,000 వంటి సాఫ్ట్‌వేర్‌ సంబంధిత ఛార్జీలు కూడా ఉన్నాయి. లేఅవుట్‌ ఖాతా, కొత్త ఖాతా నమోదు, ఈ-ఖాతా పత్రాల పునర్ముద్రణ వంటి కొన్ని సేవలకు కూడా వేర్వేరు రుసుములు నిర్ణయించినట్లు సమాచారం.

దక్షిణాఫ్రికాతో మూడు వన్డేల సిరీస్ కోసం ఎంపిక చేసిన ఆస్ట్రేలియా జట్టులో కీలక మార్పులు చోటు చేసుకున్నాయి. సీనియర్ ఫాస్ట్ బౌలర్ బిల్లీ స్టాన్లేక్ పక్కటెముకల కండరాల గాయం కారణంగా ప్రోటీస్ సిరీస్‌కు దూరమయ్యాడు. దీంతో అతడి స్దానాన్ని ఆల్‌రౌండర్ జాక్ ఎడ్వర్డ్స్‌తో క్రికెట్ ఆస్ట్రేలియా భర్తీ చేసింది. ఈ ఆల్‌రౌండర్ ప్రస్తుతం ఇండియా-ఎతో అనాధికారిక వన్డే సిరీస్‌కు సన్నద్దమవుతున్నాడు. ఇప్పటికే ఎంపిక చేసిన ఆస్ట్రేలియా-ఎ జట్టులో అతడు సభ్యునిగా ఉన్నాడు. ఇప్పుడు జాతీయ జట్టు నుంచి పిలుపు రావడంతో సౌతాఫ్రికాకు పయనం కానున్నాడు.కాగా ఎడ్వ‌ర్డ్స్ ప్ర‌స్తుతం అద్భుత‌మైన ఫామ్‌లో ఉన్నాడు. మీడియం పేస్ బౌలింగ్‌తో పాటు లోయార్డ‌ర్‌లో దూకుడుగా ఆడ‌డం అత‌డి ప్ర‌త్యేక‌త‌. అతడు ఇంకా వ‌న్డేల్లో అరంగేట్రం చేయ‌లేదు. సౌతాఫ్రికాతో జ‌రిగే తొలి వ‌న్డేలో ఎడ్వ‌ర్డ్స్ డెబ్యూ చేసే ఛాన్స్ ఉంది.మరోవైపు జింబాబ్వేతో వన్డే సిరీస్‌లో భాగమైన పేసర్ స్పెన్సర్ జాన్సన్‌ను ప్రోటీస్ సిరీస్‌కు ముందు జట్టు నుంచి రిలీజ్ చేశారు. అతడు వచ్చే నెలలో ఇండియా-ఎతో జరగనున్న వన్డే సిరీస్ కోసం ఆస్ట్రేలియా-ఎ జట్టులో చేరనున్నాడు. 18 నెలల విరామం తర్వాత వన్డే క్రికెట్‌లోకి తిరిగి వచ్చిన జాన్సన్.. ఆదివారం జింబాబ్వేతో జరిగిన మూడో వన్డేలో ఆసీస్ విజయం సాధించడంలో అతడు కీలక పాత్ర పోషించాడు. అతడు బౌలింగ్‌లో రెండు వికెట్లు పడగొట్టి.. బ్యాటింగ్‌లో చివరి వికెట్‌కు 27 పరుగుల భాగస్వామ్యాన్ని నెలకొల్పాడు. ఇక జింబాబ్వేతో వన్డేలకు దూరమైన సీనియర్ ప్లేయర్లు పాట్ కమిన్స్, మిచెల్ స్టార్క్‌లు డర్బన్‌లో ఆస్ట్రేలియా జట్టుతో కలవనున్నారు. ఈ మూడు వన్డేల సిరీస్ సెప్టెంబర్ 24 నుంచి ప్రారంభం కానుంది.ఆస్ట్రేలియా వన్డే జట్టు: మిచెల్ మార్ష్, పాట్ కమిన్స్ (కెప్టెన్), జేవియర్ బార్ట్‌లెట్, అలెక్స్ క్యారీ, కూపర్ కానలీ, జోయెల్ డేవిస్, నాథన్ ఎల్లిస్, కామెరాన్ గ్రీన్, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, జాక్ ఎడ్వర్డ్స్, ఆలివర్ పీక్, మాథ్యూ రెన్‌షా, మిచెల్ స్టార్క్, ఆడమ్ జంపాచదవండి: టీమిండియా వైపు దూసుకొస్తున్న యువ సంచలనం.. ఎవరీ యశ్‌?

Mithu Mukherjee Passes away ప్రముఖ బెంగాలీ సీనియర్ నటి మిథు ముఖర్జీ (71) కన్నుమూశారు. 1970, 1980 దశకాలలో ప్రముఖ నటిగా ‍ ప్రజాదరణ పొందారు. మిథు దాదాపు ఏడాది పాటు క్యాన్సర్‌తో బాధపడుతూ ముంబైలోని ఒక ప్రైవేట్ ఆసుపత్రిలో ఆదివారం రాత్రి తుదిశ్వాస విడిచారు. ఉత్తమ్ కుమార్, సౌమిత్ర ఛటోపాధ్యాయ , రంజిత్ మల్లిక్ వంటి బెంగాలీ చిత్ర పరిశ్రమకు చెందిన పలువురు అగ్రశ్రేణి నటులతో ఆమె నటించారు. దాదాపు రెండు దశాబ్దాల పాటు బెంగాలీ చిత్ర పరిశ్రమను ఏలిన మిథు ముఖర్జీ అస్తమయంపై పలువురు నటీనటులు, ఇతర సినీ ప్రముఖులు సంతాపం వెలిబుచ్చారు. నటుడు, నిర్మాత ప్రోసేన్‌జిత్ ఛటర్జీ ఎక్స్‌ వేదికగా ఆమె మృతికి సంతాపం తెలిపారు. మిథు ముఖోపాధ్యాయ మరణం అత్యంత బాధాకరం. ఆమె జ్ఞాపకాలు , ఆమె చేసిన కృషి మన మధ్య ఎప్పటికీ నిలిచి ఉంటాయంటూ ఆమెకు నివాళులర్పించారు. ఆల్ ఇండియన్ సినీ వర్కర్స్ అసోసియేషన్ (AICWA) కూడా సోషల్‌ మీడియా ద్వారా ఈ దిగ్గజ నటికి హృదయపూర్వక నివాళులు అర్పించింది.মিঠু মুখোপাধ্যায়ের প্রয়াণের খবর অত্যন্ত বেদনাদায়ক। তাঁর স্মৃতি ও তাঁর কাজ আমাদের মধ্যে চিরকাল বেঁচে থাকবে। গভীর শ্রদ্ধা। pic.twitter.com/IUNbvHnXC1— Prosenjit Chatterjee (@prosenjitbumba) September 21, 2026 1955లో కోల్‌కతాలో జన్మించిన మిథు ముఖర్జీ, 1972లో చిత్తా బోస్ దర్శకత్వం వహించిన 'షేష్ పర్బా' (Shesh Parba) చిత్రంతో 17 ఏళ్ల వయసులో సినీ పరిశ్రమలోకి అడుగుపెట్టారు. ఈ చిత్రంలో ఆమె షమిత్ భంజా సరసన నటించారు. అయితే, దినెన్ గుప్తా దర్శకత్వంలో వచ్చిన 'మార్జినా అబ్దుల్లా' (Marjina Abdulla) మూవీ ఆమెను టాప్‌స్టార్‌గా నిలబెట్టింది. బెంగాలీ సినిమాలతో పాటు 'ఖాన్ దోస్త్', 'సఫేద్ ఝూట్',', 'దిల్లగి', 'దో లడ్కే దోనో కడ్కే' వంటి హిందీ చిత్రాల్లో కూడా నటించారు. 1990లో వచ్చిన చంద్ర బారోట్ చిత్రం 'ఆశ్రిత' ఆమె కెరీర్‌లో చివరి సినిమా. ఆ తర్వాత ఆమె సినిమాలకు దూరంగా ప్రైవేట్ జీవితాన్ని గడిపారు.

ముంబై: ఐఐటీ బాంబే కీలక నిర్ణయం తీసుకుంది. ఐఐటీ విద్యార్థి సహిల్‌ ఆత్మహత్య ఘటనలో ఆరోపణలు ఎదుర్కొంటున్న ప్రొఫెసర్‌ సూర్యనారాయణ దుల్లాను ‌సస్పెండ్‌ చేసింది. డీన్‌ ఆఫ్‌ స్టూడెంట్‌ అఫైర్స్‌ విధుల నుంచి తొలగిస్తూ ఉత్తర్వులు జారీ చేసింది. సహిల్‌ ఆత్మహత్య ఘటనలో విద్యార్థికి న్యాయం జరగాలని విద్యార్థులు పెద్దఎత్తున ఆందోళనలు చేపట్టిన నేపథ్యంలో ఈ కీలక నిర్ణయం తీసుకుంది.ఏం జరిగింది?ఐఐటీ బాంబేలో బీటెక్‌ రెండో సంవత్సరం చదువుతున్న 20 ఏళ్ల సహిల్‌ వాకోడే సెప్టెంబర్‌ 18న పరీక్ష రాసిన కొద్దిసేపటికే హాస్టల్‌ గదిలో మృతిచెందాడు. రెండో పరీక్ష సందర్భంగా అతడి వద్ద మొబైల్‌ ఫోన్‌ ఉన్నట్లు గుర్తించినట్లు ఐఐటీ బాంబే తెలిపింది. పరీక్ష ప్రశ్నపత్రాన్ని మొబైల్‌ ద్వారా ChatGPTలో అప్‌లోడ్‌ చేసి సమాధానాలు పొందేందుకు ప్రయత్నించాడని పేర్కొంది. పరీక్ష పర్యవేక్షకుడిగా ఉన్న ప్రొఫెసర్‌ సూర్యనారాయణ దుల్లా అతడిని బయటకు తీసుకెళ్లి మాట్లాడినట్లు విద్యార్థులు తెలిపారు.కుటుంబం సంచలన ఆరోపణలుఅయితే సహిల్‌ తల్లిదండ్రులు మాత్రం వేరే ఆరోపణలు చేశారు. క్యాంపస్‌లో కుల వివక్షకు గురయ్యాడని, కొంతకాలంగా ప్రొఫెసర్‌ సూర్యనారాయణ దుల్లా తనను కులపరంగా వేధిస్తున్నారని సహిల్‌ తమకు చెప్పేవాడని తండ్రి పోలీసులకు ఇచ్చిన ఫిర్యాదులో పేర్కొన్నారు. పరీక్ష ఘటనకు ముందు కూడా ఇలాంటి సమస్యలు ఉన్నాయని కుటుంబం ఆరోపించింది. ఈ ఆరోపణలను ఐఐటీ బాంబే యాజమాన్యం ఖండించింది. సహిల్‌గానీ, అతడి కుటుంబం తమ SC/ST సెల్‌కు ఇలాంటి ఫిర్యాదు చేయలేదని తెలిపింది.ఈ నేఫథ్యంలో సహిల్‌ తండ్రి ఫిర్యాదు ఆధారంగా ముంబై పోలీసులు ప్రొఫెసర్‌ దుల్లాతో పాటు మరికొందరిపై ఆత్మహత్యకు ప్రేరేపించిన ఆరోపణల కింద కేసు నమోదు చేశారు. ఎస్సీ, ఎస్టీ (Prevention of Atrocities) చట్టం కింద సెక్షన్లు చేర్చారు. అనంతరం ఈ కేసును ముంబై క్రైమ్‌ బ్రాంచ్‌కు అప్పగించారు. సహిల్‌ తల్లిదండ్రులు మృతదేహాన్ని స్వీకరించేందుకు నిరాకరించారు. నిందితులపై చర్యలు తీసుకోవాలని డిమాండ్‌ చేయడంతో పోలీసులు దర్యాప్తును క్రైమ్‌ బ్రాంచ్‌కు అప్పగించేందుకు అంగీకరించారు.ఈ ఉద్రిక్తతల నడుమ ఐఐటీ బొంబై ప్రొఫెసర్‌ సత్యనారాయణ దుల్లాను డీన్ ఆఫ్‌ స్టూడెంట్‌ అఫైర్స్‌ బాధ్యతల నుంచి తొలగిస్తూ ఆదేశాలిచ్చింది. కాగా ప్రతిష్టాత్మక వర్సిటీలో జరిగిన పరిణామాల మధ్య డైరెక్టర్‌(ఐఐటీ బాంబే) ప్రొఫెసర్‌ శిరీష్‌ కేదారే రాజీనామా చేయడానికి సిద్ధమని వెల్లడించినట్లు పలు కథనాలు వెలువడ్డాయి. విద్యార్థులతో జరిగిన సుదీర్ఘ సమావేశంలో వారి డిమాండ్లపై చర్చించి పలు అంశాలకు(18!) అంగీకారం తెలిపినట్లు సమాచారం. ఈ నేపథ్యంలో ఏం జరుగుతుందో వేచిచూడాలి.

సాధారణంగా ఐఫోన్ కొనాలంటే.. యాపిల్ స్టోరుకు వెళ్తారు, లేదా అమెజాన్.. ఫ్లిప్‌కార్ట్ వంటి ఆన్‌లైన్ సైట్లలో సేల్ కోసం చూస్తుంటారు. కొనుగోలు చేయడానికి ముందు బ్యాంక్ ఆఫర్లు, డిస్కౌంట్లు కూడా చెక్ చేస్తారు. కానీ ఇప్పుడు కొంతమంది మాత్రం భారత్‌లో కొనడం కంటే.. దుబాయ్‌కి వెళ్లి ఐఫోన్ కొనడం చౌకగా ఉంటుందని భావిస్తారు. నిజంగా దుబాయ్‌లో ఐఫోన్ తక్కువ ధరకే లభిస్తుందా?, నిజమెంత అనే విషయాలను ఈ కథనంలో తెలుసుకుందాం.ఇంత తేడా..దుబాయ్‌లో ఐఫోన్ 18 ప్రో 256జీబీ ధర 5099 దిర్హామ్‌లు, అంటే భారతీయ కరెన్సీ ప్రకారం రూ.1.32-1.33 లక్షలు. కానీ ఇదే ఫోన్ భారతదేశంలో రూ.1,64,900. అంటే ఇండియాలో దాదాపు రూ.33,000 ఎక్కువన్నమాట. అదే విధంగా ఐఫోన్ 18 ప్రో మ్యాక్స్ ధర దుబాయ్‌లో 5499 దిర్హామ్‌లు (రూ.1.42-1.44 లక్షలు). భారత్‌లో దీని ధర రూ.1,79,900. అంటే రూ.38,000 తేడా అన్నమాట.ఇండియాలో కంటే దుబాయ్‌లో కొంత తక్కువ ధరలకు లభిస్తుండటంతో.. కొంతమంది, ఫ్లైట్ టికెట్‌, వీసా ఖర్చులు పెట్టుకుని దుబాయ్‌కి వెళ్తే మనకు లాభమేనా?.. అని ఆలోచిస్తున్నారు. అయితే ఇప్పటికే, మీకు దుబాయ్‌లో తెలిసిన వ్యక్తి ఉంటే.. మీరు వెళ్లకుండానే ఐఫోన్ తెప్పించుకోవచ్చు. ఇది ఒక మంచి అవకాశం. అయితే ఒకటి కంటే ఎక్కువ ఫోన్లు దుబాయ్‌లో కొంటే ఇంకా ఎక్కువ ఆదా అవుతుంది.దుబాయ్‌లో ఐఫోన్ ఎందుకు చౌక?దుబాయ్‌లో ఐఫోన్ రేటు తక్కువగా ఉండటానికి ప్రధాన కారణం.. పన్నుల తేడా. ఇక్కడ వ్యాట్ 5 శాతం ఉంటుంది. కానీ భారతదేశంలో స్మార్ట్‌ఫోన్లపై పన్నులు, దిగుమతి సుంకాలు మరియు ఇతర ఖర్చులు ఉంటాయి. ఇవన్నీ కలిపినప్పుడు ఫోన్ ధర పెరుగుతుంది. అందుకే ఐఫోన్ ధరలు దేశాన్ని బట్టి మారుతూ ఉంటాయి.ఇక్కడ తెలుసుకోవలసిన మరో విషయం ఏమిటంటే?, ఒక ఐఫోన్ కొనుగోలు చేయడానికి మాత్రమే దుబాయ్ వెళ్తే.. విమాన టికెట్‌, వీసా, హోటల్‌, ఆహారం వంటి ఖర్చులు కూడా భరించాల్సి ఉంటుంది. కాబట్టి.. ఇక్కడ మీరు అదా చేయాలనుకున్న డబ్బు ఖర్చు చేయాల్సి ఉంటుంది. అంతే కాకుండా.. ఫోన్‌ను భారత్‌కు తీసుకొచ్చేటప్పుడు కస్టమ్స్ నిబంధనలు, ప్రయాణికుల పరిమితులు, వర్తించే పన్నులు కూడా తెలుసుకోవాలి. ఇవి కూడా మొత్తం లెక్కలో భాగమే.కేవలం దుబాయ్‌లో మాత్రమే కాకుండా.. మలేషియా, థాయ్‌లాండ్, సింగపూర్ వంటి కొన్ని దేశాల్లో కూడా ఐఫోన్ ధరలు భారతదేశం కంటే తక్కువే కావడం గమనార్హం. కానీ కేవలం ఫోన్ ధర చూసి నిర్ణయం తీసుకోకూడదు. ఫోన్ ధర + ప్రయాణ ఖర్చు + వీసా + కస్టమ్స్ అన్నీ కలిపి చూసిన తర్వాతే నిజంగా ఎంత డబ్బు ఆదా అవుతుందో తెలుస్తుంది.

ఆసియా గేమ్స్‌లో భార‌త పురుషుల క‌బ‌డ్డీ జ‌ట్టు శుభారంభం చేసింది. గ్రూప్‌-ఏలో భాగంగా సోమ‌వారం జ‌రిగిన మ్యాచ్‌లో భార‌త్ 49-24తో ఆతిథ్య జ‌పాన్‌ను చిత్తుగా ఓడించింది. ఎనిమిది సార్లు క‌బ‌డ్డీ చాంపియ‌న్ అయిన భార‌త్ ముందు జ‌పాన్ ఆట‌లు సాగ‌లేదు. హాఫ్ టైమ్ ముగిసేస‌రికే భార‌త్ 31-9తో జ‌పాన్‌పై స్ప‌ష్ట‌మైన ఆధిక్యంలో నిలిచింది. రెండో హాఫ్‌లోనూ 40-12తో దూకుడు క‌న‌బ‌రిచింది. ఆశూ మాలిక్‌, దేవాంక్ ద‌లాల్ త‌మ ప్ర‌ద‌ర్శ‌న‌తో ఆకట్టుకున్నారు. అయితే ఈ మ్యాచ్‌లో సీనియ‌ర్లు ప‌వ‌న్ సెహ్రావ‌త్‌, అర్జున్ దేశ్వాల్‌, అస్లామ్ ఇనామ్‌దార్‌లు కొద్దిసేపు మాత్ర‌మే పాల్గొన్నప్ప‌టికీ, బ‌ల‌మైన ఇంపాక్ట్ చూపించారు. ఆశూ సూప‌ర్ రైడ్‌తో మూడు టాకిల్ పాయింట్లు సాధించాడు. ఇక భార‌త్ సాధించిన 49 పాయింట్ల‌లో 36 పాయింట్ల‌ను నేరుగా పొంద‌గా, జ‌పాన్ మాత్రం తాను సాధించిన మొత్తం పాయింట్ల‌లో మూడో వంతు బోనస్ లైన్ నుంచే రాబ‌ట్టడం గ‌మ‌నార్హం. గ్రూప్‌-ఏలో ఉన్న భార‌త్ త‌మ త‌ర్వాతి మ్యాచ్‌లో ఇదే వేదిక‌పై రిప‌బ్లిక్ ఆఫ్ కొరియాతో త‌ల‌ప‌డ‌నుంది. 2018 జ‌క‌ర్తా ఆసియా గేమ్స్‌లో ఇరాన్ స్వర్ణం మిన‌హా మిగ‌తా అన్ని ఎడిష‌న్ల‌లో భార‌త్ స్వ‌ర్ణ ప‌తకాలు సాధించింది. ఇక ప్ర‌పంచ‌క‌ప్‌లో భార‌త పురుషుల జ‌ట్టు రికార్డు స్థాయిలో ఎనిమిది సార్లు చాంపియ‌న్‌గా నిలిచింది.క్వార్ట‌ర్స్‌లో భార‌త్‌ఇక బ్యాడ్మింట‌న్ విభాగంలో భార‌త పురుషుల జ‌ట్టు క్వార్ట‌ర్ ఫైన‌ల్లో అడుగుపెట్టింది. బంగ్లాదేశ్‌తో జ‌రిగిన ప్రిక్వార్ట‌ర్స్‌లో భార‌త్ 3-0తో విజ‌యం సాధించింది. తొలి మ్యాచ్‌లో ల‌క్ష్య‌సేన్ 21-4, 21-12తో జ‌మాన్ అయ్‌మ‌న్‌పై, రెండో మ్యాచ్‌లో ఆయుశ్ శెట్టి 21-4, 21-13తో గౌర‌బ్ సింఘాపై, చివ‌రి మ్యాచ్‌లో కిడాంబి శ్రీకాంత్ 21-15, 21-9తో జుమ‌ర్ అల్ అమిన్‌పై విజ‌యాలు సాధించారు. సెప్టెంబ‌ర్ 22న జ‌పాన్ జ‌ట్టుతో భార‌త్‌ త‌ల‌ప‌డ‌నుంది. ఈ మ్యాచ్‌లో గెలిస్తే భార‌త్ ఖాతాలో క‌నీసం కాంస్యం ఖాయ‌మ‌వుతుంది.ఇదీ చదవండి: IND vs JPN T20I: జట్లు, టైమింగ్‌, ప్రత్యక్ష ప్రసారం.. వివరాలు ఇవే

లాతూర్ జిల్లా సెంట్రల్‌ సహకార బ్యాంకు (డీసీసీబీ) బోర్డు డైరెక్టర్లుగా పదేళ్ల కాలపరిమితి దాటిన వారిని వెంటనే తొలగించాలని ఆర్‌బీఐ సంచలన ఉత్తర్వులు జారీ చేసింది. మహారాష్ట్ర సహకార శాఖ మంత్రి, నేషనలిస్ట్ కాంగ్రెస్ పార్టీ (ఎన్‌సీపీ) నాయకుడు బాబాసాహెబ్ పాటిల్‌తో పాటు మరో ఏడుగురు డైరెక్టర్లు తమ పదవులకు అనర్హులని ఆర్‌బీఐ స్పష్టం చేసింది. బ్యాంకింగ్ రెగ్యులేషన్ యాక్ట్ 1949 (సవరణ చట్టం 2025)లోని సెక్షన్ 10A(2A)(i), సెక్షన్ 56 నిబంధనల ప్రకారం డీసీసీ బ్యాంకుల డైరెక్టర్ల గరిష్ట పదవీకాలం 10 ఏళ్లకు మించకూడదు.చట్టపరమైన పోరాటం.. ఆర్‌బీఐ నిర్ణయంఈ వ్యవహారంపై బ్యాంకు సభ్యుడు సతీష్ శేషరావు జాధవ్ దాఖలు చేసిన పిటిషన్‌పై బాంబే హైకోర్టు (ఔరంగబాద్ బెంచ్) కీలక ఆదేశాలు ఇచ్చింది. ఆ ఆదేశాల మేరకు ఆర్‌బీఐ అసిస్టెంట్ జనరల్ మేనేజర్ కపిల్ గోస్వామి ఈ అధికారిక ఉత్తర్వులను విడుదల చేశారు.మే 25, 2026: నిబంధనలు ఉల్లంఘించి 10 ఏళ్లకు పైగా కొనసాగుతున్న 8 మంది డైరెక్టర్లపై చర్యలు తీసుకోవాలని సతీష్ జాధవ్ ఆర్‌బీఐ చీఫ్ జనరల్ మేనేజర్‌కు ఫిర్యాదు చేశారు.ఆగస్టు 3, 2026: పిటిషనర్ ఫిర్యాదుపై ఆరు వారాల్లోగా తగిన నిర్ణయం తీసుకోవాలని ఆర్‌బీఐని బాంబే హైకోర్టు ఆదేశించింది.సెప్టెంబరు 4 - 10, 2026: ఆర్‌బీఐ నోటీసులకు స్పందిస్తూ సెప్టెంబరు 10న ఏడుగురు డైరెక్టర్లు తమ రాజీనామా లేఖలను బ్యాంకు ఛైర్మన్, ఎండీ హనుమంత్ జాధవ్‌కు సమర్పించారు.సెప్టెంబరు 18, 2026: నిబంధనల ప్రకారం అనర్హులైన బోర్డు సభ్యుల తొలగింపు ప్రక్రియను తక్షణమే అమలు చేయాలని లాతూర్ డీసీసీబీ యాజమాన్యాన్ని ఆర్‌బీఐ ఆదేశించింది. సహకార వ్యవస్థలో పారదర్శకతను పెంచేందుకు ఆర్‌బీఐ తీసుకున్న ఈ నిర్ణయం మహారాష్ట్ర రాజకీయాల్లోనూ, సహకార బ్యాంకింగ్ వర్గాల్లోనూ కలకలం రేపింది.ఇదీ చదవండి: వెళ్లిపోయాడనుకునేలోపే మళ్లీ ఐదేళ్ల పదవి!

భారత సీనియర్ క్రికెట్ జట్టు వైపు మరో యువ సంచలనం దూసుకొస్తున్నాడు. తన అద్భుత బ్యాటింగ్‌తో మరో వైభవ్ సూర్యవంశీని తలపిస్తున్నాడు. అతడే భారత అండర్-19 జట్టు ఆటగాడు యశ్‌వర్ధన్ సింగ్ చౌహాన్. ఆస్ట్రేలియా అండర్-19 జట్టుతో జరుగుతున్న అనాధికారిక వన్డే సిరీస్‌లో యశ్‌వర్ధన్ దుమ్మురేపుతున్నాడు. రాజ్‌కోట్ వేదికగా జరిగిన తొలి వన్డేలో మెరుపు హాఫ్ సెంచరీతో సత్తాచాటిన యశ్‌వర్ధన్, ఇప్పుడు రెండో వన్డేలో భారీ సెంచరీతో కదం తొక్కాడు.నాలుగో స్థానంలో బ్యాటింగ్‌కు వచ్చిన ఈ యువ ఆటగాడు ఆసీస్ బౌలర్లకు చుక్కలు చూపించాడు. ఫస్ట్-డౌన్ బ్యాటర్ వి.కె. వినీత్‌తో కలిసి స్కోరు బోర్డును పరుగులు పెట్టించాడు. మొత్తంగా 100 బంతులు ఎదుర్కొన్న యశ్‌వర్ధన్.. 15 ఫోర్లు, 2 సిక్సర్లతో 122 పరుగులు చేసి ఔటయ్యాడు. ఫలితంగా భారత యువ జట్టు నిర్ణీత ఓవర్లలో 341 పరుగుల భారీ స్కోరు సాధించింది. దీంతో ఈ 'యంగ్ సెన్సేషన్' గురించి తెలుసుకునేందుకు నెటిజన్లు తీవ్ర ఆసక్తి చూపుతున్నారు.ఎవరీ యశ్‌వర్ధన్?రైట్ హ్యాండ్ బ్యాటర్ అయిన యశ్‌వర్ధన్ సింగ్, 2009 ఏప్రిల్ 19న నాగాలాండ్‌లోని దిమాపూర్‌లో జన్మించాడు. అయితే అతడు పెరిగింది మాత్రం మధ్యప్రదేశ్‌లోని గ్వాలియర్‌లో. ఈ 17 ఏళ్ల క్రికెటర్ రైట్ హ్యాండ్ బ్యాటింగ్‌తో పాటు ఆఫ్ స్పిన్ బౌలింగ్ కూడా చేయగలడు.యశ్‌వర్ధన్‌కు చిన్నతనం నుంచే క్రికెట్‌పై మక్కువ ఎక్కువ. అతడి తండ్రి అనామి సింగ్ చౌహాన్ కూడా ఒక క్రికెటరే కావడం విశేషం. లెగ్ స్పిన్నర్ అయిన అనామి గొప్ప క్రికెటర్ కావాలని కలలు కనేవాడు, కానీ అతడు క్లబ్ క్రికెట్ స్థాయిలోనే ఉండిపోయాడు. ఇప్పుడు తండ్రి కలను కొడుకు యశ్‌వర్ధన్ నిజం చేస్తున్నాడు.మొన్నటి వరకు గ్వాలియర్‌లోని సింధియా స్కూల్ క్లాస్‌రూమ్‌లో చివరి వరుసలో కూర్చుని క్రికెట్ మ్యాచ్ ప్లాన్‌లు వేసుకునే యశ్‌వర్ధన్, ఇప్పుడు ఏకంగా భారత అండర్-19 జట్టును నడిపించే స్థాయికి చేరుకున్నాడు. ఈ ఏడాది జూన్‌లో శ్రీలంక పర్యటనలో భారత యువ జట్టు సారథిగా వ్యవహరించిన యశ్‌వర్ధన్, త్వరలో ఆస్ట్రేలియాతో జరగబోయే అనాధికారిక టెస్టు సిరీస్‌లో కూడా కెప్టెన్‌గా వ్యవహరించనున్నాడు. యశ్‌వర్ధన్ సింగ్ ఇదే ఫామ్‌ను కొనసాగిస్తే, అతి త్వరలోనే ఫస్ట్ క్లాస్ క్రికెట్‌తో పాటు భారత జాతీయ జట్టు తరఫున అరంగేట్రం చేసే అవకాశాలు స్పష్టంగా కనిపిస్తున్నాయి.చదవండి: ఆస్ట్రేలియాపై వీరేంద్ర సెహ్వాగ్ కుమారుడి విధ్వంసం

దేశవ్యాప్తంగా బ్యాంకులు మరోసారి సమ్మె బాట పట్టనున్నాయి. సెప్టెంబర్ 28 నుండి 30, 2026 వరకు దేశవ్యాప్తంగా బ్యాంకుల సమ్మె జరగనుంది. వారానికి ఐదు రోజుల పనిదినాల (5-Day Banking) అమలుతో పాటు మరికొన్ని డిమాండ్ల సాధన కోసం యునైటెడ్ ఫోరమ్ ఆఫ్ బ్యాంక్ యూనియన్స్ (UFBU) ఈ దేశవ్యాప్త సమ్మెకు పిలుపునిచ్చింది.ఈ నేపథ్యంలో సమ్మె ప్రభావంతో ఖాతాదారులకు ఎలాంటి ఇబ్బందులు కలగకుండా ప్రభుత్వ రంగ బ్యాంకు స్టేట్ బ్యాంక్ ఆఫ్ ఇండియా (SBI), ముందస్తు జాగ్రత్తలు తీసుకోవాలని తమ కస్టమర్లకు కీలక సూచనలు జారీ చేసిందిసెప్టెంబర్ 28, 29 మరియు 30 తేదీల్లో ఈ సమ్మె జరుగుతుంది. ఐదు రోజుల పాటు అంతరాయం కలగనుంది. సెప్టెంబర్ 26 (శనివారం), సెప్టెంబర్ 27 (ఆదివారం) వారాంతపు సెలవులు కావడంతో, మొత్తంగా 5 రోజుల పాటు బ్రాంచ్ సేవలకు అంతరాయం ఏర్పడే అవకాశం ఉంది. ఈ సమ్మె నేపథ్యంలో ముఖ్యమైన పనులను ముందుగానే పూర్తి చేసుకోవాలని, డిజిటల్ ఛానెల్స్‌ను ఉపయోగించుకోవాలని SBI కోరింది.అయితే సమ్మెకాలంలో బ్రాంచ్‌లపై ఆధారపడే సేవలు, భౌతిక పత్రాలు అవసరమైన పనులు , చెక్కుల క్లియరెన్స్ వంటి ప్రక్రియలు ఆలస్యం కావచ్చు లేదా నిలిచిపోవచ్చు. కానీఇంటర్నెట్ బ్యాంకింగ్, మొబైల్ బ్యాంకింగ్, YONO, UPI సేవలు యథావిధిగా పనిచేస్తాయి. ఏటీఎంలు సీఎస్పీలు, కస్టమర్ సర్వీస్ పాయింట్లు (CSPs) అందుబాటులో ఉంటాయని స్పష్టం చేసింది.

సాక్షి, మహబూబ్‌నగర్‌: జురాల ప్రాజెక్టు వద్ద ఆందోళన వాతావరణం నెలకొంది. సాగునీటి కోసం బీఆర్‌ఎస్‌ నేతలు, రైతులు ఆందోళన చేపట్టారు. ప్రాజెక్టు వద్దకు ర్యాలీగా వెళ్లారు. ఈ నేపథ్యంలో వారిని అడ్డుకోవడానికి పోలీసులు వెళ్లగా వారి వాహనాలను అడ్డగించారు. రోడ్లపై కర్రలు, స్తంభాలను అ‍డ్డంగా నిలిపారు. దీంతో ప్రాజెక్టు వద్ద ఆందోళన వాతావరణం నెలకొంది.అయితే నిరసన సందర్బంగా జురాల ప్రాజెక్టు వద్దకు వెళ్లడానికి యత్నించిన బీఆర్‌ఎస్‌ మాజీ ఎమ్మెల్యే చిట్టెం రామ్మోహన్‌ రెడ్డిని పోలీసులు అరెస్టు చేశారు. అదేవిధంగా ప్రాజెక్టు వద్దకు వెళుతున్న రైతులను అడ్డుకోవడంతో అక్కడే ఉన్న సమాంతర కాలువల్లో దిగి నిరసన తెలిపారు. రైతులు, బీఆర్‌ఎస్‌ నేతల ఆందోళనలతో జురాల ప్రాజెక్టు వద్ద తీవ్ర ఉద్రిక్తత నెలకొంది.

ఖమ్మం: మండలంలో వేర్వేరు గ్రామాలకు చెందిన ఇద్దరు వ్యక్తులు ఆదివారం గుండెపోటు, బ్రెయిన్‌ స్ట్రోక్‌తో మృతిచెందారు. వివరాలిలా.. వి.వెంకటాయపాలెం గ్రామానికి చెందిన కిలారు రామారావు(67) శనివా రం అనారోగ్యానికి గురికావడంతో కుటుంబ సభ్యులు ఖమ్మంకు తరలించారు. అక్కడ చికిత్స పొందుతూ గుండెపోటుతో మృతి చెందారు. రామారావుకు భార్య భార్గవి, కుమారుడు, కుమార్తె ఉన్నారు.భార్గవి రిటైర్డ్‌ ఉపాధ్యాయురాలు కాగా, వారి పిల్లలు విదేశాల్లో నివాసముంటున్నారు. రామారావు గతంలో వి.వెంకటాయపాలెం యూత్‌ ప్రెసిడెంట్‌గా పనిచేశారు. అదేవిధంగా రాంక్యాతండాకు చెందిన జాటోత్‌ నవ్య (21) ఆదివారం బ్రెయిన్‌ స్ట్రోక్‌కు గురైంది. దీంతో కుటుంబసభ్యులు ఖమ్మంలోని ఆస్పత్రికి తరలించి చికిత్స అందిస్తుండగా మృతి చెందింది. నవ్యకు భర్త, కుమార్తె ఉన్నారు. నవ్యకు భర్తతో గత రెండునెలల క్రితం విడాకులు కావడంతో తండ్రి వద్ద ఉంటుందని గ్రామస్తులు తెలిపారు. ఇదీ చదవండి: లగ్జరీ కారులో మంటలు చెలరేగడంపై పోలీసుల ఆరా

నేచురల్ స్టార్ నాని తన ఫ్యాన్స్‌తో తనకున్న అనుబంధాన్ని మరోసారి చాటుకున్నారు. ‘ది ప్యారడైజ్’ సినిమా ప్రీరిలీజ్‌ ఈవెంట్‌కు హైదరాబాద్‌లోని శిల్పకళా వేదికలో నిర్వహించిన భారీ ఫ్యాన్స్ మీట్ ఇందుకు వేదికగా నిలిచింది. ఈ కార్యక్రమానికి దేశవ్యాప్తంగా ఉన్న నాని అభిమానులు పెద్ద సంఖ్యలో తరలివచ్చారు. దాదాపు 10 వేల మంది ఫ్యాన్స్ హాజరైన ఈ ఈవెంట్‌లో నాని వారితో ప్రత్యేకంగా ముచ్చటించారు. అభిమానులను కలుసుకోవడంతో పాటు వారితో ఫొటోలు దిగుతూ ఉత్సాహపరిచారు. వంటకాలతో భోజనం..అంతేకాదు.. కార్యక్రమానికి వచ్చిన అభిమానుల కోసం నాని ప్రత్యేకంగా విందు ఏర్పాటు చేసినట్లు తెలుస్తోంది. వెజ్, నాన్‌-వెజ్ వంటకాలతో వారికి ఘనంగా భోజనం పెట్టించారని సమాచారం. కాగా ‘ది ప్యారడైజ్’ సినిమాపై భారీ అంచనాలు నెలకొన్నాయి. శ్రీకాంత్ ఓదెల దర్శకత్వంలో తెరకెక్కుతున్న ఈ చిత్రంలో నాని విభిన్నమైన పాత్రలో కనిపించనున్నారు. సినిమా ప్రమోషన్స్‌లో భాగంగా నిర్వహించిన ఈ ఫ్యాన్స్ మీట్‌కు సంబంధించిన విషయాలు సోషల్ మీడియాలో వైరల్‌గా మారుతున్నాయి. ఫ్యాన్స్ కోసం నాని తీసుకున్న ఈ నిర్ణయంపై నెటిజన్లు ప్రశంసలు కురిపిస్తున్నారు.ప్యారడైజ్‌ స్టోరీ రివీల్..తాజాగా ఈ మూవీకి సంబంధించిన పలు ఆసక్తికర విషయాలు పంచుకున్నారు హీరో నాని. ప్రమోషన్లలో భాగంగా ప్రెస్‌మీట్ నిర్వహించగా..ఈ మూవీ కథ లైన్ ఏంటో చెప్పేశారు. ఈ మూవీని 1984–85 బ్యాక్‌డ్రాప్‌లో తెరకెక్కించినట్లు నాని వెల్లడించారు. అసలు ఉనికి లేని ఒక జాతి తమ ఉనికి కోసం చేసే తిరుగుబాటు కథాంశంతో రూపొందించినట్లు ఆయన తెలిపారు. సవారీలు అనే తెగకు ఎలాంటి ఐడెంటిటీ ఉండదు.. వాళ్లు ఎవరినైనా చంపినా కేసు ఉండదు.. వాళ్లను చంపినా ఎవరూ పట్టించుకోరు.. ఆ జాతి తమ మనుగడ కోసం చేసిన యుద్ధమే ది ప్యారడైజ్‌ స్టోరీ అని నాని రివీల్ చేశారు. Natural Star @NameisNani with fans ❤️#TheParadise pic.twitter.com/dNf8kNXO64— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) September 21, 2026

చదువుకు తగిన ఉద్యోగం రాలేదని నిరాశ చెందకుండా చిన్న ఉద్యోగంతో జీవితాన్ని ప్రారంభించి ఆస్ట్రేలియాలో ఏకంగా మూడు రెస్టారెంట్ల యజమానిగా ఎదిగిన ఒక భారతీయుడి విజయం సోషల్ మీడియాలో వైరల్‌గా మారింది. శ్రమ, పట్టుదల ఉంటే విదేశీ గడ్డపైనా అద్భుతాలు సృష్టించవచ్చని ఈ కథనం నిరూపిస్తోంది.డెలివరీ బాయ్‌గా ప్రస్థానం11 ఏళ్ల క్రితం ఉన్నత చదువుల కోసం ఆస్ట్రేలియా వెళ్లిన సదరు వ్యక్తి, కోర్సు పూర్తయ్యాక సొంత రంగంలో సరైన ఉద్యోగం లభించక ఇబ్బందులు ఎదుర్కొన్నారు. ఉపాధి కోసం స్థానిక పిజ్జా షాప్‌లో పూర్తిస్థాయి ఉద్యోగిగా చేరారు. అక్కడ పిజ్జాలు తయారు చేయడంతో పాటు కస్టమర్ల ఇళ్లకు డెలివరీ చేసేవారు.భాగస్వామ్యంతో తొలి ఫ్రాంచైజీమూడేళ్ల పాటు క్రమశిక్షణతో పనిచేసి పొదుపు చేసిన డబ్బు, మరొకరి భాగస్వామ్యంతో ఒక పిజ్జా ఫ్రాంచైజీని ప్రారంభించారు. వ్యాపార మెళకువలు అవగాహన చేసుకుంటూ పట్టుదలతో శ్రమించి విజయవంతంగా నిర్వహించారు. కొవిడ్ కాలంలో ఇండియాకు వచ్చి వివాహం చేసుకున్న ఆయన, ఆ తర్వాత సవాళ్లను అధిగమించి వ్యాపారాన్ని మరింత విస్తరించారు. ప్రస్తుతం ఆస్ట్రేలియాలో మూడు పిజ్జా ఫ్రాంచైజీలు, సొంతిల్లు, బీఎండబ్ల్యూ కారుతో పాటు అక్కడి పౌరసత్వం పొందారు.My extended brother-in-law received Australian citizenship for himself and his family this week.He went to Australia 11 years ago to study. Not merit, so he couldn't get a job in his field.He got a full-time job at a pizza shop, started working, and 3 years later, with a…— Vineeth K (@DealsDhamaka) September 20, 2026ఈ విజయాన్ని ఆయన బంధువు వినీత్ సోషల్ మీడియా వేదికగా పంచుకోగా, ప్రపంచవ్యాప్తంగా ఉన్న నెటిజన్ల నుంచి ప్రశంసలు అందుతున్నాయి. ‘విద్యార్హతల కంటే కష్టపడే మనస్తత్వమే మనిషిని ఏ స్థాయికైనా తీసుకెళ్తుంది’ అని నెటిజన్లు వ్యాఖ్యానిస్తున్నారు.ఇదీ చదవండి: వెళ్లిపోయాడనుకునేలోపే మళ్లీ ఐదేళ్ల పదవి!

హైదరాబాద్‌: మూడేళ్ల పసివాడి నవ్వులు అర్ధంతరంగా ఆగిపోయాయి. అమ్మానాన్నల కళ్లెదుటే కారు రూపంలో మృత్యువు కబళించడంతో ఆ కుటుంబంలో తీవ్ర విషాదం అలుముకుంది. అల్లారుముద్దుగా పెంచుకుంటున్న కుమారుడు విగతజీవిగా మారడంతో ఆ తల్లిదండ్రుల రోదనలు స్థానికులను కంటతడి పెట్టించాయి. ఐఎస్‌ సదన్‌ పోలీసులు తెలిపిన వివరాల ప్రకారం.. ఓల్డ్‌ సంతోష్‌నగర్‌ కాలనీకి చెందిన సాఫ్ట్‌వేర్‌ ఉద్యోగి మొహియుద్దీన్‌ దంపతులు తమ మూడేళ్ల కుమారుడు ఇజ్వానుద్దీన్‌తో కలిసి శనివారం రాత్రి ఐఎస్‌ సదన్‌ చౌరస్తాలోని ఓ హోటల్‌కు పార్శిల్‌ తెచ్చుకునేందుకు వెళ్లారు.రాత్రి 10.55 గంటల సమయంలో ఒకవైపు తండ్రి, మరోవైపు తల్లి ఉండటంతో బాలుడు అటూ ఇటూ తిరుగుతూ.. రోడ్డు దాటుతుండగా మితిమీరిన వేగంతో కారు దూసుకొచ్చి బాలుడిని ఢీకొట్టింది. ఈ ప్రమాదంలో తీవ్రంగా గాయపడిన కుమారుడిని తల్లిదండ్రులు స్థానికంగా ఉన్న ఆసుపత్రికి, ఆ తర్వాత మెరుగైన వైద్యం కోసం ఒవైసీ ఆసుపత్రికి తరలించారు. బాలుడు అప్పటికే మృతి చెందినట్లు వైద్యులు నిర్ధారించడంతో గుండెలసేలా రోదించారు. ప్రమాదానికి కారణమైన కారు డ్రైవర్‌ను పోలీసులు అదుపులోకి తీసుకుని కేసు దర్యాప్తు చేస్తున్నారు.

ఆసియా క్రీడలు-2026 టోర్నమెంట్‌ ఆరంభానికి ముందు టీమిండియా జపాన్‌తో ఏకైక టీ20 మ్యాచ్‌కు సిద్ధమైంది. ఇరుజట్ల మధ్య మంగళవారం (సెప్టెంబరు 22) జరిగే ఈ మ్యాచ్‌కు సనో అంతర్జాతీయ క్రికెట్‌ మైదానం వేదిక. కాగా భారత్‌- జపాన్‌ అంతర్జాతీయ క్రికెట్‌ మ్యాచ్‌లో తలపడటం ఇదే మొదటిసారి కావడం విశేషం.క్రీడల అభివృద్ధికి సహకారాన్ని ఆశిస్తూభారత్‌- జపాన్‌ మధ్య దౌత్య సంబంధాలు మొదలై 75 వసంతాలు పూర్తయిన సందర్భంగా ఇరుదేశాల పురుష క్రికెట్‌ జట్ల మధ్య ఈ మేరకు ఏకైక టీ20 మ్యాచ్‌ నిర్వహణకు సన్నాహకాలు చేశారు. ‘స్పోర్ట్‌-75’ పేరుతో రూపొందుతున్న ప్రత్యేక కార్యక్రమంలో భాగంగా ఇరుదేశాల మధ్య క్రీడల అభివృద్ధికి సహకారాన్ని ఆశిస్తూ ఈ నిర్ణయం తీసుకున్నారు.ఇక జపాన్‌తో జరిగే ఏకైక టీ20కి శ్రేయస్‌ అయ్యర్‌ సారథ్యంలోని భారత జట్టు ఇప్పటికే సిద్ధమైంది. మరోవైపు జపాన్‌ సైతం ప్రపంచ చాంపియన్‌ టీమిండియాతో పోటీ పడేందుకు ఆసక్తిగా ఎదురుచూస్తోంది. మరి ఈ మ్యాచ్‌కు సంబంధించిన జట్లు, ఆరంభ సమయం, ప్రత్యక్ష ప్రసారం తదితర వివరాలు తెలుసుకుందామా?!టీమిండియా వర్సెస్‌ జపాన్‌.. ఏకైక టీ20 మ్యాచ్‌వేదిక: సనో అంతర్జాతీయ క్రికెట్‌ మైదానంటైమింగ్‌భారత కాలమానం ప్రకారం మంగళవారం (సెప్టెంబరు 22) ఉదయం 9.30 నిమిషాలకు మ్యాచ్‌ ఆరంభంఎక్కడ చూడాలంటే..స్టార్‌ స్పోర్ట్స్‌ నెట్‌వర్క్‌ (టీవీ), ఫ్యాన్‌కోడ్‌ యాప్‌, వెబ్‌సైట్‌ (డిజిటల్‌).జట్లు ఇవేభారత్‌శ్రేయస్‌ అయ్యర్‌ (కెప్టెన్‌), అభిషేక్‌ శర్మ, సంజూ శాంసన్‌ (వికెట్‌ కీపర్‌), ఇషాన్‌ కిషన్‌ (వికెట్‌ కీపర్‌), శివం దూబే, తిలక్‌ వర్మ (వైస్‌ కెప్టెన్‌), అక్షర్‌ పటేల్‌, వాషింగ్టన్‌ సుందర్‌, రవి బిష్ణోయి, రవి బిష్ణోయి, జస్‌ప్రీత్‌ బుమ్రా, అర్ష్‌దీప్‌ సింగ్‌, వైభవ్‌ సూర్యవంశీ, యశ్‌ ఠాకూర్‌, విప్రాజ్‌ నిగమ్‌.జపాన్‌కెండెల్‌ కడోవాకీ ఫ్లెమింగ్‌ (కెప్టెన్‌), చార్లీ హరా హింజే, బెంజమిన్‌ ఇటో-డేవిస్‌, కొయి కుబోటా, వటారు మియాచి, రియో సకురనో-థామస్‌, అలెక్స్‌ శిరాయి-పాట్‌మోర్‌, షోమా సుగయా-స్లేటర్‌, డెక్లాన్‌ సుజుకి, ఇబ్రహీం తకహషి, మకొటో తానియమా, లచ్లాన్‌ యమామొటో, అలెస్టెర్‌ కడోవాకీ-ఫ్లెమింగ్‌, జేక్‌ కుసుడ-నైర్‌, సుయోషి తకడా.చదవండి: ఆసీస్‌పై వీరేందర్‌ సెహ్వాగ్‌ కుమారుడు ఆర్యవీర్‌ విధ్వంసం

జంతర్‌ మంతర్‌ వేదికగా నీట్‌ పేపర్‌లీక్‌ వ్యవహారం, విద్యా వ్యవస్థలో అవకతవకలపై ఉద్యమం చేసి జాతీయ స్థాయిలో గుర్తింపు తెచ్చుకుంది కాక్రోచ్‌ జనతా పార్టీ. అయితే ఇప్పుడు అది ప్రదర్శిస్తున్న వైఖరి తీవ్ర విమర్శలకు తావిస్తోంది. స్కూళ్ల బాగు కోసం మీద దేశవ్యాప్త క్యాంపెయిన్‌ నడుపుతున్న ఈ సంస్థ.. పక్షపాత ధోరణి ప్రదర్శిస్తోందనే చర్చ జోరుగా నడుస్తోంది. ఈ తరుణంలో సీజేపీ ఓ స్పష్టత ఇచ్చే ప్రయత్నం చేస్తోంది. ‘స్కూల్‌ ఠీక్‌ కరో’, ‘ఆదివాసీ స్కూల్‌ ఠీక్‌ కరో’ పేరుతో సీజేపీ పలు రాష్ట్రాల్లో పాఠశాలలను తనిఖీలు నిర్వహిస్తోంది. అయితే ఈ కార్యక్రమంపై మరో ప్రశ్న కూడా తెరపైకి వచ్చింది. బీజేపీ పాలిత రాష్ట్రాల్లో సీజేపీ నిరసనలు, అల్టిమేటాలు, రాజీనామా డిమాండ్లతో దూకుడుగా వ్యవహరిస్తుండగా.. ప్రతిపక్షాలు అధికారంలో ఉన్న రాష్ట్రాల్లో మాత్రం మెతక ధోరణికే పరిమితమవుతోందట. దీంతో ఇదేనా కాక్రోచ్‌ల ఫెయిర్‌నెస్‌? అనే ప్రశ్న పుట్టుకొచ్చింది.జూన్‌ 6న ఢిల్లీ జంతర్‌ మంతర్‌ వద్ద ప్రారంభమైన సీజేపీ ఆందోళన.. అప్పటి కేంద్ర విద్యాశాఖ మంత్రి ధర్మేంద్ర ప్రధాన్‌ రాజీనామా డిమాండ్‌తో సాగింది. పరీక్షల పేపర్‌ లీకులు, నియామకాల్లో అవకతవకలు వంటి అంశాలపై 37 రోజులపాటు ఉద్యమం జరిగింది. జూలై 25న ప్రధాన్‌ రాజీనామా చేసిన తర్వాత సీజేపీ విజయోత్సవ సంబురాలు చేసుకుంది. అయితే ఆ వెంటనే దాని దృష్టి ప్రభుత్వ పాఠశాలల వైపు మళ్లింది. ఆగస్టు 15న మహారాష్ట్రలోని హింగోలీ జిల్లాలో ‘స్కూల్‌ ఠీక్‌ కరో’ కార్యక్రమాన్ని ప్రారంభించింది. పాఠశాలల్లో తాగునీరు, మరుగుదొడ్లు, బెంచీలు, భవనాల పరిస్థితి వంటి అంశాలను పరిశీలిస్తూ.. సమస్యలను వీడియోల రూపంలో బయటకు తీసుకొస్తోంది. ఆపై ఆదివాసీ స్కూళ్లపైనా ఈ క్యాంపెయిన్‌ను ఉధృతం చేసింది. బీజేపీ పాలిత రాష్ట్రాల్లో దూకుడు..స్కూల్‌ ఠీక్‌ కరో కోసం మహారాష్ట్ర, రాజస్థాన్‌, ఉత్తరప్రదేశ్‌ వంటి బీజేపీ పాలిత రాష్ట్రాల్లో సీజేపీ జాతీయ నాయకత్వం ప్రత్యక్షంగా రంగంలోకి దిగింది. ఉత్తరప్రదేశ్‌లో పరీక్షల అక్రమాలపై నిరసనల్లో పాల్గొన్న ఆ సంస్థ.. తర్వాత నోయిడాలో ప్రభుత్వ పాఠశాలను తనిఖీ చేసింది. రాజస్థాన్‌లో పాఠశాలల పరిస్థితిపై తనిఖీలు చేపట్టింది. మహారాష్ట్ర తన స్వరాష్ట్రం కావడంతో సీజేపీ నేత అభిజీత్‌ దీప్కే స్వయంగా రంగంలోకి దిగి ఉద్యమించారు. సెప్టెంబర్‌ 17న గడ్చిరోలిలో ఆదివాసీ పాఠశాలల కోసం ప్రత్యేక ప్రచారాన్ని కూడా ప్రారంభించారు. అంతేకాదు తమ పోరాటం వల్లే హర్యానా ప్రభుత్వంలో పాఠశాలల రిపేర్‌ల కోసం కదలిక వచ్చిందని గర్వంగా ప్రకటించుకుంది. ప్రతిపక్ష రాష్ట్రాల్లో మరోలా!బీజేపీ పాలిత రాష్ట్రాల్లో సీజేపీ నిరసనలు, అల్టిమేటాలు, రాజీనామా డిమాండ్లతో ఒత్తిడి పెంచగా.. బీజేపీయేతర రాష్ట్రాల్లో మాత్రం మరోలా సాగింది. ఆమ్‌ ఆద్మీ పార్టీ అధికారంలో ఉన్న పంజాబ్‌, కాంగ్రెస్‌ పాలిత కర్ణాటకలోనూ సీజేపీ బృందాలు పాఠశాలలను తనిఖీ చేశాయి. పంజాబ్‌లో సౌరవ్‌ దాస్‌ నేతృత్వంలోని బృందం లూధియానాలో మూడు ప్రభుత్వ పాఠశాలలను పరిశీలించింది. ‘స్కూల్స్‌ ఆఫ్‌ ఎమినెన్స్‌’లోని స్విమ్మింగ్‌ పూల్‌, ఏఐ ల్యాబ్‌, కంప్యూటర్‌ ల్యాబ్‌ వంటి సౌకర్యాలను ప్రశంసించడంతో పాటు కొన్ని లోపాలను గుర్తించింది.ఈ విషయాలను విద్యాశాఖ మంత్రి హర్జోత్‌ సింగ్‌ బైన్స్‌ దృష్టికి తీసుకెళ్లగా.. ఆప్‌ జాతీయ కన్వీనర్‌ అరవింద్‌ కేజ్రీవాల్‌ సీజేపీకి ధన్యవాదాలు తెలిపారు. గుర్తించిన సమస్యలను వెంటనే పరిష్కరిస్తామని చెప్పారు. ఇక కర్ణాటకలో సీజేపీ బృందం బెంగళూరు ప్రభుత్వ పాఠశాలల్లో ఉపాధ్యాయుల కొరత, భవనాల భద్రత, పారిశుధ్య సమస్యలను గుర్తించింది. ‘స్కూల్‌ ఠీక్‌ కరో’ను రాష్ట్రంలోని 31 జిల్లాలకు విస్తరించనున్నట్లు ప్రకటించి, విద్యాశాఖ మంత్రి మధు బంగారప్పతో సమావేశమైంది.కాంగ్రెస్‌ ట్విస్ట్‌అయితే సీజేపీ ఉద్యమంపై కాంగ్రస్‌ అభ్యంతరాలు వ్యక్తం చేస్తోంది. తమ పాలిత రాష్ట్రాల్లో నెగెటివ్‌ ఫీడ్‌ బ్యాక్‌ ఇవ్వడంపై కౌంటర్‌ ఇచ్చింది. బీజేపీయేతర రాష్ట్రాల్లో చేసినట్టే.. మిగతా రాష్ట్రాల్లోనూ పక్షపాతం లేకుండా అడిటింగ్‌ చేపట్టాలని సీజేపీకి సూచిస్తోంది. అదే దృష్టితో, అదే ప్రశ్నలతో, అదే ధైర్యంతో తనిఖీలు చేయండి అంటూ సచిన్‌ పైలట్‌ చురకలు అంటించారు. అయితే సీజేపీ వ్యవస్థాపకుడు అభిజీత్‌ దీప్కే ఈ విమర్శలను తోసిపుచ్చారు. పంజాబ్‌, కర్ణాటక, జార్ఖండ్‌లోనూ తమ బృందాలు పర్యటించి పాఠశాలల సమస్యలను ప్రభుత్వాల దృష్టికి తీసుకెళ్లాయని చెప్పారు.అందుకే ఇప్పుడు చర్చ సీజేపీ ఎక్కడికి వెళ్లిందన్నదానిపై కాదు.. ఎక్కడ ఎంత ఒత్తిడి తీసుకొచ్చిందన్నదే*. రాష్ట్రాన్ని బట్టి పరిస్థితులకు అనుగుణంగా వైఖరి మారిందా? లేక రాజకీయ తేడా ప్రభావం చూపిందా? అన్న ప్రశ్నలు మాత్రం కొనసాగుతున్నాయి. దీనికి సమాధానం సీజేపీ రానున్న రోజుల్లో చేపట్టే కార్యక్రమాల తీరు మరింత స్పష్టత ఇవ్వొచ్చు. ఇదిలా ఉంటే.. పాఠశాలల్లోని సమస్యలు బయటకు రావడం, వాటిపై ప్రభుత్వాలు స్పందించడం మాత్రం ఈ క్యాంపెయిన్‌ ద్వారా కనిపిస్తున్న పరిణామం.

ఎలక్ట్రిక్‌ వాహనాల (EV) వినియోగం విస్తృతంగా పెరుగుతోంది. అయినప్పటికీ ఎక్కువ దూరం వెళ్లలేకపోవడం, ఛార్జింగ్‌కు ఎక్కువ సమయం పట్టడం వంటి కారణాల వల్ల చాలా మంది ఎలక్ట్రిక్‌ వాహనాలకు మారడానికి వెనకడుగు వేస్తున్నారు. ఈ సమస్యకు పరిష్కారంగా ఎలక్ట్రిక్‌ వాహనాల రంగంలో ఛార్జింగ్‌ సమయాన్ని మరింత తగ్గించే దిశగా సంచలన టెక్నాలజీతో ముందుకు వచ్చింది చైనాకు చెందిన ఓ బ్యాటరీ తయారీ సంస్థ.చైనా బ్యాటరీ తయారీ సంస్థ సన్‌వోడా (Sunwoda EVB) ‘15సీ స్మార్ట్‌ ఫ్లాష్‌ ఛార్జింగ్‌’ (15C Smart Flash Charging) అనే అల్ట్రా-ఫాస్ట్‌ ఛార్జింగ్‌ బ్యాటరీ సిస్టమ్‌ను ఆవిష్కరించింది. సంస్థ వెల్లడించిన గణాంకాల ప్రకారం, గది ఉష్ణోగ్రత వద్ద కేవలం ఒక నిమిషం ఛార్జింగ్‌తో సుమారు 100 కిలోమీటర్ల డ్రైవింగ్‌ రేంజ్‌ పొందవచ్చు. అలాగే బ్యాటరీని 10 శాతం నుంచి 70 శాతానికి 5 నిమిషాల్లో, 10 శాతం నుంచి 97 శాతానికి కేవలం 9 నిమిషాల్లో ఛార్జ్‌ చేయగలదని సన్‌వోడా చెబుతోంది. ఈ టెక్నాలజీని సెప్టెంబర్‌ 16–17న చైనాలోని షాన్‌డాంగ్‌ ప్రావిన్స్‌ జావోజువాంగ్‌లో జరిగిన బ్యాటరీ పరిశ్రమ సదస్సులో ప్రదర్శించింది.ఈ టెక్నాలజీలో మరో కీలక అంశం ఉష్ణోగ్రత నియంత్రణ. అత్యంత వేగంగా ఛార్జింగ్‌ చేయడం వల్ల బ్యాటరీలో అధిక వేడి ఉత్పత్తి అయ్యే అవకాశం ఉంటుంది. దీనిని నియంత్రించేందుకు సన్‌వోడా తన ఫ్లాష్‌ ఛార్జింగ్‌ వ్యవస్థలో అధిక సామర్థ్యం కలిగిన లిక్విడ్‌-కూల్డ్‌ ఛార్జింగ్‌ టెర్మినల్స్‌, మెగావాట్‌ స్థాయి ఛార్జింగ్‌ యూనిట్లు, ఎనర్జీ స్టోరేజ్‌ వ్యవస్థలు, AI ఆధారిత క్లౌడ్‌ కంట్రోల్‌ వంటి సాంకేతికతలను కలిపింది.చలికాలంలోనూ ఫాస్ట్‌ ఛార్జింగ్ సాధ్యమవుతుందని కంపెనీ చెబుతోంది. మైనస్‌ 20 డిగ్రీల సెల్సియస్‌ ఉష్ణోగ్రతలో కూడా 10 నుంచి 97 శాతం వరకు ఛార్జ్‌ చేయడానికి సుమారు 15 నిమిషాలు చాలని సంస్థ వెల్లడించింది. సాధారణ పరిస్థితుల్లో 700 కిలోమీటర్లకు పైగా డ్రైవింగ్‌ రేంజ్‌ అందించే బ్యాటరీ ప్యాక్‌లకు ఈ వ్యవస్థను ఉపయోగించవచ్చని కంపెనీ పేర్కొంది.ఈ టెక్నాలజీ పూర్తి స్థాయిలో అందుబాటులోకి వస్తే.. ఈవీ వాహనదారుల ఇబ్బందులు తీరిపోతాయి. ప్రయాణం మధ్యలో ఎక్కువ సేపు ఛార్జింగ్‌ కోసం వేచిఉండాల్సిన అవసరం ఉండదు. ఛాయ్‌ తాగినంత సేపులో ఈవీ బ్యాటరీ ఛార్జింగ్‌ దాదాపు పూర్తవుతుంది!ఇదీ చదవండి: కియా కొత్త సీఎన్‌జీ కార్లు వచ్చేశాయ్‌.. ధరల్లో భారీ తేడా!

ఏఐ మౌలిక వసతులు, క్లౌడ్ సర్వీసుల దిశగా వేగంగా వ్యూహాత్మక మార్పులు చేస్తున్న అంతర్జాతీయ ఐటీ దిగ్గజం ఒరాకిల్ ప్రపంచవ్యాప్తంగా మరో విడత ఉద్యోగాల కోత ప్రారంభించింది. అమెరికా వెలుపల సంస్థకు అతిపెద్ద డెవలప్‌మెంట్ హబ్‌గా ఉన్న భారత్‌లో ఈ చర్యల ప్రభావం తీవ్రంగా ఉంది. తాజా లేఆఫ్‌ల్లో భాగంగా దేశవ్యాప్తంగా దాదాపు 3000 మంది సిబ్బందిని తొలగించినట్లు కంపెనీ వర్గాలు వెల్లడించాయి.ఏ విభాగాల్లో కోతలంటే..బెంగళూరు, హైదరాబాద్, చెన్నై, పుణె, ముంబై, నోయిడాలతో సహా ప్రధాన కేంద్రాల్లోని ఒరాకిల్ హెల్త్, ఓసీఐ సెక్యూరిటీ, ఒరాకిల్ ఫైనాన్షియల్ సర్వీసెస్, డేటా సెంటర్ ఆపరేషన్స్, సేల్స్ విభాగాలపై ఈ ప్రభావం పడింది. ఎంట్రీ-లెవల్ ఫ్రెషర్ల నుంచి సీనియర్, మిడ్-లెవల్ మేనేజ్‌మెంట్ హోదాలోని వారి ఉద్యోగాలు ఊడాయి. ఏడాది వ్యవధిలోనే ఒరాకిల్ భారత్‌లో చేపట్టిన రెండో భారీ పునర్వ్యవస్థీకరణ ఇది.సెవెరెన్స్ ప్యాకేజీ నిబంధనలు ఇవే..సంస్థ సమర్పించిన అంతర్గత పత్రాల ప్రకారం.. లేఆఫ్‌కు గురైన ఉద్యోగులకు అందించే పరిపరిహారానికి (సెవెరెన్స్‌ పే) గరిష్టంగా 26 వారాల ప్రాథమిక వేతనం సీలింగ్ విధించారు. మొదటి ఏడాది సర్వీసుకు గాను 4 వారాల బేసిక్ సాలరీ, ఆ తర్వాత పూర్తి చేసిన ప్రతి అదనపు సంవత్సరానికి ఒక వారం చొప్పున అదనపు పరిహారం లభిస్తుంది. ఉద్యోగం ముగిసిన వెంటనే అన్‌వెస్టెడ్‌ ఆప్షన్లు, ఆర్‌ఎస్‌యూలు తక్షణమే రద్దవుతాయి. అలాగే భవిష్యత్తు కార్పొరేట్ బోనస్‌లకు అర్హత ఉండదు.ఏఐ రీ-స్ట్రక్చరింగ్ ప్రభావమే కారణమా?ఒరాకిల్ గ్లోబల్ హెడ్‌కౌంట్ నివేదిక ప్రకారం, సంస్థ ప్రపంచవ్యాప్తంగా దాదాపు 21,000 మందికి పైగా సిబ్బందిని తగ్గించుకుంటూ ఏఐ ఆటోమేషన్, క్లౌడ్ ఇన్‌ఫ్రాస్ట్రక్చర్‌కు ప్రాధాన్యత ఇస్తోంది. క్లౌడ్, ఏఐ వైపు వనరులను మళ్లిస్తుండటం వల్ల సాంప్రదాయ సాఫ్ట్‌వేర్ ఇంజినీరింగ్, సపోర్ట్ రోల్స్‌ ప్రమాదంలో పడుతున్నాయని, ఈ ధోరణి రాబోయే రోజుల్లో మిగతా దిగ్గజ సంస్థల్లోనూ కొనసాగే అవకాశం ఉందని విశ్లేషకులు భావిస్తున్నారు.ఇదీ చదవండి: వెళ్లిపోయాడనుకునేలోపే మళ్లీ ఐదేళ్ల పదవి!

చెన్నై: ద్రవిడ ఉద్యమ నేత, ద్రవిడ కజగం (డీకే) వ్యవస్థాపకుడు ఈవీ రామసామి నాయక్కర్‌ (పెరియార్)పై తన వైఖరిని మాజీ తమిళనాడు బీజేపీ అధ్యక్షుడు కె. అన్నామలై స్పష్టం చేశారు. మహిళా విముక్తి, కుల నిర్మూలన కోసం పెరియార్ చేసిన కృషిని తాను అంగీకరిస్తున్నానని, అయితే ఆయన నాస్తిక భావజాలాన్ని, బ్రాహ్మణ వ్యతిరేక వైఖరిని మాత్రం పూర్తిగా ఖండిస్తున్నానని తెలిపారు. సెప్టెంబర్ 17న పెరియార్ జయంతి సందర్భంగా అన్నామలై చేసిన నివాళిపై కొందరు మద్దతుదారుల నుంచి విమర్శలు వచ్చిన నేపథ్యంలో ఈ వివరణ ప్రాధాన్యత సంతరించుకుంది.సెప్టెంబర్ 20న మదురైలో జరిగిన కార్యక్రమంలో ‘వీ ద లీడర్స్’ కార్యకర్తలను ఉద్దేశించి అన్నామలై మాట్లాడారు. మహిళా సాధికారత, కుల వివక్ష నిర్మూలన అంశాల్లో పెరియార్ చేసిన కృషిని అంగీకరిస్తున్నామని చెప్పారు. అయితే పెరియార్ నాస్తిక భావాలను, బ్రాహ్మణ వ్యతిరేక వైఖరిని మాత్రం పూర్తిగా తిరస్కరిస్తున్నట్లు స్పష్టం చేశారు. పెరియార్ 147వ జయంతి సందర్భంగా సెప్టెంబర్ 17న అన్నామలై సోషల్ మీడియా వేదికగా నివాళి అర్పించారు. సామాజిక సంస్కరణ ఉద్యమాల్లో పెరియార్ కీలక పాత్ర పోషించారని, తమిళనాడు సామాజిక, రాజకీయ చరిత్రపై చెరగని ప్రభావం చూపారని ఆయన పేర్కొన్నారు. అసమానతలు, మూఢనమ్మకాలపై పెరియార్ తన జీవితంలో ఎక్కువ భాగం పోరాడారని కూడా అన్నారు.అన్నామలై నివాళిపై ఆయన మద్దతుదారుల్లో కొందరు అభ్యంతరం వ్యక్తం చేశారు. హిందూ మతపరమైన అంశాలతో అనుబంధం ఉన్న నాయకుడిగా కనిపించే అన్నామలై, నాస్తిక, హేతువాద భావజాలంతో గుర్తింపు పొందిన పెరియార్‌ను ఎందుకు ప్రశంసించారని ప్రశ్నించారు. పెరియార్ విగ్రహాలు, ఆలయాల సమీపంలో నాస్తిక సందేశాల అంశంపై అన్నామలై గతంలో చేసిన వ్యాఖ్యలను కూడా కొందరు గుర్తుచేశారు.పెరియార్ రాజకీయ చరిత్రలో అనేక వైరుధ్యాలు ఉన్నాయని అన్నామలై పేర్కొన్నారు. హిందీ వ్యతిరేక ఉద్యమానికి సంబంధించి 1935, 1965లో పెరియార్ చేసిన వ్యాఖ్యలను ఉదాహరణగా ప్రస్తావించారు. అలాగే కాంగ్రెస్, డీఎంకేతో పెరియార్‌కు ఉన్న రాజకీయ సంబంధాలను కూడా ఆయన ప్రస్తావించారు. 1961లో అప్పటి మద్రాస్ ముఖ్యమంత్రి కె. కామరాజ్‌కు ఓటు వేయాలని పెరియార్ పిలుపునిచ్చారని తెలిపారు.హిందూ ఆలయాల వెలుపల నాస్తిక సందేశాలతో ఉన్న విగ్రహాల విషయంలోనూ అన్నామలై తన వైఖరిని పునరుద్ఘాటించారు. ‘వీ ద లీడర్స్’ అధికారంలోకి వస్తే అలాంటి విగ్రహాలను ఇతర బహిరంగ ప్రదేశాలకు తరలిస్తామని చెప్పారు. అయితే వాటిని ధ్వంసం చేయబోమని, గౌరవప్రదంగా మరోచోటికి తరలిస్తామని స్పష్టం చేశారు. ఆలయంలోకి వెళ్లే భక్తులకు నేరుగా నాస్తిక సందేశాలు ఎదురుకాకూడదన్నది తన అభిప్రాయమని తెలిపారు.బీజేపీ నుంచి వైదొలిగిన అనంతరం అన్నామలై ‘వీ ద లీడర్స్’ అనే కొత్త రాజకీయ ఉద్యమాన్ని ప్రారంభించారు. ఈ నేపథ్యంలో పెరియార్‌పై ఆయన చేసిన తాజా వ్యాఖ్యలు తన రాజకీయ, భావజాల వైఖరిని స్పష్టం చేసే ప్రయత్నంగా కనిపిస్తున్నాయి. పెరియార్ సామాజిక సంస్కరణలలోని మహిళా హక్కులు, కుల నిర్మూలన అంశాలను అంగీకరిస్తూనే.. ఆయన నాస్తిక, బ్రాహ్మణ వ్యతిరేక భావజాలాన్ని మాత్రం అంగీకరించబోనని అన్నామలై తేల్చి చెప్పారు.ఇదీ చదవండి: నవరాత్రి వేళ.. అద్దెకు ‘గర్బా’ పార్ట్‌నర్‌ వివాదం!

సూర్యాపేటటౌన్‌/ఖమ్మం అర్బన్‌ : కారు అదుపు తప్పి రోడ్డు పక్కన ఇనుప రెయిలింగ్‌ను ఢీకొనడంతో మంటలు వ్యాపించి అందులో ప్రయాణిస్తున్న డాక్టర్‌ సజీవ దహనమయ్యారు. ఈ ఘటన సూర్యాపేట మండలం పిల్లలమర్రి సమీపంలో ఆదివారం ఉదయం జరిగింది. పోలీసులు తెలిపిన వివరాల ప్రకారం.. ఏపీలోని ప్రకాశం జిల్లా కొత్తపట్నం మండలం సుంకువారిగుంట గ్రామానికి చెందిన వైద్యుడు కాసుకుర్తి జగదీశ్‌(50) ఇరవై ఏళ్లుగా ఖమ్మంలోని మమత ఆస్పత్రిలో న్యూరో సర్జన్‌గా పనిచేస్తూ అక్కడే ఉంటున్నారు. ఆయన భార్య సుమప్రీతి హైదరాబాద్‌లోని సురభి మెడికల్‌ కళాశాల ప్రిన్సిపాల్‌గా పనిచేస్తున్నారు. వారికి ఇద్దరు కుమార్తెలు ఉన్నారు. జగదీశ్‌ భార్య, పిల్లలు హైదరాబాద్‌లో నివసిస్తున్నారు. వారం లేదా 15 రోజులకు ఒకసారి కుటుంబ సభ్యులను కలిసేందుకు జగదీశ్‌ హైదరాబాద్‌కు వెళ్తుంటారు.కుమార్తె పుట్టినరోజుకు వెళ్తూ.. సోమవారం జగదీశ్‌ కుమార్తె పుట్టినరోజు ఉండటంతో ఆదివారం ఉదయం 6 గంటల సమీపంలో ఆయన ఖమ్మం నుంచి హైదరాబాద్‌కు కారులో బయల్దేరారు. మార్గమధ్యలో పిల్లలమర్రి సమీపంలో ఖమ్మం–హైదరాబాద్‌ హైవేపై ఫ్లైఓవర్‌ ఎక్కుతుండగా కారు అదుపుతప్పి పక్కనే ఉన్న ఇనుప రెయిలింగ్‌ను ఢీకొట్టి ముందుకు దూసుకెళ్లింది. దీంతో కారులో మంటలు చెలరేగాయి. చుట్టుపక్కల రైతులు గమనించి పోలీసులకు సమాచారం ఇచ్చారు. పోలీసులు, అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెచ్చారు. అప్పటికే కారు పూర్తిగా కాలిపోగా.. జగదీశ్‌ సజీవ దహనమయ్యారు.జగదీశ్‌ మృతదేహం గుర్తుపట్టలేని స్థితిలో ఉండటంతో పోలీసులు వాహనం వివరాల ఆధారంగా దర్యాప్తు చేపట్టారు. కొత్త కారు కావడంతో ఇంకా నంబర్‌ ప్లేటు కూడా లేదు. దీంతో ఖమ్మం రహదారిపై ఉన్న టోల్‌గేట్‌ వద్ద వాహనాన్ని గుర్తించి, అందులో డాక్టర్‌ జగదీశ్‌ ప్రయాణిస్తున్నట్టు పోలీసులు నిర్ధారించుకుని కుటుంబ సభ్యులకు సమాచారం అందించారు. మృతదేహాన్ని సూర్యాపేట ఆస్పత్రి మార్చురీకి తరలించి పోస్టుమార్టం అనంతరం కుటుంబ సభ్యులకు అప్పగించారు.పోలీసుల ఆరా..అత్యంత ఖరీదైన కారులో మంటలు చెలరేగడంపై పోలీ సులు దర్యాప్తు చేస్తున్నారు. అత్యాధునిక ఫీచర్లు కలిగిన ఈ కారు రెయిలింగ్‌ను ఢీకొన్న సమయంలో ఇంధనం, విద్యుత్‌ వ్యవస్థలో ఏదైనా సమస్య తలెత్తిందా అని పరిశీలిస్తున్నారు. వాహనం పూర్తిగా దగ్ధం కావడంతో ప్రమాదానికి ముందు కారులో ఏదైనా సాంకేతిక సమస్య ఏర్పడిందా అనే అంశంతోపాటు ప్రమాదానికి ముందు కారు వేగం, డ్రైవర్‌ నియంత్రణ కోల్పోయిన పరిస్థితుల పైనా ఆరా తీస్తున్నారు.బాలాజీ–సరోజిని దంపతులకు నాలుగో సంతానంగా జగదీశ్‌ జన్మించారు. తండ్రి రైల్వే కూలీగా, తల్లి దినసరి కూలీగా పనిచేస్తుండగా, అన్నయ్య, అక్కయ్యలు సైతం వ్యవసాయ కూలీలుగా పనిచేస్తూ కుటుంబాన్ని పోషించే వారు. జగదీశ్‌ ఆర్థిక ఇబ్బందులు ఎదురైనా ఉపాధ్యాయులు, శ్రేయోభి లాషుల సహకారంతో వైద్యవిద్య పూర్తిచేశారు. వినాయకుడిని సాగనంపి.. పేషెంట్‌ను చూసి..డాక్టర్‌ జగదీశ్‌ శనివారం రాత్రి వరకు వైద్యులు, విద్యార్థులతో కలిసి వినాయక నిమజ్జన వేడుకల్లో పాల్గొన్నారు. ఉత్సాహంగా నృత్యం చేశారు. ఆదివారం తెల్లవారుజామున నాలుగు గంటల ప్రాంతంలో అత్య వసర కేసు రావడంతో ఆస్పత్రికి వెళ్లి రోగిని పరిశీలించారు. సోమవారం ఆపరేషన్‌ చేస్తానని రోగి కుటుంబీకులకు చెప్పారు. ఇంతలోనే ప్రమాదం జరిగింది. దీనికి నిద్రమత్తు కారణమా అన్న చర్చ జరుగుతోంది. ఖరీదైన కారు.. అయినా దక్కని ప్రాణంసురక్షిత ప్రయాణం కోసం సుమారు రూ.1.20 కోట్లు వెచ్చించి రెండు నెలల క్రితమే డాక్టర్‌ జగదీశ్‌ ఖరీదైన కారును కొనుగోలు చేసినట్లు సహచరులు తెలిపారు. అయితే అదే కారులో జరిగిన ప్రమాదం ఆయన ప్రాణాలను కాపాడలేకపోయిందని పలువురు వైద్యులు కన్నీటి పర్యంతమయ్యారు. ప్రమాదం ఎలా జరిగిందన్న పూర్తి వివరాలు అధికారిక దర్యాప్తులో తేలాల్సి ఉంది.డాక్టర్‌ జగదీశ్‌ భార్య, కుమార్తెలను ఓదార్చిన డాక్టర్లుడాక్టర్‌ జగదీశ్‌ బాబు మృతదేహంతో మమత ఆసుపత్రి ప్రాంగణానికి వచ్చిన డాక్టర్‌ భార్య, ఇద్దరుకుమార్తెలను పలువురు డాక్టర్లు ఓదార్చారు. ఇంతటి ఘోరం జరగడం ఎంతో బాధకరం అని పలువురు వారికి తమ సంతాపం వ్యక్తం చేశారు.వేలాదిమందితో అంతిమయాత్రసూర్యాపేటలో పోస్టుమార్టం అనంతరం డాక్టర్‌ జగదీశ్‌బాబు మృతదేహాన్ని ఖమ్మానికి తీసుకొచ్చారు. ఇండియన్‌ మెడికల్‌ అసోసియేషన్‌ ఆధ్వర్యంలో వైద్యులు నివాళులర్పించారు. అనంతరం అక్కడి నుంచి మమత ఆసుపత్రి వరకు అంతిమయాత్ర నిర్వహించారు. వేలాదిమంది వైద్యులు, వైద్య విద్యార్థులు, ఆసుపత్రి సిబ్బంది, జగదీశ్‌బాబు వద్ద వైద్యం పొందిన రోగులు, వారి కుటుంబ సభ్యులు కన్నీటి పర్యంతమవుతూ అంతిమయాత్రలో పాల్గొన్నారు. మమత ఆసుపత్రిలో ఏర్పాటు చేసిన నివాళి కార్యక్రమంలో మాజీ మంత్రి పువ్వాడ అజయ్‌కుమార్, మమత వైద్య విద్యాసంస్థల కార్యదర్శి పువ్వాడ జయశ్రీ తదితరులు మృతదేహానికి పూలమాలలు వేసి నివాళులర్పించారు. అనంతరం వైద్యులు, విద్యార్థులు డాక్ట‌ర్ జగదీశ్‌ పార్థీవ‌దేహాన్ని సందర్శించి కన్నీటి వీడ్కోలు పలికారు. కుటుంబ సభ్యుల రోదనలు, సహచర వైద్యుల కన్నీళ్లతో ఆసుపత్రి ప్రాంగణంలో తీవ్ర విషాదం అలుముకుంది.పేదల గుడిసెల వద్దకు వెళ్లి వైద్యంఒంగోలు టౌన్‌: నిరుపేద దళిత కుటుంబంలో పుట్టిన డాక్టర్ కాసుకుర్తి జగదీశ్‌ కసితో ఉన్నత శిఖరాలు అందుకున్నారు. అయినప్పటికీ తన మూలాలను మరిచిపోకుండా పేదలకు వైద్య సేవలందించారు. వైద్యాన్ని వ్యాపారంగా కాకుండా ప్రజా సేవగా తలచిన డాక్టర్‌ జగదీశ్‌పేదల గుడిసెల వద్దకు వెళ్లి వైద్య చికిత్సలు చేశారని ప్రజా సంఘాల నాయకులు చెబుతున్నారు. ఇదీ చ‌ద‌వండి: మిస్ట‌రీ డాక్ట‌ర్ ఎక్క‌డ‌?అణగారిన ప్రజల బాధలను తన బాధగా భావించి నిరుపేదలకు అండగా నిలిచిన డాక్టర్‌ జగదీశ్‌ మరణం సామాన్య ప్రజలకు తీరని లోటని సీపీఐఎంఎల్‌ న్యూడెమక్రసీ రాష్ట్ర నాయకులు చిట్టిపాటి వెంకటేశ్వర్లు సంతాపం తెలిపారు. కొత్తపట్నం మండలం నుంచి వచ్చిన తొలి వైద్యుడు జగదీష్‌ మతి పట్ల శ్రీరాం సూపర్‌ స్పెషాలిటీ హాస్పటల్ ఎండీ డాక్టర్‌ చాపల వంశీకష్ణ నివాళులు అర్పించారు. నిరుపేదలకు వైద్యం చేయడంలో డాక్టర్‌ జగదీశ్‌ ముందుండేవారని, సామాజిక సేవాతో వ్యవహరించే ఆయన మరణం బాధకలిగిస్తుందన్నారు. చిన్నవయసులోనే నూరేళ్లు నిండిన డాక్టర్‌ జగదీశ్‌కు పలువురు వైద్యులు నివాళులు తెలిపారు.

టీమిండియా చిచ్చరపిడుగు వైభవ్‌ సూర్యవంశీ మరో చరిత్ర సృష్టించేందుకు సిద్దంగా ఉన్నాడు. ఏషియన్‌ గేమ్స్‌ 2026లో అతడు బరిలోకి దిగితే, ఈ గేమ్స్‌లో పాల్గొనే అన్ని దేశాల సభ్యుల (అథ్లెట్‌ లేదా క్రికెటర్‌) ​కంటే అతి పిన్న వయస్కుడిగా రికార్డు నెలకొల్పుతాడు.ఏషియన్‌ గేమ్స్‌లో భారత్‌ క్రికెట్‌ జట్టు ఆడబోయే తొలి మ్యాచ్‌ సమయానికి (సెప్టెంబర్‌ 29, రెండో క్వార్టర్‌ ఫైనల్‌) వైభవ్‌ వయసు 15 ఏళ్ల 178 రోజులుగా ఉంటుంది. ఇంత కంటే చిన్న వయసు సభ్యుడు ఎవరూ ప్రస్తుత ఆసియా క్రీడల్లో పాల్గొనడం లేదు. మరోవైపు ఈ ఏషియన్‌ గేమ్స్‌లో అత్యంత పెద్ద వయస్కురాలైన అథ్లెట్ కూడా భారత్‌ నుంచే బరిలోకి దిగుతుండటం విశేషం. 55 ఏళ్ల 8 నెలల వయసున్న భారత అశ్వ క్రీడాకారిణి శృతి వోరా ఈ ఘనత సాధించారు.కాగా, ఇటీవలికాలంలో వైభవ్‌ వయసు విషయంలో దాదాపు అన్ని పాత రికార్డులను బద్దలు కొడుతున్నాడు. ఏషియన్‌ గేమ్స్‌లో కూడా అతడికి తుది జట్టులో చోటు దక్కితే మరో రికార్డు ఖాతాలో వేసుకుంటాడు.అయితే తాజాగా ఆఫ్ఘనిస్తాన్‌తో జరిగిన మూడు మ్యాచ్‌ల టీ20 సిరీస్‌లో వైభవ్‌కు తుది జట్టులో చోటు దక్కలేదు. మరి ఏషియన్‌ గేమ్స్‌లో అయినా అవకాశం దక్కుతుందో లేదో చూడాలి.ఏషియన్‌ గేమ్స్‌లో డిఫెండింగ్‌ ఛాంపియన్‌ టీమిండియా పూర్తి స్థాయి జట్టుతోనే బరిలోకి దిగుతుంది. ఓపెనర్లుగా సంజూ శాంసన్‌, అభిషేక్‌ శర్మ బరిలోకి దిగడం దాదాపుగా ఖరారైనట్లే. వీరిద్దరూ అద్భుతమైన ఫామ్‌లో ఉండటంతో వైభవ్‌ తుది జట్టు బెర్త్‌పై అనుమానాలు నెలకొన్నాయి. ఈ క్రీడల్లో భారత్‌ గరిష్టంగా మూడు మ్యాచ్‌లు మాత్రమే ఆడగలుగుతుంది. ఏదో ఒక మ్యాచ్‌లో వైభవ్‌కు ఆడే అవకాశం వచ్చినా, ఏషియన్‌ గేమ్స్‌ అతి పిన్న వయస్కుడి రికార్డు అతడి ఖాతాలో వచ్చి పడుతుంది. ఇదీ చదవండి: రాజకీయాల్లోకి షమీ..?

టీమిండియా స్పిన్‌ దిగ్గజం హర్భజన్‌ సింగ్‌ సోషల్‌ మీడియాలో చురుగ్గా ఉంటాడు. క్రికెట్‌ కామెంట్రీ, విశ్లేషణలకు సంబంధించిన వీడియోలతో పాటు.. భార్య గీతా బస్రాతో కలిసి చేసిన రీల్స్‌ కూడా పోస్ట్‌ చేస్తూ ఉంటాడు.ఇప్పుడు ఆ కోరిక లేదులెండి!ఈ నేపథ్యంలో తాజాగా భజ్జీ ఓ ఫన్నీ రీల్‌తో ముందుకు వచ్చాడు. ఇందులో గీతా బస్రా.. ‘చిన్నప్పటి నుంచి నా భర్తకు పాద సేవ చేయాలనే కోరిక ఉండేది’ అని అనడంతో.. ‘మరి ఇంకెందుకు ఆలస్యం’ అని భజ్జీ అంటాడు. అయితే, గీతా మాత్రం.. ‘ఇప్పుడు నేను బాల్యంలో లేను.. ఆ కోరికా కూడా లేదు’ అంటూ షాక్‌ ఇస్తుంది. ఈ కపుల్‌ వీడియో ప్రస్తుతం నెట్టింట వైరల్‌గా మారింది. View this post on Instagram A post shared by Geeta Basra (@geetabasra) రూ. 7 కోట్ల బంగ్లాఇదిలా ఉంటే.. భజ్జీ- గీతా తమ ఇంట్లోనే ఈ రీల్‌ చేసినట్లు తెలుస్తోంది. పంజాబ్‌కు చెందిన హర్భజన్‌ సింగ్‌కు జలంధర్‌లో బంగ్లా ఉంది. ప్రస్తుతం దీనిని విలువ సుమారు రూ. 7 కోట్లు అని సమాచారం.దిగ్గజ స్పిన్నర్‌కాగా భజ్జీ 1998 నుంచి 2006 వరకు టీమిండియా తరఫున అంతర్జాతీయ క్రికెట్‌ ఆడాడు. మొత్తంగా 103 టెస్టులు, 236 వన్డేలు 28 టీ20 మ్యాచ్‌లు ఆడిన ఈ రైటార్మ్‌ ఆఫ్‌ బ్రేక్‌ స్పిన్నర్‌.. టెస్టుల్లో 417, వన్డేల్లో 269, టీ20లలో 25 వికెట్లు పడగొట్టాడు.అంతేకాదు.. టెస్టుల్లో 2225, వన్డేల్లో 1237, టీ20లలో 108 పరుగులు కూడా సాధించాడు భజ్జీ. ఈ నేపథ్యంలో భారత క్రికెట్‌కు సేవలు అందిస్తూ తమ రాష్ట్రానికి గొప్ప పేరు తీసుకువచ్చిన భజ్జీని పంజాబ్‌ ప్రభుత్వం 2001లో ఘనంగా సత్కరించింది.రూ. ఐదు లక్షలు, 500 గజాల భూమి, డీఎస్పీగా ఉద్యోగంచండీగఢ్‌ సభలో అప్పటి ముఖ్యమంత్రి ప్రకాశ్‌ సింగ్‌ బాదల్‌.. హర్భజన్‌ సింగ్‌కు ఐదు లక్షల రూపాయల క్యాష్‌ రివార్డుతో పాటు.. జలంధర్‌లో 500 చదరపు గజాల భూమిని కేటాయిస్తున్నట్లు ప్రకటించారు. అంతేకాదు.. పోలీస్‌ విభాగంలో డిప్యూటీ సూపరింటిండెంట్‌గా ప్రమోషన్‌ ఇస్తున్నట్లు తెలిపారు.ప్రభుత్వం ఇచ్చిన ప్లాట్‌లో కలల సౌధంసతీమణి, నటి గీతా బస్రాతో కలిసి ఈ ప్లాట్‌లో భజ్జీ 2010లో తమ కలల సౌధాన్ని నిర్మించాడు. తెలుపు రంగులో అద్దాలతో మెరిసిపోయే ఈ బంగ్లాలో ఫ్లోర్‌ నుంచి సీలింగ్‌ వరకు ఉండే కిటికీలు ప్రత్యేక ఆకర్షణ.ఇంటి వెలుపల విశాలమైన స్థలం ఉండటంతో కుటుంబ సభ్యులంతా పచ్చదనంతో నిండిన ఈ తోటలో హాయిగా సేదతీరుతారు. భజ్జీ నివాసంలో హోమ్‌ థియేటర్‌ కూడా ఉంది.అదే విధంగా.. భజ్జీ కెరీర్‌కు సంబంధించిన విశేషాలు తెలిపేలా ప్రత్యేకంగా ఓ కాబినెట్‌ లివింగ్‌రూమ్‌లో ఉన్నట్లు సమాచారం. ఇందులో ట్రోఫీలు, అవార్డులు, ఐకానిక్‌ మ్యాచ్‌లు, వివిధ సందర్భాల్లో భజ్జీ దిగిన ఫొటోలు ఉంటాయి.గీతాతో ప్రేమ, పెళ్లిబాలీవుడ్‌ నటి గీతా బస్రాను ప్రేమించిన భజ్జీ.. 2015లో అక్టోబరు 29న ఆమెను వివాహమాడాడు. జలంధర్‌లో వీరి పెళ్లి అంగరంగ వైభవంగా జరిగింది. ఈ జంటకు 2016లో కుమార్తె హినాయ హీర్‌ ప్లాహా, 2021లో కుమారుడు జొవాన్‌ వీర్‌ సింగ్‌ ప్లాహా జన్మించారు. ఎంపీగా ప్రయాణంరాజకీయాల్లో ప్రవేశించిన హర్భజన్‌ సింగ్‌ ఆమ్‌ ఆద్మీ పార్టీ తరఫున రాజ్యసభలో ఎంపీగా అడుగుపెట్టాడు. అయితే, ఇటీవల పార్టీ మారి అధికార బీజేపీలో చేరిపోయాడు. చదవండి: ఏడెకరాల భూమి.. ఫామ్‌హౌజ్‌.. విలువ ఎంతంటే?

గాంధీనగర్‌: గుజరాత్‌లో నవరాత్రి వేడుకలు సమీపిస్తున్న వేళ సోషల్ మీడియాలో వైరల్ అవుతున్న ‘రెంట్ ఏ గర్బా పార్ట్‌నర్’ ప్రకటనలు వివాదానికి దారితీశాయి. రూ.1,000 నుంచి రూ.2,000 వరకు ప్యాకేజీలను పేర్కొంటూ ఇన్‌స్టాగ్రామ్‌లో దర్శనమిస్తున్న ఈ పోస్టులపై అహ్మదాబాద్ సైబర్ క్రైమ్ పోలీసులు ప్రజలను అప్రమత్తం చేశారు. గుర్తుతెలియని ఖాతాలకు డబ్బులు పంపవద్దని సూచించారు. స్థానికులు, బజరంగ్ దళ్ కార్యకర్తలు ఈ పోస్టులపై అభ్యంతరం వ్యక్తం చేసి విచారణకు డిమాండ్ చేశారు.రూ.1,000 నుంచి ప్యాకేజీలు?వైరల్ అవుతున్న పోస్టుల్లో ‘సిల్వర్’, ‘గోల్డ్’, ‘ప్లాటినమ్’ పేర్లతో ప్యాకేజీలను పేర్కొన్నారు. సిల్వర్ ప్యాకేజీకి రెండు గంటల గార్బా సహచర్యానికి రూ.1,000, గోల్డ్ ప్యాకేజీకి నాలుగు గంటలకు రూ.1,500, ప్లాటినమ్ ప్యాకేజీకి రాత్రంతా రూ.2,000గా చూపించారు. సరిపోలే దుస్తులు, డ్యాన్స్ నేర్పడం, సెల్ఫీలు, ఇన్‌స్టాగ్రామ్ రీల్స్, ఫొటోలు వంటి ఆఫర్లు ఉన్నట్లు పోస్టుల్లో పేర్కొన్నారు. కొన్ని పోస్టుల్లో అదనపు సేవలు, అధిక ధరలను కూడా చూపించారు.డబ్బులు పంపొద్దన్న సైబర్ పోలీసులుఅహ్మదాబాద్ సైబర్ క్రైమ్ సెల్ ఈ పోస్టులను గత ఐదు, ఆరు రోజులుగా పరిశీలిస్తున్నట్లు ఏసీపీ హార్దిక్ మండాకియా తెలిపారు. గుర్తుతెలియని ప్రకటనలను నమ్మి డబ్బులు పంపవద్దని పోలీసులు హెచ్చరించారు. ఇప్పటికే డబ్బులు పంపినవారు సైబర్ పోలీసులను సంప్రదించాలని సూచించారు. సేవలు అందిస్తామని చెబుతున్న వ్యక్తుల గుర్తింపును ధ్రువీకరించుకున్న తర్వాతే వ్యక్తిగత వివరాలు లేదా చెల్లింపులు చేయాలని సూచించారు. ગરબા માટે ભાડે પાર્ટનરની પોસ્ટ વાયરલ#Garba #GarbaPartner #RentAPartner #Navratri #GarbaNight #ViralPost #SocialMediaTrend #GujaratNews pic.twitter.com/k3OcNjGwvx— Sandesh (@sandeshnews) September 20, 2026అసలు సేవలు ఉన్నాయా?ఈ ట్రెండ్ సెప్టెంబర్ మధ్యలో కృష్ణ్ మిస్త్రీ అనే ఇన్‌స్టాగ్రామ్ వినియోగదారు చేసిన వ్యంగ్య పోస్టుతో ప్రారంభమైనట్లు తెలుస్తోంది. ‘ఈ నవరాత్రి వేళ ఒంటరిగా డ్యాన్స్ చేయొద్దు’ అనే నినాదంతో మూడు ప్యాకేజీలను చూపించిన ఆ పోస్టును వినోదం, సోషల్ మీడియా ఎంగేజ్‌మెంట్ కోసమే చేశామని ఖాతాదారు తెలిపారు. విపరీతంగా వైరల్ కావడంతో ఆ పోస్టును తొలగించారు. అనంతరం అహ్మదాబాద్, సూరత్, ముంబై తదితర ప్రాంతాలకు చెందిన ఇతర ఖాతాల్లోనూ ఇలాంటి పోస్టులు కనిపించాయి.మీమ్స్‌గానే పోస్టులు?మీడియా పరిశీలనలో కొన్ని పోస్టులు చేసిన పేజీల నిర్వాహకులు వాటిని మీమ్స్ లేదా జోక్స్‌గా అభివర్ణించినట్లు సమాచారం. వాస్తవంగా అద్దెకు గర్బా పార్ట్‌నర్లు అందుబాటులో లేరని కూడా కొన్ని పేజీల్లో స్పష్టం చేసినట్లు సమాచారం. అయినప్పటికీ సైబర్ అధికారులు సంబంధిత ఇన్‌స్టాగ్రామ్ ఖాతాలపై నిఘా కొనసాగిస్తున్నారు.విచారణకు స్థానికుల డిమాండ్ఈ పోస్టులపై స్థానికుల నుంచి కూడా అభ్యంతరాలు వ్యక్తమయ్యాయి. సూరత్ బజరంగ్ దళ్ కార్యకర్త ప్రతాప్ రాజ్‌పురోహిత్.. నవరాత్రి అంటే దేవీ ఆరాధన, భక్తి, సంప్రదాయ గార్బా వేడుకలకు సంబంధించిన పండుగ అని పేర్కొంటూ, ఈ తరహా పోస్టులపై అభ్యంతరం తెలిపారు. గుజరాత్ బజరంగ్ దళ్ ప్రాంతీయ సహ కన్వీనర్ జ్వలిత్ మెహతా కూడా పోస్టుల వెనుక ఉన్నవారిని గుర్తించి వారి ఉద్దేశాలపై విచారణ జరపాలని కోరారు.నవరాత్రి వేళ అప్రమత్తంగుజరాత్‌లో నవరాత్రి సందర్భంగా సొసైటీలు, బహిరంగ ప్రదేశాల్లో పెద్ద ఎత్తున గర్బా కార్యక్రమాలు జరుగుతాయి. వేడుకలు సమీపిస్తున్న కొద్దీ ఈవెంట్లు, దుస్తులు, సమావేశాలకు సంబంధించిన సోషల్ మీడియా ప్రచారం పెరుగుతుంది. ఈ నేపథ్యంలో వైరల్ అవుతున్న ‘రెంట్ ఏ గర్బా పార్ట్‌నర్’ పోస్టులపై పోలీసులు నిఘా పెట్టారు. అయితే ఈ నిర్దిష్ట పోస్టుల కారణంగా డబ్బు కోల్పోయినట్లు ఇప్పటివరకు అధికారికంగా కేసులు నమోదైనట్లు సమాచారం లేదు. ఇదీ చదవండి: భూ వివాదం: సీఎం ఇంటిముందు టవర్‌ ఎక్కిన మహిళ

రాజ్‌కోట్ వేదిక‌గా ఆస్ట్రేలియా అండ‌ర్‌-19 జ‌ట్టుతో జ‌రుగుతున్న రెండో అనధికారిక వ‌న్డేలో భార‌త యువ బ్యాట‌ర్లు స‌త్తాచాటారు. ఆల్‌రౌండర్‌ యశ్‌వర్ధన్ చౌహాన్(100 బంతుల్లో 15 ఫోర్లు, 2 సిక్స్‌లతో 122) భారీ సెంచరీతో కదం తొక్కగా.. వీకే వినీత్(87), ఆర్యవీర్ సెహ్వాగ్(47), కుశాగ్ర ఓఝా(34) కీలక ఇన్నింగ్స్‌లు ఆడారు. 341 పరుగుల భారీ స్కోర్ఫలితంగా టాస్ గెలిచి బ్యాటింగ్ ఎంచుకున్న భారత అండర్‌-19 జట్టు నిర్ణీత 50 ఓవర్లలో 7 వికెట్ల నష్టానికి 341 పరుగుల భారీ స్కోర్ సాధించింది. ఆస్ట్రేలియా బౌలర్లలో థామస్ వాసియో మూడు, పాట్రిక్ సుల్లివన్ రెండు వికెట్లు పడగొట్టాడు. కాగా తొలి వన్డేలో ఆసీస్‌పై భారత్ ఘన విజయం సాధించిన సంగతి తెలిసిందే. ఈ మ్యాచ్‌లో కూడా గెలిచి మరో వన్డే మిగిలుండగానే సిరీస్‌ను సొంతం చేసుకోవాలని యంగ్ ఇండియా పట్టుదలతో ఉంది.తుది జ‌ట్లుఆస్ట్రేలియా అండ‌ర్‌-19: నీల్ పటేల్, హేడెన్ బార్బులోవిక్(వికెట్ కీప‌ర్‌), జెడ్ హోలిక్, జాక్ క్జోస్నెక్(కెప్టెన్‌), బ్లేక్ కాటిల్, మాథ్యూ లాఫ్, కానర్ గ్రెగొరీ, జాకబ్ పీట్జ్, పాట్రిక్ సుల్లివన్, థామస్ వాసియో, థియో ట్సింగోస్భార‌త్‌: లక్ష్య రాజేష్ రాయచందానీ(కెప్టెన్‌), ఆర్యవీర్ సెహ్వాగ్, కుషాగ్ర ఓజా, యశ్బర్ధన్ చౌహాన్, అన్వయ్ ద్రవిడ్(వికెట్ కీప‌ర్‌), వీకే వినీత్, యశ్వీర్ గౌడ్, మనల్ చౌహాన్, చిగురుపాటి వెంకట, కావ్య పటేల్, మోహిత్ ఉల్వాచదవండి: Asian Games 2026: పాకిస్తాన్‌కు భారీ షాక్‌

సాక్షి, హైదరాబాద్‌: గులాబీ నేతల కంచుకోటల్లో కాంగ్రెస్‌ రాజకీయ సమరానికి సిద్ధమవుతోంది. బీఆర్‌ఎస్‌ కీలక నేతలు హరీశ్‌రావు, కేటీఆర్‌ను లక్ష్యంగా చేసుకుని సిద్దిపేట, సిరిసిల్లలో భారీ బహిరంగ సభలు నిర్వహించేందుకు తెలంగాణ కాంగ్రెస్‌ యాక్షన్‌ ప్లాన్‌ సిద్ధం చేస్తోంది. ఈ నెల 30న సిరిసిల్లలో కాంగ్రెస్‌ బహిరంగ సభ నిర్వహించనుండగా.. అక్టోబర్‌ మొదటి వారంలో సిద్దిపేటలో సభకు ఏర్పాట్లు చేస్తోంది.ఈ మేరకు సభల ఏర్పాట్లు చేపట్టాలని సంబంధిత డీసీసీ అధ్యక్షులను పీసీసీ చీఫ్‌ మహేష్‌ కుమార్‌ గౌడ్‌ ఆదేశించినట్లు సమాచారం. రెండు నియోజకవర్గాల్లో సభల ద్వారా పార్టీ శ్రేణులను సమీకరించడంతో పాటు, బీఆర్‌ఎస్‌ నేతలపై రాజకీయంగా ఎదురుదాడి చేయాలని కాంగ్రెస్‌ భావిస్తున్నట్లు తెలుస్తోంది. కాగా, సిరిసిల్ల, సిద్దిపేటలో జరగనున్న సభలపై కాంగ్రెస్‌ శ్రేణుల్లో ఆసక్తి నెలకొంది. సభల్లో ఎవరెవరు పాల్గొంటారు? హరీశ్‌రావు, కేటీఆర్‌లపై కాంగ్రెస్‌ నేతలు ఎలాంటి విమర్శలు చేస్తారు? అన్నది రాజకీయ వర్గాల్లో చర్చనీయాంశంగా మారింది.అయితే, సిరిసిల్ల, సిద్దిపేటలో కాంగ్రెస్‌ బహిరంగ సభల నిర్వహణపై సీఎం రేవంత్‌రెడ్డి గతంలోనే సంకేతాలిచ్చారు. సెప్టెంబర్‌ 5న నకిరేకల్‌ సభలో మాట్లాడుతూ.. ఈ నెలాఖరులో సిరిసిల్లకు, అక్టోబర్‌లో సిద్దిపేటకు వస్తానని ప్రకటించారు. కేటీఆర్‌, హరీశ్‌రావు ప్రాతినిధ్యం వహిస్తున్న ఈ రెండు నియోజకవర్గాల్లో కాంగ్రెస్‌ జెండా ఎగురవేస్తామని సవాల్‌ చేశారు. ఇటీవల సిద్దిపేటలో కాంగ్రెస్‌ ఎంపీలు, ఎమ్మెల్సీలు భూముల వ్యవహారాలపై పర్యటించగా.. హరీశ్‌రావు తన ఆస్తుల వివరాలు ఎన్నికల అఫిడవిట్లలో వెల్లడించానని స్పందించారు. ఈ పరిణామాల నేపథ్యంలో సిరిసిల్ల, సిద్దిపేట సభలు రాజకీయంగా ప్రాధాన్యం సంతరించుకున్నాయి.తెలంగాణభవన్‌లో కీలక సమావేశం.. మరోవైపు.. తెలంగాణలో రాజకీయ పరిణామాలు వేగంగా మారుతున్న వేళ.. తెలంగాణ భవన్‌లో బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌, మాజీ మంత్రి హరీశ్‌రావు కీలక సమావేశం నిర్వహించారు. అందుబాటులో ఉన్న మాజీ మంత్రులు, ఎమ్మెల్యేలు, పార్టీ ముఖ్య నేతలతో వారు భేటీ అయ్యారు. 22ఏ భూముల వ్యవహారంపై ప్రభుత్వాన్ని నిలదీసిన అనంతరం బీఆర్‌ఎస్‌ నేతలను కాంగ్రెస్‌ టార్గెట్‌ చేస్తోందన్న ఆరోపణల నేపథ్యంలో ఈ సమావేశం ప్రాధాన్యం సంతరించుకుంది. కాంగ్రెస్‌ నేతల ఫామ్‌హౌస్‌ పర్యటనలు, 22ఏ భూముల వివాదం, రాష్ట్రంలో చోటుచేసుకుంటున్న తాజా రాజకీయ పరిణామాలపై సమావేశంలో చర్చిస్తున్నట్లు సమాచారం. పార్టీ నేతలపై అధికార పార్టీ చేస్తున్న విమర్శలు, వాటికి ఎలా స్పందించాలనే అంశాలపైనా చర్చించే అవకాశం ఉంది.దానం నాగేందర్‌ అంశంపైనా చర్చ?ఖైరతాబాద్‌ ఎమ్మెల్యే దానం నాగేందర్‌ అనర్హత వ్యవహారం కూడా సమావేశంలో చర్చకు వచ్చే అవకాశం ఉంది. బీఆర్‌ఎస్‌ టికెట్‌పై గెలిచిన దానం నాగేందర్‌.. కాంగ్రెస్‌ తరఫున లోక్‌సభ ఎన్నికల్లో పోటీ చేయడంతో ఆయనపై అనర్హత పిటిషన్లు దాఖలయ్యాయి. ఈ కేసులో తెలంగాణ హైకోర్టు ఆయనను ఎమ్మెల్యేగా అనర్హుడిగా ప్రకటించింది. ఈ పరిణామంపై బీఆర్‌ఎస్‌ నేతలు తదుపరి అనుసరించాల్సిన రాజకీయ కార్యాచరణపై చర్చించే అవకాశం ఉంది. ఇదీ చదవండి: ఇది కాంగ్రెస్‌ తెచ్చిన కరువు

లక్నో: ఉత్తరప్రదేశ్‌ రాజధాని లక్నోలోని హజ్రత్‌గంజ్‌ ప్రాంతంలో ఓ మహిళ టవర్ ఎక్కడంతో కలకలం చెలరేగింది. తమ భూమికి సంబంధించిన వివాదంలో న్యాయం కోరుతూ ఆగ్రాకు చెందిన తుల్సా అనే మహిళ ఈ చర్యకు పాల్పడింది. ఈ ప్రాంతం ఉత్తరప్రదేశ్‌ ముఖ్యమంత్రి నివాసానికి సమీపంలో ఉండటంతో పోలీసులు, అగ్నిమాపక సిబ్బంది వెంటనే అప్రమత్తమయ్యారు. మీడియాకు అందిన సమాచారం ప్రకారం.. భూమికి సంబంధించిన వివాదంతో తుల్సా తీవ్ర ఆవేదనకు గురైనట్లు తెలుస్తోంది. తన భూమిని మన్‌సింగ్‌ అనే వ్యక్తి ఆక్రమించుకున్నాడని ఆమె ఆరోపిస్తున్నది. ఈ విషయంపై నిరసన వ్యక్తం చేస్తూ ఆమె గోల్ఫ్‌ చౌరాహా వద్ద జూ గేట్‌ నంబర్‌ 3 సమీపంలోని టవర్‌ ఎక్కింది.విషయం తెలుసుకున్న పోలీసులు, అగ్నిమాపక సిబ్బంది సంఘటనా స్థలానికి చేరుకున్నారు. వెంటనే సహాయక చర్యలు చేపట్టారు. టవర్‌పై ఉన్న మహిళను కిందకు తీసుకురావడానికి అగ్నిమాపక సిబ్బంది హైడ్రా వాహనాన్ని ఉపయోగించారు. దాని సహాయంతో ఆమెను సురక్షితంగా కిందకు తీసుకొచ్చారు. అనంతరం పోలీసులు ఆమెను అడిగి వివరాలు తెలుసుకున్నారు. ఈ ఘటనలో మహిళకు లేదా ఇతరులకు ఎలాంటి గాయాలు కాలేదు. ఈ వివాదానికి సంబంధించిన మరిన్ని వివరాలు తెలియాల్సి ఉంది. ఇదీ చదవండి: Bigg Boss-20: మేరీ కోమ్‌పై యుంగ్ డీఎస్‌ఏ సంచలన వ్యాఖ్యలు

పెద్దపల్లి జిల్లా: తనను ప్రేమించి మరొకరితో చనువుగా ఉండడాన్ని సహించలేని పాలిటెక్నిక్‌ కాంట్రాక్ట్‌ లెక్చరర్‌ జెట్టి నవీన్‌కుమార్‌.. పథకం ప్రకారమే యువతి తాండ్ర అక్షితరాణి (20)ని ఆత్మహత్యకు ప్రేరేపించి ఆపై మృతి చెందేవరకూ ప్లాన్‌ అమలు చేసినట్లు పోలీసులు తేల్చారు. నిన్నటివరకూ ఆత్మహత్య చేసుకున్నట్లు అందరూ భావించారు. కానీ, పోలీసుల దర్యాప్తులో హత్యగానే తేలింది. పెద్దపల్లి జిల్లా గోదావరిఖని వన్‌టౌన్‌ పోలీసుస్టేషన్‌లో ఆదివారం ఏర్పాటు చేసిన విలేకరుల సమావేశంలో డీసీపీ రాంరెడ్డి కేసు వివరాలు వెల్లడించారు. పెద్దపల్లి జిల్లా గోదావరిఖనిలోని లెనిన్‌నగర్‌కు చెందిన అక్షితరాణి 2022లో మంచిర్యాల జిల్లా సీసీ నస్పూర్‌లోని సింగరేణి పాలిటెక్నిక్‌లో చదివింది. ఆ సమయంలో కాంట్రాక్ట్‌ లెక్చరర్‌ నవీన్‌కుమార్‌తో సాన్నిహిత్యం పెరిగి ప్రేమగా మారింది. నవీన్‌కుమార్‌కు అప్పటికే భార్య, ఇద్దరు పిల్లలు ఉన్నా.. అక్షితరాణిని పెళ్లి చేసుకునే వరకూ తీసుకెళ్లాడు. కానీ, డిప్లొమా పూర్తయ్యాక ఆమె హైదరాబాద్‌లో బీటెక్‌ మైనింగ్‌ చదువుతూ జీడీకే–2వ గనిలో అప్రెంటిషిప్‌ చేసింది. ఈక్రమంలో ఓవర్‌మన్‌ బొమ్మకంటి రవికుమార్‌తో పరిచయం ఏర్పడి నవీన్‌కుమార్‌కు దూరంగా ఉంటూ వస్తోంది. దీంతో అసూయ పెంచుకున్న నవీన్‌కుమార్‌ ఆమెను హత్య చేయాలని పకడ్బందీ పథకం రచించాడు. ఈనెల12న గౌతమినగర్‌లోని ఓ కంప్యూటర్‌ సెంటర్‌లో అక్షితరాణి విధులు ముగించుకుని ఆటోలో వెళ్తుండగా ఎఫ్‌సీఐ క్రాస్‌రోడ్డు వద్ద అడ్డగించి కారులో ఎక్కించుకుని వివిధ ప్రాంతాల్లో తిప్పుతూ గొడవ పడ్డాడు. రవికుమార్‌ తనపై అత్యాచారం చేయడంతోనే ఆత్మహత్య చేసుకుంటున్నట్లు ప్రేరేపించి సూసైడ్‌ నోట్‌ రాయించాడు. అప్పటికే తన వద్ద సిద్ధంగా ఉంచుకున్న పురుగుల మందును బలవంతంగా తాగించాడు. స్పృహ కోల్పోయిన యువతిని ఆస్పత్రికి తరలించకుండా అనేక ప్రాంతాల్లో తిప్పి కావాలనే జాప్యం చేశాడు. చివరకు యువతి ఫోన్‌నుంచి ఆమె తండ్రికి ఫోన్‌కాల్‌ చేసి ఆత్మహత్య చేసుకున్నట్లు నమ్మించేందుకు యత్నించాడు. రాత్రి సుమారు 7.30 సమయంలో యువతిని ఇంటికి తీసుకెళ్లి తల్లిదండ్రులను కారులో ఎక్కించుకుని స్థానిక ప్రభుత్వ ఆస్పత్రికి తీసుకెళ్లాడు. అక్షితరాణి చికిత్స పొందుతూ ఈనెల 13న మృతి చెందింది.ఇదీ చ‌ద‌వండి: లగ్జరీ కారులో మంటలు ఎలా చెలరేగాయి?ఆధారాలు చెరిపేసే యత్నంయువతి మృతితో తన విషయం బయటపడుతుందనే భయంతో నవీన్‌కుమార్‌ ఆధారాలను ధ్వంసం చేసేందుకు యత్నించాడు. కారు శుభ్రం చేయడం, సూసైడ్‌నోట్, పురుగులమందు బాటిల్, మొబైల్‌ సిమ్‌లు తొలగించాడు. అనంతరం హైదరాబాద్‌కు పారిపోయాడు. అయితే కేసును సీరియస్‌గా తీసుకున్న పోలీసులు.. సీసీ కెమెరా ఫుటేజీలు, కాల్‌డేటా, కాల్‌రికార్డింగ్స్‌ తదితర సాంకేతిక ఆధారాలు విశ్లేషించి నవీన్‌కుమార్‌ను అదుపులోకి తీసుకున్నారు. తర్వాత విచారణ చేయగా అసలు విషయం వెలుగులోకి వచ్చింది.రవికుమార్‌పై ఆరోపణలపైనా దర్యాప్తుజీడీకే–2 గని ఓవర్‌మన్‌ రవికుమార్‌తో అక్షితరాణికి పరిచయం ఏర్పడింది. ఈ నేపథ్యంలోనే ఆమె ఇష్టానికి విరుద్ధంగా శారీరక సంబంధానికి పాల్పడ్డాడు. దీంతో సింగరేణి అధికారులకు బాధితురాలు ఫిర్యాదు చేసింది. ఈ ఆరోపణల నేపథ్యంలో రవికుమార్‌ను కూడా పోలీసులు అదుపులోకి తీసుకున్నారు. సమావేశంలో గోదావరిఖని ఏసీపీ రమేశ్, సీఐ ఇంద్రసేనారెడ్డి, రెండో సీఐ అఫ్జలుద్దీన్, ఎస్‌ఐ మనోహర్‌ పాల్గొన్నారు. ఇదీ చదవండి: అక్క వివాహేతర సంబంధం చెల్లికి తెలియడంతో..

ఆర్టిఫిషియల్ ఇంటెలిజెన్స్ (ఏఐ) కేవలం ప్రశ్నలకు సమాధానాలు ఇవ్వడానికో లేదా వ్యాసాలు రాయడానికో పరిమితం కాదని, న్యాయ పోరాటాల్లోనూ కీలక పాత్ర పోషించగలదని కొన్ని సంఘటనలు రుజువు చేస్తున్నాయి. సాధారణంగా ట్రాఫిక్ చలానాలు లేదా జరిమానాలు పడితే కోర్టుల చుట్టూ తిరగలేక చాలామంది కామ్‌గా కట్టేస్తుంటారు. కానీ, ఓ మహిళ తనకు పడిన అన్యాయమైన బైక్ చలానాను సవాలు చేయడానికి ‘చాట్‌జీపీటీ’ని తన లీగల్ అడ్వైజర్‌గా ఉపయోగించుకుని విజయం సాధించింది. దాదాపు రూ.50,793 (సమానమైన విదేశీ కరెన్సీ/ జరిమానా) విలువైన కేసులో గెలిచి అందరినీ ఆశ్చర్యపరిచింది.ఘటన నేపథ్యం.. ఏఐ తోడ్పాటుట్రాఫిక్ అధికారులు విధించిన చలానా చట్టబద్ధతపై సందేహం వచ్చిన యునైటెడ్ కింగ్‌డమ్ / బ్రిటన్ (యార్క్‌షైర్ ప్రాంతంలోని యార్క్ సిటీ)లోని మిల్లీ హౌల్టన్ అనే 22 ఏళ్ల బిజినెస్ మేనేజ్‌మెంట్ విద్యార్థిని లాయరును సంప్రదించకుండా చాట్‌జీపీటీని ఆశ్రయించింది. స్థానిక మోటారు వాహనాల చట్టాలు, ట్రాఫిక్ నిబంధనలు, గతంలో కోర్టులు ఇచ్చిన తీర్పులను విశ్లేషించాల్సిందిగా చాట్‌జీపీటీని కోరింది. ఏఐ సాంకేతికత అధికారుల చర్యలోని లోపాలను, చట్టపరమైన మినహాయింపులను కచ్చితంగా గుర్తించి, కోర్టులో సమర్పించాల్సిన బలమైన వాదనలను సిద్ధం చేసి ఇచ్చింది.న్యాయస్థానంలో విజయంచాట్‌జీపీటీ అందించిన డ్రాఫ్టింగ్, సెక్షన్ల ఆధారంగా సదరు మహిళ కోర్టులో స్వయంగా వాదనలు వినిపించింది. ఏఐ సూచించిన పాయింట్లు చట్టబద్ధంగా సరిగ్గా ఉండటంతో న్యాయస్థానం ఆమెకు అనుకూలంగా తీర్పునిచ్చింది. దీని ద్వారా ఆమె రూ.50,793(సుమారు రూ.463 యూరోలు)కు పైగా జరిమానా భారం నుంచి ఉపశమనం పొందింది.ఈ సంఘటన న్యాయ సేవల రంగంలో డిజిటల్ విప్లవానికి సంకేతం. ఖరీదైన లాయర్ల ఫీజులు భరించలేని సామాన్యులకు ఏఐ టూల్స్ చట్టపరమైన సహాయకారిగా మారుతున్నాయి. అయితే, ఏఐ ఇచ్చే సమాచారాన్ని సరైన రీతిలో ధ్రువీకరించుకోవాల్సిన అవసరం ఉందని మాత్రం గమనించాలి. సాంకేతికతను బాధ్యతాయుతంగా ఉపయోగిస్తే సాధారణ పౌరులు కూడా తమ హక్కులను కాపాడుకోవచ్చని ఈ ఘటన నిరూపించింది.ఇదీ చదవండి: వెళ్లిపోయాడనుకునేలోపే మళ్లీ ఐదేళ్ల పదవి!

బిగ్‌బాస్ తెలుగు సీజన్‌ 10లో మూడో వారం నామినేషన్స్ ప్రక్రియ మరింత రసవత్తరంగా సాగినట్లు తెలుస్తోంది. ఇప్పటికే కంటెస్టెంట్ల మధ్య మాటల యుద్ధాలు, విభేదాలతో హౌస్‌లో వాతావరణం వేడెక్కుతుండగా.. తాజాగా సుధీర్, సృష్టి మధ్య జరిగిన గొడవ హాట్‌టాపిక్‌గా మారినట్లు తాజాగా విడుదలైన ప్రోమో చూస్తే అర్థమవుతోంది. ఈ వ్యవహారం నామినేషన్స్‌లో మరింత ముదిరినట్లు కనిపిస్తోంది. ఆసక్తికరమైన పరిణామాలుహౌస్‌లో త్రిగుణ్ చుట్టూ కూడా ఆసక్తికరమైన పరిణామాలు చోటుచేసుకుంటున్నాయి. ఈ క్రమంలో సుధీర్.. సృష్టితో లవ్ ట్రాక్‌ నడిపించే విషయంలో త్రిగుణ్ వద్ద సలహాలు తీసుకున్నట్లు తెలుస్తోంది. అయితే మొదటి నుంచీ సృష్టి మాత్రం సుధీర్‌కు కాస్త దూరంగానే ఉంటూ వస్తోంది. దీంతో వీరిద్దరి మధ్య కెమిస్ట్రీ కంటే గొడవలే ఎక్కువగా కనిపిస్తున్నాయి. ఇక మూడో వారం నామినేషన్స్‌లో సుధీర్ వ్యవహరించిన తీరుపై సృష్టి తీవ్రంగా స్పందించినట్లు తెలుస్తోంది. సుధీర్ పదేపదే మాట్లాడటంతో సహనం కోల్పోయిన ఆమె.. గట్టిగానే వార్నింగ్ ఇచ్చింది. ‘గుద్దితే పళ్లు రాలుతాయ్’ అంటూ ఫైర్ అయింది. అంతేకాకుండా ‘నోరు మూసుకో’ అంటూ సుధీర్‌పై ఆగ్రహం వ్యక్తం చేసింది.సృష్టి పెద్దగా కనిపించలేదనికాగా రెండో వారంలో సృష్టి పెద్దగా కనిపించలేదని నాగార్జున కూడా వ్యాఖ్యానించారు. దీంతో ఈ వారం మాత్రం నామినేషన్స్‌లో ఆమె గట్టిగానే స్పందించినట్లు కనిపిస్తోంది. తనపై వచ్చిన మాటలకు, సుధీర్ వ్యవహారశైలికి సృష్టి ఘాటుగా కౌంటర్ ఇచ్చింది. అయితే గొడవ మరింత ముదరడంతో సృష్టి భావోద్వేగానికి గురైనట్లు కనిపించింది. వెక్కి వెక్కి ఏడ్చినట్లు కనిపించడంతో హౌస్‌లో పరిస్థితి ఒక్కసారిగా సీరియస్‌గా మారింది. ఇప్పుడు సుధీర్–సృష్టి మధ్య జరిగిన ఈ నామినేషన్ గొడవ ఇప్పుడు బిగ్‌బాస్ ప్రేక్షకుల్లో ఆసక్తిని పెంచుతోంది. అసలు వీరిద్దరి మధ్య గొడవకు కారణమేంటి? సుధీర్ ఎందుకు పదేపదే సృష్టిని టార్గెట్ చేశాడు? సృష్టి అంతలా ఎందుకు ఫైర్ అయింది? అనేది పూర్తి ఎపిసోడ్‌లో చూడాల్సిందే. ఇదీ చదవండి: కదిలిస్తే.. కన్నీరే.. ఇదే కయాదు జర్నీ

విద్యార్థి మృతి ఘటనపై ఐఐటీ బాంబే యూటర్న్‌ తీసుకుంది. తొలుత ఈ ఘటనకు సంబంధించిన పరిణామాలపై పలు వివరాలు వెల్లడించిన యాజమాన్యం.. ఇప్పుడు ఆ స్టేట్‌మెంట్‌పై క్షమాపణలు కోరింది. దర్యాప్తు పూర్తికాకముందే నిర్ధారణ కాని విషయాలను తమ ప్రకటనలో పేర్కొనడం తమ తప్పిదమే అని ఒప్పుకుంది. ఘటనకు సంబంధించిన వాస్తవాలు అధికారుల దర్యాప్తులో తేలాల్సి ఉన్నందున.. అప్పటివరకు ఏ విషయం అనేది నిర్ధారణకు రావడం సరికాదని వ్యాఖ్యానించింది.ఐఐటీ బాంబేలో బీటెక్‌ రెండో సంవత్సరం చదువుతున్న 20 ఏళ్ల సహిల్‌ వాకోడే సెప్టెంబర్‌ 18న పరీక్ష రాసిన కొద్దిసేపటికే హాస్టల్‌ గదిలో మృతిచెందాడు. పరీక్ష సమయంలో మొబైల్‌ ఫోన్‌(చాట్‌జీపీటీ) వినియోగించాడన్న ఆరోపణలు రావడం, ఆ తర్వాత అధ్యాపకులు అతడితో మాట్లాడటం వంటి పరిణామాలను ఐఐటీ బాంబే తన తొలి ప్రకటనలో వెల్లడించింది. అయితే ఆ ఘటనలకు, సహిల్‌ మృతికి మధ్య సంబంధం ఏమిటన్నది ఇంకా నిర్ధారణ కాలేదు. ప్రస్తుతం పోలీసులు ఈ వ్యవహారంపై దర్యాప్తు కొనసాగిస్తున్నారు. ఈ నేపథ్యంలోనే ఇంతకు ముందు ఇచ్చిన ప్రకటనను వెనక్కి తీసుకుంటూ ఐఐటీ బాంబే క్షమాపణలు చెప్పడం ప్రాధాన్యం సంతరించుకుంది.ఎవరీ సహిల్‌ వాకోడే?మహారాష్ట్రలోని యవత్మాల్‌కు చెందిన సహిల్‌ వాకోడే ఐఐటీ బాంబేలో ఎనర్జీ సైన్స్‌ అండ్‌ ఇంజినీరింగ్‌ విభాగంలో రెండో సంవత్సరం బీటెక్‌ చదువుతున్నాడు. చదువులోనూ మంచి ప్రతిభ కనబరిచేవాడని కుటుంబ సభ్యులు తెలిపారు. తొలి ఏడాదిలో అతడికి 8.5 సీజీపీఏ వచ్చింది. బ్యాడ్మింటన్‌, స్కేటింగ్‌లోనూ చురుకుగా పాల్గొనేవాడు. ఇంజినీరింగ్‌ పూర్తయ్యాక సివిల్‌ సర్వీసెస్‌కు సిద్ధం కావాలని భావించేవాడని అతడి తల్లి తెలిపారు.పరీక్షలో అసలేం జరిగింది?తోటి విద్యార్థులు చెబుతున్న వివరాల ప్రకారం.. సెప్టెంబర్‌ 18న సహిల్‌కు రెండు పరీక్షలు ఉన్నాయి. రెండో పరీక్ష సందర్భంగా అతడి వద్ద మొబైల్‌ ఫోన్‌ ఉన్నట్లు గుర్తించినట్లు ఐఐటీ బాంబే తెలిపింది. పరీక్ష ప్రశ్నపత్రాన్ని మొబైల్‌ ద్వారా ChatGPTలో అప్‌లోడ్‌ చేసి సమాధానాలు పొందేందుకు ప్రయత్నించాడని సంస్థ తన తొలి ప్రకటనలో పేర్కొంది. పరీక్ష పర్యవేక్షకుడిగా ఉన్న ప్రొఫెసర్‌ సూర్యనారాయణ దుల్లా అతడిని బయటకు తీసుకెళ్లి మాట్లాడినట్లు కుటుంబం, విద్యార్థుల వర్గాలు తెలిపాయి.అయితే ఐఐటీ బాంబే ప్రకారం సహిల్‌పై ఎలాంటి అధికారిక క్రమశిక్షణ చర్యలు ప్రారంభించలేదు. అధ్యాపకులు, విభాగాధిపతి అతడితో మాట్లాడి కౌన్సెలింగ్‌ ఇచ్చారని.. ఈ ఘటన అతడి విద్యా భవిష్యత్తుపై ప్రభావం చూపదని హామీ ఇచ్చారని సంస్థ తెలిపింది. ఆ తర్వాత సహిల్‌ హాస్టల్‌ గదికి వెళ్లాడు. సాయంత్రం అతడు మృతిచెందినట్లు గుర్తించారు.కుటుంబం సంచలన ఆరోపణలుఅయితే సహిల్‌ తల్లిదండ్రులు మాత్రం వేరే ఆరోపణలు చేశారు. క్యాంపస్‌లో కుల వివక్షకు గురయ్యాడని, కొంతకాలంగా ప్రొఫెసర్‌ సూర్యనారాయణ దుల్లా తనను కులపరంగా వేధిస్తున్నారని సహిల్‌ తమకు చెప్పేవాడని తండ్రి పోలీసులకు ఇచ్చిన ఫిర్యాదులో పేర్కొన్నారు. పరీక్ష ఘటనకు ముందు కూడా ఇలాంటి సమస్యలు ఉన్నాయని కుటుంబం ఆరోపించింది. ఈ ఆరోపణలను ఐఐటీ బాంబే యాజమాన్యం ఖండించింది. సహిల్‌గానీ, అతడి కుటుంబం తమ SC/ST సెల్‌కు ఇలాంటి ఫిర్యాదు చేయలేదని తెలిపింది.FIR.. క్రైమ్‌ బ్రాంచ్‌కు కేసుసహిల్‌ తండ్రి ఫిర్యాదు ఆధారంగా ముంబై పోలీసులు ప్రొఫెసర్‌ దుల్లాతో పాటు మరికొందరిపై ఆత్మహత్యకు ప్రేరేపించిన ఆరోపణల కింద కేసు నమోదు చేశారు. ఎస్సీ, ఎస్టీ (Prevention of Atrocities) చట్టం కింద కూడా సెక్షన్లు చేర్చారు. అనంతరం ఈ కేసును ముంబై క్రైమ్‌ బ్రాంచ్‌కు అప్పగించారు. సహిల్‌ తల్లిదండ్రులు మృతదేహాన్ని స్వీకరించేందుకు నిరాకరించింది. నిందితులపై చర్యలు తీసుకోవాలని డిమాండ్‌ చేయడంతో పోలీసులు దర్యాప్తును క్రైమ్‌ బ్రాంచ్‌కు అప్పగించేందుకు అంగీకరించారు.క్యాంపస్‌లో మూడు రోజుల ఆందోళనఘటనపై ఐఐటీ బాంబే విద్యార్థులు భారీగా ఆందోళనకు దిగారు. స్వతంత్ర దర్యాప్తు కోరుతూ.. ప్రొఫెసర్‌ దుల్లాపై చర్యలు, విద్యార్థుల మానసిక ఆరోగ్య సేవలను బలోపేతం చేయడం, అధ్యాపకుల ప్రవర్తనపై మార్గదర్శకాలు వంటి పలు డిమాండ్లు చేశారు. మూడు రోజుల ఆందోళన తర్వాత విద్యార్థులు ఉంచిన 18 డిమాండ్లపై యాజమాన్యం అంగీకారం తెలిపినట్లు తాజా నివేదికలు వెల్లడించాయి.ఎవరీ ప్రొఫెసర్‌ దూల్లా?ఐఐటీ బాంబే ఎనర్జీ సైన్స్‌ అండ్‌ ఇంజినీరింగ్‌ విభాగానికి చెందిన ప్రొఫెసర్‌ సూర్యనారాయణ దూల్లా పవర్‌ సిస్టమ్స్‌, స్మార్ట్‌ గ్రిడ్స్‌, మైక్రోగ్రిడ్స్‌పై పరిశోధనలు చేస్తున్నారు. నాగార్జున యూనివర్సిటీలో బీటెక్‌, ఐఐటీ బాంబేలో ఎంటెక్‌, ఐఐటీ ఢిల్లీలో పీహెచ్‌డీ చేశారు. ఐఐటీ బాంబేలో ప్రొఫెసర్‌గా పనిచేయడంతోపాటు హాస్టల్‌ వార్డెన్‌, డీన్‌ ఆఫ్‌ స్టూడెంట్‌ అఫైర్స్‌గా కూడా బాధ్యతలు నిర్వర్తించారు. సహిల్‌ పరీక్ష రాసిన సమయంలో దూల్లా ఇన్విజిలేటర్‌గా ఉన్నారు. ప్రస్తుతం సహిల్‌ కుటుంబం చేసిన ఆరోపణలతో ఆయన పేరు కేసులో నమోదైంది. ఈ వ్యవహారంపై దర్యాప్తు కొనసాగుతోంది. డైరెక్టర్‌ రాజీనామాకు సిద్ధమా?ప్రతిష్టాత్మక వర్సిటీలో జరిగిన పరిణామాల మధ్య డైరెక్టర్‌(ఐఐటీ బాంబే) ప్రొఫెసర్‌ శిరీష్‌ కేదారే రాజీనామా చేయడానికి సిద్ధమని వెల్లడించినట్లు పలు కథనాలు వెలువడ్డాయి. విద్యార్థులతో జరిగిన సుదీర్ఘ సమావేశంలో వారి డిమాండ్లపై చర్చించి పలు అంశాలకు(18!) అంగీకారం తెలిపినట్లు సమాచారం. అయితే అధ్యాపకుల వర్గం మాత్రం ప్రొఫెసర్‌ దుల్లాకు మద్దతుగా నిలిచినట్లు సమాచారం. ఆయన పరీక్షా పర్యవేక్షకుడిగా తన బాధ్యతలను నిబంధనల ప్రకారమే నిర్వర్తించారని పేర్కొంది.తాజాగా ఐఐటీ బాంబే యూటర్న్‌ఈ మొత్తం వ్యవహారంలో తాజాగా మరో కీలక పరిణామం చోటుచేసుకుంది. విద్యార్థి మృతికి ముందు జరిగిన పరిణామాలపై తాము విడుదల చేసిన తొలి ప్రకటనలో వివరాలను పేర్కొనడం సరికాదని ఐఐటీ బాంబే తాజాగా క్షమాపణలు చెప్పింది. ఘటనకు దారితీసిన పరిస్థితులు ఇంకా సంబంధిత అధికారుల దర్యాప్తులోనే ఉన్నాయని.. అవి అధికారికంగా నిర్ధారణ కాకముందే వాటిని వివరించడం లేదా ఒక నిర్దిష్టంగా వర్ణించడం తగదని స్పష్టం చేసింది. దీంతో దర్యాప్తుపై ఉత్కంఠ నెలకొంది.ఇదీ చదవండి: ఐఐటీ ఘటన: ఆ కీలక డిమాండ్లు ఏంటంటే..

ఏషియన్ గేమ్స్‌-2026 మెన్స్‌ క్రికెట్ పోటీల ఆరంభానికి ముందు పాకిస్తాన్‌కు భారీ షాక్ తగిలింది. ఆ జట్టు స్టార్ ఫాస్ట్ బౌలర్ సల్మాన్ మీర్జా గాయం కారణంగా ఈ టోర్నమెంట్‌కు దూరమయ్యాడు. 32 ఏళ్ల సల్మాన్ ప్రస్తుతం చేతి వేలి గాయంతో బాధపడుతున్నాడు.అతడు కోలుకోవడానికి మూడు నుంచి నాలుగు వారాల సమయం పట్టనున్నట్లు తెలుస్తోంది. ఈ క్రమంలోనే ఆసియా గేమ్స్ స్క్వాడ్ నుంచి పాకిస్తాన్ క్రికెట్ బోర్డు తప్పించింది. అతడి స్దానాన్ని పేసర్ మహ్మద్ వసీం జూనియర్‌తో పీసీబీ భర్తీ చేసింది. సల్మాన్ మీర్జా ఏషియన్ గేమ్స్‌కు దూరం కావడంతో పాక్‌కు గట్టి ఎదురు దెబ్బే అనే చెప్పాలి. అతడు గత కొంత కాలంగా పాక్ టీ20 జట్టులో కీలక సభ్యునిగా కొనసాగుతున్నాడు. పవర్‌ప్లేతో పాటు డెత్ ఓవర్లలో పరుగులు కట్టడి చేయడం అతడి స్పెషాలిటి. ఇప్పటివరకు పాక్ తరపున 17 టీ20లు ఆడిన సల్మాన్‌.. 6.43 ఎకానమీ రేటుతో 23 వికెట్లు పడగొట్టాడు. ఓవరాల్‌గా మీర్జా 49 T20 మ్యాచ్‌లలో 68 వికెట్లు తీశాడు. ఇక అతడి స్ధానంలో జట్టులోకి వచ్చిన వసీం కూడా టీ20ల్లో ఫర్వాలేదనిపించాడు. పాక్ తరపున 34 టీ20లు ఆడి 42 వికెట్లు పడగొట్టాడు. అయితే లోయార్డర్‌లో బ్యాటింగ్‌కు వచ్చి మెరుపులు మెరిపించే సత్తా అతడికి ఉంది. ఈ ఏషియన్ గేమ్స్‌లో పాక్ జట్టు నేరుగా క్వార్టర్ ఫైనల్స్‌కు అర్హత సాధించింది.పాక్ జ‌ట్టుసాహిబ్జాదా ఫర్హాన్ (కెప్టెన్‌), అబ్దుల్ సమద్ (వైస్ కెప్టెన్‌), అబ్రార్ అహ్మద్, అహ్మద్ డానియాల్, అకిఫ్ జావేద్, అలీ రజా, అరాఫత్ మిన్హాస్, హైదర్ అలీ, హసన్ నవాజ్, మాజ్ సదాకత్, వసీం జూనియర్, సాద్ మసూద్, సైమ్ అయూబ్, సుఫ్యాన్ మొకిమ్, ఉస్మాన్ ఖాన్

టీమిండియా స్టార్‌ పేసర్‌ మహ్మద్‌ షమీ రాజకీయాల్లోకి అడుగుపెట్టనున్నాడనే సంకేతం అందుతోంది. షమీ తాజాగా రాష్ట్రీయ లోక్‌దళ్‌ (RLD) అధినేత జయంత్‌ చౌధరితో భేటీ కావడం ఉత్తరప్రదేశ్‌ రాజకీయాల్లో చర్చనీయాంశమైంది. షమీ రాబోయే యూపీ అసెంబ్లీ ఎన్నికల్లో పోటీ చేయనున్నాడనే ప్రచారం జరుగుతోంది.షమీ ఆదివారం ఢిల్లీలో జయంత్‌ చౌధరిని కలిశాడు. ఈ భేటీకి సంబంధించిన ఫొటోను జయంత్‌ చౌధరి సోషల్‌ మీడియాలో పంచుకోవడంతో రాజకీయ చర్చలు ఊపందుకున్నాయి. 2027 ఉత్తరప్రదేశ్‌ అసెంబ్లీ ఎన్నికలకు సన్నాహాలు మొదలైన నేపథ్యంలో ఈ భేటీ ప్రాధాన్యం సంతరించుకుంది.షమీ అమ్రోహా జిల్లాకు చెందినవాడు కావడంతో.. అమ్రోహా అసెంబ్లీ స్థానం నుంచి రాజకీయ అరంగేట్రం చేయవచ్చన్న ఊహాగానాలు తెరపైకి వచ్చాయి. ఈ అంశంపై RLD నుంచి కానీ, షమీ నుంచి కానీ ఎలాంటి అధికారిక ప్రకటన లేదు.ప్రస్తుతం షమీ టీమిండియాలోకి రీఎంట్రీ కోసం​ ఎదురుచూస్తున్నాడు. ఇటీవల అతడు ఆడిన ప్రతి దేశవాలీ మ్యాచ్‌లోనూ సత్తా చాటి సెలెక్టర్లకు సవాల్‌ విసిరాడు. దీంతో షమీని భారత టెస్ట్‌ జట్టులోకి తీసుకోవచ్చనే అంచనాలు ఉన్నాయి. త్వరలో జరుగబోయే న్యూజిలాండ్‌ పర్యటన కోసం భారత సెలెక్టర్లు షమీ పేరును పరిశీలించవచ్చని తెలుస్తోంది. ఇదీ చదవండి: Asian Games 2026: షూటింగ్‌లో డబుల్‌ ధమాకా.. మొత్తం 6 పతకాలు

మానకొండూర్‌(శంకరపట్నం): కరీంనగర్‌ జిల్లా శంకరపట్నం మండలం తాడికల్‌ గ్రామ సర్పంచ్‌ దుర్గపు సుజాత (45) ఆదివారం అనారోగ్యంతో మృతిచెందారు. ఇటీవల ఎన్నికల్లో అత్యధిక మెజార్టీతో గెలుపొందిన సుజాత కొంతకాలంగా అనారోగ్యంతో ఆసుపత్రిలో చికిత్స పొందుతున్నారు. పరిస్థితి విషమించి ఆదివారం మృతిచెందారు. సర్పంచ్‌ మృతితో గ్రామంలో విషాదఛాయలు నెలకొన్నాయి. ఎమ్మెల్యే డాక్టర్‌ కవ్వంపల్లి సత్యనారాయణ గ్రామానికి చేరుకుని సుజాత మృతదేహానికి పూలమాల వేసి, పార్టీ జెండా కప్పి నివాళి అర్పించారు. అనంతరం అంతిమయాత్రలో పాడెమోశారు. సర్పంచ్‌ మృతి తీరని లోటని, ఆమె చేసిన సేవలను గుర్తు చేశారు. మంత్రి పొన్నం ప్రభాకర్, టీపీసీసీ సభ్యుడు బత్తిని శ్రీనివాస్‌గౌడ్, కాంగ్రెస్‌ మండల అధ్యక్షుడు బండారి తిరుపతి, సహకార సంఘం చైర్మన్లు బసవయ్య, మహేశ్, సంపత్, మార్కెట్‌ వైస్‌ చైర్మన్‌ నాంపల్లి తిరుపతి, కాంగ్రెస్‌ శ్రేణులు, పలు గ్రామాల సర్పంచ్‌లు, నాయకులు సంతాపం వ్యక్తం చేశారు. మృతురాలికి భర్త తిరుపతి, కొడుకు, కూతురు ఉన్నారు.ఇదీ చదవండి: చెల్లిని కాపాడబోయి అక్క కూడా... కాసిందేవిపేటలో విషాదం!

తమిళ సినీ పరిశ్రమలో విజయ్‌–అజిత్‌ ఫ్యాన్‌ వార్‌కు ప్రత్యేక పరిచయం అక్కర్లేదు. అయితే ఇటీవల లండన్‌లో ఈ ఇద్దరు స్టార్‌ హీరోలు కలిసిన దృశ్యాలు అభిమానుల్లో కొత్త ఉత్సాహం నింపాయి. ఓ కారు రేసు సందర్భంగా విజయ్‌, అజిత్‌ ఆప్యాయంగా పలకరించుకోవడంతో.. ఇక ఫ్యాన్‌ వార్‌కు తెరపడుతుందేమోనని చాలామంది భావించారు. కానీ పట్టుమని పది రోజులు కూడా గడవకముందే మరో ఆసక్తికర పరిణామం తెరపైకి వచ్చింది.అజిత్‌ అభిమానులు ఏకంగా రాజకీయ పార్టీని ప్రారంభించారు. కల్లకురిచ్చి జిల్లా ఉలుందూరుపేట సమీపంలోని ఎలవనాసూర్‌కోటైలో సెప్టెంబర్‌ 20న ‘తమిళగ మక్కల్‌ కళగం’ పేరుతో పార్టీని ప్రకటించి జెండాను ఆవిష్కరించారు. తమిళనాడు వ్యాప్తంగా అజిత్‌ అభిమానులను ఒకే వేదికపైకి తీసుకురావడమే తమ ఉద్దేశమని నిర్వాహకులు తెలిపారు. అంతేకాదు.. పార్టీ రాష్ట్ర ప్రధాన కార్యదర్శి పదవిని ఖాళీగా ఉంచారు. అజిత్‌ రాజకీయాల్లోకి వస్తే ఆ బాధ్యతను ఆయనకే అప్పగించాలన్న ఉద్దేశంతోనే ఈ పదవిని ఖాళీగా ఉంచినట్లు నిర్వాహకులు ప్రకటించారు. ఇతర పదవులకు మాత్రం తమ ప్రతినిధులను నియమించారు. అయితే ఈ పార్టీకి అజిత్‌కు నేరుగా సంబంధం లేదని, ఆయన స్వయంగా పార్టీని ప్రారంభించలేదని నిర్వాహకులే స్పష్టం చేశారు. కానీ, ఆయన కచ్చితంగా రాజకీయాల్లోకి రావాల్సిందేనంటూ ఓ పిలుపు మాత్రం ఇచ్చారు."தமிழக மக்கள் கழகம்" என்ற புதிய அரசியல் கட்சியை துவங்கிய அஜித் ரசிகர்கள்... ”அஜித் சாரும் வரவேண்டும்...” என அழைப்பு விடுத்து ரசிகர்கள் பேட்டி#AjithKumar | #Fans | #Ulundurpet | #TNPolitics | #PuthiyathalaimuraiTV pic.twitter.com/z4gyZCQcVh— PttvOnlinenews (@PttvNewsX) September 20, 2026విజయ్‌ ఫ్యాన్స్‌ ఆట మొదలు..అజిత్‌ అభిమానులు పార్టీ విషయంలో అంత స్పష్టమైన ప్రకటన చేసినా.. విజయ్‌ అభిమానులు ఊరుకోవడం లేదు. ‘పట్టుమని నలుగురు కూడా లేరు కదరా!’ అంటూ ఆటాడుకుంటున్నారు. పైగా కొత్త పార్టీ జెండా కూడా విజయ్‌ నేతృత్వంలోని తమిళగ వెట్రి కళగం(టీవీకే) జెండాను పోలి ఉందంటూ మీమ్స్‌, ట్రోలింగ్‌తో స్పందిస్తున్నారు. ‘టీవీకేను కాపీ చేశారంటూ’ కామెంట్లు పెడుతున్నారు. అయితే ఈ పరిణామం అజిత్‌ అభిమానులకు కోపం తెప్పిస్తోంది.అప్పుడే వచ్చి ఉండేవాడు కదా!తమిళనాట అజిత్‌ పొలిటికల్‌ ఎంట్రీ గురించి డిస్కషన్‌ ఏనాడో క్లోజ్‌ అయ్యింది. సినీ కెరీర్‌లో ఉన్నప్పుడు అజిత్‌ కుమార్‌కు, తమిళనాడు మాజీ సీఎం జయలలితతో వ్యక్తిగతంగా మంచి అనుబంధం ఉండేది. జయలలిత తనను సొంత కొడుకులా అభిమానించేవారని అజిత్‌ గతంలో స్వయంగా చెప్పేవారు. అజిత్‌–షాలిని వివాహానికి జయలలిత హాజరై వారిని ఆశీర్వదించారు. ఆ తర్వాత కూడా అజిత్‌, షాలిని ఆమెను పోయెస్‌ గార్డెన్‌ నివాసానికి వెళ్లి తరచూ కలిసేవారు. ఒకానొకటైంలో అజిత్‌ అభిమానులు ఆయన్ని అమ్మకు వారసుడిగా ప్రచారం చేసుకున్నారు కూడా. అది అన్నాడీఎంకే నుంచి అభ్యంతరాలకు దారి తీసింది.అయితే.. అజిత్‌ మాత్రం రాజకీయాలకు దూరంగానే ఉన్నారు. జయలలిత మరణించిన సమయంలో షూటింగ్‌లో ఉన్న ఆయన.. ఆ తర్వాత కుటుంబంతో కలిసి ఆమె సమాధి వద్ద నివాళులర్పించారు. అజిత్‌కు రాజకీయాలపై ఆసక్తి లేదన్న విషయం అభిమానులకు కూడా తెలుసు. అయినా ఆయన అభిమానులు మాత్రం ప్రత్యేకంగా పార్టీ పెట్టి.. ఆయన కోసం కీలక పదవిని ఖాళీగా ఉంచడం చర్చనీయాంశమైంది.డ్యామేజ్‌ కంట్రోల్‌లో అజిత్‌?!అజిత్‌ ప్రస్తుతం విదేశీ పర్యటనలో ఉన్నారు. తాజా రేసింగ్‌లో ఆయనకు ఐదో స్థానం వచ్చినట్లు తెలుస్తోంది. దీంతో అభిమానుల నిర్వాకం ఆయనకు కాస్త ఆలస్యంగా తెలిసినట్లు తెలుస్తోంది. పైగా విజయ్‌ ఫ్యాన్స్‌ ట్రోలింగ్‌ చేస్తుండడంపైనా ఆయన తన సన్నిహితుల వద్ద అసంతృప్తి వ్యక్తం చేసినట్లు ప్రచారం జరుగుతోంది.అజిత్‌కు సోషల్‌ మీడియా అకౌంట్లు లేవు. ఏది ఉన్నా ఆయన మేనేజర్‌ సురేష్‌ చంద్ర అఫీషియల్‌గా ప్రకటిస్తుంటారు. దీంతో ఇవాళో, రేపో ఆయన నుంచి అధికారిక ప్రకటన వెలువడొచ్చనే ప్రచారం తమిళనాట కొనసాగుతోంది.విజయ్‌ రాజకీయాల్లోకి వచ్చాక..తమిళనాడులో సినీ తారల రాజకీయ ప్రవేశం కొత్త విషయం కాదు. అయితే విజయ్‌ రాజకీయాల్లోకి వచ్చి తమిళగ వెట్రి కళగం ఏర్పాటు చేసి ఏకంగా సీఎం కావడం.. అక్కడి సీని వర్గాల్లో చర్చనీయాంశంగా మారింది. విజయ్‌ను ఫాలో అవుతూ మరికొందరు అదే బాట పట్టడం డీఎంకే-అన్నాడీఎంకేలకు అసహనం తెప్పిస్తోంది. సినిమావాళ్లు తమిళ రాజకీయాలను నాశనం చేస్తున్నారంటూ అభ్యంతరాలు వ్యక్తం చేస్తున్నాయి ఈ రెండు పార్టీలు. ఈ తరుణంలో ఇప్పుడు అజిత్‌ అభిమానుల తాజా నిర్ణయంపై ఆసక్తి మరింత పెరిగింది. పార్టీ ప్రకటనతో ఫ్యాన్‌ వార్‌ మరో లెవల్‌కు వెళ్తుందా? లేక తన అభిమానుల దూకుడుకు అజిత్‌ స్వయంగా బ్రేకులు వేస్తారా? అభిమానుల తీరుపై గతంలోనే తన వైఖరిని స్పష్టం చేసిన అజిత్‌.. ఈసారి ఎలాంటి నిర్ణయం తీసుకుంటారన్నదే ఇప్పుడు అసలు ట్విస్ట్‌!.ఇదీ చదవండి: జెన్‌జీల కోసం ఏం చేయబోతున్నారంటే..

భారత దిగ్గజ క్రికెటర్ వీరేంద్ర సెహ్వాగ్ తనయుడు, భారత అండర్-19 జట్టు ఓపెనర్ ఆర్యవీర్ సెహ్వాగ్ తృటిలో తన తొలి అర్ధ సెంచరీని చేజార్చుకున్నాడు. రాజ్ కోట్ వేదికగా ఆస్ట్రేలియా యువ జట్టుతో జరుగుతున్న రెండో అనధికారిక వన్డేలో ఆర్యవీర్ మెరుపు ఇన్నింగ్స్‌తో అలరించాడు. ఆసీస్‌ బౌలర్లను ఉతికారేసిన ఆర్యవీర్.. 9 ఫోర్లతో విధ్వంసం సృష్టించాడు.ఇన్నింగ్స్ ఆరంభం నుంచే తండ్రిని తలపించేలా ఆకట్టుకునే షాట్లతో చెలరేగిపోయిన జూనియర్ సెహ్వాగ్... మొత్తంగా 48 బంతుల్లో 47 పరుగులు చేశాడు. అయితే హాఫ్ సెంచరీకి కేవలం మూడు పరుగుల దూరంలో ఉండగా అతడు దురదృష్టవశాత్తూ రనౌట్ అయ్యాడు.అంతకుముందు జరిగిన తన అరంగేట్ర మ్యాచ్‌లోనూ ఆర్యవీర్ 28 పరుగులతో పర్వాలేదనిపించాడు. మరోవైపు ఆర్యవీర్ అందించిన శుభారంభంతో భారత యువ జట్టు రెండో వన్డేలో భారీ స్కోరు దిశగా దూసుకెళ్తోంది. 40 ఓవర్లు పూర్తయ్యేసరికి భారత్ 3 వికెట్ల నష్టానికి 235 పరుగులు చేసింది.UPDATE: యశ్‌ సెంచరీ.. భారత్‌ భారీ స్కోరుతుది జ‌ట్లుఆస్ట్రేలియా అండ‌ర్‌-19: నీల్ పటేల్, హేడెన్ బార్బులోవిక్(వికెట్ కీప‌ర్‌), జెడ్ హోలిక్, జాక్ క్జోస్నెక్(కెప్టెన్‌), బ్లేక్ కాటిల్, మాథ్యూ లాఫ్, కానర్ గ్రెగొరీ, జాకబ్ పీట్జ్, పాట్రిక్ సుల్లివన్, థామస్ వాసియో, థియో ట్సింగోస్భార‌త్‌: లక్ష్య రాజేష్ రాయచందానీ(కెప్టెన్‌), ఆర్యవీర్ సెహ్వాగ్, కుషాగ్ర ఓజా, యశ్బర్ధన్ చౌహాన్, అన్వయ్ ద్రవిడ్(వికెట్ కీప‌ర్‌), వీకే వినీత్, యశ్వీర్ గౌడ్, మనల్ చౌహాన్, చిగురుపాటి వెంకట, కావ్య పటేల్, మోహిత్ ఉల్వాచదవండి: IND vs AUS: తొలి ‘వన్డే’లో ఆసీస్‌ను చిత్తు చేసిన భారత్‌

ముంబై: ‘బిగ్‌బాస్ 20’లో కంటెస్టెంట్ యుంగ్ డీఎస్‌ఏ.. దిగ్గజ బాక్సర్ మేరీ కోమ్‌పై తనకున్న గౌరవాన్ని మరోసారి తెలియజేశారు. తమ మధ్య ఎలాంటి పరిస్థితులు ఎదురైనా ఆమె విషయంలో తాను ఎప్పుడూ ఒక హద్దును పాటిస్తానని అన్నారు. మేరీ కోమ్‌తో తన అనుబంధం గురించి యుంగ్ మాట్లాడుతూ.. ఆమెపై తనకున్న గౌరవం ఇప్పటిది కాదని చెప్పాడు. స్కూల్‌లో చదువుకునే రోజుల్లోనే ఆమె విజయాల గురించి పాఠ్యాంశాల్లో చదివామని, ఆమె ప్రయాణం గురించి ఉపాధ్యాయులు చెప్పేవారని గుర్తుచేసుకున్నాడు.మేరీ కోమ్ తన దృష్టిలో పట్టుదల, క్రమశిక్షణ, విజయానికి ప్రతీక అని యుంగ్ చెప్పాడు. అంతర్జాతీయ స్థాయిలో భారత్‌కు ప్రాతినిధ్యం వహించి, ఎన్నో పతకాలు సాధించిన ఆమె ప్రయాణం తనపై ప్రభావం చూపిందని పేర్కొన్నాడు. మేరీ కోమ్‌పై తనకున్న అభిమానాన్ని వివరిస్తూ, గతంలో తాను సరదాగా చెప్పిన మాటలను కూడా యుంగ్ గుర్తుచేసుకున్నాడు. ‘నా తల్లి మేరీ కోమ్ అయి ఉంటే.. నేను ర్యాప్ చేయడం కోసం ప్రయత్నించేవాడినని అనుకోవడం లేదు. ఇంట్లోనే ఉండి చదువుకునేవాడిని’ అని అప్పట్లో చెప్పినట్లు తెలిపాడు.తమ మధ్య ఎలాంటి పరిస్థితులు ఎదురైనా మేరీ కోమ్‌ను తాను ఎప్పటికీ అగౌరవపరచబోనని యుంగ్ స్పష్టం చేశాడు. ఆమెతో వ్యవహరించేటప్పుడు ఒక నిర్దిష్ట హద్దును పాటిస్తానని చెప్పాడు. ఆమె జీవిత ప్రయాణం తన దృష్టిలో ప్రత్యేకమైన గౌరవాన్ని కలిగిస్తుందని పేర్కొన్నాడు. ఇదిలా ఉండగా.. గేమ్‌లో మహీ విజయ్ నుంచి తగిన మద్దతు లభించలేదని యుంగ్ ఇటీవల బాధపడ్డాడు. ఆమెను తాను తల్లిలా భావించానని, ఆమె ప్రవర్తన తనను తీవ్రంగా బాధించిందని చెబుతూ భావోద్వేగానికి గురయ్యాడు.ఇదీ చదవండి: ఐఐటీ బాంబేలో ఆందోళనలు.. విద్యార్థుల డిమండ్‌లివే..

మార్కెట్‌ ఒడిదుడుకుల ప్రభావాన్ని తగ్గించుకుంటూ వివిధ ఆస్తుల్లో పెట్టుబడులు పెట్టాలనుకునే వారికి ‘కోటక్‌ మల్టీ అసెట్‌ అలొకేషన్‌’ ఫండ్‌ ఒక ప్రత్యామ్నాయంగా నిలుస్తోంది. కేవలం ఈక్విటీలకే పరిమితం కాకుండా, ఒకే పథకం ద్వారా ఈక్విటీ, డెట్, కమోడిటీస్‌ (బంగారం, వెండి) వంటి విభిన్న ఆస్తుల్లో పెట్టుబడులు చేసేలా ఈ ఫండ్‌ను రూపొందించారు. వివిధ అసెట్‌ క్లాస్‌లు భిన్నమైన మార్కెట్‌ పరిస్థితుల్లో భిన్నంగా స్పందించడం వల్ల పోర్ట్‌ఫోలియోలో వైవిధ్యం ఏర్పడుతుంది.కోటక్‌ ఫండ్‌ కూడా ఈక్విటీ, డెట్, మనీ మార్కెట్‌ సాధనాలతో పాటు కమోడిటీ ఈటీఎఫ్‌లు, కమోడిటీ డెరివేటివ్స్‌లో పెట్టుబడులు చేస్తుంది. కావున ఒకే పథకం ద్వారా వివిధ ఆస్తుల్లో పెట్టుబడులు పెట్టాలనుకునే ఇన్వెస్టర్లకు ఇది పరిశీలించదగిన ఎంపిక. సిప్‌ ద్వారా క్రమంగా పెట్టుబడి చేసే అవకాశం ఉండటం మరో సౌలభ్యం. అయితే పెట్టుబడి నిర్ణయం తీసుకునే ముందు ఫండ్‌ రిస్క్, ఆస్తుల కేటాయింపు, గత పనితీరు వంటి అంశాలను పరిశీలించడం అవసరం.‘మూడు ఆస్తులపై పెట్టుబడి’ వ్యూహం కోటక్‌ మల్టీ అసెట్‌ అలొకేషన్‌ ఫండ్‌ పెట్టుబడి వ్యూహంలో ఈక్విటీ, డెట్, కమోడిటీస్‌కు సమాన ప్రాధాన్యం ఉంది. షేర్లతో పాటు డెట్, మనీ మార్కెట్‌ సాధనాలు, కమోడిటీ ఈటీఎఫ్‌లు, ఎక్స్ఛేంజ్‌ ట్రేడెడ్‌ కమోడిటీ డెరివేటివ్స్‌లో పెట్టుబడి చేసేలా ఈ పథకాన్ని రూపొందించారు. ఆగస్టు 31, 2026 నాటికి ఈ ఫండ్‌ పోర్ట్‌ఫోలియోలో 37.13% లార్జ్‌క్యాప్, 16.07% మిడ్‌క్యాప్, 16.51% స్మాల్‌క్యాప్‌ షేర్లు ఉండగా.. మరో 30.29% డెట్‌ అండ్‌ మనీ మార్కెట్‌ సాధనాల్లో ఇన్వెస్ట్‌ చేశారు. ఇక కమోడిటీస్‌ విభాగంలో బంగారం, వెండి వంటి విలువైన లోహాలకు చోటు కల్పించారు. ఈ విధంగా భిన్నమైన అసెట్‌ క్లాసెస్‌లలో నిధులను విభజించడం ద్వారా ఒకే మార్కెట్‌పై పూర్తిగా ఆధారపడటాన్ని తగ్గించే ప్రయత్నం కనిపిస్తుంది. అయితే, మల్టీ అసెట్‌ విధానం మార్కెట్‌ ఒడుదుడుకుల నుంచి కొంత రక్షణ కల్పించినప్పటికీ, నష్టాల నుంచి పూర్తిస్థాయిలో హామీ ఇస్తుందని భావించలేము.ఈక్విటీకి సింహభాగం ఈ ఫండ్‌ పోర్ట్‌ఫోలియోలో ఈక్విటీ రంగానికి అత్యంత ప్రాధాన్యం ఉంది. ఆగస్టు 31, 2026 నాటికి ఈక్విటీ, ఈక్విటీ ఆధారిత సాధనాల్లో ఏకంగా 70.05% మేర నిధులను పెట్టుబడి పెట్టారు. బ్యాంకింగ్, ఫైనాన్షియల్‌ సర్వీసెస్, ఆటోమొబైల్స్, పవర్, ఎఫ్‌ఎంసీజీ, టెలికాం వంటి అగ్రగామి రంగాల్లో ఈ పెట్టుబడులు విస్తరించి ఉన్నాయి. రంగాలవారీగా పరిశీలిస్తే.. బ్యాంకింగ్‌ రంగం 11.33% వాటాతో అగ్రస్థానంలో ఉండగా, ఫైనాన్స్‌ 5.98%, ఆటోమొబైల్స్‌ 5.02%, పవర్‌ 4.92% చొప్పున నిధులను కేటాయించారు. ప్రధాన హోల్డింగ్స్‌లో స్టేట్‌ బ్యాంక్‌ ఆఫ్‌ ఇండియా, మారుతీ సుజుకీ, ఎటర్నల్, ఎన్‌టీపీసీ, ఐటీసీ ఉన్నాయి.వివిధ రంగాలు, కంపెనీలకు పెట్టుబడులను విస్తరించడం ద్వారా ఈక్విటీ భాగాన్ని నిర్మించారు. తద్వారా కేవలం లార్జ్‌క్యాప్‌ కంపెనీలకే పరిమితం కాకుండా, వృద్ధి అవకాశాలు ఎక్కువగా ఉండే మధ్య, చిన్న స్థాయి సంస్థలకూ పోర్ట్‌ఫోలియోలో సముచిత స్థానం కల్పించారు. మిగిలిన నిధులను డెట్, మనీ మార్కెట్, బంగారం, వెండి వంటి ప్రత్యామ్నాయ సాధనాల్లో ఉంచడం ద్వారా ఈక్విటీ మార్కెట్‌ ఒడిదుడుకుల నుంచి పోర్ట్‌ఫోలియోకు రక్షణ కల్పిస్తూ చక్కటి సమతుల్యతను పాటించారు. మొత్తం ఫండ్‌ ఆస్తుల పరిమాణం ఆగస్టు చివరికి రూ.15,282 కోట్లుగా ఉంది.బంగారం, వెండితో పోర్ట్‌ఫోలియో వైవిధ్యం ఈ ఫండ్‌ వ్యూహంలో బంగారం, వెండి వంటి విలువైన లోహాలకు సముచిత స్థానం కల్పించారు. సాధారణంగా ఈక్విటీ మార్కెట్ల కదలికలకు భిన్నంగా స్పందించే కమోడిటీ సాధనాలను పోర్ట్‌ఫోలియోలో చేర్చడం ద్వారా పెట్టుబడుల రిస్క్‌ను మరింత విస్తరించారు. బంగారం, వెండి ధరల కదలికలు అంతర్జాతీయ మార్కెట్లు, డాలర్‌ మారకపు విలువ, వడ్డీ రేట్లు, సరఫరా–డిమాండ్‌ వంటి అంశాలపై ఆధారపడి ఉంటాయి. అందువల్ల ఈ సాధనాలకు ఈక్విటీలతో పోలిస్తే భిన్నమైన ‘రిటర్న్‌ ప్రోఫైల్‌’ ఉండే అవకాశం ఉంది.కోటక్‌ మల్టీ అసెట్‌ అలొకేషన్‌ ఫండ్‌ కేవలం భౌతిక రూపంలో కాకుండా, కమోడిటీ ఈటీఎఫ్‌లతో పాటు ఎక్సే్చంజ్‌ ట్రేడెడ్‌ కమోడిటీ డెరివేటివ్స్‌లోనూ పెట్టుబడులు పెట్టే వెసులుబాటు కలిగి ఉంది. ఆగస్టు 31 నాటికి పోర్ట్‌ఫోలియోలో కేవలం ‘కమోడిటీ ఫ్యూచర్స్‌’ వాటానే 3.61 శాతంగా ఉంది. మొత్తంగా చూస్తే, విలువైన లోహాలకు కేటాయింపు చేయడం ఈ ఫండ్‌ మల్టీ అసెట్‌ పెట్టుబడి విధానంలో మరో కీలకమైన బలంగా కనిపిస్తుంది.రాబడుల్లో బెంచ్‌మార్క్‌పై ఆధిక్యం కోటక్‌ మల్టీ అసెట్‌ అలొకేషన్‌ ఫండ్‌ ఆగస్టు 31, 2026 నాటికి ఏడాది కాల వ్యవధిలో 16.02% రాబడిని నమోదు చేసింది. ఇదే సమయంలో దీని బెంచ్‌మార్క్‌ రాబడి 8.05% వద్ద మాత్రమే ఉంది. ఇక పథకం ప్రారంభం నుంచి చూస్తే.. ఫండ్‌ సీఏజీఆర్‌ రాబడి 16.90% కాగా, బెంచ్‌మార్క్‌ రాబడి 13.51%గా నమోదైంది. అయితే, గత ఆరు నెలల కాలంలో ఈ ఫండ్‌ 2.55% రాబడిని ఇవ్వగా.. బెంచ్‌మార్క్‌ 3.15% రాబడితో దీనికంటే కొంత ముందుంది. దీన్నిబట్టి స్వల్పకాలిక పనితీరులో కొన్ని హెచ్చుతగ్గులు సహజమే అయినప్పటికీ, ఏడాది, ప్రారంభం నుంచి చూస్తే మాత్రం ఈ ఫండ్‌ బెంచ్‌మార్క్‌ను మించి మెరుగైన రాబడులను అందించినట్లు స్పష్టమవుతోంది.ఎవరికి అనుకూలం..? ఈ ఫండ్‌ ద్వారా ఈక్విటీతో పాటు డెట్, బంగారం, వెండి వంటి మల్లీ అసెట్‌లో ఒకే పథకం ద్వారా పెట్టుబడి పెట్టాలనుకునే ఇన్వెస్టర్లకు ఇది చక్కటి ఎంపిక కావచ్చు. ముఖ్యంగా కనీసం అయిదేళ్లు లేదా అంతకంటే ఎక్కువ కాలం పాటు పెట్టుబడిని కొనసాగించగల శక్తి ఉన్నవారికి, వివిధ అసెట్‌ క్లాసెస్‌లో రిస్క్‌ను విస్తరించుకోవాలనుకునే వారికి ఈ ఫండ్‌ పరిశీలించదగినది. అయితే, ఈ ఫండ్‌లో ఈక్విటీ వాటా గణనీయంగా (సుమారు 70%) ఉండటంతో మార్కెట్‌ హెచ్చుతగ్గుల ప్రభావం పూర్తిగా తొలగిపోదని గమనించాలి.అందువల్ల, స్వల్పకాలంలో స్థిరమైన రాబడులను ఆశించే వారి కంటే.. మార్కెట్‌ ఒడిదుడుకులను తట్టుకోగల సామర్థ్యం ఉండి, దీర్ఘకాలిక సంపద సృష్టిని కోరుకునే వారు తమ ఆర్థిక లక్ష్యాలు, రిస్క్‌ ప్రొఫైల్‌కు తగినట్లుగా నిపుణుల సలహాతో నిర్ణయం తీసుకోవడం ఉత్తమం. కోటక్‌ మ్యూచువల్‌ ఫండ్‌ అధికారిక మార్గదర్శకాల ప్రకారం కూడా ఈ పథకానికి కనీసం అయిదేళ్ల లేదా అంతకంటే ఎక్కువ పెట్టుబడి కాలపరిమితి సరిపోతుందని సూచించబడింది.

సాక్షి, హైదరాబాద్‌: వినాయక నిమజ్జన వేడుకల నిర్వహణ విషయమై ట్యాంక్‌బండ్‌పై ఉద్రిక్తత నెలకొంది. నిమజ్జనానికి ఏర్పాట్లు చేయాలని డిమాండ్‌ చేస్తూ గణేష్‌ ఉత్సవ సమితి సభ్యులు ఆందోళనకు దిగడంతో పోలీసులు, ఉత్సవ సమితి సభ్యుల మధ్య వాగ్వాదం, తోపులాట చోటుచేసుకుంది.ట్యాంక్‌బండ్‌పై వినాయక నిమజ్జన వేడుకలు నిర్వహించాలని గణేష్‌ ఉత్సవ సమితి సభ్యులు డిమాండ్‌ చేశారు. అలాగే, జీహెచ్‌ఎంసీ ఏర్పాట్లు చేయని పక్షంలో తామే ఏర్పాట్లు చేసుకుంటామని ప్రకటించారు. ఈ క్రమంలో ట్యాంక్‌బండ్‌పై ఏర్పాటు చేసిన బారికేడ్లను ఉత్సవ కమిటీ సభ్యులు తొలగించేందుకు ప్రయత్నించగా పోలీసులు వారిని అడ్డుకున్నారు. దీంతో ఇరువర్గాల మధ్య వాగ్వాదం జరిగింది. అనంతరం ఉత్సవ సమితి సభ్యులు ట్యాంక్‌బండ్‌పై బైఠాయించి నిరసన తెలిపారు. ట్యాంక్‌బండ్‌పైనే వినాయక నిమజ్జన వేడుకలు నిర్వహించేందుకు అనుమతి ఇవ్వాలని ఉత్సవ సమితి సభ్యులు డిమాండ్‌ చేశారు. ఈ సందర్భంగా హుస్సేన్‌సాగర్‌లో గణేష్‌ నిమజ్జనానికి అవసరమైన ఏర్పాట్లు తామే చేసుకుంటామని భాగ్యనగర్‌ గణేష్‌ ఉత్సవ సమితి ప్రధాన కార్యదర్శి రావినూతల శశిధర్‌ తెలిపారు. పొల్యూషన్‌ కంట్రోల్‌ బోర్డు, జీహెచ్‌ఎంసీ అధికారుల వైఫల్యం కారణంగానే నిమజ్జన ఏర్పాట్ల విషయంలో ఇబ్బందులు తలెత్తుతున్నాయని ఆయన అన్నారు. అలాగే, 2001లో ప్లాస్టర్‌ ఆఫ్‌ పారిస్‌ విగ్రహాలను ఏర్పాటు చేయాలని ప్రభుత్వమే ఉత్తర్వులు ఇచ్చిందని పేర్కొన్నారు. హిందూ పండగలు వచ్చిన ప్రతిసారీ ఏదో ఒక కారణంతో నిమజ్జనంపై ఆంక్షలు విధించే ప్రయత్నం జరుగుతోందని ఆరోపించారు. హుస్సేన్‌సాగర్‌లో ప్రజల విశ్వాసాలు, సంప్రదాయాలకు అనుగుణంగానే గణేష్‌ నిమజ్జనం కొనసాగుతుందని తెలిపారు.అయితే, తమిళనాడులో జల్లికట్టుపై ప్రజల విశ్వాసాలను కాపాడిన తరహాలోనే హైదరాబాద్‌ గణేష్‌ భక్తుల విశ్వాసాలను కూడా ప్రభుత్వం గౌరవించి పరిరక్షించాలని రావినూతల కోరారు. భక్తుల మనోభావాలకు అనుగుణంగా నిమజ్జన కార్యక్రమానికి అవసరమైన ఏర్పాట్లు చేయాలని ఆయన సూచించారు.ఇదీ చదవండి: ఇది కాంగ్రెస్‌ తెచ్చిన కరువు

ఏషియన్‌ గేమ్స్‌ 2026లో రెండో రోజు భారత్‌కు పతకాల పంట పండింది. షూటింగ్‌లో భారత షూటర్లు సత్తా చాటారు. పురుషుల 10 మీటర్ల ఎయిర్‌ రైఫిల్‌ వ్యక్తిగత విభాగంలో హిమాంశు ధిల్లాన్‌ రజతం, రుద్రాంక్ష్‌ పాటిల్‌ కాంస్యం సాధించారు.ఇదే ఈవెంట్‌లో అంతకుముందు వీరిద్దరూ పార్త్‌ మానే‌తో కలిసి టీమ్‌ విభాగంలో రజతం గెలుచుకున్నారు. దీంతో రెండో రోజు భారత్‌ ఖాతాలో మూడు షూటింగ్‌ పతకాలు చేరాయి.తొలి రోజు కూడా భారత్‌ ఖాతాలో రెండు షూటింగ్‌ పతకాలు చేరాయి. మహిళల 10 మీటర్ల ఎయిర్‌ రైఫిల్‌ వ్యక్తిగత విభాగంలో ఎలావెనిల్‌ వలరివన్‌.. మహిళల 10 మీటర్ల ఎయిర్‌ రైఫిల్‌ టీమ్‌ విభాగంలో సోనమ్‌ మస్కర్‌, విదర్సా వినోద్‌, ఎలావెనిల్‌ వలరివన్‌ రజత పతకాలు సాధించారు. ఇప్పటివరకు భారత్‌ ఖాతాలో కేవలం షూటింగ్‌లోనే ఐదు పతకాలు చేరాయి. ఇప్పటివరకు భారత్‌ మొత్తం 6 పతకాలు గెలిచింది.ఇవాళే మిక్స్‌డ్‌ మార్షల్‌ ఆర్ట్స్‌ మహిళల సంప్రదాయ 60 కేజీల విభాగంలో సుచికా తరియాల్‌ కాంస్య పతకం సాధించింది. ఏషియన్‌ గేమ్స్‌ చరిత్రలో ఎంఎంఏలో భారత్‌కు ఇదే తొలి పతకం.మరోవైపు ఇవాళ జరిగిన మహిళల టేబుల్‌ టెన్నిస్‌లో భారత జట్టు పాకిస్తాన్‌ను 3-0తో చిత్తు చేసి, క్వార్టర్‌ఫైనల్‌కు దూసుకెళ్లింది.ఇదీ చదవండి: Asian Games 2026: మహిళల ఎంఎంఏలో భారత్‌కు తొలి పతకం

తమిళనాడు: కరూర్‌లోని వెంకమేడు ప్రాంతానికి చెందిన రమేష్‌ కుమార్‌ కుమార్తెలు వినోదిని(21), దాశిని(17). వీరిలో వినోదిని కరూర్‌లోని వెంగ మేడులో ఉన్న కాపర్‌ మార్కెట్లో పనిచేస్తుండగా, దాశిని అక్కడే ఓ ప్రభుత్వ పాఠశాలలో చదువుతోంది. ఈ స్థితిలో, 25 రోజుల క్రితం దశిని అదశ్యమైంది. వెంగమేడు పోలీసులు కేసు నమోదు చేసి విద్యార్థిని కోసం గాలించారు. వారు దశిని సోదరి వినోది ని ఉపయోగించిన సెల్‌ఫోన్‌ను పరిశీలించి దర్యాప్తు చేశారు. ఇందులో వినోదిని ఒ​క యువకుడితో వివాహేతర సంబంధం పెట్టుకుందని వెల్లడైంది. పెళ్లయినప్పటికీ వినోదిని వివాహేతర సంబంధంలో చిక్కుకుంది. దీనిని ప్లస్‌–2 విద్యార్థిని దాశిని ఖండించింది. తన ప్రేమ వ్యవహారాన్ని కుటుంబానికి చెబుతానని స్పష్టం చేసింది, దీంతో తీవ్ర ఆగ్రహానికి గురైన వినోదిని, ఆమె వివాహేతర ప్రియుడు మోహన్‌రాజ్‌ తో కలిసి ప్లస్‌–2 విద్యార్థినిని దారుణంగా హత్య చేసినట్లు వెల్లడైంది. ఈ కేసుపై నెల రోజుల దర్యాప్తు అనంతరం పోలీసులు శనివారం వినోదిని, మోహ¯న్‌రాజ్‌ను అరెస్టు చేశారు. కరూర్‌ వెంకమెట్‌ నుండి వంగల్‌ వెళ్లే రహదారి పక్కన ఉన్న అటవీ ప్రాంతంలో దర్శినిని హత్య చేసి, ఆమె మృతదేహాన్ని పడేశారని మోహనరాజ్‌ పోలీసులకు తెలిపాడు. దీంతో పోలీసులు అగ్నిమాపక సిబ్బందితో కలిసి ఘటనా స్థలానికి చేరుకుని మృతదేహం కోసం గాలింపు మొదలుపెట్టారు. కరూర్‌ జిల్లా సూపరింటెండెంట్‌ ఆఫ్‌ పోలీస్‌ హరి కిరణ్‌ ప్రసాద్‌ ఘటనా స్థలానికి వెళ్లి మృతదేహం కోసం గాలింపును ముమ్మరం చేశారు.5 గంటలకు పైగా సాగిన గాలించిన అనంతరం విద్యార్థిని దర్శిని మతదేహం లభ్యమైంది. మురుగు కాలువ సమీపంలోని పొదలున్న ప్రాంతంలో దర్శిని మృతదేహం కుళ్లిపోయిన స్థితిలో లభించింది. ఆమె తల వేరుగా నరికివేయబడి ఉంది. పోలీసులు దానిని స్వా«దీనం చేసుకున్నారు. మృతదేహం బాగా కుళ్లిపోయి ఉండటంతో, తలను కూడా వేరుగా నరికివేసి ఉంటారని భావించారు. వైద్యులను పిలిపించి అటవీ ప్రాంతంలో విద్యార్థి మృతదేహానికి పోస్ట్‌మార్టం నిర్వహించారు. వివాహేతర ప్రేమ వ్యవహారంలో పాఠశాల విద్యార్థిని హత్యకు గురికావడం కరూర్‌లో కలకలం రేపింది.

భారత రైల్వే లాజిస్టిక్స్ విభాగంలో విప్లవాత్మక మార్పులకు శ్రీకారం చుడుతోంది. సరుకు రవాణా సామర్థ్యాన్ని రెట్టింపు చేయడమే లక్ష్యంగా డెడికేటెడ్ ఫ్రైట్ కారిడార్ (డీఎఫ్‌సీ) నెట్‌వర్క్‌పై ‘ట్రిపుల్ స్టాక్’ (ఒకదానిపై ఒకటి మూడు ఉండేలా) కంటైనర్ రైళ్ల సేవలను అందుబాటులోకి తెచ్చేందుకు అధికారికంగా వేగవంతమైన ప్రయోగాత్మక పరీక్షలు (ట్రయల్స్) నిర్వహిస్తోంది.సామర్థ్య విస్తరణ.. తగ్గనున్న వ్యయంఇప్పటివరకు వెస్టర్న్‌ డెడికేటెడ్ ఫ్రైట్ కారిడార్‌లో నడుస్తున్న డబుల్ స్టాక్ కంటైనర్ రైళ్లు రవాణా రంగానికి కొత్త ఊపిరిపోశాయి. అయితే, పెరుగుతున్న పారిశ్రామిక, ఎగుమతి అవసరాలను దృష్టిలో ఉంచుకుని ‍ప్రత్యేకంగా డిజైన్ చేసిన హై-రీచ్ ఓవర్‌హెడ్ ఎలక్ట్రిక్ లైన్ల ద్వారా ట్రిపుల్ స్టాక్ సేవలను ప్రవేశపెట్టేందుకు రైల్వే శాఖ సాంకేతిక కసరత్తు పూర్తిచేసింది. ఒక్కో ట్రిపుల్ స్టాక్ రైలు ద్వారా ఒకేసారి అత్యధిక సంఖ్యలో ఐఎస్‌ఓ కంటైనర్లు లేదా ఆటోమొబైల్ క్యారియర్లను వేగంగా తరలించే వీలుకలుగుతుంది.ప్రధాన ప్రయోజనాలుప్రస్తుతం దేశీయ జీడీపీలో దాదాపు 13-14 శాతంగా ఉన్న లాజిస్టిక్స్ ఖర్చులను సింగల్‌ డిజిట్‌కు తీసుకురావడంలో ఇది కీలక పాత్ర పోషిస్తుంది. భారీ కంటైనర్ లారీల రాకపోకలు తగ్గి జాతీయ రహదారులపై ట్రాఫిక్, ప్రమాదాలు, ఇంధన వినియోగం తగ్గుతాయి. విద్యుదీకరించిన రైలు మార్గాల ద్వారా పర్యావరణహితమైన గ్రీన్ లాజిస్టిక్స్ సాధ్యమవుతుంది.India is now testing triple stack container trains 🔥 pic.twitter.com/RCmYf9jLSv— Himanshu Jain (@HemanNamo) September 20, 2026గ్లోబల్ సప్లై చైన్‌లో భారత్ మార్క్ముంబైలోని జవాహర్‌లాల్ నెహ్రూ పోర్ట్ అథారిటీ (జేఎన్‌పీఏ), గుజరాత్ ఓడరేవులను ఉత్తర భారత్‌లోని పారిశ్రామిక కారిడార్లతో వేగంగా అనుసంధానించడంలో ఈ వ్యవస్థ గేమ్ ఛేంజర్‌గా మారనుందని కొందరు అభిప్రాయపడుతున్నారు. భారత్‌ను గ్లోబల్ తయారీ సప్లై చైన్ హబ్‌గా మార్చే మేక్ ఇన్ ఇండియా, ‘పీఎం గతిశక్తి’ లక్ష్యాలకు ఈ సాంకేతిక ప్రయోగం కొత్త వేగాన్ని అందిస్తుందని ఆర్థిక నిపుణులు భావిస్తున్నారు.ఇదీ చదవండి: వెళ్లిపోయాడనుకునేలోపే మళ్లీ ఐదేళ్ల పదవి!

ఆస్ట్రేలియా- ‘ఎ’ మహిళలతో అనధికారిక వన్డే సిరీస్‌ను భారత్‌ గెలుపుతో ఆరంభించింది. మొహాలీ వేదికగా తొలి వన్డేలో పర్యాటక జట్టును నాలుగు వికెట్ల తేడాతో ఓడించింది. తద్వారా మూడు మ్యాచ్‌ల అనధికారిక సిరీస్‌లో భారత మహిళల ‘ఎ’ జట్టు 1-0తో ఆధిక్యంలోకి వెళ్లింది.టీ20 సిరీస్‌లో పరాభవం.. క్లీన్‌స్వీప్‌కాగా మూడు అనధికారిక టీ20, మూడు వన్డే, ఏకైక టెస్టు ఆడేందుకు ఆసీస్‌ మహిళల ‘ఎ’ జట్టు భారత పర్యటనకు వచ్చింది. ఇందులో భాగంగా తొలుత టీ20 సిరీస్‌ జరుగగా.. భారత్‌కు చేదు అనుభవం ఎదురైంది. ఆసీస్‌ ఆతిథ్య జట్టును 3-0తో క్లీన్‌స్వీప్‌ చేసింది.ఈ క్రమంలో ఇరుజట్ల మధ్య ఆదివారం తొలి అనధికారిక వన్డే జరిగింది. పంజాబ్‌ క్రికెట్‌ అసోసియేషన్‌ ఐఎస్‌ బింద్రా స్టేడియంలో టాస్‌ గెలిచిన భారత్‌-‘ఎ’ మహిళా జట్టు తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన ఆసీస్‌ 46.3 ఓవర్లలో 235 పరుగులు చేసి ఆలౌట్‌ అయింది.రాణించిన భారత బౌలర్లుఆసీస్‌ ఓపెనర్లలో రేచల్‌ ట్రెనామన్‌ (36), కెప్టెన్‌ తహీలా విల్సన్‌ (48).. చరిల్‌ నాట్‌ (39) మెరుగైన ప్రదర్శన కనబరిచారు. భారత బౌలర్లలో వైష్ణవి శర్మ, నికీ ప్రసాద్‌ చెరో మూడు వికెట్లు కూల్చగా.. అమన్‌దీప్‌ కౌర్‌ రెండు, సయాలీ సత్గరే ఒక వికెట్‌ పడగొట్టారు.తేజల్‌, అనుష్క హాఫ్‌ సెంచరీలుఅనంతరం లక్ష్య ఛేదనకు దిగిన భారత మహిళా జట్టు.. 41.1 ఓవర్లలో ఆరు వికెట్లు నష్టపోయి పని పూర్తి చేసింది. వన్‌డౌన్‌ బ్యాటర్‌ తేజల్‌ హసాబ్నిస్‌ అద్భుత అర్ధ శతకం (81) సాధించగా.. అనుష్క శర్మ సైతం హాఫ్‌ సెంచరీ (55)తో మెరిసింది. లోయర్‌ ఆర్డర్‌లో నికీ ప్రసాద్‌ (22 బంతుల్లో 32 నాటౌట్‌) మెరుపులు మెరిపించగా.. సయాలీ సత్గరే (25) కూడా రాణించింది.ఫలితంగా భారత్‌ 41.1 ఓవర్లలో ఆరు వికెట్ల నష్టానికి 239 పరుగులు చేసి.. నాలుగు వికెట్ల తేడాతో గెలుపొందింది. భారత్‌, ఆసీస్‌ మహిళల ‘ఎ’ జట్ల మధ్య శుక్రవారం రెండో అనధికారిక వన్డే జరుగనుండగా.. ఇందుకు మొహాలీ వేదిక.చదవండి: అభిషేక్‌- వైభవ్‌... ఇక్కడ సింహాలు.. అక్కడ పిల్లులు!

రష్మిక మందన్న నటిస్తున్న ఆసక్తికరమైన చిత్రాల్లో 'మైసా' ఒకటి. రవీంద్ర పుల్లె దర్శకత్వం వహిస్తున్నారు. పాన్ ఇండియా స్థాయిలో రూపొందుతోంది. అన్‌ఫార్ములా ఫిల్మ్స్ నిర్మిస్తున్న ఈ మూవీ 2026 నవంబర్ 27న విడుదల కానుంది. ఇందులో ఈశ్వరి రావు, రాహుల్ రవీంద్రన్, సముద్రఖని, రావు రమేష్, శివ కందుకూరి, కార్తిక్ రంజిని, తారక్ పొన్నప్ప, నిధి సింగ్ తదితరులు ఇతర పాత్రలు పోషిస్తున్నారు. మరో రెండు వారాల షూటింగ్‌ ఉంది. దీంతో ప్రమోషన్స్ లో భాగంగా తాజాగా మేకర్స్ టీజర్ లాంచ్ చేశారు. ఈ సందర్భంగా రష్మిక చేసిన కామెంట్స్‌ వైరల్‌ అవుతున్నాయి.సుమారు 8గంటలు కిందే ఉండమన్నారు..‘మైసా’ కోసం నా లైఫ్‌నే ఇచ్చేశాను. కథ అద్భుతంగా అనిపించింది. డైరెక్టర్ నాతో చాలా రిస్కీ స్టంట్స్ చేయించారు. అండర్‌ వాటర్‌లో ఫైట్‌ ఉంది అని డైరెక్టర్‌ చెప్పారు. నాకు ఈత వచ్చుకదా అని సరే చెప్పా. తీరా చూస్తే.. సుమారు 8గంటలు కిందే ఉండమన్నారు. అదేలా నేను ఏమైనా చేపనా అలా ఉండడానికి అనిపించింది. కథకు తగ్గట్లుగా నిజంగా చేయాలంటే ఎంత కష్టమో అప్పుడే తెలిసింది’ అని చెప్పారు. ఇదే క్రమంలో ఓ అభిమాని మీకు తెలంగాణ భాష వచ్చేసింది అక్కా అని చెప్పగా.. ‘నేను ఏ రకంగా మాట్లాడుతున్నానో అర్థం కావడం లేదు. పోనిలే మాట్లాడింది మీకు అర్థం అవుతుంది కదా’ అని నవ్వుతూ సమాధానం ఇచ్చారు.రణబాలి విషయానికి వస్తే.. టాలీవుడ్‌ హీరో విజయ్‌ దేవరకొండ, హీరోయిన్‌ రష్మిక జంటగా నటిస్తున్న చిత్రం ‘రణబాలి’. రాహుల్‌ సాంకృత్యాయన్ దర్శకుడు. అక్టోబర్‌ 16 ఈ సినిమా విడుదల కానుంది. ఇప్పుడికే విడుదలైన టీజర్‌ ప్రేక్షకులను ఆకట్టుకుంది. అయితే ఈ సినిమి చిత్రీకరణ పూర్తిచేసుకున్నట్లు చిత్ర బృందం తెలిపింది. ఈ మేరకు ఇటీవలే ప్రత్యేక పోస్టర్‌ను విడుదల చేశారు. ఈ చిత్రం1854 నుంచి 1878 మధ్యకాలంలో జరిగిన వాస్తవ సంఘటనల ఆధారంగా, పాన్‌ ఇండియా స్థాయిలో విడుదల కాబోతోంది. విజయ్‌ ఇందులో యోధుడి పాత్రలో కనిపించనున్నాడు. విజయ్‌, రష్మిక పెళ్లి తరువాత వస్తున్న తొలి చిత్రం కావడంతో అభిమానులు ఆసక్తిగా ఎదురుచూస్తున్నారు. ఈ సినిమాకి అజయ్‌, అతుల్‌ సంగీతం అందిస్తున్నారు. టీ సిరీస్‌ సమర్పణలో మైత్రీ మూవీ మేకర్స్‌ సంస్థ నిర్మిస్తోంది. ఇదీ చదవండి: కదిలిస్తే.. కన్నీరే.. ఇదే హీరోయిన్‌ కయాదు జర్నీ #GirlFriend Movie కోసం నా ఎమోషన్ మొత్తం ఇచ్చేశా..#Mysaa Movie కోసం నా లైఫ్‌నే ఇచ్చేశా.:- Actress #RashmikaMandanna pic.twitter.com/DSOXzS9pWC— Milagro Movies (@MilagroMovies) September 20, 2026

ముంబై: ఐఐటీ బాంబేలో విద్యార్థి ఆత్మహత్య ఘటనపై మూడు రోజులుగా జరుగుతున్న నిరసనలు సోమవారం కూడా కొనసాగుతున్నాయి. విద్యార్థులు చేసిన డిమాండ్లపై చర్చించేందుకు సంస్థ బోర్డ్ ఆఫ్ గవర్నర్స్ సోమవారం ప్రత్యేక సమావేశం నిర్వహించనుంది. అనంతరం ఐఐటీ బాంబే డైరెక్టర్ శిరీష్ కేదారే విద్యార్థులతో టౌన్‌హాల్ సమావేశం నిర్వహించనున్నారు. సోమవారం అన్ని తరగతులను రద్దు చేశారు.డైరెక్టర్ రాజీనామా.. స్వతంత్ర దర్యాప్తువిద్యార్థులు సమర్పించిన 18కి పైగా డిమాండ్లలో డైరెక్టర్ కేదారే రాజీనామా, ఆయన పదవీకాలంలో జరిగిన నలుగురు విద్యార్థుల మృతిపై స్వతంత్ర దర్యాప్తు చేపట్టడం ఉన్నాయి. అయితే ఈ రెండు డిమాండ్లను ఐఐటీ యాజమాన్యం అంగీకరించలేదు. శుక్రవారం జరిగిన విద్యార్థి ఆత్మహత్య ఘటనపై స్వతంత్ర కమిటీ ఏర్పాటు చేయాలని విద్యార్థులు కోరారు. ఈ కమిటీలో ప్రొఫెసర్లు, విద్యార్థుల ప్రతినిధులు, బయటి సభ్యులు ఉండాలని, సెప్టెంబర్ 30లోగా నివేదికను బహిరంగపరచాలని డిమాండ్ చేశారు.పరీక్షలో కాపీ ఆరోపణల తర్వాత విషాదంశుక్రవారం పరీక్షలో కాపీయింగ్‌కు పాల్పడ్డాడనే ఆరోపణలు ఎదుర్కొన్న ఐఐటీ బాంబే రెండో సంవత్సరం బీటెక్ విద్యార్థి మరణించాడు. ఈ ఘటన అనంతరం క్యాంపస్‌లో నిరసనలు తీవ్రరూపం దాల్చాయి. మృతిచెందిన విద్యార్థి షెడ్యూల్డ్ కులానికి చెందినవాడని అతని తల్లిదండ్రులు తెలిపారు. కుల వివక్ష కారణంగా తమ కుమారుడిని ఆత్మహత్యకు ప్రేరేపించారని ఆరోపిస్తూ.. మాజీ డీన్ ఆఫ్ స్టూడెంట్ అఫైర్స్, విద్యార్థి ప్రొఫెసర్ సూర్యనారాయణ దూల్లాపై పోలీసులకు ఫిర్యాదు చేశారు. కాగా ఆదివారం డైరెక్టర్ కేదారే, సీనియర్ అధ్యాపకులు, విద్యార్థుల మధ్య సుమారు 90 నిమిషాల పాటు సమావేశం జరిగింది. ఈ సమావేశాన్ని విద్యార్థులు లైవ్‌స్ట్రీమ్ చేశారు. విద్యార్థులు దూల్లాను సస్పెండ్ చేయాలని కోరగా, నిబంధనల ప్రకారం చర్యలు తీసుకుంటామని కేదారే తెలిపారు.హాస్టల్ గదుల్లో ఫ్యాన్ల మార్పుక్యాంపస్‌లో వరుసగా విద్యార్థుల ఆత్మహత్యలు చోటుచేసుకున్న నేపథ్యంలో హాస్టల్ గదుల్లోని సీలింగ్ ఫ్యాన్లను తొలగించి, వాటి స్థానంలో గోడకు అమర్చే ఫ్యాన్లను ఏర్పాటు చేసే అంశాన్ని ఐఐటీ బాంబే యాజమాన్యం పరిశీలిస్తోంది. అయితే ఫ్యాన్లను మార్చాలనే నిర్ణయం ఆత్మహత్యల ఘటనలకు సంబంధం లేదని, అంతకుముందే తీసుకున్నదేనని అధికారులు తెలిపారు. ఇదీ చదవండి: కెనడాలో విమాన ప్రమాదం.. ఇద్దరు భారత విద్యార్థుల దుర్మరణం

ప్రీమియం స్మార్ట్‌ఫోన్ కొనుగోలుదారులకు శాంసంగ్ భారీ షాక్ ఇచ్చింది. గెలాక్సీ ఎస్26 సిరీస్‌లోని అన్ని వేరియంట్ల ధరలను రూ.20,000 చొప్పున పెంచింది. గెలాక్సీ ఎస్26, గెలాక్సీ ఎస్26+తో పాటు గెలాక్సీ ఎస్26 అల్ట్రా మోడళ్లకు ఈ ధరల పెంపు వర్తిస్తుంది. సెప్టెంబర్ 18, 2026 నుంచి కొత్త ధరలు అమల్లోకి వచ్చాయి. దీంతో గెలాక్సీ ఎస్26 సిరీస్‌లో అత్యంత చౌకైన మోడల్ ధర కూడా రూ.1 లక్ష దాటింది.లాంచ్ సమయంలో గెలాక్సీ ఎస్26 12GB ర్యామ్ + 256GB స్టోరేజ్ ధర రూ.87,999గా ఉండగా, ఇప్పుడు రూ.1,07,999కు చేరింది. 12GB + 512GB వేరియంట్ ధర రూ.1,07,999 నుంచి రూ.1,27,999కు పెరిగింది. అంటే రెండు వేరియంట్లపై రూ.20,000 చొప్పున అదనపు భారం పడింది.గెలాక్సీ ఎస్26+ ధర కూడా అదే స్థాయిలో పెరిగింది. 12GB + 256GB మోడల్ ధర రూ.1,19,999 నుంచి రూ.1,39,999కు, 12GB + 512GB వేరియంట్ ధర రూ.1,39,999 నుంచి రూ.1,59,999కు చేరింది. మరోవైపు గెలాక్సీ ఎస్26 అల్ట్రా 12GB + 256GB మోడల్ ధర రూ.1,39,999 నుంచి రూ.1,59,999కు, 12GB + 512GB వేరియంట్ ధర రూ.1,59,999 నుంచి రూ.1,79,999కు పెరిగింది. టాప్-ఎండ్ 16GB + 1TB గెలాక్సీ ఎస్26 అల్ట్రా ధర రూ.1,89,999 నుంచి ఏకంగా రూ.2,09,999కు చేరింది.మొత్తంగా గెలాక్సీ ఎస్26 సిరీస్‌లోని ఏడు వేరియంట్లపై రూ.20,000 చొప్పున ధర పెరిగింది. తాజా ధరల పెంపునకు పెరుగుతున్న మెమరీ, ఇతర కాంపోనెంట్ ఖర్చులు ప్రధాన కారణాలుగా పరిశ్రమలో పేర్కొంటున్నారు. గ్లోబల్‌గా మెమరీ చిప్ సరఫరాపై ఒత్తిడి కొనసాగుతున్న నేపథ్యంలో స్మార్ట్‌ఫోన్ తయారీదారుల ఉత్పత్తి వ్యయాలు పెరుగుతున్నాయి.శాంసంగ్ అధికారికంగా ఫిబ్రవరి 2026లో గెలాక్సీ ఎస్26 సిరీస్‌ను భారత్‌లో విడుదల చేసింది. అప్పట్లో ఎస్26 ప్రారంభ ధర రూ.87,999, ఎస్26+ రూ.1,19,999, ఎస్26 అల్ట్రా రూ.1,39,999గా నిర్ణయించింది. తాజా పెంపుతో ఈ ప్రారంభ ధరలు వరుసగా రూ.1,07,999, రూ.1,39,999, రూ.1,59,999కు చేరాయి.ఇదీ చదవండి: జియో రీచార్జ్‌: 90 రోజుల ప్లాన్.. 3 నెలలు ఫుల్‌ బెనిఫిట్స్‌!

ఏపీ ముఖ్యమంత్రి, టీడీపీ అధినేత చంద్రబాబు నాయుడు వ్యూహం ఏమిటి? ఆయన ఏ లక్ష్యంతో బీజేపీ పట్ల, ప్రధాని మోదీ పట్ల అంత విధేయత చూపుతున్నారు? ఒకప్పుడు తెలుగువారి ఆత్మగౌరవం కోసం పుట్టిన పార్టీగా తెలుగుదేశం గుర్తింపు పొందింది. అదంతా ఏమైందో కాని, ప్రస్తుతం ఆత్మాభిమానంతో సంబంధం లేకుండా టీడీపీ ముఖ్యనేతలు ప్రవర్తిస్తున్నారేమిటా అని పలువురు ముక్కున వేలు వేసుకుంటున్నారు.ప్రధానమంత్రి నరేంద్ర మోదీ జన్మదినోత్సవం సందర్భంగా వారణాసికి వెళ్లి ఒక ప్రత్యేక కార్యక్రమంలో పాల్గొన్నారు. మోదీకి జన్మదిన శుభాకాంక్షలు చెప్పడాన్ని ఎవరూ కాదనరు. కాని వారణాసి వెళ్లి బీజేపీ కేంద్ర మంత్రులతో కలిసి పూజలు చేసి హారతి ఇచ్చిన వైనంపైనే అంతా మాట్లాడుకుంటున్నారు. ఇలాంటి పనే వైఎస్ జగన్ వంటి నేతలు ఎవరైనా చేసి ఉంటే, చంద్రబాబు బీజేపీ వ్యతిరేక కూటమిలో ఉండి ఉంటే, ఇక ఇల్లెక్కి గోలచేసినంత పని చేసేవారు. ఆంధ్రుల ఆత్మాభిమానం దెబ్బతిందని ఎల్లో మీడియాలో హోరెత్తించేవారు. కేసుల కోసమే ఇలా చేస్తున్నారని ఆరోపించేవారు.రాజకీయాలలో ప్రధాని మోదీ కన్నా చంద్రబాబు నాయుడు చాలా సీనియర్. ఈ విషయాన్ని ఆయనే గతంలో చెప్పుకునేవారు. ఆ సీనియారిటీని పక్కనబెట్టి మోదీ కోసం చంద్రబాబు పూజలు చేయడం అందరి దృష్టిని ఆకర్షించింది. రాజకీయ అవసరాలా? లేక తన కుమారుడు లోకేష్‌ను ముఖ్యమంత్రి చేయడానికి తగు సహకారం పొందడానికా, లేక ఇతర కారణాలు ఏమైనా ఉన్నాయా అన్నది చర్చగా ఉంది.చంద్రబాబు 1978లోనే ఎమ్మెల్యేగా గెలిచారు. అదే టరమ్‌లో మంత్రి అయ్యారు. ఆయన మామ ఎన్టీ రామారావు టీడీపీని స్థాపించి ముఖ్యమంత్రి కావడంతో కాంగ్రెస్ నుంచి జంప్ చేసి పెత్తనం సాగించారు. కర్షకపరిషత్ ఛైర్మన్‌గా, టీడీపీ ప్రధాన కార్యదర్శిగా చక్రం తిప్పారు. 1984లో ఎన్టీ రామారావు ప్రభుత్వాన్ని కాంగ్రెస్ కూలదోసినప్పుడు ఆనాటి ప్రధాని ఇందిరాగాంధీ మెడలు వంచి అధికారం సాధించామని ఆయన ఉపన్యాసాలు ఇస్తారు. అలాంటి నేత బీజేపీ విషయంలో పలుమార్లు పిల్లిమొగ్గలు వేశారు.1996లో వామపక్షాలతో కలిసి పోటీచేసి బీజేపీని మసీదులు కూల్చే పార్టీ అని విమర్శించేవారు. 1998 నాటికి ఎన్డీఏలోకి వచ్చి, 1999 ఎన్నికలలో కలిసి పోటీచేశారు. 2001 ప్రాంతంలో గుజరాత్ మత కలహాల నేపథ్యంలో మోదీని పదవి నుంచి తప్పించాలని డిమాండ్ చేశారు. 2004 ఎన్నికలలో ఓటమి తర్వాత జీవితంలో బీజేపీతో పొత్తు పెట్టుకోబోనని ప్రతిజ్ఞ చేశారు. కాని 2014 నాటికి ప్రధాని అభ్యర్ది అయిన మోదీని కలవడానికి లాబీయింగ్ చేసుకుని సఫలం అయ్యారు. ఆ తర్వాత 2018లో మళ్లీ బీజేపీకి దూరం అయి కాంగ్రెస్‌తో కలిశారు. 2019లో ఓటమి తర్వాత మళ్లీ బీజేపీవైపు వెళ్లడానికి రకరకాల ప్రయత్నాలు చేసి 2024లో పొత్తు పెట్టుకోగలిగారు. రాజకీయాలలో పొత్తులు మార్చుకోవడం జరుగుతూనే ఉంటుంది. కాని విమర్శలు, ఆరోపణల విషయంలో పెద్ద నేతలు సంయమనంగా ఉంటారు. కాని చంద్రబాబు మాత్రం ఆ విషయంలో హద్దులు పాటించలేదు. ప్రధానిని ఏవైతే అనగూడదో ఆ మాటలన్నీ అన్నారు. దేశానికి ద్రోహం చేస్తున్న వ్యక్తిగా, ముస్లింలను బతకనివ్వని మనిషిగా, భార్యను ఏలుకోవడం లేదని అంటూ హూ ఈజ్ మోదీ అనేంతవరకు వెళ్లారు. 2019 ఎన్నికల సమయంలో మోదీ కూడా చంద్రబాబును అవినీతిపరుడని ధ్వజమెత్తారు. అయినా ఇరు పార్టీలు, ఇద్దరు నేతలు మళ్లీ కలవడం ద్వారా ఇవా రాజకీయాలు.. ఔరా అనిపించారు.తెలుగుదేశం ఆత్మగౌరవాన్ని తాకట్టు పెట్టి బీజేపీతో పొత్తుకోసం డిల్లీలో మూడు రోజులు పడిగాపులు కాచారని అప్పట్లో విమర్శలు కూడా వచ్చాయి. టీడీపీతో పొత్తుకు బీజేపీ ఇష్టపడలేదని, తాను ఈ విషయంలో తిట్లు కూడా తిన్నానని పవన్ కళ్యాణ్ ఒక స్పీచ్‌లో వెల్లడించారు. కూటమి ఎన్నికల ప్రచారానికి మోదీ వచ్చినా చంద్రబాబుతో అంతంతమాత్రంగానే మాట్లాడారని అంటారు. ఆయా సందర్భాలలో మొక్కుబడిగానే వీరిమధ్య సంబంధాలు సాగాయి. ఈ లోక్ సభ ఎన్నికలలో 16 సీట్లు రావడం టీడీపీకి కలిసి వచ్చింది. బీజేపీకి పూర్తి మెజార్టీ రాకపోవడంతో టీడీపీ, జేడీయూ సీట్లు కీలకం అయ్యాయి. ఆ తర్వాత మోదీ, చంద్రబాబుల మధ్య సంబంధాలు మెరుగుపడడం ఆరంభం అయిందని చెప్పాలి.ఇదీ చదవండి: రేవంత్‌ వర్సెస్‌ కేసీఆర్‌.. భూముల లెక్కల్లో అసలు ట్విస్ట్‌ ఇదేనా?అయినా చంద్రబాబును బీజేపీ పెద్దలు నమ్మడం అంతంత మాత్రమేనని చెబుతారు. చంద్రబాబు పలుమార్లు డోకా చేశారని, కాంగ్రెస్‌తో కూడా కలిసి దేశవ్యాప్తంగా ఆయా రాష్ట్రాలలో వ్యతిరేక ప్రచారం చేశారన్న అసంతృప్తి బీజేపీలో ఉంటుంది. ఈ నేపథ్యంలో చంద్రబాబు తనపై బీజేపీలో నమ్మకం పెరగడానికి గాను 2024 నుంచి తెగ పాట్లు పడుతున్నారన్న అభిప్రాయం రాజకీయవర్గాలలో ఉంది. మోదీని అవసరం ఉన్నా, లేకపోయినా పొగడడం, అది కూడా బీజేపీవారికే ఎబ్బెట్టుగా ఉండేంతగా చేస్తున్నారన్న అభిప్రాయం ఉంది.ఉదాహరణకు ఈ మధ్య జరిగిన కొన్ని ఘటనలు తీసుకుంటే భోగాపురం విమానాశ్రయం ప్రారంభోత్సవ సభలో మోదీని ఆకాశానికి ఎత్తేశారు. మోదీ, మోదీ అంటూ సభికులతో నినాదాలు ఇప్పించారు. మోదీ ప్రపంచానికే నాయకుడని మెచ్చుకుంటున్నారు. మోదీ కోసం ప్రత్యేకంగా యోగా దినోత్సవం నాడు కోట్లు వెచ్చించి ఒక రోజు కార్యక్రమం నిర్వహించారన్న విమర్శలు కూడా వైఎస్సార్‌సీపీ, మరికొన్ని పక్షాలు చేశాయి. కేంద్రం బాగా సహకరిస్తోందని ఒకటికి రెండుసార్లు ప్రకటనలు చేస్తున్నారు.జగన్ టైమ్‌లో రెవెన్యూ లోటు, పోలవరం ప్రాజెక్టు తదితర స్కీములకు భారీగానే నిధులు వచ్చాయి. ఆనాటితో పోల్చితే ఈ రెండేళ్లో అమరావతి అప్పు మినహా చంద్రబాబు ప్రభుత్వం కేంద్రం నుంచి సాధించింది అంతంత మాత్రమే. అయినా ఆ విషయాన్ని చెప్పలేకపోతున్నారు. వారణాసిలో సైతం మోదీని కొనియాడుతూ సరైన సమయంలో సరైన నాయకుడు అని అభివర్ణించారు. 25 కోట్ల మందిని పేదరికం నుంచి బయటకు తీసుకు వచ్చారని చెప్పారు. చంద్రబాబుతో పాటు పవన్ కళ్యాణ్, లోకేష్‌లు కూడా మోదీని పొగిడే పనిలో ఉంటున్నారు.గతంలో గుజరాత్‌కే అన్ని చేస్తున్నారని, ఏపీ అంటే మోదీకి అసూయ అని, అమరావతికి వచ్చి చెంబుడు నీళ్లు, గుప్పెడు మట్టి ఇచ్చారని చంద్రబాబు ఆరోపించేవారు. కాని జత కలిసిన తర్వాత మాట మార్చారు. అది వేరే సంగతి. ఇటీవలికాలంలో ఎందుకు ఇంతగా తగ్గి వ్యవహరిస్తున్నారన్న చర్చ జరుగుతోంది. తన కుమారుడు లోకేష్‌ను ముఖ్యమంత్రిని చేయాలన్న ఒత్తిడి ఆయనపై అధికంగా ఉందని అంటారు. జనసేన, బీజేపీల నుంచి దానిపై ఒక క్లారిటీ రావడం లేదు. పవన్ కళ్యాణ్ ఇంతవరకు తన అభిప్రాయం వెల్లడించలేదు. మోదీ ఒప్పుకుంటే ఆ విషయం ఒక కొలిక్కి రావచ్చు.అంతేకాదు... అది జరిగితే తను జాతీయ స్థాయిలో ఏదైనా పదవికి వెళ్లడానికి చంద్రబాబు టార్గెట్ పెట్టుకుని ఉండవచ్చు. అది సాధించాలంటే బీజేపీ ఓకే చేయవలసి ఉంటుంది. కేంద్ర స్థాయిలోకాని, ఇతరత్రా ఏమైనా కేసులు ఉంటే వాటిని పరిష్కరించుకునే పనిలో కూడా ఉండి ఉండవచ్చన్నది కొంతమంది అభిప్రాయం. ఏది ఏమైనా మోదీ జన్మదినోత్సవ పూజలకు వెళ్లడం ద్వారా చంద్రబాబు తన సీనియారిటీని తానే తగ్గించుకున్నట్లు అయిందా అన్న భావన టీడీపీతో సహా ఆయా వర్గాలలో ఏర్పడింది. ఆత్మగౌరవం వంటివాటితో సంబంధం లేకుండా, ఇలాంటి రాజకీయ వ్యూహాలలో ఆయన దిట్టే అన్న అభిప్రాయం కూడా ఉంది.-కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

సాక్షి ప్రతినిధి, విజయనగరం : ఇంత బతుకూ బతికి ఇంటెనక చావడం అంటే ఇదే మరి... నిన్న మొన్నటి వరకూ మంత్రులు.. ఎమ్మెల్యేలు ఎంపీలను తన గుమ్మం ముందు వెయిట్‌ చేయించిన చిన్న శ్రీను ఇప్పుడు కారు నిండా బొకేలు శాలువాలు పట్టుకుని టీడీపీ నాయకులు, ఎమ్మెల్యేల గుమ్మానికి బయలు దేరుతున్నారు. వారి ఇళ్లకు వెళ్లి తనను తాను పరిచయం చేసుకుని కొత్త చుట్టరికానికి చేతులు చాస్తున్నారు. అటువైపు నుంచి ఇష్టం లేకున్నా అయిష్టంగానే ఆహ్వానించక తప్పని పరిస్థితిలో వారు మొహం మీద నవ్వును పులుముకుని రండి.. రండి.. అంటూ ఆ ఎపిసోడ్‌ను ముగిస్తున్నారు. గత 20 ఏళ్లుగా చిన్న శ్రీను అనుభవించిన పొలిటికల్‌ సెలబ్రిటీ స్టేటస్‌ను కళ్లారా చూసిన వాళ్లంతా ఔరా... పూలమ్మిన చోట కట్టెలు అమ్మడం అంటే ఇదే కదా! అని లోలోన ముక్కున వేలేసుకుంటున్నారు. కాంగ్రెస్‌ గవర్నమెంట్‌ ఉన్నా.. వైఎస్సార్‌ కాంగ్రెస్‌ గవర్నమెంట్‌ ఉన్నా.. ఆఖరుకు టీడీపీ ప్రభుత్వం ఉన్నా కానీ జిల్లాలో చిన్న శ్రీను మాటకు తిరుగుండేది కాదు. పలు సందర్భాల్లో టీడీపీ నేతలు, ఎమ్మెల్యేలు సైతం ఆయనపై కటువైన కామెంట్లు చేస్తూ వస్తున్నారు. ఆయన్ను రాజ్యాంగేతర శక్తి అని.. అవినీతిపరుడు అని పోరాటాలు.. ఆరోపణలు చేస్తూనే ఉన్నారు. అలాంటిది ఇప్పుడు ఎకాఎకిన ఎలా ఆహ్వానించి కౌగిలించుకుంటాం అనే ప్రశ్నలు వేస్తున్నారు. కడుపులో కత్తులు.. కళ్లలో నవ్వులు 20 ఏళ్లుగా తెలుగుదేశం పార్టీ చిన్న శ్రీనుపై కత్తులు నూరుతూనే ఉంది. జిల్లాపై ఆయన పెత్తనాన్ని పెద్దరికాన్ని పలు సందర్భాల్లో విమర్శిస్తూ ఆయనపై పోరాటం చేస్తూనే వచ్చింది. ప్రస్తుతం ఎమ్మెల్యేలుగా ఉన్నవాళ్లు మంత్రులుగా ఉన్నవారు కేంద్ర మంత్రులుగా ఉన్నవారు, గవర్నర్‌గా ఉన్న వారు సైతం ఆయనను టార్గెట్‌ చేస్తూనే ఉండేవారు. ఇప్పుడు ఒక్కసారిగా చిన్న శ్రీనును తమలో కలుపుకోవాలి అంటే కష్టంగా ఉందని ఓ టీడీపీ నాయకుడు వ్యాఖ్యానించడం ఆయన పట్ల వారిలో ఉన్న అయిష్టతను స్పష్టం చేస్తుంది. 20 ఏళ్లుగా ఉన్న వైరం ఒక్కసారిగా ఎలా పోతుంది అంటూ తమలో తాము ప్రశ్నించుకుంటున్నారు. పార్టీకి నాయకత్వ లోటు ఏం లేదే ? చిన్న శ్రీనును తమలో చేర్చుకొని ఆయనకు పెద్దరి కం ఇవ్వాల్సిన అవసరం ఏమి వచ్చిందని టీడీపీ ఎమ్మెల్యేలు లోలోన గుర్రుమంటున్నారు. తమకు ఏ ఇబ్బంది లేదని, తమవైపు ఎవరూ లేకున్నా జిల్లా మొత్తాన్ని గెలిచామని గుర్తు చేస్తూ ఇప్పుడు ఆయన్ను తమ నియోజకవర్గాల్లో జోక్యం చేసుకుంటే ఎలా సహిస్తాం అని అంటున్నారు. నలభయ్యేళ్లుగా ఉన్న పార్టీ ఎన్నో సవాళ్లను ఎదుర్కొందని గుర్తు చేస్తూ ఇప్పటికిప్పుడు చిన్న శ్రీను వచ్చి తమను ఏం ఉద్ధరిస్తారని.. ఆయన రాకతో తమకు ఉన్నఫళంగా ఏం లాభం కలుగుతుందని అంటున్నారు. భోజన భేటీలో అప్పడాలు కరకర.. నాయకులు కొరకొర ప్రతి నెలా ఓ ఎమ్మెల్యే ఇంట్లో భోజనం పెట్టే పేరిట ఎమ్మెల్యేలంతా కలసి కూర్చుని మాట్లాడుకోవడం టీడీపీలో ఈ మధ్య వచ్చిన కొత్త సాంప్రదాయం. ఇందులో భాగంగా తాజాగా ఎంపీ కలిశెట్టి అప్పలనాయుడు ఇంట్లో రణస్థలంలో టీడీపీ ఎమ్మెల్యేలు.. మంత్రి కొండపల్లి శ్రీనివాస్‌ సైతం భేటీ అయ్యారు. ఈ సందర్భంగా చిన్న శ్రీను అంశం కూడా చర్చకు వచ్చినట్లు తెలిసింది. అయితే ఆయన పెద్దరికాన్ని, తమతమ నియోజకవర్గాల్లో ఆయన జోక్యాన్ని ఏమాత్రం సహించరాదని వారంతా కూడబలుక్కుని తీర్మానించినట్లు తెలిసింది. ఆయనకు ఏ చిన్న అవకాశం ఇచ్చినా తమ ఉనికికి ముప్పు కలుగుతుందని, అందుకే ఆయన్ను దూరం పెట్టాలని వారంతా మౌఖికంగా ఒక నిర్ణయానికి వచ్చినట్లు తెలిసింది. ఆయన చేరిక తమకు సుతరామూ ఇష్టం లేదని.. కానీ అధిష్టానం నిర్ణయాన్ని కాదనలేక సైలెంట్‌గా ఉన్నామని చెబుతూ ఎమ్మెల్యేల నియోజకవర్గాల్లో ఆయన జోక్యం చేసుకుంటే లేనిపోని చిక్కులు.. గ్రూపు తగదాలకు ఆస్కారం కలుగుతుందని, దానికి అవకాశం ఇవ్వొద్దని వారు ఒక నిర్ణయానికి వచ్చినట్లు తెలిసింది. ఇదీ చదవండి: డీజేలకు అనుమతి ఇచ్చేయండి అనిత గారు!

దేశంలోనే అత్యంత ప్రతిష్టాత్మకమైన టాటా గ్రూప్‌ ప్రమోటర్‌ సంస్థ అయిన ‘టాటా సన్స్‌’ బోర్డురూమ్‌లో అనూహ్య పరిణామాలు చోటుచేసుకుంటున్నాయి. ఎన్‌. చంద్రశేఖరన్‌ పదవీకాలం పొడిగింపు, స్టాక్‌ మార్కెట్‌ లిస్టింగ్‌ అంశాల చుట్టూ జరుగుతున్న వివాదం ఇప్పుడు కార్పొరేట్‌ రంగాన్ని ఉత్కంఠకు గురిచేస్తోంది.వివాదానికి దారితీసిన పరిణామాల క్రమంఫిబ్రవరి 2017 - 2022: సైరస్‌ మిస్త్రీ తొలగింపు తర్వాత చంద్రశేఖరన్‌ టాటా సన్స్‌ ఎగ్జిక్యూటివ్‌ ఛైర్మన్‌గా బాధ్యతలు చేపట్టారు. టాటా కుటుంబానికి చెందని వ్యక్తి ఈ పదవిని చేపట్టడం ఇదే తొలిసారి. 2022లో ఆయన రెండో విడత పదవీకాలం ప్రారంభమైంది.జులై 2025 – ఫిబ్రవరి 2026: సర్ దొరాబ్జీ టాటా ట్రస్ట్, సర్ రతన్ టాటా ట్రస్ట్‌లు చంద్రశేఖరన్‌కు మరొక ఐదేళ్ల కాల పరిమితి ఇవ్వడానికి మద్దతుగా తీర్మానం చేశాయి. అయితే, ఫిబ్రవరి 2026లో బోర్డు ముందుకు ఈ ప్రతిపాదన వచ్చినప్పుడు బోర్డు సభ్యుడొకరి నుంచి ఆమోదం లభించలేదు.ఆగస్టు 12, 2026: ఏకగ్రీవ మద్దతు లభించకపోవడంతో ఫిబ్రవరి 2027తో ముగిసే తన ప్రస్తుత పదవీకాలం తర్వాత ముగింపు పలకాలని, మరొక దఫా ఛైర్మన్‌గా కొనసాగకూడదని చంద్రశేఖరన్‌ నిర్ణయించుకుని ఆ విషయాన్ని బోర్డుకు లేఖ ద్వారా తెలిపారు.సెప్టెంబరు 3, 2026: టాటా సన్స్ నామినేషన్ అండ్ రెమ్యూనరేషన్ కమిటీ (ఎన్‌ఆర్‌సీ) చంద్రశేఖరన్‌ను తన నిర్ణయాన్ని పునరాలోచించుకోవాలని ఏకగ్రీవంగా అభ్యర్థించింది.సెప్టెంబరు 11, 2026: టాటా సన్స్‌ను నాన్-బ్యాంకింగ్ ఫైనాన్షియల్ కంపెనీ (ఎన్‌బీఎఫ్‌సీ) అప్పర్ లేయర్ జాబితా నుంచి మినహాయించాలని చేసిన అభ్యర్థనను ఆర్‌బీఐ నిరాకరించింది. దీనితో టాటా సన్స్‌ స్టాక్ మార్కెట్‌లో లిస్ట్ కావడం నిబంధనల ప్రకారం అనివార్యమైంది.సెప్టెంబరు 17, 2026: బోర్డు విజ్ఞప్తి మేరకు చంద్రశేఖరన్‌ను మరో ఐదేళ్ల కాలానికి ఎగ్జిక్యూటివ్‌ ఛైర్మన్‌గా నియమిస్తూ టాటా సన్స్‌ బోర్డు తీర్మానం ఆమోదించింది. అయితే, టాటా ట్రస్ట్స్ ఛైర్మన్ నోయెల్ టాటా ఈ పునర్నియామకాన్ని, అలాగే కంపెనీ ఐపీఓకి వెళ్లే అంశాన్ని తీవ్రంగా వ్యతిరేకించారు.సెప్టెంబరు 20, 2026 (తాజా పరిణామం): చంద్రశేఖరన్ పునర్నియామక తీర్మానాన్ని చట్టపరంగా సవాలు చేస్తూ టాటా ట్రస్ట్స్ ప్రకటన విడుదల చేసింది. టాటా సన్స్ ‘ఆర్టికల్స్ ఆఫ్ అసోసియేషన్’ ప్రకారం ట్రస్ట్ నామినేటెడ్ డైరెక్టర్ల మెజారిటీ మద్దతు అవసరమని, నోయెల్ టాటా వ్యతిరేకంగా ఓటు వేసినందున ఈ తీర్మానం మొదటినుంచీ చెల్లదని ట్రస్ట్ పేర్కొంది. టాటా గ్రూప్‌లోని 66% వాటా ఉన్న టాటా ట్రస్ట్స్, బోర్డు నిర్ణయాల మధ్య ఘర్షణ వాతావరణం నెలకొనడంతో ఈ నాయకత్వ వివాదం ఏ మలుపు తిరుగుతుందోనని భారత కార్పొరేట్ వర్గాలు ఆసక్తిగా గమనిస్తున్నాయి.ఇదీ చదవండి: తండ్రి ఆస్తిలో వాటా ఎవరికి? కూతురికా? కొడుక్కా?

పదవి పోయినా జీవనశైలి మారలేదు. హోదా ఎంత పెద్దదైనా.. ప్రజలకు మాత్రం దూరం కాలేదు. రాజకీయాల్లో ఒకప్పుడు అత్యున్నత పదవిలో ఉన్న నేత.. ఇప్పుడు కూడా నిత్యం సామాన్యుల మధ్యే కనిపిస్తున్నారు. మన దగ్గర మాజీ ఎమ్మెల్యే గుమ్మడి నర్సయ్య సింప్లిసిటీకి, ప్రజాసేవకు ఎలా కేరాఫ్‌గా నిలిచారో.. జపాన్‌లో 69 ఏళ్ల మాజీ ప్రధాని యోషిహికో నోడా కూడా అదే తరహాలో ఆసక్తి రేపుతున్నారు.జపాన్‌ మాజీ ప్రధాని యోషిహికో నోడా(Yoshihiko Noda).. ఒకప్పుడు దేశాన్ని నడిపించిన నేత. ఇప్పుడు నిత్యం ఉదయాన్నే రైల్వే స్టేషన్‌కు వెళ్లి ప్రయాణికులకు కరపత్రాలు పంచుతున్నారు. తాజాగా చిబా ప్రిఫెక్చర్‌లోని మినామి-ఫునాబాషి స్టేషన్‌ వద్ద ఆయన అలా కనిపించిన దృశ్యాలు సోషల్‌ మీడియాలో వైరల్‌గా మారాయి. కొందరు ఆయన్ని గుర్తించి పలకరించగా.. మరికొందరు బిజీగా ఉండటంతో కరపత్రాలు తీసుకోకుండానే వెళ్లిపోయారు. అయినా నోడా మాత్రం తన పని తాను చేసుకుంటూ ముందుకు సాగారు. ఆయన తీరే అంత!ఇది నోడాకు కొత్త వ్యవహారం కాదు. గత నలభై ఏళ్లుగా ఆయన ఈ పని చేస్తూ వస్తున్నారు. మధ్యలో ఆయన రాజకీయ జీవితం ఎన్నో మలుపులు తిరిగింది. చిబా ప్రిఫెక్చర్‌ అసెంబ్లీ నుంచి జపాన్‌ పార్లమెంట్‌ వరకు ఎదిగారు. ఆ తర్వాత ఆర్థిక మంత్రిగా పనిచేశారు. 2011లో జపాన్‌ ప్రధానమంత్రి అయ్యారు. 2012లో ప్రధాని పదవి నుంచి తప్పుకున్నా.. స్టేషన్‌ వద్ద ప్రజలను కలుసుకునే అలవాటును మాత్రం వదులుకోలేదు.Japan ex-PM Noda hands out flyers pic.twitter.com/CWnEuDoZpK— RT (@RT_com) September 18, 2026ఇప్పుడు ఆయన పంచే కరపత్రాల్లో స్థానిక సమస్యలు, విపత్తు బీమా, పిల్లల సంరక్షణ, ప్రిఫెక్చర్‌ సంస్కరణలు వంటి అంశాలు ఉంటున్నాయి. అంటే.. పదవిలో ఉన్నా, లేకపోయినా ప్రజలతో నేరుగా మాట్లాడటానికే ఆయన ప్రాధాన్యం ఇస్తున్నారు.హోదా మారినా.. రొటీన్‌ మారలేదు1986 అక్టోబర్‌ 1న జేఆర్‌ సుడానుమా స్టేషన్‌ వద్ద కరపత్రాలు పంచడం మొదలుపెట్టారు. అప్పటి నుంచి దాదాపు నాలుగు దశాబ్దాలుగా ఈ రొటీన్‌ను కొనసాగిస్తున్నారు. ఒక దేశానికి ప్రధానమంత్రిగా పనిచేసిన వ్యక్తి.. ఏళ్ల తర్వాత కూడా ఉదయాన్నే రైల్వే స్టేషన్‌లో నిలబడి ప్రయాణికులకు కరపత్రాలు పంచడం ఆసక్తి కలిగిస్తోంది. పెద్ద కార్యక్రమాలు, భారీ హంగామా లేకుండా సాధారణంగా ప్రజలను కలవడం నోడా రాజకీయ జీవితంలో భాగంగా మారిపోయింది.మన దగ్గర గుమ్మడి నర్సయ్య కూడా ఇలాంటి సాదాసీదా జీవనశైలితోనే ప్రత్యేక గుర్తింపు తెచ్చుకున్నారు. ఇల్లెందు నుంచి ఐదుసార్లు ఎమ్మెల్యేగా పనిచేసిన ఆయన.. హంగూ ఆర్భాటాలకు దూరంగా ఉండేవారు. బస్సులు, రైళ్లలో ప్రయాణించడం, సాధారణంగా ప్రజల మధ్య కనిపించడం ఆయన జీవనశైలిలో భాగంగా ఉండేది. అందుకే పదవి తర్వాత కూడా సాధారణ జీవనశైలిని కొనసాగిస్తూ ప్రజలకు అందుబాటులో ఉండటం.. ఈ ఇద్దరి మధ్య పోలికకు కారణమైంది.ప్రధాని పదవి దేశ రాజకీయాల్లో అత్యున్నత హోదా. అయినా ఆ పదవి నుంచి దిగిపోయిన తర్వాత కూడా ప్రజలను కలిసే విధానం మారలేదు. అలాగని ఆయన ఏదో వైరల్‌ కావడం కోసమో ఈ పని చేయడం లేదు. స్వచ్చందంగా కొందరు నెటిజన్లు ఆయన గురించి పోస్టులు చేస్తుంటారు. హోదా ఎంత పెద్దదైనా.. ప్రజల్లోకి వెళ్లడానికి పెద్ద కాన్వాయ్‌, హంగామా అవసరం లేదని నోడా రొటీన్‌ గుర్తుచేస్తోంది. ఈ సింప్లిసిటీ ఈ జనరేషన్‌ నేతల్లో ఉంటేనా.. సోషల్‌ మీడియా పోస్టులు, ఫొటోషూట్లకే పరిమితం కాకుండా.. ఇలా నేరుగా ప్రజల మధ్య కనిపించే రాజకీయాలు ఇంకెన్ని కనిపించేవో!.ఇదీ చదవండి: సినీ ఫక్కీలో బస్సును హైజాక్‌ చేసి..

టీమిండియా టీ20 ఓపెనింగ్‌ జోడీ అభిషేక్‌ శర్మ- వైభవ్‌ సూర్యవంశీ ఆట తీరుపై భారత మాజీ ఆల్‌రౌండర్‌ సందీప్‌ పాటిల్‌ ప్రశంసలు కురిపించాడు. వీరిద్దరు ప్రమాదకర బ్యాటర్లు అని.. స్వదేశంలో విధ్వంసకర ఆట తీరుతో విరుచుకుపడుతున్నారని కొనియాడాడు.విదేశీ గడ్డ మీద మాత్రంఅయితే, అదే సమయంలో విదేశీ గడ్డ మీద మాత్రం అభిషేక్‌- వైభవ్‌ తేలిపోతున్నారని సందీప్‌ పాటిల్‌ ఆందోళన వ్యక్తం చేశాడు. కాగా ఇటీవల ఇంగ్లండ్‌ పర్యటనలో భాగంగా అభిషేక్‌ శర్మ ఐదు మ్యాచ్‌లు ఆడి కేవలం 131 పరుగులే చేశాడు.మరోవైపు.. సంజూ శాంసన్‌ స్థానంలో తుదిస్థానంలో చోటు దక్కించుకున్న వైభవ్‌ సూర్యవంశీ.. ఇంగ్లండ్‌ గడ్డ మీదే అంతర్జాతీయ క్రికెట్‌లో అరంగేట్రం చేసిన సంగతి తెలిసిందే. అయితే, ఆడిన మూడు మ్యాచ్‌లలోనూ ఈ లెఫ్టాండర్‌ బ్యాటర్‌ 42 పరుగులే చేయగలిగాడు.ఇక్కడ సింహాలు.. అక్కడ పిల్లులు!ఈ నేపథ్యంలో మాజీ ఆల్‌రౌండర్‌ సందీప్‌ పాటిల్‌ స్పోర్ట్స్‌నెక్ట్స్‌తో మాట్లాడుతూ.. ఈ ఇద్దరు లెఫ్టాండర్‌ బ్యాటర్ల ఆట గురించి ఆసక్తికర వ్యాఖ్యలు చేశాడు. ‘‘అభిషేక్‌ శర్మ- వైభవ్‌ సూర్యవంశీ బ్యాటింగ్‌ గురించి నేను ఓ విషయం గమనించాను. ఇండియాకు వెలుపల.. విదేశీ గడ్డపై బాల్‌ స్వింగ్‌ అవుతున్న వేళ.. ఇద్దరూ బ్యాటింగ్‌ చేసేందుకు ఇబ్బందిపడుతున్నారు. ఈ ఇద్దరు యువ ఆటగాళ్లు ఈ సమస్యను అధిగమించే దిశగా ప్రయత్నాలు చేయాలి. లేదంటే.. స్వదేశంలో సింహాలు.. విదేశాల్లో పిల్లుల మాదిరిగా మారిపోతారు. ఇది జరగకూడదు’’ అని సందీప్‌ పాటిల్‌ పేర్కొన్నాడు.జింబాబ్వే గడ్డ మీద ఇరగదీసిన వైభవ్‌ఇంగ్లండ్‌ పర్యటన తర్వాత భారత టీ20 జట్టు జింబాబ్వే టూర్‌కు వెళ్లిన సంగతి తెలిసిందే. అక్కడ వైభవ్‌ సూర్యవంశీ.. మూడు టీ20లలో వరుసగా 19 బంతుల్లోనే 50, 9 బంతుల్లోనే 20, 49 బంతుల్లోనే 81 పరుగులతో దుమ్ములేపాడు.ఫలితంగా ఈ సిరీస్‌లో టీమిండియా జింబాబ్వేను 3-0తో క్లీన్‌స్వీప్‌ చేయగా.. వైభవ్‌ ‘ప్లేయర్‌ ఆఫ్‌ ది సిరీస్‌’గా నిలిచాడు. అయితే, స్వదేశంలో ఇటీవల అఫ్గానిస్తాన్‌తో టీ20 సిరీస్‌లో మాత్రం అతడు బెంచ్‌కే పరిమితమయ్యాడు. ఓపెనర్‌గా సంజూ శాంసన్‌ తిరిగి రావడంతో వాటర్‌ బాయ్‌గా సేవలు అందించాడు.అభిషేక్‌ 30 బంతుల్లోనేమరోవైపు.. అఫ్గాన్‌తో సిరీస్‌లో అభిషేక్‌ శర్మ ఆకాశమే హద్దుగా చెలరేగాడు. ముఖ్యంగా మూడో టీ20లో కేవలం 30 బంతుల్లోనే శతక్కొట్టి.. టీ20లలో ఫాస్టెస్ట్‌ సెంచరీ సాధించిన టీమిండియా బ్యాటర్‌గా చరిత్రకెక్కాడు. ఈ నేపథ్యంలో సందీప్‌ పాటిల్‌ అభిషేక్‌పై ప్రశంసలు కురిపిస్తూనే.. ఇదే ఆట తీరు విదేశాల్లోనూ కొనసాగించాలని ఆకాంక్షించాడు.చదవండి: భారత జట్టు హెడ్‌కోచ్‌గా లక్ష్మీపతి బాలాజీ!

వాంకోవర్‌: కెనడాలో వైమానిక శిక్షణ పొందుతున్న సమయంలో చోటుచేసుకున్న ప్రమాదంలో ఇద్దరు భారత విద్యార్థులు మరణించారు. మృతులను తమిళనాడుకు చెందిన మనోజ్ శివకుమార్, పుదుచ్చేరికి చెందిన శ్రీశరణ్ తిరుజ్ఞానసంబందంగా అధికారులు గుర్తించారు. ఈ దుర్ఘటనపై వాంకోవర్‌లోని భారత కాన్సులేట్ జనరల్ తీవ్ర దిగ్భ్రాంతి వ్యక్తం చేస్తూ, మృతుల కుటుంబ సభ్యులకు ప్రగాఢ సానుభూతి తెలిపింది. ఈ క్లిష్ట సమయంలో బాధితుల కుటుంబాలకు అన్ని విధాలా అండగా ఉంటామని, విద్యార్థుల మృతదేహాలను స్వదేశానికి తరలించేందుకు అవసరమైన సహాయాన్ని అందిస్తామని పేర్కొంది. The Consulate General of India, Vancouver, expresses its deepest condolences on the tragic demise of Shri Manoj Sivakumar and Shri Srisaran Thirugnanasambantham, two Indian students from Tamil Nadu and Puducherry, who lost their lives in a tragic air accident in Canada during…— India in Vancouver (@cgivancouver) September 20, 2026

తిరుపతి: మండలంలోని పొయ్యకొత్తూరుకు చెందిన టీడీపీ యువ నాయకుడు సురేష్‌ వేధింపులు ఎక్కువయ్యాయి. పట్టణంలోని సాలిపేటకు చెందిన ఓ యువతి వద్ద అతను ఏడాది క్రితం కుక్కపిల్లను కొనుగోలు చేసినట్లు సమాచారం. ఆ సమయంలో ఫోన్‌పే ద్వారా డబ్బులు పంపేందుకు యువతి సెల్‌ఫోన్‌ నంబర్‌ తీసుకున్నాడని, ఆ తర్వాత నుంచి ఫోన్‌ చేస్తూ వేధిస్తున్నాడని ఆమె ఆరోపించింది. ఈ విషయాన్ని ఆమె బీవైసీ పార్టీ రాష్ట్ర మహిళా కో కనీ్వనర్‌ హిమబిందు దృష్టికి తీసుకెళ్లింది. ఆమె ఇచ్చిన ఫిర్యాదు మేరకు సురేష్‌పై శ్రీకాళహస్తి టూటౌన్‌ పోలీసులు కేసు నమోదు చేశారు. అయితే కేసు నమోదైనప్పటికీ బెదిరింపులు ఆగలేదని, మహిళకు జరిగిన అన్యాయంపై సామాజిక బాధ్యతతో అండగా నిలిచినందుకు తనపై కూడా దాడి చేసి చంపేస్తామని బెదిరిస్తున్నాడని హిమబిందు ఆరోపించారు. ఇంటికి వెళ్లి ఫిర్యాదు చేసినా..! ఈ నేపథ్యంలో గత గురువారం హిమబిందుతో కలిసి మహిళలు పొయ్యకొత్తూరులోని సురేష్‌ ఇంటికి వెళ్లారు. అతని వేధింపులపై కుటుంబ సభ్యులకు ఫిర్యాదు చేశారు. విషయం తెలుసుకున్న సురేష్‌ హిమబిందు ఇంటికి వెళ్లి విధ్వంసానికి పాల్పడ్డాడు. పొయ్యకొత్తూరు నుంచి వస్తున్న ఇద్దరు మహిళలను అడ్డుకుని వారిపై దాడికి యత్నించాడు. దీంతో బాధితులు పోలీసులను ఆశ్రయించారు. పోలీస్‌ స్టేషన్‌కు వచ్చిన సురేష్‌ తాను టీడీపీ నాయకుడినని, ఎమ్మెల్యే తనకు తెలుసంటూ హంగామా చేశాడని, ‘మీ అంతు చూస్తానంటూ’ పోలీసులను సైతం బెదిరించినట్లు బాధితులు ఆరోపించారు. కొందరు టీడీపీ నాయకులు పోలీస్‌ స్టేషన్‌కు వచ్చి సురేష్‌కు మద్దతుగా మాట్లాడినట్లు సమాచారం. మహిళలు రాజీకి అంగీకరించకపోవడంతో పోలీసులు కేసు నమోదు చేసినట్లు తెలిసింది. ఆగని బెదిరింపులు ఇప్పటికే కేసు నమోదైనా బెదిరింపులు ఆగలేదని హిమబిందు ఆరోపించారు. ఓ మహిళకు అండగా నిలిచినందుకు తనపై దాడి చేసి చంపేస్తామని బెదిరిస్తున్నాడని ఆమె ఆవేదన వ్యక్తం చేశారు. శనివారం సాయంత్రం పోలీసులకు ఫిర్యాదు చేసి కేసు నమోదు చేయగా.. మరుసటి రోజు అయిన ఆదివారం ఉదయానికే సురేష్‌ తన ఇంటి వద్దకు వచ్చి అక్కడ నిలిపి ఉంచిన ద్విచక్ర వాహనం అద్దాలు, లైట్లు ధ్వంసం చేసి ఇబ్బందులకు గురిచేశాడని హిమబిందు ఆరోపించారు. అండగా నిలిస్తే చంపేస్తారా? ఈ ఘటనపై హిమబిందు సోషల్‌ మీడియా వేదికగా ఆదివారం తన ఆవేదనను వ్యక్తం చేశారు. ‘సామాజిక బాధ్యతతో ఓ మహిళకు అండగా నిలిస్తే చంపేస్తామని బెదిరిస్తారా?’ అంటూ ప్రశ్నించారు. ఎమ్మెల్యే పేరును ప్రస్తావిస్తూ.. టీడీపీ యువ నాయకులు మహిళలకు చేస్తున్న అన్యాయాలు, తన∙పేరుతో జరుగుతున్న దౌర్జన్యాలు ఆయనకు తెలియవా?.. లేక వారికి నిజంగానే ఎమ్మెల్యేయ అండదండలు ఉన్నాయా? అనే అనుమానాలు కలుగుతున్నాయన్నారు. మహిళలను కాపాడాలని, తనకు జరిగిన పరిణామాలపై కూడా స్పందించి న్యాయం చేయాలని హిమబిందు కోరారు. హిమబిందు సోషల్‌ మీడియాలో చేసిన పోస్టుపై పోలీసులు స్పందించినట్లు సమాచారం. సురేష్‌ పై నాన్‌ బెయిలబుల్‌ సెక్షన్ల కింద కేసు నమోదు చేశారు. ఆదివారం రాత్రి అరెస్ట్‌ చేసి, న్యాయమూర్తి ఎదుట హాజరుపరిచి 13 రోజుల రిమాండ్‌కు తరలించారు.యువతిని వేధిస్తున్న టీడీపీ యువ నాయకుడు

సాక్షి, విజయవాడ: డీఎస్సీ స్పోర్ట్స్‌ కోటా నియామకాలపై సీబీఐ విచారణ జరపాలంటూ విజయవాడలో వైఎస్సార్‌సీపీ నిరసన చేపట్టంది. శాప్‌ కార్యాలయం వద్ద ఆందోళనకు వైఎస్సార్‌సీపీ నేతలు సిద్ధం కాగా.. పోలీసులు భారీగా మోహరించి అడ్డుకున్నారు. ఇదే సమయంలో శాప్‌ కార్యాలయం వద్ద టీడీపీ నేతలు, కార్యకర్తలు వైఎస్సార్‌సీపీ నేతలను రెచ్చగొట్టే ప్రయత్నం చేసి.. భౌతిక దాడులకు పాల్పడారు.టీచర్ల ముసుగులో టీడీపీ అనుబంధ టీఎన్‌ఎస్‌ఎఫ్‌ నేతలు, టీడీపీ కార్యకర్తలు శాప్‌ ఆఫీసు వద్దకు వచ్చారు. అనంతరం, వైఎస్సార్‌సీపీ కార్యకర్తలపై దాడులు చేశారు.వైఎస్సార్‌సీపీ కార్యకర్తలను రక్తం వచ్చేలా టీడీపీ గూండాలు దాడులు చేశారు. విద్యార్థి విభాగం నేతలను కర్రలతో కొట్టారు. పోలీసుల ముసుగులో లాఠీలతో దాడులకు తెగబడ్డారు. కాగా, టీడీపీ గూండాలతో పోలీసులు కుమ్మక్కవడం గమనార్హం. విచక్షణారహితంగా దాడులకు పాల్పడ్డారు. ఇంత జరుగుతున్నా పోలీసులు విడ్డూరం చూస్తూ నిల్చున్నారు. బారికేడ్లు పెట్టి వైఎస్సార్‌సీపీ నేతలను అడ్డుకుంటున్నారు.మరోవైపు.. శాప్‌ కార్యాలయానికి ఎమ్మెల్సీ రమేష్‌ యాదవ్‌తో పాటు పలువురు వైఎస్సార్‌సీపీ నేతలు చేరుకున్నారు. డీఎస్సీ స్పోర్ట్స్‌ కోటా నియామకాల్లో అక్రమాలపై సీబీఐ విచారణ జరపాలని నినాదాలు చేశారు. ఈ క్రమంలో పోలీసులు.. వైఎస్సార్‌సీపీ శాంతియుత నిరసనలను అడ్డుకునే ప్రయత్నం చేశారు.ఇదీ చదవండి: వైఎస్సార్‌సీపీకి మాత్రమే ఎందుకు? టీడీపీ, జనసేనకు వర్తించదా?

సినిమా రంగంలో ఎలాంటి నేపథ్యం లేకుండా అడుగుపెట్టి.. స్వయంకృషితో ఒక్కో మెట్టు ఎక్కుతూ స్టార్‌ హీరోయిన్‌గా ఎదగడం అంత సులభం కాదు. కొందరికి తొలి సినిమాతోనే గుర్తింపు వస్తే.. మరికొందరు ఎన్నో కష్టాలు, ఎదురుదెబ్బలు దాటిన తర్వాత తమకంటూ ప్రత్యేక స్థానాన్ని సంపాదించుకుంటారు. అలాంటి వారిలో అస్సామీ బ్యూటీ కయాదు లోహర్‌ ఒకరు. మోడలింగ్‌ నుంచి సినిమాల్లోకి అడుగుపెట్టిన ఈ భామ.. ప్రస్తుతం వరుస అవకాశాలతో సౌత్‌లో బిజీ హీరోయిన్‌గా మారింది. (ఇదీ చదవండి: కృష్ణుడు ఎలిమినేట్‌.. ‘నీలో మా నాన్న కళ్లు చూసుకున్నా అన్నా..’)ప్రస్తుతం నేచురల్‌ స్టార్‌ నాని హీరోగా తెరకెక్కుతున్న పాన్‌ ఇండియా మూవీ ‘ది ప్యారడైజ్‌’లో సుబ్బలక్ష్మి పాత్రలో కనిపించేందుకు సిద్ధమవుతోంది. ఈ నేపథ్యంలో తాజాగా ఓ ఇంటర్వ్యూలో పాల్గొన్న కయాదు.. హీరోయిన్‌గా మారకముందు తాను ఎదుర్కొన్న కష్టాలను గుర్తుచేసుకుంది. తన కుటుంబ పరిస్థితులు, చేసిన ఉద్యోగాల గురించి మాట్లాడుతూ ఆసక్తికర విషయాలను పంచుకుంది.టీలు అందించే స్థాయి నుంచి..కయాదు మాట్లాడుతూ.. తాను పుణెలో పుట్టి పెరిగినట్లు తెలిపింది. చిన్నప్పటి నుంచి చదువుపై పెద్దగా ఆసక్తి ఉండేది కాదని.. అయితే నాటకాలు, స్టేజ్‌ పెర్ఫార్మెన్స్‌లు, డ్యాన్స్‌ అంటే ఎంతో ఇష్టమని చెప్పింది. తమది సాధారణ మధ్యతరగతి కుటుంబం కావడంతో చిన్న వయసులోనే కుటుంబానికి అండగా నిలవాలని నిర్ణయించుకున్నట్లు వెల్లడించింది. ఈ క్రమంలోనే ఒకానొక సమయంలో కాఫీ షాపులో టీలు అందించే పని కూడా చేశానని కయాదు గుర్తుచేసుకుంది. ఆ తర్వాత బట్టల దుకాణంలో సేల్స్‌ గర్ల్‌గా పనిచేశానని తెలిపింది. ఆర్థిక ఇబ్బందుల కారణంగా ఎలాంటి పని చేయడానికి కూడా వెనుకాడలేదని ఆమె చెప్పుకొచ్చింది.కన్నీళ్లతో బయటకు..కయాదు జీవితంలో ఐటీ ఉద్యోగం కూడా ఓ భాగమేనట. కొంతకాలం ఐటీ కంపెనీలో పనిచేసిన ఆమె.. అక్కడి పని ఒత్తిడి తనకు ఏమాత్రం సరిపోలేదని చెప్పింది. తన ఆలోచనలు, తనకు నచ్చిన జీవితం ఆ ఉద్యోగంతో ముడిపడటం లేదని భావించినట్లు తెలిపింది. ఓ దశలో ఆఫీసులోనే తీవ్ర ఒత్తిడికి గురై కన్నీళ్లు పెట్టుకున్నానని.. ఆ తర్వాత ఆ ఉద్యోగాన్ని వదిలేసి తనకు ఇష్టమైన కళారంగం వైపు అడుగులు వేసినట్లు వెల్లడించింది. మోడలింగ్‌తో తన ప్రయాణాన్ని మొదలుపెట్టి.. ఒక్కో అవకాశాన్ని అందిపుచ్చుకుంటూ సినిమాల్లోకి వచ్చింది కయాదు. సాధారణ కుటుంబం నుంచి వచ్చిన ఆమె.. చిన్న ఉద్యోగాలు చేస్తూ మొదలుపెట్టి ఇప్పుడు పాన్‌ ఇండియా సినిమాలో స్టార్‌ హీరో సరసన హీరోయిన్‌గా నటించే స్థాయికి చేరుకోవడం విశేషం.సినిమాల విషయానికి వస్తే..టాలీవుడ్‌లో శ్రీవిష్ణు సరసన ‘అల్లూరి’ (2022) సినిమాతో కయాదు లోహర్‌ హీరోయిన్‌గా పరిచయమైంది. ఈ చిత్రంలో ఆమె నటనకు మంచి స్పందన వచ్చినప్పటికీ.. సినిమా ఆశించిన స్థాయిలో విజయం సాధించకపోవడంతో తెలుగులో వెంటనే వరుస అవకాశాలు రాలేదు. తర్వాత ప్రదీప్‌ రంగనాథన్‌ సరసన నటించిన తమిళ చిత్రం ‘డ్రాగన్‌’ (2025) ఆమె కెరీర్‌ను ఒక్కసారిగా మలుపు తిప్పింది. ఈ సినిమా విజయంతో కయాదుకు వరుస అవకాశాలు రావడం మొదలైంది. ఆ తర్వాత ‘ఫంకీ’, ‘పళ్ళి చట్టంబి’ వంటి చిత్రాల్లోనూ నటించి తన పరిధిని పెంచుకుంది. ప్రస్తుతం నేచురల్‌ స్టార్‌ నాని హీరోగా శ్రీకాంత్‌ ఓదెల దర్శకత్వంలో తెరకెక్కుతున్న ‘ది ప్యారడైజ్‌’లో సుబ్బలక్ష్మి పాత్రలో కనిపించనుంది. (ఇదీ చదవండి: విడాకులపై కాజల్‌ ఆసక్తికరమైన కామెంట్స్‌)

దేశంలో బంగారం ధరలు పసిడి ప్రియులకు ఊరట కలిగించాయి. గత కొన్ని రోజులుగా హెచ్చుతగ్గులకు లోనవుతున్న పసిడి ధరలు మూడు రోజుల తర్వాత నేడు స్వల్ప తగ్గుదలను నమోదు చేశాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. ఇక వెండి ధరలు మాత్రం మిశ్రమ కదలికలను నమోదు చేశాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

సాక్షి, విజయవాడ: డీఎస్సీ నియామకాల్లో అక్రమాలపై సీబీఐ విచారణ చేపట్టాలని డిమాండ్‌ చేస్తూ వైఎస్సార్‌సీపీ చేపట్టిన ఆందోళనతో నగరంలో టెన్షన్‌ నెలకొంది. వైఎస్‌ జగన్‌ మోహన్‌రెడ్డి ఆదేశాలతో శాప్‌ కార్యాలయం ముందు ఇవాళ నిరసనలకు ఆ పార్టీ ప్రయత్నిస్తుండగా.. అనుమతి లేదని పోలీసులు అడ్డుకుంటున్నారు. దీంతో అక్కడ అడ్డగింతలు, అరెస్టులు, అక్రమ నిర్బంధాల పరంపర కొనసాగుతోంది.డీఎస్సీ ఎంపిక ప్రక్రియలో, ముఖ్యంగా స్పోర్ట్స్‌ కోటాలో అక్రమాలు జరిగాయంటూ వైఎస్సార్‌సీపీ మొదటి నుంచి చెబుతోంది. కూటమి ప్రభుత్వం చేసిన ఈ భారీ స్కామ్‌లో.. శాప్‌ కూడా భాగమైందని అంటోంది. అర్హులైన అభ్యర్థులకు న్యాయం చేయాలని, విద్యాశాఖ మంత్రి నారా లోకేశ్‌ రాజీనామా చేయాలని, ఈ వ్యవహారంపై సీబీఐతో సమగ్ర విచారణ జరిపించాలని డిమాండ్‌ చేస్తోంది. ఈ క్రమంలో గత కొంతకాలంగా ఒక కార్యచరణతో పోరాటం చేస్తున్న ఆ పార్టీ.. ఇవాళ అభ్యర్థులతో శాప్‌ కార్యాలయం వద్ద ఇవాళ నిరసనకు సిద్ధమైంది. అయితే నగరంలో ఇప్పటికే బీఎన్‌ఎస్‌ఎస్‌ 163, పోలీస్‌ యాక్ట్‌ 30 అమల్లో ఉన్నాయని, వినాయక నిమజ్జనాలు, ఊరేగింపులు, ట్రాఫిక్‌ సమస్యలు, పోలీసు సిబ్బంది కొరత కారణంగా ర్యాలీలు, ధర్నాలకు అనుమతి ఇవ్వలేదని పోలీసు ఉన్నతాధికారులు తెలిపారు. మరోవైపు నిరసనకు అనుమతి లేదని పోలీసులు ముందే ప్రకటించడంతో నగరంలో భారీ బందోబస్తు ఏర్పాటు చేశారు. శాప్‌కు మూడు వైపులా భారీ పోలీస్‌ బందోబస్తు కనిపిస్తోంది. కీలక కూడళ్ల వద్ద పోలీసులను మోహరించడంతోపాటు విజయవాడకు వచ్చే మార్గాలపై నిఘా పెట్టారు. గుంటూరు వైపు నుంచి తాడేపల్లి మీదుగా విజయవాడ వచ్చే మార్గంలోనూ పికెట్లు ఏర్పాటు చేశారు. అనుమతి లేకుండా ర్యాలీ, ధర్నా నిర్వహిస్తే కేసులు నమోదు చేసి చర్యలు తీసుకుంటామని పోలీసులు హెచ్చరించారు. పేర్ని నాని, దేవినేని అవినాష్‌ సహా పలువురు నేతలకు నోటీసులు కూడా జారీ చేశారు.ఈ నేపథ్యంలో మాజీ ఎమ్మెల్యేలు వెల్లంపల్లి శ్రీనివాస్‌, మల్లాది విష్ణులు పోలీసుల తీరుపై ప్రశ్నలు సంధించారు. డీఎస్సీ రిక్రూట్‌మెంట్‌పై వైఎస్‌ జగన్‌ అడిగిన ప్రశ్నలకు ఒక్కదానికైనా.. కూటమిలో ఒక్కరైనా సమాధానం చెప్పారా? అని నిలదీశారు. అలాగే ఇటీవల జరిగిన కూటమి పార్టీల కార్యక్రమాలను గుర్తు చేశారు. ‘‘మొన్నీమధ్యే బీజేపీ ర్యాలీ జరిగింది కదా. మరి దానికి ఎలా? ఎందుకు? అనుమతిచ్చారు. శాప్‌ కార్యాలయం ముందు టెంట్లు వేసుకుని కూర్చునే కార్యక్రమాలకు ఈ మధ్యకాలంలో అనుమతులు ఇవ్వలేదా?. పోలీస్‌ యాక్ట్‌ వైఎస్సార్‌సీపీకి మాత్రమేనా? జనసేన, బీజేపీ నేతలకు వర్తించదా? ఇదెక్కడి న్యాయం?? అని నిలదీశారు. ఈ క్రమంలో.. శాప్‌ కార్యాలయం వైపు వెళ్లే ప్రయత్నం చేసిన మల్లాది విష్ణును పోలీసులు అరెస్ట్‌ చేసినట్లు సమాచారం.డీఎస్సీ అక్రమాలపై వైఎస్సార్‌సీపీ ఆందోళన ఒకవైపు.. పోలీసుల అనుమతి నిరాకరణ, ఆ పార్టీ నేతల ప్రశ్నలు మరోవైపు విజయవాడలో రాజకీయ వేడిని పెంచాయి. పోలీసులు హెచ్చరించినా.. తమ ఉద్యమం ఆగదని వైఎస్సార్‌సీపీ నేతలు స్పష్టం చేస్తున్నారు.ఇదీ చదవండి: బాబు ట్రాప్‌లో పవన్‌.. జనసేనలో కొత్త టెన్షన్‌

ప్రస్తుతం కాలంలో విడాకులు పెరిగిపోవడంపై హీరోయిన్‌ కాజల్‌ ఆసక్తికరమైన వ్యాఖ్యలు చేశారు. అసహనంతో కూడిన మనుషులు, మితిమీరిన సోషల్‌మీడియా వాడకం దీనికి ప్రధాన కారణమన్నారు. ‘ఒకరితో ఒకరు మాట్లాడుకోకుండా ఫొన్లకే పరిమితమవుతున్నారు. అర్థవంతమైన మాటాలు, సమయం కేటాయించుకోవడం తగ్గిపోవడం వల్లే రిలేషన్‌ షిప్‌లో దూరాలు పెరుతున్నాయన్నారు.‘నేను, నా భర్త ఖాళీగా ఉండే సమయాన్ని చాలా గౌరవిస్తాం. ప్రతివారం ఎక్కడకైనా డిన్నిర్‌కి వెళ్తాం. సరదాగా ఎక్కువ టైం మాట్లాడుకుంటాం’ అని కాజల్‌ తెలిపారు. సోషల్‌ మీడియాతో టైంపాస్‌ చేయకుండా భాగస్వామితో సమయం కేటాయిస్తే బాండిగ్‌ స్ట్రాంగ్‌ అవుతుందని సూచించారు.కాజల్‌ అగర్వాల్‌ విషయానికి వస్తే...చిత్రసీమలో తనకంటూ గుర్తింపు తెచ్చుకున్న కాజల్‌ 2020 అక్టోబర్‌ 30న వ్యాపారవేత్త గౌతమ్‌ కిచ్లును వివాహం చేసుకున్నారు. వీరికి నీల్‌ కిచ్లూ అనే కుమారుడు ఉన్నాడు. సినిమాల విషయానికి వస్తే ‘ది ఇండియా స్టోరీ’తో ఇటీవలే ప్రేక్షకుల ముందుకు వచ్చారు.ఇదీ చదవండి: బతికుండగానే చంపేశారు.. నటి భావోద్వేగం..

ఏషియన్‌ గేమ్స్‌లో భారత మిక్స్‌డ్‌ మార్షల్‌ ఆర్ట్స్‌ (ఎంఎంఏ) అథ్లెట్‌ సుచికా తరియాల్‌ చరిత్ర సృష్టించింది. మహిళల సంప్రదాయ 60 కేజీల విభాగంలో కాంస్య పతకం సాధించి, ఏషియన్‌ గేమ్స్‌ ఎంఎంఏలో భారత్‌కు తొలి పతకాన్ని అందించింది.సెమీఫైనల్లో ఓటమిసుచికా తరియాల్‌ సెమీఫైనల్లో సింగపూర్‌కు చెందిన హుయ్‌ హూన్‌ టియో చేతిలో 0-2తో ఓటమి పాలైనప్పటికీ.. భారత్‌కు ఈ క్రీడలో తొలి పతకాన్ని అందించి చరిత్రలో నిలిచింది.ఆదివారం జరిగిన క్వార్టర్‌ఫైనల్‌లో సుచికా.. మంగోలియాకు చెందిన ఆల్టాన్‌చిమెగ్‌ బైగల్‌మాను ఓడించి సెమీఫైనల్‌కు చేరుకుంది. ఈ విజయంతోనే భారత్‌కు ఏషియన్‌ గేమ్స్‌ ఎంఎంఏలో తొలి పతకం ఖాయమైంది.ఇదీ చదవండి: ఏషియన్‌ గేమ్స్‌లో భారత్‌కు మూడో పతకం

తెలంగాణ: ప్రమాదవశాత్తు నీటి గుంతలో పడి అక్కాచెల్లెళ్లు మృతి చెందారు. ములుగు జిల్లా కాసిందేవిపేట గ్రామంలో ఆదివారం ఈ సంఘటన జరిగింది. గ్రామస్తుల కథనం ప్రకారం.. ములుగు మండలం కాసిందేవిపేట గ్రామానికి చెందిన మహ్మద్‌ అంజాద్‌పాషా తన కుటుంబ సభ్యులతో కలిసి పత్తి చేనుకు పురుగు మందు కొట్టేందుకు వెళ్లాడు.కాగా, తల్లిదండ్రులు పత్తి చేనుకు పురుగు మందు కొడుతున్న సమయంలో పిల్లలు సమ్యాన్‌ (19), ఆసియా (10) పక్కన ఉన్న పంట పొలంలో నీటి గుంత వద్దకు కాళ్లు కడుక్కునేందుకు వెళ్లారు. ఈ క్రమంలో ఆసియా కాళ్లు కడుక్కుంటూ ప్రమాదవశాత్తు నీటి గుంతలో మునిగిపోతుండగా.. చెల్లిని కాపాడేందుకు అక్క సమ్యాన్‌ నీటి గుంతలోకి దిగింది.కాగా, పిల్లలు కనిపించకపోవడంతో తల్లిదండ్రులు ఆందోళన చెందారు. అనుమానంతో పక్కనే ఉన్న నీటి గుంత వద్దకు వెళ్లి చూడగా మునిగిపోతూ కనిపించారు. వెంటనే నీటిగుంతలోకి దిగి పిల్లలను ఒడ్డుకు తీసి కాపాడేందుకు ప్రయత్నించినా ఫలితం లేకుండా పోయింది. ఒకే కుటుంబానికి చెందిన అక్కా చెల్లెళ్లు మృతి చెందడంతో గ్రామంలో విషాదఛాయలు అలుముకున్నాయి.ఇదీ చదవండి: తల్లిని చంపి.. మృతదేహంపై బిడ్డను వదిలేశారు

వెస్టిండీస్‌ గడ్డపై పాకిస్తాన్‌ యువ ఓపెనర్‌ మాజ్‌ సదాకత్‌ సరికొత్త చరిత్ర సృష్టించాడు. కరీబియన్‌ ప్రీమియర్‌ లీగ్‌లో సంచలన ఇన్నింగ్స్‌లతో రికార్డుల మోత మోగించాడు. ఈ టోర్నీ ఎలిమనేటర్‌ మ్యాచ్‌లో విధ్వంసకర శతకం బాదిన అతడు.. తాజాగా జరిగిన ఫైనల్లోనూ సుడిగాలి శతకం బాది, లీగ్‌ చరిత్రలో రెండు శతకాలు బాదిన తొలి పాకిస్తానీ క్రికెటర్‌గా, ఫైనల్లో సెంచరీ చేసిన తొలి బ్యాటర్‌గా రికార్డులు నెలకొల్పాడు. సదాకత్‌ సెంచరీల మోత మోగించి, రికార్డు ప్రదర్శన చేసినా, అతడి జట్టు జమైకా కింగ్స్‌మన్‌ ఫైనల్లో ఓడిపోవడం కొసమెరుపు.ఛాంపియన్‌గా ఆంటిగ్వా ఫాల్కన్స్‌ఇవాళ జరిగిన ఫైనల్లో జమైకా కింగ్స్‌మన్‌ ఆంటిగ్వా అండ్‌ బార్బుడా ఫాల్కన్స్‌తో తలపడింది. ఈ మ్యాచ్‌లో ఫాల్కన్స్‌ కింగ్స్‌మన్‌పై 8 వికెట్ల తేడాతో గెలుపొంది, తొలిసారి కరీబియన్‌ ప్రీమియర్‌ లీగ్‌ ఛాంపియన్‌గా అవతరించింది.ఈ మ్యాచ్‌లో తొలుత బ్యాటింగ్‌ చేసిన కింగ్స్‌మన్‌, సదాకత్‌ సూపర్‌ శతకంతో (58 బంతుల్లో 114; 8 ఫోర్లు, 9 సిక్సర్లు) విరుచుకుపడటంతో నిర్ణీత 20 ఓవర్లలో 9 వికెట్ల నష్టానికి 170 పరుగులు చేసింది. సదాకత్‌ మినహా ఎవ్వరూ రాణించకపోవడంతో కింగ్స్‌మన్‌ తక్కువ స్కోర్‌కే పరిమితమైంది. సదాకత్‌తో పాటు జట్టు ఇన్నింగ్స్‌లో మరో పాక్‌ ప్లేయర్‌ సైమ్‌ అయూబ్‌ (29) మాత్రమే రెండంకెల స్కోర్‌ చేశాడు.కింగ్స్‌మన్‌ బ్యాటర్లను బోల్తా కొట్టించింది కూడా పాక్‌ ప్లేయరే కావడం మరో విశేషం. ఫాల్కన్స్‌కు ఆడుతున్న పాక్‌ స్పి​న్నర్‌ సుఫ్యాన్‌ ముఖీమ్‌ 4 ఓవర్లలో 14 పరుగులు మాత్రమే ఇచ్చి నలుగురు కింగ్స్‌మన్‌ బ్యాటర్లను ఔట్‌ చేశాడు. అతడికి అల్జరీ జోసఫ్‌ (4-0-27-2), షాదాబ్‌ ఖాన్‌ (4-0-28-1), జేడన్‌ సీల్స్‌ (2-0-18-1), షమార్‌ స్పింగర్‌ (1-0-10-1) తోడవ్వడంతో కింగ్స్‌మన్‌ తక్కువ స్కోర్‌కే పరిమితమైంది.అనంతరం ఫాల్కన్స్‌ బ్యాటర్లు 171 పరుగుల లక్ష్యాన్ని ఆడుతూపాడుతూ (16.4 ఓవర్లలో 2 వికెట్లు మాత్రమే కోల్పోయి) ఛేదించారు. ఆమిర్‌ జాంగూ (57 నాటౌట్‌), హసన్‌ నవాజ్‌ (47 నాటౌట్‌) మెరుపు ఇన్నింగ్స్‌లతో ఫాల్కన్స్‌ను విజయతీరాలకు చేర్చారు. అంతకుముందు ఎవిన్‌ లెవిస్‌ (38), రఖీమ్‌ కార్న్‌వాల్‌ (20) శుభారంభం అందించారు.ఇదీ చదవండి: Asian Games 2026: పాక్‌ను చిత్తుగా ఓడించిన భారత్‌

ముంబై: ముంబైలోని ప్రసిద్ధ గణేశ మండపాల్లో ఒకటైన శివ్డీ చా రాజా (Shivdi Cha Raja).. ఈ వినాయక చవితికి 75వ వార్షికోత్సవాన్ని జరుపుకుంటోంది. ఈ సందర్భంగా ప్రత్యేక ఉత్సవాలను నిర్వహిస్తున్నారు. నిర్వాహకులు నీటి అడుగున కొలువైన పురాతన ద్వారకా నగరం థీమ్‌తో భారీ మండపాన్ని ఏర్పాటు చేశారు. గత 75 ఏళ్లుగా ఎన్నో సామాజిక కార్యక్రమాలు చేపట్టిన కమిటీ నిర్వాహకులు ఈ ఏడాది భక్తులకు సరికొత్త అనుభూతిని అందించాలనే సంకల్పంతో ఈ వినూత్న మండపాన్ని తీర్చిదిద్దారు. #WATCH | Mumbai: Immersive visual details of the underwater Dwarka theme created at the 'Shivdi Cha Raja' pandal in Mumbai.Marking its 75th anniversary, the mandal has crafted a unique subaquatic experience featuring the Ganpati idol amidst artificial marine ruins and sea life.… pic.twitter.com/QotxTWc7HK— ANI (@ANI) September 20, 2026గోమతి నది, అరేబియా సముద్రం మధ్య నీటి గర్భంలో మునిగిపోయిన పౌరాణిక ద్వారకా నగరాన్ని తలపించేలా ఈ మండపాన్ని అత్యంత సుందరంగా తీర్చిదిద్దారు. వినాయక విగ్రహంతో పాటు కృత్రిమ సముద్ర జీవులు, జలచరాలు, చారిత్రక శిథిలాల నమూనాలను ఏర్పాటు చేసి నీటి అడుగున ఉన్న వాతావరణాన్ని కళ్లకు కట్లినట్లు ఏర్నాటు చేశారు. స్వామివారిని దర్శించుకోవడంతో పాటు ఈ విభిన్నమైన విజువల్ సెట్టింగ్‌ను ప్రత్యక్షంగా చూసే అవకాశాన్ని ఈ వేదిక భక్తులకు కల్పిస్తోంది.#WATCH | Mumbai: Shivdi Cha Raja Mandal president Shrikant Jadhav said, "This year marks the 75th anniversary of 'Shivdi Cha Raja'. Over these 75 years, through the 'Raja Mandal', we have undertaken numerous social initiatives annually. This year, we decided to do something… https://t.co/0HAxxgXXWR pic.twitter.com/LmsYnaATpv— ANI (@ANI) September 21, 2026శివ్డీ చా రాజా దర్శనంతో పాటు ఈ ప్రత్యేక ద్వారకా నగరం ప్రదర్శనను తిలకించేందుకు మహారాష్ట్రతో పాటు దేశవ్యాప్తంగా వివిధ ప్రాంతాల నుంచి భక్తులు భారీ సంఖ్యలో తరలివస్తున్నారు. సాంప్రదాయబద్ధంగా మొత్తం 11 రోజుల పాటు ఈ వినాయకుడి ప్రతిమ మండపంలోనే పూజలందుకుంటుంది. ద్వారకా నమూనా ప్రత్యేక ప్రదర్శనను ప్రతిరోజూ మధ్యాహ్నం 12:00 గంటల నుండి సాయంత్రం సుమారు 6:00 లేదా 7:00 గంటల వరకు సందర్శకుల కోసం తెరిచి ఉంచుతున్నారు.ఈ నీటి అడుగున ద్వారకా ప్రదర్శన రూపకల్పనకు కమిటీ నిర్వాహకులు ఎంతో కష్టపడ్డారు. ప్లాటినం జూబ్లీ ఉత్సవాల సందర్భంగా దేశం నలుమూలల నుండి వచ్చే భక్తులకు సరికొత్త అనుభూతిని పంచాలన్న పట్టుదలతో ఈ సవాలును స్వీకరించామని, శివ్డీ చా రాజా ఆశీస్సులతో ఈ భారీ ప్రాజెక్ట్ విజయవంతమైందని కమిటీ అధ్యక్షుడు శ్రీకాంత్ జాదవ్ తెలిపారు.ఇదీ చదవండి: ఎల్‌ నినోకు చెక్‌.. గణపయ్యల నిమజ్జనానికి సరికొత్త విధానం!

తెలంగాణ: కరీంనగర్‌ జిల్లాలో అంతర్రాష్ట్ర దొంగల ముఠా వరుస చోరీలకు పాల్పడుతోంది. తాజాగా కరీంనగర్‌ జిల్లా తిమ్మాపూర్‌ మండల కేంద్రంతోపాటు నగర శివారులోని దుర్శేడ్‌లో శని వారం రాత్రి రెండు ఎస్‌బీఐ ఏటీఎంలను గ్యాస్‌ కట్టర్‌తో కట్‌ చేసి సుమారు రూ.15.70 లక్షలకు పైగా నగదును ఎత్తుకెళ్లారు. మొదట తిమ్మాపూర్‌ లో సుమారు రూ.7.13 లక్షలకు పైగా.. తర్వాత దుర్శేడ్‌లో రూ.8.55 లక్షల నగదు చోరీ అయింది.చోరీల్లో పాల్గొన్న ముగ్గురు నిందితులు ఆడవేషంలో వచ్చి.. ముందుగా సీసీ కెమెరాలను ధ్వంసం చేసి చోరీ అనంతరం మహారాష్ట్రకు చెందిన ఫేక్‌ నంబర్‌ ప్లేట్‌ ఉన్న స్కార్పియోలో పరారైనట్లు పోలీ సులు గుర్తించారు. వీరితోపాటు మరో వ్యక్తి డ్రైవర్‌గా వచ్చినట్లు నిర్ధారణకు వచ్చారు. ఘటనలో హరియాణాకు చెందిన అంతర్రాష్ట్ర ముఠా ప్రమేయంపై దర్యాప్తు సాగుతోంది. చోరీ అనంతరం మంచిర్యాల మీదుగా మహా రాష్ట్ర వైపు వెళ్లి ఉండొచ్చని అనుమాని స్తున్నారు. ఇటీవల జరిగిన పీఎంజే జ్యువెలరీ చోరీ తరహాలోనే ముందస్తు రెక్కీ, టార్గె ట్‌ ఎంపిక, వేగవంతమైన ఆపరేషన్, పరారీ కనిపిస్తుండటంతో పోలీసులు ఈ ఘటన లను ఆ కోణంలోనూ పరిశీలిస్తున్నారు. నిందితుల కోసం ఆరు ప్రత్యేక బృందాలు రంగంలోకి దిగాయి.ఘటన స్థలాలను అడిషనల్‌ డీసీపీ వెంకటరమణ, రూరల్‌ ఏసీపీ విజయ్‌కుమార్‌ పరిశీలించారు. క్లూస్‌టీం, డాగ్‌ స్క్వాడ్‌లు రంగంలోకి దిగి వేలిము ద్రలు సేకరించాయి. సీసీ కెమెరాల ఆధారంగా దర్యాప్తు ప్రారంభించారు. జిల్లాలోని రేణికుంట, పెద్దపల్లి జిల్లాలోని బసంత్‌నగర్‌ టోల్‌ గేట్‌ల వద్ద నిందితులు వినియోగించిన వాహనం రికార్డు కాకపోవడంతో గ్రామీణ ప్రాంతాల మీదుగా వచ్చి వెళ్లినట్లు పోలీసులు అనుమానిస్తున్నారు. ఆయా గ్రామాల్లోని సీసీ కెమెరాలను పరిశీలిస్తున్నారు.ఇదీ చదవండి: వినాయకుడి దర్శనానికి వెళ్లి వస్తుండగా..

సాక్షి, తాడేపల్లి: మహాకవి, సంఘ సంస్కర్త గురజాడ అప్పారావును వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి స్మరించుకున్నారు. గురజాడ జయంతి సందర్భంగా ఆయనకు నివాళులర్పించారు.ఈ సందర్భంగా ‘కన్యాశుల్కం వంటి చిరస్మరణీయ నాటకం ద్వారా తెలుగు సాహిత్యానికి కొత్త ఒరవడి తీసుకొచ్చి, నాటి సాంఘిక దురాచారాలను ప్రశ్నించిన మహాకవి గురజాడ అప్పారావు గారు. తన రచనలు, కవితలతో ప్రజల్లో సమాజం పట్ల బాధ్యతను, చైతన్యాన్ని నింపిన ఆ మహనీయుడి జయంతి సందర్భంగా నివాళులర్పిస్తున్నాను’ అని వైఎస్‌ జగన్‌ ఎక్స్‌ వేదికగా ట్వీట్‌ చేశారు. ‘కన్యాశుల్కం’ వంటి చిరస్మరణీయ నాటకం ద్వారా తెలుగు సాహిత్యానికి కొత్త ఒరవడి తీసుకొచ్చి, నాటి సాంఘిక దురాచారాలను ప్రశ్నించిన మహాకవి గురజాడ అప్పారావు గారు. తన రచనలు, కవితలతో ప్రజల్లో సమాజం పట్ల బాధ్యతను, చైతన్యాన్ని నింపిన ఆ మహనీయుడి జయంతి సందర్భంగా నివాళులర్పిస్తున్నాను. pic.twitter.com/Qfr0b0j0TI— YS Jagan Mohan Reddy (@ysjagan) September 21, 2026

అమలాపురం టౌన్‌: వినాయక నిమజ్జన ఊరేగింపుల్లో డీజే శబ్దాలకు పలువురు గెండెలు ఆగి చనిపోతున్నారు. డీజేలపై పోలీసు ఆంక్షలు ఉన్నా స్థానిక ప్రజాప్రతినిధుల అండతో కొందరు ఆకతాయిలు రెచ్చిపోతున్నారు. ఈ క్రమంలో మంత్రి నారా లోకేష్‌ ‘ఎక్స్‌’ ఖాతాలో ఊరేగింపుల్లో డీజేలకు అనుమతి కోరుతూ మెసేజీలు వస్తున్నాయని, హోం మంత్రి అనితను డీజేలకు ఓకే చెప్పాలని సూచిస్తూ పోస్టు పెట్టడంపై ప్రజల నుంచి విమర్శలు వెల్లువెత్తుతున్నాయి. గత రెండేళ్లలో ఇటువంటి ఊరేగింపుల్లో డీజేల వల్ల ఇద్దరు యువకులు ప్రాణాలు కోల్పోయారు. తాజాగా పశ్చిమ గోదావరి జిల్లా తాడేపల్లిగూడెంలో వినాయక నిమజ్జన ఊరేగింపులో డీజే అపరిమిత శబ్దం వల్ల ఓ వ్యక్తి దుర్మణం పాలైన విషయం తెలిసిందే. ఈ నేపథ్యంలో మంత్రి లోకేష్‌ పోస్టును ఉద్దేశించి ఇలాగైతే తాము డీజేలను అదుపు చేయలేమని ఓ పోలీసు అధికారి ‘సాక్షి’ వద్ద అసహనం వ్యక్తం చేయడం గమనార్హం. ఇది బాధ్యతా రాహిత్యమే డీజే శబ్దాలతో పలువురి ప్రాణాలు పోతుంటే మంత్రి లోకేష్‌ బాధ్యతారాహిత్యంగా అనుమతులు ఇవ్వడం సరికాదు. ప్రజల ఆరోగ్యాన్ని కాపాడాల్సింది పోయి ఇలా తప్పుడు పోస్టులు, ప్రకటనలు చేయడం దేనికి సంకేతం? ఓటు బ్యాంక్‌ రాజకీయాలతో మంత్రి లోకేష్‌ డీజేలకు అనుమతులు ఇవ్వాలని అభిప్రాయపడడమే కాకుండా దాని అమలుకు కసరత్తు చేయడం బాధాకరం. – కాశి రామకృష్ణ, జిల్లా అధికార ప్రతినిధి, వైఎస్సార్‌ సీపీ ఇదీ చదవండి: ఇలాగైతే ఎదిగేదెలా?

దేశీయ స్టాక్‌ మార్కెట్‌ సూచీలు సోమవారం లాభాల్లో కదలాడుతున్నాయి. ఈరోజు ఉదయం 09:25 సమయానికి నిఫ్టీ(Nifty) 34 పాయింట్లు పెరిగి 23,380 వద్దకు చేరింది. సెన్సెక్స్‌(Sensex) 403 పాయింట్లు పుంజుకొని 74,685 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 100.25బ్రెంట్‌ క్రూడ్‌ఆయిల్‌ బ్యారెల్‌ ధర 101.6 డాలర్లుయూఎస్‌ 10 ఏళ్ల బాండ్‌ ఈల్డ్‌లు 5 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.17 శాతం పెరిగింది.నాస్‌డాక్‌ 0.4 శాతం పుంజుకుంది.Today Nifty position 21-09-2026(time: 09:25 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

చిత్రసీమలో తన విలక్షణ నటనతో ప్రత్యేక గుర్తింపు తెచ్చుకున్న సీనియర్ నటి వడివుక్కరసి గురించి సోషల్ మీడియాలో ఓ తప్పుడు వార్త వైరల్‌గా మారింది. ఆమె అనారోగ్యంతో కన్నుమూశారంటూ కొందరు ప్రచారం చేయడంతో అభిమానులు, సినీ వర్గాలు ఆందోళనకు గురయ్యాయి. అయితే ఈ వార్తల్లో ఎలాంటి నిజం లేదని స్వయంగా వడివుక్కరసి స్పందించడంతో ఆమె అభిమానులు ఊపిరి పీల్చుకున్నారు.‘నేను బతికే ఉన్నా. ఎలాంటి అనారోగ్య సమస్యలు లేవు. నా ఆరోగ్యం పట్ల ఆందోళన చెందవద్దు. నా యోగక్షేమాలు తెలుసుకునేందుకు ప్రయత్నించిన శ్రేయోభిలాషులు, అభిమానులకు ధన్యవాదాలు’ అంటూ ఓ టీవికి ఇచ్చిన ఇంటర్వ్యూలో మాట్లాడుతూ భావోద్వేగానికి గురయ్యారు. సినీ ప్రస్థానం ఇది..1978లో చిత్ర పరిశ్రమలోకి అడుగుపెట్టిన వడివుక్కరసి.. తమిళంతో పాటు తెలుగు, కన్నడ, మలయాళ భాషల్లో 350కి పైగా చిత్రాల్లో నటించారు. రజినీకాంత్, కమల్ హాసన్ వంటి అగ్ర హీరోలతో కలిసి పనిచేశారు. వెండితెరపైనే కాకుండా బుల్లితెరపైనా తనదైన ముద్ర వేశారు. 40కి పైగా టీవీ సీరియల్స్‌లో కీలక పాత్రలు పోషించి ప్రేక్షకులకు చేరువయ్యారు. తెలుగు ప్రేక్షకులకు కూడా వడివుక్కరసి సుపరిచితమే. రజినీకాంత్ నటించిన 'శివాజీ', 'అరుణాచలం' వంటి చిత్రాల్లో ఆమె పోషించిన పాత్రలు మంచి గుర్తింపు తెచ్చుకున్నాయి. చిరంజీవి, మోహన్‌బాబు కలిసి నటించిన 'పట్నం వచ్చిన పతివ్రతలు', 'నేటి సిద్ధార్థ' వంటి సినిమాల్లోనూ ఆమె కనిపించారు.68 ఏళ్ల వయసులోనూ..కెరీర్ తొలిదశలో ప్రతినాయక ఛాయలున్న పాత్రలు చేసిన ఆమె.. ఆ తర్వాత తల్లి, బామ్మ, అత్త వంటి భావోద్వేగ పాత్రల్లోనూ మెప్పించారు. జూనియర్ ఎన్టీఆర్ నటించిన 'అశోక్'లో విలన్‌గా ఆకట్టుకోగా.. సునీల్ హీరోగా నటించిన 'అందాల రాముడు'లో మనవడిపై ప్రేమను చూపించే నానమ్మగా భావోద్వేగాన్ని పండించారు. తరువాత కూడా చాలా సినిమాల్లో నటించి ప్రత్యేక గుర్తుంపు తెచ్చుకున్నారు. దాదాపు ఐదు దశాబ్దాలుగా సినిమాలు, సీరియల్స్‌లో నటిస్తూ వస్తున్న వడివుక్కరసి.. ప్రస్తుతం 68 ఏళ్ల వయసులోనూ నటిగా కొనసాగుతున్నారు. అలాంటి సీనియర్ నటిపై మృతి వార్తలు ప్రచారం కావడంతో ఆమె అభిమానులు ఆందోళన చెందారు. అయితే తాను క్షేమంగానే ఉన్నానని ఆమె స్పష్టం చేయడంతో అభిమానులు ఆమె బతికి ఉండగానే చంపేశారు కదరా అంటూ సోషల్‌మీడియాలో అసహనం వ్యక్తం చేస్తున్నారు. ఇప్పుడు ఈ తప్పుడు ప్రచారానికి తెరపడింది.ఇదీ చదవండి: కృష్ణుడు ఎలిమినేట్‌.. ‘నీలో మా నాన్న కళ్లు చూసుకున్నా అన్నా..’

తిరువనంతపురం: కేరళలో కురుస్తున్న భారీ వర్షాలు తీవ్ర విలయాన్ని సృష్టిస్తున్నాయి. ఎడతెరిపి లేకుండా కురుస్తున్న వర్షాల వల్ల కొండచరియలు విరిగిపడటం, ఆకస్మిక వరదలు సంభవించడంతో ఐదుగురు ప్రాణాలు కోల్పోగా, మరో ఇద్దరు గల్లంతయ్యారు. రాష్ట్రవ్యాప్తంగా నెలకొన్న విపత్కర పరిస్థితుల దృష్ట్యా సహాయక చర్యలను వేగవంతం చేయాలని అధికారులకు ఆదేశాలు అందాయి. ప్రతి గంటకు ఒకసారి క్షేత్రస్థాయి పరిస్థితులను సమీక్షిస్తూ నిరంతరం అప్రమత్తంగా ఉండాలని ముఖ్యమంత్రి యంత్రాంగాన్ని ఆదేశించారు.నది ఉధృతిలో కొట్టుకుపోయిన బృందంమలప్పురం జిల్లా నిలంబూర్-అమరంబలం పరిధిలోని కొట్టపుళ నది వద్ద తీవ్ర విషాదం చోటుచేసుకుంది. వండూర్ ప్రాంతానికి చెందిన ఐదుగురు వ్యక్తులు నదిలో స్నానం చేయడానికి దిగగా, అకస్మాత్తుగా వరద ఉధృతి పెరగడంతో వారంతా నీటి ప్రవాహంలో కొట్టుకుపోయారు. ఈ ప్రమాదంలో ఒకరిని స్థానికులు రక్షించగా, సహాయక సిబ్బంది ఇద్దరి మృతదేహాలను వెలికితీశారు. గల్లంతైన మిగిలిన ఇద్దరి ఆచూకీ కోసం గాలింపు చర్యలు ముమ్మరంగా కొనసాగుతున్నాయి. సీఎం ఆదేశాల మేరకు విపత్తు నిర్వహణ దళం ప్రత్యేక బృందాలు అక్కడ రెస్క్యూ ఆపరేషన్ చేపడుతున్నాయి.కొండచరియలు విరిగిపడి మహిళ దుర్మరణంకొట్టాయం జిల్లా తీకోయి సమీపంలోని వేలత్తుస్సేరి వద్ద కొండచరియలు విరిగిపడిన ఘటనలో చెన్నైకి చెందిన సంగీత అరుల్ లాల్ (35) అనే మహిళ ప్రాణాలు కోల్పోయింది. ఆమె తన స్నేహితుడితో కలిసి స్కూటర్‌పై వాగమన్ నుంచి తిరిగి వస్తుండగా రోడ్డుపైకి భారీగా మట్టి పెళ్లలు దూసుకురావడంతో ఈ ప్రమాదం జరిగింది. తీవ్ర గాయాలపాలైన ఆమె స్నేహితుడు ఆసుపత్రిలో చికిత్స పొందుతున్నాడు. మరోవైపు, ఇడుక్కి జిల్లా కొట్టకంబుర్‌లో వర్షం నుంచి తప్పించుకోవడానికి ఒక షెడ్డులో ఆశ్రయం పొందిన ముగ్గురిపై కొండచరియలు విరిగిపడటంతో ఇద్దరు అక్కడికక్కడే మరణించగా, మరో మహిళ తీవ్రంగా గాయపడింది.ఆరెంజ్ అలర్ట్ జారీ.. ముమ్మరంగా సహాయక చర్యలురాష్ట్రంలో మరో నాలుగు రోజుల పాటు పలు ప్రాంతాల్లో భారీ నుంచి అతి భారీ వర్షాలు, ఉరుములతో కూడిన జల్లులు కురిసే అవకాశం ఉందని భారత వాతావరణ శాఖ (ఐఎండీ)హెచ్చరించింది. కొట్టాయం, ఇడుక్కి జిల్లాలకు ‘ఆరెంజ్ అలర్ట్’ ప్రకటించడంతో అధికార యంత్రాంగం అప్రమత్తమైంది. ప్రజలకు వాతావరణ సమాచారాన్ని ఎస్ఎంఎస్ రూపంలో చేరవేస్తున్నారు. కొండచరియలు విరిగిపడే ప్రమాదం ఉన్న ప్రాంతాలు, నదీ పరీవాహక లోతట్టు ప్రాంతాల ప్రజలను సురక్షిత ప్రాంతాలకు తరలించేందుకు జిల్లా కలెక్టర్లు తగిన చర్యలు చేపట్టారు.ఇదీ చదవండి: ఎల్‌ నినోకు చెక్‌.. గణపయ్యల నిమజ్జనానికి సరికొత్త విధానం!

భారత్‌లో ఎన్నో అందమైన దీవులు ఉన్నాయి. అయితే పచ్చని ప్రకృతి, నీలిరంగు సముద్రం, ప్రశాంతమైన వాతావరణంతో అండమాన్‌ లోని హేవ్‌లాక్‌ ఐలాండ్‌ను భారతదేశపు ఎమరాల్డ్‌ ఐలాండ్‌గా పిలుస్తారు. ప్రస్తుతం ఈ దీవిని స్వరాజ్‌ ద్వీప్‌ అని కూడా పిలుస్తున్నారు. సముద్రం మధ్యలో పచ్చని అడవులు, తెల్లని ఇసుక తీరాలు కలిసిన ఈ దీవి ప్రకృతి ప్రేమికులకు ప్రత్యేకమైన అనుభూతిని ఇస్తుంది.బంగాళాఖాతంలో ఉన్న అండమాన్‌ దీవుల సమూహంలో స్వరాజ్‌ ద్వీప్‌ ఒక ముఖ్యమైన పర్యాటక ప్రాంతం. ఒకప్పుడు హేవ్‌లాక్‌ ఐలాండ్‌గా ప్రసిద్ధి చెందిన ఈ దీవికి 2018లో స్వరాజ్‌ ద్వీప్‌గా పేరు మార్చారు. చుట్టూ పచ్చని చెట్లు, ప్రశాంతమైన బీచ్‌లు, స్వచ్ఛమైన సముద్రపు నీరు కనిపిస్తాయి. అందుకే ‘ఎమరాల్డ్‌’ అనే పేరు దీనికి చక్కగా సెట్‌ అవుతుంది.స్వరాజ్‌ ద్వీప్‌లో రాధానగర్‌ బీచ్‌ ప్రధాన ఆకర్షణ. తెల్లటి ఇసుక, నీలి సముద్రం, చుట్టూ పచ్చని చెట్లు.. ఇవన్నీ కలిసి పైసా వసూల్‌ అనుభూతిని అందిస్తాయి. సూర్యాస్తమయం సమయంలో బీచ్‌ వాతావరణం మరింత ప్రశాంతంగా మారుతుంది. ఎలిఫెంట్‌ బీచ్‌ వద్ద స్నార్కెలింగ్, స్కూబా డైవింగ్‌ వంటి వాటర్‌ యాక్టివిటీస్‌ ట్రై చేయవచ్చు. నీటి అడుగున కనిపించే పగడాలు, రంగురంగుల చేపలు మరో ప్రపంచాన్ని పరిచయం చేస్తాయి.ఇక్కడికి చాలా మంది వెళ్లే ముందు బీచ్‌ గురించి మాత్రమే ఆలోచిస్తారు. అయితే ఉదయం పూట పచ్చని చెట్ల మధ్య ప్రయాణించడం, చిన్న చిన్న లోకల్‌ షాపుల్లో షాపింగ్‌ చేయడం, సముద్ర తీరంలో కొంతసేపు ప్రశాంతంగా గడపడం కూడా ఈ ప్రయాణంలో భాగమే. అక్టోబర్‌ నుంచి మే వరకు సాధారణంగా అండమాన్‌ పర్యటనకు అనుకూలమైన కాలంగా భావిస్తారు. పోర్ట్‌ బ్లెయిర్‌ నుంచి ఫెర్రీ ద్వారా స్వరాజ్‌ ద్వీప్‌ చేరుకోవచ్చు.పచ్చని అడవులు, నీలి సముద్రం, తెల్లటి ఇసుక తీరాల కాంబినేషన్‌ లో కనిపించే ఈ ఎమరాల్డ్‌ ఐలాండ్‌.. అంటే ఒకప్పటి హేవ్‌లాక్‌ ఐలాండ్‌.. ప్రయాణికులకు ఎవర్‌గ్రీన్‌ మెమరీగా మిగిలిపోతుంది.ఇదీ చదవండి: ఆకాశానికి దగ్గరగా ఓ నగరం ఉందా?! ఇక్కడ ప్రత్యేకత ఏంటంటే?

తూర్పుగోదావరి: పాము కాటును గమనించక పోవడంతో చికిత్స ఆలస్యమై చిన్నారి మృతి చెందిన ఘటన చింతలచెరువు గ్రామంలో విషాదాన్ని నింపింది. వివరాల్లోకి వెళితే కృష్ణవరం పంచాయతీ చింతలచెరువులో కుర్సం ధర్మరాజు, విజయ దంపతుల ఆరేళ్ల పెద్ద కుమారుడు జై ప్రణయ్‌ (6) స్థానిక పాఠశాలలో ఒకటో తరగతి చదువుతున్నాడు. శనివారం ఉదయం 11 గంటల వేళ తల్లి విజయ ఇంటి ఆవరణలోని అరటి గెల కోసి కాయలు తీస్తుండగా వాటి మధ్య ఉన్న కట్లపాము ఆమె చేతిపై పడింది. దీంతో ఆమె విదిలించుకోగా అది పక్కనే ఉన్న దుస్తులలో నక్కింది. బాలుడి పెదనాన్న వచ్చి దానిని చంపేశాడు. ఆ తరువాత తల్లి పొలం పనులకు వెళ్లిపోయింది. కాగా ఆదివారం తెల్లవారు జామున ప్రణవ్‌ నోటి నుంచి నురగలు రావడం, పాము కాటు పడిన గుర్తులు ఉండి వాపు రావడాన్ని గమనించిన తల్లిదండ్రులు హుటాహుటిన 30 కిలోమీటర్ల దూరంలో ఉన్న భద్రాచలంలోని ప్రైవేటు ఆస్పత్రికి తీసుకువెళ్లారు. అక్కడ చికిత్స అందిస్తుండగానే ఆ బాలుడు మృతి చెందాడు. చికిత్స ఆలస్యం కావడం వల్లే బాలుడు మృతి చెందాడని వైద్యులు తెలిపారు.

మూలధన ఆస్తి అంటే ఏమిటో, దాని నిర్వహణపై ఎలాంటి ట్యాక్స్‌లు ఉంటాయో మూలధన ఆస్తుల ‘బదిలీ’ లీలలులో తెలుసుకున్నాం. అయితే, ఈ అంశానికి సంబంధించి జాగ్రత్తలు.. తికమకకు దారి తీసే అంశాలున్నాయి. వీటిని ప్రాథమిక అంశాలని అనుకోండి. జాగ్రత్తగా తెలుసుకుని వ్యవహారం జరిపించాలని అనుకోండి. 1. స్వల్పకాలికమా/దీర్ఘకాలికమాఆస్తిని ఎప్పుడు కొన్నారు. ఎప్పుడు అమ్మారు. ఈ మధ్య వ్యవధిని ‘హోల్డింగ్‌ పీరియడ్‌’ అని అంటారు. ఈ పీరియడ్‌ అనేది ఆస్తిని బట్టి మారుతుంది. వ్యవధిని లెక్కించడంలో జాగ్రత్త వహించాలి. షేర్ల విషయంలో ఒక సంవత్సరం లోపు వ్యవధి, స్వల్పకాలికం అవుతుంది. అదే 1 సంవత్సరం దాటితే దీర్ఘకాలికం. స్వల్పకాలికమైతే ఒక రేటు, దీర్ఘకాలికం అయితే ఒక రేటు. స్థిరాస్తి విషయంలో ఈ హోల్డింగ్‌ పీరియడ్‌ 2 సంవత్సరాలు ఉండాలి. 2. ఇండెక్సింగ్‌ ఉందా.. లేదా..ఇండెక్సింగ్‌ ఉందండి. చాలా మంది లేదనే అపోహలో ఉన్నారు. ఇండెక్సింగ్‌ తీసుకుంటే క్యాపిటల్‌ గెయిన్‌ రేటు 20%. ఇదొక పద్ధతి. ఇండెక్సింగ్‌ తీసుకోకపోతే క్యాపిటల్‌ గెయిన్‌ 12.5%. రెండూ లెక్కించి, ఎక్కడ తక్కువ పన్ను భారమో తేల్చుకోండి.3. ఈక్విటీ షేర్ల పన్ను భారంస్వల్పకాలిక షేర్లు క్రయవిక్రయాల్లో జాగ్రత్త. ఒకప్పటి రేటు 15 శాతం. ప్రస్తుతం ఈ రేటు 20 శాతం. అకస్మాత్తుగా షేర్ల రేటు పతనం.. సంపద ఆవిరి. అంతలోనే రెట్టింపు లాభాలు. ఎంతో అనిశ్చితి. దీనికి తోడు ఈ పన్నుభారం. ఇందుకు సంబంధించిన మార్పులు గమనించాలి.4. దీర్ఘకాలిక షేర్లకు సంబంధించి క్యాపిటల్‌ గెయిన్స్‌ మీద మినహాయింపు రూ. 1,25,000 లేదా తక్కువైతే వచ్చినంత లాభం .. తక్కువ లాభం వచ్చినా రూ.1,25,000 మినహాయింపు ఉంటుందనుకుంటున్నారు. కొంత మంది ట్యాక్స్‌ ఫ్రీ అనుకుంటున్నారు. లాభం రూ. 1,50,000 అయితే మినహాయింపు రూ. 1,25,000. మిగతా రూ.25,000 మీద రేటు 12.5 శాతం. 5. బేసిక్‌ శ్లాబ్‌ .. షాకింగ్‌రూ. 12,00,000ల లెక్కింపులో కొన్ని మూలధన లాభాలు ఉండవు. ఉదాహరణకు మీ జీతం రూ. 10,00,000 అనుకోండి. పన్ను భారం లేదు. బంగారం మీద స్వల్పకాలిక లాభం రూ. 3,00,000 అనుకోండి. షేర్లు కాని ఆస్తులను అంటే ఉదాహరణకు బంగారం అమ్మారు. పన్ను భారం పెరుగుతుంది. షేర్లు కాని వాటిని 24 నెలల హోల్డింగ్‌ పీరియడ్‌ అనంతరం లాంగ్‌ టర్మ్‌లో విక్రయించండి. స్వల్పకాలికంగా అమ్మకండి.6. 87ఏ రిబేటు.. పోటుఇదొక కంటికి కనిపించని ట్రాప్‌. మీ జీతం రూ. 5,00,000 అనుకోండి. 87ఎ రిబేటు ఉంటుంది కాని దీర్ఘకాలిక ప్రాతిపదికన షేర్ల మీద అమ్మకంతో 4,00,000 లాభం వచి్చందనుకోండి.. మొత్తం ఆదాయం రూ. 9,00,000. చాలా మంది పన్ను భారం లేదని అనుకుంటారు. దీర్ఘకాలిక లాభాలను ప్రత్యేక పన్ను రేట్లతో లెక్కిస్తారు. రూ. 1,25,000 మినహాయింపు తర్వాత 12.5 శాతం పన్ను భారం పడుతుంది. 7. అడ్వాన్స్‌ ట్యాక్స్‌ కట్టాలి.. వెంటనే..ఏ క్వార్టర్‌లో మూలధన లాభం ఏర్పడిందో ఆ క్వార్టర్‌లో అడ్వాన్స్‌ ట్యాక్స్‌ చెల్లించాలి. అలా కాకపోతే ప్రతి నెలా 1 శాతం చొప్పున వడ్డీ చెల్లించాలి. పన్ను భారాన్ని పోస్ట్‌పోన్‌ చేయకండి.8. రీఇన్వెస్ట్‌మెంట్‌కి గడువులురీఇన్వెస్ట్‌మెంట్‌ సకాలంలో చేయాలి. వివరాల్లోకి వెళ్లకుండా.. 3 సంవత్సరాలు, ఒక సంవత్సరం ముందుకి.. 2 సంవత్సరాలు వెనక్కి.. బాండ్లలో వేయడం, క్యాపిటల్‌ గెయిన్‌ డిపాజిట్‌లో వేయడం..గడువులు గమనించాలి.ఇదీ చదవండి: తండ్రి ఆస్తిలో వాటా ఎవరికి? కూతురికా? కొడుక్కా?9. బాండ్లు ఒక సంవత్సరంలోనే డిపాజిట్‌మీకు లాంగ్‌ టర్మ్‌ గెయిన్స్‌ రూ. 60,00,000 అనుకోండి. గడువు ప్రకారం 6 నెలలు ఉన్నప్పటికీ.. అంటే ఈ సంవత్సరంలో 3 నెలలు, వచ్చే సంవత్సరంలో 3 నెలలు అనుకుని రూ. 30,00,000 మొదటి సంవత్సరం, రెండో సంవత్సరం రూ. 30,00,000 అనుకునేరు లేదా ఒక ఏడాది రూ. 50,00,000 మరో ఏడాది రూ. 10,00,000 అనుకునేరు. కానీ అది తప్పు. రూ. 50,00,000 పరిమితి ఒక సంవత్సరానికి కాదు. ఒక వ్యవహారానికి. ఇలా ఎన్నో చిక్కులు, మెలికలు, తికమకలు. అందుకే ఆలోచించండి. అవసరమైతే వృత్తి నిపుణులను సంప్రదించండి.

పశ్చిమాసియాలో ఉద్రిక్తతలు మరింత ముదురుతున్న వేళ అమెరికా కీలక హెచ్చరిక జారీ చేసింది. ఇరాన్‌కు ఎట్టి పరిస్థితుల్లోనూ ప్రయాణించవద్దని తన పౌరులను ఆదేశించింది. ఇప్పటికే అక్కడ ఉన్నవారు వెంటనే దేశం విడిచి వెళ్లాలని సూచించింది. పరిస్థితులు వేగంగా మారే అవకాశం ఉందని.. విమాన సర్వీసులు రద్దు కావడం, గగనతలం మూసివేయడం, సరిహద్దుల వద్ద ఆంక్షలు విధించడం వంటి పరిణామాలు ఎదురుకావొచ్చని హెచ్చరించింది.అమెరికా వర్చువల్‌ ఎంబసీ ఇన్‌ ఇరాన్‌ తాజాగా విడుదల చేసిన భద్రతా హెచ్చరికలో.. ‘‘ఏ కారణంతోనూ ఇరాన్‌కు వెళ్లొద్దు. అక్కడున్న అమెరికా పౌరులు ఇప్పుడే ఇరాన్‌ నుంచి బయటకు వచ్చేయండి’’ అని స్పష్టం చేసింది. ఇరాన్‌లో భద్రతా పరిస్థితులు సంక్లిష్టంగా మారుతున్నాయని ఆ హెచ్చరికలో పేర్కొంది. విమానాశ్రయాలు, విమానయాన సంస్థలు, సరిహద్దు మార్గాలకు సంబంధించిన పరిణామాలను ఎప్పటికప్పుడు గమనించాలని సూచించింది. ఇతర దేశాలకు వెళ్లాలని భావించే వారు ఆయా దేశాల ప్రవేశ నిబంధనలను ముందుగానే తెలుసుకోవాలని తెలిపింది.అమెరికన్లకు పలు సూచనలుఇరాన్‌లో ఉన్న అమెరికన్లు నిరసనలు, భారీ జనసమూహాలకు దూరంగా ఉండాలని అమెరికా సూచించింది. అమెరికాతో బహిరంగంగా అనుబంధం ఉన్న ప్రాంతాల్లో తక్కువ ప్రొఫైల్‌ పాటించాలని తెలిపింది. వైమానిక దాడులు జరిగితే కిటికీలు, అద్దాల తలుపులకు దూరంగా ఉండాలని.. కూలిన శిథిలాల వైపు వెళ్లొద్దని హెచ్చరించింది.అత్యవసర పరిస్థితుల్లో దౌత్య అధికారులను సంప్రదించేందుకు ‘స్మార్ట్‌ ట్రావెలర్‌ ఎన్‌రోల్‌మెంట్‌ ప్రోగ్రామ్‌ (STEP)’లో నమోదు చేసుకోవాలని సూచించింది. పశ్చిమాసియాలో ప్రయాణించే లేదంటే ఆ ప్రాంతం మీదుగా వెళ్లే అమెరికన్లు అప్రమత్తంగా ఉండాలని.. విమాన సర్వీసులు, గగనతల మార్గాల్లో ఆకస్మిక మార్పులు, రద్దులు జరిగే అవకాశం ఉందని అమెరికా తాజాగా హెచ్చరించింది.హౌతీల దాడులతో మరింత టెన్షన్‌అమెరికా–ఇరాన్‌ మధ్య సైనిక ఉద్రిక్తతలు కొనసాగుతున్న సమయంలో.. ఇరాన్‌ మద్దతున్న హౌతీల కార్యకలాపాలను కూడా అమెరికా ప్రస్తావించింది. సౌదీ అరేబియాపై, ముఖ్యంగా పౌర విమానాశ్రయాలపై హౌతీలు దాడులకు పాల్పడ్డారని తెలిపింది. ప్రస్తుత సైనిక ఘర్షణలు వేగంగా మరింత విస్తరించే అవకాశం ఉందని హెచ్చరించింది.ఇరాన్‌కు మద్దతిచ్చే గ్రూపులు అమెరికా ప్రయోజనాలను లక్ష్యంగా చేసుకునే అవకాశం ఉందని అమెరికా పేర్కొంది. మధ్యప్రాచ్యంతో పాటు ఇతర ప్రాంతాల్లోనూ గతంలో అమెరికా దౌత్య కార్యాలయాలు, సంస్థలు లక్ష్యంగా దాడులు జరిగిన విషయాన్ని గుర్తుచేసింది. అమెరికా వ్యాపార సంస్థలు, సంస్థలు, ఇతర ప్రయోజనాలపైనా ముప్పు ఉండొచ్చని తెలిపింది.సౌదీలోనూ ఆంక్షలుఇరాన్‌తో పాటు సౌదీ అరేబియాలో ఉన్న అమెరికన్లకు కూడా ఇటీవల భద్రతా సూచనలు జారీ అయ్యాయి. హౌతీల దాడుల నేపథ్యంలో తైఫ్‌, యన్బు ప్రాంతాలకు అమెరికా ప్రభుత్వ ఉద్యోగులు అధికారిక లేదా వ్యక్తిగత ప్రయాణాలు చేయాలంటే ప్రత్యేక అనుమతి తీసుకోవాలని సూచించింది. మరోవైపు రియాద్‌ వైపు బాలిస్టిక్‌ క్షిపణి దూసుకురావడంతో సౌదీ అధికారులు అత్యవసర హెచ్చరిక జారీ చేశారు. ఆ క్షిపణిని అడ్డుకున్నట్లు సౌదీ నేతృత్వంలోని సంకీర్ణ దళాలు తెలిపాయి. బిష్‌, తైఫ్‌, ఫరాసాన్‌, యన్బు ప్రాంతాల్లో పౌరులు, మౌలిక వసతులను లక్ష్యంగా చేసుకుని దాడులకు ప్రయత్నాలు జరిగినట్లు పేర్కొన్నాయి. హౌతీల దాడులను ఖతార్‌ ఖండిస్తూ.. సౌదీ అరేబియాకు సంఘీభావం ప్రకటించింది.ఫిబ్రవరి 28న యుద్ధం మొదలైనప్పటి నుంచి ఇరాన్‌ అంతర్జాతీయ రాకపోకలపై తీవ్ర ప్రభావం పడింది. భద్రతా పరిస్థితులు, గగనతల పరిమితులు, విమాన మార్గాల్లో మార్పుల కారణంగా పలు అంతర్జాతీయ సర్వీసులు రద్దు లేదా నిలిపివేతకు గురయ్యాయి. అయితే గల్ఫ్‌ ప్రాంతంలోని అన్ని విమాన మార్గాలు పూర్తిగా మూసుకుపోలేదు. కొన్ని రూట్లలో సర్వీసులు కొనసాగుతున్నప్పటికీ.. విమాన సంస్థలు పరిస్థితిని బట్టి షెడ్యూళ్లను మార్చుతున్నాయి. తాజాగా ఇరాన్‌ నుంచి వచ్చే అంతర్జాతీయ విమానాల్లో దాదాపు మూడో వంతు రద్దైనట్లు సమాచారం. మాహాన్‌ ఎయిర్‌ కూడా ఇస్తాంబుల్‌, అంకారా, మస్కట్‌ వంటి అంతర్జాతీయ మార్గాల్లో సర్వీసులను నిలిపివేసింది. దీంతో ఇరాన్‌కు ప్రయాణం చేయడం, అక్కడి నుంచి బయటకు రావడం గతంతో పోలిస్తే మరింత కష్టంగా మారింది. మరోవైపు అమెరికా–ఇరాన్‌ మధ్య దౌత్య సంబంధాలు తీవ్ర ఉద్రిక్తతలో ఉన్నప్పటికీ.. చర్చలకు సంబంధించిన మార్గాలు పూర్తిగా మూసుకుపోలేదు. సెప్టెంబర్‌ 20న ట్రంప్‌ ఇరాన్‌ అధ్యక్షుడు మసూద్‌ పెజెష్కియాన్‌తో సమావేశానికి తాను సిద్ధంగా ఉన్నట్లు సంకేతాలు ఇవ్వగా.. ఇరాన్‌ విదేశాంగ మంత్రి అబ్బాస్‌ అరాఘ్చీ యూఎన్‌ జనరల్‌ అసెంబ్లీకి వెళ్లే కార్యక్రమంలో భాగంగా దౌత్య ప్రయత్నాలు కొనసాగిస్తున్నారు. చైనా కూడా ఇరాన్‌, అమెరికా సంయమనం పాటించి జూన్‌లో కుదిరిన శాంతి ఒప్పందానికి తిరిగి రావాలని కోరుతోంది. అంటే.. ఒకవైపు సైనిక ఉద్రిక్తతలు, మరోవైపు పరోక్ష దౌత్య ప్రయత్నాలు ఏకకాలంలో కొనసాగుతున్నాయి.ఇదీ చదవండి: మొసలి కన్నీరుపై ఇరాన్‌ ఫైర్‌

వైఎస్సార్‌సీపీ నిరసన అప్‌డేట్స్‌..ప్రభుత్వ కవ్వింపు చర్యలకు దిగడం సరికాదువైఎస్సార్‌సీపీ చేపట్టిన డీఎస్సీ ఆందోళనపై ప్రభుత్వం కవ్వింపు చర్యలను ప్రోత్సహించడం సరికాదుఇది ప్రజాస్వామ్యానికి హానికరంవైఎస్సార్‌సీపీ నిరసనకు పిలుపునిచ్చి.. శాప్‌ కార్యాలయం ముందు శాంతియుతంగా ధర్నా చేస్తుంటే మరోవైపు ప్రభుత్వం కవ్వింపు చర్యలకు దిగిందివైఎస్సార్‌సీపీ ఏమైతే చెప్పదల్చుకుందో దాన్ని వినకుండా.. వారికి ఎదురుగా కూటమి ప్రభుత్వం కూడా నిరసనలకు దిగి రెచ్చగొట్టే చర్యలకు పాల్పడటం ఎంతమాత్ర సమంజసం కాదుఇది ప్రజాస్వామ్యానిక​ఇ అత్యంత చేటురాయలసీమ పోరాట సమితి కో-ఆర్డినేటర్‌ పురుషోత్తంరెడ్డిశాప్‌ ఆఫీసు వద్ద పోలీసుల దౌర్జన్యం..వైఎస్సార్‌సీపీ నేతలపై అన్యాయంగా లాఠీచార్జ్‌.పోలీసుల లాఠీచార్జ్‌లో కిందపడిపోయిన గౌతంరెడ్డి.పోలీసులు నెట్టేయడంతో సొమ్మసిల్లి పడిపోయిన గౌతంరెడ్డి.గౌతంరెడ్డిని ఆసుపత్రికి తరలించిన పార్టీ నేతలు. పోలీసుల లాఠీచార్జ్‌..వైఎస్సార్‌సీపీ కార్యకర్తలపై పోలీసుల లాఠీచార్జ్‌..శాంతియుత నిరసన తెలుపుతున్న నేతలపై పోలీసుల లాఠీచార్జ్‌.విజయవాడ శాప్‌ ఆఫీసు వద్ద పోలీసుల దౌర్జన్యం.కూటమి ప్రభుత్వానికి వ్యతిరేకంగా పెద్ద ఎత్తున యువత నినాదాలు.డీఎస్సీ అక్రమాలపై సీబీఐ విచారణ జరపాలని డిమాండ్‌. వైఎస్సార్‌సీపీ నేతలను అదుపులోకి తీసుకున్న పోలీసులు. రోడ్డుపై పడుకుని నిరసన చేస్తున్న వైఎస్సార్‌సీపీ నేతలు.వైఎస్సార్‌సీపీ నేతలను లాగిపడేసిన పోలీసులు.శాప్‌ ఆఫీసు వద్ద పోలీసుల దౌర్జన్యం. విజయవాడ శాప్‌ కార్యాలయం వద్ద పరిస్థితి ఉద్రిక్తం..శాప్‌ ఆఫీసుకు భారీగా చేరుకున్న వైఎస్సార్‌సీపీ నేతలు.పోలీసుల అడ్డంకులు దాటుకుని వచ్చిన వైఎ‍స్సార్‌సీపీ నేతలు.డీఎస్సీ అక్రమాలపై శాప్‌ ఆఫీసు దగ్గర వైఎస్సార్‌సీపీ నేతల ధర్నా.శాప్‌ ఆఫీసు ఎదుట బైఠాయించిన వైఎస్సార్‌సీపీ నేతలు.డీఎస్సీ అక్రమాలపై సీబీఐ విచారణ జరపాలని నినాదాలు. విద్యార్థి నేతలపై దాడులను పట్టించుకోని పోలీసులు..వైఎ‍స్సార్‌సీపీ శాంతియుత నిరసనలను రెచ్చగొట్టే ప్రయత్నాలు.పక్కా ప్లాన్‌తో రాళ్ల దాడులు చేసిన టీడీపీ గూండాలు.శాప్‌ ఆఫీసుకు భారీగా చేరుకున్న వైఎస్సార్‌సీపీ నేతలు.పోలీసుల అడ్డంకులను దాటుకుని వచ్చిన వైఎస్సార్‌సీపీ నేతలు.డీఎస్సీ అక్రమాలపై శాప్‌ ఆఫీసు దగ్గర వైఎస్సార్‌సీపీ నేతల ధర్నా.శాప్‌ ఆఫీసు ఎదుట బైఠాయించిన వైఎ‍స్సార్‌సీపీ నేతలు.సీబీఐ విచారణ జరపాలని డిమాండ్‌.విద్యాశాఖ మంత్రి లోకేష్‌ రాజీనామా చేయాలని డిమాండ్‌, నినాదాలు. విజయవాడ..కాజా టోల్‌గేట్‌ వద్ద ఉద్రిక్తత..మాజీ మంత్రి అంబటి రాంబాబు వాహనాన్ని అడ్డుకున్న పోలీసులు.శాప్‌ ఆఫీసుకు వెళ్లకుండా అడ్డగింత.రోడ్డుపై బైఠాయించిన వైఎస్సార్‌సీపీ నేతలు. విజయవాడలో ఉద్రిక్తత..వైఎస్సార్‌సీపీ శాంతియుత నిరసనకు అడుగడుగునా పోలీసులు ఆంక్షలుఎక్కడికి అక్కడ బారికేడ్లతో అడ్డుకుంటున్న పోలీసులురెడ్ సర్కిల్ నుంచి రాకుండా వైఎస్సార్‌సీపీ నేతలను అడ్డుకున్న పోలీసులుపోలీసుల ఆంక్షలు దాటుకుని శాప్ కార్యాలయం వైపు కదిలిన వైఎస్సార్‌సీపీ నేతలుకూటమి ప్రభుత్వం పోలీసుల తీరుపై వైఎస్సార్‌సీపీ నేతలు తీవ్ర ఆగ్రహంపోలీసుల ఎదుటే వైఎస్సార్‌సీపీ నేతలను రెచ్చగొట్టిన టీడీపీ నేతలు.పోలీసుల ముసుగులో వైఎస్సార్‌సీపీ కార్యకర్తలపై టీడీపీ నేతల దాడి.కర్రలతో రక్తం వచ్చేలా కొట్టిన పచ్చ పార్టీ గూండాలు. శాప్‌ ఆఫీసుకు చేరుకున్న వైఎస్సార్‌సీపీ నేతలు.విజయవాడ శాప్‌ ఆఫీసు వద్ద ఉద్రిక్తత..శాప్‌ ఆఫీసుకు చేరుకున్న ఎమ్మెల్సీ రమేష్‌ యాదవ్‌, పార్టీ నేతలు.డీఎస్సీ అక్రమాలపై వైఎస్సార్‌సీపీ నేతల నిరసనలు.సీబీఐ విచారణ జరపాలని నినాదాలు వైఎస్సార్‌సీపీ నేతల నిరసనలపై ప్రభుత్వం కుట్రలు.శాప్‌ ఆఫీసు వద్ద డీఎస్సీ టీచర్ల ధర్నాకు అనుమతి.టీచర్లతో పాటు పార్టీ కార్యకర్తలను మోహరిస్తున్న టీడీపీ.డీఎస్సీ స్పోర్ట్స్‌ కోటా ఉద్యోగులతో నిరసనలకు ప్లాన్‌. శాంతియుతంగా ధర్నాకు పిలుపునిస్తే అడ్డుకుంటారా?: జోగి రమేష్‌పోలీసు యాక్ట్‌ వైఎస్సార్‌సీపీకి మాత్రమే వర్తిస్తుందా?: మల్లాది విష్ణు.జనసేన, బీజేపీ వాళ్లకు వర్తించదా?శాప్‌ కార్యాలయం వద్ద టెంట్లు వేసి కూర్చోబెట్టలేదా?. డీఎస్సీ అక్రమాలపై నిరసనమాజీ ఎమ్మెల్యే మల్లాది విష్ణు అరెస్ట్‌.బారికేడ్లను దాటేందుకు వైఎస్సార్‌సీపీ నేతల ప్రయత్నం.వైఎస్సార్‌సీపీ నేతలను నెట్టేస్తున్న పోలీసులు. విజయవాడలో ఉద్రికత్త.. విజయవాడ శాప్‌ ఆఫీసులో టీడీపీ నేతలు.టీచర్ల ముసుగులో చొరబడ్డ టీఎన్‌ఎస్‌ఎఫ్‌ నేత చరణ్‌సాయి.వైఎస్సార్‌సీపీ శాంతియుత నిరసనను రెచ్చగొట్టే ప్రయత్నాలు.విజయవాడ లబ్బిపేట వద్ద ఉద్రిక్తతవైఎస్సార్‌సీపీ నేతలను అడ్డుకున్న పోలీసులు.డీఎస్సీ అక్రమాలపై వైఎస్సార్‌సీపీ నేతలు, కార్యకర్తల నిరసనబారికేడ్లను దాటి వెళ్లేందుకు వైఎస్సార్‌సీపీ నేతల ప్రయత్నం.డీఎస్సీ అక్రమాలపై సీబీఐ విచారణ జరపాలని నినాదాలు. విజయవాడలో పోలీసుల హైఅలర్ట్‌విజయవాడ రెడ్ సర్కిల్‌ వద్ద ఉద్రిక్తత..డీఎస్సీ అక్రమాలపై నిరసనకు తరలివచ్చిన వైఎస్సార్‌సీపీ శ్రేణులు.శాప్‌ కార్యాలయం దగ్గరకు వెళ్లకుండా అడ్డుకున్న పోలీసులు.పేర్నినాని, దేవినేని అవినాష్‌కు పోలీసులు నోటీసులు.శాప్‌ ఆఫీసుకు మూడువైపులా భారీ బందోబస్తు.వైఎస్సార్‌సీపీ ర్యాలీకి అనుమతి లేదంటున్న పోలీసులు.విజయవాడ వెళ్లే ప్రధాన కూడళ్లలో భారీ బందోబస్తు.సెక్షన్‌ 30 సాకుగా చూపి నిరసనలకు అనుమతి ఇవ్వని పోలీసులు.జనసేన, బీజేపీ వాళ్లకు వర్తించదా?: మల్లాది విష్ణు.బాపట్ల జిల్లా..బాపట్ల మండలం చుండూరుపల్లి వద్ద ఉద్రిక్తత..విజయవాడ వెళ్తున్న మాజీ డిప్యూటీ స్పీకర్ కోన రఘుపతిని అడ్డుకున్న పోలీసులురోడ్డుపై బైఠాయించి నిరసన తెలిపిన కోన రఘుపతికోన రఘుపతిని బాపట్ల పోలీస్ స్టేషన్‌కి తరలింపుకృష్ణా జిల్లా..వైఎస్సార్‌సీపీ డీఎస్సీ నిరసనపై పోలీసుల ఆంక్షలునిరసనలకు హాజరు కావద్దంటూ వైఎస్సార్‌సీపీ నేతలకు నోటీసులుమచిలీపట్నంలోని కృష్ణా జిల్లా పార్టీ కార్యాలయం వద్ద మోహరించిన పోలీసులుఎక్కడికక్కడే పార్టీ నేతలను అరెస్ట్‌ చేస్తున్న పోలీసులుపోలీసుల నోటీసులు.. నేడు విజయవాడ శాప్ కార్యాలయం ఎదుట వైఎస్సార్‌సీపీ నిరసనడీఎస్సీ స్పోర్ట్స్ కోటా అక్రమాలపై విచారణ జరపాలని, మంత్రి నారా లోకేష్ రాజీనామా చేయాలని డిమాండ్నిరసనలను అడ్డుకునేందుకు ప్రభుత్వం ప్రయత్నంవైఎస్సార్‌సీపీ నేతలకు నోటీసులు ఇస్తున్న పోలీసులుఅడ్డుకున్నా శాప్ కార్యాలయానికి వస్తామంటున్న పార్టీ నేతలుశాంతియుత నిరసనలను ఉద్రిక్తంగా మార్చేందుకు ప్రభుత్వ పెద్దల కుట్రలుకుట్రలు ఛేదించి నిరసనలు తెలుపుతామంటున్న పార్టీ శ్రేణులు👉 ఏపీలో డీఎస్సీలో అక్రమాలకు పాల్పడినవారిపై చర్యలు తీసుకోవాలని డిమాండ్‌ చేస్తూ వైఎస్సార్‌సీపీ నేడు విజయవాడ ఇందిరాగాంధీ మున్సిపల్‌ స్టేడియంలోని స్పోర్ట్స్‌ అథారిటీ ఆఫ్‌ ఆంధ్రప్రదేశ్‌ (శాప్‌) కార్యాలయం వద్ద ధర్నాకు పిలుపునిచ్చింది. నగరంలోని శిఖామణి సెంటర్‌ నుంచి శాప్‌ కార్యాలయం వరకు శాంతియుతంగా ర్యాలీ నిర్వహించాలని నిర్ణయించింది.👉ఈ కార్యక్రమంలో రాష్ట్రంలోని డీఎస్సీ బాధిత అభ్యర్థులు, నిరుద్యోగులు పాల్గొనాలని కోరింది. దీంతో ఈ కార్యక్రమాన్ని అడ్డుకునేందుకు ప్రభుత్వ పెద్దలు కుట్ర పన్నారు. వైఎస్సార్‌సీపీ శాంతియుత ర్యాలీకి పోటీగా అక్రమంగా నియామకాలు పొందిన వారితో బలప్రదర్శనకు పథకం రచించారు.ర్యాలీ, ధర్నాకు అనుమతి లేదు : డీసీపీ 👉మరోవైపు.. విజయవాడలోని శాప్‌ కార్యాలయం వద్ద సోమవారం వైఎస్సార్‌సీపీ నిర్వహించతలపెట్టిన నిరసన ధర్నా, ర్యాలీలకు అనుమతిలేదని డీసీపీ కృష్ణకాంత్‌ పటేల్‌ చెప్పారు. ఆయన ఆదివారం మీడియాతో మాట్లాడుతూ.. విజయవాడ నగరంలో వినాయక నిమజ్జన కార్యక్రమాలు, ఊరేగింపులు, ట్రాఫిక్‌ అంతరాయాలు, పోలీస్‌ సిబ్బంది కొరతను దృష్టిలో పెట్టుకుని ర్యాలీ, ధర్నాలకు అనుమతి నిరాకరించినట్లు పేర్కొన్నారు. అంతేకాకుండా ర్యాలీపై పోలీసులు ఆంక్షలు విధిస్తున్నారు. నిరసన ర్యాలీకు అనుమతి లేదంటూ పోలీసులు నోటీసులు జారీ చేశారు. డీఎస్సీ నిరసనలో పాల్గొంటే చట్ట ప్రకారం చర్యలు తీసుకుంటామంటూ నోటీసుల్లో పేర్కొన్నారు.👉కాగా, నిరసన ర్యాలీకి అనుమతి లేదంటూ ఆ పార్టీ ఎన్టీఆర్‌ జిల్లా అధ్యక్షుడు దేవినేని అవినాష్‌కు శనివారం మాచవరం ఎస్‌ఐ యోగేష్‌ నోటీసు అందించారు. విజయవాడలో ఎలాంటి ర్యాలీకి అనుమతి లేదని సెంట్రల్‌ ఏసీపీ పేరుతో ఆ నోటీసును అందజేశారు. ర్యాలీ చేస్తే చట్టప్రకారం చర్యలు తీసుకుంటామని పేర్కొన్నారు. కూటమి పార్టీలకు మద్దతుగా చేసే ర్యాలీలకు అనుమతించే పోలీసులు, ప్రతిపక్షాల ర్యాలీలపై ఉక్కుపాదం మోపడాన్ని ప్రజలు తీవ్రంగా ఖండిస్తున్నారు.పోలీసులను అడ్డుపెట్టుకుని..👉డీఎస్సీ స్పోర్ట్స్‌ కోటా నియామకాల్లో అక్రమాలు జరిగినట్లు వైఎస్సార్‌సీపీ ఇప్పటికే అనేక ఆధారాలు బయటపెట్టింది. అర్హత లేని వారికి ఉద్యోగాలిచ్చి, గోల్డ్‌ మెడల్స్‌ పొందినవారిని పక్కన పెట్టిన వైనాన్ని ఇప్పటికే పలుమార్లు ఆధారాలతో వైఎస్సార్‌సీపీ ప్రజల ముందుంచింది. పరీక్ష లేకుండానే నేరుగా ఉద్యోగాలు ఇచ్చేసినట్లు విద్యాశాఖ మంత్రి నారా లోకేశ్‌ సైతం అసెంబ్లీ సాక్షిగా అంగీకరించారు. దీంతో రోజురోజుకూ డీఎస్సీ అక్రమాలు మరిన్ని వెలుగు చూస్తుండటంతో ప్రభుత్వంలో ఆందోళన ప్రారంభమైంది. వైఎస్సార్‌సీపీ నిరసనలను ఎలాగైనా అడ్డుకునేందుకు పోలీసులను రంగంలోకి దించింది. రెడ్‌బుక్‌ రాజ్యాంగాన్ని అమలుచేస్తూ శాంతియుత ర్యాలీకి అనుమతిలేదని చెప్పించింది.ఇదీ చదవండి: ‘నిన్ను ఎలా నమ్మాలి చంద్రబాబు..’

సముద్ర మట్టానికి అత్యంత ఎత్తులో ఉన్న నగరాల్లో ఒకటైన ఎల్‌ ఆల్టోలో లైఫ్‌ ఎలా ఉంటుంది? ఈ ప్రశ్నకు సమాధానం తెలుసుకోవడానికి చాలా మంది దక్షిణ అమెరికాలోని బొలీవియాలో ఉన్న ఎల్‌ ఆల్టోకు వెళ్తుంటారు. లా పాజ్‌ నగరానికి సమీపంలో ఉన్న ఈ నగరం.. ఎత్తైన ప్రాంతాల్లో ప్రజల దైనందిన జీవితం ఎలా ఉంటుందో పరిచయం చేస్తుంది.విశాలమైన రహదారులు, ఇటుక భవనాలు, కలర్‌ఫుల్‌ మార్కెట్‌ స్ట్రీట్స్, దూరంగా కనిపించే మంచు పర్వతాలు ఎల్‌ ఆల్టో ప్రత్యేకత. కేబుల్‌ కారులో ప్రయాణిస్తే నగరం విస్తరించిన తీరు, కొండలు, రహదారులపై రాకపోకలు మరో కోణంలో కనిపిస్తాయి. మార్కెట్లలో స్థానికులు తమ రోజువారీ పనుల్లో బిజీగా కనిపిస్తారు.ఎల్‌ ఆల్టో వైబ్‌ను ఫీల్‌ అవ్వాలంటే కేబుల్‌ కారులో ప్రయాణిస్తే సరిపోతుంది అంటారు. ఇక్కడి మెర్కాడో 16 డి జులియో మార్కెట్‌లో స్థానికుల సందడి కనిపిస్తుంది. సమీపంలోని లా పాజ్‌ నగరం, వల్లే డి లా లూనా ప్రాంతాలను కూడా ట్రావెల్‌ లిస్టులో యాడ్‌ చేసుకోవచ్చు. ఎల్‌ ఆల్టోలో మన సమోసాల్లా ఉండే సాల్టెనాస్‌ను వేడివేడిగా ఆస్వాదించవచ్చు. ఉదయాన్నే హాట్‌ డ్రింక్‌తో పాటు స్వీట్‌గా ఉండే ఆపి కాన్‌ పాస్టెల్‌ను ఎంజాయ్‌ చేయవచ్చు. ఎత్తైన ప్రాంతం కావడంతో ఇక్కడి వాతావరణం, నగర దృశ్యాలు ప్రయాణికులకు కొత్త అనుభూతిని ఇస్తాయి.ఎప్పుడు వెళ్లాలి?ఎల్‌ ఆల్టోలో మే నుంచి అక్టోబర్‌ వరకు వర్షాలు తక్కువగా కురుస్తాయి. ఈ సమయంలో వాతావరణం సాధారణంగా పొడిగా ఉండటంతో పర్యటనకు అనుకూలంగా ఉంటుంది. అయితే ఎప్పుడు వెళ్లినా.. మొదటి రోజు కాస్త నెమ్మదిగా స్థానిక వాతావరణానికి అడ్జస్ట్‌ అవ్వడానికి ప్రయత్నించండి. ఆ తర్వాత మీ చెక్‌లిస్ట్‌ ప్రకారం ట్రావెల్‌ను కంటిన్యూ చేయొచ్చు.హైదరాబాద్‌ నుంచి ఎలా చేరుకోవాలి?హైదరాబాద్‌ నుంచి బొలీవియాకు నేరుగా విమానాలు లేవు. ఒకటి లేదా రెండు కనెక్టింగ్‌ ఫ్లైట్స్‌ ద్వారా బొలీవియా రాజధాని లా పాజ్‌ చేరుకోవాల్సి ఉంటుంది. మొత్తం ప్రయాణానికి సుమారు 24–30 గంటలు లేదా అంతకంటే ఎక్కువ సమయం పట్టవచ్చు. లా పాజ్‌ నుంచి ఎల్‌ ఆల్టోకు రోడ్డు మార్గంలో లేదా కేబుల్‌ కార్‌ ద్వారా చేరుకోవచ్చు.ఇదీ చదవండి: ఈ 5 పర్వతాలను ఎవరూ అధిరోహించలేదు! ఎందుకంటే?

సర్వసాధారణంగా సంపదను సృష్టించుకోవాలంటే ముందుగా శక్తివంతమైన ట్రెండ్స్‌ను గుర్తించాలంటూ మదుపరులకు సలహాలు వస్తుంటాయి. కానీ ఇది కొంతవరకే నిజం. ఈ ట్రెండ్స్‌లో ఏ కంపెనీలు పాలు పంచుకుంటాయి, వాటి ద్వారా అంతిమంగా ఎవరికి, ఎంత మేరకు ప్రయోజనం లభిస్తుందనేది గుర్తించడం చాలా క్లిష్టమైన పని. గత రెండు దశాబ్దాలుగా మార్కెట్లను శాసించిన కీలక థీమ్‌లను ఒకసారి చూద్దాం. ఇంటర్నెట్‌ అనేది వ్యాపారాలను, వినియోగదారుల ప్రవర్తనను పూర్తిగా మార్చివేసింది.స్మార్ట్‌ఫోన్లు ప్రజల సమాచార వ్యవస్థను, లావాదేవీల నిర్వహణ తీరుతెన్నులను మార్చాయి. డిజిటల్‌ చెల్లింపులు వాణిజ్య రూపురేఖలని మార్చేశాయి. కానీ, ఈ ప్రతి సెగ్మెంట్లోనూ ఆయా ట్రెండ్స్‌తో లాభపడతాయని ముందుగా అనుకున్న కంపెనీలలో చాలావరకు వెనుకబడిపోయాయి లేదా ఎవరూ ఊహించని కొత్త కంపెనీలు ముందుకు వచ్చి వాటిని అధిగమించాయి. ఇక్కడ థీమ్‌ సరైనదే, కానీ ప్రయోజనం పొందిన కంపెనీలు మారిపోయాయి. రిటైల్‌ పెట్టుబడిదారుల్లో ‘థీమాటిక్‌ ఇన్వెస్టింగ్‌’ (ప్రత్యేక రంగాలు లేదా థీమ్స్‌లో పెట్టుబడులు)కి ఆదరణ పెరుగుతున్న నేపథ్యంలో ఈ విషయాన్ని గుర్తుంచుకోవడం చాలా అవసరం.విస్తరిస్తున్న థీమాటిక్‌ ఇన్వెస్టింగ్‌ప్రస్తుతం చాలా మటుకు మదుపరుల పోర్ట్‌ఫోలియోల్లో తయారీ, రక్షణ, క్యాపిటల్‌ మార్కెట్, వినియోగం, డిజిటలైజేషన్, ఇంధనం, మౌలిక వసతుల కల్పన వంటి థీమ్‌లు ఎక్కువగా ఉంటున్నాయ. వీటిపై ఆసక్తి పెరగడానికి బలమైన కారణం ఉంది. స్వల్పకాలిక పరిణామాలు కాకుండా సుదీర్ఘకాలం పాటు ఆర్థిక వ్యవస్థలో వచ్చే మార్పులు ఈ థీమ్‌లకు దన్నుగా ఉంటాయి. భారత ఇంధన రంగాన్నే ఉదాహరణగా తీసుకుంటే, 2025–26 నాటికి దేశీయంగా మొత్తం విద్యుదుత్పత్తి సామర్థ్యం 530 గిగావాట్ల స్థాయిని దాటింది. పెరుగుతున్న విద్యుత్‌ అవసరాలకు అనుగుణంగా పెట్టుబడులు కూడా రానుండటంతో వచ్చే పదేళ్లలో మరో 589 గిగావాట్లు వస్తాయని అంచనా. ఇందులో అత్యధిక భాగం పునరుత్పాదక ఇంధనం ద్వారానే వస్తుందని భావిస్తున్నారు. దీనితో పాటు శిలాజ ఇంధనాలు కూడా దేశ ఇంధన భద్రతకు కీలకంగా కొనసాగనున్నాయి. ఇదొక గొప్ప దీర్ఘకాలిక అవకాశమని దాదాపు అందరూ అంగీకరిస్తున్నప్పటికీ, దీని ద్వారా ఏయే కంపెనీలు ప్రయోజనం పొందగలవనే విషయంపై మాత్రం ఏకాభిప్రాయం లేదు. మారే థీమ్‌లు.. ప్యాసివ్‌ ప్రాధాన్యం..ఇన్వెస్టర్లకు కొన్ని థీమ్‌లపై గట్టి నమ్మకం ఉన్నప్పటికీ, వాటిలో ఉండే అన్ని షేర్లను గుర్తించడం, ప్రతి దాని పనితీరును నిరంతరం పర్యవేక్షించడం చాలా కష్టమైన పని. ఇండివిడ్యువల్‌ స్టాక్స్‌ను ఎంచుకోవడంలో మానవ ప్రమేయంతో పని లేకుండా, నిర్దిష్ట థీమ్‌లో సులభంగా, పారదర్శకంగా, నిర్దిష్ట నిబంధనలకు కట్టుబడి ఇన్వెస్ట్‌ చేసే అవకాశాన్ని, ప్రామాణిక సూచీని అనుసరించే ప్యాసివ్‌ ఇన్వెస్టింగ్‌ అందిస్తుంది. ఈ వ్యూహం, నిర్దిష్ట థీమ్‌తో ముడిపడే కంపెనీలతో కూడుకున్న పోర్ట్‌ఫోలియోని ఏర్పర్చుకునేందుకు దోహదపడుతుంది. ఇటువంటి వ్యూహం చాలా తేలికైనదిగానే అనిపించవచ్చు కానీ చాలా కీలకమైనది. థీమాటిక్‌ సూచీలను క్రమం తప్పకుండా సమీక్షిస్తూ, మార్కెట్లో వచ్చే మార్పులకు తగ్గట్లుగా రీబ్యాలెన్స్‌ చేస్తుంటారు. ఫలితంగా క్రమశిక్షణ కలిగిన పెట్టుబడి విధానాన్ని పాటిస్తూనే, థీమ్‌లో వచ్చే మార్పులకు తగ్గట్లుగా ఇన్వెస్ట్‌ చేసే ప్రయోజనాలను మదుపరులు పొందేందుకు వీలవుతుంది.కంపెనీల నాయకత్వాలు మారతాయి. సాంకేతికతలు రూపాంతరం చెందుతాయి. పోటీ ప్రయోజనాలు తగ్గిపోతాయి. ప్రభుత్వ నిబంధనలు మారతాయి. పూర్తిగా కొత్త వ్యాపార మోడల్స్‌ తెరపైకి వస్తుంటాయి. దీనితో అంతిమంగా అత్యధిక సంపదను సృష్టించే కంపెనీలు, పెట్టుబడిదారులు మొదట్లో ఊహించినవి కాకపోవచ్చు. కేవలం కొన్ని షేర్లలోనే పెట్టుబడిని పరిమితం చేయకుండా, థీమ్‌ మొత్తంలో విస్తృతంగా భాగస్వామ్యం కల్పించడం ద్వారా ప్యాసివ్‌ విధానం ఈ అనిశ్చితిని తగ్గిస్తుంది. అలాగే, థీమాటిక్‌ ఇన్వెస్టింగ్‌లో తరచుగా ఎదురయ్యే భావోద్వేగపరమైన నిర్ణయాలను ఇది నియంత్రిస్తుంది. పెట్టుబడిదారులు సాధారణంగా ఏ రంగంలోనైనా బాగా రాణిస్తున్న కంపెనీల వైపే ఆకర్షితులవుతుంటారు. కానీ, తర్వాతెప్పుడో చూస్తే ఆ థీమ్‌లకు సారథ్యం వహించే కంపెనీలు మారిపోతుంటాయి. ఈ నేపథ్యంలో రిటైల్‌ మదుపరులు ఆచరించతగిన అంశం మరొకటి ఉంది. ఒక రంగానికి చెందిన ప్రతి కంపెనీని ట్రాక్‌ చేయడం కంటే, మొత్తం థీమ్‌ను అనుసరించడం చాలా తేలికైన విషయం. చాలా మంది ఇన్వెస్టర్లకు థీమ్‌పరంగా విస్తృతంగా ఉండే ఆర్థిక ధోరణులను అర్థం చేసుకోవాలనే ఆసక్తి, సమయం కూడా ఉండొచ్చు. కానీ, ఆ థీమ్‌నకు సంబంధించి పదుల సంఖ్యలో ఉన్న కంపెనీల నిర్వహణ నాణ్యత, పోటీ పరిస్థితులు, సాంకేతిక మార్పులు, వేల్యుయేషన్లను నిరంతరం పర్యవేక్షించే వనరులు అందరి దగ్గర ఉండవు. ఒక థీమ్‌పై స్పష్టమైన అంచనా ఉండి, ఆ రంగంలోని ప్రతి ఒక్క షేరును వెతికి పట్టుకునే భారం మోయకూడదనుకునే పెట్టుబడిదారులకు ‘థీమాటిక్‌ పాసివ్‌ ఫండ్లు’ ఎంతో ఉపయోగపడతాయి.ఇదీ చదవండి: తండ్రి ఆస్తిలో వాటా ఎవరికి? కూతురికా? కొడుక్కా?ప్రపంచవ్యాప్తంగా చాలా మటుకు బడా ఇన్వెస్టర్లు, వెల్త్‌ మేనేజ్‌మెంట్‌ సంస్థలు ఏదైనా రంగం లేదా థీమ్‌పై స్పష్టమైన అంచనా ఉన్నప్పుడు, వ్యూహాత్మక కేటాయింపుల కోసం థీమాటిక్‌ పాసివ్‌ ఫండ్లతో సహా ఇతర పాసివ్‌ ఫండ్లను ఉపయోగిస్తాయి. ఈ విధానం పారదర్శకంగా, నిబంధనలకు లోబడి, సరైన క్రమశిక్షణతో పెట్టుబడులు పెట్టేందుకు వాటికి సహాయపడుతుంది. థీమాటిక్‌ ఇన్వెస్టింగ్‌లో విజయం సాధించాలంటే, రేపటి గెలుపు గుర్రాలను ముందుగా గుర్తించడమే కీలకం అని చెప్తుంటారు. వాస్తవానికి, వాటికి సంబంధించిన యావత్‌ వ్యవస్థలో ఇన్వెస్ట్‌ చేస్తే, దాన్నుంచి ఆవిర్భవించే విజేతలను ఒడిసి పట్టుకోవడానికి వీలవుతుంది. ఈ నేపథ్యంలో నిర్దిష్ట థీమ్‌కి చెందిన ఒక్కో సంస్థలో ఇన్వెస్ట్‌ చేయడం కన్నా మొత్తం వ్యవస్థలో ఇన్వెస్ట్‌ చేసే ప్రయోజనాన్ని అందించే ప్యాసివ్‌ విధానం ఇందుకు తోడ్పడుతుంది.

కర్నూలు: ప్రేమించి పెళ్లి చేసుకుంటానని ఒక యువకుడు నమ్మక ద్రోహం చేశాడు. ప్రభుత్వ ఉద్యోగం రాగానే ముఖం చాటేశాడు. కులం పేరుతో పెళ్లిని నిరాకరించాడు. దీంతో తీవ్ర మనస్తాపానికి గురైన బీఈడీ చేసిన యువతి ఆత్మహత్యకు పాల్పడ్డారు. కర్నూలు నగరం బుధవారపేటకు చెందిన శ్రీదేవి, చిన్న మద్దిలేటి దంపతుల కుమార్తె మంజుల గోనెగండ్లలో తన అమ్మమ్మ ఇంట్లో ఉండి పదో తరగతి, ఇంటర్‌ చదువుకున్నారు. ఆ సమయంలో ఈ యువతిని ఇంటికి ఎదురుగా ఉన్న కృష్ణమూర్తి ప్రేమించాడు. పెళ్లి చేసుకుంటానని నమ్మించాడు. ఐదేళ్లపాటు ఇద్దరూ కలిసి పలు ప్రాంతాల్లో తిరిగారు. మంజుల బీఈడీ పూర్తి చేసి డీఎస్సీ పరీక్ష రాసి విఫలమయ్యారు. కృష్ణమూర్తికి ఇటీవల టీచర్‌ ఉద్యోగం వచ్చింది. పెళ్లి చేసుకుంటానని చెప్పి నమ్మించిన కృష్ణమూర్తి ప్రభుత్వ ఉద్యోగం సాధించాక మంజులను దూరం పెట్టడం ప్రారంభించాడు. కులం పేరుతో తిరస్కరణ ఉద్యోగం వచ్చాక మంజుల పెళ్లి ప్రస్తావన తెచ్చిన ప్రతిసారీ కృష్ణమూర్తి చిరాకు పడేవాడు. ఇద్దరం వేర్వేరు కులానికి చెందిన వారమని, కులాలు వేరు కావడంతో పెళ్లి చేసుకోవడం కుదరదని తేల్చి చెప్పాడు. మంజుల తండ్రి చనిపోవడంతో తల్లి శ్రీదేవితో కలిసి కర్నూలు కొత్తపేటలో హోటల్‌ నడుపుతూ జీవనం సాగించేవారు. ప్రియుడు పెళ్లికి నిరాకరించడంతో ఈ నెల 16వ తేదీన ఆల్‌ అవుట్‌ మందు తాగి అపస్మారక స్థితిలో పడి ఉండగా కుటుంబసభ్యులు గుర్తించి ప్రభుత్వ ఆసుపత్రిలో చేర్పించారు.. చికిత్స పొందుతూ కోలుకోలేక ఆదివారం తెల్లవారుజామున మంజుల(27) మృతిచెందారు. తల్లి శ్రీదేవి ఇచ్చిన ఫిర్యాదు మేరకు కర్నూలు రెండో పట్టణ పోలీసులు కేసు నమోదు చేశారు. మంజుల మృతదేహానికి పోస్టుమార్టం నిర్వహించి, కుటుంబసభ్యులకు అప్పగించారు. బుధవారపేటలోని శ్మశానవాటికలో ఆదివారం మధ్యాహ్నం అంత్యక్రియలు నిర్వహించారు. సంఘటనపై పూర్తిస్థాయిలో విచారణ జరుపుతున్నట్లు పోలీసులు తెలిపారు. కృష్ణమూర్తి స్వగ్రామం గోనెగండ్ల అయితే అతను ప్రస్తుతం పరారీలో ఉన్నట్లు పోలీసులు చెప్పారు. కొత్తపేటలో చోటుచేసుకున్న ఈ విషాద సంఘటన స్థానికంగా తీవ్ర కలకలం రేపింది.ఇదీ చదవండి: సాఫ్ట్‌వేర్‌ ఉద్యోగిని ఆత్మహత్య

ఇండోర్: ఎల్‌నినో ప్రభావం కారణంగా దేశంలోని నదులు, చెరువులు, కుంటలు ఎండిపోయాయి. ఇటువంటి పరిస్థితుల్లో గణపయ్యల నిమ‍జ్జనం పెద్ద సవాల్‌గా నిలిచింది. ఎండిపోయిన నీటి వనరుల్లో గణపతి విగ్రహాలను వేయాల్సిరావడం పలువురిలో ఆవేదన కలిగిస్తున్నది. ఈ పరిస్థితిని అర్థం చేసుకున్న మధ్యప్రదేశ్‌లోని ఇండోర్‌ మున్సిపల్‌ కొర్పొరేషన్‌ సరికొత్త విధానాన్ని అమలు చేస్తోంది. గణేశ్ నిమజ్జనానికి సంబంధించి ఇండోర్ మున్సిపల్ కార్పొరేషన్ (ఐఎంసీ) ప్రత్యేక ఏర్పాట్లు చేస్తోంది. నగరవ్యాప్తంగా ప్రజల నుంచి నిమజ్జనానికి సిద్ధమైన గణేశ్ విగ్రహాలను సేకరించేందుకు 100కుపైగా కేంద్రాలను ఏర్పాటు చేసింది.సేకరించిన గణేశ్ విగ్రహాలను సంప్రదాయ ఆచారాల ప్రకారం సెప్టెంబర్ 25, 26 తేదీల్లో మున్సిపల్‌ అధికారులు నిమజ్జనం చేయనున్నారు. ధార్ రోడ్డులోని జవహర్ టేక్రి క్వారీలో వర్షపు నీటితో ఏర్పడిన జలాశయంలో ఈ విగ్రహాలను నిమజ్జనం చేయనున్నట్లు అధికారులు తెలిపారు. మతపరమైన భావోద్వేగాలు దెబ్బతినకుండా నిమజ్జనం నిర్వహణకు ఐఎంసీ ఇంజినీర్లు ప్రత్యేక హైడ్రాలిక్ ప్లాట్‌ఫామ్‌ను రూపొందించారు. విగ్రహాలను ఈ ప్లాట్‌ఫామ్‌పై ఉంచి యాంత్రిక విధానంలో వాటిని నీటిలోకి దించనున్నారు.అనంతరం నియంత్రిత ఓపెనింగ్ వ్యవస్థ ద్వారా విగ్రహాలు నీటి ఉపరితలం కిందకు చేరేలా ఏర్పాట్లు చేశారు. ఈ విధానం ద్వారా విగ్రహాలను నేరుగా చేతులతో నీటిలోకి దించే అవసరం ఉండదని అధికారులు తెలిపారు. మరోవైపు గణేశ్‌ నిమజ్జనం సందర్భంగా భారీ శోభాయాత్రలు జరిగే అవకాశం ఉండటంతో నగరంలోని ఏడు కిలోమీటర్ల ఊరేగింపు మార్గంలో రోడ్ల పునరుద్ధరణ, నిర్వహణ పనులను అధికారులు వేగవంతం చేశారు.ఇదీ చదవండి: ఏఐతో వైద్యరంగం గందరగోళం.. సమస్య ఎక్కడుంది?

ఆసియా క్రీడల్లో భారత మహిళల టేబుల్‌ టెన్నిస్‌ జట్టు సత్తా చాటింది. గ్రూప్‌-ఎఫ్‌ రెండో మ్యాచ్‌లో చిరకాల ప్రత్యర్థి పాకిస్తాన్‌ను 3-0తో చిత్తు చేసింది. వరుసగా రెండు విజయాలతో క్వార్టర్‌ ఫైనల్‌ బెర్త్‌ ఖరారు చేసుకుంది. ఆదివారం సింగపూర్‌పై హోరాహోరీ పోరులో 3-2తో గెలిచిన భారత్‌.. తాజాగా పాక్‌పై ఏకపక్ష విజయాన్ని నమోదు చేసింది.పాకిస్తాన్‌తో మ్యాచ్‌లో భారత్‌ తమ బెంచ్‌ బలాన్ని పరీక్షించుకుంది. స్టార్‌ ప్లేయర్లు దియా చితాలే, యశస్విని ఘోర్పడేలకు విశ్రాంతినిచ్చి సుతీర్థ ముఖర్జీ, సిండ్రెలా దాస్‌లకు అవకాశం కల్పించింది.తొలి మ్యాచ్‌లో సుతీర్థ ముఖర్జీ 11-3, 11-3, 11-4తో అలీనా ఖాన్‌ను చిత్తు చేసి భారత్‌కు 1-0 ఆధిక్యాన్ని అందించింది. రెండో మ్యాచ్‌లో సిండ్రెలా దాస్‌ 11-6, 11-7, 11-5తో కల్సూమ్‌ ఖాన్‌పై విజయం సాధించింది. దీంతో భారత్‌ 2-0తో ఆధిక్యంలోకి వెళ్లింది.ఇక మూడో మ్యాచ్‌లో ఆకుల శ్రీజ 11-4, 11-4, 11-5తో ఫాతిమా ఖాన్‌ను ఓడించి భారత విజయాన్ని ఖరారు చేసింది. దీంతో భారత్‌ 3-0తో పాక్‌ను ఓడించి క్వార్టర్‌ ఫైనల్‌కు దూసుకెళ్లింది.సింగపూర్‌పై ఉత్కంఠ విజయంఆదివారం సింగపూర్‌తో జరిగిన తొలి మ్యాచ్‌లో భారత ప్లేయర్లు అద్భుతంగా పోరాడారు. ఒక దశలో 1-2తో వెనుకబడిన భారత్‌.. ఓటమి అంచు నుంచి తిరిగి వచ్చింది. ఆకుల శ్రీజ, యశస్విని ఘోర్పడే కీలక మ్యాచ్‌ల్లో విజయాలు సాధించడంతో భారత్‌ 3-2తో గెలుపొందింది.ఇదీ చదవండి: ఏషియన్‌ గేమ్స్‌లో భారత్‌కు మూడో పతకం

పర్వతారోహణ అంటేనే సాహసం. ప్రపంచంలోనే అత్యంత ఎత్తైన ఎవరెస్ట్‌ శిఖరాన్ని మనిషి అధిరోహించాడు. మరి ఎవరెస్ట్‌ను ఎక్కిన పర్వతారోహకులు ప్రపంచంలోని తమకు నచ్చిన ప్రతీ శిఖరాన్ని అధిరోహించగలరా? అంటే ‘నో’ అనే సమాధానం వస్తుంది. ప్రతీ పర్వతాన్ని మనిషి ఎక్కడం సాధ్యం కాదు. ప్రపంచంలో కొన్ని పర్వతాలు ఎవరెస్ట్‌ కంటే తక్కువ ఎత్తులో ఉన్నప్పటికీ వాటి శిఖరాలను అధిరోహించడం ఎప్పటికీ వీలు కాదు. ఎందుకంటే ఇందులో కొన్ని పర్వతాలపై కాలు పెట్టడం నిషేధించారు. ఇందులో కొన్ని పర్వతాలకు ఆధ్యాత్మిక ప్రాధాన్యత ఉంది. మరికొన్ని పర్వతాలను పర్యావరణ పరిరక్షణ కోసం రక్షించేందుకు నియమాలు పెట్టారు. ఇంకొన్ని చోట్ల ప్రభుత్వ నిబంధనలే పర్వతారోహణకు అడ్డుగా నిలుస్తున్నాయి.ప్రపంచంలో మూడో ఎత్తైన కాంచెన్‌జంగా శిఖరాన్ని 1955లో తొలిసారిగా అధిరోహించారు. నేపాల్‌ వైపు నుంచి ఆ తర్వాత కూడా అనేక అధిరోహణలు జరిగాయి. కానీ సిక్కిం వైపు నుంచి శిఖరారోహణకు నిషేధం ఉంది. అంటే పర్వతం ఎత్తు కంటే దాని వెనుక ఉన్న విశ్వాసాలు, ప్రకృతి, ప్రభుత్వ నిబంధనలే కొన్ని శిఖరాలను ప్రత్యేకంగా మార్చాయి. అలాంటి ఐదు పర్వతాల కథ ఇది.నందాదేవి : ప్రకృతిని కాపాడేందుకు నిషేధంఉత్తరాఖండ్‌లోని నందాదేవి శిఖరం సుమారు 7,816 మీటర్ల ఎత్తులో ఉంటుంది. హిమాలయాల్లోని అత్యంత ముఖ్యమైన పర్వతాల్లో ఇది ఒకటి. నందాదేవిని స్థానిక సంప్రదాయాల్లో దేవతా స్వరూపంగా భావిస్తారు. ఈ ప్రాంతానికి ఆధ్యాత్మిక ప్రాధాన్యతతో పాటు అపారమైన పర్యావరణ ప్రాధాన్యత ఉంది. గతంలో నందాదేవి ప్రాంతంలో పర్వతారోహణ కార్యకలాపాలు పెరగడంతో చెత్త పేరుకుపోవడం, సహజ పర్యావరణానికి నష్టం కలగడం వంటి సమస్యలు ఎదురయ్యాయి.దీంతో 1983 నుంచి నందాదేవి నేషనల్‌ పార్క్‌లో పర్వతారోహణ, సాహస కార్యకలాపాలపై నిషేధం విధించారు. పర్యావరణాన్ని కాపాడటమే దీనిలో ప్రధాన ఉద్దేశం. అంటే నందాదేవి విషయంలో మత విశ్వాసంతో పాటు ప్రకతి పరిరక్షణ కూడా ముఖ్యమైన అంశం. ప్రతి శిఖరాన్ని అధిరోహించడం కంటేం కొన్ని శిఖరాలను అలాగే కాపాడటం కూడా అవసరమేనని నందాదేవి చెబుతోంది.మచ్ఛపుచ్ఛరే: చేప తోకలా కనిపించే పవిత్ర పర్వతంనేపాల్‌లోని అన్నపూర్ణ పర్వత శ్రేణిలో ఉన్న మచ్ఛపుచ్ఛరే మరో అద్భుతమైన శిఖరం. దీని ఎత్తు సుమారు 6,993 మీటర్లు. పర్వతం పైభాగం రెండు కొమ్ముల్లా విడిపోయి చేప తోకను పోలి కనిపిస్తుంది. అందుకే దీనికి మచ్ఛపుచ్ఛరే అనే పేరు వచ్చింది. స్థానిక గురుంగ్‌ సంప్రదాయాల్లో ఈ పర్వతానికి పవిత్రమైన స్థానం ఉంది. శివుడితో దీనికి ఆధ్యాత్మిక అనుబంధం ఉందనే స్థానిక విశ్వాసాలు కూడా ఉన్నాయి. 1950లలో ఈ పర్వతాన్ని అధిరోహించేందుకు ప్రయత్నాలు జరిగాయి. కానీ శిఖరాన్ని పూర్తిగా అధిరోహించలేదు. ఆ తర్వాత నేపాల్‌ ప్రభుత్వం ఈ పర్వతాన్ని పవిత్రమైనదిగా పరిగణించి పర్వతారోహణకు అనుమతి ఇవ్వలేదు. అందుకే మచ్ఛపుచ్ఛరే నేటికీ పూర్తిగా అధిరోహించని అందమైన హిమాలయ శిఖరంగా నిలిచింది.కైలాస పర్వతం: పవిత్రతను గౌరవించడంపరమేశ్వరుడి నివాసంగా భావించే శిఖరం ఇది. టిబెట్‌లోని కైలాస పర్వతం ఎత్తు సుమారు 6,638 మీటర్లు. అంటే 8,849 మీటర్ల ఎత్తున్న ఎవరెస్ట్‌ కంటే ఇది చాలా తక్కువ. అయితే కైలాసం ప్రత్యేకత దాని ఎత్తులో లేదు. దాని ఆధ్యాత్మిక ప్రాధాన్యతలో ఉంది. హిందువులు కైలాసాన్ని పరమశివుడి నివాసంగా భావిస్తారు. బౌద్ధులు, జైనులు, బాన్‌ సంప్రదాయాల్లో కూడా ఈ పర్వతానికి ఎంతో పవిత్రమైన స్థానం ఉంది. కైలాసం చుట్టూ పరిక్రమ చేయడానికి యాత్రికులు వెళ్తారు. కానీ పర్వత శిఖరాన్ని అధిరోహించడం మాత్రం అనుమతించరు. కైలాస శిఖరాన్ని విజయవంతంగా అధిరోహించినట్టు ఇప్పటి వరకు విశ్వసనీయమైన నమోదు కూడా లేదు. అందుకే ప్రపంచంలోని ఎన్నో ఎత్తైన శిఖరాలు పర్వతారోహకులను ఆకర్షిస్తుంటే కైలాసం మాత్రం భిన్నంగా నిలిచింది. ఇక్కడ లక్ష్యం శిఖరాన్ని జయించడం కాదు. దూరం నుంచి దర్శించి, దాని పవిత్రతను గౌరవించడం.కాంచెన్‌జంగా: సిక్కిం వైపు నుంచి ఎక్కలేరుభారత్‌–నేపాల్‌ సరిహద్దులో ఉన్న కాంచెన్‌జంగా ప్రపంచంలో మూడో ఎత్తైన పర్వతం. దీని ఎత్తు 8,586 మీటర్లు. కాంచెంజంగాను ఎవరూ అధిరోహించని పర్వతం అనుకోవద్దు. 1955 మే 25న జో బ్రౌన్, జార్జ్‌ బ్యాండ్‌ తొలిసారిగా కాంచెంజంగా శిఖరాన్ని అధిరోహించారు. ఆ తర్వాత నేపాల్‌ వైపు నుంచి అనేక పర్వతారోహణలు జరిగాయి. అయితే ఇక్కడే ఒక ఆసక్తికరమైన విషయం ఉంది.కాంచెన్‌జంగా సిక్కిం వైపు నుంచి శిఖరారోహణకు అనుమతి లేదు. సిక్కిం ప్రజల సంప్రదాయాల్లో కాంచెన్‌జంగాకు ఎంతో పవిత్రమైన స్థానం ఉంది. స్థానిక విశ్వాసాల్లో ఇది రక్షక దేవతతో అనుబంధం కలిగిన పవిత్ర పర్వతంగా భావిస్తారు. అందుకే ఒకే పర్వతంం ఒక వైపు నుంచి అధిరోహించబడుతుండగా, మరో వైపు నుంచి మాత్రం పవిత్రమైన శిఖరంగా గౌరవించబడుతోంది. ఇదే కాంచెన్‌జంగా ప్రత్యేకత.గంఖర్‌ పుయెన్సమ్‌: ప్రపంచంలోనే అత్యంత ఎత్తైన అధిరోహించని శిఖరంభూటాన్, టిబెట్‌ సరిహద్దు ప్రాంతంలో ఉన్న గంఖర్‌ పుయెన్సమ్‌ ఎత్తు సుమారు 7,570 మీటర్లు. ఎవరెస్ట్‌ కంటే ఇది దాదాపు 1,300 మీటర్లు తక్కువ. అయినా ఇప్పటివరకు ఈ శిఖరాన్ని విజయవంతంగా అధిరోహించలేదు. అందుకే ఇది ప్రపంచంలోనే అత్యంత ఎత్తైన అధిరోహించని పర్వతంగా ప్రసిద్ధి చెందింది. దీనికి కారణం ఈ పర్వతాన్ని అధిరోహించడం కష్టం అని మాత్రమే కాదు. నిజానికి భూటాన్‌ లోని పర్వతాలకు ఆధ్యాత్మిక ్రపాధాన్యత ఉంది. 1994లో 6,000 మీటర్లకు పైబడిన పర్వతాలపై అధిరోహణకు నిషేధం విధించారు. 2003 నుంచి భూటాన్‌ లో పర్వతారోహణపై మరింత కఠినమైన నిషేధం అమల్లోకి వచ్చింది.దీంతో గంఖర్‌ పుయెన్సమ్‌ ఇప్పటికీ మనిషి అధిరోహించని అత్యంత ఎత్తైన శిఖరంగా నిలిచింది. ప్రపంచంలోని ఎత్తైన పర్వతాలను జయించాలనే లక్ష్యంతో పర్వతారోహకులు ముందుకు వెళ్తుంటేం భూటాన్‌ మాత్రం తన పవిత్ర పర్వతాలను అధిరోహణ నుంచి దూరంగా ఉంచింది.ఇదీ చదవండి: ఏఐ.. బుక్స్‌ భోంచేస్తోందిప్రతి పర్వతాన్ని జయించాల్సిన అవసరం ఉందా?ఈ ఐదు పర్వతాల కథలను చూస్తే ఒక విషయం అర్థమవుతుంది. మనిషి ప్రపంచంలోని ఎన్నో ఎత్తైన శిఖరాలను అధిరోహించాడు. కానీ ప్రతి పర్వతాన్ని జయించాల్సిన అవసరం లేదని ఈ పర్వతాలు గుర్తు చేస్తున్నాయి.విశ్వాసానికి ప్రతీకలు... - కాంచెంజంగా స్థానిక సంప్రదాయాలకు ఉన్న గౌరవానికి ఉదాహరణ.- నందాదేవి ప్రకృతి పరిరక్షణ అవసరాన్ని గుర్తు చేస్తుంది.- గంఖర్‌ పుయెన్సమ్‌ ఒక దేశం తన పర్వతాలను అధిరోహణ నుంచి రక్షించిన ప్రత్యేక ఉదాహరణ.- మచ్ఛపుచ్ఛరే ప్రకృతి అందాన్ని దూరం నుంచే ఆస్వాదించాల్సిన పవిత్ర శిఖరంగా నిలిచింది.- పర్వతారోహకుడికి శిఖరాన్ని చేరుకోవడం ఒక లక్ష్యం కావచ్చు. కానీ కొన్ని పర్వతాల విషయంలో స్థానిక విశ్వాసాలు, పర్యావరణ పరిరక్షణ, ప్రభుత్వ నిబంధనలను గౌరవించడం కూడా ఆ పర్వతాల ప్రత్యేకతలో భాగమే.- ప్రతి పర్వతం మనిషి జయించడానికి పుట్టలేదు. కొన్ని పర్వతాలుం మనిషి దూరం నుంచి చూసి, వాటి విశ్వాసాలను గౌరవించి, ప్రకృతిని కాపాడుతూ ఉండటానికే.– ఎం.జి. కిశోర్, ప్రయాణికుడు

బిగ్‌బాస్‌ తెలుగు సీజన్‌ 10లో ఆదివారం ఎపిసోడ్‌ ఎమోషనల్‌గా సాగింది. అక్కినేని నాగేశ్వరరావు జయంతి సందర్భంగా ఆయన పాటలతో నాగార్జున స్టేజ్‌పైకి ఎంట్రీ ఇచ్చారు. ప్రేక్షకులతో ముచ్చటించిన నాగ్‌.. వారికి ఎవరు నచ్చుతున్నారు? ఎవరి ఆట ఎలా ఉంది? అనే విషయాలను తెలుసుకున్నారు. అనంతరం అక్కినేని నాగేశ్వరరావు జయంతి సందర్భంగా ఆయనకు, తనకు ఎంతో ఇష్టమైన చేనేత వస్త్రాలను ధరించినట్లు నాగార్జున తెలిపారు. ప్రతి ఒక్కరూ చేనేతను ప్రోత్సహించాలని ఈ సందర్భంగా ప్రేక్షకులను కోరారు. ఇది ఇలా ఉంటే అసలు నిన్నటి ఎపిసోడ్‌లో ఏం జరిగింది?. అంతలా ఎమోషనల్‌ ఎందుకు అయ్యారో ఒకసారి తెలుసుకుందాం.. రండి!ఇదీ చదవండి: ‘పదో తరగతి చదివి.. ఇప్పుడు డైరెక్టర్లు అయ్యాం..’పాటలు.. డ్యాన్సులతో సందడిహౌస్‌లో వినోదం మొదలైంది. ఝాన్సీ ‘చెమ్కీల అంగీలేసి’ పాట పాడగా.. త్రిగుణ్‌, అమన్‌ తమదైన స్టైల్‌లో బిగ్‌బాస్‌పై పాట పాడి అలరించారు. అనంతరం ముకేశ్‌, దేబ్జానీ కలిసి ‘ఎవరెవరో’ పాటకు రొమాంటిక్‌ డ్యాన్స్‌తో ఆకట్టుకున్నారు. వర్షిణి, చరణ్‌ ‘వస్తున్నాయ్‌ ఫీలింగ్స్‌’ పాటకు డ్యాన్స్‌ చేసి ఎపిసోడ్‌లో సందడి చేశారు.కృష్ణుడికి ఎండ్‌ కార్డ్‌..ఈ వారం బిగ్‌బాస్‌ హౌస్‌ నుంచి కృష్ణుడు ఎలిమినేట్‌ అయ్యారు. చివరి రౌండ్‌లో సృష్టి, కృష్ణుడు మాత్రమే మిగలగా.. వారిలో కృష్ణుడి జర్నీకి ఎండ్‌ కార్డ్‌ పడింది. ‘నీ కోసం స్టేజ్‌పై వెయిట్‌ చేస్తుంటా.. వచ్చేయ్‌’ అంటూ నాగార్జున చెప్పడంతో కృష్ణుడు ఇంటి సభ్యులకు వీడ్కోలు పలికారు. బయటకు వెళ్తూ కృష్ణుడు మాత్రం తన ఎలిమినేషన్‌పై బాధపడటం లేదని చెప్పారు. గత వారం తాను చాలా లోగా ఉన్నానని, సరిగ్గా ఆడలేకపోయానని అంగీకరించారు. ‘నేను ఆడలేనందుకు బాధపడటం లేదు. నేను వెళ్లిపోతానని మీకు ముందే చెప్పాను. నేను ట్రై చేశా.. కానీ ఆడలేకపోయాను. అందరూ బాగా ఆడండి. స్ట్రాంగ్ గేమ్ ఆడాలంటే స్ట్రాంగ్ ప్లేయర్స్‌ ఉండాలి. ఇక్కడ చాలా మంది ఉన్నారు’ అని కృష్ణుడు చెప్పి ఇంటి నుంచి బయటకు వచ్చారు.ఇదీ చదవండి: నన్ను బతికుండగానే చంపేశారు కదరా.. నటి భావోద్వేగం..కన్నీళ్లు పెట్టుకున్న రోహిత్‌కృష్ణుడు బయటకు వెళ్తున్న సమయంలో రోహిత్‌ తీవ్ర భావోద్వేగానికి గురయ్యాడు. ‘మీ కళ్లు మా నాన్నలాగే ఉంటాయి అన్నా. మీరు వెళ్లిపోతుంటే ఆ కళ్లను చూసే ఛాన్స్‌ కూడా నాకు ఉండదు’ అంటూ రోహిత్‌ ఏడ్చాడు. అది చూసిన కృష్ణుడు కూడా ఎమోషనల్‌ అయ్యారు. తనకంటే చిన్నవాళ్లను అర్థం చేసుకోవడంలో కొన్నిసార్లు విఫలమయ్యానని కృష్ణుడు చెప్పారు. ‘నేను కూడా అలా రియాక్ట్‌ అయ్యి ఉండాల్సింది కాదు. నేను కూడా ఫీల్‌ అవుతున్నా. కోపంలో కంట్రోల్‌ చేసుకోలేకపోయాను. మీ అందరికంటే పెద్దోడ్ని అయినా మిమ్మల్ని అర్థం చేసుకోలేకపోయాను’ అంటూ కృష్ణుడు కన్నీళ్లు పెట్టుకున్నారు. ఆరోగ్యం గురించి కృష్ణుడు ఏమన్నాడంటే..ఎలిమినేషన్‌ అనంతరం స్టేజ్‌పైకి వచ్చిన కృష్ణుడు నాగార్జునతో తన ఆరోగ్య పరిస్థితి గురించి మాట్లాడారు. ‘నేను చేసిన మిస్టేక్‌ ఏంటంటే.. గత ఎనిమిది రోజులుగా షుగర్‌ తినడం మానేశాను. ఇలా అయితే హెల్త్‌కు బెనిఫిట్‌ అవుతుందని అనుకున్నాను. కానీ వీక్‌ అవుతానని అనుకోలేదు. అది రివర్స్‌ అయ్యింది. నేను కనీసం పది కేజీల స్వీట్స్‌ తింటాను. సడెన్‌గా షుగర్‌ మానేయడంతో వీక్‌ అయిపోయాను. దాని ఎఫెక్ట్‌ చాలా చూపించింది’ అని కృష్ణుడు తెలిపారు. దీనిపై నాగార్జున స్పందిస్తూ.. బయటకు వెళ్లిన తర్వాత కూడా మెల్లగా షుగర్‌ను తగ్గించుకుంటూ రెండు నెలల్లో పూర్తిగా మానేయాలని సూచించారు.వచ్చే వారం..బిగ్‌బాస్‌ తెలుగు 10లో వచ్చే వారం కంటెస్టెంట్లకు మరో ఆసక్తికరమైన టాస్క్‌ ఎదురుకానుంది. ‘Temptation vs Tension’ పేరుతో జరగనున్న ఈ గేమ్‌లో కంటెస్టెంట్లకు ఎలాంటి ఛాలెంజ్‌లు ఎదురవుతాయి? ఎవరెవరు టెంప్టేషన్స్‌కు లొంగుతారు? ఎవరెవరు ఒత్తిడిని తట్టుకుని నిలబడతారనేది ఆసక్తికరంగా మారింది. వచ్చే వారం ఈ గేమ్‌ హౌస్‌లో కొత్త గొడవలకు, ట్విస్టులకు కారణమయ్యేలా కనిపిస్తోంది. ఇలా కృష్ణుడి ఎలిమినేషన్‌తో ఒకవైపు భావోద్వేగం.. మరోవైపు పాటలు, డ్యాన్సులతో ఆదివారం ఎపిసోడ్‌ సాగింది. ఇదీ చదవండి: ‘రామాయణ’ ఈ వెర్షన్‌లో 30 నిమిషాల నిడివి తగ్గింపు!

టీమిండియా మాజీ పేసర్‌ లక్ష్మీపతి బాలాజీకి కీలక బాధ్యతలు దక్కాయని తెలుస్తోంది. ఆస్ట్రేలియా-ఏతో జరగనున్న సిరీస్‌ కోసం ఆయనను ఇండియా-ఏ జట్టు హెడ్‌ కోచ్‌గా నియమించినట్లు ప్రముఖ వార్తా సంస్థ పీటీఐ వెల్లడించింది. సెప్టెంబర్‌ 22 నుంచి అక్టోబర్‌ 11 వరకు పుదుచ్చేరిలో జరిగే ఈ మల్టీ ఫార్మాట్‌ సిరీస్‌లో రెండు అనధికారిక టెస్టులు, మూడు వన్డేలు ఉన్నాయి. బాలాజీ దేశానికి ప్రాతినిథ్యం వహించే జట్టుకు హెడ్‌ కోచ్‌గా వ్యవహరించడం ఇదే తొలిసారి అవుతుంది. 2017 ఐపీఎల్‌ సీజన్‌లో అతడు కోల్‌కతా నైట్‌రైడర్స్‌కు బౌలింగ్‌ కోచ్‌గా పనిచేశాడు. 2018 నుంచి 2022 వరకు చెన్నై సూపర్‌ కింగ్స్‌ బౌలింగ్‌ కోచ్‌గా సేవలందించాడు.బాలాజీ భారత్‌ తరఫున 2002-2012 మధ్యలో 8 టెస్ట్‌లు, 30 వన్డేలు, 5 టీ20 ఆడి 71 వికెట్లు తీశాడు. అతడికి ఐపీఎల్‌లో మంచి ట్రాక్‌ రికార్డు ఉంది. 73 మ్యాచ్‌ల్లో 76 వికెట్లు పడగొట్టి, రెండు సార్లు ఛాంపియన్‌ జట్లలో భాగస్వామిగా ఉన్నాడు. 2010లో చెన్నై సూపర్‌ కింగ్స్‌ , 2012లో కోల్‌కతా నైట్‌రైడర్స్‌ టైటిళ్లు సాధించిన జట్లలో సభ్యుడిగా ఉన్నాడు.ఆసీస్‌-ఏతో సిరీస్‌ విషయానికొస్తే.. ఈ సిరీస్‌లో మల్టీ డే మ్యాచ్‌లకు దేవదత్‌ పడిక్కల్‌, వన్డేలకు రుతురాజ్‌ గైక్వాడ్‌ భారత జట్ల కెప్టెన్లుగా వ్యవహరించనున్నారు. మల్టీ డే మ్యాచ్‌లకు ఎంపిక చేసిన జట్టులో సాయి సుదర్శన్‌, అన్షుల్‌ కంబోజ్‌, తనుష్‌ కోటియన్‌, ఎన్‌ జగదీశన్‌, విజయ్‌ కుమార్‌ వైశాక్‌ లాంటి గుర్తింపు పొందిన ఆటగాళ్లు ఉన్నారు.వన్డే జట్టులో కెప్టెన్‌ రుతురాజ్‌తో పాటు పడిక్కల్‌, ప్రియాంశ్‌ ఆర్య, సాయి సుదర్శన్‌, రజత్‌ పాటిదార్‌, హార్దిక్‌ పాండ్యా లాంటి సార్లు ఉన్నారు. ఇదీ చదవండి: టీమిండియా క్రికెటర్‌ సంచ‌ల‌న నిర్ణ‌యం.. 18 ఏళ్ల త‌ర్వాత‌ వేరే జట్టుకు?

దేశ రాజకీయాల్లో జెన్‌జీ చుట్టూ కొత్త ఫోకస్‌ కనిపిస్తోంది. విద్యార్థులు, యువత సమస్యలను ప్రధానంగా ప్రస్తావిస్తూ కాంగ్రెస్‌ నేత రాహుల్‌ గాంధీ వరుస కార్యక్రమాలతో ముందుకెళ్తున్నారు. ‘చత్రోన్‌ కీ గూంజ్‌’ వేదికగా విద్య, ఉద్యోగాలు, పోటీ పరీక్షలు వంటి అంశాలను ప్రస్తావిస్తూ కేంద్ర ప్రభుత్వంపై ఆయన విమర్శలు చేస్తున్నారు. దీంతో యువతను చేరుకోవడంపై అధికార, ప్రతిపక్ష శిబిరాల్లోనూ కసరత్తు మొదలైంది.ఇదే సమయంలో ప్రధాని నరేంద్ర మోదీ కూడా యువతతో మరింతగా మమేకం కావాలని ప్రయత్నాలు చేస్తూ వస్తున్నారు. కేబినెట్‌ భేటీలతో పాటు తరచూ జరుగుతున్న పార్టీ సమావేశాల్లోనూ ఎంపీలకు, నేతలకు దిశానిర్దేశం చేస్తూ వస్తున్నారు. సోషల్‌ మీడియాను విస్తృతంగా ఉపయోగించుకోవడంతో పాటు.. ఇన్‌స్టాగ్రామ్‌, రీల్స్‌ వంటి డిజిటల్‌ వేదికల ద్వారా జెన్‌జీకి దగ్గర కావాలని దిశానిర్దేశం చేసినట్లు సమాచారం. ఈ క్రమంలోనే.. రాహుల్‌ గాంధీకి మోదీ ‘తురుపుముక్క’గా భావిస్తున్న చిరాగ్‌ పాస్వాన్‌ నుంచి కౌంటర్‌కు రంగం సిద్ధమైంది.ఎన్డీయే మిత్రపక్షం లోక్‌ జనశక్తి పార్టీ (రామ్‌విలాస్‌) తాజా జెన్‌జీపై ప్రత్యేకంగా దృష్టి పెట్టింది. కేంద్ర మంత్రి, ఎల్‌జేపీ (రామ్‌విలాస్‌) అధినేత చిరాగ్‌ పాస్వాన్‌ యూత్‌ బోలె తో(Youth Bole To) పేరుతో కొత్త కార్యక్రమానికి శ్రీకారం చుట్టనున్నారు. ఈ కార్యక్రమాన్ని రాహుల్‌ గాంధీ యువత కార్యక్రమాలకు కౌంటర్‌ అనే చర్చ జోరందుకుంది.తొలి కార్యక్రమ ఉద్దేశం ఏంటంటే..పాట్నాలోని వెటర్నరీ గ్రౌండ్‌లో ‘Youth Bole To’ తొలి కార్యక్రమం జరగనుంది. ఇందులో చిరాగ్‌ పాస్వాన్‌ బిహార్‌ యువతతో, ముఖ్యంగా జెన్‌జీ ప్రతినిధులతో నేరుగా మాట్లాడనున్నారు. విద్య, ఉద్యోగాలు, స్కిల్‌ డెవలప్‌మెంట్‌, ఎంటర్‌ప్రెన్యూర్‌షిప్‌, టెక్నాలజీ, డిజిటల్‌ యుగంలో ఎదురవుతున్న సవాళ్లపై యువతతో చర్చించనున్నారు.యువత తమ ప్రశ్నలు, అభిప్రాయాలు, సూచనలను నేరుగా చిరాగ్‌ ముందుంచేలా కార్యక్రమాన్ని రూపొందించారు. పార్టీ బిహార్‌ అధ్యక్షుడు సురేంద్ర వివేక్‌ మాట్లాడుతూ.. యువతను ఓటుబ్యాంకుగా చూడటం లేదని, వారి సమస్యలు, ఆకాంక్షలను తెలుసుకుని వాటిపై చర్చించడమే తమ ఉద్దేశమని తెలిపారు.రాహుల్‌ ఫోకస్‌.. ఎన్డీయేలో కదలికఇటీవలి కాలంలో రాహుల్‌ గాంధీ విద్యార్థులు, యువతతో వరుసగా సమావేశాలు నిర్వహిస్తున్నారు. ‘చత్రోన్‌ కీ గూంజ్‌’ కార్యక్రమాల్లో విద్య, ఉద్యోగాలు, పోటీ పరీక్షలు, యువత భవిష్యత్తు వంటి అంశాలను ప్రస్తావిస్తున్నారు. కేంద్ర ప్రభుత్వ విధానాలపై విమర్శలు చేస్తూ.. యువత సమస్యలను రాజకీయ చర్చలోకి తీసుకొస్తున్నారు. ఒకానొక దశలో ఇవి విమర్శలకు దారి తీస్తున్నప్పటికీ.. యువతను ఆకర్షిస్తున్నాయనే చర్చా నడుస్తోంది. దీంతో జెన్‌జీని ఎవరు ఎలా చేరుకుంటారన్నది రాజకీయంగా ఆసక్తికరంగా మారింది. అటు రాహుల్‌ గాంధీ ప్రత్యక్ష కార్యక్రమాలతో యువతను కలుస్తుండగా.. ఇటు మోదీ ప్రభుత్వం డిజిటల్‌ వేదికలపై దృష్టి పెడుతోంది. ఇప్పుడు ఎన్డీయే తరఫున చిరాగ్‌ పాశ్వాన్‌ ప్రత్యక్షంగా జెన్‌జీతో సంభాషించేందుకు ప్రత్యేక వేదికను సిద్ధం చేస్తున్నారు.బిహార్‌ నుంచి యూపీకి..చిరాగ్‌ వ్యూహం బిహార్‌తోనే ఆగడం లేదు. సెప్టెంబర్‌ 24న పాట్నా.. ఆ తర్వాత సెప్టెంబర్‌ 27న ప్రయాగ్‌రాజ్‌లో తదుపరి ‘Youth Bole To’ కార్యక్రమాన్ని నిర్వహించనున్నారు. ఆ తర్వాత యూపీలోని ఇతర నగరాల్లోనూ యువతను కలిసే కార్యక్రమాలు చేపట్టనున్నారు. ఇక్కడే ఎన్నికల లెక్కలు కూడా తెరపైకి వస్తున్నాయి. బిహార్‌ రాజకీయాల్లో కీలక పరిణామాలు జరుగుతున్న సమయంలో చిరాగ్‌ తన సొంత పార్టీకి యువతలో మరింత కనెక్ట్‌ పెంచుకునే ప్రయత్నం చేస్తున్నారు. మరోవైపు 2027లో ఉత్తరప్రదేశ్‌ అసెంబ్లీ ఎన్నికలు జరగనున్నాయి. ఈ నేపథ్యంలో.. రాష్ట్రవ్యాప్తంగా యువతను చేరుకునే కార్యక్రమాలు పార్టీ విస్తరణకు ఉపయోగపడే అవకాశం ఉంది. అదే సమయంలో ఎన్నికలు జరగబోయే ఇతర రాష్ట్రాల్లోనూ ఈ తరహా కౌంటర్‌ కార్యక్రమాలు నిర్వహించాలని బీజేపీ, మిత్రపక్షాలకు ఢిల్లీ హైకమాండ్‌ సూచించినట్లు తెలుస్తోంది.యువతే టార్గెట్‌.. కొత్త వ్యూహంబిహార్‌లో మొదలై యూపీకి విస్తరించనున్న ఈ కార్యక్రమం ద్వారా చిరాగ్‌ లాంటి యువనేతతో.. యువతతో నేరుగా మమేకమయ్యేందుకు ప్రయత్నిస్తున్నారు. విద్య, ఉద్యోగాలు, నైపుణ్యాభివృద్ధి, స్టార్టప్‌లు, టెక్నాలజీ వంటి అంశాలపై జెన్‌జీతో చర్చించనున్నారు. మరోవైపు ఎన్డీయే కూడా యువతను చేరుకునే ప్రయత్నాలకు ప్రాధాన్యత ఇస్తోంది.రాహుల్‌ గాంధీ జెన్‌జీతో మమేకమవుతూ యువత సమస్యలను ప్రస్తావిస్తూ కేంద్ర ప్రభుత్వంపై విమర్శలు చేస్తున్న సమయంలో.. అధికార పక్షం కూడా యువతను చేరుకునేందుకు వివిధ మార్గాలను అనుసరిస్తోంది. ఈ నేపథ్యంలోనే చిరాగ్‌ పాస్వాన్‌ ‘Youth Bole To’ కార్యక్రమంతో రంగంలోకి దిగుతున్నారు.మోదీ తురుపుముక్కగా చిరాగ్‌ పాస్వాన్‌ను రాజకీయ వర్గాల్లో కొందరు అభివర్ణిస్తున్న నేపథ్యంలో.. ఆయన చేపడుతున్న ఈ కార్యక్రమానికి ప్రాధాన్యత ఏర్పడింది. ముఖ్యంగా బిహార్‌ నుంచి యూపీ వరకు జెన్‌జీని ఆకట్టుకునేలా ప్రత్యక్ష కార్యక్రమాలు నిర్వహించడం.. రాబోయే ఎన్నికల నేపథ్యంలో ఎన్డీయే వ్యూహంలో భాగంగానే రాజకీయ వర్గాలు చూస్తున్నాయి.

సాక్షి, చెన్నై: చెన్నైలోని మైలాపూర్‌లో ఉన్న విధై బర్తింగ్‌ సెంటర్‌ అండ్‌ హాస్పిటల్‌ అరుదైన రికార్డును నమోదు చేసింది. ఒక గర్భిణి తొలిసారిగా నీటిలో ప్రసవం పొందింది. తల్లి కోరికలను పరిగణనలోకి తీసుకుని, భద్రత , గౌరవానికి ప్రాధాన్యతనిస్తూ ప్రసవ సంరక్షణ అందించినట్లు ఆసుపత్రి వ్యవస్థాపకురాలు, మెడికల్‌ డైరెక్టర్‌ డాక్టర్‌ జె. నందిని తెలిపారు. శనివారం జరిగిన సమావేశంలో ఆమె మాట్లాడుతూ... నీటిలో ప్రసవం అనేది ఒక పద్ధతి. దీనిలో వైద్యపరంగా ఆరోగ్యంగా ఉన్న గర్భిణి ప్రసవ సమయంలో పరిస్థితులు అనుకూలంగా ఉంటే, ప్రత్యేకంగా రూపొందించిన గోరువెచ్చని నీటి కొలనులో బిడ్డకు జన్మనిస్తుంది. ఇది ప్రసవ సమయంలో విశ్రాంతి తీసుకోవడానికి , సౌకర్యవంతమైన భంగిమలలో కదలడానికి అవకాశం కల్పిస్తుందన్నారు. అయితే, ఈ పద్ధతి గర్భిణులందరికీ అనుకూలమైనది కాదని, వైద్య బృందం తల్లి , బిడ్డ ఆరోగ్యాన్ని నిరంతరం పర్యవేక్షించిన తర్వాత మాత్రమే నీటిలో ప్రసవం నిర్వహిస్తారన్నారు. అవసరమైన సమయంలో వైద్య సహాయం అందించడానికి కూడా ఏర్పాట్లు చేసినట్లు పేర్కొన్నారు.

రిజర్వేషన్‌ను కేవలం ఒక శాతంగా చూస్తే దాని వెనుక ఉన్న సామాజిక చరిత్ర కనిపించదు. ఒక మారుమూల తండాలో పుట్టిన విద్యార్థి ఉన్నత విద్యా సంస్థ గేటు దాటి నప్పుడు, ఒక గిరిజన యువతి ప్రభుత్వ ఉద్యో గంలో అడుగుపెట్టినప్పుడు, ఒక తండా తన సొంత గ్రామపంచాయతీగా తన అవసరాలపై తానే నిర్ణయం తీసుకునే స్థాయికి వచ్చినప్పుడు– అప్పుడే రిజర్వేషన్, స్వపరిపాలన వంటి విధా నాల అసలు అర్థం తెలుస్తుంది.2011 జనగణన ప్రకారం తెలంగాణలో షెడ్యూల్డ్‌ తెగల జనాభా రాష్ట్ర జనాభాలో 9.08 శాతం. అయితే ఎన్నో సంవత్సరాలుగా విద్యాసంస్థలు, రాష్ట్ర ప్రభుత్వ సేవల్లో ఎస్టీలకు అమ లైన రిజర్వేషన్‌ 6 శాతంగానే కొనసాగింది. 2022 సెప్టెంబర్‌ 30న తెలంగాణ ప్రభుత్వం జీఓ ఎమ్‌ఎస్‌ నం.33 గిరిజన సంక్షేమ శాఖ ద్వారా ఎస్టీ రిజర్వేషన్‌ను 6 శాతం నుంచి 10 శాతానికి పెంచింది. అనంతరం రాష్ట్ర సేవల రోస్టర్‌ నిబంధ నల్లో కూడా సంబంధిత సవరణలు జరిగాయి. 2026 విద్యా ప్రవేశ నిబంధనల్లోనూ 10 శాతం ఎస్టీ రిజర్వేషన్‌ అమలులో ఉన్నట్లు నోటిఫికేషన్లు స్పష్టం చేస్తున్నాయి. ఇది కేవలం నాలుగు శాతం పెరుగుదల కాదు. జనాభా వాస్తవికతకు అవకా శాల వ్యవస్థను దగ్గర చేసే ప్రయత్నం.తండా ఒక చిరునామా మాత్రమే కాదు!‘తెలంగాణ పంచాయతీరాజ్‌ చట్టం–2018’ అమ లులో భాగంగా తక్కువ జనాభా గల గ్రామాలు, గిరిజన తండాలు, ఇప్పటికే ఉన్న గ్రామపంచాయతీ కేంద్రాలకు దూరంగా ఉన్న ఆవాసాలను కొత్త గ్రామపంచాయతీలుగా ఏర్పాటు చేశారు. దీని అసలు విలువ కొత్త పంచాయతీ కార్యాలయం ఏర్పడటంలో మాత్రమే లేదు. సమస్య తండాలో ఉండి, నిర్ణయం మరో గ్రామంలో తీసు కునే పాత పరిస్థితి నుంచి ‘మన తండాకు మన గ్రామసభ, మన అవసరాలకు మన ప్రాధాన్యత’ అనే స్థానిక స్వపరిపాలన భావనకు మార్పు రావడం ముఖ్యమైన అంశం.2017లో తెలంగాణ ప్రభుత్వం ‘షెడ్యూల్డ్‌ క్యాస్ట్స్‌ అండ్‌ షెడ్యూల్డ్‌ ట్రైబ్స్‌ స్పెషల్‌ డెవలప్‌మెంట్‌ ఫండ్‌’ చట్టాన్ని తీసుకువచ్చింది. ఈ చట్టం లక్ష్యం ఎస్సీ, ఎస్టీ జనాభా వాటాకు అనుగుణంగా అభివృద్ధి వ్యయాన్ని కేటాయించడం; ఆర్థిక, విద్య, మానవాభివృద్ధి సూచికల్లో ఉన్న అంతరాలను తగ్గించడం; సామాజిక గౌరవం, సమానత్వాన్ని బలోపేతం చేయడం. గిరిజన అభివృద్ధి ఒక శాఖకు మాత్రమే పరిమి తమైన బాధ్యత కాకుండా, మొత్తం ప్రభుత్వ ప్రణాళికలో కనిపించాలన్న ఆలోచనకు ఇది సంస్థాగత రూపం ఇచ్చింది. అందువల్ల గిరిజన విధానాల తదుపరి దశ ‘హక్కు కల్పించాం’ అన్న దగ్గర ఆగకూడదు.ఆ హక్కును ఉపయోగించు కునే సామర్థ్యాన్ని కూడా సమాజానికి అందించాలి. రిజర్వేషన్‌ ఉన్నా పోటీకి అవసరమైన విద్య లేకపోతే ప్రయోజనం పరిమితమవుతుంది. గ్రామపంచాయతీ ఉన్నా తగిన నిధులు, సిబ్బంది, మౌలిక వసతులు లేకపోతే స్వపరి పాలన బలహీనమవుతుంది. తండాను గ్రామపంచాయతీగా గుర్తించడం మొదటి అడుగు. ఆ గ్రామపంచాయతీని మంచి పాఠశాల, ఆరోగ్య సేవ, రహదారి, తాగునీరు, ఉపాధి అవకాశాలు ఉన్న సమాన అవకాశాల గ్రామంగా తీర్చిదిద్దడం తదుపరి అడుగు.ప్రభుత్వాలు మారుతాయి. రాజకీయ పరిస్థి తులూ మారుతాయి. కానీ ఒక సమాజానికి లభించిన విద్యా అవకాశం, ప్రాతినిధ్యం, స్థానిక స్వపరి పాలన వంటి హక్కులను ప్రతి ప్రభుత్వం మరింత బలోపేతం చేయాలి. కేసీఆర్‌ ప్రభుత్వ కాలంలో అమలులోకి వచ్చిన 10 శాతం ఎస్టీ రిజర్వేషన్, తండాల గ్రామపంచాయతీ పునర్వ్య వస్థీకరణ, ఎస్సీ–ఎస్టీ ప్రత్యేక అభివృద్ధి నిధి వంటి నిర్ణయాలు గిరిజన విధాన చరిత్రలో స్పష్టంగా నమోదు కావాల్సిన అంశాలు.అదే సమయంలో వాటి అమలులో మిగిలిన లోటు పాట్లను ప్రస్తుత, భవిష్యత్‌ ప్రభుత్వాలు పూరించడం కూడా అంతే అవసరం. ప్రతి తండాకు నాణ్యమైన పాఠశాల, ప్రతి గిరిజన విద్యార్థికి ఉన్నత విద్యకు చేరుకునే అవ కాశం, యువతకు నైపుణ్యం–ఉపాధి, ప్రతి గ్రామ పంచాయతీకి అవసరమైన నిధులు, రాజ్యాంగ హక్కులు ఆచరణలో అందే వ్యవస్థ – ఇవే తదుపరి లక్ష్యాలు కావాలి.- డా. బానోత్‌ చంద్రావతి, వ్యాసకర్త మాజీ ఎమ్మెల్యే, వైరాఇదీ చదవండి: కావాల్సింది... 'ఇంటిగ్రేటివ్‌ ఇంటెలిజెన్స్‌'!

బెంగళూరు: ప్రభుత్వ కార్యాలయంలో పని చేయించుకోవాలంటే అధికారులకు డబ్బులు ఇవ్వాల్సిందేనా? విధులు నిర్వర్తించినందుకు ‘టిప్‌’ పేరుతో అధికారులకు నగదు ఇవ్వడం తప్పుకాదా? కర్ణాటక కాంగ్రెస్‌ మంత్రి కేఎం శివలింగే గౌడ వ్యాఖ్యలు ఇప్పుడు ఈ ప్రశ్నలనే తెరపైకి తెచ్చాయి. అధికారులు సకాలంలో ప్రజల పనులు పూర్తి చేస్తే వారికి ‘టిప్‌’ లేదా ‘గౌరవ ధనం’ ఇవ్వడంలో తప్పేమీ లేదన్నట్లుగా మంత్రి మాట్లాడటం తీవ్ర దుమారం రేపింది. మంత్రి మాటలపై ప్రజలు కార్యక్రమంలోనే అభ్యంతరం వ్యక్తం చేయడంతో కొద్దిసేపు వాగ్వాద వాతావరణం నెలకొంది. దీనికి సంబంధించిన వీడియో సోషల్‌ మీడియాలో వైరల్‌గా మారింది.హాసన్‌ జిల్లాలో నిర్వహించిన ప్రజా ఫిర్యాదుల కార్యక్రమంలో మంత్రి శివలింగే గౌడ అధికారుల పనితీరుపై మాట్లాడారు. ఈ సందర్భంగా అధికారులు ప్రజలకు సంబంధించిన పనులను సకాలంలో పూర్తి చేస్తే వారికి ‘టిప్‌’ ఇవ్వడంలో తప్పేమీ లేదన్న భావన వచ్చేలా వ్యాఖ్యలు చేశారు. ‘అధికారులు ప్రజల పని చేస్తే వారికి లంచం ఇవ్వడం ధర్మమే’ అన్నట్లుగా మంత్రి మాట్లాడినట్లు వీడియోలో వినిపిస్తోంది. మంత్రి వ్యాఖ్యలపై అక్కడే ఉన్న ఓ వ్యక్తి తీవ్ర అభ్యంతరం వ్యక్తం చేశారు. అధికారులు తమ విధులను నిర్వర్తించేందుకు ప్రజలు ఎందుకు లంచం ఇవ్వాలని ప్రశ్నించారు. మంత్రి వ్యాఖ్యలు లంచాలను ప్రోత్సహించేలా ఉన్నాయని ఆగ్రహం వ్యక్తం చేశారు. దీంతో కార్యక్రమంలో కొద్దిసేపు ఉద్రిక్త వాతావరణం నెలకొంది. మరికొందరు కూడా అభ్యంతరం వ్యక్తం చేయడంతో మంత్రి తన వ్యాఖ్యలను వివరిస్తూ వివరణ ఇచ్చారు.అధికారులు ప్రజల నుంచి బలవంతంగా డబ్బులు వసూలు చేయకూడదన్నదే తన ఉద్దేశమని మంత్రి చెప్పారు. నిజాయితీగా పనిచేసే అధికారులను గౌరవించాలనే ఉద్దేశంతోనే ‘టిప్‌’ గురించి ప్రస్తావించానని, తాను లంచాలను ప్రోత్సహించడం లేదని స్పష్టం చేశారు. పరిస్థితి తీవ్రతరం కాకుండా హాసన్‌ డిప్యూటీ కమిషనర్‌ కేఎస్‌ లతా కుమారి జోక్యం చేసుకుని ఆందోళన వ్యక్తం చేస్తున్న వారిని సముదాయించే ప్రయత్నం చేశారు.“Giving money to officials respectfully is a duty” - Karnataka Minister K.M. Shivalinge Gowda’s remark on citizens paying bribes to government officials triggers public outrage.Congress ruled India for decades, during which corruption became deeply entrenched.#Congress_Exposed pic.twitter.com/xeEghu15eK— Sanatan Prabhat (Kannada) (@Sanatan_Prabhat) September 20, 2026బీజేపీకి రాజకీయ అస్త్రం..మంత్రి వ్యాఖ్యలపై ప్రతిపక్ష బీజేపీ తీవ్రంగా స్పందించింది. వీడియోను సోషల్‌ మీడియాలో షేర్‌ చేస్తూ.. కాంగ్రెస్‌ ప్రభుత్వంలో లంచాల వ్యవహారం ఏ స్థాయిలో ఉందో మంత్రి మాటలే బయటపెట్టాయని ఆరోపించింది. సాధారణ ప్రజల జేబుల నుంచి డబ్బులు తీసుకోవడాన్ని సమర్థించే ప్రభుత్వానికి ప్రజలే తగిన సమాధానం చెబుతారని విమర్శించింది. బీజేపీ ఎమ్మెల్సీ సీటీ రవి కూడా మంత్రి వ్యాఖ్యలను తప్పుబట్టారు. లంచంగా కనీసం రూ.10 అడిగినా తనకు ఫిర్యాదు చేయాలని ముఖ్యమంత్రి డీకే శివకుమార్‌ గతంలో చెప్పిన విషయాన్ని గుర్తుచేశారు. అదే ప్రభుత్వానికి చెందిన మంత్రి ఇప్పుడు అధికారులకు ‘గౌరవంగా లంచం ఇవ్వండి’ అన్నట్లుగా మాట్లాడటం విరుద్ధంగా ఉంది. లంచం ఇవ్వడం లేదా తీసుకోవడం మీకు సహజంగా అనిపించవచ్చు.. కానీ కర్ణాటక ప్రజలకు కాదు అంటూ ఘాటు విమర్శలు గుప్పించారు.ఇదీ చదవండి: సర్‌ పేరుతో 7.8 కోట్ల ఓట్ల గల్లంతు

వైద్య రంగంలో కృత్రిమ మేధ (ఏఐ) వినియోగం రోజురోజుకూ విస్తరిస్తోంది. ముఖ్యంగా స్కాన్లను విశ్లేషించడం, అసాధారణ పరిస్థితులను గుర్తించడంలో ఏఐ ఇప్పటికే స్థానం సంపాదించింది. అయితే చికిత్సలను సూచించడం, క్లినికల్ నిర్ణయాలకు సహకరించడం వంటి స్కాన్లకు మించిన వినియోగాల విషయంలో వైద్యులు మాత్రం వెనకడుగు వేస్తున్నారు. ఇందుకు ప్రధాన కారణం ఏఐ సామర్థ్యంపై వాస్తవ ప్రపంచంలో సరిపడా ఆధారాలు లేకపోవడమేనని వారు చెబుతున్నారు.స్కాన్లలో ఏఐకి స్పష్టమైన ఆధారం ఎక్కడ?ఇమేజింగ్‌ రంగంలో ఏఐకి ఆదరణ లభించడానికి ఒక ముఖ్య కారణం దాని పనితీరును సులభంగా గుర్తించే అవకాశం ఉండటం. ఒక స్కాన్‌ను ఏఐ సరిగ్గా చదివిందా? అందులోని అసాధారణ పరిస్థితిని గుర్తించిందా? అనే విషయాలను స్పష్టమైన ఫలితాలతో పోల్చుకోవచ్చు. దీంతో ఏఐ పనితీరును నిర్ధారించడం కొంత సులభమైంది. అయితే చికిత్స సూచనలు లేదా క్లినికల్ నిర్ణయాలకు సంబంధించిన ఏఐ సాధనాల పనితీరును అంచనా వేయడం అంత సులభం కాదు.‘ఎవిడెన్స్ గ్యాప్’పై వైద్యుల అనుమానాలురేడియాలజీ, డయాగ్నస్టిక్స్‌ పరిధిని దాటి ఆసుపత్రుల్లోకి ఏఐ సాధనాలను తీసుకెళ్లేందుకు కంపెనీలు ప్రయత్నిస్తున్నాయి. అయితే వైద్యులు మాత్రం ముందుగా వాటి వాస్తవ పనితీరుకు సంబంధించిన ఆధారాలను చూపించాలని కోరుతున్నారు. కొత్త ఔషధం లేదా వైద్య పరికరాన్ని ఉపయోగించే ముందు దాని ప్రభావం, భద్రతపై ఆధారాలు కోరినట్లుగానే ఏఐ విషయంలోనూ అదే ప్రమాణాలను పాటించాలని వారు భావిస్తున్నారు. ఈ కారణంగా కొన్ని ఏఐ ప్రాజెక్టులు ఆసుపత్రుల్లో వినియోగ దశకు చేరకముందే కొనుగోలు ప్రక్రియలోనే నిలిచిపోతున్నాయి.74 శాతం మందిని వేధిస్తున్న ‘డెస్కిల్లింగ్’ భయం?2026లో అమెరికాకు చెందిన వైద్యులు, నర్సులపై నిర్వహించిన ఓ సర్వేలో రెండు అంశాలు ప్రత్యేకంగా ఆందోళన కలిగిస్తున్నట్లు వెల్లడైంది. 74 శాతం మంది ఏఐపై అధికంగా ఆధారపడటం వల్ల వైద్య నిపుణుల స్వంత నైపుణ్యాలు క్రమంగా తగ్గిపోయే ప్రమాదం ఉందని ఆందోళన వ్యక్తం చేశారు. ముఖ్యంగా ఏఐ తప్పు చేసినప్పుడు దాన్ని గుర్తించే మానవ సామర్థ్యం కూడా తగ్గిపోవచ్చని వారు భావిస్తున్నారు. దీనినే ‘డెస్కిల్లింగ్’గా పేర్కొంటున్నారు. అదే సర్వేలో మరో 74 శాతం మంది ఏఐ తప్పుడు సమాచారాన్ని నమ్మకంగా అందించడంపై ఆందోళన వ్యక్తం చేశారు. ఉదాహరణకు లేని వైద్య అధ్యయనాలను ఉన్నట్లుగా పేర్కొనడం లేదా తప్పు సమాచారాన్ని వాస్తవంలా చూపించడం వంటి సమస్యలు వైద్య రంగంలో తీవ్ర పరిణామాలకు దారితీయవచ్చు. ఏఐపై ఆధారపడే కొద్దీ దాని తప్పులను గుర్తించే మానవ పరిశీలనా సామర్థ్యం తగ్గితే ఈ రెండు ప్రమాదాలు పరస్పరం మరింత ప్రభావితం అయ్యే అవకాశం ఉంటుంది.మార్పును వ్యతిరేకిస్తున్నారా?వైద్యులు ఏఐని వ్యతిరేకిస్తున్నారని చెప్పడం కంటే, ఆధారాల కోసం వారు పట్టుబడుతున్నారని చెప్పవచ్చు. వైద్య నిర్ణయాల్లో పొరపాట్ల ప్రభావం నేరుగా రోగులపై పడే అవకాశం ఉండటంతో కొత్త సాంకేతికతను స్వీకరించే ముందు దాని ప్రభావానికి ఆధారాలు ఉండాలని వైద్య రంగం కోరుతోంది. ఏఐ సాధనం పనిచేస్తున్నదని నిరూపించాల్సిన బాధ్యత దాన్ని అభివృద్ధి చేసి విక్రయించే సంస్థలపైనే ఉండాలని వైద్యులు భావిస్తున్నారు.ఉపయోగకరమైన ఏఐని స్వాగతించాలిఅయితే అతిగా జాగ్రత్త వహించడం వల్ల ఉపయోగకరమైన సాంకేతికతలను కూడా దూరం చేసే ప్రమాదం ఉంది. పత్రాల నిర్వహణను తగ్గించడం, ఔషధాల మధ్య ప్రమాదకర పరస్పర చర్యలను గుర్తించడం, వైద్యులకు రోగులతో ఎక్కువ సమయం గడిపే అవకాశం కల్పించడం వంటి ప్రయోజనాలను కొన్ని ఏఐ సాధనాలు అందించే అవకాశం ఉంది. అందువల్ల పూర్తిగా అవును లేదా కాదు అనే విధానం కంటే, వాస్తవ ప్రపంచ అధ్యయనాలు, పనితీరు నిర్ధారణ, స్పష్టమైన పర్యవేక్షణ వ్యవస్థలతో దశలవారీగా ఏఐని అమలు చేయడం కీలకంగా మారుతోంది. వైద్యుల నైపుణ్యాలను తగ్గించకుండా వాటిని మరింత బలోపేతం చేసే విధంగా ఏఐని రూపొందించడం భవిష్యత్తులో ముఖ్యమైన అంశంగా మారనుంది. ఇదీ చదవండి: ఐదు నిమిషాల టెస్ట్‌తో అల్జీమర్స్ బయటపడుతుందా?

హైదరాబాద్‌: గణపతి పూజకు వెళ్లి ద్విచక్ర వాహనంపై తిరిగి వస్తుండగా టిప్పర్‌ లారీ ఢీకొని యువతి, బాలుడు దుర్మరణం చెందిన ఘటన జవహర్‌నగర్‌ పోలీస్‌స్టేషన్‌ పరిధిలో చోటుచేసుకుంది. పోలీసులు తెలిపిన వివరాల ప్రకారం.. కాప్రా ప్రశాంత్‌నగర్‌ కాలనీకి చెందిన సూర్యనారాయణరెడ్డి కుమార్తె దీప్తికారెడ్డి (21) బీటెక్‌ చదువుతోంది. శాలివాహన కాలనీలో నివసించే సూర్యనారాయణ స్నేహితుడు వినయ్‌ కుమారుడు అమర్త్య (15) పదో తరగతి చదువుతున్నాడు. శనివారం రాత్రి దీప్తికారెడ్డి, అమర్త్య కలిసి ప్రశాంత్‌నగర్‌ కాలనీలో గణపతి పూజకు వెళ్లారు. ఎల్లారెడ్డిగూడలోని శాలివాహన ఎన్‌క్లేవ్‌కు ద్విచక్ర వాహనంపై వస్తుండగా.. రాయల్‌ ఇరానీ కేఫ్‌ సమీపంలో మట్టిదిబ్బను తప్పించబోయి అదుపుతప్పి కింద పడిపోయారు. ఇదే సమయంలో వెనుక నుంచి వచ్చిన టిప్పర్‌ లారీ దీప్తికారెడ్డి, అమర్త్యల తలలపై నుంచి దూసుకెళ్లడంతో అక్కడికక్కడే మృతిచెందారు. పోలీసులు కేసు దర్యాప్తు చేస్తున్నారు. మృతుల కుటుంబాల్లో విషాద ఛాయలు అలుముకున్నాయి. ఇదీ చదవండి: సాఫ్ట్‌వేర్‌ ఉద్యోగిని ఆత్మహత్య

జపాన్‌లో జరుగుతున్న ఆసియా క్రీడలు-2026లో భారత అథ్లెట్లు పతకాల వేట కొనసాగిస్తున్నారు. రెండో రోజు పోటీల్లో పురుషుల 10 మీటర్ల ఎయిర్‌ రైఫిల్‌ టీమ్‌ ఈవెంట్‌లో భారత్‌కు మరో రజత పతకం లభించింది. హిమాంశు ధిల్లాన్‌, పార్థ్‌ మానే, రుద్రాంక్ష్‌ పాటిల్‌తో కూడిన భారత జట్టు రెండో స్థానంలో నిలిచి రజతంతో సరిపెట్టుకుంది. ఈ ఈవెంట్‌లో చైనా ప్రపంచ రికార్డు నెలకొల్పి స్వర్ణం​ గెలిచింది.తాజా పతకంతో ఆసియా క్రీడల్లో భారత్‌ పతకాల సంఖ్య మూడుకు చేరింది. పోటీల తొలి రోజు కూడా భారత్‌ ఖాతాలో రెండు రజత పతకాలే చేరాయి. అవి కూడా షూటింగ్‌లోనే రావడం విశేషం. మహిళల 10 మీటర్ల ఎయిర్‌ రైఫిల్‌ వ్యక్తిగత విభాగంలో ఎలావెనిల్‌ వలరివన్‌.. మహిళల 10 మీటర్ల ఎయిర్‌ రైఫిల్‌ టీమ్‌ విభాగంలో సోనమ్‌ మస్కర్‌, విదర్సా వినోద్‌, ఎలావెనిల్‌ వలరివన్‌ రజత పతకాలు సాధించారు.కాగా, ఇదే ఈవెంట్‌ వ్యక్తిగత విభాగంలోనూ భారత షూటర్లు ఫైనల్‌కు అర్హత సాధించారు. దీంతో షూటింగ్‌లో భారత్‌ పతకాల సంఖ్య మరింత పెరిగే అవకాశం ఉంది.ఇదీ చదవండి: ఏషియన్ గేమ్స్‌లో స్టార్ హీరో తనయుడు.. ఎవరో తెలుసా?

ధర్మదేవత అంశతో ధర్మరాజు, వాయుదేవుడి అంశతో భీముడు, ఇంద్రుడి అంశతో అర్జునుడు, అశ్వనీదేవతల అంశతో నకుల సహదేవులు– శతశృంగ పర్వతంపై తన ఇరువురు భార్యలైన కుంతి, మాద్రిలతో కాలం గడిపిన రోజులలో– పాండురాజుకు కలిగిన సంతానం. శాపకారణంగా పాండు రాజు, మాద్రి మరణించిన తరువాత పదిహేడు రోజులకు, పాండు రాకుమారులు ఐదుగురితో ధృత రాష్ట్రుడి వద్దకు చేరింది కుంతి.శతశృంగ పర్వతం నుండి తోడుగా వచ్చిన మునిజనం, అక్కడ జరి గిన సంగతులను ధృతరాష్ట్రుడికి వివరించి చెప్పి, బాలురుగా ఉన్న పాండుపుత్రులు ఐదుగురిని, కుంతిని ధృతరాష్ట్రు డికి అప్పగించి వెళ్ళిపోయారు. అప్పుడు వారిని రాజభవనంలోకి సాదరంగా ఆహ్వానించి తీసుకెళ్ళినవారిలో, పాండు పుత్రుల ముత్తమ్మ సత్యవతి, నాన్నమ్మలు అంబిక, అంబాలిక కూడా ఉన్నారు. స్వాగత కార్యక్రమాలన్నీ ముగిశాక, రాజప్రాసాదంలో ఎవరెవరి గదులలోకి వారు వెళ్ళి స్థిరపడినాక, వ్యాసభగవానుడు తన తల్లి అయిన సత్యవతితోనూ, మరదళ్ళయిన అంబిక, అంబాలికలతోనూ ఇలా అన్నాడు (ఆంధ్ర మహాభారతం, పంచమాశ్వాసం):క. క్రూరులు విలుప్త ధర్మాచారులు ధృతరాష్ట్రసుతు లసద్‌ వృత్తులు నిష్కారణవైరులు వీరలకారణమున నెగ్గు పుట్టు గౌరవ్యులకున్‌.ధృతరాష్ట్రుడి కొడుకులు క్రూరమనస్కులు, ఏ కారణం లేకుండానే వైరానికి దిగేటటువంటివారు, ధర్మబద్ధ నడవడి లేనటువంటివారు. వాళ్ళ వలన కౌరవకులానికి చాలా గొప్ప హాని జరగనుంది. ‘దాని ధృతరాష్ట్రుండు తాన యనుభవించుంగాన మీ రీ దారుణంబు జూడక వీరి విడిచి తపోవనంబున కరుగుం’ డని చెప్పి వెళ్ళి పోయాడు. కొడుకు మాటలను విన్న సత్యవతి, భీష్ముడికి విదురుడికి చెప్పి, కోడళ్ళైన అంబిక, అంబాలికలను వెంట తీసుకుని తపోవనానికి వెళ్ళిపోయింది. అక్కడ ఉంటూనే వాళ్ళు ముగ్గురూ కొంత కాలం తరువాత ప్రాణాలను వది లారు. చివరికి వ్యాసుడు చెప్పిందే జరిగింది. పర్యవసానాన్ని ధృతరాష్ట్రుడు ఒక్కడే చివరిదాకా అనుభవించాడు.– భట్టు వెంకటరావు

సాక్షి, హైదరాబాద్‌: ‘డబుల్‌ బెడ్రూం ఇళ్ల లబ్ధిదారులకు చివరి అవకాశం.. మూడేళ్ల క్రితం కేటాయించిన ఇళ్లకు తాళాలు వేసి.. రెండు విడతల నోటీసులకు సైతం స్పందించనివారికి హౌసింగ్‌ శాఖ చివరి అల్టిమేటం ఇచ్చింది. ఆదివారం బహిరంగ ప్రకటన ద్వారా నోటీసు జారీ చేసింది. వారం రోజుల్లోగా ఇళ్లలోకి రాకపోతే కేటాయింపులను శాశ్వతంగా రద్దు చేస్తాం. అర్హులైన పేదలకు కేటాయిస్తామని బహిరంగ నోటీసులో స్పష్టం చేసింది’ క్యూర్‌ పరిధిలోని హైదరాబాద్, రంగారెడ్డి, మేడ్చల్‌–మల్కాజిగిరి జిల్లాల పరిధిలో గత ప్రభుత్వం పేదల కోసం నిర్మించిన డబుల్‌ బెడ్రూం సముదాయాల్లోని సుమారు పదిశాతానికిపైగా ఇళ్లకు ఇంకా తాళాలు పయి. మొత్తం ఇళ్లలో సుమారు 30 శాతం ఖాళీగా ఉన్నట్లు వెలుగులోకివచ్చింది.ఈ ఇళ్లలో నివాసం ఉండకపోవడాన్ని తీవ్రంగా పరిగణించిన హౌసింగ్‌ శాఖ ఇప్పటికే లబ్ధిదారులకు రెండు విడతలుగా నోటీసులు జారీ చేసింది. ఇందులో 20 శాతం లబ్ధి కుటుంబాలు మాత్రమే స్పందించడంతో ఆదివారం హైదరాబాద్‌ జిల్లాలో మూడోసారి బహిరంగ నోటీసుల ప్రకటన ఇచ్చింది. ఏడు రోజుల్లో లబ్ధిదారులు తమకు కేటాయించిన ఇళ్లల్లోకి చేరి నివాసం ఉండాలని ఆదేశించింది. నిర్దేశిత కాలపరిమితి దాటినా ఇళ్లలోకి మారకపోతే కేటాయింపులను రద్దు చేస్తామని తేల్చిచెప్పింది. వాటిని అర్హులైన పేద కుటుంబాలకు కేటాయిస్తామని స్పష్టం చేసింది. రంగారెడ్డి, మేడ్చల్, సంగారెడ్డి జిల్లాల్లోనూ ఇదే పరిస్థితి నెలకొంది.ఇందిరమ్మ టవర్స్‌ ఇళ్ల కేటాయింపు నేటినుంచి.. క్యూర్‌ పరిధిలో నిర్మిస్తున్న ఇందిరమ్మ టవర్స్‌ లబ్ధిదారులకు ఎల్‌ఐజీ ఇళ్ల కేటాయింపు (అలాట్‌మెంట్‌) లెటర్లుæ సోమవారం నుంచి జారీ చేస్తున్నట్లు ఆదివారం హౌసింగ్‌ బోర్డు వైస్‌ చైర్మన్, ఎండీ వీపీ గౌతమ్‌ ఒక ప్రకటనలో తెలిపారు. ఎంపికైన లబ్ధిదారుల రిజిస్టర్డ్‌ మొబైల్‌ నంబర్లకు ఎస్‌ఎంఎస్, వాట్సాప్‌ ద్వారా అలాట్‌మెంట్‌ లెటర్లు నేరుగా పంపిస్తామని పేర్కొన్నారు. తెలంగాణ హౌసింగ్‌ బోర్డు అధికారిక వెబ్‌సైట్‌లోనూ వీటిని అందుబాటులో ఉంచనున్నట్లు తెలిపారు. నేడు రాయదుర్గంలో భూమి పూజశేరిలింగంపల్లి నియోజకవర్గానికి సంబంధించి రాయదుర్గంలో ఇందిరమ్మ టవర్స్‌ ఇళ్ల నిర్మాణానికి సోమవారం గృహ నిర్మాణశాఖ మంత్రి పొంగులేటి శ్రీనివాసరెడ్డి భూమిపూజ చేయనున్నట్లు వీపీ గౌతమ్‌ పేర్కొన్నారు. విలువైన భూముల్లో.. గ్రేటర్‌లో అత్యధిక స్థిరాస్తి విలువలు నమోదవుతున్న రాయదుర్గం–నాలెడ్జ్‌ సిటీ ప్రాంతంలో ఇందిరమ్మ టవర్స్‌ నిర్మాణంపై హర్షం వ్యక్తమవుతోంది. ఇక్కడ ఇటీవల వేలంలో ఎకరం భూమి రూ.264 కోట్ల నుంచి రూ.269 కోట్లు పలికింది. ఈ లెక్కన ఇందిరమ్మ టవర్స్‌ ప్రాజెక్టు కోసం వినియోగిస్తున్న 2.85 ఎకరాల విలువ రూ.752 కోట్ల నుంచి రూ.767 కోట్ల వరకు ఉంటుందని అంచనా. ఇంత విలువైన ప్రధాన ప్రాంతంలో ఏర్పాటు చేసే టవర్‌లో ఒక్కొక్కటి సుమారు 528 చ.అ. విస్తీర్ణంతో 480 ఫ్లాట్లు నిర్మించనున్నారు. సాధారణ మార్కెట్‌లో సమానమైన ఫ్లాట్‌ విలువ సుమారు రూ.50 లక్షల కంటే అధికమే. ప్రభుత్వం మాత్రం కేవలం రూ.ఆరు లక్షలకే (మిగతా రూ.5 లక్షలు సబ్సిడీ) ఇళ్లు ఇవ్వడం గమనార్హం.

మోరల్‌ పోలీసింగ్‌ పేరిట యువజంటలపై తరచూ దాడులు జరుగుతున్న ఘటనలు చూస్తున్నదే. అయితే ఇక్కడ ఓ యువజంటపై కొందరు వ్యక్తులు దాడికి పాల్పడిన తీరు మరీ దుర్మార్గంగా ఉందనే అభిప్రాయాలు వ్యక్తమవుతున్నాయి. యువకుడిని పక్కకు లాగిన అనంతరం.. యువతిని కొందరు చుట్టుముట్టారు. పైగా వారిలో ఒకడు ఆమెను బలవంతంగా ఎత్తుకెళ్లేందుకు ప్రయత్నించాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది.రాత్రివేళ ఓ యువజంటపై ఓ గ్యాంగ్‌ దాడికి దిగింది. యువకుడ్ని కొందరు లాగిపడేయగా.. ఆమె ప్రతిఘటించే ప్రయత్నం చేసింది. అందులో ముసుగుతో ఉన్న ఒకడు హఠాత్తుగా దూసుకొచ్చి ఆ యువతిని బలవంతంగా ఎత్తుకెళ్లే ప్రయత్నం చేశాడు. ఆ టైంలో అసభ్యంగా తాకుతూ ఈడ్చుకెళ్లాడు. ఆమె భయంతో కేకలు వేయగా.. యువకుడు వాళ్లను అడ్డుకునే ప్రయత్నం చేశాడు. అయితే ఆ యువకుడు ఆమెను విడిపించి.. అక్కడి నుంచి ఇద్దరూ పరుగులు తీశారు. మరో వీడియోలో కాస్త దూరంలో వాళ్లిద్దరూ బైక్‌పై కూర్చోగా.. ఆ టైంలోనూ ఆ రాక్షసులు వాళ్లతో వాగ్వాదానికి దిగారు. చివరకు యువతీయువకుడు చేతులెత్తి బతిమాలడంతో.. వాళ్లను అక్కడి నుంచి పోనిచ్చారు. అయితే ఆ తర్వాత ఏం జరిగిందనే దానిపై స్పష్టత లేకుండా పోయింది.ఈ వీడియోలు బయటకు రావడం, వైరల్‌ కావడంతో.. ఘటనపై సోషల్‌ మీడియాలో తీవ్ర ఆగ్రహం వ్యక్తమవుతోంది. మోరల్‌ పోలీసింగ్‌ పేరుతో ఎవరినీ వేధించే లేదంటే మహిళపై అసభ్యంగా ప్రవర్తించే హక్కు ఎవరికీ లేదని పలువురు పేర్కొంటున్నారు. వీడియోలో కనిపిస్తున్న వ్యక్తులను గుర్తించి వెంటనే చర్యలు తీసుకోవాలని డిమాండ్‌ చేస్తున్నారు.తాజా ఘటన బిహార్‌లోని జమూయి ప్రాంతంలో జరిగినట్లు తెలుస్తోంది. ఇదే రీజియన్‌లో ఈ మధ్యకాలంలో జరిగిన మూడో ఘటన ఇది. దీంతో నెటిజన్లు అక్కడి పోలీసులపై తీవ్ర స్థాయిలో మండిపడుతున్నారు. వాళ్లది ముమ్మాటికీ ఆ యువతిని రేప్‌ చేసే ఉద్దేశంగా కనిపిస్తోందంటూ కామెంట్లు చేస్తున్నారు. మహిళను బలవంతంగా పట్టుకోవడం, ఆమెతో అసభ్యంగా ప్రవర్తించడం వంటి చర్యలపై చట్టపరంగా కఠిన చర్యలు తీసుకోవాలని నెటిజన్లు కోరుతున్నారు. మహిళల భద్రతపై ఇలాంటి ఘటనలు మరోసారి ఆందోళన కలిగిస్తున్నాయని పేర్కొంటున్నారు.ప్రేమజంటలను అడ్డుకోవడం, వేధించడం, దాడి చేయడం పేరేదైనా.. చట్టాన్ని చేతుల్లోకి తీసుకోవడం నేరమే. మహిళను చుట్టుముట్టి బలవంతంగా ఎత్తుకెళ్లేందుకు ప్రయత్నించడం, అసభ్యంగా ప్రవర్తించడం మరింత తీవ్రమైన అంశమంటూ పలువురు ఆగ్రహం వ్యక్తం చేస్తున్నారు. మరీ ముఖ్యంగా మోరల్‌ పోలీసింగ్‌ పేరిట ఇలా ప్రవర్తించడం రేపిస్టుల మనస్తత్వమని ఏకిపారేస్తున్నారు. సదరు వీడియోపై బిహార్‌ పోలీసులు ఇంకా స్పందించాల్సి ఉంది.These men were clearly trying to rape the girl — the intention is visible in the video. There is absolutely no justification for what they did. This is blatant sexual violence and must be treated with the utmost seriousness.Bihar Government has until tomorrow to arrest everyone… pic.twitter.com/TBKkykav5I— Pinkie (@PinkiePragya) September 20, 2026 ఇదీ చదవండి: మనుషులా? మానవ మృగాలా?

వయసు పెరుగుతున్న కొద్దీ జ్ఞాపకశక్తి తగ్గుతున్నట్లు అనిపిస్తే.. అది అల్జీమర్స్ వ్యాధికి సంకేతమేనా? ఇంటర్నెట్‌లో కనిపించే ఐదు నిమిషాల మెమరీ టెస్టులు ఈ ప్రశ్నకు సమాధానం చెబుతాయా? నిపుణుల అభిప్రాయం ప్రకారం.. ఇలాంటి పరీక్షలు మెదడు పనితీరులో సమస్య ఉందేమో గుర్తించడంలో ఉపయోగపడతాయి కానీ, అల్జీమర్స్‌ను నిర్ధారించేంత శక్తి వాటికి లేదు. జ్ఞాపకశక్తి తగ్గడానికి చికిత్స చేయగల ఇతర ఆరోగ్య సమస్యలు కూడా కారణం కావచ్చని గురుగ్రామ్‌కు చెందిన న్యూరాలజిస్ట్ డాక్టర్ అభిషేక్ దీక్షిత్ తెలిపారు.ఐదు నిమిషాల టెస్ట్ ఏం చెబుతుంది?అల్జీమర్స్ వ్యాధి జ్ఞాపకశక్తితో పాటు ఇతర కీలకమైన జ్ఞాన సంబంధిత సామర్థ్యాలపై ప్రభావం చూపుతుంది. అందుకే వైద్యులు కొన్నిసార్లు త్వరిత మెమరీ పరీక్షలను స్క్రీనింగ్ కోసం ఉపయోగిస్తారు. మినీ-మెంటల్ స్టేట్ ఎగ్జామినేషన్ (ఎంఎంఎస్‌ఈ), ఫైవ్-మినిట్ కాగ్నిటివ్ టెస్ట్ వంటి పరీక్షలు స్వల్పకాలిక జ్ఞాపకశక్తి, వ్యక్తికి ఉన్న స్థల-కాల అవగాహన, ప్రాథమిక సమస్య పరిష్కార సామర్థ్యాలను పరిశీలిస్తాయి. ఇవి జ్ఞాన సామర్థ్యంలో లోపం ఉండే అవకాశాన్ని గుర్తించడంలో సహాయపడతాయి. అయితే ఇవి తుది నిర్ధారణ పరీక్షలు కావు. డాక్టర్ దీక్షిత్ వీటిని కారులోని ‘వార్నింగ్ లైట్’తో పోల్చారు. సమస్యపై వైద్యుడిని అప్రమత్తం చేస్తాయి కానీ అసలు కారణాన్ని స్వయంగా చెప్పలేవని వివరించారు.టెస్ట్‌లో తక్కువ స్కోర్ అంటే అల్జీమర్స్‌ కాదుమెమరీ టెస్ట్‌లో పనితీరు సరిగా లేకపోయిందని వెంటనే అల్జీమర్స్‌ ఉందని భావించకూడదు. తీవ్రమైన విటమిన్‌ బి12 లోపం, నియంత్రణలో లేని హైపోథైరాయిడిజం, దీర్ఘకాలిక డిప్రెషన్, చికిత్స పొందని మధుమేహం వల్ల కలిగే రక్తనాళాల నష్టం వంటి సమస్యలు కూడా జ్ఞాపకశక్తి తగ్గడానికి కారణం కావచ్చు. వృద్ధుల్లో మూత్రనాళ ఇన్ఫెక్షన్లు కూడా అకస్మాత్తుగా జ్ఞాపకశక్తి లేదా జ్ఞాన సామర్థ్యంలో మార్పులకు దారితీయవచ్చని నిపుణుడు పేర్కొన్నారు. అంటే టెస్ట్ ఒక సమస్యను గుర్తించినా.. దాని వెనుక ఉన్న అసలు కారణాన్ని గుర్తించడానికి మరిన్ని పరీక్షలు అవసరం.అల్జీమర్స్‌ను టెస్ట్ ఎందుకు నిర్ధారించదు?అల్జీమర్స్‌కు సంబంధించిన మార్పులు మెదడులో జీవశాస్త్రపరమైన స్థాయిలో జరుగుతాయి. ముఖ్యంగా అమైలాయిడ్ ప్లాక్‌లు, టావ్ ట్యాంగిల్స్‌ పేరుకుపోవడం వంటి మార్పులు ఇందులో భాగంగా ఉంటాయి. కాగితంపై ప్రశ్నలకు సమాధానాలు చెప్పే చిన్న మెమరీ పరీక్షలు మెదడులో జరుగుతున్న ఈ భౌతిక మార్పులను గుర్తించలేవు. అంతేకాకుండా పరీక్ష సమయంలో వ్యక్తి ఆందోళన, అలసట లేదా నిద్రలేమితో ఉంటే కూడా జ్ఞాపకశక్తి పరీక్షలో పనితీరు ప్రభావితమవుతుంది. దీనివల్ల తప్పుడు పాజిటివ్ ఫలితం రావచ్చని డాక్టర్ దీక్షిత్ హెచ్చరించారు.అసలు నిర్ధారణకు ఏం చేస్తారు?అల్జీమర్స్‌ నిర్ధారణ కోసం వైద్యులు ఒక్క మెమరీ టెస్ట్‌పైనే ఆధారపడరు. రోగి ఆరోగ్య చరిత్రను వివరంగా తెలుసుకోవడంతో పాటు, కుటుంబ సభ్యులతో మాట్లాడి రోజువారీ పనితీరులో వచ్చిన మార్పులను అంచనా వేస్తారు. వివిధ రకాల జ్ఞాన సామర్థ్యాలను పరిశీలించే సమగ్ర న్యూరోసైకాలజికల్ పరీక్షలు కూడా నిర్వహిస్తారు. ఈ ప్రక్రియలో రోగి సమస్య ఎప్పుడు ప్రారంభమైంది, కాలక్రమంలో ఎలా మారింది, రోజువారీ కార్యకలాపాలపై ఎంత ప్రభావం చూపుతోంది వంటి అంశాలను పరిశీలించడం కీలకం.ఎంఆర్‌ఐ నుంచి రక్త పరీక్షల వరకు..అల్జీమర్స్‌ను ఇతర కారణాల వల్ల కలిగే జ్ఞాపకశక్తి సమస్యల నుంచి వేరు చేయడానికి వైద్యులు మెదడు ఇమేజింగ్‌ పరీక్షలను కూడా చేస్తారు. ఇందులో ఎంఆర్‌ఐ లేదా సీటీ స్కాన్లు ఉంటాయి. అవసరాన్ని బట్టి నిర్దిష్ట రక్త బయోమార్కర్లు, సెరెబ్రోస్పైనల్ ఫ్లూయిడ్‌ (సీఎస్‌ఎఫ్‌)పరీక్షలు కూడా నిర్వహించవచ్చు. అందువల్ల ఐదు నిమిషాల మెమరీ టెస్ట్‌ను అల్జీమర్స్‌ నిర్ధారణగా భావించకుండా, వైద్యుడితో తదుపరి పరిశీలనకు ప్రారంభ సంకేతంగా చూడాలని నిపుణులు సూచిస్తున్నారు. జ్ఞాపకశక్తిలో మార్పులు కనిపిస్తే స్వయంగా వ్యాధి నిర్ధారణ చేసుకోకుండా వైద్యుడిని సంప్రదించడం ముఖ్యమని చెబుతున్నారు.ఇదీ చదవండి: Uttarakhand: నకిలీ పత్రాలతో ఎంబీబీఎస్ అడ్మిషన్లు?

హైదరాబాద్‌: సాఫ్ట్‌వేర్‌ ఉద్యోగిని అనుమానాస్పద స్థితిలో అత్మహత్య చేసుకుంది. పోచారం ఐటీ కారిడార్‌ పోలీసులు, స్థానికులు తెలిపిన మేరకు.. శ్రీకాకుళం జిల్లాకు చెందిన మౌనిక సంతోషి (28) పోచారం ఐటీ కారిడార్‌లోని యాక్సిస్‌ బ్యాంక్‌లో సాఫ్ట్‌వేర్‌ ఉద్యోగిగా పనిచేస్తోంది. వైజాగ్‌కు చెందిన రమాకాంత్‌ను ప్రేమించి 8 ఏళ్ల క్రితం కులాంతర వివాహం చేసుకుంది. వీరికి ఇద్దరు కవల కుమారులు(2) ఉన్నారు. పోచారంలోని సంస్కృతి టౌన్‌షిప్‌ సమీపంలో నివాసముంటున్నారు. రమాకాంత్‌ ఇన్ఫోసిస్‌లో సాఫ్ట్‌వేర్‌ హెచ్‌ఆర్‌ ఉద్యోగిగా పనిచేస్తున్నారు. ఆదివారం ఉదయం తలుపులు తెరిచి ఉండటంతో పనిమనిషి ఇంట్లోకి వచ్చి చూడగా మౌనిక ఉరి వేసుకున్న స్థితిలో కనిపించింది. వెంటనే ఆస్పత్రికి తరలించగా అప్పటికే మృతి చెందినట్లు వైద్యులు నిర్ధారించారు. శనివారం రాత్రే ఈ ఘటన జరిగి ఉండొచ్చని, ఆ సమయంలో భర్త ఇంట్లోనే ఉన్నట్టు తెలుస్తోంది. మౌనిక మృతికి భర్త వేధింపులే కారణమన్న ఆరోపణలు వినిపిస్తున్నాయి. పోలీసులు మృత దేహాన్ని గాంధీ ఆసుపత్రికి తరలించారు. మృతికి గల కారణాలపై పోలీసులు అన్ని కోణాల్లో దర్యాప్తు చేస్తున్నారు. తల్లిని కోల్పోయి, కవల చిన్నారులున్న కుటుంబంలో విషాదం నెలకొంది.ఇదీ చదవండి: డబుల్‌ బెడ్రూం ఇళ్ల మీకొద్దంటే..ఇతరులకిస్తాం

యుద్ధం.. డ్రోన్ల దాడులు.. ఆర్థిక ఒత్తిళ్లు.. ఎన్ని సవాళ్లు ఎదురైనా రష్యాలో పుతిన్‌ రాజకీయ ఆధిపత్యానికి ఎదురులేకుండా పోయింది. పార్లమెంటు ఎన్నికల్లో అధికార యునైటెడ్ రష్యా పార్టీ 57.5 శాతం ఓట్లతో దూసుకెళ్తోంది. ఉక్రెయిన్‌తో యుద్ధంపై ప్రజల మద్దతును పరీక్షించుకునేందుకు జరిగిన ఈ ఎన్నికల్లోనూ పుతిన్‌ పార్టీ స్పష్టమైన ఆధిక్యంలో కొనసాగుతోంది. ప్రతిపక్షాలు వెనుకబడగా.. రష్యా రాజకీయాల్లో పుతిన్‌ పట్టు మరోసారి చర్చనీయాంశంగా మారింది.ఉక్రెయిన్‌తో యుద్ధం ఐదో ఏడాదిలోకి అడుగుపెట్టిన వేళ రష్యా అధ్యక్షుడు వ్లాదిమిర్ పుతిన్‌కు కీలక రాజకీయ పరీక్ష ఎదురైంది. అయినప్పటికీ పార్లమెంటు ఎన్నికల్లో ఆయనకు చెందిన అధికార యునైటెడ్ రష్యా పార్టీ భారీ ఆధిక్యంలో కొనసాగుతోంది. పాక్షిక అధికారిక ఫలితాల ప్రకారం ఆ పార్టీకి 57.5 శాతం ఓట్లు లభించాయి. అయితే ఇవి తుది ఫలితాలు కావు. 450 మంది సభ్యులున్న రష్యా స్టేట్ డూమాలో మెజారిటీ సాధించే దిశగా అధికార పార్టీ ముందుకు సాగుతోంది. కమ్యూనిస్ట్ పార్టీ, ఎల్‌డీపీఆర్‌, న్యూ పీపుల్‌, జస్ట్ రష్యా పార్టీలు చాలా వెనుకబడి ఉన్నప్పటికీ పార్లమెంటులో స్థానాలు దక్కించుకునే అవకాశముంది.సెప్టెంబర్ 18–20 మధ్య మూడు రోజుల పాటు పోలింగ్ జరిగింది. సెప్టెంబర్ 21 నాటికి వెలువడిన పాక్షిక ఫలితాల్లో యునైటెడ్ రష్యా 57.5 శాతం ఓట్లతో ముందంజలో ఉంది. గత ఎన్నికలతో పోలిస్తే 2021 ఎన్నికల్లో యునైటెడ్ రష్యా పార్టీకి 49.82 శాతం ఓట్లు వచ్చాయి. తాజా ఎన్నికల్లోని 57.5 శాతం పాక్షిక ఫలితంతో పోలిస్తే దాదాపు 7.7 శాతం పాయింట్ల ఆధిక్యం కనిపిస్తోంది. ప్రతిపక్షాల పరిస్థితి ఇలా ఉంది. ప్రాథమిక లెక్కల్లో కమ్యూనిస్ట్ పార్టీ 13.67 శాతం, ఎల్‌డీపీఆర్‌ 9.27 శాతం, న్యూ పీపుల్‌ 7.96 శాతం, జస్ట్‌ రష్యా 5.16 శాతం ఓట్లతో ఉన్నట్లు ఒక నివేదిక వెల్లడించింది. ఈ గణాంకాలు పాక్షిక లెక్కల ఆధారంగా వచ్చినవే.BREAKING! 🇷🇺Preliminary results. Putin and Medvedev's "United Russia" party is leading with 57% in the State Duma elections. The other parties got from 1 to 7 percent of the votes.pic.twitter.com/SKQtov4R8A— Дepлorabлe Russian🔹 (@TeaTramRussia) September 20, 2026పుతిన్ తన ప్రభుత్వ విధానాలకు, ఉక్రెయిన్ యుద్ధానికి ప్రజల మద్దతు ఉందా లేదా అన్నదానికి ఈ ఎన్నికలను పరీక్షగా అభివర్ణించారు. మాజీ అధ్యక్షుడు, రష్యా భద్రతా మండలి ఉపాధ్యక్షుడు దిమిత్రి మెద్వెదెవ్‌.. యునైటెడ్ రష్యా గౌరవప్రదమైన ఫలితాన్ని సాధించిందని, దేశాన్ని పాలించే బాధ్యతను ప్రజలు మరోసారి ఆ పార్టీకి అప్పగించారని వ్యాఖ్యానించారు.యుద్ధ వ్యతిరేక అభ్యర్థులకు అవకాశం నిరాకరణయుద్ధాన్ని వ్యతిరేకించే పలువురు అభ్యర్థులకు ఎన్నికల్లో పోటీ చేసే అవకాశం దక్కలేదు. ఉదారవాద యాబ్లోకో పార్టీకి చెందిన నేతలు కూడా తమ స్వేచ్ఛపై ఆందోళన వ్యక్తం చేశారు. ఉక్రెయిన్ యుద్ధంపై వ్యాఖ్యల నేపథ్యంలో తమ పార్టీకి చెందిన ఇద్దరు సీనియర్ నేతలకు కోర్టులు సుదీర్ఘ జైలు శిక్షలు విధించడమే ఇందుకు కారణమని వారు పేర్కొన్నారు. రష్యాలో సైన్యాన్ని అప్రతిష్ఠపరిచేలా మాట్లాడటం, అధికారులు తప్పుడు వార్తలుగా పరిగణించే సమాచారాన్ని వ్యాప్తి చేయడం వంటి చర్యలకు సుదీర్ఘ జైలు శిక్షలు విధించే అవకాశం ఉంది.సైబర్ దాడుల మధ్య ఓటింగ్ఎన్నికల వ్యవస్థలపై పెద్ద ఎత్తున సైబర్ దాడులు జరిగినట్లు రష్యా ఎన్నికల అధికారులు తెలిపారు. అయినప్పటికీ ఓటింగ్ ప్రక్రియ చాలావరకు సజావుగా సాగిందని పేర్కొన్నారు. మాస్కో స్థానిక కాలమానం ప్రకారం సాయంత్రానికి పోలింగ్ శాతం దాదాపు 57కు చేరినట్లు కేంద్ర ఎన్నికల సంఘం గణాంకాలు వెల్లడించాయి. ప్రభుత్వాన్ని వ్యతిరేకించే రష్యన్లు మధ్యాహ్నం 12 గంటలకు పోలింగ్ కేంద్రాల వద్దకు చేరుకుని నిరసన తెలపాలని ప్రవాస ప్రతిపక్ష నేతలు పిలుపునిచ్చారు. కొన్ని ప్రాంతాల్లో పొడవైన క్యూలు కనిపించినప్పటికీ.. ఈ నిరసన ఎన్నికల ఫలితాలపై ఎంతవరకు ప్రభావం చూపిందన్నది స్పష్టంగా తెలియలేదు.Ukraine launched its "largest ever" drone barrage against Moscow during the final day of Russia's parliamentary elections.The attack — involving over 1,000 drones nationwide — struck a major Moscow oil refinery, sending heavy flames and smoke into the sky and leaving at least… pic.twitter.com/0G2gmmpopr— Fox News (@FoxNews) September 20, 2026ఎన్నికల వేళ మాస్కోపై ఉక్రెయిన్ డ్రోన్ల దాడిరష్యా ఎన్నికలు జరుగుతున్న సమయంలోనే మాస్కోతో పాటు పలు ప్రాంతాలపై ఉక్రెయిన్ భారీ డ్రోన్ దాడులకు పాల్పడినట్లు రష్యా అధికారులు వెల్లడించారు. మాస్కో ప్రాంతంలో ముగ్గురు, రష్యా ఆధీనంలోని ఉక్రెయిన్ ఖెర్సన్ ప్రాంతంలో మరో ఇద్దరు మరణించినట్లు తెలిపారు. మృతుల్లో ఎన్నికల అధికారి కూడా ఉన్నట్లు పేర్కొన్నారు. ఎన్నికలను అడ్డుకునేందుకే ఈ దాడులు జరిగాయని మాస్కో మేయర్ సెర్గీ సోబ్యానిన్ ఆరోపించారు. అయితే వాటి వల్ల ఎన్నికల ప్రక్రియకు ఆటంకం కలగలేదని చెప్పారు.ఇక, ఎన్నికల ఫలితాలను పుతిన్ ప్రభుత్వం తన విధానాలకు, ఉక్రెయిన్ యుద్ధానికి ప్రజల మద్దతు ఉందనడానికి నిదర్శనంగా చూపించే అవకాశం ఉంది. అయితే యుద్ధం కొనసాగుతున్న వేళ ప్రజల ఆర్థిక ఆందోళనలు, ప్రతిపక్ష పార్టీలకు లభించే మద్దతు రష్యా రాజకీయ పరిణామాల్లో కీలకంగా మారనున్నాయి.Ukraine launched MASSIVE ATTACK in attempt to DISRUPT Russia ELECTIONS — Russian MoD1,951 DRONES and 8 FLAMINGO MISSILES shot down in 24 HOURSMOSCOW WARNS RESPONSE IS COMING as STRIKES ON Kiev set to INTENSIFY pic.twitter.com/Fsm3mW3KG8— RT (@RT_com) September 20, 2026

యూరోపియన్‌ టీ20 ప్రీమియర్‌ లీగ్‌ (ETPL) తొలి ఎడిషన్‌ (2026) విజేతగా మిచెల్‌ సాంట్నర్‌ నేతృత్వంలోని ఎడిన్‌బర్గ్‌ కాసిల్‌ రాకర్స్‌ జట్టు అవతరించింది. నిన్న జరిగిన ఫైనల్లో ఈ జట్టు బెల్‌ఫాస్ట్‌ వోల్వ్స్‌ను 7 వికెట్ల తేడాతో ఓడించి ఛాంపియన్‌గా అవతరించింది.ఈ మ్యాచ్‌లో తొలుత బ్యాటింగ్‌ చేసిన వోల్వ్స్‌ టీమ్‌ నిర్ణీత 20 ఓవర్లలో 5 వికెట్ల నష్టానికి 150 పరుగులు చేయగా.. రాకర్స్‌ జట్టు మరో 8 బంతులు మిగిలుండగానే 3 వికెట్లు మాత్రమే కోల్పోయి లక్ష్యాన్ని ఛేదించింది. వన్‌డౌన్‌ బ్యాటర్‌ ఆండ్రియస్‌ గౌస్‌ (90 నాటౌట్‌) అద్భుతమైన ఇన్నింగ్స్‌ ఆడి రాకర్స్‌ను విజయతీరాలకు చేర్చాడు.అంతకుముందు టిమ్‌ టెక్టర్‌ (84) రాణించడంతో వోల్వ్స్‌ గౌరవప్రదమైన స్కోర్‌ చేయగలిగింది. వోల్వ్స్‌ తరఫున టెక్టర్‌కు ఎవరూ సహకరించలేదు. డెవాన్‌ కాన్వే (29), హ్యారీ మనెంటి (16 నాటౌట్‌) మాత్రమే రెండంకెల స్కోర్లు చేశారు. స్టార్‌ ప్లేయర్‌, ఆ జట్టు కెప్టెన్‌ గ్లెన్‌ మ్యాక్స్‌వెల్‌ 3 పరుగులకే ఔటై నిరాశపరిచాడు. రాకర్స్‌ బౌలర్లలో ట్రెంట్‌ బౌల్ట్‌ (4-0-21-2) అద్భుతంగా బౌల్‌ చేశాడు. టామ్‌ కర్రన్‌, మార్క్‌ వాట్‌, జె జె స్మట్స్‌ కూడా తలో వికెట్‌ తీసి వోల్వ్స్‌ బ్యాటర్లను ఇబ్బంది పెట్టారు.అనంతరం గౌస్‌ ఒంటిచేత్తో రాకర్స్‌ను విజయతీరాలకు చేర్చాడు. అతడికి రాస్‌ అదైర్‌ (23), స్మట్స్‌ (15), మెక్‌ముల్లెన్‌ (17) సహకరించారు. వోల్వ్స్‌ బౌలర్లలో అదైర్‌, హంఫ్రేస్‌, గావిన్‌ హోయ్‌ తలో వికెట్‌ తీశారు. అద్భుత ఇన్నింగ్స్‌తో రాకర్స్‌ను ఛాంపియన్‌గా నిలబెట్టిన గౌస్‌కు ప్లేయర్‌ ఆఫ్‌ ద మ్యాచ్‌ అవార్డు దక్కగా.. టోర్నీ ఆధ్యాంతం సత్తా చాటిన రొట్టర్‌డామ్‌ డాకర్స్‌ కెప్టెన్‌ ఫాఫ్‌ డుప్లెసిస్‌కు (449 పరుగులు) ప్లేయర్‌ ఆఫ్‌ ద సిరీస్‌ అవార్డు దక్కింది. ఇదీ చదవండి: ఆస్ట్రేలియాను వణికించిన జింబాబ్వే.. ఒక్క వికెట్‌ తేడాతో

పశ్చిమాసియాలో ఉద్రిక్తతలు మరోసారి వేడెక్కాయి. ఒకవైపు అమెరికా–ఇరాన్‌ మధ్య మాటల యుద్ధం తీవ్ర స్థాయికి చేరగా.. మరోవైపు ఇరాన్‌ మద్దతున్న హౌతీలు సౌదీ అరేబియా రాజధాని రియాద్‌పై క్షిపణులు, డ్రోన్లతో దాడికి దిగారు. ఇదే సమయంలో ఇరాన్‌–ఫ్రాన్స్‌ మధ్య దౌత్య వివాదం కూడా ముదురుతోంది. దీంతో ఇప్పటికే నెలలుగా కొనసాగుతున్న ప్రాంతీయ సంక్షోభం కొత్త మలుపు తీసుకుంటోంది.అమెరికా కొత్త దాడికి సిద్ధమవుతోందన్న సమాచారం తమ వద్ద ఉందని ఇరాన్‌ సైన్యం ప్రకటించింది. అమెరికా లేదా దాని మిత్రదేశాలు మరోసారి దాడి చేస్తే.. ఈసారి ప్రతిస్పందన పరిమితం కాదని, అమెరికా స్థావరాలు.. ప్రయోజనాలపై సుదీర్ఘంగా దాడులు కొనసాగిస్తామని ఇరాన్‌ సైనిక కమాండ్‌ హెచ్చరించింది. అమెరికా మిత్రదేశాలను కూడా ఈ ఘర్షణలో భాగస్వాములుగానే పరిగణిస్తామని స్పష్టం చేసింది.మరోవైపు అమెరికా అధ్యక్షుడు డొనాల్డ్‌ ట్రంప్‌ కూడా ఇరాన్‌పై ఒత్తిడి పెంచారు. ఒప్పందానికి ముందుకు రావాలని.. లేదంటే ఇరాన్‌ ఆర్థికంగా మరింత కుదేలవుతుందని, తీవ్ర పరిణామాలు ఎదుర్కోవాల్సి వస్తుందని హెచ్చరించారు. అయితే ఇరాన్‌ అధ్యక్షుడు మసూద్‌ పెజెష్కియాన్‌ ఈ వారంలో ఐక్యరాజ్యసమితి సర్వసభ్య సమావేశానికి న్యూయార్క్‌ వెళ్లనున్న నేపథ్యంలో ఆయనతో భేటీకి తాను సిద్ధంగా ఉన్నానని ట్రంప్‌ చెప్పడం గమనార్హం. రియాద్‌పై హౌతీల మెరుపుదాడిఇదిలా ఉండగానే యెమెన్‌లోని ఇరాన్‌ మద్దతు ఉన్న హౌతీలు సౌదీ రాజధాని రియాద్‌ను లక్ష్యంగా చేసుకున్నారు. సెప్టెంబర్‌ 19న క్షిపణి, డ్రోన్లతో దాడి ప్రయత్నం జరిగినట్లు సౌదీ అరేబియా ధ్రువీకరించింది. రియాద్‌లోని కింగ్‌ ఖాలిద్‌ అంతర్జాతీయ విమానాశ్రయం సమీపంలో భారీ పేలుడుతో దట్టమైన పొగ అలుముకుంది. అయితే సౌదీ నేతృత్వంలోని కూటమి ఆ దాడిని అడ్డుకున్నట్లు తెలిపింది. పెద్దగా నష్టమూ జరగలేదని వెల్లడించింది. హౌతీలు రియాద్‌తో పాటు యాన్‌బు, తాయిఫ్‌, బైష్‌, ఫరాసాన్‌ ప్రాంతాల్లోనూ దాడులకు ప్రయత్నించినట్లు సమాచారం. యాన్‌బు సౌదీ చమురు ఎగుమతులకు కీలక కేంద్రం కావడంతో ఈ దాడులు మరింత ఆందోళనకు కారణమయ్యాయి. ఎందుకంత కీలకం బాబ్-ఎల్-మండేబ్..యెమెన్‌లో హౌతీల దూకుడు ఇటీవలి రోజుల్లో మరింత పెరిగింది. వ్యూహాత్మకమైన మొఖా ప్రాంతంతో పాటు బాబ్‌ ఎల్‌ మందెబ్‌ జలసంధికి సమీప ప్రాంతాలపై వారి పట్టు పెరిగింది. ఈ మార్గం ఎర్ర సముద్రాన్ని గల్ఫ్‌ ఆఫ్‌ ఎడెన్‌తో కలుపుతుంది. ఆసియా–యూరప్‌ మధ్య నౌకాయానానికి ఇది కీలకమైన మార్గం.ఇప్పటికే హర్ముజ్‌ జలసంధిలో ఇరాన్‌ ఆంక్షల కారణంగా ఇంధన రవాణాపై తీవ్ర ఒత్తిడి ఉంది. ఇప్పుడు బాబ్‌ ఎల్‌ వద్ద కూడా భద్రతా సమస్యలు పెరగడంతో ప్రపంచ చమురు సరఫరాపై ఆందోళన మరింత పెరిగింది. హౌతీల దాడుల నేపథ్యంలో సౌదీ చమురు ఎగుమతుల మార్గాల్లో మార్పులు చోటుచేసుకున్నాయి. తాజా పరిణామాల్లో బ్రెంట్‌ క్రూడ్‌ ధర బ్యారెల్‌కు 100 డాలర్లకు పైగానే కొనసాగుతోంది. చైనాకు కూడా టెన్షన్‌.. ఇరాన్‌పై ఒత్తిడిహౌతీల దూకుడుతో సౌదీ మాత్రమే కాకుండా చైనా కూడా ఆందోళన వ్యక్తం చేస్తున్నట్లు ఓ ప్రముఖ మీడియా సంస్థ కథనం ఇచ్చింది. సౌదీ విజ్ఞప్తి నేపథ్యంలో హౌతీలను అదుపులో ఉంచేందుకు ఇరాన్‌పై చైనా ప్రైవేటుగా ఒత్తిడి తెచ్చినట్లు మూడు ఇరాన్‌ వర్గాలను ఉటంకిస్తూ ఆ వార్తను ప్రచురించింది. ఎర్ర సముద్ర మార్గం చైనా వాణిజ్యానికి కూడా కీలకం కావడంతో ఈ పరిణామాలను బీజింగ్‌ నిశితంగా గమనిస్తోంది. ఇటు ఫ్రాన్స్‌తోనూ కొత్త వివాదంఇక ఇరాన్‌–ఫ్రాన్స్‌ సంబంధాల్లోనూ కొత్త చిచ్చు రేగింది. టెహ్రాన్‌లో ఫ్రెంచ్‌ రాయబార కార్యాలయానికి అనుబంధంగా ఉన్న ఫ్రెంచ్‌ భాషా కేంద్రాన్ని ఇరాన్‌ అధికారులు మూసివేశారు. సరైన లైసెన్స్‌ లేకుండా కార్యకలాపాలు నిర్వహించడంతో పాటు జాతీయ భద్రతకు వ్యతిరేకమైన చర్యలకు పాల్పడిందని ఇరాన్‌ ఆరోపించింది. వ్యక్తుల నెట్‌వర్క్‌లను నిర్మించడం, నైపుణ్యం ఉన్న ఇరానియన్లు దేశం విడిచి వెళ్లేందుకు సహకరించడం వంటి ఆరోపణలను కూడా చేసింది. అయితే ఫ్రాన్స్‌ ఈ చర్యను తీవ్రంగా ఖండించింది. తమ సాంస్కృతిక సంస్థలపై మరో దాడిగా అభివర్ణించింది. ఇరాన్‌ రాయబారిని పిలిపించి వివరణ కోరనున్నట్లు ప్రకటించింది. ఈ వివాదం ఇప్పటికే ఇరుదేశాల మధ్య ఉన్న దౌత్య ఉద్రిక్తతలను మరింత పెంచే అవకాశం ఉంది. ‘మొసలి కన్నీరు’ అంటూ ఫైర్‌ఫ్రాన్స్‌ విదేశాంగ మంత్రి జీన్‌-నోయెల్‌ బారో ఇరాన్‌లో మానవ హక్కుల పరిస్థితిపై చేసిన వ్యాఖ్యలపై ఇరాన్‌ విదేశాంగ మంత్రి అబ్బాస్‌ అరాఘ్చీ తీవ్రంగా స్పందించారు. ఫ్రాన్స్‌ గతంలో అల్జీరియాలో చేసిన చర్యలను ప్రస్తావిస్తూ.. ఇరాన్‌పై ఇప్పుడు సానుభూతి చూపడం ‘మొసలి కన్నీరు’ అంటూ బారోను ఉద్దేశించి వ్యాఖ్యానించారు. అమెరికా దాడుల్లో ఇరాన్‌ పాఠశాల విద్యార్థులు చనిపోయిన సమయంలో ఫ్రాన్స్‌ మౌనం వహించిందని కూడా అరాఘ్చీ ఆరోపించారు.ఒకవైపు చర్చలు.. మరోవైపు దాడులుఇలా చూస్తే ప్రస్తుతం ఇరాన్‌ చుట్టూ ఒకేసారి పలు స్థాయిల్లో ఉద్రిక్తతలు కనిపిస్తున్నాయి. అమెరికాతో ప్రత్యక్ష ఘర్షణ మళ్లీ ముదిరే సంకేతాలు, సౌదీపై హౌతీల దాడులు, హర్ముజ్‌–బాబ్‌ ఎల్‌ మండేబ్‌ జలమార్గాలపై ఒత్తిడి, ఫ్రాన్స్‌తో దౌత్య వివాదం.. ఇవన్నీ ఒకదానితో ఒకటి ముడిపడుతున్నాయి.అయితే ఇదే సమయంలో చర్చలకు అవకాశం పూర్తిగా మూసుకుపోలేదు. ట్రంప్‌–ఇరాన్‌ మధ్య కఠిన ప్రకటనలు కొనసాగుతున్నప్పటికీ, ఇరాన్‌ అధ్యక్షుడితో భేటీకి ట్రంప్‌ సిద్ధంగా ఉన్నట్లు చెప్పడం దౌత్య మార్గం ఇంకా తెరిచే ఉందనే సంకేతంగా నిలుస్తోంది. మరోవైపు హౌతీలను నియంత్రించేందుకు చైనా ప్రయత్నాలు కూడా తెరవెనుక దౌత్యం కొనసాగుతున్నట్లు సూచిస్తున్నాయి.ఇదీ చదవండి: ఆ ఏడు కండీషన్స్‌తో ఇరాన్‌ యుద్ధం ముగిసేనా?

జోధ్‌పూర్‌: భారతదేశ భూభాగంపై తొలిసారిగా జపాన్‌ యుద్ధ విమానాలు కార్యకలాపాలు నిర్వహించడం భారత్, జపాన్‌ మధ్య రక్షణ సహకారంలో ఒక ప్రధాన మైలురాయి అని ఎయిర్‌ చీఫ్‌ మార్షల్‌ అమర్‌ప్రీత్‌ సింగ్‌ చెప్పారు. ఆదివారం రాజస్థాన్‌లోని జైపూర్‌ ఎయిర్‌ఫోర్స్‌ స్టేషన్‌లో భారత్, జపాన్‌ యుద్ధ విమానాలు సంయుక్తంగా విన్యాసాలు నిర్వహిస్తున్నాయి. ఈ నెల 9న ప్రారంభయైన ఈ కార్యక్రమం 22న ముగుస్తుంది. స్వదేశీ తేజస్, ఎస్‌యూ–30ఎంకేఐ, రఫేల్‌ సహా భారత వైమానిక దళానికి చెందిన అగ్రశ్రేణి విమానాలు, అలాగే జపాన్‌ వైమానిక స్వీయ–రక్షణ దళానికి చెందిన ఎఫ్‌–2ఈ యుద్ధ విమానాలు సంయుక్తంగా వీర్‌ గార్డియన్‌–2026 పేరిట జరిగిన వైమానిక విన్యాసాల్లో పాల్గొన్నాయి. జపాన్‌ వాయుసేన స్వీయ–రక్షణ దళం చీఫ్‌ ఆఫ్‌ స్టాఫ్‌ జనరల్‌ టకేహిరో మోరితా సైతం ఇందులో భాగస్వాములయ్యారు. టకేహిరో మోరితా ఒక పైలట్‌తో కలిసి తేజస్‌ ఫైటర్‌ జెట్‌ను నడిపారు. ఎయిర్‌ చీఫ్‌ మార్షల్‌ అమర్‌ప్రీత్‌ సింగ్‌ ఒంటరిగా మరో తేజస్‌ జెట్‌ను నడపడం విశేషం. పరస్పర గౌరవం, భాగస్వామ్యానికి చిహ్నంగా ఇద్దరు వైమానిక దళాధిపతులు బ్యాడ్జ్‌లను మార్చుకున్నారు. భారత్‌కు జపాన్‌ యుద్ధ విమానాలను పంపడం అనేది ఇరుదేశాల మధ్య రక్షణ సహకారానికి ప్రతీక అని టకేహిరో మోరితా చెప్పారు.

లక్నో: ఉత్తరప్రదేశ్‌లో బీజేపీ పాలన కాలంలో 151 బీఆర్‌ అంబేడ్కర్‌ విగ్రహాలు నేలమట్టమయ్యాయని సమాజ్‌వాదీ పార్టీ(ఎస్పీ)చీఫ్‌ అఖిలేశ్‌ యాదవ్‌ తీవ్ర ఆరోపణలు చేశారు. 72 జిల్లాల్లో చోటుచేసుకున్న ఈ ఘటనలకు సంబంధించి బీజేపీ ప్రభుత్వం ఇప్పటి వరకు 14 మందిని మాత్రమే అరెస్ట్‌ చేసిందని ఆయన తెలిపారు. రాజ్యాంగాన్ని మార్చేందుకు ప్రయత్నించి, విఫలమైన బీజేపీయే ఉద్దేశపూర్వకంగా వీటిని కూల్చివేసిందని ఆరోపించారు. అఖిలేశ్‌ ఆదివారం లక్నోలో మీడియాతో మాట్లాడారు. ‘‘ గత 15 ఏళ్ల బీజేపీ పాలనాకాలంలో మొత్తంగా 151 అంబేడ్కర్‌ విగ్రహాలు పాక్షికంగా లేదా పూర్తిగా ధ్వంసమయ్యాయి. మొత్తంగా చూస్తే ఏడాదికి 15 విగ్రహాల చొప్పున నాశనంచేశారు. 45 ఘటనల్లో గుర్తు తెలియని వ్యక్తులపై కేసులు నమోదయ్యాయి. 84 కేసుల్లో ఎటువంటి చర్యలు తీసుకోలేదు. లెక్కలోకి రాని ఘటనలు చాలా ఉన్నాయి. బీజేపీ, ఆ పార్టీ సిద్ధాంతాలను అనుసరించే వారు ముందుగా దేశ రాజ్యాంగాన్నే లక్ష్యంగా చేసుకుంటారని పేర్కొన్నారు. రాజ్యాంగం, అంబేడ్కర్, ఆయన అనుచరులంటే బీజేపీకి ఎటువంటి గౌరవం లేదు’’అని అఖిలేశ్‌ విమర్శించారు. అయోధ్య రామాలయం నిధులను సక్రమంగా వినియోగించుకోవడం, పక్కదారి పట్టకుండా చూడటమే అసలైన సనాతన ధర్మమని బీజేపీపై విరుచుకుపడ్డారు. యూపీలో పేపర్‌ లీకేజీలు పెరిగాయన్నారు. వచ్చే ఎన్నికల్లో ప్రతి అసెంబ్లీ నియోజకవర్గంలోనూ బీజేపీకి 27 వేల వరకు ఓట్లను తగ్గించేందుకు కృషి చేస్తున్నామని అఖిలేశ్‌ చెప్పారు. ప్రతి నియోజకవర్గం నుంచి తమ పార్టీకి అదనంగా 27 వేల ఓట్లు పడేలా కార్యాచరణను రూపొందించినట్లు వివరించారు.

న్యూఢిల్లీ: పర్యావరణ పరిరక్షణకు దేశ అత్యున్నత న్యాయస్థానం గణనీయమైన కృషి చేస్తున్నట్లు సుప్రీంకోర్టు న్యాయమూర్తి జస్టిస్‌ బీవీ నాగరత్న చెప్పారు. మానవ కేంద్రీకృత విధానం నుంచి పర్యావరణ కేంద్రీకృత విధానానికి సుప్రీంకోర్టు మారుతోందని ఆమె వ్యాఖ్యానించారు. పర్యావరణ సంబంధిత తీర్పు అనేది ముందుచూపుతో కూడిన ప్రక్రియ అని స్పష్టంచేశారు. భవిష్యత్తుపై సరైన స్పృహతో వర్తమానంలో చర్యలు తీసుకోవాల్సిన బాధ్యత కోర్టులపై ఉందని సూచించారు.ఢిల్లీలోని విజ్ఞాన్‌ భవన్‌లో నేషనల్‌ గ్రీన్‌ ట్రిబ్యునల్‌(ఎన్‌జీటీ) ఆధ్వర్యంలో ఆదివారం ‘పర్యావరణం, వాతావరణ గతిశీలత భవిష్యత్తు’ అనే అంశంపై రెండు రోజుల పాటు జరిగిన అంతర్జాతీయ సదస్సు ముగింపు సమావేశంలో జస్టిస్‌ నాగరత్న ప్రసంగించారు. పర్యావరణ చట్టం అనేది ప్రకృతిని ఆస్తిగా, సరుకుగా లేదా వనరుగా పరిగణించే ధోరణిని విడిచిపెట్టాలని పేర్కొన్నారు. మానవులు ప్రకృతిలో అంతర్భాగమేనని భారతీయ సంప్రదాయాలు ఎప్పటినుంచో చాటిచెబుతున్నాయని గుర్తుచేశారు. ప్రకృతికి ఎవరూ అతీతం కాదని వ్యాఖ్యానించారు. ఇటీవలి కాలంలో సుప్రీంకోర్టు సహా అనేక న్యాయస్థానాలు పర్యావరణ న్యాయం అనే భావనకు నిర్దిష్టమైన అర్థాన్ని ఇవ్వడంలో కీలకంగా వ్యవహరించాయని అన్నారు. అభివృద్ధితోపాటు పర్యావరణ పరిరక్షణపై కచ్చితంగా దృష్టి పెట్టాలని పిలుపునిచ్చారు. అభివృద్ధికి, పర్యావరణ పరిరక్షణకు మధ్య, ప్రస్తుత అవసరాలకు, భవిష్యత్‌ ప్రయోజనాలకు మధ్య సమన్వయం తప్పనిసరిగా ఉండాలని తేల్చిచెప్పారు.ఇదీ చ‌ద‌వండి: కాపాడాల్సింది పోయి.. కాజేశాడు

వయనాడ్‌: అక్రమార్కుల నుంచి స్వాదీనం చేసుకున్న సరుకును జాగ్రత్తగా భద్రపర్చాల్సిన ఓ పోలీసు కక్కుర్తిపడ్డాడు. పోలీస్‌గా రక్షించాల్సిందిపోయి ఏకంగా దొంగతనం చేశాడు. గుట్టుచప్పుడు కాకుండా ఆ సరుకును కొట్టేశాడు. చివరికి సస్పెన్షన్‌కు గురయ్యాడు. కేరళంలోని వయనాడ్‌లో ఈ ఘటన చోటుచేసుకుంది. జూన్‌ 7న సుల్తాన్‌ బతేరీ సమీపంలోని దొట్టప్పన్‌కుళం వద్ద పోలీసులు అక్రమంగా నిల్వ ఉంచిన నిషేధించిన పొగాకు ఉత్పత్తులను స్వా«దీనం చేసుకున్నారు. ఇందుకు సంబంధించిన ఏడు పెద్ద సంచుల నిండా పొగాకు ఉత్పత్తులను కోర్టు ఆదేశాల మేరకు సుల్తాన్‌ బతేరి పోలీస్‌ స్టేషన్‌లోని ఓ గదిలో భద్రపరిచారు. అదే పోలీస్‌ స్టేషన్‌లో విధులు నిర్వహిస్తున్న హెడ్‌ కానిస్టేబుల్‌ టి.సబిత్‌ వీటిపై కన్నేశాడు. రాత్రి ఎవరూ లేని సమయంలో స్టేషన్‌ రైటర్‌ డెస్క్ లో ఉన్న తాళం చెవితో ఆ గదిని తెరిచాడు. అందులో పొగాకు ఉత్పత్తులున్న సంచులన్నింటనీ తన కారులో తీసుకెళ్లి వేరే వ్యక్తికి విక్రయించేశాడు. ఏమీ తెలియనట్టుగా విధులకు హాజరవుతున్నాడు. సెపె్టంబర్‌ 10వ తేదీన గదిని తనిఖీ చేయగా చోరీ విషయం బయటపడింది. గది తాళం యథా ప్రకారం ఉండటంతో ఇది ఇంటి దొంగల పనేనని అధికారులు అనుమానించారు. సీసీటీవీ ఫుటేజీని పరిశీలించడంతో హెడ్‌ కానిస్టేబుల్‌ సబిత్‌ నిర్వాకం బయటపడింది. సబిత్‌ను వెంటనే సస్పెండ్‌ చేశారు. అరెస్ట్‌చేసేలోపే పరారైన అతని కోసం ప్రత్యేక బృందం రంగంలోకి దిగి 10 రోజులపాటు వెంటాడి ఎట్టకేలకు ఆదివారం ఎర్నాకులం జిల్లాలో పట్టుకున్నారు.

న్యూఢిల్లీ: ముగ్గురు భారతీయ టెక్నాలజీ నిపుణులు ‘ఓపెన్‌ ఏఐ’ వ్యవస్థలను విజయవంతంగా హ్యాక్‌ చేశారు. ఆంత్రోపిక్‌కు సంబంధించిన క్లాడ్‌ టూల్స్‌ ఉపయోగించి ఓపెన్‌ ఏఐ సిస్టమ్స్‌లోకి ప్రవేశించారు. అందులోని లోపాన్ని గుర్తించారు. కృత్రిమ మేధ సేవలు అందించే ‘ఓపెన్‌ ఏఐ’ఇటీవల నిర్వహించిన ‘బగ్‌–»ౌంటీ’ ప్రోగ్రామ్‌లో భాగంగానే వారు ఈ వ్యవస్థలను హ్యాక్‌ చేశారు. ఈ ముగ్గురు టెక్‌ నిపుణులు మోహన్‌ పెద్దపాటి, హర్ష్ జైశ్వాల్, రాహుల్‌ మియానీ సైబర్‌ సెక్యూరిటీ స్టార్టప్‌ ‘హ్యాక్‌ట్రాన్‌ ఏఐ’లో పనిచేస్తున్నారు. వీరిలో మోహన్‌ పెద్దపాటి తెలుగు యువకుడే కావడం విశేషం. ఈ ముగ్గురూ ‘బగ్‌–బౌంటీ’లో భాగంగా ఓపెన్‌ ఏఐ ఉద్యోగుల ఖాతాలను, అలాగే ఆ కంపెనీ ప్రైవేట్‌ గిట్‌హబ్‌ ఎన్విరాన్‌మెంట్‌ను యాక్సెస్‌ చేయగలిగారు. ఓపెన్‌ ఏఐ ప్రైవేట్‌ రిపోజిటరీకి యాక్సెస్‌ పొంది, లోపాన్ని కనిపెట్టినందుకు ముగ్గురు నిపుణుల బృందానికి 6,500 డాలర్ల(రూ.5.5 లక్షలు) బçహుమతి లభించింది. మోహన్‌ పెద్దపాటి హ్యాక్‌ట్రాన్‌ ఏఐకి సంబంధించిన సీటీఓ, సహ వ్యవస్థాపకుడు. వెబ్‌ ఎక్స్‌ప్లాయిటేషన్, సోర్స్‌కోడ్‌ రివ్యూ, మొబైల్‌ అప్లికేషన్‌ సెక్యూరిటీలో నైపుణ్యం కలిగిన సెక్యూరిటీ పరిశోధకుడు. ఆంధ్రప్రదేశ్‌లో నూజివీడు ట్రిపుల్‌ ఐటీలో కంప్యూటర్‌ సైన్స్‌ అభ్యసించాడు.

కరీంనగర్‌ క్రైం: కరీంనగర్‌ జిల్లాలో అంతర్రాష్ట్ర దొంగల ముఠా వరుస చోరీలకు పాల్పడుతోంది. తాజాగా కరీంనగర్‌ జిల్లా తిమ్మాపూర్‌ మండల కేంద్రంతోపాటు నగర శివారులోని దుర్శేడ్‌లో శని వారం రాత్రి రెండు ఎస్‌బీఐ ఏటీఎంలను గ్యాస్‌ కట్టర్‌తో కట్‌ చేసి సుమారు రూ.15.70 లక్షలకు పైగా నగదును ఎత్తుకెళ్లారు. మొదట తిమ్మాపూర్‌ లో సుమారు రూ.7.13 లక్షలకు పైగా.. తర్వాత దుర్శేడ్‌లో రూ.8.55 లక్షల నగదు చోరీ అయింది. చోరీల్లో పాల్గొన్న ముగ్గురు నిందితులు ఆడవేషంలో వచ్చి.. ముందుగా సీసీ కెమెరాలను ధ్వంసం చేసి చోరీ అనంతరం మహారాష్ట్రకు చెందిన ఫేక్‌ నంబర్‌ ప్లేట్‌ ఉన్న స్కార్పియోలో పరారైనట్లు పోలీ సులు గుర్తించారు. వీరితోపాటు మరో వ్యక్తి డ్రైవర్‌గా వచ్చినట్లు నిర్ధారణకు వచ్చారు. ఘటనలో హరియాణాకు చెందిన అంతర్రాష్ట్ర ముఠా ప్రమేయంపై దర్యాప్తు సాగుతోంది. చోరీ అనంతరం మంచిర్యాల మీదుగా మహా రాష్ట్ర వైపు వెళ్లి ఉండొచ్చని అనుమాని స్తున్నారు. ఇటీవల జరిగిన పీఎంజే జ్యువెలరీ చోరీ తరహాలోనే ముందస్తు రెక్కీ, టార్గె ట్‌ ఎంపిక, వేగవంతమైన ఆపరేషన్, పరారీ కనిపిస్తుండటంతో పోలీసులు ఈ ఘటన లను ఆ కోణంలోనూ పరిశీలిస్తున్నారు. నిందితుల కోసం ఆరు ప్రత్యేక బృందాలు రంగంలోకి దిగాయి. ఘటన స్థలాలను అడిషనల్‌ డీసీపీ వెంకటరమణ, రూరల్‌ ఏసీపీ విజయ్‌కుమార్‌ పరిశీలించారు. క్లూస్‌టీం, డాగ్‌ స్క్వాడ్‌లు రంగంలోకి దిగి వేలిము ద్రలు సేకరించాయి. సీసీ కెమెరాల ఆధారంగా దర్యాప్తు ప్రారంభించారు. జిల్లాలోని రేణికుంట, పెద్దపల్లి జిల్లాలోని బసంత్‌నగర్‌ టోల్‌ గేట్‌ల వద్ద నిందితులు వినియోగించిన వాహనం రికార్డు కాకపోవడంతో గ్రామీణ ప్రాంతాల మీదుగా వచ్చి వెళ్లినట్లు పోలీసులు అనుమానిస్తున్నారు. ఆయా గ్రామాల్లోని సీసీ కెమెరాలను పరిశీలిస్తున్నారు.

సాక్షి, అమరావతి: స్థానిక సంస్థల ఎన్నికల్లో కూటమిలో జనసేన తీసుకునే సీట్లపై మంత్రి నాదెండ్ల మనోహర్‌ విశాఖపట్నం జిల్లా పర్యటనలో చేసిన వ్యాఖ్యలు ఆ పారీ్టలో సెగలు పుట్టిస్తున్నాయి. గత అసెంబ్లీ ఎన్నికల సమయంలో అధినేత పవన్‌ కళ్యాణ్‌ హామీ ఇచ్చినట్టు, ఈ స్థానిక సంస్థల ఎన్నికల్లో జనసేనకు కచ్చితంగా మూడో వంతు సీట్లు లేదా అంతకంటే ఎక్కువగా పొత్తు­ల్లో దక్కుతాయని ఆ పార్టీ శ్రేణులు ఆశ పెట్టుకున్నాయి. అయితే ‘మనం తీసుకునే సీట్లు ప్రతి ఒక్కటీ గెలిచే సీట్లే తీసుకుంటాం. తొందరపడి, ఒత్తిళ్లు వచ్చాయని సంఖ్య పెంచేసుకొని.. 60 ఇవ్వండి, 70 ఇవ్వండి 120లో మేం 120 పోటీ చేస్తామనే ఆలోచన మీరెవరూ (జనసేన నాయకులు, కార్యకర్తలు) పెట్టుకోమాకండి. ఇది ఒక బాధ్యత కలిగిన రాజకీయ పార్టీ. కూటమిలో బాధ్యతయుతంగా ఉందాం’ అంటూ నాదెండ్ల చేసిన వ్యాఖ్యలతో ఆ పార్టీ నేతలు పూర్తిగా డీలా పడిపోయారు. దీంతో సొంత పార్టీ కార్యకర్తలే సోషల్‌ మీడియాలో మంత్రి నాదెండ్ల మనోహర్‌ను ఓ రేంజ్‌లో ఏకిపారేస్తున్నారు. ఇది ఒక పద్దతి ప్రకారం జనసేన బలాన్ని తక్కువ చేసినట్టు మాట్లాడి, పొత్తులో పార్టీ తక్కువ సీట్లు తీసుకోవడానికి ముందుగానే పార్టీ నేతలు, కార్యకర్తలందరినీ మానసికంగా సిద్దం చేసే బ్రెయిన్‌ వాష్‌ కార్యక్రమం అని దుయ్యబడుతున్నారు. గత అసెంబ్లీ ఎన్నికల సమయంలో సైతం జనసేన బలాన్ని ఇలానే తక్కువ చేసి మాట్లాడి, పొత్తులో తక్కువ సీట్లు తీసుకోవడాన్ని సమర్థించుకున్నారంటూ తూర్పారపడుతున్నారు. మంత్రి నాదెండ్ల వ్యాఖ్యల ప్రకారం స్థానిక ఎన్నికల్లోనూ కేవలం వంద శాతం గెలిచే సీట్లే అంటే మొత్తం సీట్లలో పది శాతానికే పార్టీని పరిమితం చేయబోతున్నారా అని ఆ పార్టీ నేతలు, కార్యకర్తలు అనుమానం వ్యక్తం చేస్తున్నారు. రాజకీయ పొత్తుల్లో.. చిన్న పారీ్టలకు ఉండే బలంతోనే పెద్ద పారీ్టలు సైతం గెలిచే పరిస్థితి ఉంటుందని, అలాంటప్పుడు చిన్న పారీ్టలకు బలం లేని కొన్ని చోట్ల అయినా పెద్ద పార్టీల బలం కలిపి గెలిపించడం కూటమిలో సమ న్యాయం అవుతుందని చెబుతున్నారు. 12 ఏళ్లు అవుతున్నా అవే మాటలా! ‘జనసేన పార్టీ పెట్టి 12 ఏళ్లు దాటింది. అధికారంలోకి వచ్చి రెండేళ్లయింది. ఇప్పుడైనా పార్టీ బలపడే దిశగా పార్టీ నిర్ణయాలు తీసుకుంటుందని ఆశించాం. అయినా ఇంకా బలం లేదంటూ మాట్లాడుతున్నారు. ఇలాగైతే ఎలా?’ అని జనసేన నేతలు ఆవేదన వ్యక్తం చేస్తున్నారు. ‘సీట్లు ఎక్కువ అడగొద్దు. సంస్థాగతంగా మనం ఇంకా బలంగా లేం.. నిదానంగా ఎదుగుదాం.. గెలిచే సీట్లే తీసుకుందాం..’ అంటే జనసేన శ్రేణుల పని కేవలం జెండాలు మోయడం, సభలకు జనాన్ని తీసుకురావడమేనా అని ప్రశి్నస్తున్నారు. పార్టీ పెట్టిన 12 ఏళ్ల తర్వాత కూడా సంస్థాగతంగా బలంగా లేకపోతే.. ఇన్నేళ్లు పార్టీ నిర్మాణం చేయకుండా ఏం చేశారని అధినేత పవన్‌ కళ్యాణ్‌ను తప్పుపట్టాల్సి ఉంటుందని అంటున్నారు. ఇప్పుడు స్థానిక ఎన్నికల్లో కనీసం మూడో వంతు సీట్లు అయినా తీసుకోకుంటే పార్టీ భవిష్యత్‌ అంధకారమే అని తెగేసి చెబుతున్నారు. పోటీ చేస్తేనే కదా.. అసలు బలమెంతో తెలిసేది.. సోషల్‌ మీడియాల్లో కొంత మంది జనసేన అభిమానులు నాదెండ్ల మనోహర్‌ను టీడీపీ కోవర్ట్‌ అంటూ నేరుగా టార్గెట్‌ చేయడం గమనార్హం. పొత్తులో మిత్రపక్షంగా ఉన్న పారీ్టలనే రాజకీయంగా అథఃపాతాళానికి నెట్టేలా చేయడం చంద్రబాబు నైజమని.. ఇప్పుడు కూడ సొంత పార్టీ వాళ్లతోనే జనసేనను ఎదగకుండా చేస్తున్నారని జనసేన శ్రేణులు మండిపడుతున్నారు. ఏ రాజకీయ పార్టీ ఎదుగుదల అయినా, ఆయా ప్రాంతాల స్థానిక ఎన్నికల్లో పోటీ చేయడం ద్వారానే ఉంటుందని చెబుతున్నారు. పోటీ చేస్తేనే కదా.. అసలు బలమెంతో తెలిసేదని ప్రశి్నస్తున్నారు. గత అసెంబ్లీ ఎన్నికల సమయంలోనే పవన్‌ కళ్యాణ్‌ పొత్తుల గురించి మాట్లాడుతూ ‘స్థానిక సంస్థల ఎన్నికల్లో గ్రామ పంచాయతీ పదవులు మొదలు నగర కార్పొరేషన్‌ పదవుల వరకు జనసేన ఖచ్చితంగా మూడో వంతు సీట్లు తీసుకుంటుంది’ అని వ్యాఖ్యానించడాన్ని ఈ సందర్భంగా గుర్తు చేస్తున్నారు. అయితే రెండు నెలల క్రితం మంత్రి నారా లోకేశ్‌.. టీడీపీ నేతల సమావేశంలో స్థానిక ఎన్నికల్లో జనసేనకు 15 శాతం టికెట్లేనని స్పష్టం చేయడం.. జనసేన మంత్రి నాదెండ్ల ప్రస్తుతం ఆ దిశగానే శ్రేణులను ఒప్పించే ప్రయత్నం చేస్తుండటం ఆ పార్టీలో తీవ్ర చర్చనీయాంశమైంది.

ఆసియా క్రీడల్లో తొలి స్వర్ణ పతకం ఆతిథ్య జపాన్‌కే లభించింది. మూడు క్రీడాంశాల సమాహారమైన పురుషుల ట్రయాథ్లాన్‌ (స్విమ్మింగ్, సైక్లింగ్, రన్నింగ్‌)లో జపాన్‌ ట్రయాథ్లెట్‌ టకుమి హోజో పసిడి పతకం సాధించాడు. టకుమి హోజో (750 మీటర్లు స్విమ్మింగ్, 20 కిలోమీటర్ల సైక్లింగ్, 5 కిలోమీటర్ల రన్నింగ్‌) మూడు ఈవెంట్స్‌ను 52 నిమిషాల 56 సెకన్లలో ముగించి విజేతగా నిలిచాడు. బంగారు పతకం సాధించిన టకుమి హోజో 2028 లాస్‌ ఏంజెలిస్‌ ఒలింపిక్స్‌ బెర్త్‌ను కూడా సంపాదించాడు. జిరుయ్‌ జాంగ్‌ (చైనా; 53ని:05 సెకన్లు) రజతం, అర్లాన్‌ (కజకిస్తాన్‌; 53ని:11 సెకన్లు) కాంస్యం సాధించారు.

యాదగిరిగుట్ట: ‘రాష్ట్రంలో రైతు పాలన పోయి.. రాక్షస పాలన వచ్చింది.. ఇది ఎల్‌నినో తెచ్చిన కరువు కాదు.. కాంగ్రెస్‌ ప్రభుత్వం తెచ్చిన కరువు’ అని మాజీ మంత్రి తన్నీరు హరీశ్‌రావు ధ్వజమెత్తారు. యాదాద్రి భువనగిరి జిల్లా మోటకొండూర్‌ మండల కేంద్రంలో ఆదివారం డీసీసీ మాజీ ప్రధాన కార్యదర్శి సిరబోయిన మల్లేశ్‌ యాదవ్, కాంగ్రెస్‌ సీనియర్‌ నాయకుడు శోభన్‌రెడ్డితో పాటు పలువురు ఆ పార్టీకి రాజీనామా చేసి బీఆర్‌ఎస్‌లో చేరారు. అనంతరం మోటకొండూర్‌లోని విద్యుత్‌ కార్యాలయాన్ని సందర్శించారు. అక్కడ లాగ్‌ బుక్స్‌ దాచిపెట్టడంతో ఆగ్రహం వ్యక్తం చేశారు. ఈ సందర్భంగా హరీశ్‌రావు మాట్లాడుతూ తాము వస్తున్నామని చెప్పి మోటకొండూర్‌ సబ్‌ స్టేషన్‌లో లాగ్‌ బుక్‌లను దాచిపెట్టారన్నారు. రైతులకు 24 గంటల కరెంట్‌ ఎందుకు వస్తలేదో చూసే బాధ్యత ఎంపీ చామల కిరణ్‌కుమార్‌రెడ్డి, ఎమ్మెల్యే బీర్ల అయిలయ్యకు లేదా అని ప్రశ్నించారు. సీఎం రేవంత్‌రెడ్డి ఇల్లు, కాంగ్రెస్‌ నేత కేవీపీ ఇల్లు, ప్రభుత్వ విప్‌ మహేందర్‌రెడ్డి ఇల్లు, మండలి చైర్మన్‌ గుత్తా సుఖేందర్‌రెడ్డితో పాటు కాంగ్రెస్‌ నాయకుల ఇళ్లు ఎఫ్‌టీఎల్‌లో ఉన్నవి కనిపిస్తలేదా అని ప్రశ్నించారు. 22ఏ నిషేధిత జాబితాపై, కాంగ్రెస్‌ అక్రమాలపై ప్రశ్నిస్తే, భూ కుంభకోణాలను బయటకు తీస్తే బీఆర్‌ఎస్‌ నేతలపై కక్షకట్టి బద్నాం చేస్తున్నారన్నారు. సిట్టింగ్‌ జడ్జితో విచారణకు సిద్ధం..కేసీఆర్‌ కుటుంబ ఆస్తులు, కాంగ్రెస్‌ పార్టీ, ముఖ్యమంత్రి రేవంత్‌రెడ్డి కుటుంబ, మంత్రుల ఆస్తులపై సిట్టింగ్‌ జడ్జితో విచారణకు మేము సిద్ధం.. మీరు సిద్ధమా అని హరీశ్‌రావు సవాల్‌ విసిరారు. కృష్ణా, గోదావరి నదీ జలాలు ఎత్తి రైతాంగాన్ని కాపాడుకునే ప్రయత్నం ప్రభుత్వం చేయాలని సూచించారు. నల్లగొండ జిల్లాలో 4వేల మెగావాట్ల థర్మల్‌ ప్లాంట్‌ కడితే 1,500 మెగావాట్ల విద్యుత్‌ ఉత్పత్తికావడం లేదని, భద్రాద్రిలో 500 మెగావాట్ల విద్యుత్‌ ఉత్పత్తి నిలిపివేశారన్నారు. కొత్తగూడెంలో బొగ్గు లేదని 800 మెగా వాట్ల విద్యుత్‌ ఆపేశారన్నారు. సింగరేణి తెలంగాణ రాష్ట్రంలో ఉంటే బొగ్గు లేదని 3,500 మెగావాట్ల విద్యుత్‌ నిలిపివేసి రైతులకు కరెంట్‌ కోతలు పెట్టారన్నారు. రేవంత్‌రెడ్డికి పాలన చేతకావడం లేదని విమర్శించారు. కార్యక్రమంలో మాజీ ఎమ్మెల్యేలు గొంగిడి సునీతా మహేందర్‌రెడ్డి, బూడిద భిక్షమయ్యగౌడ్, పైళ్ల శేఖర్‌రెడ్డి, చిరుమర్తి లింగయ్య, కూసుకుంట్ల ప్రభాకర్‌రెడ్డి, మాజీ ఎమ్మెల్సీ కర్నె ప్రభాకర్‌ తదితరులు పాల్గొన్నారు.

కాకామిల్‌గహారా: లాస్‌ ఏంజెలిస్‌ ఒలింపిక్స్‌ బెర్త్‌ లక్ష్యంగా ఆసియా క్రీడల్లో బరిలోకి దిగిన భారత మహిళల, పురుషుల జట్లు తమ తొలి మ్యాచ్‌లో గోల్స్‌ వర్షం కురిపించారు. పూల్‌ ‘బి’లో భారత మహిళల జట్టు ఏకంగా 19–0 గోల్స్‌ తేడాతో ఉజ్బెకిస్తాన్‌ను చిత్తు చేసింది. భారత స్టార్‌ డ్రాగ్‌ ఫ్లికర్‌ దీపిక సెహ్రావత్‌ 8 గోల్స్‌తో (8వ, 22, 25వ, 33వ, 36వ, 38వ, 41వ, 54వ నిమిషాల్లో) హడలెత్తించింది. ఈ క్రమంలో ఆసియా క్రీడల ఒకే మ్యాచ్‌లో అత్యధిక గోల్స్‌ చేసిన భారత మహిళా క్రీడాకారిణిగా దీపిక రికార్డు నెలకొలి్పంది. ఇషిక (11వ, 42వ, 54వ నిమిషాల్లో) మూడు గోల్స్‌... లాల్‌థాన్‌లువాంగి (43వ, 51వ నిమిషాల్లో), నవ్‌నీత్‌ కౌర్‌ (23వ, 45వ నిమిషాల్లో) రెండు గోల్స్‌ చొప్పున చేశారు. లాల్‌రెమ్‌సియామి (7వ ని.లో), బల్జీత్‌ కౌర్‌ (12వ ని.లో), నేహా (18వ ని.లో), సాక్షి రాణా (43వ ని.లో) ఒక్కో గోల్‌ సాధించారు. ఈ మ్యాచ్‌తో సీనియర్‌ గోల్‌కీపర్‌ సవితా పూనియా భారత్‌ తరఫున అత్యధిక మ్యాచ్‌లు (320) ఆడిన ప్లేయర్‌గా వందన కటారియా పేరిట ఉన్న రికార్డును సమం చేసింది. నేడు జరిగే రెండో లీగ్‌ మ్యాచ్‌లో ఇండోనేసియాతో భారత్‌ ఆడుతుంది.దిల్‌ప్రీత్‌ నాలుగు గోల్స్‌... మరోవైపు భారత పురుషుల జట్టు పూల్‌ ‘ఎ’ తొలి లీగ్‌ మ్యాచ్‌లో 13–1 గోల్స్‌ తేడాతో ఇండోనేసియాను ఓడించింది. భారత్‌ తరఫున దిల్‌ప్రీత్‌ సింగ్‌ (18వ, 19వ, 37వ, 49వ నిమిషాల్లో) నాలుగు గోల్స్‌తో మెరిశాడు. శిలానంద్‌ లాక్రా (6వ, 35వ ని.లో), సుఖ్‌జీత్‌ సింగ్‌ (38వ, 48వ ని.లో) రెండు గోల్స్‌ చొప్పున చేశారు. అభిõÙక్‌ (12వ ని.లో), మన్‌దీప్‌ సింగ్‌ (21వ ని.లో), కెపె్టన్‌ హర్మన్‌ప్రీత్‌ సింగ్‌ (28వ ని.లో), జుగ్‌రాజ్‌ సింగ్‌ (47వ ని.లో) ఒక్కో గోల్‌ నమోదు చేశారు. ఇండోనేసియా జట్టుకు ఆలియా అల్‌ అర్ధ్‌ (33వ ని.లో) ఏకైక గోల్‌ అందించాడు. భారత జట్టుకు ఏడు పెనాల్టీ కార్నర్‌లు రాగా... మూడింటిని మాత్రమే సద్వినియోగం చేసుకుంది. మంగళవారం జరిగే రెండో మ్యాచ్‌లో శ్రీలంకతో భారత్‌ తలపడుతుంది.

సాక్షి, అమరావతి: రాష్ట్ర ప్రభుత్వం ప్రదానం చేసే నంది అవార్డుల్లో.. రంగస్థల కళాకారులకు ‘డాక్టర్‌ వైఎస్‌ఆర్‌ రంగస్థల పురస్కారం’పేరిట ఇస్తున్న అవార్డుల నుంచి ‘వైఎస్‌ఆర్‌’పేరును తొలగిస్తూ చంద్రబాబు సర్కారు ఆదివారం ఉత్తర్వులిచ్చింది. అలాగే, ఈ పురస్కారం కింద ఇస్తున్న నగదు పురస్కార మొత్తాన్ని రూ.5 లక్షల నుంచి రూ.లక్ష రూపాయలకు తగ్గించేసింది. ఈ మేరకు ఏపీ స్టేట్‌ నంది థియేటర్‌ అవార్డుల నిబంధనలను సవరించింది. కాగా, కందుకూరి విశిష్ట పురస్కారాలను జిల్లా నుంచి ముగ్గురు చొప్పున మొత్తం 84 మందికి రూ.10 వేల చొప్పున నగదు పురస్కారం ఇవ్వనుంది. 2025 సంవత్సరానికి గాను నంది నాటక అవార్డులకుగాను తెలుగులో పద్య, సాంఘిక, బాలల నాటికలకు సంబంధించి అక్టోబర్‌ 20లోగా దరఖాస్తులను www.apsftvtdc.in ద్వారా దరఖాస్తు చేసుకోవల్సిందిగా ఏపీ చలనచిత్ర టెలివిజన్, నాటక అభివృద్ధి సంస్థ ఎండీ విశ్వనాథన్‌ తెలిపారు.

నగోయా: ఆసియా క్రీడల్లో తొలిసారి నిర్వహిస్తున్న టెక్‌బాల్‌ క్రీడాంశంలో ఒకేరోజు భారత్‌కు రెండు కాంస్య పతకాలు త్రుటిలో చేజారాయి. మహిళల వ్యక్తిగత కాంస్య పతక మ్యాచ్‌లో భారత ప్లేయర్‌ క్విమ్సీ డిసౌజా 11–12, 11–12తో యునా సాకామోటో (జపాన్‌) చేతిలో ఓడిపోయింది. మిక్స్‌డ్‌ డబుల్స్‌ కాంస్య పతక మ్యాచ్‌లో క్విమ్సీ డిసౌజా–అనస్‌ బేగ్‌ (భారత్‌) జోడీ 9–12, 6–12తో హోంగ్‌ మిన్‌ టాన్‌ నుగుయెన్‌–గియా ట్రిన్‌ (వియత్నాం) జంట చేతిలో పరాజయం పాలైంది. భారత టీటీ జట్లకు మిశ్రమ ఫలితాలుటేబుల్‌ టెన్నిస్‌ (టీటీ) టీమ్‌ ఈవెంట్‌లో భారత మహిళల జట్టు తొలి మ్యాచ్‌లో 3–0తో ఇండోనేసియాపై, రెండో మ్యాచ్‌లో 3–2తో సింగపూర్‌పై గెలిచింది. ఇండోనేసియాతో జరిగిన గ్రూప్‌ ‘ఎఫ్‌’ తొలి లీగ్‌ మ్యాచ్‌లో భారత పురుషుల జట్టు 3–0తో గెలిచి...ఇరాన్‌తో జరిగిన మ్యాచ్‌లో 0–3తో ఓటమి చవిచూసింది. వుషులో నిరాశ: మార్షల్‌ ఆర్ట్స్‌లో భాగమైన వుషు క్రీడాంశంలో భారత్‌కు నిరాశ ఎదురైంది. పురుషుల చాంగ్‌క్వాన్‌ ఈవెంట్‌లో భారత ప్లేయర్‌ సూరజ్‌ సింగ్‌ 11వ స్థానంతో సరిపెట్టుకున్నాడు. సాండా ఈవెంట్‌లో భారత ప్లేయర్లు అపర్ణ దహియా (52 కేజీలు)... విక్రాంత్‌ (75 కేజీలు) ప్రిక్వార్టర్‌ ఫైనల్లో వెనుదిరిగారు. స్విమ్మర్‌ రిషభ్‌కు ఆరో స్థానం పురుషుల స్విమ్మింగ్‌లో తొలిరోజు భారత్‌ ఆశించిన ఫలితం లభించలేదు. 100 మీటర్ల బ్యాక్‌స్ట్రోక్‌లో భారత స్విమ్మర్‌ రిషభ్‌ దాస్‌ ఫైనల్‌ చేరినా పతకానికి సుదూరంలో నిలిచాడు. ఫైనల్లో రిషభ్‌ 54.77 సెకన్లలో గమ్యానికి చేరి ఆరో స్థానంతో సరిపెట్టుకున్నాడు.

సాక్షి, అమరావతి: రాష్ట్రంలో పలువురు ఐపీఎస్‌ అధికారులను బదిలీ చేస్తూ ప్రభుత్వ ప్రధాన కార్యదర్శి సాయి ప్రసాద్‌ ఆదివారం ఉత్తర్వులు జారీ చేశారు. పోస్టింగ్‌ కోసం ఎదురుచూస్తున్న విశాల్‌ గున్నిని ట్రైనింగ్‌ విభాగం డీఐజీగా నియమిస్తూ, అప్పా డైరెక్టర్‌గా పూర్తి అదనపు బాధ్యతలు కేటాయించారు. అలాగే కాంతి రాణా టాటాకు ట్రాఫిక్‌ మేనేజ్‌మెంట్, రోడ్‌ సేఫ్టీ డైరెక్టరేట్‌ ఐజీగా పోస్టింగ్‌ ఇచ్చారు. మరిన్ని బదిలీలు ఇలా.. ⇒ ఎస్పీఎఫ్‌ డీజీగా పనిచేస్తున్న సి.ఎం. త్రివిక్రమ్‌ వర్మను ఎఫ్‌ఎస్‌ఎల్‌ డైరెక్టర్‌/ ఇన్‌స్పెక్టర్‌ జనరల్‌ ఆఫ్‌ పోలీస్‌గా నియమించారు. ⇒ ఏసీబీ డైరెక్టర్‌గా సేవలందిస్తున్న ఆర్‌ జయలక్ష్మిని సీఐడీ సైబర్‌ క్రైమ్స్‌ ఐజీగా బదిలీ చేశారు. ⇒ ఏపీఎస్పీ బెటాలియన్స్‌ ఐజీగా ఉన్న బి. రాజకుమారిని రైల్వేస్‌ ఐజీగా నియమించడంతో పాటు, సీఐడీ మహిళా భద్రత విభాగం ఐజీగా పూర్తి అదనపు బాధ్యతలు అప్పగించారు. ⇒ గ్రేహౌండ్స్‌ డీఐజీగా ఉన్న బాబూజీ అట్టాడను టెక్నికల్‌ సర్వీసెస్‌ డీఐజీగా బదిలీ చేస్తూ, ప్రస్తుత గ్రేహౌండ్స్‌ డీఐజీ బాధ్యతలను కూడా అదనంగా కొనసాగించాలని పేర్కొన్నారు. ⇒ పోలవరం ఓఎస్‌డీగా పనిచేస్తున్న పంకజ్‌ కుమార్‌ మీనాను మార్కాపురం జిల్లా ఎస్పీగా నియమించారు. ⇒ సీఎంఎస్‌జీ ఎస్పీగా పని చేస్తున్న జగదీశ్‌ అదహళ్లిని పల్నాడు జిల్లా ఎస్పీగా బదిలీ చేశారు. ⇒ సీఐడీ ఎస్పీ కె. చక్రవర్తిని పోలవరం జిల్లా ఎస్పీగా నియమించారు.

పన్నెండేళ్ల వయసులో కుర్రాళ్లు ఏడిపిస్తుంటే... వారికి తగిన బుద్ధి చెప్పాలని ఆత్మరక్షణ విద్య నేర్చుకున్న ఆ చిన్నది... ఇప్పుడు 36 ఏళ్ల వయసులో ఆసియా క్రీడల్లో దేశానికి పతకం ఖాయం చేసింది. ‘ఆడపిల్లలు లేడి పిల్లలుగా కాకుండా... పులి పిల్లలుగా మారాలని’ బలంగా నమ్మి ఏళ్ల పాటు దాని కోసం కృషి చేసిన హరియాణాకు చెందిన సుచికా తరియాల్‌... ఏషియన్‌ గేమ్స్‌లో కనీసం కాంస్య పతకం ఖరారు చేసుకుంది.వేధింపులు ఎదురైతే మౌనంగా ఉండిపోకుండా... పోరాడటం నేర్చుకోవాలని కరాటేలో శిక్షణ తీసుకున్న సుచికా... తాజా ఆసియా క్రీడల్లో సాంప్రదాయ మిక్స్‌డ్‌ మార్షల్‌ ఆర్ట్స్‌ (ఎంఎంఏ) 60 కేజీల విభాగంలో సెమీఫైనల్‌కు అర్హత సాధించి కనీసం కాంస్య పతకాన్ని ఖాయం చేసుకుంది. ‘దేశానికి పతకం అందించబోతుండటం ఆనందంగా ఉంది. సోమవారం స్వర్ణ పతకం కోసం పోరాడతా. చిన్నప్పటి నుంచి ఏదో ఒక రకమైన ఫైటింగ్‌ నేర్చుకోవాలనే కల ఉండేది. అందుకే తొలుత జూడోను ఎంచుకున్నా. ఆ ప్రయాణం నన్ను ఇక్కడి వరకు తీసుకొచ్చింది. మాది సంప్రదాయ కుటుంబం కావడంతో మొదట ఎన్నో ఇబ్బందులు ఎదుర్కొన్నా... ఆ తర్వాత నా పట్టుదల చూసి అంతా సహకరించారు. ఇక్కడి వరకు చేరుకోవడానికి చాలా సమయం పట్టింది. దీని వెనక కఠోర శ్రమ దాగి ఉంది’ అని సుచిక వెల్లడించింది. ఆసియా క్రీడల్లో తొలిసారి ఎంఎంఏ క్రీడాంశాన్ని ప్రవేశ పెట్టారు. ఇందులో స్ట్రైకింగ్, టేక్‌డౌన్, గ్రాప్లింగ్, గ్రౌండ్‌ ఫైటింగ్‌ ఆధారంగా పాయింట్లు కేటాయించి విజేతను ప్రకటిస్తారు. జూడో నుంచి మొదలై... రోహ్‌తక్‌కు చెందిన సుచిక మొదట జూడోలో శిక్షణ తీసుకుంది. అక్కడి నుంచి జు–జుట్సుకు మారిన ఆమె... ఇప్పుడు ఎంఎంఏలో సత్తా చాటింది. భోపాల్‌ ‘సాయ్‌’ కేంద్రంలో రాటుదేలిన సుచిక... ఇప్పటి వరకు 20కి పైగా అంతర్జాతీయ ఈవెంట్లలో పోటీపడింది. ఎనిమిదిసార్లు జాతీయ చాంపియన్‌గా నిలవడంతో పాటు పలు పతకాలు ఖాతాలో వేసుకుంది. 2019 కామన్వెల్త్‌ జూడో చాంపియన్‌షిప్, 2019 దక్షిణాసియా గేమ్స్‌లో పసిడి పతకాలు సాధించిన ఈ హరియాణా ఫైటర్‌... 2018 కామన్వెల్త్‌ జూడో చాంపియన్‌షిప్‌లో రజతం గెలిచింది. 2022 కామన్వెల్త్‌ క్రీడల్లో త్రుటిలో పతకం సాధించే అవకాశం కోల్పోయిన సుచిక... ఎట్టకేలకు తాజా ఆసియా క్రీడల్లో పోడియంపై నిలవనుంది. జూడో నుంచి జు–జుట్సుకు మారిన అనంతరం... 2024 ప్రపంచ చాంపియన్‌షిప్‌లో పసిడి పతకం నెగ్గింది. 2017లోనే ఎంఎంఏలో అరంగేట్రం చేసిన ఆమె జూడో మీద దృష్టి పెట్టేందుకు ఏడేళ్ల పాటు ఎంఎంఏకు దూరమైంది. 2024లో ఎంఎంఏలో పునరాగమనం చేసిన సుచిక... బహ్రెయిన్‌లో జరిగిన బ్రేవ్‌ సీఎఫ్‌ 92లో విజయం సాధించింది. సీఐఎస్‌ఎఫ్‌లో హెడ్‌ కానిస్టేబుల్‌గా సేవలందించిన సుచికా... ప్రస్తుతం హరియాణా క్రీడా శాఖలో జూనియర్‌ కోచ్‌గా వ్యవహరిస్తోంది.

సాక్షి, హైదరాబాద్‌: దేశంలో బంగారం క్రయవిక్రయాల్లో మరింత పారదర్శకత తీసుకొచ్చేందుకు, షాపుల్లోని బంగారు నిల్వల రికార్డులన్నీ పకడ్బందీగా ఉండేందుకు కేంద్ర ప్రభుత్వం త్వరలో కీలక మార్పులు తీసుకురానుంది. బంగారు ఆభరణాలపై ఉండే ప్రత్యేక హాల్‌మార్క్‌ నంబర్‌కు అనుగుణంగా ఆయా నగల విక్రయాల వివరాలను బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌) పోర్టల్‌లో ‘సోల్డ్‌’ పేరుతో నమోదు చేయడాన్ని తప్పనిసరి చేయనుంది. అంటే నగల షాపుల నిర్వాహకులు నగలు ఎవరికి, ఏ ధరకు, ఎంత పరిమాణంలో విక్రయించారనే వివరాలను ఆన్‌లైన్‌లో చేయాల్సి రానుంది.కొత్త వ్యవస్థ ఎలా పనిచేస్తుంది?ప్రతి హాల్‌మార్క్‌ నగపై మూడు ముద్రలు తప్పనిసరిగా ఉంటాయి. బీఐఎస్‌ లోగో, స్వచ్ఛత ముద్ర (22కే 916 వంటిది), 6 అంకెల హాల్‌మార్క్‌ యునీక్‌ ఐడెంటిఫికేషన్‌ (హెచ్‌యూఐడీ) నంబర్‌ కనిపిస్తాయి. అయితే ఇప్పటివరకు హెచ్‌యూఐడీ కేవలం స్వచ్ఛతకు గుర్తుగా ఉండేది. కానీ ఇకపై నగలు విక్రయించగానే జువెలర్స్‌ స్టోర్ల నిర్వాహకులు హెచ్‌యూఐడీ నంబర్లతోపాటు ఆయా విక్రయ లావాదేవీలను బీఐఎస్‌ పోర్టల్‌లో అప్‌డేట్‌ చేయాలి. దీనివల్ల ఆ నగలు కొన్న వారు కాకుండా చైన్‌ స్నాచర్లు, దొంగలు ఆ నగలను అమ్మాలనుకుంటే ఆన్‌లైన్‌లో ‘ఈ హెచ్‌యూఐడీ ఉన్న నగ ఇప్పటికే అమ్ముడైంది’ అని చూపిస్తుంది.మరి కరిగించి అమ్మితే?దొంగలు ఒకవేళ నగలను కరిగించి ముద్దగా చేసి విక్రయించాలనుకుంటే దానిపై ఉండే హెచ్‌యూఐడీ పోతుంది. అలా నంబర్‌ లేని బంగారాన్ని కొనుగోలు చేయబోమని హైదరాబాద్‌లోని పంజాగుట్ట, చార్మినార్‌లో ఉండే ప్రముఖ జ్యువెలర్‌ స్టోర్లు, బంగారు వ్యాపారులు స్పష్టం చేశారు. కరిగించిన బంగారం తెస్తే అది దొంగ సొత్తన్న అనుమానం వస్తుందని.. అలాంటి బంగారాన్ని కొనేందుకు ఆర్గనైజ్డ్‌ షాపుల్లో ఎవరూ రిస్క్‌ చేయరని చెప్పారు.అలాగే ఎవరైనా నగలను విక్రయానికి తీసుకొస్తే బిల్లు, ఆధార్, హెచ్‌యూఐడీ నంబర్‌ను తనిఖీ చేస్తున్నామని.. బిల్లు లేకపోతే పాత బంగారం కింద కూడా తీసుకోబోమని తేల్చిచెప్పారు. నిబంధనల ప్రకారం పాత బంగారం కొనేటప్పుడు నో యువర్‌ కస్టమర్‌ (కేవైసీ) తప్పనిసరి అని, బిల్లు లేకుండా ముద్ద బంగారం కొంటే క్రిమినల్‌ కేసులు ఎదుర్కోవాల్సి వస్తుందని పేర్కొన్నారు. బీఐఎస్‌ చట్టం–2016 సెక్షన్‌ 29 ప్రకారం హెచ్‌యూఐడీని దుర్వినియోగం చేసే నగల షాపుల నిర్వాహకులకు ఏడాది వరకు జైలుశిక్ష, నగ విలువకు 5 రెట్లు జరిమానా పడటంతోపాటు వారి లైసెన్స్‌ కూడా రద్దవుతుంది.కస్టమర్లు బీఐఎస్‌ యాప్‌లో చెక్‌ చేసుకోవచ్చు..తాము కొన్న బంగారు నగలపై ఉండే హెచ్‌యూఐడీ నంబర్లను వినియోగదారులు బీఐఎస్‌ కేర్‌ యాప్‌లో చెక్‌ చేసుకోవచ్చు. దీంతో అవి తమ పేరిటే ఉన్నాయా లేదా? హాల్‌మార్కింగ్‌ ఎప్పుడు జరిగిందనే వివరాలు తెలిసిపోతాయి. దేశంలో ఇప్పటివరకు 60 కోట్లకుపైగా నగలకు హెచ్‌యూఐడీ నంబర్లు వేశారు. తాజాగా బంగారు నగలపై బీఐఎస్‌ హాల్‌ మార్కింగ్‌ ఫీజును రూ. 45 నుంచి రూ. 75కు పెంచుతూ కేంద్రం ఈ నెల 14 నోటిఫికేషన్‌ జారీ చేసింది.

గ్రహం అనుగ్రహం: శ్రీ పరాభవ నామ సంవత్సరం, దక్షిణాయనం, వర్ష ఋతువు, భాద్రపద మాసం, తిథి: శు.దశమి సా.5.59 వరకు తదుపరి ఏకాదశి, నక్షత్రం: ఉత్తరాషాఢ పూర్తి (24 గంటలు),వర్జ్యం: ప.12.53 నుండి 2.39 వరకు, దుర్ముహూర్తం: ప.12.18 నుండి 1.07 వరకు, తదుపరి ప.2.43 నుండి 3.31 వరకు, అమృత ఘడియలు: రా.11.26 నుండి 1.12 వరకు.సూర్యోదయం : 5.51సూర్యాస్తమయం : 5.57రాహుకాలం : ఉ.7.30 నుండి 9.00 వరకుయమగండం : ఉ.10.30 నుండి 12.00 వరకు మేషం... సన్నిహితులతో కలహాలు. దూరప్రయాణాలు. అనుకున్న పనులు ముందుకు సాగవు. అనుకోని ఖర్చులు. శ్రమాధిక్యం. వ్యాపారాలు, ఉద్యోగాలు చిక్కులు.వృషభం.... మిత్రులతో విభేదాలు. ఆర్థిక ఇబ్బందులు. ప్రయాణాలలో మార్పులు. ఆరోగ్యసమస్యలు. చర్చలు ఫలించవు. వ్యాపారాలు, ఉద్యోగాలలో ఊహించని మార్పులు.మిథునం.... కుటుంబసభ్యుల చేయూత లభిస్తుంది. పనులు చకచకా సాగుతాయి. ఆప్తుల నుంచి ఆహ్వానాలు రాగలవు. వాహనాలు కొంటారు. వ్యాపారాలు, ఉద్యోగాలు అనుకూలిస్తాయి.కర్కాటకం.... ఆశ్చర్యకరమైన సంఘటనలు. వస్తు, ధనలాభం. పరిచయాలు పెరుగుతాయి. పలుకుబడి కలిగిన వారితో పరిచయాలు. వ్యాపారవృద్ధి. ఉద్యోగాలలో కొత్త మార్పులు.సింహం.... వ్యవహారాలు ముందుకు సాగవు. ఆలోచనలు నిలకడగా ఉండవు. కుటుంబసభ్యులతో విభేదాలు. ఆర్థిక ఇబ్బందులు. వ్యాపారాలు, ఉద్యోగాలు నత్తనడకన సాగుతాయి.కన్య.... పరిస్థితులు అనుకూలించవు. వ్యయప్రయాసలు. బంధుమిత్రులతో కలహాలు. దూరప్రయాణాలు. అనారోగ్యం. వ్యాపారాలు, ఉద్యోగాలు మందకొడిగా సాగుతాయి.తుల.... వ్యవహారాలలో విజయం. శుభవార్తా శ్రవణం. ఆర్థిక పరిస్థితి మెరుగ్గా ఉంటుంది. వస్తులాభాలు. పాతమిత్రుల కలయిక. వ్యాపారాలు, ఉద్యోగాలలో నూతనోత్సాహం.వృశ్చికం.. రుణాలు చేస్తారు. ఆత్మీయులతో కలహాలు. ఆకస్మిక ప్రయాణాలు. కుటుంబంలో ఒత్తిడులు. ఆరోగ్య సమస్యలు. వ్యాపారాలు, ఉద్యోగాలు నిరాశ పరుస్తాయి.ధనుస్సు..... కుటుంబంలో ఉత్సాహంగా గడుపుతారు. ఆర్థికాభివృద్ధి. కీలక నిర్ణయాలు. యత్నకార్యసిద్ధి. మిత్రుల సహాయం అందుతుంది. వ్యాపారాలు, ఉద్యోగాలు ఆశాజనకంగా సాగుతాయి.మకరం.... బాధ్యతలు ఉక్కిరిబిక్కిరి చేస్తాయి. ఆకస్మిక ప్రయాణాలు. అనారోగ్యం. కుటుంబసభ్యులతో తగాదాలు. బంధువుల కలయిక. వ్యాపారాలు, ఉద్యోగాలు సామాన్యంగా ఉంటాయి.కుంభం.... కొత్త వ్యక్తుల పరిచయం. శుభవార్తలు వింటారు. నూతన ఉద్యోగయోగం. ముఖ్య నిర్ణయాలు. పనులు విజయవంతంగా సాగుతాయి. వ్యాపారాలు, ఉద్యోగాలు సంతృప్తికరంగా ఉంటాయి.మీనం... పనుల్లో ఆటంకాలు తొలగుతాయి. ఆస్తి లాభం. దూరపు బంధువుల కలయిక. ఆస్తి వివాదాలు తీరతాయి. దైవదర్శనాలు. వ్యాపారాలు, ఉద్యోగాలలో కొత్త ఆశలు.

మరోసారి ‘శతక’ పతకాల మైలురాయిని అందుకోవాలనే లక్ష్యంతో ఆసియా క్రీడల బరిలోకి దిగిన భారత్‌కు శుభారంభం లభించింది. తొలి రోజే భారత్‌ ఖాతాలో రెండు రజత పతకాలు చేరాయి. మరో రెండు పతకాలు ఖరారయ్యాయి. షూటింగ్‌లో భారత మహిళా షూటర్‌ ఇలవేనిల్‌ వలారివన్‌ రెండు రజత పతకాలతో మెరిసింది. ముందుగా సోనమ్, విదర్శలతో కలిసి ఇలవేనిల్‌ 10 మీటర్ల ఎయిర్‌ రైఫిల్‌ టీమ్‌ విభాగంలో భారత్‌కు రజత పతకాన్ని అందించింది. ఆ తర్వాత వ్యక్తిగత విభాగంలో ఇలవేనిల్‌ రజత పతకాన్ని సొంతం చేసుకుంది. మిక్స్‌డ్‌ మార్షల్‌ ఆర్ట్స్‌లో మహిళా ఫైటర్‌ సుచిక తరియాల్‌ 60 కేజీల విభాగంలో సెమీఫైనల్లోకి దూసుకెళ్లి కనీసం కాంస్య పతకాన్ని ఖాయం చేసుకుంది. భారత మహిళల క్రికెట్‌ జట్టు ఫైనల్లోకి ప్రవేశించి స్వర్ణం లేదా రజత పతకాన్ని అందుకోనుంది. హాకీలో భారత జట్లు ఘనవిజయాలతో బోణీ కొట్టగా... టేబుల్‌ టెన్నిస్‌లో మనోళ్లకు మిశ్రమ ఫలితాలు ఎదురయ్యాయి. బ్యాడ్మింటన్‌లో భారత మహిళల జట్టు క్వార్టర్‌ ఫైనల్‌కు చేరింది. నగోయా: పసిడి ఖాతా తెరువకపోయినా... ఆసియా క్రీడల తొలి రోజే భారత్‌ రెండు రజత పతకాలు సాధించింది. అంచనాలకు అనుగుణంగా రాణించిన భారత షూటర్లు ఈ రెండు పతకాలను అందించారు. మహిళల 10 మీటర్ల ఎయిర్‌ రైఫిల్‌ టీమ్‌ విభాగంలో ఇలవేనిల్‌ వలారివన్, సోనమ్‌ మస్కర్, విదర్శ వినోద్‌లతో కూడిన భారత జట్టు 1898 పాయింట్లతో రెండో స్థానంలో నిలిచి రజత పతకం దక్కించుకుంది. 1904.2 పాయింట్లతో చైనా జట్టుకు స్వర్ణం దక్కగా... 1897.1 పాయింట్లతో జపాన్‌కు కాంస్యం లభించింది. క్వాలిఫయింగ్‌లో భారత షూటర్లు సోనమ్‌ మస్కర్‌ 634.1 పాయింట్లతో మూడో స్థానంలో, ఇలవేనిల్‌ వలారివన్‌ 633.5 పాయింట్లతో ఏడో స్థానంలో నిలిచి ఫైనల్‌కు అర్హత సాధించారు. భారత్‌కే చెందిన మరో షూటర్‌ విదర్శ వినోద్‌ 640.4 పాయింట్లతో 12వ స్థానంలో నిలిచింది. క్వాలిఫయింగ్‌లో టాప్‌–8లో నిలిచిన వారు మాత్రమే ఫైనల్స్‌కు అర్హత పొందుతారు. క్వాలిఫయింగ్‌లో ఆయా దేశాల షూటర్లు సాధించిన పాయింట్ల ఆధారంగా టీమ్‌ ఈవెంట్‌ పతకాలను ఖరారు చేశారు. ఎలిమినేషన్‌ పద్ధతిలో జరిగిన 10 మీటర్ల ఎయిర్‌ రైఫిల్‌ వ్యక్తిగత ఫైనల్లో ఇలవేనిల్‌ 252.4 పాయింట్లు స్కోరు చేసి రెండో స్థానంలో నిలిచి రజత పతకాన్ని అందుకుంది. హినాటా తైచీ (జపాన్‌; 253 పాయింట్లు) బంగారు పతకం నెగ్గగా... హైజిన్‌ బాన్‌ (దక్షిణ కొరియా; 230.4 పాయింట్లు) కాంస్య పతకాన్ని సాధించింది. భారత షూటర్‌ సోనమ్‌ 167 పాయింట్లతో ఆరో స్థానంతో సంతృప్తి పడింది. మరోవైపు మహిళల మిక్స్‌డ్‌ మార్షల్‌ ఆర్ట్స్‌ 60 కేజీల విభాగం క్వార్టర్‌ ఫైనల్లో భారత ఫైటర్‌ సుచిక తరియాల్‌ 2–0తో బైగల్మా అల్తాన్‌చిమెగ్‌ (మంగోలియా)పై నెగ్గి సెమీఫైనల్‌కు చేరింది. మిక్స్‌డ్‌ మార్షల్‌ ఆర్ట్స్‌లో సెమీఫైనల్లో ఓడిన వారికి కాంస్య పతకాలు ఖాయమవుతాయి.

సాక్షి, చెన్నై: నాగర్‌కోయిల్‌–బెంగళూరు ఎక్స్‌ ప్రెస్‌ రైలుకు ఆదివారం ఉదయం పెను ప్రమా దం తప్పింది. తమిళనాడు ధర్మపురి జిల్లాలోని ముత్తంపట్టి–శివాడి స్టేషన్ల మధ్య ఉన్న పర్వత మార్గంలో బెంగళూరుకు ప్రయాణిస్తుండగా కొండచరియల నుండి దొర్లుకుంటూ వచ్చిన ఒక బండరాయి ఇంజన్‌ భాగంలో రైలు చక్రాల వద్ద ఉన్న షాక్‌ అబ్జార్బర్‌ను బలంగా ఢీకొట్టింది. భారీ శబ్దం వచ్చిన వెంటనే డ్రైవర్‌ బ్రేక్‌ వేశాడు. రైలు వేగం తక్కువగా ఉండడం, డ్రైవర్‌ సమయస్ఫూర్తితో పెను ప్రమాదం తప్పింది. వేకువజామున కురిసిన భారీ వర్షాల కారణంగా కొండచరియలు విరిగి ట్రాక్‌పైకి బండ రాయి దొర్లుకొచ్చిందని సమాచారం. కాగా, దెబ్బతిన్న రైలును వెంటనే సమీపంలోని ధర్మపురి స్టేషన్‌కు తరలించారు. సాంకేతిక నిపుణులు దెబ్బతిన్న భాగాలకు మరమ్మతు చేయడంతో, రైలు అరగంట ఆలస్యంగా బెంగళూరుకు బయలుదేరింది. కొండల మధ్య ఉన్న ఈ రైల్వే లైన్‌లో వర్షాకాలంలో కొండచరియలు విరిగిపడకుండా మూడు అంచెల వైర్‌ మెష్‌ (రక్షణ కంచె) నిర్మించే పనులు జరుగుతున్నాయి. రాయి పడిన ప్రాంతంలో కంచె లేకపోవడం ఘటనకు కారణం. ధర్మపురి రైల్వే పోలీసులు కేసు నమోదు చేసి దర్యాప్తు చేస్తున్నారు.

సాక్షి, టాస్క్ ఫోర్స్‌ : తిరుపతి జిల్లా చంద్రగిరి నియోజకవర్గంలో ప్రకృతి సంపదకు రక్షణ కరువవుతోంది. రామచంద్రాపురం మండలంలో కొండ గుట్టలు, ప్రభుత్వ భూములు, అటవీ ప్రాంతాలను లక్ష్యంగా చేసుకుని మట్టి మాఫియా రెచ్చిపోతోంది. అక్రమ తవ్వకాలు యథేచ్ఛగా సాగుతున్నాయి. భారీ యంత్రాలతో గుట్టలను తొలిచేస్తూ మట్టి, రాళ్లను తరలిస్తున్నారు. దీంతో సహజ సిద్ధమైన గుట్టలు రోజురోజుకూ కనుమరుగవుతున్నాయి. రామచంద్రాపురం మండలం సి.రామాపురంలోని సర్వే నంబరు 28లో వున్న సిద్ధేశ్వరగుట్టను టీడీపీ నేతలు చెరబట్టారు. ఎక్స్‌కవేటర్లు వినియోగిస్తూ కళ్ల ముందే పిండి చేసేస్తున్నారు. పచ్చని చెట్లను పెకలించి మట్టిని తొలిచేస్తున్నారు. తవ్విన మట్టి, రాళ్లను వాహనాల్లో తరలిస్తున్నారు.సిద్ధేశ్వరగుట్టను చదును చేసి, ఆ ప్రదేశంలో ప్లాట్లు వేసి విక్రయించడానికి స్కెచ్‌ వేసినట్టు సమాచారం. ఇప్పటికే దాదాపు సగం కొండను తొలిచేశారు. చంద్రగిరి టీడీపీ ఎమ్మెల్యే పులివర్తి నాని వెనుక ఉండి ఈ విధ్వంసం చేయిస్తున్నట్లు గ్రామస్తులు ఆరోపిస్తున్నారు. సిద్ధే శ్వర కొండ రోజురోజుకూ తరిగి పోతోందని, నిత్యం భారీ యంత్రాలతో తవ్వకాలు సాగుతుండటంతో స్వరూపమే మారిపోతోందని చెబుతున్నారు. గతంలో పచ్చదనంతో కనిపించిన ఈ ప్రాంతం ఇప్పుడు మట్టి దిబ్బగా మారిందన్నారు. కొండను తొలిచేయడం వల్ల పర్యావరణానికి విఘాతం కలుగుతుందని, ఎలాంటి అనుమతుల్లేకుండా ఇంత భారీగా తవ్వకాలు సాగుతుంటే అటవీ, రెవెన్యూ శాఖల అధికారులు ఏం చేస్తున్నారని స్థానికులు నిలదీస్తున్నారు. ఎన్ని అర్జీలు పెట్టుకున్నా అధికారులు స్పందించడం లేదని, తామేమీ చేయలేమని పోలీసులు చేతులెత్తేశారని స్థానికులు చెబుతున్నారు. ఈ విధ్వంసంపై జనసేన మాజీ నేత, పర్యావరణవేత్త బొలిశెట్టి సత్యనారాయణ ఎక్స్‌ వేదికగా ప్రశి్నంచారు. ఎమ్మెల్యే పులివర్తి నాని తవ్వకాలను నిలుపుదల చేయాలని కోరారు. కూటమి ప్రభుత్వంలో అరాచకాలు పెరిగిపోతున్నాయని, స్థానిక సంస్థల ఎన్నికలు సమీపిస్తున్న తరుణంలో పులివర్తి నాని, ఈ అంశంపై తీసుకున్న చర్యలపై బహిరంగ ప్రకటన చేయాలని ఆయన డిమాండ్‌ చేశారు.

సాక్షి ప్రతినిధి, విశాఖపట్నం: అప్పన్న కొండ.. పావురాల కొండ.. పెద్ద కొండ.. తర్లువాడ కొండ.. రామకొండ.. గంగాలమ్మ కొండ.. పంచదార్ల కొండ.. ఇలా సాగర తీరంలో అన్ని కొండలను చంద్రబాబు సర్కారు పిండి చేస్తోంది. విశాఖలో ఏకంగా 10 ప్రధాన కొండల్లో విధ్వంసం సృష్టిస్తోంది. తమ అనుయాయులకు కొండలను చంద్రబాబు ప్రభుత్వం కట్టబెట్టింది. ఈ విధ్వంసకాండతో నగర ప్రజలకు తీవ్ర పర్యావరణ సమస్యల ముప్పు పొంచి ఉందనే ఆందోళన వ్యక్తమవుతోంది. నగరాన్ని పర్యావరణ విపత్తుల నుంచి కాపాడటంతోపాటు పచ్చని చెట్లతో ప్రాణ వాయువు అందించే కీలక కొండలు కనుమరుగైతే తీవ్ర విపత్తులు తప్పవని పర్యావరణవేత్తలు హెచ్చరిస్తున్నారు. ఎన్నో ఏళ్లుగా కళకళలాడిన కొండలు తమ కళ్ల ముందే బోడిగుండుగా మారిపోవటాన్ని చూసి చంద్రబాబు సర్కారుపై నగర ప్రజలు మండిపడుతున్నారు. విశాఖ గుండెలపై గునపం.. విశాఖ అందమంతా ఒకవైపు నీలి సముద్రం.. మరోవైపు పచ్చని కొండల మధ్య సేద తీరడంలోనే ఉంది. ప్రకృతి ప్రసాదించిన అందాలతో కనువిందు చేసే కొండలు నగరానికి ప్రాణ వాయువు అందించే లంగ్స్‌ లాంటివి. పోర్టు నుంచి వెలువడే కాలుష్యా­న్ని భారీగా తగ్గిస్తోంది ఈ కొండలే. పర్యావరణ సమతుల్యతతోపాటు వాతావరణ ఇబ్బందుల ప్రభా­వం, ప్రకృతి విపత్తుల నుంచి నగర ప్రజలను కాపాడుతూ గుండెల్లో పెట్టుకుని కాపాడుతున్నా­యి. అలాంటి ప్రాంతంలో విచ్చలవిడిగా విధ్వంసానికి చంద్రబాబు సర్కారు పచ్చజెండా ఊపింది. ఒక్కో కొండకు గురిపెట్టి మరీ కరగదీస్తోంది. ఈ పరిణామాల వల్ల రాబోయే రోజుల్లో విశాఖ ప్రజలు తీవ్ర కాలుష్యంతో పాటు వాతావరణ దుష్ఫలితాలను ఎదుర్కోవాల్సి వస్తుందని పర్యావరణ ప్రేమికులు ఆందోళన చెందుతున్నారు. అత్యంత విలువైన భూములు అనుయాయులకు.. చంద్రబాబు ప్రభుత్వం కంపెనీల పేరుతో అనుయాయులకు అత్యంత విలువైన భూములను కారుచౌకగా అప్పగించడంపై తీవ్ర అభ్యంతరాలు వ్యక్తమవుతున్నాయి. సత్వ అనే రియల్‌ ఎస్టేట్‌ సంస్థకు ఐటీ కంపెనీ ఏర్పాటు పేరుతో విలువైన భూమిని అప్పగించింది. ఐటీ క్యాంపస్‌ పేరుతో 30 ఎకరాలను కారుచౌకగా కొట్టేసిన సత్వ కంపెనీ అందులో 50 శాతం భూములను మరో రియల్‌ ఎస్టేట్‌ సంస్థ ఓర్వెల్‌కు బదలాయించింది. ఇక భీమిలి బీచ్‌కు సమీపంలోని పావురాల కొండను కూడా మైరా బే వ్యూ రిసార్ట్స్‌ పేరుతో 15 ఎకరాలు అప్పగించింది. ఇక్కడ క్రీస్తుపూర్వం 3వ శతాబ్దం నుంచి ఉన్న బౌద్ధమత ఆనవాళ్లు లేకుండా పోతున్నాయి. అల్లూరి గుహల్లో అడ్డగోలు తవ్వకాలు...అనకాపల్లి జిల్లా నాతవరం మండలం సరుగుడు పంచాయతీ పరిధిలో అధికార కూటమి నేతల అండతో సాగుతున్న భారీ మైనింగ్‌ కారణంగా చారిత్రక అల్లూరి గుహలకు తీవ్ర ముప్పు వాటిల్లుతోంది. 1/70 చట్టం అమలులో ఉన్న ఈ ప్రాంతంలో గిరిజనుల పేర్లతో ఇప్పటికే 130.5 హెక్టార్లలో మైనింగ్‌ చేస్తున్నారు. జర్తా లక్ష్మణరావు పేరుతో 110 హెక్టార్లు, సర్వే నంబర్‌ 532లో మరో 20.5 హెక్టార్లలో తవ్వకాలు జరుపుతూ ఇప్పటికే 18 లక్షల టన్నుల ఖనిజాన్ని తరలించారు, మరో 20 లక్షల టన్నుల తరలింపునకు ప్రణాళికలు వేశారు. తాజాగా సింగం భవానీ పేరుతో మరో 36 హెక్టార్లలో మైనింగ్‌ కోసం దరఖాస్తు చేశారు. దీనికి అనుమతి లభిస్తే.. నాడు స్వాతంత్య్ర సంగ్రామంలో అల్లూరి సీతారామరాజు ‘మన్యం పితూరి’కి ప్రణాళికలు రచించిన అసగిరి గ్రామ పరిధిలోని గంగాలమ్మ కొండలో ఉన్న 7 గుహలు కనుమరుగయ్యే ప్రమాదం ఉంది. నిబంధనలకు విరుద్ధంగా 60 అడుగులకు బదులు 100 అడుగుల లోతులో తవ్వకాలు జరపడం వల్ల నాగులకొండ కుంచించుకుపోయి చుట్టుపక్కల 10 గిరిజన గ్రామాలకు తాగునీరు, వంటచె­ర­కు కష్టాలు ఎదురవుతు­న్నా­యి. తక్కువ నాణ్యత (38–40% అల్యూమిని­యం) ఉన్న లేటరైట్‌ అని రికార్డుల్లో చూపిస్తూ ప్రభుత్వానికి తక్కువ రాయల్టీ కడుతున్నారు. వాస్తవానికి బాక్సైట్‌తో సమానమైన 45% అల్యూమినియం ఉన్న హైగ్రేడ్‌ ఖనిజాన్ని ఒడిశాలోని వేదాంత లాంటి ప్లాంట్లకు తరలిస్తున్నారు. రోజుకు 20 వేల టన్నుల చొ­ప్పు­న (టన్నుకు రూ.5 వేల ధరతో) సుమారు రూ.10 కోట్ల విలువైన ఖనిజాన్ని అక్రమంగా తరలిస్తున్నారని సమాచారం. అటవీ అనుమతులు లేని రహదారుల ద్వారా కాకినాడ జిల్లా రౌతులపూడి మీదుగా ఈ అక్రమ రవాణా సాగుతోంది. అక్రమంగా తరలిస్తున్న ప్రతి టన్నుకు ‘చినబాబు’కు రూ.500, మరో ఇద్దరు ఎంపీలకు చెరో రూ.250 చొప్పున వాటాలు అందుతున్నాయని ఆరోపణలున్నాయి. స్థానిక కీలక నేత కుమారుడు ఈ వ్యవహారాన్నంతా నడిపిస్తున్నారని, చరిత్రను చెరిపేసేలా కూటమి నేతలు మైనింగ్‌ మాఫియాకు పాల్పడుతున్నారని విమర్శలు వ్యక్తమవుతున్నాయి. పంచదార్ల కొండలపైనా విధ్వంసమే..పంచదార్ల కొండలపై అక్రమ మైనింగ్‌ వ్యవహారం తీవ్ర వి­వాదాస్పదంగా మారింది. ప్రజాభిప్రాయ సేకరణ లేకుండా మొత్తం 3 మైనింగ్‌ లీజులను మంజూరు చే­శా­రు. ఇందులో అన­కాపల్లి ఎంపీ సీఎం రమేష్‌ అల్లుడికి చెందిన రెండు సంస్థలతో పాటు జనసేన అధినేత పవన్‌ కళ్యాణ్‌కు సన్నిహితుడైన మరో ఎంపీ సిఫార్సు చేసిన ’శ్రీ లక్ష్మీ నరసింహ మినరల్స్‌’ సంస్థ కూడా ఉంది. ఈ తవ్వకాల వల్ల ప్రాచీన శైవక్షేత్రానికి, పురావస్తు కట్టడాలకు ముప్పు వాటిల్లుతోందని, పంచదార్లలో ఒక నీటి ధార ఆగిపోయిందని స్థానికులు, ప్రతిపక్ష వైఎస్సార్‌సీపీ నేతలు ఆందోళన చేపట్టారు. ఢిల్లీ స్థాయిలోనూ పోరాడారు. దీంతో సీఎం రమేష్‌ అల్లుడికి చెందిన 2 లీజులను అధికారులు రద్దు చేశా­రు. కానీ జనసేన ఎంపీ ఒత్తిడితో సర్వే నెంబరు 156/పీ లో 5 హెక్టార్ల విస్తీర్ణంలో (18 జూలై 2025న అనుమతులు పొందిన) లక్ష్మీనరసింహ మినరల్స్‌ తవ్వకాలు మాత్రం యథేచ్ఛగా సా­గా­యి. వైఎస్సార్‌సీపీ ఆందోళన ఉధృతం చేయడంతో ఎట్టకేలకు అధికారులు ఆ మూడో లీజును తాజాగా రద్దు చే­శా­రు. అయితే ఎంత మేర అక్రమ తవ్వకాలు జరిగాయి? వాటి విలువ ఎంత? ఎంత పెనాల్టీ విధిస్తున్నారు? అనే కీలక వివరాలను మైనింగ్‌ రద్దు నోటీసులలో ప్రభుత్వం వెల్లడించకపోవడం గమనార్హం. ఈ వ్యవహారంలో కింది స్థాయి అధికారులను బలిపశువులను చేస్తూ కొత్తగా వచ్చిన తహశీల్దార్, వీఆర్‌వోపై వేటు వేశారు. మైనింగ్‌ ఏడీని సస్పెండ్‌ చేశారు. అక్రమ తవ్వకాలపై ప్రశ్నించిన గ్రామస్తులపై కేసులు పెడతానని బెదిరించిన రాంబిల్లి సీఐని, ఈ వ్యవహారంలో చక్రం తిప్పిన ఆర్‌డీవోను వదిలేశారు. రాంబిల్లిలో న్యూక్లియర్‌ సబ్‌మెరైన్‌కు భారీ బోల్డర్లను తరలించే టిప్పర్లను సైతం అధికార పార్టీ నేతలకు మామూళ్ల వ్యవహారంలో సీఐ అడ్డుకున్నారనే ఆరోపణలు ఉన్నప్పటికీ ఆయనపై ఎలాంటి చర్యలు తీసుకోకపోవడం చర్చనీయాంశంగా మారింది. ‘సాక్షి’లో వరుస కథనాలు ప్రచురితమవడంతో తప్పనిసరి పరిస్థితుల్లో చంద్రబాబు ప్రభుత్వం పంచదార్ల కొండలను నో మైనింగ్‌ జోన్‌గా ప్రకటిస్తూ ఉత్తర్వులు జారీ చేసింది.విష్ణు పాదాల జాడ ఏదీ...! భీమిలి నియోజకవర్గం ఆనందపురం మండలం తర్లువాడ వద్ద ఉన్న కొండకు ఇప్పటికే సగానికిపైగా ఎసరు పెట్టేశారు. ఇదే తర్లువాడ కొండలపై విష్ణు పాదాలు ఉన్నాయని... ఈ కొండలను వైఎస్సార్‌సీపీ ప్రభుత్వం ఎవరికో కట్టబెడుతోందంటూ గతంలో ఎల్లో మీడియా దుష్ప్రచారం చేసింది. వాటిని ఎవరికీ కేటాయించే ప్రతిపాదన లేదని అప్పట్లో గత ప్రభుత్వం ప్రకటించినప్పటికీ, సనాతన ధర్మానికి నష్టం చేకూరుస్తున్నారంటూ ఎల్లో మీడియా విష ప్రచారం సాగించింది. అప్పటి వైఎస్సార్‌సీపీ ఎంపీ కుమార్తెకు కేటాయిస్తున్నారంటూ గగ్గోలు పెట్టింది. తాజాగా చంద్రబాబు సర్కారు ఏకంగా సగం కొండను కరిగించినా... మిగిలిన సగం కొండ మరికొద్ది రోజుల్లో కనుమరుగవుతున్నా విష్ణుపాదాలు గురించి ఎల్లో మీడియా నోరు విప్పక పోవడం గమనార్హం రామయ్య పాదాల సాక్షిగా.. అనకాపల్లి జిల్లా రాంబిల్లి (గతంలో రాముడి పల్లె ‘రాంపల్లి’) రెవెన్యూ పరిధిలోని సర్వే నెంబరు 142లో ఉన్న చారిత్రక రామకొండపై కూటమి నేతలు ఎలాంటి అనుమతులు లేకుండా 5 ఎకరాల్లో అక్రమ తవ్వకాలకు తెగబడ్డారు. శ్రీరామచంద్రుడు భద్రాచలం వెళ్లేముందు ఇక్కడ సేదతీరాడని ప్రతీతి. దీనికి గుర్తుగా పురావస్తు శాఖ గుర్తింపు పొందిన రామసూ్థపం, రాముడి పాదాలు ఇక్కడ ఉన్నాయి. అయితే కూటమి నేతలు రాత్రిపగలు తేడా లేకుండా భారీ యంత్రాలతో గ్రావెల్‌ తవ్వకాలు జరుపుతుండటంతో ఆ ఆనవాళ్లకు తీవ్ర ముప్పు వాటిల్లింది. ఇప్పటికే పంచదార్ల శైవక్షేత్రంలో అక్రమ మైనింగ్‌ ద్వారా ఏకంగా రూ.100 కోట్లు కొల్లగొట్టేందుకు స్కెచ్‌ వేసి తన అల్లుడి ద్వారా రూ.10 కోట్ల మేర తవ్వకాలు జరిపించిన అనకాపల్లి ఎంపీ సీఎం రమేష్‌ అడుగుజాడల్లోనే.. ఇక్క­డి నాయకులు దేవుడి కొండను కనుమరుగు చేస్తున్నారు. అచ్యుతాపురం, రాంబిల్లి సెజ్‌లోని పరిశ్రమల అవసరాలను ఆసరాగా చేసుకుని, అక్రమంగా తవి్వన ఒక్కో గ్రావె­ల్‌ ట్రిప్పును రూ.12 వేలకు విక్రయిస్తున్నారు. ఇందులో రూ.2 వేలు స్థానిక ప్రజాప్రతినిధులకు, మరో రూ.2 వేలు రెవెన్యూ, పోలీసు, మైనింగ్, రవాణా శాఖ అధికారులకు మామూళ్ల రూపంలో పంచుతున్నారు. ఇప్పటికే కూటమి నేతలు రామకొండ వ్యవహారంలో రూ. 2 కోట్ల మేర అక్రమంగా ఆర్జించినట్లు ఆరోపణలు వినిపిస్తున్నాయి.అప్పన్నకూ ఎసరు...! ఒకవైపు పచ్చని కొండలను పిండి చేస్తున్న చంద్రబాబు ప్రభుత్వం కన్ను ఏకంగా సింహాచలం అప్పన్న కొండలపైనా పడింది. నగర నడిబొడ్డున ఉన్న సింహాద్రి అప్పన్నకు చెందిన భూమిని సైతం డేటా సెంటర్‌కు అప్పగించింది. ఇక్కడ 160 ఎకరాల భూమి అప్పగించడంతో నగర ప్రజలకు తీవ్ర నీటి ఇక్కట్లు ఎదురు కానున్నాయి. ఇక్కడ సింహాచలం కొండ నుంచి వచ్చే వర్షపు నీరు నేరుగా ముడసర్లోవలోకి వచ్చేందుకు అనుగుణంగా ఏర్పాట్లు చేశారు. కొండ నీరు ముడసర్లోవలోకి నేరుగా చేరేందుకు వీలుగా మూడు మార్గాల గుండా ప్రత్యేకంగా మూడు ప్రాంతాల్లో చప్టాలను ఏర్పాటు చేశారు. మధ్యలో ఉన్న బీఆర్‌టీఎస్‌ రోడ్డుకు కింద నీరు వెళ్లేందుకు అనుగుణంగా నిర్మాణం జరిగింది. తాజాగా జరుగుతున్న తవ్వకాలతో ఈ నీటి ప్రవాహం నిలిచిపోనుంది. ముడసర్లోవకు నీరు చేరిక బంద్‌ కావడంతో పాటు చుట్టుపక్కల ఉన్న నివాసిత కాలనీలకు కూడా నీటి గండం తలెత్తనుంది. హనుమంతవాక నుంచి గోపాలపట్నం వరకు విస్తరించి ఉన్న ఈ కొండపైనే నరసింహస్వామి కొలువై ఉన్నారు. నరసింహస్వామి కొలువై దీరిన కొండను తవ్వే యత్నం చేస్తుండటంపై భక్తులు ఆగ్రహం వ్యక్తం చేస్తున్నారు. ఇది తీవ్ర అపచారమని హెచ్చరిస్తున్నారు.ప్రకృతి వనరులు సొంత ఆస్తి కాదు..విశాఖలోని తర్లు­వాడ కొండల్లో సు­మారు 140 ఎకరా­ల విస్తీర్ణంలోని అట­వీ సంపద­ను, కొండలను పర్యా­వ­రణ అనుమతులు లేకుండానే ధ్వంసం చే­స్తున్నారు. కొండలపై ఉన్న సహజ జల ప్రవా­హ మార్గాలు, నీటి వనరులను మట్టితో కప్పేస్తున్నట్లు స్పష్ట­మవుతోంది. పర్యా­వరణ ప్రభావం అంచనా లేకుండా కొండలను తొలగించి సహజ జల­వనరు­లను పూడ్చివేయడం శిక్షార్హమైన నేరం. టీఎన్‌ గోదావర్మన్‌ తిరుముల్పాడ్‌ వర్సె­స్‌ యూ­నియన్‌ ఆఫ్‌ ఇండియా కేసులో సుప్రీంకోర్టు తీర్పు ప్రకారం పర్యావరణ సున్నిత ప్రాంతాలను కాపాడాల్సిన బాధ్యత ప్రభు­త్వాలపైనే ఉంది. పర్యావరణ అనుమ­తులు లేకుండా పనులు ప్రారంభించడం చట్టవిరు­ద్ధం. పోస్ట్‌–ఫ్యాక్టో విధానంలో పనులు పూ­ర్తయిన తర్వాత అనుమతులు తెచ్చుకోవ­డాన్ని న్యాయస్థానాలు ఎట్టి పరిస్థితుల్లోనూ అంగీకరించవు. ప్రకృతి వనరులు పాలకులు, రాజకీయ శక్తుల సొంత ఆస్తి కాదు. అమెరికా లాంటి అభి­వృద్ధి చెందిన దేశాల స్ఫూర్తితో పర్యావ­రణ విధ్వంసానికి వ్యతిరేకంగా విశా­ఖ ప్రజల్లోనూ అదే స్థాయి ప్రజా చైతన్యం రావాల్సిన సమయం ఆసన్నమైంది.– బొలిశెట్టి సత్యనారాయణ, పర్యావరణవేత్త, జనసేన మాజీ సీనియర్‌ నాయకుడువిధ్వంసాన్ని అడ్డుకోకుంటే భారీ మూల్యం..ముడసర్లోవ రిజ­ర్వా­య­ర్‌ సమీపంలో సింహాచలం కొండ­లను అక్ర­­మంగా త­వ్వడం దుర్మార్గం. ప­ర్యావరణ నిబంధ­నలను, కోర్టు ఆదేశాలను బేఖాతరు చే­స్తూ ఇష్టానుసారంగా కొండలను తొలిచే­స్తుండటం వల్ల ముడ­సర్లోవ జలాశయ మనుగడకు తీవ్ర ముప్పు వాటిల్లుతోంది. ఈ తవ్వకాల వల్ల విశాఖ నగ­రానికి ప్రధా­నంగా తాగునీరు అందించే జలా­శయ క్యాచ్‌మెంట్‌ ప్రాంతం (నీటి పారు­దల ప్రాంతం) పూర్తిగా ధ్వంసమవుతోంది. మైనింగ్‌ మాఫి­యా­పై క్రిమినల్‌ కేసులు న­మో­­దు చేయాలి. పర్యావ­రణ పరిరక్షణ చ­ట్టా­లను అమ­లు చేసి ఈ విధ్వంసాన్ని వెంటనే అడ్డుకో­వాలి. లేనిపక్షంలో సింహాచలం కొండల పర్యావరణ సమతుల్యత దెబ్బతిని విశా­ఖ ప్రజలు నీటి ఎద్దడి, ప్రకృతి విపత్తుల రూ­పంలో భారీ మూల్యం చెల్లించుకోక తప్పదు.– ఈఏఎస్‌ శర్మ, కేంద్ర ప్రభుత్వ మాజీ కార్యదర్శి

సాక్షి ప్రతినిధి, విజయవాడ: డీఎస్సీ స్పోర్ట్స్‌ కోటా నియామకాల్లో అక్రమాలకు పాల్పడి అడ్డంగా దొరికిన ప్రభుత్వం.. అక్రమాలను ప్రశ్నించేవారిపై ఎదురుదాడికి ప్రయత్నిస్తోంది. అందుకోసం స్పోర్ట్స్‌ కోటాలో అక్రమంగా ఉద్యోగాలు పొందిన వారితో విజయవాడలో సోమవారం బల ప్రదర్శన నిర్వహించేందుకు సిద్ధమైంది. డీఎస్సీలో అక్రమాలకు పాల్పడినవారిపై చర్యలు తీసుకోవాలని డిమాండ్‌ చేస్తూ వైఎస్సార్‌సీపీ ఈ నెల 21న (సోమవారం) విజయవాడ ఇందిరాగాంధీ మున్సిపల్‌ స్టేడియంలోని స్పోర్ట్స్‌ అథారిటీ ఆఫ్‌ ఆంధ్రప్రదేశ్‌ (శాప్‌) కార్యాలయం వద్ద ధర్నాకు పిలుపునిచ్చింది. నగరంలోని శిఖామణి సెంటర్‌ నుంచి శాప్‌ కార్యాలయం వరకు శాంతియుతంగా ర్యాలీ నిర్వహించాలని నిర్ణయించింది. ఈ కార్యక్రమంలో రాష్ట్రంలోని డీఎస్సీ బాధిత అభ్యర్థులు, నిరుద్యోగులు పాల్గొనాలని కోరింది. దీంతో ఈ కార్యక్రమాన్ని అడ్డుకుని రచ్చ చేసేందుకు ప్రభుత్వ పెద్దలు కుట్ర పన్నారు. వైఎస్సార్‌సీపీ శాంతియుత ర్యాలీకి పోటీగా అక్రమంగా నియామకాలు పొందిన వారితో బలప్రదర్శనకు పథకం రచించారు. విజయవాడలో ప్రత్యేక సమావేశం..రాష్ట్రవ్యాప్తంగా స్పోర్ట్స్‌ కోటాలో ఉపాధ్యాయ పోస్టులు పొందిన వారంతా ఆదివారమే విజయవాడకు చేరుకున్నారు. వారంతా నగరంలోని ఓ హాలులో జరిగిన సమావేశంలో పాల్గొన్నారు. ప్రభుత్వం కనుసన్నల్లోనే వారంతా విజయవాడకు వచ్చారని, ఈ సమావేశంలో పాల్గొన్నారనేది బహిరంగ రహస్యమే. వివిధ ప్రాంతాల నుంచి వచ్చిన వారందరూ ఆదివారం రాత్రి విజయవాడలోనే ఉండేందుకు ఏర్పాట్లు చేశారు. వైఎస్సార్‌సీపీ ర్యాలీ చేపడితే, వెంటనే పోటీగా ప్రదర్శన చేయాలనేది వారి స్కెచ్‌గా తెలుస్తోంది. వారి ప్రదర్శనకు శాప్‌ చైర్మన్‌ రవినాయుడు ముందుగానే పోలీసులతో లోపాయికారిగా అనధికారిక అనుమతి పొందినట్లు సమాచారం. అంతేకాదు వారందరినీ అధికార పార్టీకి చెందిన కొందరు దగ్గరుండి కనకదుర్గమ్మ దర్శనం కూడా చేయించడం గమనార్హం. డీఎస్సీలో అక్రమాలకు తెరలేపిన ముఖ్యనేత ఆదేశాలతోనే ఇదంతా జరుగుతున్నట్లు సమాచారం. పోలీసులను అడ్డుపెట్టుకుని..డీఎస్సీ స్పోర్ట్స్‌ కోటా నియామకాల్లో అక్రమాలు జరిగినట్లు వైఎస్సార్‌సీపీ ఇప్పటికే అనేక ఆధారాలు బయటపెట్టింది. అర్హత లేని వారికి ఉద్యోగాలిచ్చి, గోల్డ్‌ మెడల్స్‌ పొందినవారిని పక్కన పెట్టిన వైనాన్ని ఇప్పటికే పలుమార్లు ఆధారాలతో వైఎస్సార్‌సీపీ ప్రజల ముందుంచింది. పరీక్ష లేకుండానే నేరుగా ఉద్యోగాలు ఇచ్చేసినట్లు విద్యాశాఖ మంత్రి నారా లోకేశ్‌ సైతం అసెంబ్లీ సాక్షిగా అంగీకరించారు. దీంతో రోజురోజుకూ డీఎస్సీ అక్రమాలు మరిన్ని వెలుగు చూస్తుండటంతో ప్రభుత్వంలో ఆందోళన ప్రారంభమైంది. వైఎస్సార్‌సీపీ నిరసనలను ఎలాగైనా అడ్డుకునేందుకు పోలీసులను రంగంలోకి దించింది. రెడ్‌బుక్‌ రాజ్యాంగాన్ని అమలుచేస్తూ శాంతియుత ర్యాలీకి అనుమతిలేదని చెప్పించింది.వైఎస్సార్‌సీపీ ర్యాలీ, ధర్నాకు అనుమతి లేదు : డీసీపీ లబ్బీపేట (విజయవాడ తూర్పు): విజయవాడలోని శాప్‌ కార్యాలయం వద్ద సోమవారం వైఎస్సార్‌సీపీ నిర్వహించతలపెట్టిన నిరసన ధర్నా, ర్యాలీలకు అనుమతిలేదని డీసీపీ కృష్ణకాంత్‌ పటేల్‌ చెప్పారు. ఆయన ఆదివారం మీడియాతో మాట్లాడుతూ.. విజయవాడ నగరంలో వినాయక నిమజ్జన కార్యక్రమాలు, ఊరేగింపులు, ట్రాఫిక్‌ అంతరాయాలు, పోలీస్‌ సిబ్బంది కొరతను దృష్టిలో పెట్టుకుని ర్యాలీ, ధర్నాలకు అనుమతి నిరాకరించినట్లు పేర్కొన్నారు.

సాక్షి, న్యూఢిల్లీ: దేశవ్యాప్తంగా జరుగుతున్న ఓటర్ల జాబితాల ప్రత్యేక సవరణ (ఎస్‌ఐఆర్‌) ప్రక్రియ ముసుగులో కేంద్ర ప్రభుత్వం భారీ కుట్రకు తెరతీసిందని కాంగ్రెస్‌ ఆరోపించింది. కోట్ల మంది అర్హులైన ఓటర్ల పేర్లను జాబితాల నుంచి అధికారులు అక్రమంగా తొలగిస్తున్నారని కాంగ్రెస్‌ ప్రధాన కార్యదర్శి జైరాం రమేశ్‌ విమర్శించారు. ‘‘కేంద్ర హోంమంత్రి అమిత్‌ షా కనుసన్నల్లోనే ఈ తతంగం నడుస్తోంది. ఎస్‌ఐఆర్‌ అంటే స్పెషల్‌ ఇంటెన్సివ్‌ రివిజన్‌. కానీ ఇప్పుడు అది షా ప్రోద్భలంతో జరుగుతున్న ఓట్ల తొలగింపు(షా ఇన్‌స్టిగేటెడ్‌ రిమూవల్‌­–ఎస్‌ఐఆర్‌) ప్రక్రియగా తయారైంది’’ అని ఆయన వ్యాఖ్యానించారు. ‘‘ఎస్‌ఐఆర్‌ తొలి రెండు దశల్లోనే ఏకంగా 7.8 కోట్ల మంది ఓటర్ల పేర్లను తొలగించారు. ఎస్‌ఐఆర్‌ ప్రక్రియ ప్రారంభానికి ముందున్న మొత్తం ఓటర్లలో ఇది దాదాపు 13 శాతానికి సమానం. మూడో దశలోనూ భారీ ఎత్తున ఓట్ల గల్లంతు జరుగుతోంది. మూడో దశలో 12 రాష్ట్రాలు, రెండు కేంద్ర పాలిత ప్రాంతాల్లోని 36.06 కోట్ల మంది ఓటర్లను పరిశీలించగా, అందులో ఇప్పటికే 6.18 కోట్ల మంది పేర్లను తొలగించారు. ఓటరు జాబితాలో పేర్లను కొనసాగించుకోవాలంటే అదనపు పత్రాలు సమరి్పంచాలంటూ మరో 5.43 కోట్ల మందికి ఎన్నికల సంఘం నోటీసులు జారీ చేసింది. సరైన సమయంలో ఈ పత్రాలు సమరి్పంచకపోతే ఈ 15 శాతం మంది ఓటర్ల పేర్లు గల్లంతయ్యే ప్రమాదముంది’’ అని జైరాం ఆందోళన వ్యక్తంచేశారు. బీజేపీ పాలిత రాష్ట్రాల్లో గోప్యత ‘‘ఈ ప్రక్రియలో పారదర్శకత పూర్తిగా లోపించింది. కర్ణాటక, తెలంగాణ, జార్ఖండ్‌ లాంటి రాష్ట్రాల్లో తొలగింపు ప్రమాదం ఉన్న ఓటర్ల జాబితాలను ప్రజలకు అందుబాటులో ఉంచగా, ఢిల్లీలో ప్రజల ఒత్తిడి మేరకు సెపె్టంబర్‌ 19న విడుదల చేశారు. బీజేపీ పాలిత రాష్ట్రాల్లో ఈ జాబితాలను కనీసం బహిర్గతం చేయకుండా గోప్యంగా ఉంచారు’’ అని దుయ్యబట్టారు. వివిధ రాష్ట్రాల్లో ఓట్లు కోల్పోయిన, తొలగింపు ప్రమాదం ఉన్న ఓటర్ల గణాంకాలను జైరాం రమేశ్‌ వెల్లడించారు. ఈ జాబితాలో ఢిల్లీ 53.73 శాతం ఓట్ల తొలగింపు ముప్పుతో తొలి స్థానంలో ఉండగా, చండీగఢ్‌ 52.58 శాతంతో రెండో స్థానంలో నిలిచింది. తెలంగాణలో ఏకంగా 48.90 శాతం మంది పేర్లు గల్లంతవడమో, నోటీసులు అందుకోవడమో జరిగి జాబితాలో మూడో స్థానంలో ఉందని వెల్లడించారు. జార్ఖండ్‌లో 39.57 శాతం, హరియాణాలో 37.5 శాతం, ఉత్తరాఖండ్‌లో 35.71 శాతం, మేఘాలయలో 35.36 శాతం, మహారాష్ట్రలో 33.88 శాతం ఓట్లకు గండం పొంచి ఉందని వివరించారు. కర్ణాటకలో 27.6 శాతం, ఒడిశాలో 23.67 శాతం, ఆంధ్రప్రదేశ్‌లో 21.17 శాతం, పంజాబ్‌లో 15.23 శాతం మేర ఓటర్లు జాబితా నుంచి గల్లంతయ్యే ప్రమాదంలో ఉన్నారని ఆరోపించారు. అద్వానీకి సర్‌ నోటీసు కేంద్ర మంత్రి జైశంకర్, ఢిల్లీ సీఎం రేఖా గుప్తాకు కూడా న్యూఢిల్లీ: ఢిల్లీలో చేపట్టిన ఓటర్ల జాబితా ప్రత్యేక సమగ్ర సవరణ(ఎస్‌ఐఆర్‌) సర్వేలో పలువురు ప్రముఖులకు సైతం నోటీసులు జారీ అయ్యాయి. బీజేపీ దిగ్గజ నేత, మాజీ ఉప ప్రధాని ఎల్‌కే అద్వానీకి సైతం ఎస్‌ఐఆర్‌ నోటీస్‌ వచి్చంది. సర్‌ కింద అందజేసిన ధ్రువీకరణ పత్రాల్లో వ్యత్యాసాలున్నాయని, మరిన్ని ఆధారాలను సమర్పించాలని అధికారులు వారిని కోరారు. 98 ఏళ్ల అద్వానీతోపాటు ఆయన కుమార్తె ప్రతిభ, కోడలు గీతికలకూ ఈ నోటీసులు అందాయి. 2002 నాటి సర్‌ ఓటరు జాబితాలో వీరి పేర్లు లేవని పేర్కొన్నారు. మాజీ ఉపరాష్ట్రపతి జగదీప్‌ ధన్‌ఖడ్, ప్రస్తుత ఎలక్షన్‌ కమిషనర్‌ సుఖ్బీర్‌ సింగ్‌ సంధూ, విదేశాంగ మంత్రి ఎస్‌.జై శంకర్, ఆయన భార్య క్యోకో, విదేశాంగ శాఖ కార్యదర్శి విక్రమ్‌ మిస్రీ, మాజీ జవహర్‌లాల్‌ నెహ్రూ విశ్వవిద్యాలయ వైస్‌ఛాన్స్‌లర్‌ జగదీశ్‌ కుమార్, మాజీ ఢిల్లీ లెఫ్టినెంట్‌ గవర్నర్‌ నజీబ్‌ జంగ్, మాజీ నీతి ఆయోగ్‌ ఉపాధ్యక్షుడు అరవింద్‌ పనగరియా, సెబీ ఛైర్మన్‌ తుహిన్‌ కాంత పండే, సీబీఐ డైరెక్టర్‌ ప్రవీణ్‌ సూద్, ఢిల్లీ మాజీ ఉపముఖ్యమంత్రి మనీశ్‌ సిసోడియా, ఢిల్లీ ముఖ్యమంత్రి రేఖా గుప్తాలకు సైతం ఎస్‌ఐఆర్‌ నోటీసులు వచ్చాయి. సిసోడియా, భార్య సీమ, కుమారుడు మీర్‌కూ నోటీసులందాయి. తల్లిదండ్రుల పేర్లలో వ్యత్యాసాలున్నాయంటూ మీర్‌కు పంపిన నోటీసులో పేర్కొన్నారు. సిసోడియా భార్య సీమకు పంపిన నోటీసులో ధ్రువీకరణ పత్రాలతో ఆమె పేరు సరిపోలడం లేదని పేర్కొన్నారు. ఢిల్లీలో నోటీస్‌లు అందుకున్న వాళ్ల పేర్లన్నీ ఢిల్లీ శాసనసభ పరిధిలో ఉన్నట్లు తెలుస్తోంది. మాజీ ఆర్మీ చీఫ్‌కు సైతం.. భారత ఆర్మీ మాజీ చీఫ్‌ ఉపేంద్ర ద్వివేది, ఆయన భార్యకు సైతం ఎస్‌ఐఆర్‌ నోటీసులు వచ్చాయి. మంత్రి ఎస్‌. జైశంకర్, సుప్రీంకోర్టు మాజీ ప్రధాన న్యాయమూర్తి జస్టిస్‌ రంజన్‌ దేశాయ్, ఆయన కుటుంబసభ్యులకు, ఆమ్‌ ఆద్మీ పార్టీ చీఫ్‌ కేజ్రీవాల్‌కూ ఈసీ అధికారులు ఎస్‌ఐఆర్‌ నోటీసులు అందజేశారు.

సాక్షి, అమరావతి: రాజధాని కోసం ఇప్పటికే రైతుల నుంచి తీసుకున్న భూములను ముందుగా అభివృద్ధి చేసి, రైతులకు హామీ ఇచ్చిన ప్లాట్లు, మౌలిక సదుపాయాలు కల్పించిన తర్వాతే మరలా భూసేకరణ చేపట్టాలని మాజీ మంత్రి, రైతు సంఘం నేత వడ్డే శోభనాద్రీశ్వరరావు, మాజీ ఐఏఎస్‌ అధికారి విజయ్‌ కుమార్, సామాజిక కార్యకర్తలు, న్యాయవాదు­లు, రైతులు డిమాండ్‌ చేశారు. రైతుల సమస్యలను పరిష్కరించకుండా కొత్తగా భూములు తీసుకోవడమేమిటని వారు ప్రశ్నించారు. రాజ­ధాని రైతుల సమస్యలు, భవిష్యత్‌ కార్యాచరణపై ఆదివారం ఉండవల్లిలో జరిగిన సమావేశంలో వారు రాష్ట్ర ప్రభుత్వ వైఖరిపై తీవ్రంగా మండిపడ్డారు. తమ భూములు లాక్కుంటున్నారని, భూములు ఇవ్వని వారు వ్యవసాయం చేయడానికి వీలు లేకుండా చేస్తున్నా­రని రాజధాని ప్రాంత రైతులు ఆవేదన వ్యక్తం చేశారు. ఇంకా వారేమన్నారంటే.. అవసరం కన్నా అధికమొత్తంలో భూమి ఎందుకు? రాజధాని ప్రాంతాన్ని కాంక్రీట్‌ జంగిల్‌గా మార్చకూడదని గతంలోనే సూచించామని మాజీ మంత్రి, రైతు ఉద్యమ నేత వడ్డే శోభనాద్రీశ్వరరావు అన్నారు. పంటలు పండే భూములను రిజర్వాయర్లు, స్పోర్ట్స్‌ సిటీ, విమానాశ్రయం, రైల్వే లైన్‌ వంటి ప్రాజెక్టుల పేరుతో తీసుకోవద్దని కోరారు. స్పోర్ట్స్‌ సిటీ కోసం అవసరమైన భూమి కంటే ఎక్కువ మొత్తంలో భూసేకరణ ప్రతిపాదించడం అవసరమా అని ప్రశ్నించారు. అమరావతిలో అంతర్జాతీయ విమానాశ్రయం కోసం వేల ఎకరాల భూమిని తీసుకోవాలన్న ప్రతిపాదనను పునఃపరిశీలించాలని అన్నారు. ఇప్పటికే గన్నవరం విమానాశ్రయం అందుబాటులో ఉందని గుర్తుచేశారు. సింగపూర్‌ సంస్థలతో గతంలో జరిగిన ఒప్పందాలు, మాస్టర్‌ప్లాన్, అభివృద్ధి పనులపై కూడా ఆయన ప్రశ్నలు లేవనెత్తారు. రాజధాని గ్రామాల్లో పాఠశాలలు, ఆసుపత్రులు నిర్మిస్తామని ఇచ్చిన హామీలు అమలు కాలేదని ఆయన ఆరోపించారు. రైతులకు అభివృద్ధి చేసిన ప్లాట్లు, పెన్షన్లు అందించాలని డిమాండ్‌ చేశారు. రాజధాని మాస్టర్‌ప్లాన్‌లో సామాన్యులు, పేదలు, మధ్యతరగతి, నిర్మాణ కార్మికులు, ఆటో డ్రైవర్లు, సేవా రంగంలో పనిచేసే వారికి ఎంత స్థానం ఉందో ప్రభుత్వం స్పష్టం చేయాలని మాజీ ఐఏఎస్‌ అధికారి, లిబరేషన్‌ కాంగ్రెస్‌ పార్టీ అధ్యక్షుడు విజయ్‌కుమార్‌ కోరారు. ఇప్పటికే రైతుల నుంచి పెద్ద మొత్తంలో భూములు తీసుకున్నారని, వాటిని అభివృద్ధి చేయకుండా మరో దశలో భూసేకరణ చేయడం సరికాదని అన్నారు. అమరావతిలో అవసరమైన భూమిని మాత్రమే తీసుకుని, మిగిలిన భూముల్లో రైతులు వ్యవసాయం కొనసాగించే అవకాశం కల్పించాలన్నారు. గత హామీలు అమలుకానప్పుడు కొత్త హామీలు ఎలా నమ్మాలి? రైతులను భూముల నుంచి దూరం చేసి, కొంతకాలం వ్యవసాయానికి అవకాశం లేకుండా చేయడం వల్ల రైతుల ఆదాయంతో పాటు రైతు కూలీలు, మధ్యవర్తులు, వ్యాపారులు, స్థానిక మార్కెట్ల ఆర్థిక కార్యకలాపాలపై ప్రభావం పడిందని ప్రొఫెసర్‌ రామచంద్రయ్య అభిప్రాయపడ్డారు. ల్యాండ్‌ పూలింగ్‌–2లో కొత్తగా భూములు ఇవ్వాలని కోరుతున్న నేపథ్యంలో గత హామీలు అమలు కానప్పుడు రైతులు కొత్త హామీలను ఎలా నమ్మాలని ఆయన ప్రశ్నించారు. రాజధాని పేరుతో ప్రజా ధనాన్ని భారీ నిర్మాణాలకు ఖర్చు చేసే ముందు విద్య, వైద్యం, ఫీజు రీయింబర్స్‌మెంట్, ప్రభుత్వ ఆసుపత్రుల్లో మందులు వంటి ప్రజా అవసరాలకు ప్రాధాన్యం ఇవ్వాలన్నారు. భూసేకరణకు సంబంధించిన అవార్డులను సవాలు చేసుకునే ప్రక్రియ పూర్తికాకముందే భూముల్లో రోడ్లు, ఇతర నిర్మాణాలు చేపట్టడం సరికాదని హైకోర్టు న్యాయవాది రజని అన్నారు. కోర్టులో ఒక ఉత్తర్వును సవాలు చేసుకునే అవకాశం ఉన్నప్పుడు రైతులకు కూడా అదే విధమైన న్యాయపరమైన అవకాశం ఉండాలని పేర్కొన్నారు. చట్టబద్ధమైన ప్రక్రియను పూర్తిచేసిన తర్వాతే రైతుల భూముల్లో నిర్మాణాలు చేపట్టాలని కోరారు. తాము అభివృద్ధికి వ్యతిరేకం కాదని, అయితే మొదటి దశలో భూములిచ్చిన రైతులకు ముందుగా న్యాయం జరగాలని సామాజిక కార్యకర్త డాక్టర్‌ వసుంధర అన్నారు. పొలం ఇవ్వలేదని కక్షసాధిస్తున్నారు ‘‘నేను పొలం ఇవ్వలేదు. అందుకే నాపై కక్ష సాధిస్తున్నారు. వ్యవసాయం చేయనివ్వడం లేదు. ఎరువులు ఇవ్వనంటున్నారు. నేను భూములు ఇవ్వకుండానే నా చేలో ప్లాట్లు వేసేశారట. అదెలాగో తెలియడం లేదు. అన్నం కంచం ముందు కూర్చుని కన్నీరు పెట్టుకుంటున్నాం. మేమెలా బతకాలి. అసలు బతకాలా చచ్చిపోవాలా. ప్రభుత్వం చేస్తున్న దౌర్జన్యానికి మేం న్యాయం కోసం ఎక్కడికి పోవాలి.’’ –చల్లపల్లి శ్రీరాములు, ఎర్రబాలెం రైతు. (ఫొటో:06) వేల ఎకరాలు లాక్కొని ఏం చేస్తారు? ‘‘భూ సేకరణపై మా అభ్యంతరాలు అడుగుతారు. కానీ వాటిని పరిగణనలోకి తీసుకోవడం లేదు. కోర్టు ఆర్డర్‌ ఇస్తే కనీసం అప్పీల్‌ చేసుకునే సమయం ఇవ్వకుండా యంత్రాలు తెచ్చి తవ్వేస్తున్నారు. అసలు ఈ ప్రభుత్వానికి ఎన్ని ఎకరాలు కావాలి. వేలాది ఎకరాలు రైతుల నుంచి లాక్కొని ఏం చేస్తారు. అవసరమైనంత వరకూ తీసుకుని మిగతాది రైతులకు వదిలేస్తే అనేక పంటలు పండుతాయి.’’–మక్కే పూర్ణచంద్రరావు, పెనుమాక రైతు. (ఫొటో:07) రైతులను భయపెడుతున్నారు ‘‘రాష్ట్రమంతటా వర్షాలు లేక పంటలు ఎండిపోతున్న ప్రస్తుత తరుణంలో కూడా రాజధాని ప్రాంతంలో మూడు పంటలు సమృద్ధిగా పండుతున్నాయి. అంతటి సారవంతమైన భూములను అనవసరంగా లాక్కొని కాంక్రీట్‌ జంగిల్‌గా మార్చవద్దని వేడుకుంటున్నాం. చిన్న, సన్నకారు రైతులను భయపెడుతున్నారు. ’’–శ్రీకాంత్‌రెడ్డి, పెనుమాక రైతు. రైతుల ప్రధాన డిమాండ్లు ⇒ ఇప్పటికే భూములిచ్చిన రైతులకు అభివృద్ధి చేసిన ప్లాట్లు వెంటనే ఇవ్వాలి. ⇒ ప్లాట్ల వద్ద రోడ్లు, విద్యుత్, తాగునీరు వంటి మౌలిక సదుపాయాలు కల్పించాలి. ⇒ రాజధాని గ్రామాల్లో పాఠశాలలు, ఆసుపత్రులు ఏర్పాటు చేయాలి. ⇒ వరద ముంపు నివారణ చర్యలు వేగంగా చేపట్టాలి. ⇒ రైతుల సమస్యలు పరిష్కరించే వరకు కొత్త భూసేకరణ చేపట్టకూడదు. ⇒ రైతుల అనుమతి, చట్టబద్ధమైన పరిహారం లేకుండా భూములు తీసుకోకూడదు. ⇒ గ్రామకంఠాలు, లంక భూములకు సంబంధించిన సమస్యలను పరిష్కరించాలి. ⇒ రాజధాని ప్రాజెక్టులపై రైతులతో సంప్రదింపులు జరపాలి. ⇒ రైతులకు ఇచ్చిన హామీలు, ఒప్పందాలను అమలు చేయాలి.

సాక్షి, అమరావతి: ఉత్తర అండమాన్‌ సముద్రంలో ఏర్పడిన అల్పపీడనం ప్రస్తుతం తూర్పు మధ్య బంగాళాఖాతంలో కేంద్రీకృతమై ఉంది. ఇది పశ్చిమ, వాయవ్య దిశగా కదులుతూ క్రమంగా బలపడి సోమవారానికి వాయుగుండంగా మారుతుందని వాతావరణ­శాఖ తెలిపింది. మంగళవారానికి పశ్చిమ మధ్య బంగాళాఖాతంలో తీవ్రవాయుగుండంగా బలపడే అవకా­శం ఉందని, బుధవారం ఉదయానికి పశ్చిమ వాయవ్యదిశగా కదులుతూ దక్షిణ ఒడిశా–ఉత్తరాంధ్ర తీరాలకు దగ్గరగా చేరుకునే అవకాశం ఉందని పేర్కొంది.దీని ప్రభావంతో సోమ, మంగళవారాల్లో పలుచోట్ల భారీవర్షాలు, బుధ, గురువారాల్లో అక్కడక్కడ భారీ నుంచి అతిభారీ వర్షాలు కురిసే అవకాశం ఉందని తెలిపింది. కోస్తాంధ్ర తీరం వెంబడి 50–60 కిలోమీటర్ల వేగంతో ఈదురుగాలులు వీచే అవకాశం ఉందని పేర్కొంది. సోమవారం అల్లూరి సీతారామరాజు, పోలవరం, నంద్యాల, వైఎస్సార్‌ కడప జిల్లాల్లో అక్కడక్కడ పిడుగులతో కూడిన మోస్తరు వర్షాలు, మిగతా జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉందని తెలిపింది.

సాక్షి ప్రతినిధి, భద్రాద్రి కొత్తగూడెం: కేంద్రంతో పాటు వివిధ రాష్ట్రాల నుంచి సవాళ్లను ఎదుర్కొని 21 ఏళ్లపాటు మావోయిస్టు పార్టీ మనుగడ సాగించింది. కానీ ఆపరేషన్‌ కగార్‌ దెబ్బకు ఈ ఏడాది మార్చి నాటికి ఆ పార్టీ ప్రస్థానం దాదాపుగా ముగిసింది. అయితే, ఇప్పటికీ ఆ పార్టీ మాజీ చీఫ్‌ గణపతితోపాటు మిస్టరీ డాక్టర్‌గా పేరున్న రఫీక్‌ ప్రభుత్వ నిఘా విభాగాలకు చిక్కలేదు. ఇటీవల లొంగిపోయిన మావోయిస్టులు తమ అజ్ఞాత జీవితానికి సంబంధించిన విశేషాలను వెల్లడిస్తున్నారు. అందులో ఎదురు కాల్పుల్లో గాయపడిన కామ్రేడ్లకు దిగిన బుల్లెట్లను అడవిలో పరిమిత వనరులతోనే ఆపరేషన్‌ ద్వారా తొలగించిన ఘటనలు, దళంలో చేరిన సభ్యులకు కుటుంబ నియంత్రణ ఆపరేషన్ల కోసం అడవిలో చేపట్టిన పద్ధతులు, ప్రతీ దళంలో ఒక సభ్యుడికి ఫస్ట్‌ ఎయిడ్‌ చేయగలిగే సామర్థ్యం ఉండేలా ఆరు నెలల ప్రత్యేక శిక్షణ ఇచ్చినట్టు వెలుగు చూసింది. మాజీలందరూ చెబుతున్న వివరాలన్నీ మిస్టరీ డాక్టర్‌ రఫీక్‌నే గుర్తు చేస్తున్నాయి.తొలిసారిగా...యూరప్‌కు చెందిన ఓ రచయిత మావోయిస్టుల ఆహ్వానం మేరకు 2010లో దండకారణ్యంలో పర్యటించారు. ఆ తర్వాత అక్కడ తాను చూసిన అంశాలను పేర్కొంటూ రాసిన ఓ పుస్తకంలో డాక్టర్‌ రఫీక్‌ సేవలను ప్రస్తావించారు. అప్పటి నుంచి యాంటీ నక్సల్స్‌ ఆపరేషన్స్‌లో ఉన్న నిఘా విభాగాలు ఈ డాక్టర్‌ కదలికలపై కన్నేశాయి. డాక్టర్‌ రఫీక్‌ పంజాబ్‌లో వైద్యవిద్య పూర్తి చేసి సాయుధ విప్లవ పంథాను ఎంచుకున్నట్టు గుర్తించాయి. అధికారికంగా 2016లో దండకారణ్యం వదిలి జార్ఖండ్‌లోని చైబాసా అడవులకు తరలినట్టుగా గుర్తించారు. ఆయన భార్య రింకీ సైతం మావోయిస్టు దళాలకు సాయం చేసేందుకు అడవి బాట పట్టినట్టు 2018లో తేలింది. మావోయిస్టుల్లో ఈ జంటకు ఎంతో మంచి పేరుంది. అయితే రఫీక్, రింకీ అనేవి సైతం వారి సొంత పేర్లు కాకపోవడం విశేషం.ఇంజనీర్లు పోయినా.. డాక్టర్‌ మిగిలాడుఉత్తర తెలంగాణ జిల్లాలో 1980–90 దశకాల్లో రాడికల్‌ స్టూడెంట్‌ యూనియన్‌ ప్రాబల్యం ఎక్కువగా ఉండడంతో పెద్ద సంఖ్యలో విద్యార్థులు విప్లవం బాట పట్టారు. మావోయిస్టు పార్టీ ప్రధాన కార్యదర్శిగా పనిచేసిన నంబాల కేశవరావుతోపాటు చెరుకూరి రాజ్‌కుమార్‌ అలియాస్‌ ఆజాద్‌ వంటి నేతలు ఇంజనీరింగ్‌ నేపథ్యం నుంచి పీపుల్స్‌వార్‌ పార్టీలోకి వచ్చినవారే. ఆయుధాల తయారీలో వీరి సాంకేతిక నైపుణ్యం ఆ పార్టీకి అక్కరకు వచ్చింది. ఇంజనీర్లతో పోలిస్తే వైద్యవిద్య పూర్తి చేసి అడవుల బాట పట్టినవారు చాలా తక్కువ. అజ్ఞాత జీవితంలో ఏమైనా అనారోగ్య సమస్యలు వస్తే ఆయా ప్రాంతాల్లో ఉండే సానుభూతిపరులైన డాక్టర్ల నుంచి సాయం పొందడం మరీ కష్టంగా ఉంటే సమీప పట్టణాలకు వచ్చిన వైద్యం చేయించుకోవడం తప్ప మరో మార్గం లేకపోయేది. కానీ ఈ పరిస్థితిని మిస్టర్‌ డాక్టర్‌ రఫీక్‌ పూర్తిగా మార్చివేశాడు.ఆచూకీ దొరక్కుండాఆపరేషన్‌ కగార్‌ 2024 జనవరిలో మొదలైంది. ఏడాది తిరిగే సరికి మల్లోజుల వేణుగోపాల్, ఆశన్న వంటి అగ్రనేతలు తమ కేడర్‌తో లొంగిపోయారు. ఆ తర్వాత పొలిట్‌బ్యూరో సభ్యులుగా ఉన్న దేవ్‌జీ, మిసిర్‌ బేస్రా అజ్ఞాతం వీడారు. లొంగిపోయిన, అరెస్ట్‌ అయిన మావోయిస్టుల నుంచి నిఘా సంస్థలు ఎంతో నైపుణ్యంతో వివరాలు రాబట్టినాగణపతితోపాటు మిస్టరీ డాక్టర్‌ రఫీక్‌ ఆనవాళ్లు కనిపెట్టలేకపోయాయి. పోలీసులకు చిక్కకుండా అజ్ఞాత జీవిత గడపగలుగుతున్నారు. దీంతో గణపతి, రఫీక్‌ ఒకే చోట ఉన్నారా.. లేక వేర్వేరుగా ఉన్నారా అనే అంశం ఆసక్తి కలిగిస్తోంది.

వాడియా: నిరక్షరాస్యత, అజ్ఞానం, పేదరికం, కరువు కాటకాలు, ఉపాధి అవకాశాలు లేకపోవడం మహిళల పాలిటి శాపంగా మారుతున్నాయి. బతుకు తెరువు కోసం బలవంతంగా వ్యభిచార వృత్తిలోకి దిగాల్సి వస్తోంది. చిన్న వయసులోనే మనసు చంపుకొని పరాయి పురుషులకు ఒళ్లు అప్పగించాల్సిన దుస్థితి ఎదురవుతోంది. గుజరాత్‌ రాష్ట్రం బనస్కాంత జిల్లాలోని వాడియా గ్రామంలో దశాబ్దాలుగా ఈ అనాచారం కొనసాగుతోంది. ఇదొక గిరిజన గ్రామం. అహ్మదాబాద్‌కు 200 కిలోమీటర్ల దూరంలో ఉంటుంది. గ్రామ జనాభా 750 కాగా, వీరిలో 350 మంది మహిళలు. దాదాపు అందరూ పడుపు వృత్తిలో∙కొనసాగుతున్నారు. భర్తలు, కుటుంబ సభ్యులే వారిని ప్రోత్సహిస్తుంటారు. ఏజెంట్లుగా మారి విటులను తీసుకొస్తుంటారు. నిత్యం ఉదయాన్ని రోడ్డు పక్కన నిలబడి విటులతో బేరమాడే దృశ్యాలు ఇక్కడ సర్వసాధారణం. దీంతో వాడియాకు ‘వ్యభిచారుల గ్రామం’గా పేరు స్థిరపడింది. వ్యభిచారం నుంచి తప్పించుకోవాలంటే ఒకే ఒక్క మార్గం చిన్న వయసులో నిశ్చితార్థం చేసుకోవడం. తమ బిడ్డలను ఈ రొంపిలోకి దింపడం ఇష్టపడని తల్లులు వారికి 7 నుంచి 13 ఏళ్లలోపే పొరుగు గ్రామాల పురుషులతో నిశ్చితార్థం జరిపిస్తుంటారు. నిశ్చితార్థం జరిగినవారు, పెళ్లి చేసుకున్నవారు ఈ వృత్తికి ప్రవేశించడానికి అనుమతి లేదు. 18 ఏళ్లలోపు వివాహాలు జరుగుతుంటాయి. అంటే ఇవన్నీ బాల్య వివాహాలే. వాడియా గ్రామంలో వ్యభిచారం తరతరాలుగా కొనసాగుతుండడం గమనార్హం. సామూహిక నిశ్చితార్థాలు, వివాహాలు వాడియాలో వ్యభిచారం నుంచి మహిళలను తప్పించడానికి కొన్ని స్వచ్ఛంద సంస్థలు కృషి చేశాయి. వారికి ఉపాధి అవకాశాలు కల్పించే ప్రయత్నాలు జరిగాయి. కొందరు స్వయం ఉపాధితో జీవితాలు మార్చుకున్నారు. మరికొందరు మాత్రం అదే వృత్తిలో కొనసాగుతున్నారు. కొందరికి ప్రభుత్వం నుంచి భూములు ఇప్పించినప్పటికీ కరువు వల్ల పంటల సాగు చేయలేని పరిస్థితి. 2012లో కీలక పరిణామం చోటుచేసుకుంది. ఎన్జీఓలు వాడియాలో సామూహిక నిశ్చితార్థాలు, వివాహాలకు శ్రీకారం చుట్టాయి. బాలికలను చేరదీసి నిశ్చితార్థాలు జరిపించాయి. దాంతో గ్రామంలో కొంత మార్పు వచి్చనట్లు స్థానికులు చెప్పారు. వ్యభిచారం మాత్రం అంతం కాలేదని అన్నారు. ‘వ్యభిచారుల గ్రామం’ అన్న చెడ్డపేరు తొలగిపోలేదని ఆవేదన వ్యక్తంచేశారు. అసలు తండ్రి ఎవరో.. వాడియాలో 19 ఏళ్ల ఓ యువతి తన దీనగాథ వినిపించింది. ఆమె అమ్మమ్మ, అమ్మ వ్యభిచారంలోనే మగ్గిపోయారు. అనారోగ్యం పాల య్యేదాకా ఒళ్లమ్ముకున్నారు. ఆ యువతికి మాత్రం ఈ వృత్తి ఇష్టం లేదు. విటులు తమ ఇంటికి రావడం చూస్తూ పెరిగింది. తన అసలు తండ్రి ఎవరో కూడా తెలియదని చెప్పింది. చదువుపై ఇష్టంతో పాఠశాలలో చేరింది. 11 ఏళ్లకు ఆమెకు నిశ్చితార్థం జరిపించారు. నర్సింగ్‌ విద్య పూర్తిచేసింది. 18 ఏళ్లకు వివాహం జరిగింది. వ్యభిచారానికి దూరంగా మెరుగైన జీవితం కోసం ఆరాటపడుతోంది.

సాక్షి, చెన్నై: నటుడు అజిత్‌కుమార్‌ అభిమా­ను­లు కొత్త రాజకీయ పార్టీని ప్రకటించారు. తమిళగ మక్కల్‌ కళగం (తమిళనాడు పీపుల్స్‌ పా­ర్టీ) పేరుతో ఈ కొత్త రాజకీయ పార్టీని ఆది­వారం ప్రకటించారు. అజిత్‌ అభిమానులు కల్లకురిచి జిల్లాలోని ఉలందూరుపేటలో పార్టీ జెండాను ఆవిష్కరించారు. పా­ర్టీ వ్యవస్థాపక అధ్యక్షుడిగా ఆబిత్, రాష్ట్ర కార్యదర్శిగా రామ్‌కుమార్, కోశాధికారిగా మహమ్మద్‌ షా నియమితులయ్యారు. అజిత్‌ రాజకీయాల్లోకి వ­స్తే బాధ్యతలు స్వీకరించేందుకు వీలుగా రా­ష్ట్ర ప్రధాన కార్యదర్శి పదవిని ఖాళీగా ఉంచారు.

వాషింగ్టన్‌: రాజధాని వాషింగ్టన్‌ డీసీలో లింకన్‌ మెమోరియల్, ఆర్లింగ్టన్‌ నేషనల్‌ సెమెట్రీ మధ్య తాను నిర్మించాలనుకుంటున్న భారీ తోరణం ఒక అత్యున్నత శ్రేణి సైనిక స్థావరంగానూ ఉపయోగపడనుందని అమెరికా అధ్యక్షుడు డొనాల్డ్‌ ట్రంప్‌ చెప్పారు. ఇక్కడ మందుగుండు సామగ్రిని నిల్వ చేయడంతోపాటు డ్రోన్లు నిల్వ చేయవచ్చని, స్నైపర్‌లను మొహరించవచ్చని ఆయన వెల్లడించారు. అధ్యక్షుని అధికారిక భవనంతోపాటు వాషింగ్టన్‌ డీసీ నగరాన్ని సుందరీకరించడానికి తాను చేపట్టిన ప్రాజెక్టులు రక్షణ అవసరాలను సైతం తీరుస్తాయని ట్రంప్‌ చాలా రోజులుగా వాదిస్తున్న విషయం తెల్సిందే. వైట్‌హౌస్‌ ప్రాంగణంలో నిర్మిస్తున్న నూతన బాల్‌రూమ్‌ను ‘సైనిక సముదాయం’గా ఆయన అభివర్ణించారు. జాతీయ భద్రతా ప్రయోజనాల కోసం ఇది అవసరమని ఆయన తన నిర్ణయాన్ని సమర్థించుకున్నారు. అమెరికా సైన్యం అభ్యర్థన మేరకు 250 అడుగుల ఎత్తయిన స్మారక తోరణాన్ని సైనిక సముదాయంగా/విజయ తోరణంగా మార్చడానికి తాను అంగీకరించినట్లు ట్రంప్‌ ఆదివారం సోషల్‌ మీడియా పోస్టులో వెల్లడించారు.

సాక్షి, చెన్నై: తమిళనాడులోని మధురైలో అరగంటకు పైగా ఓ విమానం ఆకాశంలో చక్కర్లు కొట్టింది. ల్యాండింగ్‌ సమయంలో వాతావరణం అనుకూలించక పోవడంతోనే ఈ పరిస్థితి ఏర్పడింది. వంద మందితో ముంబై నుంచి మధురైకు ఆదివారం మధ్యాహ్నం విమానం బయలు దేరింది. ఇది 3.20 గంటలకు మధురై విమానాశ్రయంలో ల్యాండ్‌ అవ్వాల్సి ఉంది. అయితే ఆ సమయంలో హఠాత్తుగా ఉరుములు, మెరుపులు, ఈదురు గాలులతో కూడిన వర్షం పడింది. దీంతో విమానం ల్యాండింగ్‌కు పైలట్లు సాహసించలేదు. ఫలితంగా ఆ విమానం మధురై నుంచి విరుదునగర్‌ వైపుగా గాల్లో అరగంటకు పైగా చక్కర్లు కొట్టింది. కాసేపు ఒకే చోట విమానం ఆగినట్టుగా చూసిన ప్రజలు భయపడ్డారు. క్రమంగా గాలి తీవ్రత, వర్షం తగ్గుముఖం పట్టడంతో సాయంత్రం 4 గంటలకు పైలట్లు సురక్షితంగా ఆ విమానాన్ని ల్యాండ్‌ చేశారు.

ముంబై: అంతర్జాతీయ పరిణామాలు ఈ వారం దేశీయ స్టాక్‌ మార్కెట్‌ ట్రేడింగ్‌ సరళిని నిర్దేశిస్తాయని మార్కెట్‌ నిపుణులు భావిస్తున్నారు. అమెరికా అధ్యక్షుడు డొనాల్డ్‌ ట్రంప్‌తో చైనా ప్రెసిడెంట్‌ జిన్‌పింగ్‌ భేటీ, బాండ్లపై రాబడులు (ఈల్డ్స్‌), పశ్చిమాసియా ఉద్రిక్తతలు, అంతర్జాతీయ క్రూడాయిల్‌ ధరల కదలికలు సెంటిమెంట్‌ను శాసించనున్నాయి. యూఎస్‌ లేబర్‌ మార్కెట్‌ డేటా ఇదే వారంలో విడుదల కానున్నాయి. నేషనల్‌ స్టాక్‌ ఎక్సే్చంజ్‌ (ఎన్‌ఎస్‌ఈ) సహా ఆరు కంపెనీల షేర్లు ఈ వారం ఎక్సే్ఛంజీల్లో అరంగేట్రం చేయనున్నాయి. విదేశీ ఇన్వెస్టర్ల క్రయవిక్రయాలు కూడా కీలకం కానున్నాయి. ‘రష్యా నుంచి ఇంధనం కొనే దేశాలపై 100% వరకు టారిఫ్‌లు విధించేలా అమెరికా తెచి్చన కొత్త చట్టం భారత్‌కు వాణిజ్య పరంగా కొత్త సవాలుగా మారింది. క్రూడ్‌ ధరలు, బాండ్‌ ఈల్డ్స్, భౌగోళిక–రాజకీయ పరిణామాలే ఈ వారం మార్కెట్లకు దారి చూపుతాయి’ అని ఎన్‌రిచ్‌ మనీ సీఈవో ఆనంద్‌ పొన్ముడి తెలిపారు. భారత్‌కు అమెరికా ‘ఆంక్షల’ ముప్పు రష్యా ఇంధన రంగాన్ని లక్ష్యంగా చేసుకుని అమెరికా తెస్తున్న కొత్త ఆంక్షల చట్టం భారత్‌కు సవాలుగా మారింది. రష్యా నుంచి చమురు కొనే దేశాలపై 100% వరకు టారిఫ్‌లు విధించే అధికారాన్ని ఈ చట్టం డొనాల్డ్‌ ట్రంప్‌కు కల్పిస్తుంది. రష్యా ఇంధనానికి ప్రధాన కొనుగోలుదారుగా ఉన్న భారత్‌.. ఈ దిగుమతులు తగ్గించుకోవాల్సి వస్తే దేశీ ఇంధన వ్యయాలు పెరిగి కరెంట్‌ ఖాతా లోటు (క్యాడ్‌) తీవ్రమవుతుంది. ఇది రూపాయి క్షీణతకు, ద్రవ్యోల్బణానికి దారితీసి స్టాక్‌ మార్కెట్లపై తీవ్ర ఒత్తిడి పెంచుతుంది. పలితంగా ఇండియన్‌ ఆయిల్, రిలయన్స్‌ వంటి రిఫైనరీలతో పాటు పెయింట్స్, ఏవియేషన్, టైర్లు, లాజిస్టిక్స్‌ రంగాలు దెబ్బతినే ప్రమాదముంది. భయపెడుతున్న బాండ్‌ ఈల్డ్స్‌ గత వారంలో యూఎస్‌ ఫెడ్‌ వడ్డీ రేట్లను 3.75–4%కి, బ్యాంక్‌ ఆఫ్‌ జపాన్‌ 1.25 శాతానికి పెంచాయి. ఈ రేట్ల పెంపుతో అమెరికా పదేళ్ల బాండ్‌ రాబడులు (ఈల్డ్స్‌) మళ్లీ 5 శాతానికి చేరుకున్నాయి. దీంతో డాలర్‌ బలపడి, గ్లోబల్‌ మార్కెట్లలో ద్రవ్య లభ్యత (లిక్విడిటీ) తగ్గుతోంది. ఇది రూపాయి క్షీణతకు, ఎఫ్‌ఐఐ నిధుల ఉపసంహరణకు దారితీస్తోంది.వంద డాలర్ల ఎగువనే క్రూడ్‌ ధరలు అంతర్జాతీయ మార్కెట్లో చమురు ధరలు తీవ్ర హెచ్చుతగ్గుల మధ్య ఇప్పటికీ బ్యారెల్‌కు 100 డాలర్ల ఎగువనే కొనసాగుతున్నాయి. భారత్‌కు అధికంగా దిగుమతయ్యే బ్యారెల్‌ బ్రెంట్‌ క్రూడాయిల్‌ ధర 103.87 వద్ద స్థిరపడింది.ఆరు లిస్టింగులు, ఆరు ఐపీఓ ప్రభావం ఈ వారం ప్రాథమిక మార్కెట్లో ఏకంగా ఆరు ఐపీఓలు, ఆరు లిస్టింగ్‌లతో సందడి వాతావరణం నెలకొనుంది. వీటిలో ప్రధానంగా రూ.22,562 కోట్ల ఎన్‌ఎస్‌ఈ ఆఫర్‌ సోమవారంతో ముగిసి, గురువారం బీఎస్‌ఈలో లిస్ట్‌ కానుంది. ఈ మెగా ఇష్యూతో పాటు మిగిలిన అయిదు ఐపీఓల వల్ల ప్రాథమిక మార్కెట్లోకి భారీగా నిధులు తరలిపోతున్నాయి. దీనివల్ల నగదు ద్రవ్యలభ్యత (లిక్విడిటీ) తగ్గడం సెకండరీ మార్కెట్‌పై తాత్కాలిక ప్రభావం చూపవచ్చు.సాంకేతిక అంశాలు ఈ వారంలో నిఫ్టీకి 23,000–23,100 స్థాయి అత్యంత కీలకమైన మద్దతు (సపోర్ట్‌) శ్రేణిగా ఉంది. గత ఆరు వారాలుగా పతనమవుతున్న మార్కెట్‌.. మళ్లీ పుంజుకుంటుందా..? లేక మరింత క్షీణతను చవిచూస్తుందా? అనేది నిఫ్టీ 23,000 స్థాయి వద్ద నిలదొక్కుకోవడంపైనే ఆధారపడి ఉంటుంది. ఒకవేళ నిఫ్టీ 22,950 స్థాయి కంటే దిగువకు పడిపోతే 22,400–22,600 స్థాయిల వరకు పతనమయ్యే అవకాశముంది. ఒకవేళ మార్కెట్‌ కోలుకుంటే ఎగువన నిఫ్టీకి 23,500–23,800 వద్ద తక్షణ నిరోధం (రెసిస్టెన్స్‌) ఎదురుకావచ్చు.ఆరో వారమూ నష్టాల పరంపర దేశీయ ఈక్విటీ మార్కెట్లను నష్టాల పరంపర వీడటం లేదు. క్రూడ్‌ సెగ, బాండ్‌ ఈల్డ్స్‌ పెరుగుదల ప్రభావంతో వరుసగా ఆరో వారమూ సూచీలు నష్టాల్లోనే ముగిశాయి. గత వారంలో సెన్సెక్స్‌ 428 పాయింట్లు , నిఫ్టీ 53 పాయింట్లు చొప్పున పడ్డాయి.

ప్రపంచవ్యాప్తంగా ఎన్ని వేల మంది ఆడినా... ఒక ఆటలో ఒలింపిక్‌ విజేత మాత్రం ఒక్కరే. విశ్వక్రీడా యవనికపై మెరిసేదీ ఆ ఒక్కరే. ప్రపంచవ్యాప్తంగా ఔత్సాహికులకు స్ఫూర్తినిచ్చేదీ ఆ ఒక్కరే. మరి వేల మంది పరాజితుల సంగతో..? అదెవరికీ పట్టదు. ఇది తప్పేమీ కాదు. ఎందుకంటే విజేతల నుంచి స్ఫూర్తి పొంది వారిని అనుసరించిన వారు ఆ క్రీడలో ఎక్కడో ఒకచోట స్థిరపడతారు. నిజ జీవితంలోనూ ఇది మంచిదే!!. కానీ పెట్టుబడులతో ముడిపడ్డ స్టాక్‌ మార్కెట్లలోనో...? స్టాక్‌ మార్కెట్లలోనూ గుర్తింపు విజేతలకే. ఎందుకంటే రెండేళ్లలో 5 రెట్లు పెరిగిన షేరు కొన్ని లక్షల మంది ఇన్వెస్టర్లను ఆకర్షిస్తుంది. కానీ అదే రెండేళ్లలో 90 శాతం పతనమైన షేరును పట్టించుకోరెవరూ!. కానీ ఇవి రెండూ షేర్లే. రెండింటి నుంచీ నేర్చుకోవాల్సింది చాలా ఉంది. భారీ ర్యాలీ తరువాత ఇన్వెస్ట్‌చేసినా ఇబ్బందే. బాగా పడిపోయింది కదా అని కొన్నా ఇబ్బందే. ఇదంతా ఎందుకంటే... చిన్న షేర్లలో రాబడులు ఇన్వెస్టర్లను ఊరిస్తుంటాయి. ఆకర్షిస్తాయి. కానీ అదే స్మాల్‌క్యాప్‌ షేర్లలో తట్టుకోలేనంత రిస్కులూ ఉంటాయి. కాకపోతే అవి బయటకు కనిపించవు. భారతీయ స్టాక్‌ మార్కెట్లలో ఇపుడు స్మాల్‌క్యాప్‌ ఫీవర్‌ తారస్థాయిలో ఉంది. ఈ నేపథ్యంలో ఇన్వెస్టర్లకు రాబడులతో పాటు రిస్కులూ తెలియజేసేదే ఈ ‘సాక్షి వెల్త్‌’ స్టోరీ...మన మార్కెట్లలో ఎప్పుడూ ఒక ప్రత్యేకమైన ధోరణి కనిపిస్తూ ఉంటుంది. స్మాల్‌క్యాప్‌ షేర్లు పెరగటం మొదలైనపుడు ఇన్వెస్టర్లు చూసేది ఆ ర్యాలీ ఒక్కటే కాదు. ఆ ర్యాలీలో మల్టీబ్యాగర్లుగా మారే అవకాశమున్న షేర్లకోసం వేటాడతారు. అదే సమయంలో ఒక షేరు రెట్టింపవుతుంది. మరో షేరు 3 రెట్లు పెరుగుతుంది. కొన్ని వాట్సాప్‌ గ్రూపుల్లో 5 రెట్లు... 10 రెట్లు పెరిగిన షేర్లంటూ కొన్నింటి గురించి సర్క్యులేషన్‌ మొదలవుతుంది. స్మాల్‌క్యాప్‌ ఫండ్లు అకస్మాత్తుగా ఆకర్షణీయంగా మారిపోతాయి. సిప్‌ (సిస్టమాటిక్‌ ఇన్వెస్ట్‌మెంట్‌ ప్లాన్‌) రిజి్రస్టేషన్లు పెరుగుతాయి. అప్పటిదాకా ఏడాదికి 12–15% రాబడి వస్తే అద్భుతమని భావించిన ఇన్వెస్టర్లు కూడా... మిగతావాళ్లకు ఏడాదిలోనే రూ.లక్షకు రూ.5 లక్షలు వచ్చినపుడు తామెందుకు అంత తక్కువ రాబడితో సంతృప్తి పొందాలని భావిస్తారు. అదిగో... రిస్కు మొదలయ్యేది అక్కడే. నిజానికి స్మాల్‌క్యాప్‌ షేర్లు సంపద సృష్టికి పనికిరావా అంటే... కచ్చితంగా పనికొస్తాయి. ఎందుకంటే దేశంలో అద్భుతమైన సంపద సృష్టించిన భారీ కంపెనీలు చాలావరకూ ఒకనాడు స్మాల్‌క్యాప్‌గా అడుగుపెట్టినవే. కాకపోతే ఏడాదిలో 300% పెరిగిన కంపెనీలున్నపుడు అదే ఏడాదిలో 70–80–90% పడిపోయిన షేర్లూ ఉంటాయని గుర్తించకపోవటం. ఎందుకంటే స్టాక్‌మార్కెట్ల చరిత్రలో ఇలాంటి ఉదంతాలు కోకొల్లలు. మొదట స్టోరీ... ఆ వెంటే ధనప్రవాహం స్మాల్‌క్యాప్‌ షేర్ల చక్రభ్రమణం తరచూ ఒకేలా ఉంటుంది. మొదట ఆర్థిక వ్యవస్థ మెరుగుపడటమో... లేకపోతే ఈ రంగం మెరుగుపడటమో జరుగుతుంది. కంపెనీల ఆదాయం పెరుగుతుంది. కొన్నిషేర్లు రాణిస్తాయి. దాన్ని మొదట సంస్థాగత ఇన్వెస్టర్లు గుర్తిస్తారు. వారి కొనుగోళ్లతో ఆ షేర్లు రివ్వుమంటాయి. ఇక ఇన్‌ఫ్లుయెన్సర్లు, మీడియా కథనాలు మొదలవుతాయి. రిటైలర్లు ప్రవేశిస్తారు. అప్పటికే అది 2–3 రెట్లు పెరిగిందనుకోండి. ‘ఇంక ఆ తరవాత ఎంత పెరుగుతుంది?’ ఈ ప్రశ్నకు జవాబు కష్టం. ఎందుకంటే అప్పటికే ఈజీ ర్యాలీ కాలం ముగుస్తుంది మరి!!. 2016–17 ర్యాలీలో ఈ ధోరణి స్పష్టంగా కనిపించింది. 2014 జనవరి–2017 డిసెంబరు మధ్య బీఎస్‌ఈ స్మాల్‌క్యాప్‌ సూచీ ఏకంగా 193% పెరిగింది. అప్పటినుంచి తిరుగుటపా మొదలైంది. 6 నెలలు గడిచేసరికి స్మాల్‌క్యాప్‌ సూచీ 15% నష్టపోయింది. సూచీలోని 67 షేర్లు సగానికన్నా ఎక్కువ పడిపోగా... చాలా షేర్లు 70–90% నష్టపోయాయి. దీనర్థం స్మాల్‌క్యాప్‌ షేర్లు చెడ్డవని కాదు. వాటి విలువ, లిక్విడిటీ, వ్యాపార నాణ్యతే ప్రతికూల పరిస్థితుల్లో వాటిని కాపాడతాయని. అవన్నీ చూశాకే ఇన్వెస్ట్‌ చేయాలని.ఇవిగో కొన్ని ఉదాహరణలు... వక్రంగీ: 207 శాతం లాభం... 92 శాతం నష్టం ఇన్వెస్టర్లు గుర్తుంచుకోవాల్సిందంటే పెరుగుదల... తగ్గుదల ఒకటికాదు. ఎందుకంటే 100 శాతం పెరిగిన షేరు 50 శాతం పడిందంటే చాలు. ఆ పెరుగుదల కరిగిపోయినట్టే. ఫైనాన్షియల్‌ సేవల ఏజెన్సీ వక్రంగీ... 2017లో 207 శాతం పెరిగింది. 2018 జనవర్లో ఏకంగా రూ.515 దగ్గర ఆల్‌టైమ్‌ గరిష్ఠ ధరకు చేరింది. అక్కడ స్టోరీ మారింది. కంపెనీ వాస్తవాలు చెప్పటం లేదని, కార్పొరేట్‌ గవర్నెన్స్‌ లేదని ఆందోళనలు రేగాయి. షేరులో ఊగిసలాట మొదలైంది. జనవరిలో భారీగా పడి... అంతకన్నా వేగంగా పెరిగింది కూడా. కానీ 2018 చివరికల్లా 92 శాతం పడిపోయి రూ.50 కన్నా దిగువకొచ్చేసింది. ఇక్కడ గమనించాల్సిందొకటే. → రూ.500 దగ్గర అది ఖరీదైన షేరే... కానీ పెరుగుతోంది కనక ఆకర్షణీయం. → రూ.300 దగ్గర... మంచి బేరమే కాబట్టి కొనొచ్చని అనుకున్నారు చాలామంది. → రూ.150 దగ్గర... పడాల్సిన దానికన్నా ఎక్కువ పడిపోయిందనుకున్నారు. → రూ.50 దగ్గర... స్టోరీ మారింది. ఇక దీనివంక చూడటం అనవసరం అనుకున్నారు. పడింది 92 శాతం. కానీ అది మళ్లీ పూర్వస్థాయికి రావాలంటే దాదాపు 900 శాతం పెరగాలి!!. అది సాధ్యమా? పూర్తిగా రికవరీ అయ్యేదాకా ఆ షేరును హోల్డ్‌ చేయటం కరెక్టా..? ఇపుడైతే వక్రంగీ ఏకంగా రూ.5 దగ్గర ఉందనుకోండి. అది వేరే విషయం. పీజీ జ్యుయల్లర్స్‌: 90 శాతం పడ్డా... స్టోరీ ఇంకా ఉంది ఇదో భిన్నమైన కథ. 2018 జనవరిలో ఈ షేరు ధర ఏకంగా రూ.587 వద్ద ఆల్‌టైమ్‌ గరిష్ఠానికి చేరింది. తరవాత నాటకీయంగా పడిపోయి 2019 ఆగస్టు నాటికి రూ.27కు చేరింది. అంటే గరిష్ఠ స్థాయి వద్ద రూ.లక్ష ఇన్వెస్ట్‌ చేస్తే ఏడాదిన్నర గడిచాక మిగిలింది రూ.4,600. ప్రమోటర్ల లావాదేవీలు... ఈ కంపెనీకి వక్రంగీతో ఉన్న అనుబంధం, పెరిగిన అప్పులు ఇవన్నీ కలిసి పీసీ జ్యుయలర్స్‌ను పడేశాయి. అది దీర్ఘకాలం ఆర్థిక సంక్షోభాన్ని ఎదుర్కోవాల్సి వచ్చింది. అలాగని పీసీ జ్యుయలర్స్‌ కథ అక్కడితో ముగిసిపోలేదు. రుణాల పునర్వ్యవస్థీకరణ చేపట్టింది. మూలధనాన్ని సమీకరించింది. బ్యాలెన్స్‌ షీట్, కార్యకలాపాలు... అన్నీ మారాయి. 2025 నాటికి షేరు చెప్పుకోదగ్గ స్థాయిలో రికవరీ అయింది. దీన్నుంచి నేర్చుకోవాల్సింది ఒక్కటే. → పడిపోయింది కదా అని ప్రతి షేరూ కొనటం కరెక్టు కాదు. → 90 శాతం పడ్డ షేరు... అక్కడి నుంచి మరో సగం పడదనే గ్యారంటీ లేదు. → 90 శాతం పడ్డాక ఆ కంపెనీ వ్యాపారం, పనితీరు మారితే తప్ప రికవరీ కష్టం. అందుకే 90 శాతం పడిపోయింది కదా... ఇంకేం పడుతుందిలే అని ఇన్వెస్ట్‌ చేయటం సరైన వ్యూహం కాదు. మన్‌పసంద్‌ బేవరేజెస్‌.. అంతర్గత సమస్య అప్పట్లో ఇది హాట్‌ ఫేవరెట్‌. 2017 సెపె్టంబర్లో దీని ధర రూ.512. అదిగో... అప్పుడు మొదలయ్యాయి హెచ్చరికలు. మొదట ఆడిటర్లు తప్పుకున్నారు. తరువాత కంపెనీపై పన్ను అధికారులు చర్యలకు దిగారు. కంపెనీ ఆర్థిక ఫలితాలపై స్క్రూటినీ మొదలైంది. షేరు పతనం మొదలైంది. 2018 జూలైకల్లా రూ.100 దిగువకొచ్చేసింది. మరో ఏడాది గడిచేసరికి రూ.10 కన్నా తక్కువకొచ్చేసింది. చివరకు ట్రేడింగ్‌ నిలిచిపోయింది. దీన్నుంచి గమనించాల్సిందేంటంటే... →సంఖ్యల్లో వృద్ధిని చూస్తే సరిపోదు. అ సంఖ్యలు కరెక్టో కాదో కూడా తెలుసుకోవాలి. డీహెచ్‌ఎఫ్‌ఎల్‌: షేరు విలువ జీరో అయిపోవచ్చు ఒక షేరు 20 శాతం పడొచ్చు. 50 శాతం పడొచ్చు. 90 శాతం కూడా పడొచ్చు. కానీ విలువ పూర్తిగా అంతర్థానమవటం అనేది డీహెచ్‌ఎఫ్‌ఎల్‌ను చూసి తెలుసుకోవాలి. నిజానికి దీవాన్‌ హౌసింగ్‌ ఫైనాన్స్‌ అనేది దేశవ్యాప్తంగా తెలిసిన ఆర్థిక సేవల దిగ్గజం. అయితే లిక్విడిటీ లేదని, మొండి బాకీలు పెరిగాయని ఆందోళనలు రేగటంతో 2018 సెపె్టంబర్లో డీహెచ్‌ఎఫ్‌ఎల్‌ షేరు ఒకేరోజు ఏకంగా 60 శాతం పడింది. తరవాత సంస్థ దివాలా పిటిషన్‌ వేసింది. 2021 పిరమల్‌ క్యాపిటల్‌ సంస్థ దాఖలు చేసిన పరిష్కార ప్రణాళికను ఎన్‌సీఎల్‌టీ ఆమోదించింది. దీనిప్రకారం సంస్థ ఈక్విటీ షేరుహోల్డర్ల వాటా విలువ జీరో అయిపోయింది. ట్రేడింగ్‌ నిలిచిపోయింది. బ్రైట్‌కామ్‌ గ్రూప్‌: అమ్మటమే అసాధ్యమైతే... కార్పొరేట్‌ గవర్నెన్స్‌ ఆందోళనలు చెరిగిపోలేదనటానికి తాజా సాక్ష్యం బ్రైట్‌కామ్‌ గ్రూప్‌. భారీ గా పెరిగి... దారుణంగా పతనమైన ఈ కంపెనీపై సెబీ చర్యలకూ దిగింది. రెండు త్రైమాసికాలు వరసగా ఆర్థిక ఫలితాలు ప్రకటించకపోవటంతో... ఈ కంపెనీ షేరు క్రయవిక్రయాలను నిలిపేస్తున్నట్లు 2024 జూన్‌లో ఎక్సే్ఛంజీలు ప్రకటించాయి. అంటే... షేరు పడటమే కాదు. కొన్నిసార్లు క్రయవిక్రయాలూ చేయలేం. చేతిలో షేర్లున్నా అమ్ముకోలేం. అదీ కథ.అదిరిపోయే అద్భుతాలూ ఉన్నాయ్‌... ఇన్వెస్టర్ల చేతులు కాల్చినవే కాదు. వారికి అద్భుతమైన లాభాలిచ్చి సంపద సృష్టించిన షేర్లు చాలా ఉన్నాయి. ఎందుకంటే స్మాల్‌క్యాప్‌ షేర్లు ఊహించని సంపద సృష్టిస్తాయి. 2024 నాటి ర్యాలీనే తీసుకుందాం. బీఎస్‌ఈ స్మాల్‌క్యాప్‌ సూచీలోని పలు షేర్లు మల్టీ బ్యాగర్లుగా మారాయి. జై బాలాజీ ఇండస్ట్రీస్‌ 20 రెట్లు పెరిగింది. వారీ రెన్యువబుల్‌ టెక్నాలజీస్‌ 9 రెట్లు పెరిగింది. జీఈ వెర్నోవా టీ అండ్‌ డీ, ఆరియన్‌ ప్రో సొల్యూషన్స్, ఫోర్స్‌ మోటార్స్, ట్రాన్స్‌ఫార్మర్స్‌ అండ్‌ రెక్టిఫయర్స్, కేపీఐ గ్రీన్‌ ఎనర్జీ, ఐనాక్స్‌ విండ్, సుజ్లాన్‌ ఎనర్జీ, హెచ్‌బీఎల్‌ పవర్‌ సిస్టమ్స్‌ వంటివి గణనీయమైన లాభాలనిచ్చాయి. మొత్తంగా చూస్తే 2024 ఆర్థిక సంవత్సరంలో బీఎస్‌ఈ స్మాల్‌ క్యాప్‌ సూచీలో 252 షేర్లు మల్టీబ్యాగర్లుగా మారాయి. వారీ రెన్యువబుల్స్‌: ఏడాదిలోనే 15 రెట్లు! సౌర విద్యుత్‌ రంగం సృష్టించిన మల్టీబ్యాగర్‌ ఈ కంపెనీ. ఎందుకంటే 2014 ఏప్రిల్‌ నాటికి ఈ షేరు ఒక ఏడాదిలోనే ఏకంగా 1,501 శాతం పెరిగి రికార్డు సృష్టించింది. ఒక స్మాల్‌క్యాప్‌ షేరు ఏ స్థాయిలో సంపద సృష్టించగలదో చూపించింది. కాకపోతే ఆ సమయంలో దీన్ని చూసి ఇన్వెస్ట్‌ చేయటం ప్రమాదకరమే. ఎందుకంటే 15 రెట్లు పెరిగాక అది ఏ స్థాయలో పెరిగిందో తెలుస్తుంది తప్ప... భవిష్యత్తులో ఏ స్థాయిలో పెరుగుతుందో తెలియదు. ఎందుకంటే స్టాక్‌ మార్కెట్లలో గత రికార్డులేవీ భవిష్యత్తుకు సూచనలు కావు. ఇన్వెస్టర్లు గమనించాల్సింది ఇదే. ఇన్వెస్టర్లూ... ఇవి గుర్తుంచుకోండి → ‘నా పోర్టుఫోలియోలో 80కి పైగా షేర్లున్నాయి. ఇందులో చాలా రంగాలున్నాయి కనక రిస్కు తక్కువ’ అని ఎవరైనా అంటే అది కరెక్టు అనుకోవద్దు. ఎందుకంటే చాలా రంగాలు అర్థిక చక్రంతో ముడిపడి ఉంటాయి. ఉదాహరణకు క్యాపిటల్‌ గూడ్స్, డిఫెన్స్, రైల్వే, ఇన్‌ఫ్రా, రెన్యువబుల్‌ ఎనర్జీ వంటి రంగాలకు చెందిన షేర్లు ఎన్ని ఉన్నా... కొన్ని ప్రత్యేక పరిస్థితులకు ఈ రంగాలన్నీ కామన్‌గా ప్రభావితమయ్యేవే. → ‘సిప్‌’ ఇన్వెస్ట్‌మెంట్లను ఎట్టి పరిస్థితుల్లోనూ మార్కెట్లు పడ్డపుడు నిలిపేయొద్దు. ఎందుకంటే ఆ సమయంలోనే యూనిట్లు తక్కువ ధరకు దొరుకుతాయి. అప్పుడు చేసిన ఇన్వెస్ట్‌మెంట్ల వల్లే రికవరీ వేగం పెరిగి... రాబడులూ మెరుగవుతాయి. సిప్‌ నిలిపివేసి మళ్లీ పెరిగేటపుడు మొదలుపెడితే... లాభాలు చూడటం కష్టం. → ‘ఏ స్మాల్‌క్యాప్‌ 10 రెట్లు పెరుగుతుంది?’ అని చూడొద్దు. దానిబదులు తాము ఇన్వెస్ట్‌ చేసే కంపెనీకి ఎలాంటి రిస్క్ లున్నాయో చూడాలి. స్మాల్‌క్యాప్‌ షేర్లు కొనే ముందు వాటి రుణాలు... క్యాష్‌ఫ్లో... ప్రమోటర్ల తనఖా పరిస్థితి... ఆడిటర్ల నాణ్యత... రావాల్సిన బకాయిలు... సంబంధిత పక్షాల లావాదేవీలు... ప్రమోటర్ల వాటా ఎంత?.. అప్పులేంటి?... వాల్యుయేషన్‌ సరైనదేనా..? అనేవి చూడాలి. → మంచి షేర్లలో ఇన్వెస్ట్‌ చేస్తే అవే మల్టీ బ్యాగర్లు కావచ్చు. అంతేతప్ప మల్టీబ్యాగర్లను ఎంచుకుని, వాటికోసం ఇన్వెస్ట్‌ చేయటం సరికాదు.లిక్విడిటీ.... కనిపించని రిస్కు లార్జ్‌క్యాప్‌ షేర్లకు, స్మాల్‌క్యాప్‌ షేర్లకు ప్రధానమైన తేడా ఒకటుంది. అదే... లిక్విడిటీ. ఉదాహరణకు లార్జ్‌క్యాప్‌ షేరు ఏదో కారణంతో 10 శాతం పడిందనుకోండి. అయినా సరే దాన్ని కొనటానికి, అమ్మటానికి వేలమంది ఉంటారు. అదే స్మాల్‌క్యాప్‌ షేరైతే కథ వేరే ఉంటుంది. ఎక్కువ మంది కొనాలనుకునేటపుడు అది అప్పర్‌ సర్క్యూట్‌ను తాకి లాక వుతుంది. షేరు పెరుగుతుంటుంది తప్ప కొనాలంటే కావలసినన్ని షేర్లు దొరకవు. అదే పడ్డప్పుడైతే ఎక్కువ మంది విక్రయించడానికి ఉంటారు తప్ప కొనేవారెవరూ ఉండరు. డౌన్‌ సర్క్యూట్లో లాకవు తూ ఉంటుంది. షేరు పడుతూ ఉంటుంది త ప్ప విక్ర యించడం కష్టం. ఇది కేవలం స్మాల్‌క్యాప్‌ షేర్ల కే పరిమితమయిన ప్రమాదం. కనిపించని రిస్క్ . మ్యూచువల్‌ ఫండ్లకూ ఈ రిస్క్ ఉంటుంది... స్మాల్‌క్యాప్‌ మ్యూచువల్‌ ఫండ్లు రకరకాల కంపెనీల్లో ఇన్వెస్ట్‌ చేస్తాయి కనక రిస్క్ ను తగ్గించుకున్నట్టు కనిపిస్తాయి. కానీ ఒక కంపెనీ షేరు పడుతున్నపుడు బయటపడటం వాటిక్కూడా కష్టమే. సాధారణ ఇన్వెస్టర్లయితే తక్కువ షేర్లుంటాయి కనక ఏదో ధర దగ్గర బయటపడొచ్చు. ఫండ్లు బయటపడం అంత తేలికకాదు. పైపెచ్చు స్మాల్‌క్యాప్‌ ఫండ్లలో ఇన్వెస్ట్‌చేసేవారు పెరిగినపుడు ఆ నిధుల్ని తప్పనిసరిగా ఇన్వెస్ట్‌ చేయటం ఫండ్‌ మేనేజర్ల బాధ్యత. అలాగే మార్కెట్లు పడుతున్నపుడు ఇన్వెస్టర్లు కనక రిడీమ్‌ చేసుకుంటే కొన్ని షేర్లు విక్రయించయినా వారికి చెల్లించక తప్పదు. ఈ రెండు సందర్భాల్లోనూ వారు పెరిగిన ధర దగ్గర సైతం కొనటమో... లేక అసవరం లేకున్నా విక్రయించటమో చేయక తప్పదు. దీన్నిబట్టి అర్థం చేసుకోవాల్సింది ఒకటే. డైవర్సిఫైడ్‌ స్మాల్‌క్యాప్‌ ఫండ్‌ అన్నంత మాత్రాన రిస్కు తక్కువనుకోవద్దు. ఇన్వెస్టర్లు చేయాల్సిందేంటి? మరి ఇన్వెస్టర్లు చేయాల్సిందేంటి? స్మాల్‌క్యాప్‌ షేర్లు కొనాలా... వద్దా? నిజానికి స్మాల్‌క్యాప్‌ షేర్లు కొనటమేమీ తప్పు కాదు. కానీ వేరెవరో కొన్నాక 5 రెట్లు పెరిగింది కాబట్టి మనమూ కొనాలనుకోవటం తప్పు. ఎందుకంటే 5రెట్లు పెరిగిందన్న వాట్సాప్‌ స్క్రీన్‌షాట్‌ మన దగ్గరకు వచ్చేసరికి స్టోరీ మారిపోయి ఉండొచ్చు. అప్పుడు కొనటం అంటే... గత చరిత్ర చూసి కొనటమే. చరిత్ర కాకుండా వ్యాపార నాణ్యత చూసి కొంటే అద్భుతాలకూ అవకాశం ఉంటుంది. రమణమూర్తి మంథా

గూడూరు రూరల్‌: విద్యుత్‌ ట్రాన్స్‌ఫార్మర్‌లోని రాగి తీగలు, ఇతర వస్తువులను అపహరించేందుకు యత్నిస్తుండగా విద్యుదాఘాతానికి గురై తండ్రి, కుమారుడు మృతి చెందారు. ఈ ఘటన శ్రీపొట్టి శ్రీరాములు నెల్లూ­రు జిల్లా గూడూరు రూరల్‌లోని రామలింగాపురం సమీపంలో పొలా­ల వద్ద జరిగింది. గూడూ­రులోని మాళవ్యానగర్‌లో ఉంటున్న కల­పాటి వెంకటేష్‌ (34) కరెంట్‌ పనులు చేస్తుంటారు.ఈయన రెండో భార్య కుమారుడైన కిశోర్‌ (13) నాయుడుపేట గురుకుల పాఠశాలలో ఎనిమిదో తరగతి చదువుతున్నాడు. వీరిద్దరూ ట్రాన్స్‌ఫార్మర్‌ వద్ద మృతి చెంది ఉండటాన్ని స్థానికులు ఆదివారం గుర్తించి పోలీసులకు సమాచారమిచ్చారు. విద్యుత్‌ శాఖ అధికారులు, పోలీసులు విచారణ జరిపి రాగి వైరు చోరీ చేస్తుండగా ప్రమాదం జరిగినట్లు గుర్తించారు.

పెదగంట్యాడ(విశాఖ): ఉపాధి కోసం మలేషి­యా వెళ్లి ఏజెంట్ల చేతిలో మోసపోయి ఆత్మహత్యకుసైతం సిద్ధపడిన దంపతులకు ఎట్టకేలకు విముక్తి లభించింది. వారు సురక్షితంగా భారత్‌ చేరుకున్నారు. రాజమహేంద్రవరంలోని నారాయణపురానికి చెందిన వెంకట రమణ, పూజిత దంపతులకు ఆరు నెలలు, ఏడాదిన్నర వయసున్న ఇద్దరు చిన్నారులు ఉన్నారు. చిన్న కుమార్తె అనారోగ్యానికి చికిత్స చేయించేందుకు, అందుకుగాను చేసిన అప్పుల నుంచి గట్టెక్కేందుకు ఉపాధి కోసం ప్రయత్నించారు. ఇందులో భాగంగా పెదగంట్యాడ మండలం సమతానగర్‌లోని శ్రీరామచంద్ర టెస్టింగ్‌ ట్రైనింగ్‌ ఇన్‌స్టిట్యూట్‌కు చెందిన రామచంద్ర, నిర్మల అనే ఏజెంట్లను సంప్రదించారు. ఆ ఇద్దరు ఏజెంట్లు వీరి నుంచి రూ.4.50 లక్షలు తీసుకుని భారీ జీతాలు ఇప్పిస్తామంటూ గత మే 10న చెన్నై నుంచి మలేషియాలోని ఓ క్లీనింగ్‌ కంపెనీలో నిర్వహణ పనుల కోసం పంపించారు. పిల్లలను ఇక్కడే వదిలి వెళ్లిన దంపతులను అక్కడ ఏజెంట్లు జీతం ఇవ్వకుండా నరకయాతనకు గురిచేశారు. పాస్‌పోర్టులు లాక్కొన్నారు. ‘బాధలు భరించలేక ఆత్మహత్య చేసుకోవాలనిపిస్తోంది.మా పిల్లల భవిష్యత్తు గుర్తొచ్చి ఆగిపోయాం’ అంటూ వారు పేర్కొన్న సెల్ఫీ వీడియో వైరల్‌ కావడంతో నగర పోలీస్‌ కమిషనర్‌ డాక్టర్‌ శంఖబ్రత బాగ్చి స్పందించారు. సీపీ ఆదేశాల మేరకు బాధిత దంపతులను విశాఖ తీసుకురావడానికి న్యూపోర్టు సీఐ కామేశ్వరరావు తగిన చర్యలు తీసుకున్నారు. వారిని సురక్షితంగా కుటుంబ సభ్యులకు అప్పగించారు.

సాక్షి, విశాఖపట్నం: రెండు దశాబ్దాల పాటు భారత సముద్ర జలాలకు రక్షణ కవచంగా నిలిచిన ఇండియన్‌ కోస్ట్‌గార్డ్‌ షిప్‌ ఐసీజీఎస్‌ సావిత్రీబాయి ఫూలే సుదీర్ఘ ప్రస్థానం లాంఛనంగా ముగిసింది. కర్ణాటకలోని కార్వార్‌ పోర్టులో డీ–కమిషనింగ్‌ వేడుకలను కోస్ట్‌గార్డ్‌ దళాలు ఆదివారం ఘనంగా నిర్వహించాయి. ఈ కార్యక్రమంలో కమాండింగ్‌ ఆఫీసర్‌ గౌరవ్‌ శ్రీవాస్తవ జాతీయ జెండాను, కోస్ట్‌గార్డ్‌ పతాకాన్ని అవనతం చేసి డిప్యూటీ ఇన్‌స్పెక్టర్‌ జనరల్‌ (డీఐజీ) ప్రవీణ్‌కుమార్‌ మిశ్రాకు అందజేయడంతో ఈ నౌక సేవలకు అధికారికంగా ముగింపు పలికారు. 2006 నుంచి అలుపెరగని ప్రయాణం గోవా షిప్‌యార్డ్‌ ప్రతిష్టాత్మకంగా నిర్మించిన ఈ నౌక సరోజినీ నాయుడు క్లాస్‌ ఫాస్ట్‌ పెట్రోల్‌ వెసల్‌గా నిర్మితమైంది. 2006 అక్టోబర్‌ 28న ఇండియన్‌ కోస్ట్‌గార్డ్‌ అమ్ముల పొదిలో చేరింది. 270 టన్నుల బరువుతో, గరిష్టంగా 35 నాటికల్‌ మైళ్ల వేగంతో ప్రయాణించి శత్రువుల కదలికలను దీటుగా ఎదుర్కొనే సామర్థ్యాన్ని సొంతం చేసుకుంది. సరోజినీ నాయుడు క్లాస్‌ షిప్స్‌ కింద మొత్తం 9 షిప్స్‌ని నిర్మించగా.. ఇందులో ఏడింటికి స్వాతంత్య్ర సమరయోధులు, సామాజిక సంఘ సంస్కర్తల పేర్లని పెట్టారు. ఇందులో 235వ నంబర్‌తో తయారు చేసిన షిప్‌కు మహిళా సాధికారత, విద్యాభివృద్ధి కోసం అవిశ్రాంతంగా కృషి చేసిన 19వ శతాబ్దపు ప్రముఖ సామాజిక సంఘసంస్కర్త సావిత్రీబాయి ఫూలే సేవలకు గుర్తుగా కోస్ట్‌గార్డు అధికారులు ఈ నౌకకు ఆమె పేరును పెట్టారు. ఆ పేరుకు సార్థకత చేకూరుస్తూ గడచిన 20 ఏళ్లలో తీరప్రాంత భద్రతలో ఈ నౌక తనదైన ముద్ర వేసింది. విశాఖ కేంద్రంగా కొన్నాళ్లు, మంగళూరు కేంద్రంగా మరికొన్ని సంవత్సరాలు సేవలందించింది.14 ఆపరేషన్లలో సక్సెస్‌ మంగళూరు హోమ్‌పోర్టుగా ఉన్నప్పటికీ.. ఈ సరోజినీ నాయుడు క్లాస్‌ వెసల్‌ విశాఖపట్నం కేంద్రంగా కూడా విలక్షణమైన సేవలందించింది. ప్రత్యేక ఆరి్థక మండలి నిఘా, స్మగ్లింగ్‌ అరికట్టడం, మాదక ద్రవ్యాల రవాణాను గుర్తించడం వంటి కీలక మిషన్లలో తన ఆపరేషనల్‌æ నైపుణ్యాన్ని ప్రదర్శించి సముద్ర జలాల రక్షణలో సువర్ణ అధ్యాయాన్ని లిఖించింది. కేవలం భద్రతా విధులే కాకుండా విపత్కర వాతావరణ పరిస్థితుల్లో నడిసంద్రంలో ఆపదలో చిక్కుకున్న మత్స్యకారులు, వాణిజ్య నౌకల సిబ్బందికి సావిత్రీబాయి ఫూలే షిప్‌ ప్రాణదాతగా నిలిచింది. తన సర్వీసులో 14 కీలకమైన సెర్చ్‌ అండ్‌ రెస్క్యూ ఆపరేషన్లు, 4 మెడికల్‌ ఎవాక్యుయేషన్‌ మిషన్లను విజయవంతంగా పూర్తి చేసింది. ఆపదలో ఉన్న 71 మంది ప్రాణాలను రక్షించి తీరప్రాంత భద్రతా దళాల చరిత్రలో ఎనలేని కీర్తిని గడించిన ఫూలే షిప్‌ సేవల నుంచి ని్రష్కమించినట్టు కోస్ట్‌గార్డ్‌ వర్గాలు అధికారికంగా ప్రకటించాయి.

కొమ్మాది(విశాఖ): వినాయక నిమజ్జన వేడుకల్లో విషాదం చోటుచేసుకుంది. విశాఖపట్నం 8వ వార్డు ఎండాడ బీసీ కాలనీలోని యూత్‌ ఆధ్వర్యంలో ఆరు రోజుల పాటు నిర్వహించిన వినాయక చవితి వేడుకల అనంతరం శనివారం రాత్రి నిమజ్జన ఊరేగింపు చేపట్టారు. ఈ సందర్భంగా డీజే ఏర్పాటు చేయగా స్పీకర్లు ఒక్కసారిగా పెద్ద శబ్దంతో మోగాయి. అదే ప్రాంతానికి చెందిన రెడ్డిపిల్లి శంకర్రావు (62) శబ్దానికి ఉలిక్కిపడి అక్కడికక్కడే కుప్పకూలిపోయాడు. కుటుంబ సభ్యులు వెంటనే ఆస్పత్రికి తరలించగా, చికిత్స పొందుతూ మృతి చెందినట్లు వైద్యులు తెలిపారు. డీజే శబ్దం కారణంగానే ఘటన జరిగి ఉండొచ్చని కుటుంబ సభ్యు­లు అనుమానిస్తున్నారు. పీఎం పాలెం పోలీసులు ఘటనపై వివరాలు సేకరించారు.

తల్లి కేవలం జన్మనిచ్చే దేహం కాదు, అది ఒక పవిత్ర క్షేత్రం. తొమ్మిది నెలలు తన రక్తాన్ని పాలుగా మార్చి, మనిషికి ప్రాణం పోసిన మొదటి గురువు అమ్మ. సంస్కారం గర్భం నుండే మొదలవుతుంది. కాయను కాపాడే తొక్కలా, విత్తనాన్ని రక్షించే పొరలా అమ్మ ప్రేమ బిడ్డను నిరంతరం అంటిపెట్టుకుని ఉంటుంది. నేటి యాంత్రిక జీవనంలో వృద్ధాశ్రమాలు పెరుగుతున్నాయంటే, అది తల్లి ప్రేమను తూకం వేస్తున్న అజ్ఞానానికి నిదర్శనం. అమ్మ మన అస్తిత్వంఅమ్మ పాదాల చెంత ఉన్నంత ప్రశాంతత ఈ ప్రపంచంలో మరెక్కడా దొరకదు. కష్టకాలంలో అమ్మ ఇచ్చే ఒక ఓదార్పు మాట, వేల కోట్ల విలువైన ధైర్యాన్ని ఇస్తుంది. అమ్మను గౌరవించడం అంటే, మన అస్తిత్వాన్ని మనం గౌరవించుకోవడమే.అదృశ్య శ్రమకు చిహ్నం తండ్రితండ్రి భుజంపై కూర్చుంటేనే కదా పసివాడు ఈ లోకాన్ని చూడగలుగుతాడు! కన్నబిడ్డ భవిష్యత్తు కోసం తన కలలను, శ్రమను ధారపోసే అద్భుత శిల్పి నాన్న. నాన్న కన్నీళ్లు ఎవరికీ కనిపించవు, కానీ ఆయన పడే కష్టం ఇంటి పునాదిలా నిశ్శబ్దంగా ఉంటుంది. ఎండకు ఎండి, వానకు తడిసి మనకు నీడను ఇచ్చే ఇంటి కప్పులా తండ్రి శ్రమ అదృశ్యంగా ఉంటుంది. తండ్రి వేలు పట్టుకుని నడక నేర్చిన వ్యక్తి, పదిమందిలో తలెత్తుకుని బతకడమే ఆయనకు ఇచ్చే అసలైన కృతజ్ఞత. సంక్షోభ సమయాల్లో నాన్న చూపే స్థితప్రజ్ఞత, నేటి యువత నేర్చుకోవాల్సిన గొప్ప జీవన నైపుణ్యం. నాన్న మాట ఒక శాసనం కాదు, అది మన బాగుకోసం చేసే ఒక దిశానిర్దేశం.కృతజ్ఞతే అసలైన సంపదనేటి పోటీ ప్రపంచంలో కృతజ్ఞత)అనేది మానసిక ఆరోగ్యానికి పరమౌషధం. మన ఎదుగుదలలో తోడ్పడిన ఈ ముగ్గురిని నిత్యం స్మరించుకోవడం వల్ల అంతరంగాన అహంకారం నశించి, వినమ్రత పెరుగుతుంది. బావిలోని నీరు తోడేకొద్దీ ఊరుతుంది; కతజ్ఞత పెరిగేకొద్దీ వ్యక్తిత్వం వికసిస్తుంది. అపజయాలు ఎదురైనప్పుడు అమ్మ భరోసా, నాన్న ధైర్యం, గురువు మార్గదర్శకత్వం కన్నా గొప్ప అస్త్రాలు లోకంలో లేవు. వీరే మన మూలాలు, వీరే మన జీవన నిధులు. మూలాలు లేని సౌధం చిన్న గాలివానకే కుప్పకూలుతుంది; కానీ ఈ ‘త్రిదేవతల’ ఆశీస్సులున్న వ్యక్తి అజేయుడిగా నిలుస్తాడు.ఆచార్యదేవో భవ: జ్ఞాన నేత్రంతల్లిదండ్రులు జన్మనిస్తే, గురువు ఆ జన్మకు ఒక అర్థాన్ని, పరమార్థాన్ని ఇస్తాడు. అక్షర జ్ఞానం నుండి ఆత్మజ్ఞానం వరకు నడిపించే దివిటీ ఆచార్యుడు. గురువు లేని విద్య, చుక్కాని లేని నావ వంటిది. చీకటి గదిలో వెలుగునిచ్చే దీపంలా, అజ్ఞానపు పొరలను తొలగించి జ్ఞాననేత్రాన్ని తెరిపించే శిల్పి గురువు. నేడు గూగుల్‌లో సమాచారం దొరకవచ్చు, కానీ దాన్ని ఎలా వినియోగించాలో నేర్పే సంస్కారం గురువు వద్దే దొరుకుతుంది. విజ్ఞానానికి వివేకాన్ని జోడించి, వ్యక్తిత్వాన్ని పరిపూర్ణం చేసే శిల్పి గురువు. గురువును గౌరవించడం అంటే, విజ్ఞానాన్ని గౌరవించడమే.. – కె. భాస్కర్‌ గుప్తా, వ్యక్తిత్వ వికాస నిపుణులు.

అంపశయ్యపై ఉన్న భీష్ముడు విష్ణు సహస్ర నామాలను ఉపదేశిస్తున్నప్పుడు శ్రీ కృష్ణుడు, వ్యాసమహర్షి, పాండవులు శ్రద్ధగా విన్నారే కానీ ఎవరూ వ్రాసుకోలేదు. ఎంతో మహిమాన్వితమైన సహస్రనామాలను అందరికీ చేరేందుకు లిఖించబడాలి... కానీ ఇప్పుడు ఎలా? అని ధర్మరాజు జగన్నాటక సూత్రధారి అయిన శ్రీ కృష్ణ పరమాత్మను అడుగగా శ్రీకృష్ణుడు మాట్లాడుతూ పాండవుల్లో కనిష్టుడైన సహదేవుడు వల్లే సాధ్య అవుతుంది. అంతేకాకుండా వ్యాస మహర్షి లిఖిస్తే అందరికీ అందేలా గ్రంథస్థం చేయించవచ్చునని సమాధానమిచ్చాడు. అందుకు ధర్మరాజు అదెలా సాధ్యమనగా శ్రీకృష్ణుడు మాట్లాడుతూ మనందరిలో ఒక సహదేవుడు మాత్రమే సూతస్పటికం వేసుకున్నాడు. దానివల్లే సాధ్యమవుతుందన్నాడు.సూత స్ఫటికం అంటే.....వాతావరణంలో ప్రయాణించే శబ్ద తరంగాలను గ్రహించి తనలో నిల్వ చేసుకోగల ఒక అద్భుతమైన స్పటికం. హిందూ పురాణాల ప్రకారం సూతస్ఫటికాన్ని పరమేశ్వర స్వరూపంగా భావిస్తారు. నేటి ఆధునిక టేప్‌ రికార్డర్లా పనిచేస్తుంది. గాలిలో కలిసిపోయిన శబ్ద తరంగాలను రికార్డు చేసుకుని అవసరమైనప్పుడు మళ్ళీ వినిపించ గల శక్తి దీనికుంది.సాంకేతికంగా చెప్పాలంటే ప్రస్తుతం మనమందరం పిలుస్తున్న క్లౌడ్‌ స్టోరేజ్‌ లాంటిది.అంత మహిమాన్వితమైన సూతస్పటికాన్ని ధరించిన సహదేవుడు పరమేశ్వరుని ప్రార్థిస్తే స్పటికంలో నమోదుకాబడిన శబ్ద తరంగాలు వెనకకు వస్తాయని (రీప్లే)వాటిని వ్యాస మహర్షి తో వ్రాయించాలని శ్రీ కృష్ణుడు సలహా ఇవ్వడంతో సహదేవుడు పరమేశ్వరుని ప్రార్థించడం, వ్యాసమహర్షి విష్ణు సహస్రనామాలను లిఖించడంతో, అవి మనందరికీ గ్రంథస్వరూపంలో అందాయి. వాటినే మనం ప్రతిరోజు పఠనం చేసుకుంటున్నాము.ఇదంతా ఎలా తెలిసిందంటే... బహుశా... 1940లో అనుకుంటా... అప్పటి కంచి కామకోటి పీఠాధిపతి చంద్రశేఖర సరస్వతి స్వామీజీని ఇంటర్వ్యూ చేయడానికి ఒక వ్యక్తి టేప్‌ రికార్డుతో వచ్చాడు. ఆ సందర్భంగా స్వామీజీ అందరినీ ఉద్దేశించి మాట్లాడుతూ ప్రపంచంలో అతి పురాతన టేప్‌ రికార్డర్‌ ఏదని అడిగితే ఎవరినుండీ....ఏ మాత్రం సమాధానం రాలేదు. అప్పుడు స్వామీజీ మనకు విష్ణు సహస్రనామాలు ఎలా వచ్చాయి ?.... ఎలా లిఖించబడింది.... ఎవరు వ్రాసారు... అని ప్రశ్నించారు. మరలా మౌనమే సమాధానం కావడంతో స్వామీజీ పైన చెప్పుకున్న కథనంతా చెప్పారన్నమాట. – సి. ఎన్‌. మూర్తి, సీనియర్‌ పాత్రికేయులు

(నాగోజు సత్యనారాయణ) భవిష్యత్‌ అవసరాలకు తగ్గట్టుగా తెలంగాణ పోలీస్‌శాఖను సాంకేతికంగా బలోపేతం చేయడంపై ఫోకస్‌ పెట్టాం.. ప్రతి పోలీస్‌ స్టేషన్‌లో ప్రత్యేకంగా టెక్‌టీం ఏర్పాటు చేస్తున్నామని డీజీపీ సీవీ ఆనంద్‌ తెలిపారు. సాంకేతిక అంశాలపై అవగాహన పెంచేలా రాష్ట్రవ్యాప్తంగా త్వరలో శిక్షణ చేపట్టనున్నట్టు పేర్కొన్నారు. యువ ఐపీఎస్‌ అధికారులను కీలక అంశాల్లో భాగస్వాములను చేస్తా మని చెప్పారు. పోలీస్‌శాఖలో అవినీతి అధికారులపై పూర్తి నిఘా పెట్టామని, పోస్టింగ్‌లలోనూ వీలైనంత వరకు రాజకీయ జోక్యం తగ్గించేలా ప్రయత్నం చేస్తున్నట్టు వివరించారు. క్షేత్రస్థాయి అవసరాలు, మారుతున్న నేర సరళికి తగ్గట్టుగా పోలీసింగ్‌ను బలోపేతం చేసేలా పోలీస్‌శాఖను పునర్‌వ్యవస్థీకరిస్తున్నట్టు వెల్లడించారు. పోలీస్‌బాస్‌గా బాధ్యతలు చేపట్టిన తర్వాత నుంచి ఇప్పటి వరకు తీసుకున్న కీలక చర్యలు, భవిష్యత్‌ కార్యాచరణపై డీజీపీ సీవీ ఆనంద్‌ ‘సాక్షి’కి ఇచ్చిన ప్రత్యేక ఇంటర్వ్యూలో పలు అంశాలు పంచుకున్నారు. డీజీపీగా మీరు బాధ్యతలు తీసుకున్న తర్వాత గుర్తించిన మూడు ముఖ్యమైన లోపాలు.. వాటిని ఎలా సరిదిద్దుతున్నారు ? మొదటిది డిపార్ట్‌మెంట్‌లో హైరార్కి లోపించడం, రెండోది పోలీస్‌ విభాగాలు, జిల్లా పోలీస్‌ యూనిట్లకు పోలీస్‌ హెడ్‌క్వార్టర్స్‌కు మధ్య సమన్వయం లేకపోవడం, మూడోది చాలా అంశాల్లో జాతీయస్థాయిలో మన ర్యాంకింగ్‌ తగ్గడం. నేను డీజీపీగా బాధ్యతలు తీసుకున్న తర్వాత వాటిని సరిచేయడంపై ఫోకస్‌ పెట్టా. ఒకేసారి 6,500 మంది ఎస్‌ఐ, ఆపై స్థాయి అధికారులతో నేరుగా మాట్లాడి దిశానిర్దేశనం చేశా. విజుబుల్‌ పోలీసింగ్, డే అండ్‌ నైట్‌ పెట్రోలింగ్‌ చేయడం..ఇలా గత కొంత కాలంగా మర్చిపోయిన బేసిక్‌ పోలీసింగ్‌ను తిరిగి తెస్తున్నాను. ఇన్‌స్పెక్షన్‌ కేలెండర్‌ ప్రకారం ఫీల్డ్‌ విజిట్స్, క్రైం మీటింగ్స్‌ ప్రతి నెలా నిర్వహించేలా చర్యలు తీసుకుంటున్నాం. జిల్లాల్లో, యూనిట్లలో పోలీస్‌ అధికారులు విజిటర్స్‌ను తప్పక కలిసేలా ప్రత్యేక సమయం పెట్టుకోవాలని ఆదేశించా. రెండు మూడు నెలలుగా ఒక్కొక్కటిగా అంతా గాడిలోకి వస్తోంది. సాంకేతికతపరంగా పోలీస్‌శాఖను బలోపేతం చేసేలా ఏ కీలక నిర్ణయాలు తీసుకుంటున్నారు ? పోలీసింగ్‌లో సాంకేతికత అత్యంత ప్రధానం. నేను డీజీపీగా బాధ్యతలు తీసుకున్న తర్వాత సాంకేతిక అంశాల విశ్లేషణకు యువ ఐపీఎస్‌ అధికారులతో టీ–స్పార్క్‌ అని ప్రత్యేక టీంను పెట్టాను. ఇప్పుడు వాడుతున్న టెక్నాలజీ అప్‌డేట్‌ చేస్తూ టీజీకాప్‌ 3.0, సీసీటీఎన్‌ఎస్‌ 3.0, హ్యాక్‌ఐ 3.0 ఇలా అన్ని యాప్‌లతోపాటు ప్రస్తుతం వాడుతున్న సాఫ్ట్‌వేర్, హార్డ్‌వేర్‌ను భవిష్యత్‌ అవసరాలకు తగ్గట్టుగా అప్‌గ్రేడ్‌ చేస్తున్నాం. ఏఐ టూల్స్‌ను వినియోగించేలా జీపీయూ సర్వర్స్‌ సహా నూతన పరికరాలు, సామగ్రిని కొనుగోలు చేస్తున్నాం. ప్రతి పోలీస్‌ స్టేషన్‌లో ఒక టెక్‌ టీంను ఏర్పాటు చేస్తున్నాం. సీసీటీఎన్‌ఎస్‌లో, సైబర్‌ క్రైం పోర్టల్స్‌లో, నార్కోటిక్స్‌ పోర్టల్స్‌లో క్రైం డేటా ఫీడ్‌ చేయడం, ఆ డేటాను తిరిగి వాడుకునేలా చర్యలు తీసుకుంటున్నా. క్రైం రివ్యూ సమావేశాలు సైతం అంతా ఆన్‌లైన్‌లో సీసీటీఎన్‌ఎస్‌ (క్రైమ్‌ అండ్‌ క్రిమినల్‌ ట్రాకింగ్‌ నెట్‌వర్క్‌ అండ్‌ సిస్టమ్స్‌) డేటా ఆధారంగానే విశ్లేషణ చేస్తాం. ప్రజలకు పోలీసులపై నమ్మకం పెరిగేలా ఎలాంటి చర్యలు తీసుకుంటున్నారు ? పోలీస్‌స్టేషన్‌కు వచ్చే బాధితులకు మర్యాద ఇచ్చి, చట్టప్రకారం వారికి అండగా ఉంటాం. కానీ, నేరస్తులు, రౌడీ మూకలను మన్నించేది లేదు. వారికి మాత్రం స్ట్రాంగ్‌ పోలీసింగ్‌ ఉంటుంది. తప్పు చేసిన వారికి పోలీస్‌ అంటే భయం ఉండాలి. అలా చేసినప్పుడే సామాన్యులకు ఊరట కలుగుతుంది. సైబర్‌ నేరాలు, డ్రగ్స్‌ వంటి సవాళ్లకు తగ్గట్టుగా పోలీస్‌శాఖను ఎలా సన్నద్ధం చేస్తున్నారు ? నేరాల స్వరూపం, స్వభావం మారుతోంది. కొత్తగా వచ్చిన సైబర్‌ నేరాలు, నార్కోటిక్స్‌ , ట్రాఫిక్‌ మేనేజ్‌మెంట్, ఆహార కల్తీ ఇలా అనేక అంశాలపై ఫోకస్‌ పెట్టాం. మారిన అవసరాలకు తగ్గట్టుగా పోలీస్‌శాఖ రీఆర్గనైజేషన్‌పైనా దృష్టి పెట్టాను. ఈగల్, ఇతర పోలీస్‌ విభాగాలతో డ్రగ్స్, మత్తుపదార్థాల కట్టడికి అత్యంత ప్రాధాన్యం ఇస్తున్నాం. వచ్చే విద్యాసంవత్సరం నుంచి ప్రతి విద్యాసంస్థలో యాంటీ డ్రగ్‌ కమిటీ ఏర్పాటు చేయబోతున్నాం. పోలీస్‌శాఖలో అవినీతి అరికట్టేందుకు ఏసీబీతోపాటు శాఖపరంగా ఏం చర్యలు తీసుకుంటున్నారు ? పోలీస్‌శాఖలో అవినీతికి పాల్పడుతున్న అధికారులపై అన్ని రిపోర్టులు తెప్పించాను. ఆ జాబితా ఉంతా ఉంది. బదిలీల సమయంలో ఈ అంశాన్ని కూడా పరిగణనలోకి తీసుకుంటాం. ఇక పోలీస్‌శాఖలో అవినీతికి సంబంధించి ప్రత్యేకంగా వీడియో కాన్ఫరెన్స్‌ పెట్టి సిబ్బందితో స్వయంగా మాట్లాడాను. సంపాద కోసం ఆరాటపడితే ఏదో ఒక రోజు ఏసీబీకి చిక్కడం, సమాజంలో అవమానాలు ఎదుర్కోవడం తప్పదని కౌన్సెలింగ్‌ ఇస్తున్నాను. అవినీతి ఆరోపణలపై యువ ఐపీఎస్‌లకు సైతం మందలించాను. కొందరు మారి పనిచేసుకుంటున్నారు. మారని వారికి తగిన సమయంలో శిక్ష తప్పదు. పోస్టింగ్‌లలో రాజకీయ జోక్యం పెరిగిందన్న ఆరోపణలు ఉన్నాయి..దీన్ని ఎలా తగ్గిస్తున్నారు ? పోలీస్‌ పోస్టింగ్‌లలో రాజకీయ జోక్యం తగ్గించేందుకు ప్రయత్నిస్తున్నాం. ప్రజాస్వామ్యంలో నాయకులు తమకు అనుకూలమైన వారికి పోస్టింగ్‌ అడగడం సహజమే. అయితే, సదరు అధికారి గురించి పూర్తిగా తెలుసుకున్న తర్వాతే సిఫారసు చేయాలని నాయకులకు మేం సూచిస్తున్నాం. సిఫారసులు లేకున్నా..పనితీరు ఆధారంగా అందరికీ పోస్టింగ్‌లు ఇచ్చేలా చర్యలు తీసుకుంటున్నాం. చాటా చోట్ల సీసీటీవీ కెమెరాలు లేవు..ఉన్నా పనిచేయని పరిస్థితి. ఈ విషయంలో మీరు ఏం చర్యలు తీసుకుంటున్నారు ? ప్రజాభద్రతలో సీసీటీవీలు ఎంతో కీలకం. నేను ట్యాంక్‌బండ్‌ పరిసరాల్లో 23 ఏళ్ల క్రితమే సీసీటీవీ కెమెరాలు పెట్టించి ట్యాంక్‌బండ్‌ను సూసైడ్‌స్పాట్‌ నుంచి టూరిస్ట్‌స్పాట్‌గా మార్చా. ఆ తర్వాత సేఫ్‌ సిటీ ప్రాజెక్టులో సీసీటీవీల ఏర్పాటు విస్తృతం చేశాం. హైదరాబాద్‌ సహా రాష్ట్ర వ్యాప్తంగా సీసీటీవీ కెమెరాల పరిస్థితిపై ఇటీవలే ఆడిట్‌ నిర్వహించాం. అన్ని పనిచేసేలా మరమ్మతులు చేయిస్తున్నాం. పోలీస్‌ సిబ్బంది ఆరోగ్యంపై శ్రద్ధ పెట్టేలా ఏం చర్యలు తీసుకుంటున్నారు ? ఫిట్‌నెస్‌ నా రోజువారీ జీవితంలో ఒక భాగం. ఈ వయస్సులో కూడా నేను క్రికెట్, టెన్నిస్, గోల్ఫ్‌ ఆడడం చూసి నాతో పనిచేసే ఎంతో మంది సిబ్బంది నన్ను స్ఫూర్తిగా తీసుకుంటుంటారు. అయితే, పోలీసు విధుల్లో ఒత్తిడితో సిబ్బంది ఆరోగ్యంపైనా ప్రభావం పడుతోంది. సిబ్బంది సంక్షేమంలో భాగంగా నేను హైదరాబాద్‌ సీపీగా ఉన్నప్పుడు అక్కడ అమలు చేసిన ఫిట్‌కాప్‌ కార్యక్రమాన్ని రాష్ట్రవ్యాప్తంగా త్వరలో అమలు చేయబోతున్నాం. కొత్తగా ఏర్పాటు చేయబోయే ట్రాఫిక్‌ మేనేజ్‌మెంట్‌ అండ్‌ రోడ్‌ సేఫ్టీ బ్యూరోతో ఏ మార్పులు తేబోతున్నారు? అతి త్వరలో ఏర్పాటు చేయబోయే ట్రాఫిక్‌ మేనేజ్‌మెంట్‌ అండ్‌ రోడ్‌ సేఫ్టీ బ్యూరోతో రాష్ట్రవ్యాప్తంగా ట్రాఫిక్‌ ఎన్‌ఫోర్స్‌మెంట్, ఎడ్యుకేషన్, ఇంజినీరింగ్‌ ఒకే విధానంలోకి వస్తుంది. ఉదాహరణకు చెప్పాలంటే సీట్‌బెల్ట్, హెల్మెట్‌ నిబంధన రాష్ట్రమంతటా ఒకే విధంగా అమల్లోకి తెస్తాం. రోడ్డు ప్రమాదాల నియంత్రణకు హైవే, ఓఆర్‌ఆర్‌ పెట్రోలింగ్‌ పెంచుతాం. మహిళలు, చిన్నారుల భద్రత మరింత బలోపేతం చేసేలా ఏం చర్యలు తీసుకుంటున్నారు ? మహిళలు, చిన్నారుల భద్రతకు ఏర్పాటు చేసిన మహిళా భద్రత విభాగాన్ని మరింత బలపేతం చేసేలా సిబ్బంది సంఖ్యను పెంచుతాం. ఇప్పుడున్న డిప్యూటేషన్‌ విధానంలో కాకుండా ప్రత్యేకంగా సిబ్బందిని నియమించడంతోపాటు ఆన్‌లైన్‌ నేరాల నియంత్రణపై మరింత ఫోకస్‌ పెడతాం.

మార్నింగ్‌ ఓ పది, మధ్యాహ్నం ఓ ఇరవై, నైట్‌ ఓ నలభై లైకులొచ్చేట్లు చూడండి! నిద్ర దానంతటికదే తన్నుకుని వస్తుంది!!

సాక్షి,హైదరాబాద్‌: కృష్ణమ్మ మళ్లీ తడారిపోయింది. చుక్క నీటి ప్రవాహం లేక ఎడారిని తలపిస్తోంది. ఎల్‌నినో ప్రభావంతో తీవ్ర వర్షాభావం నెలకొని ఉండడంతో ఆల్మట్టి నుంచి శ్రీశైలం జలాశయం వరకు కృష్ణా పరీవాహకంలోని జలాశయాలన్నింటికీ ఎగువ ప్రాంతాల నుంచి వరద పూర్తిగా నిలిచిపోయింది. వర్షాకాలం ముగియకముందే వేసవి తరహా గడ్డు పరిస్థితులు నెలకొంటున్నాయి. జలాశయాల్లో ఉన్న కొద్ది నిల్వలూ వేగంగా అడుగంటిపోతుండడం తీవ్ర ఆందోళనకరంగా మారింది.⇒ కృష్ణమ్మ జన్మస్థానమైన మహారాష్ట్రలోని మహాబలేశ్వర్‌లో ఉన్న పశ్చిమ కనుమల నుంచి ఆల్మట్టి ప్రాజెక్టు వరకు 518 కి.మీ.ల నిడివిలోని సువిశాల పరీవాహక ప్రాంతం నుంచి ఆల్మట్టి జలాశయానికి గత కొన్ని రోజులుగా చుక్కనీరు రావడం లేదు. ఆల్మట్టి గరిష్ట నిల్వ సామర్థ్యం 129.72 టీఎంసీలు కాగా, ప్రస్తుతం 116.53 టీఎంసీల నిల్వలు ఉన్నాయి. ఆల్మట్టిలో విద్యుదుత్పత్తి ద్వారా 12,000 క్యూసెక్కుల నీటిని దిగువన ఉన్న నారాయణపూర్‌ జలాశయానికి కర్ణాటక ప్రభుత్వం విడుదల చేస్తోంది. నారాయణపూర్‌ జలాశయ గరిష్ట నిల్వ సామర్థ్యం 33.31 టీఎంసీలు కాగా, ప్రాజెక్టు నుంచి కాల్వలకు 12,598 క్యూసెక్కుల నీటిని విడుదల చేస్తుండడంతో జలాశయంలో నిల్వలు 27.52 టీఎంసీలకు తగ్గిపోయాయి. ⇒ కృష్ణా ఉపనది భీమాపై మహారాష్ట్రలో నిర్మించిన ఉజ్జయినీ జలాశయానికి సైతం ఎగువ నుంచి చుక్క వరద రావడం లేదు. జలాశయ గరిష్ట నిల్వ సామర్థ్యం 117.24 టీఎంసీలు కాగా 115.35 టీఎంసీల నిల్వలను కొనసాగిస్తూ కాల్వలు, ఇతర అవసరాలకు 4,348 క్యూసెక్కుల నీటిని అక్కడి ప్రభుత్వం వాడుకుంటోంది. ⇒ తెలంగాణలోని జూరాల ప్రాజెక్టుకు సైతం జీరో ఇన్‌ఫ్లో ఉన్నట్టు నీటిపారుదల శాఖ ఫ్లడ్‌ బులెటిన్‌లో వెల్లడించింది. జూరాల గరిష్ట నిల్వ సామర్థ్యం 9.66 టీఎంసీలు కాగా, ప్రస్తుతం 8.79 టీఎంసీల నిల్వలున్నాయి. ఎగువ నుంచి వరద లేకపోవడంతో జూరాల కింద ఆయకట్టుకు కేవలం 371 క్యూసెక్కుల నీటినే విడుదల చేస్తున్నారు.⇒ కృష్ణా మరో ఉపనది తుంగభద్రపై కర్ణాటకలో ఉన్న తుంగభద్ర జలాశయానికీ ఎలాంటి వరద రావడం లేదు. తుంగభద్ర జలాశయ గరిష్ట నిల్వ సామర్థ్యం 105.78 టీఎంసీలకుగాను ప్రస్తుతం 80.56 టీఎంసీల నిల్వలుండగా, కాల్వలకు 10,476 క్యూసెక్కుల నీటిని విడుదల చేస్తున్నారు. ఉమ్మడి జలాశయాలపై కరువు ఛాయలు తెలుగు రాష్ట్రాల తాగు, సాగునీరు, విద్యుత్‌ అవసరాలు తీర్చే ఉమ్మడి జలాశయాలైన శ్రీశైలం, నాగార్జునసాగర్‌లకు కరువు ఛాయలు కమ్మేశాయి. ⇒ శ్రీశైలం జలాశయానికి గతేడాది సరిగ్గా ఇదే సమయానికి 2.97లక్షల క్యూసెక్కుల వరద రాగా, ఆదివారం నామమాత్రంగా 491 క్యూసెక్కుల వరద మాత్రమే వచి్చంది. శ్రీశైలం నుంచి తెలంగాణ విద్యుదుత్పత్తి ద్వారా 12,274 క్యూసెక్కుల నీటిని సాగర్‌లోకి విడుదల చేయగా, కల్వకుర్తి ఎత్తిపోతల అవసరాలకు మరో 1,600 క్యూసెక్కులను తరలించుకుంటోంది. ⇒ ఏపీ పోతిరెడ్డిపాడు ద్వారా 4,000 క్యూసెక్కులు, వెలిగొండకు 1,800, హెచ్‌ఎన్‌ఎస్‌ఎస్‌(మల్యాల)కు 3,450 క్యూసెక్కుల నీటిని తరలించుకుంటోంది. ⇒ శ్రీశైలం నుంచి రెండు తెలుగు రాష్ట్రాలు కలిపి 25,872 క్యూసెక్కుల నీటిని వాడుకున్నాయి. దీంతో జలాశయంలో నిల్వలు వేగంగా అడుగంటిపోతున్నాయి. శ్రీశైలం గరిష్ట నిల్వ సామర్థ్యం 215.81 టీఎంసీలు కాగా, ప్రస్తుతం 101.92 టీఎంసీలకు నిల్వలు తగ్గిపోయాయి. ⇒ శ్రీశైలంలో విద్యుదుత్పత్తి ద్వారా నీటిని విడుదల చేస్తుండడంతో దిగువన ఉన్న నాగార్జునసాగర్‌కు 13,379 క్యూసెక్కుల వరద వస్తోంది. గతేడాది ఇదే సమయానికి సాగర్‌కు 2.62 లక్షల క్యూసెక్కుల వరద ఉండడం గమనార్హం. జలాశయ గరిష్ట నిల్వ సామర్థ్యం 312.05 టీఎంసీలు కాగా ప్రస్తుతం 178.23 టీఎంసీలకు నిల్వలు పడిపోయాయి. సాగర్‌ నుంచి విద్యుదుత్పత్తి ద్వారా 3,408 క్యూసెక్కుల నీటిని కిందకు విడుదల చేయగా, కాల్వలకు 7,456 క్యూసెక్కుల నీటిని తరలిస్తున్నారు. వచ్చే నెలలో సూపర్‌ ఎల్‌నినో ప్రభావం ప్రారంభం కానుందని వాతావరణ శాఖ హెచ్చరించింది. వచ్చే ఏడాది జూన్‌ వరకు ఉండనున్న తెలుగు రాష్ట్రాల తాగునీటి అవసరాలను తీర్చడానికి శ్రీశైలం, నాగార్జునసాగర్‌లో మిగిలి ఉన్న కొద్ది నిల్వలను జాగ్రత్తగా వాడుకోవాల్సిన అవసరం ఉంది.

కృత్రిమ మేధ (ఏఐ) విప్లవానికి పాత కాగిత పుస్తకాలే కీలక ఇంధనంగా మారుతున్నాయి. ఓపెన్‌ ఏఐ, మెటా, ఆంత్రోపిక్‌ వంటి టెక్‌ దిగ్గజాలు వేల సంఖ్యలో పాత పుస్తకాలను టోకున కొనుగోలు చేస్తూ వాటిని ఏఐ పరిపుష్టి కోసం విధ్వంసకరంగా వాడుతుండటం ఆందోళన కలిగిస్తోంది. బ్రూక్లిన్‌కు చెందిన బుక్‌బాబ్‌ వంటి హోల్‌సేల్‌ దుకాణాల నుంచి ఒక్కో విడతలో 50 వేల నుంచి లక్ష వరకు పాత పుస్తకాలను ఏఐ కంపెనీలు సేకరిస్తున్నట్లు సమాచారం.పాత పుస్తకాలే ఎందుకు?ఇంటర్నెట్‌లో నాణ్యత లేని, ఏఐ రూపొందించిన సమాచారం పెరిగిపోవడంతో ‘మోడల్‌ కొలాప్స్‌’ముప్పు ఏర్పడుతోంది. ఒక ఏఐ లార్జ్‌ లాంగ్వేజ్‌ మోడల్‌ తన పనితీరును, తెలివితేటలను శాశ్వతంగా కోల్పోయి పనికిరాకుండా పోయే పరిస్థితే ఇది. ఈ సమస్య నుంచి గట్టెక్కడానికి ఆయా కంపెనీలు ఒక ఉపాయం ఆలోచించాయి. అదేమిటంటే.. 2022కి ప్రచురితమైన పుస్తకాలన్నీ పూర్తిగా మానవ మేధస్సును ఉపయోగించి మాత్రమే రాసినవి కావడంతో వాటిపై ఆధారపడాలని నిర్ణయించాయి. అయితే ఆయా పుస్తక రచయితలు, ప్రచురణ సంస్థల నుంచి కాపీరైట్‌ దావా లు పెరుగుతున్నాయి. దీంతో ఏఐ కంపెనీల కన్ను ఇప్పటివరకు ఆన్‌లైన్‌లో అందుబాటులోకి రాని, దశాబ్దాల నాటి పాత పుస్తకాలపై పడింది. సెకండ్‌ హ్యాండ్‌ పుస్తక షాపుల నుంచి అలాంటి పాత పుస్తకాలను చట్టబద్ధంగా కొనుక్కొనే అవకాశం ఉండటంతో ఏఐ కంపెనీలు ఈ చవకైన మార్గాన్ని ఎంచుకుంటున్నాయి. ప్రాజెక్ట్‌ పనామా పేరిట ఏఐ సంస్థ ఆంత్రోపిక్‌ ఏకంగా 1.9 లక్షల పాత పుస్తకాలను సేకరించింది. 20 లక్షల భౌతిక పుస్తకాలను సెకండ్‌ హ్యాండ్‌ మార్కెట్ల నుంచి కొనుగోలు చేయాలని ఆంత్రోపిక్‌ లక్ష్యంగా పెట్టుకున్నట్లు ఆ ప్రాజెక్టుకు వ్యతిరేకంగా కోర్టుల్లో దాఖలైన పత్రాలు పేర్కొంటున్నాయి. ఇలా లక్షలాదిగా సేకరించిన పుస్తకాల బైండింగ్‌ను హైడ్రాలిక్‌ కట్టింగ్‌ మెషీన్లతో కత్తిరించి లక్షలాది విడి పేజీలను హైస్పీడ్‌ పారిశ్రామిక స్కానర్లలో వేస్తున్నారు. నిమిషాల వ్యవధిలో పేజీలన్నీ స్కాన్‌ అయ్యాక కాగితాలను మెషీన్లలో వేసి స్క్రాప్‌గా మార్చి రీసైక్లింగ్‌కు పంపుతున్నారు. ఈ ప్రక్రియను పుస్తక ప్రేమికులు డిస్ట్రక్టివ్‌ స్కానింగ్‌గా పిలుస్తున్నారు. దీనివల్ల పాత పుస్తకాలు శాశ్వతంగా అంతరించిపోతున్నాయంటున్నారు.

మార్లిన్‌ మన్రో అంటే దాదాపుగా హాలీవుడ్‌ దేవత. జాన్‌ స్టెయిన్‌బెక్‌ ఏమో నోబెల్‌ గౌరవానికి నోచుకున్న నవలా రచయిత. సహజంగానే రచయితలకంటే నటీమణులకే క్రేజ్‌ ఎక్కువన్నది ఏ ప్రాంతానికైనా వర్తించే సత్యం కాబట్టి, అమెరికా కూడా అందుకు మినహాయింపు కాదు. స్టెయిన్‌బెక్‌ భార్య తరఫు మేనల్లుడైన ఓ 17 ఏళ్ల కుర్రాడు మార్లిన్‌ ‘బానిస’. అలాంటివాడికి మార్లిన్‌ను స్టెయిన్‌బెక్‌ కలిశాడనే ‘ఘోరమైనతప్పిదం’ మేనత్త చేసిందట. ఆ కుర్రాడు దాన్ని నమ్మకపోయినా మామగారి పట్ల అతడి ‘మర్యాద’ ఆకాశాన్నంటింది. ఇక తప్పదన్నట్టుగా, ఆటోగ్రాఫ్‌ చేసిన ఒక ఫొటోను పంపమంటూ 1955లో న్యూయార్క్‌ నుంచి మార్లిన్‌కు ఓ లేఖ రాశాడు స్టెయిన్‌బెక్‌. భాష, శైలి, చమత్కారం వల్ల పదేపదే వైరల్‌ అయ్యే ఈ లేఖను ఈమధ్యే ప్యాట్రిక్‌ ఓషానెసీ అనే వ్యాపారవేత్త ‘ఎక్స్‌’లో పంచుకున్నాడు. దీన్నే శశి థరూర్‌ ఓ నాలుగేళ్ల కింద షేర్‌ చేశాడు. అయితే, ఇందులోని శైలి స్టెయిన్‌బెక్‌దే అయినా, నిజంగా ఆయనే రాశాడనేందుకు ఆధారాలు లేవనే సందేహాలూ ఉన్నాయి. స్టెయిన్‌బెక్‌ది కాకపోతే స్టెయిన్‌బెక్‌ అంతటివాడు ఆవహించి రాసినదై ఉండాలి.చరిత్రలో కొన్ని అబద్ధాలు ఎంత అందంగా ఉంటాయంటే అవి నిజమైతే బాగుండనిపిస్తుంది. ఒక మహానుభావుడి చేతిరాత కనిపిస్తే, ఒక నియంత రహస్య డైరీ దొరికితే, ఒక గొప్ప కవి ప్రేమలేఖ చేతికి చిక్కితే– అవి నిజం కాదనే అనుమానమే అన్యాయంగా తోస్తుంది. అందుకే చరిత్రలోని కొన్ని మోసాలు కేవలం మోసాలుగా మిగిలిపోలేదు. సాహిత్యాన్నీ, జర్నలిజాన్నీ, పరిశోధననూ, మనుషుల ఊహాశక్తినీ పరీక్షించిన అద్భుతమైన కథనాలుగా మిగిలిపోయాయి. 1983లో జర్మన్‌ పత్రిక స్టెర్న్‌ 1932 నుంచి 1945 వరకు అడాల్ఫ్‌ హిట్లర్‌ రాసినట్లుగా చెప్పిన దాదాపు అరవై సంపుటాల డైరీలు దొరికాయని ప్రకటించింది. యుద్ధం చివరి దశలో హిట్లర్‌ వ్యక్తిగత వస్తువులను తరలిస్తున్న విమానం కూలిపోవడంతో ఆ డైరీలు బయటపడ్డాయని కథనం. కానీ ఫోరెన్సిక్‌ పరీక్షలు కాగితం, సిరా రెండో ప్రపంచ యుద్ధం తర్వాతివని తేల్చాయి. కోన్రాడ్‌ కుజావు అనే చిత్రకారుడి సృజనాత్మక మోసం అలా బయటపడింది. ముందు వాటిని అసలువని ఎందుకు నమ్మారు? అవి నిజమైతే బాగుండనే భావన మనుషులను అమాయకులను చేయడంవల్ల. ఇదే బలహీనత అబ్రహాం లింకన్‌ ప్రేమలేఖల ఉదంతంలోనూ కనబడుతుంది. 1928లో అమెరికా పత్రిక అట్లాంటిక్‌ మంత్లీలో ‘లింకన్‌ ద లవర్‌’ పేరుతో ఆన్‌ రట్లెడ్జ్‌కు లింకన్‌ రాసినట్టుగా చెప్పిన లేఖలు ప్రచురితమయ్యాయి. కానీ వాటి భాష, శైలి, ఆ కాలపు పదప్రయోగాలు అనుమానాస్పదంగా తోచాక రచయిత్రి విల్మా ఫ్రాన్సిస్‌ మైనర్‌ చేసిన సాహిత్య మోసం బయటపడింది. ఇక 18వ శతాబ్దం చివర్లో లండన్‌లో విలియం హెన్రీ ఐర్లాండ్‌ అనే కవి ఏకంగా షేక్‌స్పియర్‌ స్వహస్తాలతో రాసిన లేఖలు, అన్నే హాత్‌వేకి రాసిన ప్రేమలేఖలు, కింగ్‌ లియర్, హామ్లెట్‌ వంటి రచనల చేతిరాత ప్రతులతోపాటు షేక్‌స్పియర్‌ సరికొత్త నాటకం ‘వాటిగెర్న్‌ అండ్‌ రొవెనా’ను ‘కనుగొన్నాడు’. ఇంత కష్టపడి ఎందుకు నకిలీవి సృష్టిస్తారంటే దానికున్న మార్కెట్, సంచలన యావ, సరదా. అంతెందుకు, సాంస్కృతిక వారసత్వపు వెన్నువిరవకుండా భారతదేశాన్ని జయించలేమని ప్రచారంలో ఉన్న 1835 ఫిబ్రవరి 2 నాటి లార్డ్‌ మెకాలే ప్రసంగం కూడా ఉత్తిదేనని కథనాలు వెలువడ్డాయి. భావజాల పరంగా మెకాలే అలాంటివాడే కావొచ్చుగానీ ఆ లేఖ మీద మాత్రం వివాదం లేకుండా లేదు. ఇప్పుడు ఇదంతా ఎందుకంటే, స్టీఫెన్‌ థేలర్‌ అనే ఏఐ పరిశోధకుడు ‘ఎ రీసెంట్‌ ఎంట్రన్స్‌ టు ప్యారడైజ్‌’ అనే చిత్రాన్ని డాబుస్‌ ఏఐ టూల్‌తో గీయించి, ఆ చిత్ర సృష్టికర్తగా దాన్నే అంగీకరించాలని పెట్టుకున్న కాపీరైటు అర్జీని భారత ప్రభుత్వ కాపీరైట్‌ కార్యాలయం ఇటీవలే కొట్టేసింది. దాన్ని ఒరిజినల్‌ వర్క్‌గా అంగీకరిస్తూనే, మానవ ప్రమేయం లేని ఈ కళకు కాపీరైట్‌ ఇవ్వడానికి తిరస్కరించింది. తనను సృష్టికర్తగా చెప్పుకోవడానికి థేలర్‌ అంగీకరించలేదు. కృత్రిమ నకిలీల కాలంలో ఆ మేరకు ఆయన సహజ అభినందనకు అర్హుడు.

ఒంటరిగా భోజనం చేయటం వల్ల మానసిక సమస్యలు తలెత్తే ప్రమాదం ఉందని తాజా అంతర్జాతీయ పరిశోధనలు స్పష్టం చేస్తున్నాయి. అదే సమయంలో, కలిసి భోజనం చేసే అలవాటు మానసిక ఆరోగ్యానికి ఎంతో మేలు చేస్తుందని పరిశోధకులు చెబుతున్నారు.ఒక్కరే భోంచేస్తే నష్టాలివే..⇒ మానసిక ఒత్తిడి: నిరంతరం ఒంటరిగా తినడం వల్ల ఒంటరితనం, ఆందోళన, డిప్రెషన్‌ పెరిగే అవకాశం ఉంది.⇒ ఆరోగ్యకరమైన అలవాట్లకు దూరం: ఒంటరిగా తినేవారు ప్రాసెస్‌ చేసిన ఆహారాన్ని ఎక్కువగా తీసుకోవడం, స్క్రీన్‌ చూస్తూ సరిగ్గా నమలకుండా తినడం వంటివి చేస్తుంటారు.⇒ మెదడుపై ప్రభావం: నిరంతరం ఒంటరిగా తినేవారిలో జ్ఞాపకశక్తికి సంబంధించిన మెదడు భాగాలు (హిప్పోక్యాంపస్‌) కుదించుకుపోతున్నట్లు గుర్తించారు.కలిసి తినడం వల్ల లాభాలు⇒ ఫీల్‌ గుడ్‌ హార్మోన్లు: కుటుంబం లేదా స్నేహితులతో తిన్నప్పుడు మెదడులో ఎండార్ఫిన్లు, ఆక్సిటోసిన్‌ విడుదలయి ఒత్తిడిని తగ్గిస్తాయి.⇒ డిప్రెషన్‌కి చెక్‌: జపాన్‌లో 65–74 ఏళ్ల వారిపై చేసిన అధ్యయనంలో.. ఒకే ఇంట్లో ఉన్నప్పటికీ రోజూ ఒంటరిగా తినే వృద్ధుల్లో డిప్రెషన్‌ ముప్పు ఎక్కువగా ఉన్నట్లు తేలింది.⇒ వరల్డ్‌ హ్యాపీనెస్‌ రిపోర్ట్‌: 1.5 లక్షల మందిపై జరిపిన విశ్లేషణ ప్రకారం, ఇతరులతో తరచూ భోజనం పంచుకునే వారిలో జీవిత సంతృప్తి, భావోద్వేగ స్థిరత్వం అధికంగా ఉంటోంది.మొత్తానికి, డిజిటల్‌ యుగంలో నేరుగా కలుసుకోవడం తగ్గుతున్న తరుణంలో, రోజుకు కనీసం ఒక్క పూట అయినా సహోద్యోగులు లేదా కుటుంబ సభ్యులతో కలిసి తినడం మానసిక ఉల్లాసానికి, అనుబంధాల బలానికి అత్యంత ఆవశ్యకం అని పరిశోధనలు తేల్చేశాయి.

ఈ రోజు ఇక్కడికి రావడం నాకు ఎంతో గౌరవంగా ఉంది. యాభై ఏళ్ల క్రితం 1975లో ఇక్కడే పీజీపీ చదివిన నేను, మీలానే నేను కూడా ఆ రోజు ఇక్కడ గర్వంగా నిలబడ్డాను. అప్పుడు నా మనసులో ఎన్నో ప్రశ్నలు. మా కాలంలో మేము వరదలను తట్టుకోవాల్సి వచ్చింది. మీరు మాత్రం సునామీలను ఎదుర్కోవాల్సి ఉంటుంది. ఇది కృత్రిమ మేధ యుగం. ఈ కొత్త ప్రపంచంలో మన ప్రయాణం ఎలా ఉండాలి? నేను నాలుగు ముఖ్యమైన విషయాలను మీతో పంచుకోవాలను కుంటున్నాను: అవి: ఇన్‌సైట్, ఇంటెన్షన్, ఇన్నర్‌ స్టిల్‌నెస్, ఇంపాక్ట్‌. ఈ నాలుగింటిని కలిపి ఇంటిగ్రేటివ్‌ ఇంటెలిజెన్స్‌ (సమగ్ర ప్రజ్ఞ) అంటాను. దీన్ని అనుసరించడం నా జీవితాన్ని మార్చింది. ఇన్‌సైట్‌ (లోతైన అవగాహన)ఒక్క దారిలోనే నడవడం కాకుండా, సుదూర ప్రపంచంలోని వివిధ విషయాలను తెలుసుకోండి! మీకు తెలిసిన పరిమితమైన ప్రపంచం నుంచి బయటకు రావాలి. మీ ఆలోచనల చిన్న పరిధి లోనే చిక్కుకుపోకండి. నా ఐఐఎం అహ్మదాబాద్‌ డిగ్రీ ఆధారంగా నేను న్యూయార్క్‌లోని మెక్‌న్సీ సంస్థలో చేరాను. నా చుట్టూ ఉన్న వాళ్లు తెలివైనవారు. వారిలో చాలామంది హార్వర్డ్‌ బిజినెస్‌ స్కూల్‌లో చదివినవారు. అప్పటివరకు నేను కారు కూడా నడప లేదు. నా అసలైన గుర్తింపు– నా పనిలో నేను అత్యుత్తమంగా ఉండాలి. అందుకోసం ఎంతో కష్టపడ్డాను.ఇటీవల నేను ఒక నోబెల్‌ బహుమతి విజేతను కలిశాను. ఆయనకు ఇమ్యూనోథెరపీ రంగంలో నోబెల్‌ వచ్చింది. ఏ రంగంలో పరిశోధన ఎక్కువగా ఉపయోగపడిందని అడిగాను. ఆయన వెంటనే కంప్యుటేషనల్‌ బయాలజీ అన్నారు. కొన్నేళ్ల క్రితం వరకు ఆ రంగం గురించి తక్కువ మందికే తెలుసు. సంప్రదాయ పరిశ్రమలు కూడా మనం ఊహించలేనంత వేగంగా మారిపోతున్నాయి. ఉదాహ రణకు సంగీత పరిశ్రమను చూడండి. సీడీల నుంచి సునో వంటి ఏఐ సాధనాల వరకు వచ్చింది. అందువల్ల సృజనాత్మక రంగంలో ఉన్న వారు కూడా సాంకేతిక పరిజ్ఞానం పెంచుకోవాలి. మనలో చాలా మంది ఒక ప్రత్యేక రంగంలో నైపుణ్యం సంపాదించడానికి బిజినెస్‌ స్కూల్‌కు వస్తాం. కానీ మీకున్న ఆ రంగ జ్ఞానాన్ని ఏఐ మించిపోతుంది. అందుకే మీ ప్రత్యేకత ‘ఇన్‌సైట్‌’ కావాలి. మీ దృష్టి... కాలం, ప్రదేశం రెండింటినీ దాటిపోవాలి. మీ ఆలోచన ఎన్ని విభిన్న కోణాల్లో ఉంటే, కొత్త అవకాశాలను గుర్తించే అవకాశం అంత ఎక్కువగా లభిస్తుంది. వివిధ ఆలోచనల సంగమంతోనే గొప్ప ఆవిష్కరణలు సాధ్యమవుతాయి.ఇంటెన్షన్‌ (సంకల్పం)ఇన్‌సైట్‌ ప్రపంచాన్ని చూడటానికి మీకు సహాయపడుతుంది. కానీ మీరు ఏ దారిని ఎంచుకోవాలో, ఎంత కష్టమైనా దానిపై ఎలా నిలబడాలో నిర్ణయించడానికి ఇంటెన్షన్‌ అవసరం. సుమారు 25 సంవత్సరాల క్రితం విమానంలో నేను ‘ఆటోబయోగ్రఫీ ఆఫ్‌ ఏ యోగి’ పుస్తకం చదవడం ప్రారంభించాను. నా మనసులో ఎన్నో ప్రశ్నలు... విజయం అంటే ఏమిటి? ఎంత డబ్బుంటే సరిపోతుంది? నా జీవితంలో నాకు అత్యంత సంతోషాన్ని ఇచ్చిన క్షణాలు ఏవి? అప్పుడు నాకు ఒక విషయం అర్థమైంది. నేను జీవితంలో ఏ పని చేసినా, సంగీతానికి నా జీవితంలో మరింత ముఖ్యమైన స్థానం ఇవ్వాలని నిర్ణయించుకున్నాను. మార్పులు చాలా క్లిష్టమైనవి. కానీ మన కాళ్ల కింద నేలే మారి పోతే! 18 నెలల క్రితం మేము ఒక పెద్ద విజువల్‌ యానిమేషన్‌ ప్రాజెక్టుపై పనిచేస్తున్నాం. రెండేళ్ల పని. వేల డాలర్ల ఖర్చు. ప్రాజెక్ట్‌ సగం పూర్తయ్యే సమయానికి ఏఐ అన్నింటినీ మార్చేసింది. ఏఐ ద్వారా తయారైన చిత్రాలు మరింత బాగున్నాయి, వేగంగా తయా రవుతున్నాయి, ఖర్చు కూడా తక్కువ. ఇది అమెరికా పశ్చిమ తీరానికి చెందిన ఇద్దరు పీహెచ్‌డీ విద్యార్థుల పని. ఇది కేవలం సాంకేతికత సమస్యే కాదు. మనుషుల సమస్య కూడా. ఏళ్లుగా పని చేసిన కొంత మంది ఉద్యోగుల నైపుణ్యాలు ఒక్కసారిగా అవసరం లేనివిగా మారిపోయాయి. కొత్త ప్రపంచంలో విశ్లేషణ చేయగలిగితే సరిపోదు, ఊహాశక్తి అవసరం. ఒకే సమయంలో విభిన్న రంగాల గురించి ఆలోచించగల వ్యక్తులకే భవిష్యత్‌లో అవకాశాలు ఎక్కువ. ఇన్నర్‌ స్టిల్‌నెస్‌ (అంతర్గత ప్రశాంతత)ఇంతకుముందు బిజినెస్‌ స్కూల్స్‌లో మనస్సును ఎలా నిర్వ హించుకోవాలనే విషయం గురించి మాట్లాడేవారు కాదు. అది వ్యక్తి గత విషయం అని భావించేవారు. కానీ ఇప్పుడు ప్రతి రంగంలోనూ మానసిక ఆరోగ్యం, ప్రశాంతత, మనిషి సంపూర్ణ వికాసం... ముఖ్యమైన విషయాలుగా మారాయి. సంగీతంపై ఇష్టం నాకు ధ్యానం వైపు దారి చూపించింది. నా జీవితంలో సమస్యలు లేవని కాదు. కానీ వాటికి నేను స్పందించే విధానం మారిపోయింది. ప్రశాంతతతో నా ఆలోచనల్లో స్పష్టత వచ్చింది. ముఖ్యంగా, నాకు ఇతరుల పట్ల కరుణ, నా మీద నాకు నమ్మకం, ప్రపంచంలోని ప్రతి జీవితో అనుబంధం అనే భావన బలపడింది. ‘వసుధైవ కుటుంబకం’ అంటే ఏమిటో ప్రత్యక్షంగా అనుభవించినట్టు అనిపించింది. ఆర్టిఫిషియల్‌ ఇంటెలిజెన్స్‌ ప్రపంచంలో ఇంటిగ్రేటివ్‌ ఇంటెలిజెన్స్‌ అంటే మనిషిగా మన సంపూర్ణ తను కాపాడుకోవడం.ఇంపాక్ట్‌ (ప్రపంచంపై ప్రభావం)మీరు నివసిస్తున్న ప్రపంచంలోని చిన్న భాగాన్ని అయినా మీరు ఇంతకంటే మెరుగైన ప్రదేశంగా మార్చాలి. సంగీతం నన్ను లోతుగా స్వస్థపరిచింది. అందుకే ఆ అనుభవాన్ని ఇతరులతో పంచుకోవా లనుకున్నాను. దీంతో నేను సంస్కృత గ్రంథాలపై పరిశోధన ప్రారంభించాను. ముఖ్యమైన గ్రంథాల అసలు భావాలను తీసుకుని, ప్రపంచంలోని ఆధునిక కళాకారులతో కలిసి అందరూ పాడగలిగే సంగీతాన్ని రూపొందిస్తున్నాను. నాకు గ్రామీ అవార్డు కూడా ఈ రంగంలోనే వచ్చింది. విద్యార్థుల్లారా... సేవ చేయడానికి సిద్ధమవండి. పెద్ద స్థాయి లోనే ప్రారంభించాల్సిన అవసరం లేదు. మీ పాఠశాల నుంచి మొదలుపెట్టండి. మీ భవిష్యత్తు ఎలా ఉంటుందో తెలియదు. మీరు చేయగలిగేది ఒక్కటే... మీ జీవితమనే పడవను సిద్ధం చేసుకోండి. స్వచ్ఛమైన జ్ఞానం మీకు ప్రతిరోజూ మార్గదర్శనం చేయాలి.

దినేష్‌ తేజ్, దశ్విక .కె హీరో హీరోయిన్లుగా నటిస్తున్న చిత్రం. ‘తత్వం’. అర్జున్‌ కోల దర్శకత్వంలో వంశీ సీమకుర్తి, శ్వేత పసుపులేటి నిర్మించిన ఈ చిత్రం అక్టోబరు 2న విడుదల కానుంది. ఈ సందర్భంగా అర్జున్‌ కోల మాట్లాడుతూ – ‘‘మన చుట్టూ జరుగుతున్న సంఘటనల ఆధారంగా ఈ కథను తయారు చేసుకున్నాను. వంశీగారి ‘అన్వేషణ’ సినిమా తరహాలో ప్రేక్షకులను ఆకట్టుకునే సినిమా ఇది. ఈ చిత్రంలోని ఓ ట్విస్ట్‌ ప్రేక్షకులకు షాకింగ్‌గా ఉంటుంది’’ అని చెప్పారు. ‘‘మంచి ఎమోషనల్‌ థ్రిల్లర్‌ సినిమా ఇది’’ అన్నారు నిర్మాతలు. ఈ సినిమాకు సంగీతం: చేతన్‌ భరద్వాజ్‌.

హిందీ బిగ్ బాస్ తాజా సీజన్‌ ‘వీకెండ్ కా వార్’ ప్రోమో సల్మాన్ ఖాన్ అభిమానులను ఒక్కసారిగా ఆందోళనకు గురిచేసింది. ఆ ప్రోమోలో సల్మాన్ ఛాతి నొప్పితో బాధపడుతున్నట్లు, నీళ్లు అడుగుతూ డాక్టర్‌ను పిలవాలని చెప్పినట్లు కనిపించడంతో ఆయన ఆరోగ్యంపై పలు అనుమానాలు వ్యక్తమయ్యాయి.అయితే, ఈ ఘటనపై సల్మాన్ ఖాన్ స్వయంగా క్లారిటీ ఇచ్చారు. అసలు తన ఆరోగ్యానికి ఎలాంటి సమస్య లేదని, బిగ్ బాస్ ప్రోమోను కట్ చేసిన విధానం వల్లే ఈ అపార్థం ఏర్పడిందని తెలిపారు. బిగ్ బాస్ హౌస్‌మేట్ క్వాజీ తౌకీర్ చేసిన నాటకం వల్ల ఇతరులపై ఎలాంటి ప్రభావం పడుతుందో అతడికి అర్థమయ్యేలా చెప్పేందుకే తాను అలా నటించినట్లు వివరించారు.ప్రోమో కట్ చేసిన తీరు వల్ల దానిని అందరూ తప్పుగా అర్థం చేసుకున్నారు. మేకర్స్ తరఫున అందరికీ సల్మాన్ క్షమాపణలు చెప్తున్నానని అన్నాడు. తర్వాత మేకర్స్ జరిగిన పూర్తి విషయాన్ని చూపించేలా ప్రోమోను కూడా సవరించారని సల్మాన్ తెలిపారు. దీంతో ఆయన అభిమానులు ఊపిరిపీల్చుకున్నారు.

జపాన్‌లోని తెలుగు సమాజానికి అండగా నిలుస్తున్న TAJ (Telugu Association of Japan) ఆధ్వర్యంలో టోక్యోలోని ఓజిమా ప్రాంతంలో గణేష్ వినాయక చవితి వేడుకలను భక్తిశ్రద్ధలతో, భారతీయ సంస్కృతి సంప్రదాయాల వైభవాన్ని ప్రతిబింబించేలా ఘనంగా నిర్వహించారు.ఈ వేడుకల్లో తెలుగు కుటుంబాలతో పాటు స్థానిక జపాన్ ప్రజలు కూడా ఉత్సాహంగా పాల్గొని, భారతీయ ఆధ్యాత్మికత, సంస్కృతి,సంప్రదాయాలను ఆసక్తిగా వీక్షించారు. భారతీయులు, జపాన్ స్థానికులు కలిసి వినాయక చవితిని జరుపుకోవడం రెండు సంస్కృతుల మధ్య స్నేహం, సాంస్కృతిక పరస్పర అవగాహనకు ప్రతీకగా నిలిచింది.వినాయక చవితిని పురస్కరించుకుని వినాయకుడికి ప్రత్యేక పూజలు, భక్తి కార్యక్రమాలు, సాంస్కృతిక కార్యక్రమాలు నిర్వహించారు. చిన్నారులు, కుటుంబ సభ్యులు ఉత్సాహంగా పాల్గొని వేడుకలకు ప్రత్యేక శోభను తీసుకొచ్చారు.“ఎక్కడ ఉన్నా మన సంస్కృతి మనతోనే” అనే భావనతో, జపాన్‌లోని తెలుగు కుటుంబాలు తమ పిల్లలకు భారతీయ సంస్కృతి, ఆచారాలు, సంప్రదాయాలను పరిచయం చేస్తూనే, స్థానిక జపాన్ సమాజంతో సాంస్కృతిక అనుబంధాలను పెంపొందించేలా కార్యక్రమాన్ని నిర్వహించారు.భారతదేశానికి వేల కిలోమీటర్ల దూరంలో ఉన్న టోక్యోలో తెలుగు సంస్కృతి, భారతీయ సంప్రదాయాలు, జపాన్ స్థానికుల భాగస్వామ్యం, భక్తి, సమాజ ఐక్యత కలగలిసి వేడుకలకు ప్రత్యేక శోభను తీసుకొచ్చాయి.కార్యక్రమంలో పాల్గొన్న కుటుంబాలు, చిన్నారులు, TAJ సభ్యులు, జపాన్ స్థానికులు పరస్పరం వినాయక చవితి శుభాకాంక్షలు తెలియజేసుకున్నారు. అనంతరం భక్తులకు ప్రసాద వితరణ నిర్వహించారు.జపాన్‌లో భారతీయ, తెలుగు సంస్కృతిని కొనసాగిస్తూ, జపాన్ సమాజంతో స్నేహపూర్వక సాంస్కృతిక వారధులను నిర్మించడంలో TAJ కీలక పాత్ర పోషిస్తోందని నిర్వాహకులు తెలిపారు.

సాక్షి, కృష్ణా జిల్లా: డీఎస్సీ అక్రమాలపై సీబీఐ విచారణ జరిపించాలని డిమాండ్‌ చేస్తూ వైఎస్సార్‌సీపీ రేపు(సోమవారం) నిర్వహించనున్న ర్యాలీపై పోలీసులు ఆంక్షలు విధిస్తున్నారు. నిరసన ర్యాలీకు అనుమతి లేదంటూ పోలీసులు నోటిసులు జారీ చేశారు. ఇవాళ పెనమలూరు వైఎస్సార్‌సీపీ ఇంఛార్జి దేవభక్తుని చక్రవర్తికి పోలీసులు నోటీసులు ఇచ్చారు. డీఎస్సీ నిరసనలో పాల్గొంటే చట్ట ప్రకారం చర్యలు తీసుకుంటామంటూ నోటీసుల్లో పేర్కొన్నారు.కాగా, నిరసన ర్యాలీకి అనుమతి లేదంటూ ఆ పార్టీ ఎన్టీఆర్‌ జిల్లా అధ్యక్షుడు దేవినేని అవినాష్‌కు శనివారం మాచవరం ఎస్‌ఐ యోగేష్‌ నోటీసు అందించారు. విజయవాడలో ఎలాంటి ర్యాలీకి అనుమతి లేదని సెంట్రల్‌ ఏసీపీ పేరుతో ఆ నోటీసును అందజేశారు. ర్యాలీ చేస్తే చట్టప్రకారం చర్యలు తీసుకుంటామని పేర్కొన్నారు. కూటమి పార్టీలకు మద్దతుగా చేసే ర్యాలీలకు అనుమతించే పోలీసులు, ప్రతిపక్షాల ర్యాలీలపై ఉక్కుపాదం మోపడాన్ని ప్రజలు తీవ్రంగా ఖండిస్తున్నారు.ఇదీ చదవండి: భేతాళ కేసులో ‘స్క్రిప్టెడ్‌ సాక్ష్యం’!

సాక్షి, అనంతపురం: తాడిపత్రిలో జేసీ వర్గీయులు గూండాగిరి ప్రదర్శించారు. వైఎస్సార్‌సీపీ నేత హరినాథ్‌రెడ్డిపై టీడీపీ గూండాలు దాడికి దిగారు. ముసుగులు ధరించి టీడీపీ నేతలు దాడి చేశారు. తాడిపత్రి పట్టణంలోని కొత్త కూరగాయల మార్కెట్ వద్ద ఘటన జరిగింది. వైఎస్సార్‌సీపీ నేత హరినాథ్ రెడ్డి ఇంటికి వెళ్తుండగా టీడీపీ నేత జేసీ ప్రభాకర్‌రెడ్డి వర్గీయులు దాడి చేశారు. గాయపడిన హరినాథ్‌రెడ్డిని ఆసుపత్రి​కి తరలించారు.ఇదీ చదవండి: నెల్లూరు మేయర్‌ సీటు.. టీడీపీలో కుర్చీ కుంపటి!

హరారే వేదికగా జింబాబ్వే-ఆస్ట్రేలియా మధ్య జరిగిన మూడో వన్డే అభిమానులను ఆఖరి వరకు మునివేళ్లపై నిలబెట్టింది. చివరి వరకు నువ్వా-నేనా అన్నట్లు సాగిన ఈ ఉత్కంఠ పోరులో ఒక్క వికెట్ తేడాతో ఆస్ట్రేలియా విజయం సాధించింది.272 పరుగుల లక్ష్యంతో బరిలోకి దిగిన కంగారూలకు జింబాబ్వే బౌలర్లు చుక్కలు చూపించారు. జోష్ ఇంగ్లిస్ (103) సెంచరీతో కదం తొక్కినప్పటికీ, మిగతా బ్యాటర్లు విఫలం కావడంతో ఆసీస్ కష్టాల్లో పడింది. ఒకానొక దశలో 232 పరుగులకే 8 వికెట్లు కోల్పోవడంతో ఆసీస్‌కు ఓటమి తప్పదని అంతా భావించారు.ఈ సమయంలో 9వ స్థానంలో క్రీజులోకి వచ్చిన పేసర్ నాథన్ ఎల్లిస్ (36 నాటౌట్) బాధ్యతాయుతమైన ఇన్నింగ్స్ ఆడి జట్టును విజయ తీరాలకు చేర్చాడు. చివరి ఓవర్‌లో ఆసీస్ విజయానికి 9 పరుగులు అవసరం కాగా.. ఎల్లిస్ తొలి బంతికే సిక్స్ బాది విజయాన్ని ఖాయం చేశాడు. కాగా 49వ ఓవర్‌లో ఎల్లిస్ ఇచ్చిన క్యాచ్‌ను మధెవెరే జారవిడవడమే జింబాబ్వే ఓటమికి కారణమైంది. జింబాబ్వే బౌలర్లలో బ్రాడ్ ఎవాన్స్ 4 వికెట్లతో రాణించాడు.అంతకుముందు టాస్ ఓడి బ్యాటింగ్‌కు దిగిన జింబాబ్వే నిర్ణీత 50 ఓవర్లలో 8 వికెట్ల నష్టానికి 271 పరుగులు చేసింది. కెప్టెన్ సికందర్ రాజా (81 నాటౌట్), క్రైగ్ ఎర్విన్ (59), ఇన్నోసెంట్ కైయా (55) హాఫ్ సెంచరీలతో మెరిశారు. ఆసీస్ బౌలర్లలో నాథన్ ఎల్లిస్ 3, ఆడమ్ జంపా, స్పెన్సర్ జాన్సన్ చెరో 2 వికెట్లు పడగొట్టారు. ఈ విజయంతో మూడు వన్డేల సిరీస్‌ను 3-0 తేడాతో క్లీన్‌ స్వీప్‌ చేసింది.

భోజ్‌పురి నటి కాజల్‌ రాఘవాణి పాల్గొన్న కార్యక్రమంలో భారీగా జనం గుమిగూడడంతో బిహార్‌లోని బిహార్‌ షరీఫ్‌లో గందరగోళ పరిస్థితి ఏర్పడింది. నగల దుకాణం ప్రారంభోత్సవానికి వచ్చిన కాజల్‌ను చూసేందుకు అభిమానులు పెద్ద సంఖ్యలో చేరుకున్నారు. పరిస్థితి అదుపు తప్పడంతో ఆమెను అక్కడి నుంచి సురక్షితంగా బయటకు తరలించారు. అనంతరం తాను క్షేమంగానే ఉన్నానని కాజల్‌ సామాజిక మాధ్యమాల ద్వారా వెల్లడించారు.కాజల్‌ రాఘవాణి నగల దుకాణం ప్రారంభోత్సవానికి ముఖ్య అతిథిగా హాజరయ్యారు. ఆమె రాకతో దుకాణం వద్ద అభిమానుల సంఖ్య భారీగా పెరిగింది. నటి ఫొటోలు, సెల్ఫీలు తీసుకునేందుకు పలువురు ప్రయత్నించడంతో అక్కడ తోపులాట మొదలైంది. జనాన్ని నియంత్రించడం నిర్వాహకులు, భద్రతా సిబ్బందికి కష్టంగా మారింది.పరిస్థితి మరింత ఉద్రిక్తంగా మారడంతో షోరూమ్‌ నిర్వాహకుడు, భద్రతా సిబ్బంది కాజల్‌ను అక్కడి నుంచి బయటకు తీసుకెళ్లేందుకు ప్రయత్నించారు. డ్రైవర్‌ గేట్‌ ద్వారా ఆమెను బయటకు తీసుకెళ్లినట్లు సమాచారం. మరోవైపు, కాజల్‌ ఉందని భావించి ఓ కారుపై జనం దాడి చేయడంతో దాని అద్దాలు దెబ్బతిన్నాయి. కాజల్‌ ఆ కారులో ఉన్నారా లేదా అనే విషయంలో వివరాలు భిన్నంగా ఉన్నాయి. అయితే ఆమెను సురక్షితంగా తరలించినట్లు జాతీయ మీడియా కథనాలు ధ్రువీకరిస్తున్నాయి.ఈ ఘటనకు సంబంధించిన దృశ్యాలు సామాజిక మాధ్యమాల్లో వైరల్‌గా మారాయి. కాజల్‌ తర్వాత వీడియో విడుదల చేసి తాను క్షేమంగా ఉన్నానని అభిమానులకు తెలిపారు. తనకు మద్దతుగా నిలిచిన వారికి కృతజ్ఞతలు చెబుతూ, ఇదే ఆదరణ కొనసాగించాలని కోరారు.కార్యక్రమానికి పరిపాలనా అనుమతి తీసుకున్నారా లేదా అనే అంశంపైనా వివాదం మొదలైంది. అనుమతి తీసుకోలేదని పోలీసులు చెబుతుండగా, జిల్లా అధికారులకు కార్యక్రమం గురించి లేఖ ద్వారా సమాచారం ఇచ్చామని, సెప్టెంబర్‌ 17న అనుమతి కోసం దరఖాస్తు చేశామని షోరూమ్‌ నిర్వాహకుడు చెబుతున్నట్లు నివేదికలు పేర్కొన్నాయి. ఈ వ్యవహారంపై నిర్వాహకులకు నోటీసు ఇవ్వనున్నట్లు పోలీసులు తెలిపారు.కాజల్‌ రాఘవాణి 2013లో ‘రిహై’ చిత్రంతో భోజ్‌పురి సినిమాల్లోకి ప్రవేశించారు. ఇప్పటివరకు 50కుపైగా చిత్రాల్లో నటించారు. తాజాగా ‘భోజ్‌పురి బవాల్‌’లో పాల్గొన్న ఆమె.. త్వరలో ‘రైజ్‌ అండ్‌ ఫాల్‌ 2’లో కనిపించనున్నారు. View this post on Instagram A post shared by Kajal Sharda🦋 (@kajalraghwani)

సూపర్ స్టార్ రజినీకాంత్ నటిస్తోన్న సీక్వెల్ మూవీ జైలర్-2. ఈ చిత్రానికి నెల్సన్ దిలీప్ కుమార్ దర్శకత్వం వహిస్తున్నారు. గతంలో రిలీజై సూపర్ హిట్‌గా నిలిచిన జైలర్‌కు సీక్వెల్‌గా ఈ చిత్రాన్ని ప్రేక్షకుల ముందుకు తీసుకొస్తున్నారు. ఇప్పటికే రిలీజైన ఫస్ట్ సింగిల్‌కు ఆడియన్స్‌ నుంచి ఆదరణ లభించింది. ఈ చిత్రాన్ని సన్ పిక్చర్స్ బ్యానర్‌పై కళానిధి మారన్ నిర్మించారు.తాజాగా ఈ మూవీకి సంబంధించి మరో అప్‌డేట్ ఇచ్చారు మేకర్స్. ఈ చిత్రంలో బాలీవుడ్ నటి విద్యా బాలన్ క్యారెక్టర్‌ రివీల్ చేశారు. ఆమె కాంతా అనే పవర్‌పుల్ రోల్ చేయనున్నట్లు వెల్లడించారు. దీనికి సంబంధించిన ఓ స్పెషల్ వీడియో రిలీజ్ చేశారు. ఈ వీడియోలో మెట్లపై నడుచుకుంటూ.. చేతిలో సిగరెట్‌ పట్టుకుని ఫుల్ మాస్‌ లుక్‌లో కనిపించింది బాలీవుడ్‌ బ్యూటీ.(ఇది చదవండి: రజినీకాంత్ జైలర్-2.. సూరజ్ వెంజరమూడు పవర్‌ఫుల్ రోల్‌..!)కాగా.. ఈ భారీ ప్రాజెక్ట్‌ అక్టోబర్ 15, 2026న థియేటర్లలో విడుదల కానుందని మేకర్స్ ఇప్పటికే అధికారికంగా ప్రకటించారు. ఈ చిత్రంలో ఎస్.జె. సూర్య, రమ్యకృష్ణ, యోగి బాబు ముఖ్య పాత్రల్లో నటిస్తున్నారు. ఈ సినిమాకు అనిరుధ్ రవిచందర్ సంగీతం అందిస్తున్నారు.

సాక్షి హైదరాబాద్‌: శిల్పకళకు ప్రాచుర్యం పెంచడంతో పాటు ఇంటీరియర్‌లో దానిని భాగం చేసుకునే అలవాటును పెంపొందించే విధంగా అవగాహాన కల్పించేలా ఢిల్లీకి చెందిన బ్లాక్‌ క్యూబ్‌ గ్యాలరీ డైరెక్టర్‌ సాన్యా మాలిక్‌ ‘స్కల్పె్టడ్‌ ఇండియా’ పేరిట ఒక వేదికను ఏర్పాటు చేశారు. కేవలం గ్యాలరీల్లో కొంత మంది కళాభిమానులకు మాత్రమే కాకుండా శిల్పాలను సాధారణ ప్రజలకు పెద్ద సంఖ్యలో అందుబాటులోకి తీసుకురావాలనే లక్ష్యంతో దీనిని ఏర్పాటు చేసినట్లు పేర్కొన్నారు.హైదరాబాద్‌లోని హైటెక్స్‌ ఎగ్జిబిషన్‌ సెంటర్‌లో డిజైన్‌ డెమోక్రసీ ఇంటీరియర్‌ షోలో.. తోట వైకుంఠం, ఎం.ఎఫ్‌. హుస్సేన్, క్రిషెన్‌ ఖన్నా. హిమ్మత్‌ షా, ధనంజయ్‌ సింగ్‌ తదితరుల కళాకృతులను ప్రత్యేకంగా ప్రదర్శిస్తున్నారు. దీనిపై బ్లాక్‌ క్యూబ్‌ గ్యాలరీ డైరెక్టర్‌ సాన్యా మాలిక్‌ మాట్లాడుతూ. మాట్లాడుతూ భారతీయ కళారంగంలో పెయింటింగ్‌కు లభిస్తున్న ప్రాధాన్యంతో పోలిస్తే శిల్పకళ బాగా వెనుకబడింది. అద్భుతమైన శిల్పాలు రూపొందుతున్నప్పటికీ, వాటికి తగిన స్థాయిలో ప్రాతినిధ్యం, గుర్తింపు లభించడం లేదు. శిల్పకళకు విస్త్రుతమైన ఆదరణ లభింపజేయాలనే ఆలోచన నుంచే ‘స్కల్పటడ్‌ ఇండియా’ ఆవిర్భవించింది. ఒక గది, భవనం లేదా పబ్లిక్‌ ప్లేస్‌ను ఆస్వాదించే విధానాన్నే మార్చగల శక్తి శిల్పానికి ఉంది. అందువల్ల శిల్పాలు కేవలం గ్యాలరీల్లో మాత్రమే కాకుండా ఇంటీరియర్‌ ఈవెంట్స్, ఆర్కిటెక్చర్, పబ్లిక్‌ స్పేస్‌లలో భాగం చేస్తున్నామని తెలిపారు.డిజైన్‌ డెమోక్రసీ వంటి డిజైన్ ఆధారిత వేదికలో శిల్పకళను ప్రదర్శించడం వల్ల శిల్పాలను కేవలం ఫైన్‌ ఆర్ట్‌గా కాకుండా ఇంటీరియర్స్, ఆర్కిటెక్చర్, సమకాలీన జీవనశైలిలో అంతర్భాగంగా చూడటానికి అవకాశం లభిస్తుందని పేర్కొన్నారు. ప్రస్త్రుత స్థాయిలో శిల్పకళా ప్రదర్శనలు నిర్వహించడం, కొత్త సందర్శకులను ఆకర్షించడం, కళాకారులు, డిజైనర్లు, సంస్థలు, సాధారణ ప్రజల మధ్య మరింత బలమైన అనుసంధానాన్ని ఏర్పరచడం సంస్థ లక్ష్యంగా పెట్టుకుందని తెలిపారు.

గుంటూరులో వైఎస్సార్‌సీపీ బలంగా ఉందని రాజ్యసభ సభ్యుడు వైవీ సుబ్బారెడ్డి అన్నారు. గుంటూరులో మున్సిపల్ కార్పొరేషన్ ఎన్నికలపై వైఎస్సార్‌సీపీ నాయకులు, కార్యకర్తలతో విస్తృతస్థాయి సమావేశం జరిగింది. ఇందులో వైవీ సుబ్బారెడ్డి మాట్లాడారు.‘‘2021లో గుంటూరు మున్సిపల్ కార్పొరేషన్ 57 డివిజన్లకు 46 డివిజన్లు పార్టీ గెలుచుకుంది. ఈసారి జరిగే మున్సిపల్ ఎన్నికల్లో అంతకన్నా ఎక్కువ సీట్లు గెల్చుకోవాలి. అందరూ కలిసికట్టుగా ఎన్నికల పని చేయాలి. అభ్యర్థి ఎవరైనా అందరూ కలసికట్టుగా పనిచెయ్యాలి. ప్రతి కుటుంబానికి వైఎస్ జగన్‌మోహన్‌రెడ్డి చేసిన అభివృద్ధి కార్యక్రమాలను తెలియజేయాలి. గతంలో ఎలా గెలిచామో ఈసారి కూడా అలానే గుంటూరు మేయర్ గెలుచుకోవాలి’’ అని చెప్పారు.మాజీ ఎంపీ ఆళ్ల అయోధ్య రామి రెడ్డి మాట్లాడుతూ.. ‘గుంటూరు మున్సిపల్ కార్పొరేషన్ ఎలక్షన్లకు కార్యకర్తలు నాయకులు సిద్ధంగా ఉండాలి. గుంటూరు మున్సిపల్ పీఠాన్ని గెలుచుకొని వైఎస్ జగన్‌మోహన్ రెడ్డికి గిఫ్టుగా ఇవ్వాలి. అందరూ సమన్వయంతో పనిచేసి ఒక ప్లాన్ ప్రకారం ముందుకు వెళ్దాం. వచ్చే మున్సిపల్ ఎన్నికల్లో గుంటూరు మున్సిపల్ కార్పొరేషన్ పై వైఎస్సార్‌సీపీ జెండా ఎగరటం ఖాయం’’ అని చెప్పారు.వైఎస్సార్‌సీపీకి మహిళలు వెన్నెముక మాజీ ఎంపీ మోదుగుల వేణుగోపాల్ రెడ్డి మాట్లాడుతూ.. ‘‘వైఎస్సార్‌సీపీకి మహిళలు వెన్నెముక. పార్టీ జెండాను మోసే కార్యకర్తలకే ప్రాధాన్యం ఉంటుంది. పార్టీలో కష్టపడిన వారికి న్యాయం జరుగుతుంది. మనం గర్వపడే నాయకుడు వైఎస్ జగన్‌మోహన్‌రెడ్డి. ప్రతి ఒక్క కార్యకర్త కూడా 2029లో వైఎస్ జగన్‌మోహన్‌రెడ్డిని ముఖ్యమంత్రి చెయ్యడానికి సిద్ధంగా ఉన్నారు’’ అని తెలిపారు.ఎమ్మెల్సీ లేళ్ల అప్పిరెడ్డి మాట్లాడుతూ... ‘‘డాక్టర్ వైఎస్ రాజశేఖరరెడ్డి ఆశయాలను ముందుకు తీసుకెళ్లడానికి వైఎస్‌ జగన్‌ వైఎస్సార్‌సీపీని స్థాపించారు. డాక్టర్ వైఎస్ రాజశేఖర రెడ్డి ఆశయాలనుంచి పుట్టిన పార్టీనే వైఎస్సార్‌సీపీ. డాక్టర్ వైఎస్ రాజశేఖర రెడ్డి రెండడుగులు ముందుకు వేస్తే వైఎస్ జగన్‌ నాలుగడుగులు ముందుకు వేశారు. 76 డివిజన్లలో వైఎస్సార్‌సీపీని గెలిపించుకోవాలి. ప్రభుత్వ వైఫల్యాలను ప్రజల్లోకి బలంగా తీసుకెళ్లాలి. గుంటూరు నగర మేయర్ పదవిని వైఎస్ జగన్‌కు కానుకగా ఇవ్వాలి.మాజీ మంత్రి మేకతోటి సుచరిత మాట్లాడుతూ... ‘‘రాబోయే ఎన్నికల్లో అభ్యర్ధులను గెలిపించుకునే బాధ్యత అందరి మీద ఉంది. చంద్రబాబు ఎన్నికలను చండాలం చేశారు. పక్క పార్టీ వాళ్లను లాక్కోవడం చంద్రబాబు అలవాటే. రాజ్యాంగాన్ని తుంగలోతొక్కి వైసీపీ తరుఫున గెలిచిన వారిని లాక్కున్నారు. రాబోయే ఎన్నికల్లో వైసీపీ విజయ డంకా మోగించాలి. అందరం కలసి గుంటూరు మేయర్ పదవిని కైవసం చేసుకోవాలి’’ అని తెలిపారు.గుంటూరు తూర్పు నియోజకవర్గ సమన్వయకర్త షేక్ నూరి ఫాతిమా మాట్లాడుతూ... ‘‘ఈ రోజు పార్టీ కోసం నిలబడినోడే నిజమైన కార్యకర్త. నియోజకవర్గంలో ఎవరు నిలబడ్డ మనకి కనిపించాల్సింది వైఎస్ జగన్‌మోహన్‌రెడ్డి మాత్రమే. కూటమి ప్రభుత్వానికి బుద్ధి చెప్పడానికి ప్రజలు ఎదురుచూస్తున్నారు’’ అని తెలిపారు. పోతిన మహేశ్‌ మాట్లాడుతూ.. ‘‘స్థానిక సంస్థల ఎన్నికల్లో కచ్చితంగా గుంటూరు నగర మేయర్ స్థానాన్ని కైవసం చేసుకోవాలి. మనందరం స్థానికంగా చాలా బలంగా ఉన్నాం. ప్రజలు ఏ ఇబ్బంది వచ్చినా ప్రతిపక్షం దగ్గరికి వస్తున్నారు. మంచినీళ్లు ఇవ్వలేని ఈ కూటమి ప్రభుత్వానికి ఎవరైనా ఓటు వేస్తారా? నిత్యావసర ధరలు భారీగా పెరిగాయి. ప్రజలకు సమాధానం చెప్పలేక ప్రజల్లోకి వెళ్లలేని పరిస్థితిలో తెలుగుదేశం పార్టీ నాయకులు ఉన్నారు. నాదెండ్ల మనోహర్ రూ.5,300 కోట్లు కుంభకోణానికి పాల్పడ్డారు’’ అని చెప్పారు.

సాక్షి, హైదరాబాద్‌: విద్యావంతులైన గ్రామీణ నిరుద్యోగ యువతకు ఉద్యోగ అవకాశాలను చేరువ చేయాలన్న లక్ష్యంతో నిర్వహించిన కోదాడ మెగా జాబ్‌ మేళా విజయవంతమైంది. రాష్ట్ర నీటిపారుదల, పౌర సరఫరాల శాఖ మంత్రి కెప్టెన్‌ ఎన్‌. ఉత్తమ్‌కుమార్‌రెడ్డి చొరవతో సుమారు 350 కంపెనీలు ఒకే వేదికపైకి రాగా, 30 వేల మందికిపైగా ఉద్యోగార్థులు నమోదు చేసుకున్నారు. వివిధ దశల్లో నిర్వహించిన ఇంటర్వ్యూల అనంతరం 5,725 మంది అభ్యర్థులు తదుపరి నియామక ప్రక్రియకు షార్ట్‌లిస్ట్‌ అయ్యారు.మంత్రి ఉత్తమ్‌కుమార్‌రెడ్డి, కోదాడ ఎమ్మెల్యే ఎన్‌. పద్మావతిరెడ్డి నేతృత్వంలో సెప్టెంబర్‌ 19న నిర్వహించిన ఈ భారీ నియామక కార్యక్రమం గ్రామీణ నిరుద్యోగ సమస్యను ప్రధానాంశంగా తీసుకుంది. భౌగోళిక దూరం, ఉద్యోగ సమాచార లోపం, ఆర్థిక పరిమితుల కారణంగా ప్రముఖ సంస్థలను చేరుకోలేకపోతున్న గ్రామీణ యువతకు స్థానికంగానే అవకాశాలు కల్పించాలన్న ఉద్దేశంతో ఈ మేళాను నిర్వహించారు. సూర్యాపేట, నల్లగొండ, యాదాద్రి భువనగిరి, ఖమ్మం, భద్రాద్రి కొత్తగూడెం జిల్లాలకు చెందిన యువత ఈ మేళాలో పెద్ద సంఖ్యలో పాల్గొన్నారు.సమాచార సాంకేతికత, ఫార్మా, తయారీ, వైద్య ఆరోగ్య రంగం, బ్యాంకింగ్‌, రిటైల్‌తోపాటు వివిధ రంగాలకు చెందిన సంస్థలు అభ్యర్థుల విద్యార్హతలు, నైపుణ్యాలను పరిశీలించి ప్రత్యక్ష ఇంటర్వ్యూలు నిర్వహించాయి. గ్రామీణ కుటుంబాలు ఎన్నో త్యాగాలు చేసి తమ పిల్లలను ఉన్నత చదువులు చదివిస్తున్నప్పటికీ, వారికి సరైన సమయంలో ఉద్యోగ సమాచారం అందడం లేదని మంత్రి ఉత్తమ్‌కుమార్‌రెడ్డి పేర్కొన్నారు.ఇంజినీరింగ్‌, ఫార్మసీ, మేనేజ్‌మెంట్‌, పాలిటెక్నిక్‌ తదితర కోర్సులు పూర్తి చేసిన యువత ఉద్యోగ అవకాశాలను గుర్తించడం, సంస్థలను సంప్రదించడం, ఇంటర్వ్యూల కోసం పదేపదే నగరాలకు వెళ్లడం వంటి ఇబ్బందులను ఎదుర్కొంటున్నారని వివరించారు. ఒక యువకుడి గ్రామ చిరునామా లేదా కుటుంబ ఆర్థిక పరిస్థితి అతని ఉద్యోగ అవకాశాలకు అడ్డంకిగా మారకూడదన్నదే ఈ కార్యక్రమం ప్రధాన ఉద్దేశమని స్పష్టం చేశారు.అర్హులైన ఉద్యోగుల కోసం ఎదురుచూస్తున్న కంపెనీలు, తొలి అవకాశం కోసం నిరీక్షిస్తున్న గ్రామీణ యువతను ఒకే వేదికపైకి తీసుకురావడం ద్వారా వారి మధ్య ఉన్న అంతరాన్ని ఈ మేళా తగ్గించిందన్నారు. అభ్యర్థులు తమ విద్యార్హతలు, నైపుణ్యాలను నేరుగా సంస్థల ప్రతినిధుల ముందు ప్రదర్శించడంతోపాటు సంఘటిత రంగంలో ఉద్యోగాలు పొందేందుకు అవసరమైన అర్హతలు, నైపుణ్యాలపై అవగాహన పొందారని తెలిపారు.గత ఏడాది హుజూర్‌నగర్‌లో నిర్వహించిన జాబ్‌ మేళా అనుభవానికి కొనసాగింపుగా కోదాడలో ఈ కార్యక్రమాన్ని మరింత విస్తృత స్థాయిలో చేపట్టారు. పారిశ్రామికవేత్తలు, విద్యాసంస్థలు, ఐదు జిల్లాల అధికార యంత్రాంగంతో ముందస్తుగా సమన్వయం చేసుకుని యువతను పెద్ద ఎత్తున సమీకరించారు. రాష్ట్ర పరిశ్రమల శాఖ, సింగరేణి కాలరీస్‌ కంపెనీ లిమిటెడ్‌ ఈ కార్యక్రమానికి సహకారం అందించాయి.జాబ్‌ మేళాలో పాల్గొన్న యువతను ఉద్దేశించి శాసన సభాపతి గడ్డం ప్రసాద్‌కుమార్‌ మాట్లాడుతూ, గ్రామీణ యువతకు ఉపాధి అవకాశాలను చేరువ చేయడంలో కోదాడ మెగా జాబ్‌ మేళా రాష్ట్రంలో ఒక మైలురాయిగా నిలుస్తుందని ప్రశంసించారు. ఒకే వేదికపైకి సుమారు 350 కంపెనీలను తీసుకురావడం అసాధారణమైన ప్రయత్నమన్నారు.రాష్ట్రవ్యాప్తంగా ఇటువంటి భారీ ఉద్యోగ మేళాలను నిర్వహించి యువత నివసిస్తున్న ప్రాంతాలకు చేరువలోనే ఉపాధి అవకాశాలు కల్పించాలని సూచించారు. శాసనమండలి చైర్మన్‌ గుత్తా సుఖేందర్‌రెడ్డి, ఐటీ–పరిశ్రమల శాఖ మంత్రి దుద్దిళ్ల శ్రీధర్‌బాబు, రోడ్లు–భవనాల శాఖ మంత్రి కోమటిరెడ్డి వెంకట్‌రెడ్డి, అడ్లూరి లక్ష్మణ్‌కుమార్‌, మంత్రి ఉత్తమ్‌కుమార్‌రెడ్డి, ఎమ్మెల్యే పద్మావతిరెడ్డి, జిల్లా కలెక్టర్‌ తేజస్‌ నందలాల్‌ పవార్‌ తదితరులు జాబ్‌ మేళాలో పాల్గొన్నారు. కంపెనీల ప్రతినిధులు, ఉద్యోగార్థులతో వారు మాట్లాడి, ఉద్యోగ అవకాశాలు పొందిన అభ్యర్థులను అభినందించారు.

లేహ్‌లో హీరోయిన్ శ్వేతాబసుప్రసాద్ చిల్..స్టైలిష్ లుక్‌లో మహేశ్ బాబు సతీమణి నమ్రతా..ఫ్రెండ్స్‌తో ఎంజాయ్ చేస్తోన్న ఆషిక రంగనాథ్‌..శారీలో హీరోయిన్ తమన్నా అందాలు..అనంతిక సనిల్‌కుమార్ నేచురల్ లుక్స్.. View this post on Instagram A post shared by Ashika Ranganath (@ashika_rangnath) View this post on Instagram A post shared by Namrata Shirodkar (@namratashirodkar) View this post on Instagram A post shared by Shweta Basu Prasad (@shwetabasuprasad11) View this post on Instagram A post shared by Ananthika Sanilkumar (@ananthika_sanilkumar) View this post on Instagram A post shared by Tamannaah Bhatia (@tamannaahspeaks)

నాని హీరోగా వస్తోన్న లేటేస్ట్ యాక్షన్‌ మూవీ ది ప్యారడైజ్. మరో నాలుగు రోజుల్లో బిగ్‌ స్క్రీన్‌పై సందడి చేయనుంది. శ్రీకాంత్ ఓదెల డైరెక్షన్‌లో వస్తోన్న ఈ సినిమా కోసం ఆడియన్స్‌ ఎంతో ఆసక్తిగా ఎదురుచూస్తున్నారు. ట్రైలర్ లేకుండానే ఈ మూవీ రిలీజ్ చేయడం మరో విశేషం. ఇప్పటికే షూటింగ్ పూర్తయిన ఈ చిత్రం సెప్టెంబర్ 24న థియేటర్లలో సందడి చేయనుంది.తాజాగా ఈ మూవీకి సంబంధించిన పలు ఆసక్తికర విషయాలు పంచుకున్నారు హీరో నాని. ప్రమోషన్లలో భాగంగా ప్రెస్‌మీట్ నిర్వహించగా..ఈ మూవీ కథ లైన్ ఏంటో చెప్పేశారు. ఈ మూవీని 1984–85 బ్యాక్‌డ్రాప్‌లో తెరకెక్కించినట్లు నాని వెల్లడించారు. అసలు ఉనికి లేని ఒక జాతి తమ ఉనికి కోసం చేసే తిరుగుబాటు కథాంశంతో రూపొందించినట్లు ఆయన తెలిపారు. సవారీలు అనే తెగకు ఎలాంటి ఐడెంటిటీ ఉండదు.. వాళ్లు ఎవరినైనా చంపినా కేసు ఉండదు.. వాళ్లను చంపినా ఎవరూ పట్టించుకోరు.. ఆ జాతి తమ మనుగడ కోసం చేసిన యుద్ధమే ది ప్యారడైజ్‌ స్టోరీ అని నాని రివీల్ చేశారు.ఈ సినిమాలో ఒకట్రెండ్‌ ఎపిసోడ్స్‌ను శ్రీకాంత్ మరింత ఎక్స్‌ట్రీమ్‌గా తీశాడని అన్నారు. నా మోస్ట్ ఫేవరెట్ పార్ట్స్ అవేనని పంచుకున్నారు. యాక్షన్ సీన్స్ ఒక కమర్షియల్ మాస్ సినిమాలో ఇలా ఉంటాయా అని థియేటర్లలో ఆడియన్స్ షాక్ అవుతారని అన్నారు. తాను మేకప్ వేసుకోవడానికి గంటన్నర పడితే.. జడల వల్ల రోజంతా వెనుకకు ఆనుకోవడానికి కూడా టైమ్ ఉండేది కాదని వెల్లడించారు. కొన్నిసార్లు ఏకంగా 36 గంటల పాటు షూట్ చేశామని.. లోపల స్కాల్ప్ అంతా ఎర్రబడి గాయాలయ్యాయని తాను పడ్డ కష్టాన్ని వివరించారు. జడల వల్ల ఎన్నో గాయాలు అయినా ప్రతీ షాట్ నేనే చేశా... థియేటర్లలో ప్రతీ ఫైట్, ప్రతీ పంచ్ పూనకాలు తెప్పిస్తుందని హైప్ పెంచేశారు నాని.

దేశీయ కార్ల తయారీ సంస్థ టాటా మోటార్స్ తన మూడు వరుసల సఫారీ ధర పెరిగింది. ఫలితంగా.. ఈ సంవత్సరంలో ఈ SUV ధర పెరగడం ఇది మూడవసారి.మార్కెట్లో అమ్ముడవుతున్న టాటా సఫారీ.. పెట్రోల్, డీజిల్ పవర్‌ట్రెయిన్ ఎంపికలలో అందుబాటులో ఉంది. కాగా ఇది త్వరలోనే ఈవీ రూపంలో కూడా లాంచ్ కావడానికి సిద్దమవుతోంది. అయితే ఈ మోడల్ మల్టిపుల్ వేరియంట్లలో అందుబాటులో ఉన్నట్లు కంపెనీ చెబుతోంది.రూ.25 వేలు పెరుగుదల తరువాత టాటా సఫారీ ధర రూ. 13.40-26.91 లక్షల మధ్య ఉంది. ధరలు ఎంచుకునే వేరియంట్‌ను బట్టి మారుతాయి. కాబట్టి కొత్త ధరలు గురించి తెలుసుకోవడానికి అధికారిక వెబ్సైట్ లేదా డీలర్షిప్ సందర్శించవచ్చు.టాటా సఫారీలో రెండు పవర్‌ట్రెయిన్ ఆప్షన్లు ఉన్నాయి. అవి 1.5-లీటర్ టర్బో పెట్రోల్ (168bhp/280Nm), రెండు 2.0-లీటర్ డీజిల్ (168bhp/350Nm). ఇవి రెండూ ఉత్తమ పనితీరును అందిస్తాయి.ఫీచర్లవిషయానికి వస్తే.. సఫారీలో 12.3-అంగుళాల ఇన్ఫోటైన్‌మెంట్, వాయిస్ అసిస్టెడ్ పనోరమిక్ సన్‌రూఫ్, రియర్ సన్‌బ్లైండ్‌లు, డ్యూయల్ జోన్ ఆటోమేటిక్ క్లైమేట్ కంట్రోల్, వైర్‌లెస్ ఛార్జింగ్, ఎయిర్ ప్యూరిఫైయర్, రెయిన్ సెన్సింగ్ వైపర్‌లు, జేబీఎల్ స్పీకర్‌లతో కూడిన హర్మాన్ కార్డాన్ ఆడియో, ఎలక్ట్రిక్ బాస్ మోడ్, వైర్‌లెస్ కనెక్టివిటీ ఉన్నాయి. భద్రతా ఫీచర్లలో ఏడు ఎయిర్‌బ్యాగ్‌లు, హిల్ హోల్డ్ అసిస్ట్, లెవెల్ 2 ఏడీఏఎస్, 360° కెమెరా, ఏబీఎస్, నాలుగు డిస్క్ బ్రేక్‌లు ఉన్నాయి.

రంజీ ట్రోఫీ 2026-27 సీజన్ ప్రారంభానికి ముందు భారత సీనియర్ ఫాస్ట్ బౌలర్ ఉమేష్ యాదవ్ సంచలన నిర్ణయం తీసుకున్నాడు. తన సొంత జట్టు అయిన విదర్భతో 18 ఏళ్ల అనుబంధానికి వీడ్కోలు పలికాడు. రాబోయే దేశవాళీ సీజన్‌లో కొత్త జట్టు తరఫున బరిలోకి దిగేందుకు విదర్భ క్రికెట్ అసోసియేషన్ నుంచి 'నో అబ్జెక్షన్ సర్టిఫికేట్' తీసుకున్నాడు. ఈ విషయాన్ని ఉమేష్ స్వయంగా ధ్రువీకరించాడు."ఈ సీజన్ నుంచి మరొక రాష్ట్ర జట్టుకు ప్రాతినిధ్యం వహించాలని నిర్ణయించుకున్నాను. దీనికి సంబంధించి విదర్భ క్రికెట్ అసోసియేషన్ నుంచి ఎన్ఓసీ కూడా లభించింది" అని ఉమేశ్‌ పేర్కొన్నాడు. అయితే తానూ ఏ జట్టు తరఫున ఆడబోతున్నాడనే విషయాన్ని ఉమేష్ ఇంకా వెల్లడించలేదు. 'ది ఇండియన్ ఎక్స్‌ప్రెస్' కథనం ప్రకారం.. ఉమేష్ ఇప్పటికే కొన్ని రాష్ట్రాల క్రికెట్ బోర్డులతో చర్చలు జరుపుతున్నట్లు సమాచారం.18 ఏళ్ల ప్రయాణానికి ముగింపు2008-09 సీజన్‌లో విదర్భ తరఫున ఫస్ట్ క్లాస్ క్రికెట్‌లో అరంగేట్రం చేసిన ఉమేష్.. రెడ్ బాల్ క్రికెట్‌తో పాటు వైట్ బాల్ ఫార్మాట్‌లోనూ జట్టు విజయాల్లో కీలక పాత్ర పోషించాడు. అయితే భవిష్యత్తులో జట్టులో తన పాత్ర ఏమిటనే దానిపై విదర్భ సెలెక్టర్లు స్పష్టత ఇవ్వకపోవడమే అతడు ఈ నిర్ణయం తీసుకున్నట్లు తెలుస్తోంది.అత‌డు చివ‌ర‌గా విద‌ర్భ త‌ర‌పున‌ సయ్యద్ ముస్తాక్ అలీ ట్రోఫీ 2025-26లో ఆడాడు. ఈ టోర్నీల్లో 4 మ్యాచ్‌లు ఆడి 4 వికెట్లు ప‌డ‌గొట్టాడు. రంజీ ట్రోఫీలో మాత్రం ఆఖరిసారిగా అక్టోబర్ 2024లో నాగ్‌పూర్‌లో ఆంధ్రతో జరిగిన మ్యాచ్‌లోనే ఆడాడు. ఆ త‌ర్వాత అత‌డు రెడ్‌బాల్ క్రికెట్‌కు దూరంగా ఉన్నాడు.చదవండి: AUS vs ZIM: జింబాబ్వే ప్లేయర్‌ ప్రపంచ రికార్డు.. వన్డే క్రికెట్‌ చరిత్రలోనే

బెంగళూరులో రద్దీగా ఉన్న రహదారిపై ఓ మహిళా బైకర్‌ చేసిన పని ఇప్పుడు సామాజిక మాధ్యమాల్లో చర్చనీయాంశంగా మారింది. ట్రాఫిక్‌లో ఆటో నడుపుతున్న మరో మహిళను గమనించిన బైకర్‌ అలీషా అన్సారీ.. ఆమెకు చాక్లెట్‌ పంపించి, ఆమె శ్రమను అభినందించారు. మహిళలు ఒకరికొకరు అండగా నిలవచ్చని చెప్పేలా ఈ ఘటన నిలిచింది.అలీషా తన సామాజిక మాధ్యమ ఖాతాలో ఈ ఘటనకు సంబంధించిన వీడియోను పోస్ట్‌ చేశారు. భారీ ట్రాఫిక్‌ మధ్య బైక్‌పై వెళ్తున్న ఆమెకు సమీపంలో ఓ మహిళ ఆటో నడుపుతూ కనిపించారు. వెంటనే తన బైక్‌పై ఉన్న బ్యాగ్‌ నుంచి ఓ చాక్లెట్‌ను తీసుకున్నారు.ఆ చాక్లెట్‌ను నేరుగా ఇవ్వడానికి అవకాశం లేకపోవడంతో పక్కనే ఉన్న ద్విచక్ర వాహనదారుడి సాయాన్ని అలీషా కోరారు. అతను చాక్లెట్‌ను తీసుకుని ఆటోలో ఉన్న మహిళకు అందించారు. తన చిన్న బహుమతి ఆమెకు చేరిందని నిర్ధారించుకున్న తర్వాత అలీషా బొటనవేలు పైకెత్తి అభినందనలు తెలిపారు.అనంతరం కెమెరా వైపు తిరిగిన అలీషా.. కష్టమైన పనులను ఎంచుకుని తమ పిల్లలు, కుటుంబాలు, తల్లిదండ్రుల కోసం శ్రమించే మహిళల గురించి మాట్లాడారు. ఈ వీడియోకు “మహిళలైనా, పురుషులైనా.. ప్రతి ఒక్కరి శ్రమ ప్రత్యేకమే” అన్నారు.సాధారణంగా బెంగళూరు ట్రాఫిక్‌ అంటే హారన్‌లు, తొందరపాటు, అసహనం కనిపించే పరిస్థితి. అలాంటి రద్దీలో ఇద్దరు అపరిచిత మహిళల మధ్య జరిగిన ఈ చిన్న సంఘటన నెటిజన్లను ఆకట్టుకుంది. పెద్ద బహుమతి కాకపోయినా, ఎదుటివారి కష్టాన్ని గుర్తించి ప్రోత్సహించడం ముఖ్యమని పలువురు స్పందించారు. ఈ వీడియోకు వచ్చిన స్పందనలు.. గజిబిజి జీవితంలో చిన్నపాటి దయ, పరస్పర ప్రోత్సాహం కూడా ఇతరులపై సానుకూల ప్రభావం చూపగలదనే విషయాన్ని మరోసారి వెలుగులోకి తెచ్చాయి. View this post on Instagram A post shared by Alisha Ansari | Fitness & rider influencer | Bangalore (@dimple_with_dumbbell)

టాలీవుడ్ హీరోయిన్ రష్మిక మందన్నా లీడ్‌ రోల్‌లో వస్తోన్న లేడీ ఓరియంటెడ్‌ మూవీ మైసా. ఈ చిత్రాన్ని పాన్‌ ఇండియా రేంజ్‌లో తెరకెక్కిస్తున్నారు. ఈ మూవీకి రవీంద్ర పూలే దర్శకత్వం వహిస్తున్నారు. ఇప్పటికే రిలీజైన గ్లింప్స్‌లో రష్మిక లుక్‌ అభిమానులను విపరీతంగా ఆకట్టుకుంది. ఈ చిత్రాన్ని అన్ ఫార్ములా ఫిల్మ్స్ బ్యానర్‌లో భారీ బడ్జెట్‌తో నిర్మిస్తున్నారు. తాజాగా ఈ మూవీ టీజర్ రిలీజ్ చేశారు మేకర్స్. 'అలసిపోయాను.. ఆగిపోయాను.. ఓడిపోయాను' అనే రష్మిక డైలాగ్‌తో ఈ టీజర్ ప్రారంభమైంది. ఈ టీజర్‌ చూస్తుంటే తనకు జరిగిన అన్యాయంపై పోరాటం చేసే మహిళ పాత్రలో రష్మిక కనిపించనున్నట్లు తెలుస్తోంది. 'యుద్ధానికి ఆయుధమంటే భయం కానీ.. ఆయుధం ఏ యుద్ధానికి భయపడదు' అనే డైలాగ్‌ మైసాపై మరింత ఆసక్తి పెంచుతోంది. రష్మిక ఫైట్ సీన్స్ చూస్తుంటే ఫుల్ యాక్షన్‌ మోడ్‌లో ఈ చిత్రాన్ని తెరకెక్కించినట్లు తెలుస్తోంది. ఈ మూవీని నవంబర్ 27న ప్రపంచవ్యాప్తంగా విడుదల చేయనున్నారు. ఈ చిత్రానికి జేక్స్ బేజోయ్ సంగీతమందిస్తున్నారు. No fear to hold.No truth to hide.Just ONE promise to keep.#Mysaa – A DAUGHTER’S PROMISE.#MysaaTeaser out now ❤️‍🔥-- https://t.co/kUg5j4XxA0IN CINEMAS WORLDWIDE ON 27.11.26. 💥@iamRashmika @RawindraPulle @jakes_bejoy @unformulafilms @TSeries @tseriessouth pic.twitter.com/AJCj8izHPY— UnFormula Films (@unformulafilms) September 20, 2026

సాక్షి, హైదరాబాద్: డ్రగ్స్ నెట్‌వర్క్‌పై ఈగల్ ఫోర్స్ భారీ ఆపరేషన్ చేపట్టింది. అంతర్జాతీయ డ్రగ్స్‌ రవాణా ముఠా గుట్టు రట్టయ్యింది. ​డెడ్ డ్రాప్ పద్ధతిలో డ్రగ్స్ సప్లై చేస్తూ.. వాట్సాప్, గూగుల్ మ్యాప్స్ ద్వారా విక్రయాలు జరుపుతున్నారు. ​36 గంటల పాటు ఈ ఆపరేషన్ చేపట్టిన ఈగల్‌ ఫోర్స్‌.. 31 మంది క్యారియర్లు, 230 మంది వినియోగదారులను గుర్తించింది. ​ఒడిశాకు చెందిన పలువురు కీలక ముఠా సభ్యులను ఈగల్‌ ఫోర్స్‌ అరెస్ట్ చేసింది. ​23 మంది బాధితులకు డి-అడిక్షన్ పూర్తి కాగా.. వారిని కోర్టు ముందు హాజరుపర్చగా.. ఎన్డీపీఎస్‌ యాక్ట్ సెక్షన్ 64-A కింద పునరావాసం పొందిన వారికి న్యాయస్థానం మినహాయింపు ఇచ్చింది. ​మైనర్లకు పొగాకు ఉత్పత్తులు అమ్మితే కఠిన చర్యలు తీసుకుంటామని.. పాన్ షాపుల యాజమాన్యాలకు ఈగల్ ఫోర్స్ హెచ్చరికలు జారీ చేసింది.ఇదీ చదవండి: హైదరాబాద్‌లో ఒరిగిన భవనం.. ఎలా కూల్చేశారంటే..

నేపాల్‌లో వరదలు ఎంతటి బీభత్సాన్ని సృష్టించాయో ప్రత్యేకించి చెప్పాల్సిన అవసరం లేదు. అకస్మాత్తుగా వచ్చిన వరదలు భయానక ప్రళయాన్ని సృష్టించి 1400 మందికి పైగా పొట్టన పెట్టుకున్నాయి. అయితే వరదల బీభత్సం సృష్టించి నాలుగు వారాలు గడుస్తోన్నా అందులో గల్లంతైన వారి ఆచూకీ ఇంకా లభించలేదు. దీంతో బాధితుల ఉనికిపై ఆందోళన వ్యక్తమవుతుంది.నేపాల్‌లో గత నెల సంభవించిన ఆకస్మిక వరదలకు నాలుగు వారాలు గడిచినా సహాయక, గాలింపు చర్యలు ఇంకా కొనసాగుతున్నాయి. సుమారు 6,000 మంది ఆచూకీ కోసం అధికారులు గాలింపు చర్యలు చేపడుతున్నారు.నేపాల్-టిబెట్ సరిహద్దుకు సమీపంలో ఉద్భవించిన ఈ భారీ వరదలు ఉత్తర, మధ్య నేపాల్‌లోని పట్టణాలు, గ్రామాలను తీవ్రంగా దెబ్బతీశాయి. ఇళ్లు, భవనాలు, వాహనాలు మాత్రమే కాకుండా ప్రజలు కూడా వరద ప్రవాహంలో కొట్టుకుపోయారు. భోటేకోశి నది ఉప్పొంగి భారీగా వరద నీటిని దిగువ ప్రాంతాలకు తీసుకెళ్లడంతో కొన్ని నిమిషాల్లోనే అనేక ప్రాంతాలు ధ్వంసమయ్యాయి.1,450 దాటిన మృతుల సంఖ్యనేపాల్ పోలీసుల ప్రకటన ప్రకారం, ఆగస్టు 26న సంభవించిన ఆకస్మిక వరదల్లో మృతుల సంఖ్య 1,451కి చేరింది. ప్రభావిత ప్రాంతాల నుంచి మరిన్ని మృతదేహాలను సహాయక బృందాలు వెలికితీయడంతో మృతుల సంఖ్య పెరిగింది. జిల్లాల వారీగా చూస్తే అత్యధికంగా చిత్వన్ జిల్లాలో 367 మృతదేహాలను అధికారులు వెలికితీశారు. రసువా జిల్లాలో 236, నావల్‌పరాసి ఈస్ట్‌లో 232, నావల్‌పరాసి వెస్ట్‌లో 222 మృతదేహాలు లభించాయి. అదేవిధంగా నువాకోట్ జిల్లాలో 203, గోర్ఖాలో 79, ధాదింగ్‌లో 72, తనహున్‌లో 38 మృతదేహాలను వెలికితీశారు. చికిత్స పొందుతూ కాఠ్మాండు ఆసుపత్రిలో మరో ఇద్దరు మరణించారు.6,000 మంది ఆచూకీ కోసం గాలింపుఅధికారుల అంచనా ప్రకారం సుమారు 6,000 మంది ఇప్పటికీ గల్లంతైన వారి జాబితాలో ఉన్నారు. వారి ఆచూకీ కోసం గాలింపు చర్యలు కొనసాగుతున్నాయి. రసువా, దాని పొరుగు జిల్లాల్లోని నదీ పరివాహక ప్రాంతాలు, వరదలతో పేరుకుపోయిన శిథిలాల ప్రాంతాలు, దెబ్బతిన్న జలవిద్యుత్ ప్రాజెక్టులను సహాయక బృందాలు విస్తృతంగా పరిశీలిస్తున్నాయి. వరదలు నేపాల్‌ను తీవ్రంగా దెబ్బతీసి దాదాపు నెలరోజులు గడిచినా గల్లంతైన వారి కోసం గాలింపు కొనసాగుతూనే ఉంది.రసువాలోని అప్పర్ త్రిశూలీ-1 జలవిద్యుత్ ప్రాజెక్టులో కూడా 17 మృతదేహాలను సహాయక బృందాలు వెలికితీశాయి. అవి రీన్‌ఫోర్స్‌మెంట్ మెష్‌లో చిక్కుకుని, బురదలో కూరుకుపోయి కనిపించాయి. ఈ మృతదేహాలను బయటకు తీయడానికి రెస్క్యూ సిబ్బంది గ్రైండర్లు, గ్యాస్ కట్టర్లు, రోటరీ పరికరాలను ఉపయోగించారు.మృతదేహాల గుర్తింపులో ఇబ్బందులురెస్క్యూ, గాలింపు చర్యలు కొనసాగుతున్నప్పటికీ మృతదేహాలను గుర్తించడం అధికారులకు మరో పెద్ద సవాలుగా మారింది. వరద ప్రవాహంలో కొట్టుకుపోయిన అనేక మృతదేహాలు చాలాకాలం నీటిలో, బురదలో ఉండటంతో కుళ్లిపోయాయి. కొన్ని మృతదేహాలు తీవ్రంగా దెబ్బతిన్నాయి, మరికొన్ని పూర్తిగా కాకుండా శరీర భాగాల రూపంలో మాత్రమే లభించాయి. దీంతో వాటిని గుర్తించడం కష్టంగా మారింది.

హరారే స్పోర్ట్స్ క్లబ్ వేదికగా ఆస్ట్రేలియాతో జరిగిన మూడో వన్డేలో జింబాబ్వే వెటరన్ బ్యాటర్, మాజీ కెప్టెన్ క్రెయిగ్ ఎర్విన్ అద్భుత హాఫ్ సెంచరీతో రాణించాడు. ఐదో స్థానంలో మైదానంలోకి దిగిన ఎర్విన్ వేగంగా ఆడుతూ స్కోరు బోర్డును పరిగెత్తించాడు. మొత్తంగా 79 బంతుల్లో 59 పరుగులు చేసి ఔటయ్యాడు.ఈ అద్భుత ఇన్నింగ్స్‌తో ఎర్విన్ వన్డే క్రికెట్‌లో ఒక ప్రపంచ రికార్డును తన పేరిట లిఖించుకున్నాడు. ఐసీసీ పూర్తి స్థాయి సభ్యత్వం ఉన్న జట్ల తరఫున వన్డేల్లో హాఫ్ సెంచరీ సాధించిన అత్యంత పెద్ద వయస్కుడిగా ఎర్విన్ చరిత్ర సృష్టించాడు. 41 సంవత్సరాల 32 రోజుల వయస్సులో ఎర్విన్ ఈ ఫీట్ సాధించాడు. ఇంతకుముందు ఈ రికార్డు అఫ్గానిస్తాన్ సీనియర్ ఆల్ రౌండర్ మహమ్మద్ నబీ పేరిట ఉండేది. నబీ 40 ఏళ్ల 286 రోజుల వయసులో ఈ ఘనత సాధించగా, తాజాగా ఎర్విన్ దానిని అధిగమించాడు.వన్డేల్లో హాఫ్ సెంచరీ చేసిన అత్యంత పెద్ద వయస్కులు వీరేక్రెగ్ ఎర్విన్ (జింబాబ్వే): 41 ఏళ్ల 32 రోజులు (వర్సెస్ ఆస్ట్రేలియా, 2026)మహ్మద్ నబీ (అఫ్గానిస్థాన్): 40 ఏళ్ల 286 రోజులు (వర్సెస్ బంగ్లాదేశ్, 2025)మిస్బా ఉల్ హక్ (పాకిస్థాన్): 40 ఏళ్ల 283 రోజులు (వర్సెస్ దక్షిణాఫ్రికా, 2015)జియోఫ్రీ బాయ్‌కాట్ (ఇంగ్లండ్): 40 ఏళ్ల 226 రోజులు (వర్సెస్ ఆస్ట్రేలియా, 1981)క్లైవ్ లాయిడ్ (వెస్టిండీస్): 40 ఏళ్ల 155 రోజులు (వర్సెస్ శ్రీలంక, 1985)చరిత్రలో తొలిసారి!ఈ మ్యాచ్‌లో ఎర్విన్ రికార్డుతో పాటు మరొక అరుదైన రికార్డు నమోదైంది. జింబాబ్వే తుది జట్టులో క్రెగ్ ఎర్విన్, సికందర్ రజా, బ్రెండన్ టేలర్, గ్రేమ్ క్రీమర్ రూపంలో ఏకంగా నలుగురు 40 ఏళ్లు పైబడిన ఆటగాళ్లు బరిలోకి దిగారు. వన్డే క్రికెట్ చరిత్రలోనే ఒక జట్టు తరఫున ఒకే మ్యాచ్‌లో నలుగురు 40 ప్లస్‌ ఏళ్ల ప్లేయర్లు ఆడటం ఇదే తొలిసారి. కాగా ఈ మ్యాచ్‌లో తొలుత బ్యాటింగ్ చేసిన జింబాబ్వే 50 ఓవర్లలో 8 వికెట్ల నష్టానికి 271 పరుగులు చేసింది.చదవండి: IND vs WI: విండీస్ టీమ్‌లో మరో పూరన్.. ఈ కొత్త 'పూరన్' మామూలోడు కాదు!

కార్పొరేట్ ఉద్యోగాల్లో పని వేగంగా, సమర్థవంతంగా పూర్తి చేయడానికి టెక్నాలజీని ఉపయోగించడం సాధారణమే. అయితే.. కొన్నిసార్లు మన పనిని సులభం చేసుకునేందుకు చేసిన ప్రయత్నమే మనపై మరింత పని భారం పడేలా చేయొచ్చు. ఇలాంటి అనుభవమే ఓ ఉద్యోగికి ఎదురైంది. తన పనిలోని ఒక రొటీన్ ప్రక్రియను ఆటోమేట్ చేసి సమయాన్ని ఆదా చేసుకున్న ఆ ఉద్యోగి.. ఆ విషయాన్ని మేనేజర్‌తో పంచుకున్న తర్వాత, అదనపు బాధ్యతలు తీసుకోవాల్సి వచ్చిందని తెలిపాడు.ఉద్యోగి వారానికి చేసే రిపోర్టింగ్ పని చాలా సమయం తీసుకునేదట. డేటాను సేకరించడం, దాన్ని ఫార్మాట్ చేయడం వంటి పనుల కోసం వారానికి సుమారు 15 గంటలు వెచ్చించాల్సి వచ్చేది. దీంతో.. ఒక వారాంతంలో కూర్చొని చిన్న స్క్రిప్ట్ తయారు చేశాడు. దాని ద్వారా డేటా సేకరణ, ఫార్మాటింగ్ మొత్తం ఆటోమేటిక్‌గా జరిగేలా చేశాడు. ఫలితంగా 15 గంటలు పట్టే పని ఒక్క నిమిషంలోపే పూర్తయ్యేది. మిగిలిన సమయాన్ని కొత్త విషయాలు నేర్చుకోవడానికి, ఒత్తిడి లేకుండా పని చేసేందుకు ఉపయోగించుకున్నాడు.తాను చేసిన పనిని చూసి మేనేజర్ మెచ్చుకుంటారని, భవిష్యత్తులో ప్రమోషన్ లేదా జీతం పెంపు వచ్చే అవకాశం ఉంటుందని భావించిన ఉద్యోగి.. తన ఆటోమేషన్ గురించి మేనేజర్‌కు చెప్పాడు. కానీ అక్కడే పరిస్థితి మారిపోయింది.అతనికి ఇటీవల ఉద్యోగం వదిలి వెళ్లిన ఓ సీనియర్ ఉద్యోగి పనిని కూడా అప్పగించారు. అంతేకాకుండా ఇతర ఉద్యోగులు చేస్తున్న పనులను కూడా ఆటోమేట్ చేయాలని బాధ్యత ఇచ్చారు. దీంతో ఇంతకుముందు ఒత్తిడి లేకుండా ఉన్న పని.. వారానికి దాదాపు 50 గంటల పనిగా మారిందని, అయితే జీతం మాత్రం అదే స్థాయిలో ఉందని ఆ ఉద్యోగి చెప్పాడు.ప్రస్తుతం ఈ విషయం సోషల్ మీడియాలో వైరల్ అయింది. నెటిజన్లు తమదైన రీతిలో కామెంట్స్ చేస్తున్నారు. కొందరు ఉద్యోగులు తమకు కూడా ఇలాంటి అనుభవాలే ఎదురయ్యాయని చెప్పారు. పని వేగంగా పూర్తి చేస్తే.. దానికి గుర్తింపు రావడం కంటే, మరింత పని అప్పగించే అవకాశం ఉంటుందని పలువురు తమ అభిప్రాయాలను పంచుకున్నారు.

బిహార్‌లోని అలీనగర్‌ ఎమ్మెల్యే, జానపద గాయని మైథిలీ ఠాకూర్‌ (26) ఖరీదైన రోల్స్‌ రాయిస్‌ కారులో కనిపించడంతో సామాజిక మాధ్యమాల్లో ట్రోలింగ్‌ ఎదుర్కొన్నారు. ఈ వ్యవహారంపై బీజేపీ ఎంపీ కంగనా రనౌత్‌ స్పందిస్తూ మైథిలీకి మద్దతుగా నిలిచారు.మైథిలీ ఠాకూర్‌ 2025లో రాజకీయాల్లోకి ప్రవేశించారు. ప్రస్తుతం బిహార్‌లోని అలీనగర్‌ నియోజకవర్గానికి ఎమ్మెల్యేగా ఉన్నారు. ఇటీవల పంచాయత్‌ ఆజ్‌తక్‌ కార్యక్రమంలో తన నియోజకవర్గంలో చేస్తున్న పనుల గురించి ఆమె మాట్లాడారు. ఇదే సమయంలో ఆమెపై సామాజిక మాధ్యమాల్లో విమర్శలు, ట్రోలింగ్‌ మొదలైంది.మైథిలీ సుమారు రూ.13 కోట్ల విలువైన రోల్స్‌ రాయిస్‌ కారులో కనిపించారు. దీనికి సంబంధించిన ఫొటోలు, వీడియోలు వైరల్‌ అయ్యాయి. ఎమ్మెల్యేగా ఎన్నికైన తర్వాతే ఆమె ఈ కారును కొనుగోలు చేశారంటూ పలువురు పోస్టులు చేశారు. అయితే ఆ కారుకు యజమాని ఎవరో మాత్రం ధ్రువీకరించలేదు.ఎన్నికల అఫిడవిట్‌లో మైతిలీ ఒక హోండా యాక్టివా స్కూటర్‌, రూ.3 నికర ఆస్తులను ప్రకటించారు. దీంతో కొన్ని నెలల్లోనే రూ.13 కోట్ల కారును ఎలా కొనుగోలు చేశారంటూ సామాజిక మాధ్యమాల్లో ప్రశ్నలు, ట్రోలింగ్‌ మొదలయ్యాయి. అయితే కారును ఆమె కొనుగోలు చేశారనే విషయాన్ని ఏ ప్రముఖ సంస్థ కూడా నిర్ధారించలేదు.ఈ ట్రోలింగ్‌పై కంగనా రనౌత్‌ ఇన్‌స్టాగ్రామ్‌ స్టోరీ ద్వారా స్పందించారు. “మేము ప్రజలకు సేవ చేయడానికి రాజకీయాల్లోకి వచ్చాం. కానీ మాకు ఉద్యోగం, వృత్తి, జీవితం, ప్రజాదరణ కూడా ఉన్నాయి” అని ఆమె పేర్కొన్నారు. ప్రజల డబ్బును వాడాలన్న ఆసక్తి తమకు లేదని, అయితే రాజకీయాల్లో ఉన్నవారు ఎప్పుడూ పేదరికంలోనే, ఎలాంటి సౌకర్యాలు లేకుండా ఉండాలని ఆశించడం తర్కరహితమని అన్నారు.మైథిలీపై జరుగుతోన్న చర్చలో ప్రధానంగా కారు యాజమాన్యం, ఆమె ఎన్నికల అఫిడవిట్‌లో ప్రకటించిన ఆస్తుల వివరాలపైనే ప్రశ్నలు కొనసాగుతున్నాయి. కారు యజమాని గురించి స్పష్టత వచ్చే వరకు ఈ అంశంపై వస్తున్న వాదనలను నిర్ధారిత వాస్తవాలుగా చూడలేం.Bihar MLA Maithili Thakur, who declared a Honda Activa and ₹3 net worth in her election affidavit, arrived in a ₹13 crore Rolls Royce. Ownership remains unconfirmed. https://t.co/QxgulIqrzq— 🚨Indian Gems (@IndianGems_) September 20, 2026

ఇటీవల కేంద్రప్రభుత్వం చేపట్టిన ఎస్‌ఐఆర్‌ ప్రక్రియ పలు వివాదాలకు దారితీసిన సంగతి తెలిసిందే. ఆధారాలు సరిపోలడం లేదంటూ ప్రముఖులకు సైతం ఎన్నికల సంఘం నోటీసులు ఇవ్వడం వారు మాకే నోటిసులిస్తారా అంటూ ఎన్నికల సంఘాన్ని ప్రశ్నించడం ఇలా ఈ అంశం వివాదాస్పదమవుతూ వచ్చింది. అయితే ఈ సారి ఆ జాబితాలో ఏకంగా భారత విదేశాంగ శాఖ మంత్రి చేరారు. గతంలో ఇచ్చిన వివరాలతో ప్రస్తుత వివరాలు సరిపోవడం లేదంటూ ఎన్నికల సంఘం ఆయనకు నోటీసులు జారీ చేసింది.ఢిల్లీలో చేపట్టిన ప్రత్యేక ఓటర్ల జాబితా సవరణ (SIR) ప్రక్రియలో పలువురు ప్రముఖులకు ఎన్నికల సంఘం నోటీసులు జారీ చేసింది. కేంద్ర మంత్రి ఎస్. జైశంకర్, ఆయన భార్య క్యోకో జైశంకర్, మాజీ ఆర్మీ చీఫ్ జనరల్ ఉపేంద్ర ద్వివేది, ఆయన భార్య సునీత ద్వివేది, సీబీఐ డైరెక్టర్ ప్రవీణ్ సూద్, ఆయన కుటుంబ సభ్యులు నోటీసులు అందుకున్న వారిలో ఉన్నారు. ప్రస్తుత ఓటరు వివరాలను 2002లో జరిగిన గత సవరణలోని రికార్డులతో అనుసంధానం చేయలేకపోవడం లేదా పేర్లు, కుటుంబ వివరాల్లో తేడాలు ఉండటమే ఇందుకు కారణాలుగా ఎన్నికల సంఘం అధికారులు పేర్కొన్నారు.జైశంకర్ దంపతులు, ప్రవీణ్ సూద్ కుటుంబ సభ్యులు, జనరల్ ఉపేంద్ర ద్వివేది దంపతులను “అన్‌మ్యాప్డ్ విత్ లాస్ట్ SIR” విభాగంలో చేర్చారు. అంటే ప్రస్తుత ఓటరు జాబితాలోని వారి వివరాలను గత SIR సమయంలో రూపొందించిన ఓటరు జాబితాతో అనుసంధానం చేయలేకపోయినట్లు అర్థం. వీరంతా న్యూఢిల్లీ అసెంబ్లీ నియోజకవర్గ పరిధిలో ఓటర్లుగా నమోదై ఉన్నారు. అయితే నోటీసు అందుకోవడం వల్ల ఓటు హక్కు రద్దయిందని లేదా ఓటరు జాబితా నుంచి పేరు తొలగిస్తారని అర్థం కాదని ఢిల్లీ ఎన్నికల ప్రధాన అధికారి స్పష్టం చేశారు.మాజీ ఢిల్లీ ఉపముఖ్యమంత్రి మనీష్ సిసోడియా, ఆయన కుటుంబ సభ్యులకు సైతం నోటీసులు వచ్చాయి. సిసోడియా భార్య సీమా సిసోడియా వివరాల్లో పేరుకు సంబంధించిన తేడాను, కుమారుడు మీర్ సిసోడియా రికార్డులో తల్లిదండ్రుల పేరుకు సంబంధించిన తేడాను అధికారులు గుర్తించారు. మాజీ సుప్రీంకోర్టు న్యాయమూర్తి రంజనా దేశాయ్, ఆమె భర్త ప్రకాశ్ దేశాయ్, కుమారుడు మైక్ దేశాయ్, కోడలు సాక్షి దేశాయ్ పేర్లు కూడా “అన్‌మ్యాప్డ్” విభాగంలో ఉన్నాయి. సీపీఎం ఎంపీ జాన్ బ్రిట్టాస్ కుటుంబ సభ్యులకూ వివిధ కారణాలతో నోటీసులు జారీ అయ్యాయి.పలువురు సీనియర్ అధికారులు కూడా SIR నోటీసులు అందుకున్నారు. విదేశాంగ కార్యదర్శి విక్రమ్ మిస్రీ, సెబీ చైర్మన్ తుహిన్ కాంత పాండే, ప్రధానమంత్రి ప్రిన్సిపల్ సైంటిఫిక్ అడ్వైజర్ అజయ్ కుమార్ సూద్, ఆరోగ్య శాఖ కార్యదర్శి పుణ్య సలిల శ్రీవాస్తవ తదితరులను “అన్‌మ్యాప్డ్ విత్ లాస్ట్ SIR” కేటగిరీలో చేర్చారు. మరికొందరు అధికారుల రికార్డుల్లో పేరు లేదా కుటుంబ వివరాలకు సంబంధించిన తేడాలను అధికారులు గుర్తించారు.ఎన్నికల సంఘం ప్రకారం, నోటీసులు అందుకున్న ఓటర్లు సంబంధిత ఎన్నికల నమోదు అధికారికి తమ వివరణతో పాటు అవసరమైన పత్రాలను సమర్పించాల్సి ఉంటుంది. వాటిని పరిశీలించిన అనంతరం అధికారి తగిన నిర్ణయం తీసుకుంటారు. ఎవరి పేరునూ విచారణకు అవకాశం ఇవ్వకుండా తొలగించబోమని, నిర్ణయం కారణాలతో కూడినదిగా మరియు అప్పీల్ చేసుకునే అవకాశం ఉండేలా ఉంటుందని ఢిల్లీ ఎన్నికల ప్రధాన అధికారి తెలిపారు. నోటీసుల పరిష్కార ప్రక్రియను అక్టోబర్ 29లోగా పూర్తి చేసి, తుది ఓటరు జాబితాను నవంబర్ 4న ప్రచురించనున్నట్లు తెలిపారు.

ఆన్‌లైన్ షాపింగ్ చేసే వారి కోసం అమెజాన్ మరోసారి తన 'గ్రేట్ ఇండియన్ ఫెస్టివల్ 2026 సేల్' తీసుకొస్తోంది. ఈ ఫెస్టివ్ సేల్ అక్టోబర్ 8 నుంచి ప్రారంభం కానుంది. స్మార్ట్‌ఫోన్లు, ఎలక్ట్రానిక్స్, టీవీలు, గృహోపకరణాలు, ఫ్యాషన్ తదితర విభాగాల్లో వివిధ డిస్కౌంట్లు, బ్యాంక్ ఆఫర్లు, ఎక్స్ఛేంజ్ బెనిఫిట్స్ అందుబాటులో ఉండనున్నాయి.ఫెస్టివ్ సేల్ సమయంలో అమెజాన్ ప్రైమ్ సభ్యులకు 10 శాతం వరకు అదనపు ప్రయోజనాలు లభిస్తాయని సమాచారం. అయితే.. ఈ ప్రయోజనం ఏయే ఉత్పత్తులకు వర్తిస్తుంది?, గరిష్ఠంగా ఎంత బెనిఫిట్ లభిస్తుంది?, అనే పూర్తి వివరాలను కంపెనీ ఇంకా వెల్లడించలేదు. దీనిపై త్వరలోనే స్పష్టత వచ్చే అవకాశం ఉంది.ఈ సేల్‌లో ఎస్‌బీఐ డెబిట్ కార్డులు, ఎస్‌బీఐ క్రెడిట్ కార్డులు, క్రెడిట్ కార్డు ఈఎంఐ లావాదేవీలపై 10 శాతం ఇన్‌స్టంట్ డిస్కౌంట్ అందించనున్నట్లు అమెజాన్ ప్రకటించింది. అయితే.. ఈ ఆఫర్‌కు కొన్ని నిబంధనలు, ఉత్పత్తి లేదా లావాదేవీకి సంబంధించిన పరిమితులు వర్తించే అవకాశం ఉంది. అలాగే.. అర్హత ఉన్న ఉత్పత్తులపై ఎక్స్ఛేంజ్ ఆఫర్లు, నో-కాస్ట్ ఈఎంఐ సదుపాయాలు కూడా ఉండనున్నాయి.స్మార్ట్‌ఫోన్లు, ల్యాప్‌టాప్‌లు, టీవీలు, గృహోపకరణాలు వంటి ఉత్పత్తుల కొనుగోలుపై ఎక్స్ఛేంజ్ ఆఫర్లు, ఈఎంఐ సదుపాయాలు వినియోగదారులకు అదనపు పొదుపును అందించే అవకాశం ఉంది. అయితే.. ప్రతి ఉత్పత్తికి ఆఫర్ ఒకే విధంగా ఉండకపోవచ్చు. అందువల్ల కొనుగోలు చేసే ముందు సంబంధిత ఉత్పత్తికి వర్తించే నిబంధనలను పరిశీలించడం ముఖ్యం.ఈసారి అమెజాన్ Play & Win Rewards పేరుతో మరో ప్రచార కార్యక్రమాన్ని కూడా నిర్వహిస్తోంది. ఇందులో స్మార్ట్‌ఫోన్లు, ఇతర బహుమతులు ఉన్నట్లు సమాచారం. అయితే ఇందులో ఎవరు పాల్గొనవచ్చు, రివార్డుల విలువ ఎంత, ఎలా గెలుచుకోవచ్చు అనే పూర్తి వివరాలను అమెజాన్ ఇంకా వెల్లడించలేదు.

నాని హీరోగా వస్తోన్న లేటేస్ట్ యాక్షన్‌ మూవీ ది ప్యారడైజ్. మరో నాలుగు రోజుల్లో బిగ్‌ స్క్రీన్‌పై సందడి చేయనుంది. శ్రీకాంత్ ఓదెల డైరెక్షన్‌లో వస్తోన్న ఈ సినిమా కోసం ఆడియన్స్‌ ఎంతో ఆసక్తిగా ఎదురుచూస్తున్నారు. ట్రైలర్ లేకుండానే ఈ మూవీ రిలీజ్ చేయడం మరో విశేషం. ఇప్పటికే షూటింగ్ పూర్తయిన ఈ చిత్రం సెప్టెంబర్ 24న థియేటర్లలో సందడి చేయనుంది.తాజాగా ది ప్యారడైజ్ టీమ్‌కు తెలంగాణ ప్రభుత్వం గుడ్ న్యూస్ చెప్పింది. ఈ మూవీ టికెట్ ధరలను పెంచుకునేందుకు అనుమతినిచ్చింది. సింగిల్‌ స్క్రీన్‌లో మొదటి నాలుగు రోజులు రూ.48 పెంచుకోవచ్చని తెలిపింది. మల్టీప్లెక్స్‌లో రూ.94 అదనంగా వసూలు చేసేందుకు ఓకే చెప్పింది. ఆ తర్వాత 28వ తేదీ నుంచి అక్టోబరు 3 వరకు సింగిల్‌ స్క్రీన్స్‌లో రూ.23, మల్టీప్లెక్స్‌ల్లో రూ.45 పెంచుకోవచ్చని వెసులుబాటు కల్పించింది.అంతేకాకుండా తెలంగాణలో ఈనెల 23న సాయంత్రం 6:30 గంటలకు స్పెషల్ ప్రీమియర్‌ షోకు కూడా అనుమతి ఇచ్చింది. ఈ ప్రీమియర్ షో టికెట్‌ ధరను రూ.500గా నిర్ణయించారు. ప్రతి రోజు ఐదు షోలు ప్రదర్శించుకునేందుకు కూడా పర్మిషన్ వచ్చేసింది. ఈ సందర్భంగా తెలుగు ఫిల్మ్‌ ఇండస్ట్రీ ఎంప్లాయిస్‌ వెల్ఫేర్‌ కమిటీకి చిత్ర నిర్మాణ సంస్థ శ్రీ లక్ష్మీ వెంకటేశ్వర సినీమాస్‌ ఎల్‌ఎల్‌పీ రూ.కోటి అందజేసింది.

తీర్థయాత్రకు వెళ్లిన పంజాబ్‌కు చెందిన ఓ వృద్ధుడు దారి తప్పి తన ఇంటికి వందల కిలోమీటర్ల దూరంలో ఉన్న గయకు చేరుకున్నాడు. ఓ వ్యక్తి చాట్‌జీపీటీ సాయంతో చివరకు ఆయనను కుటుంబంతో కలిపారు. లుధియానా జిల్లాలోని ఫతేగఢ్ గుజ్రాన్ గ్రామానికి చెందిన చమన్ లాల్ సెప్టెంబర్ 11న పంజాబ్ ప్రభుత్వం అమలు చేస్తున్న ముఖ్యమంత్రి తీర్థయాత్ర పథకం ద్వారా హర్మందిర్ సాహిబ్‌ను దర్శించేందుకు అమృత్‌సర్ వెళ్లారు.అయితే, ఆయనకు కొంతకాలంగా జ్ఞాపక శక్తికి సంబంధించిన సమస్యలు ఉన్నాయని కుటుంబ సభ్యులు తెలిపారు. అమృత్‌సర్‌లో ఎక్కడో ఆయన తన బృందం నుంచి తప్పిపోయి.. చివరకు రైల్వే స్టేషన్ సమీపంలోకి చేరుకున్నారు. అక్కడి నుంచి బిహార్ వెళ్లే రైలు ఎక్కి.. ఇంటికి 1,200 కిలోమీటర్లకు పైగా దూరంలోని గయకు చేరుకున్నారు.అక్కడే గయకు చెందిన నీరజ్ ఆయనను మొదట గమనించాడు. చమన్ లాల్ ఆందోళనగా.. ఆకలితో కనిపించడంతో పాటు తాను ఎవరో ఎక్కడి నుంచి వచ్చారో కూడా సరిగ్గా చెప్పలేకపోయారు. ఆయన చెప్పగలిగిన ఏకైక సమాచారం తన గ్రామం పేరు ఫతేగఢ్ గుజ్రాన్. నీరజ్ ఆయనను తన ఇంటికి తీసుకెళ్లి భోజనం పెట్టి.. ఆశ్రయం కల్పించారు. కుటుంబంతో కలిసి నాలుగు రోజుల పాటు ఆయనను చూసుకున్నాడు. అదే సమయంలో ఆ వృద్ధుడి కుటుంబాన్ని ఎలా గుర్తించాలా? అని ప్రయత్నించాడు.చమన్ లాల్ కేవలం పంజాబీ మాత్రమే మాట్లాడటం నీరజ్‌కు తొలి ఆధారంగా మారింది. గ్రామం పేరును ఆధారంగా చేసుకుని అది పంజాబ్‌లో ఎక్కడ ఉందో తెలుసుకునేందుకు ఆన్‌లైన్‌లో శోధించడం ప్రారంభించాడు. ఇందుకోసం చాట్‌ జీపీటీతో పాటు సాధారణ ఇంటర్నెట్ సెర్చ్‌లను కూడా ఉపయోగించాడు. మూడు రోజుల పాటు సాగిన శోధన చివరకు ఫలించింది. లుధియానా జిల్లాలోని మచ్చివారా సాహిబ్ సమీపంలో ఫతేగఢ్ గుజ్రాన్ అనే గ్రామం ఉన్నట్లు ఆయన గుర్తించాడు. గ్రామం ఆచూకీ లభించిన తర్వాత.. చమన్ లాల్‌ను ఒంటరిగా పంపకుండా నీరజ్ స్వయంగా ఆయనతో కలిసి గయ నుంచి లుధియానా వరకు, అక్కడి నుంచి మచ్చివారా వరకు ప్రయాణించాడు.మచ్చివారాలో నీరజ్ చమన్ లాల్ ఫొటోను స్థానికులకు చూపిస్తూ.. ఎవరైనా ఆయనను గుర్తుపడతారేమోనని ప్రయత్నించాడు. అప్పుడు ఆ ప్రాంతానికి చెందిన కృష్ణన్ లాల్ ఆ వృద్ధుడిని గుర్తించారు. వెంటనే కుటుంబ సభ్యులకు సమాచారం చేరింది. చమన్ లాల్ మనవడు సుఖ్‌చైన్ సింగ్ మచ్చివారాకు చేరుకుని.. ఆయన తన తాతేనని నిర్థారించాడు. అమృత్‌సర్‌లో చమన్ లాల్ కోసం కుటుంబ సభ్యులు విస్తృతంగా గాలించారని.. పోలీసులకు కూడా సమాచారం ఇచ్చామని సుఖ్‌చైన్ సింగ్ తెలిపారు.గ్రామస్తులు, బంధువులు ఆయన ఫొటోను సోషల్ మీడియాలో విస్తృతంగా షేర్ చేసి.. ఎక్కడైనా ఆయన కనిపిస్తే సమాచారం అందించాలని కోరారు. తన తాతను సురక్షితంగా చూసుకోవడంతో పాటు, గయ నుంచి పంజాబ్ వరకు స్వయంగా తీసుకొచ్చి ఇంటికి చేర్చిన నీరజ్‌కు సుఖ్‌చైన్ సింగ్ కృతజ్ఞతలు తెలిపారు.అనంతరం చమన్ లాల్ కుటుంబ సభ్యులు నీరజ్‌ను తమ ఇంటికి ఆహ్వానించి, పూలమాలలు వేసి సత్కరించారు. ఆయనకు నగదు, దుస్తులు కూడా అందించారు. గయాలో నిర్మాణ రంగంలో పనిచేసే నీరజ్ మాట్లాడుతూ.. ఇబ్బందుల్లో ఉన్న వృద్ధుడిని చూసి తాను అలా వెళ్లిపోలేకపోయానని చెప్పారు. గ్రామం పేరు తెలిసిన తర్వాత ఆయన కుటుంబాన్ని కనిపెట్టడం తన వ్యక్తిగత బాధ్యతగా భావించానని తెలిపారు.ఇదీ చదవండి: సినిమా రేంజ్‌లో.. బస్సు హైజాక్‌!

మెగాస్టార్ ఫ్యాన్స్ ఎంతో ఆసక్తిగా ఎదురు చూస్తోన్న చిత్రాల్లో విశ్వంభర ఒకటి. ఈ ఏడాది సంక్రాంతికే రావాల్సిన ఈ చిత్రం ఇప్పటి వరకు విడుదల కాలేదు. బింబిసార ఫేమ్ వశిష్ఠ తెరకెక్కించిన ఈ సోషల్ ఫాంటసీ చిత్రం రిలీజ్‌ డేట్‌పై ఎలాంటి క్లారిటీ రావడం లేదు. చిరు మరో మూవీ కాకా.. వచ్చే ఏడాది సంక్రాంతికి వస్తుండగా.. విశ్వంభరపై మాత్రం ఎలాంటి అప్‌డేట్‌ ఇవ్వడం లేదు.అయితే ఇటీవల ఓటీటీ డీల్‌ కుదిరినట్లు వార్తలొచ్చాయి. దీంతో మరోసారి విశ్వంభర రిలీజ్‌పై చర్చ మొదలైంది. తాజాగా ఈ సినిమాకు సంబంధించి మరో టాక్ వినిపిస్తోంది. ఇదే ఏడాదిలోనే విశ్వంభర ప్రేక్షకుల ముందుకు రానుందని లేటేస్ట్ టాక్ వైరలవుతోంది. వచ్చేనెల దసరాకు టైమ్ సరిపోనందున వచ్చే ఛాన్స్ కనిపించడం లేదు.అయితే దసరా తర్వాత నవంబర్‌లో విశ్వంభర రిలీజ్‌కు ప్లాన్‌ చేస్తున్నట్లు తెలుస్తోంది. దీనిపై మేకర్స్ నుంచి క్లారిటీ రావాల్సి ఉంది. ఒకవేళ అదే జరిగితే ఈ ఏడాదిలోనే విశ్వంభర చూసే ఛాన్స్ మెగా ఫ్యాన్స్‌కు దక్కనుంది. రాబోయే రోజుల్లోనైనా రిలీజ్ డేట్‌పై అధికారిక ప్రకటన వస్తుందేమో వేచి చూడాల్సిందే. కాగా..విశ్వంభరలో చిరు సరసన త్రిష హీరోయిన్‌గా చేసింది. ఈ చిత్రంలో సురభి, ఇషా చావ్లా, ఆషికా రంగనాథ్ కీలక పాత్రలు పోషించగా.. కీరవాణి సంగీతమందించారు.

భారత్‌తో జరిగే 3 వన్డేలు, 5 టీ20 మ్యాచ్‌ల సిరీస్‌ల కోసం వెస్టిండీస్‌ క్రికెట్‌ బోర్డు తాజాగా త‌మ జ‌ట్టును ప్ర‌క‌టించింది. ఈ జ‌ట్ల‌కు టీమ్‌లకు కూడా షై హోప్‌ కెప్టెన్‌గా వ్యవహరిస్తాడు. ఇటీవల సొంతగడ్డపై శ్రీలంక, న్యూజిలాండ్‌తో సిరీస్‌లు ఆడిన జట్లలో పెద్దగా మార్పులు చేయకుండా టీమ్‌లను ఎంపిక చేశారు. గాయం నుంచి కోలుకుంటున్న హెట్‌మైర్‌ను టీ20లకే ఎంపిక చేయగా, సీనియర్‌ ఆల్‌రౌండర్‌ జేసన్‌ హోల్డర్‌కు ఈ సిరీస్‌లనుంచి విశ్రాంతి కల్పించారు.ఎవరీ కామిల్ పూరన్?అయితే ఈ జట్టు ఎంపికలో అందరి దృష్టిని ఆకర్షించిన పేరు 'కామిల్ పూరన్'. కరేబియన్ ప్రీమియర్ లీగ్ (CPL 2026) లో సెయింట్ లూసియా కింగ్స్ తరఫున ఓపెనర్‌గా చెలరేగిపోవడంతో ఈ విధ్వంసకర ఆటగాడికి తొలిసారి జాతీయ టీ20 జట్టులో చోటు దక్కింది. స 8 ఇన్నింగ్స్‌ల్లోనే 160 స్ట్రైక్ రేట్, 39 సగటుతో 273 పరుగులు చేసి జట్టును ముందుండి నడిపించాడు.30 ఏళ్ల పూరన్ ఫస్ట్ క్లాస్ క్రికెట్‌లో ట్రినిడాడ్ అండ్ టొబాగోకు ఆడుతున్నాడు. ఇప్పటివరకు 8 ఫస్ట్ క్లాస్ మ్యాచ్‌ల్లో 2 హాఫ్ సెంచరీలతో కలిపి 333 పరుగులు చేశాడు. టాప్ ఆర్డర్ బ్యాటింగ్‌తో పాటు ఆఫ్ స్పిన్ బౌలింగ్ చేయడం ఇతడి ప్రత్యేకం. లిస్ట్-ఎ క్రికెట్‌లో పెద్దగా రాణించకపోయినా, టీ20ల్లో మాత్రం పూరన్ ఫామ్ చూస్తుంటే భారత బౌలర్లకు అతడితో గండం తప్పదనిపిస్తోంది.భారత్‌కు విటల్ సవాల్?మరోవైపు విండీస్ 19 ఏళ్ల యంగ్ స్పిన్ సంచలనం 'విటల్ లాస్' నుంచి భారత బ్యాటర్లకు కఠిన పరీక్ష ఎదురుకానుంది. జూలైలో న్యూజిలాండ్‌తో జరిగిన వన్డే సిరీస్‌ ద్వారా అరంగేట్రం చేసిన లాస్.. తన సంచలన బౌలింగ్‌తో అందరినీ మంత్రముగ్ధులను చేశాడు.స్పిన్‌ను అద్భుతంగా ఆడగలిగే కివీస్ బ్యాటర్లే అతడి ఉచ్చులో చిక్కుకుని విలవిల్లాడారు. ఇప్పటివరకు ఆడిన 5 వన్డేల్లో 5.3 ఎకానమీతో 8 వికెట్లు తీసి ఆకట్టుకున్నాడు. ఇటీవలి సీపీఎల్‌ లోనూ మెరిసిన ఈ యంగ్ స్పిన్నర్, టీమిండియాను ఏ మేర తిప్పలు పెడతాడో చూడాలి.విండీస్‌ వన్డే జట్టు: హోప్‌ (కెప్టెన్‌), జ్వెల్‌ ఆండ్రూ, జాన్‌ క్యాంప్‌బెల్, కీసీ కార్టీ, మాథ్యూ ఫోర్డ్, జస్టిన్‌ గ్రీవ్స్, అమీర్‌ జంగూ, అల్జారి జోసెఫ్, షామర్‌ జోసెఫ్, విటెల్‌ లాస్, గుడకేశ్‌ మోతీ, కీమో పాల్, షెర్ఫాన్‌ రూథర్‌ఫర్డ్, జేడెన్‌ సీల్స్‌. విండీస్‌ టి20 జట్టు: హోప్‌ (కెపె్టన్‌), జ్వెల్‌ ఆండ్రూ, రోస్టన్‌ ఛేజ్, మాథ్యూ ఫోర్డ్, షిమ్రాన్‌ హెట్‌మైర్, అకీల్‌ హొసీన్, షామర్‌ జోసెఫ్, గుడకేశ్‌ మోతీ, కీమో పాల్, కామిల్‌ పూరన్, రావ్‌మన్‌ పావెల్, షెర్ఫాన్‌ రూథర్‌ఫర్డ్, క్వింటన్‌ సాంప్సన్, రొమారియో షెఫర్డ్, షామర్‌ స్ప్రింగర్‌.చదవండి: IND vs NZ: టీమిండియాకు కొత్త కెప్టెన్‌?

ఇస్లామాబాద్‌:పాకిస్థాన్‌ మరోసారి రక్తసిక్తమయ్యింది. అక్కడి సైనిక కాన్వాయిపై ఉగ్రవాదులు దాడి చేశారు. ఈ దాడిలో నలుగురు సైనికులు మృతిచెందారు. మరో ముగ్గురు గాయపడ్డారు. అయితే ఈ ప్రమాదంపై పూర్తి సమాచారం తెలియాల్సి ఉంది.

నందిగ్రామ్‌లో వరుసగా చోటుచేసుకున్న పరిణామాలను చూస్తే.. ఇది కేవలం ఓ ఉప ఎన్నికకు సంబంధించిన పరిణామంగా మాత్రమే కనిపించడం లేదు. తృణమూల్‌ కాంగ్రెస్‌లో అంతర్గత సంక్షోభం, పార్టీ పేరు-గుర్తుపై ఎన్నికల సంఘం నిర్ణయం, మమతా బెనర్జీ వర్గం అభ్యర్థి పోటీ నుంచి తప్పుకోవడం, వెంటనే కాంగ్రెస్‌ అభ్యర్థి మిలన్‌ ప్రధాన్‌కు మద్దతు ప్రకటించడం, ఆ తర్వాతే 2007 నందిగ్రామ్‌ కేసుల్లో ఆయన అరెస్టు కావడం.. ఇవన్నీ ఒకదాని వెంట ఒకటి జరగడంతో నందిగ్రామ్‌ రాజకీయ ప్రాధాన్యం మరింత పెరిగింది.మిలన్‌ అరెస్టుకు పెండింగ్‌లో ఉన్న 4 నాన్‌-బెయిలబుల్‌ వారెంట్లే కారణమని పోలీసులు చెబుతుండగా, అరెస్టు చేసిన సమయాన్ని కాంగ్రెస్‌, మమతా వర్గాలు ప్రశ్నిస్తున్నాయి. బీజేపీ మాత్రం ఇది న్యాయ ప్రక్రియలో భాగమేనని చెబుతోంది. గతంలో పరస్పరం తీవ్రంగా పోరాడిన రెండు పార్టీల మధ్య నందిగ్రామ్‌ వేదికగా ఏర్పడిన అసాధారణ రాజకీయ సమీకరణాన్ని సూచిస్తోంది. అక్టోబర్‌ 6న జరగనున్న పోలింగ్‌ వరకు మిలన్‌ ప్రధాన్‌ బెయిల్‌ పొందుతారా, కాంగ్రెస్‌ ఆయన గైర్హాజరీలో ప్రచారాన్ని ఎలా కొనసాగిస్తుంది, కాంగ్రెస్‌కు మమతా మద్దతు ఎంతవరకు కొనసాగుతుంది, ఈ పరిణామాలు తృణమూల్‌ అంతర్గత సంక్షోభంపై ఎలాంటి ప్రభావం చూపుతాయన్నదే ఇప్పుడు నందిగ్రామ్‌లో కీలకంగా మారింది.కాంగ్రెస్‌ అభ్యర్థికి మమత మద్దతు పశ్చిమ బెంగాల్‌లోని నందిగ్రామ్‌ అసెంబ్లీ నియోజకవర్గ ఉప ఎన్నికలో కాంగ్రెస్‌ అభ్యర్థి మిలన్‌ ప్రధాన్‌కు తృణమూల్‌ కాంగ్రెస్‌ అధినేత్రి మమతా బెనర్జీ మద్దతు ప్రకటించారు. అక్టోబర్‌ 6న జరగనున్న ఉప ఎన్నిక బరిలో తమ వర్గం నుంచి నిలబెట్టిన సంచిత ప్రధాన్‌ పోటీ నుంచి తప్పుకున్న కొన్ని గంటలకే మమత ఈ నిర్ణయం తీసుకున్నారు.మిలన్‌ ప్రధాన్‌కు మద్దతు ప్రకటించిన మమత.. కాంగ్రెస్‌ను సోదర పార్టీ, సహజ మిత్రపక్షంగా అభివర్ణించారు. దేశ ప్రయోజనాల దృష్ట్యా, ఇండియా కూటమిని బలోపేతం చేయడానికే ఈ నిర్ణయం తీసుకున్నట్లు తెలిపారు. బెంగాల్‌ నుంచి ప్రతిపక్ష కూటమి భవిష్యత్తుపై సందేశం ఇవ్వాలనుకుంటున్నట్లు పేర్కొన్నారు.నందిగ్రామ్‌తో పాటు రెజినగర్‌ ఉప ఎన్నిక నేపథ్యంలో తృణమూల్‌ కాంగ్రెస్‌లో అంతర్గత వివాదం నెలకొంది. ఈ వివాదం నేపథ్యంలో ఎన్నికల సంఘం తృణమూల్‌ కాంగ్రెస్‌ పేరు, సంప్రదాయ ‘గడ్డి పువ్వు’ గుర్తును స్తంభింపజేసింది. మమతా బెనర్జీ వర్గానికి, అసమ్మతి వర్గానికి వేర్వేరు పేర్లు, గుర్తులను కేటాయించింది.మిలన్‌ ప్రధాన్‌ నందిగ్రామ్‌ భూసేకరణ ఉద్యమానికి సంబంధించిన 2007 కేసులో మమత మద్దతు ప్రకటించిన కొద్దిసేపటికే అరెస్టయ్యారు. అనంతరం ఆయనను జైలుకు పంపారు. కాంగ్రెస్‌ నేతలు ఈ అరెస్టును విమర్శించారు. రాహుల్‌ గాంధీ దీనిని రాజకీయ కక్ష సాధింపుగా అభివర్ణిస్తూ పార్టీ పోరాడుతుందని అన్నారు.కాంగ్రెస్‌ సీనియర్‌ నేత అధీర్‌ రంజన్‌ చౌధురి మాత్రం తాజా పరిణామాన్ని తక్షణ రాజకీయ సఖ్యతగా చూడొద్దని అన్నారు. మరోవైపు, బెంగాల్‌ ప్రదేశ్‌ కాంగ్రెస్‌ అధ్యక్షుడు శుభంకర్‌ సర్కార్‌ మద్దతును స్వాగతించారు. బీజేపీ రాష్ట్ర అధ్యక్షుడు సామిక్‌ భట్టాచార్య మాత్రం కాంగ్రెస్‌, తృణమూల్‌ మధ్య సాధ్యమైన అవగాహనను తిరస్కరించారు.నందిగ్రామ్‌ ఉప ఎన్నిక ఫలితాలు అక్టోబర్‌ 6న జరగనున్న పోలింగ్‌ తర్వాత వెలువడనున్నాయి. ఈ ఉప ఎన్నికలో తాజా రాజకీయ సమీకరణాలు ఎలా ప్రభావం చూపుతాయన్నది తదుపరి కీలక అంశంగా మారింది.

సిలికానాంధ్ర మన బడి 20వ విద్యా సంవత్సరంలోకి అడుగుపెట్టింది. గత వారాంతంలో అమెరికా, కెనడాలోని దాదాపు 250 నగరాల్లో ఉన్న మనబడి కేంద్రాల్లో కొత్త విద్యా సంవత్సరం ఉత్సాహంగా ప్రారంభమైంది. సుమారు 12,200 మంది విద్యార్థులు మనబడిలో చేరగా.. తొలి రోజున దాదాపు 20,000 మంది తల్లిదండ్రులు, కుటుంబ సభ్యులు తమ పిల్లలతో కలిసి కేంద్రాలకు హాజరయ్యారు. దీంతో ఉత్తర అమెరికాలోని మనబడి కేంద్రాలు సందడి, ఆనందంతో కళకళలాడాయి.విద్యా సంవత్సరం సజావుగా ప్రారంభమయ్యేలా సుమారు 2,500 మంది స్వచ్ఛంద సేవకులు, ఉపాధ్యాయులు, కేంద్ర సమన్వయకర్తలు, ఇతర సమాజ సేవకులు తమ సేవలను అందించారు. తెలుగు భాషను భవిష్యత్ తరాలకు అందించాలనే లక్ష్యంతో వీరంతా సమష్టిగా పనిచేస్తున్నారు. సిలికానాంధ్ర మన బడి 20వ సంవత్సరం ప్రత్యేక మైలురాయిగా నిలిచింది. రెండు దశాబ్దాల క్రితం కేవలం 150 మంది విద్యార్థులతో ప్రారంభమైన మనబడి, నేడు భారతదేశం వెలుపల కొనసాగుతున్న అతిపెద్ద తెలుగు భాషాభ్యాస ఉద్యమాల్లో ఒకటిగా ఎదిగింది.ఉత్తర అమెరికా వ్యాప్తంగా వేలాది కుటుంబాలకు చేరువైన మనబడి, ఎన్నో సంవత్సరాలుగా తరతరాల పిల్లలకు తెలుగు మాట్లాడటం, చదవటం, రాయటం నేర్పిస్తూ, వారి భాష, సంస్కృతి, వారసత్వంతో అనుబంధాన్ని బలోపేతం చేస్తోంది. మన బడి ప్రయాణానికి మరో ప్రత్యేకమైన ఉదాహరణ ప్రస్తుతం తరగతి గదుల్లో కనిపిస్తోంది. మన బడి తొలి బ్యాచ్‌లలో చదువుకున్న కొంతమంది విద్యార్థులు నేడు తల్లిదండ్రులుగా మారి, తమ పిల్లలను తెలుగు నేర్చుకోవడానికి మనబడికి తీసుకువస్తున్నారు. కేవలం రెండు దశాబ్దాల్లోనే ఒక తరం నుంచి మరో తరానికి తెలుగు భాషా వారసత్వాన్ని అందించే వేదికగా మనబడి నిలిచింది.మన బడి అభివృద్ధి వెనుక ఉపాధ్యాయులు, కేంద్ర సమన్వయకర్తలు, తల్లిదండ్రులు, నిర్వాహకులు, శ్రేయోభిలాషులతో కూడిన విస్తృత స్వచ్ఛంద సేవా సమాజం ఉంది. ఉత్తర అమెరికాలో భవిష్యత్ తరాల మధ్య తెలుగు భాష జీవించి, అభివృద్ధి చెంది, వికసించేలా చేయాలనే లక్ష్యంతో వారు ఎన్నో సంవత్సరాలుగా తమ సమయాన్ని, సేవలను అందిస్తున్నారు.మూడో దశాబ్దంలోకి అడుగుపెడుతున్న మనబడి లక్ష్యం కేవలం తెలుగు భాషను పరిరక్షించడం మాత్రమే కాదు. పిల్లలకు తమ సాంస్కృతిక మూలాలతో ఉన్న అనుబంధాన్ని మరింత బలోపేతం చేయడం, రాబోయే తరాల కుటుంబాల్లో తెలుగు ఒక సజీవ భాషగా కొనసాగేందుకు అవసరమైన సమాజాన్ని నిర్మించడం కూడా మనబడి లక్ష్యంలో భాగమని నిర్వాహకులు తెలిపారు.కొత్త విద్యా సంవత్సరానికి మనబడి ప్రవేశాలు సెప్టెంబర్ చివరి వరకు కొనసాగనున్నాయి. తమ పిల్లలకు తెలుగు భాషను పరిచయం చేయాలనుకునే కుటుంబాలు సమీపంలోని మనబడి కేంద్రాన్ని సందర్శించి.. కార్యక్రమాన్ని ప్రత్యక్షంగా తెలుసుకోవాలని నిర్వాహకులు సూచించారు. ఈ సందర్భంగా సిలికానాంధ్ర మనబడి అధ్యక్షులు, డీన్‌ చమర్తి రాజు మాట్లాడుతూ.. ‘‘మీ మద్దతే మన సమాజం అభివృద్ధి చెందడానికి ఉత్తమ మార్గం. మీ స్నేహితులు తమ పిల్లలను మన బడిని ప్రత్యక్షంగా అనుభవించేలా ప్రోత్సహించండి. మరో కుటుంబాన్ని మన బడికి అనుసంధానించి, వారి పిల్లలను ఈరోజే మనబడిలో నమోదు చేయమని ప్రోత్సహించండి” అంటూ ఆయన పిలుపునిచ్చారు.

ప్రపంచ ఆటోమొబైల్ రంగంలో బీఎండబ్ల్యూ అనేది చాలామందికి తెలిసిన.. ప్రసిద్ధి చెందిన పేరు. లగ్జరీ కార్లు, బైక్‌లు, అత్యాధునిక ఇంజినీరింగ్‌ వంటి వాటిలో ఈ బ్రాండుకు మంచి గుర్తింపు ఉంది. చాలా మందికి బీఎండబ్ల్యూ లోగో, కార్లు తెలుసు కానీ.. BMW అనే మూడు అక్షరాల అసలు అర్థం ఏమిటి? అనే విషయం మాత్రం చాలామందికి తెలిసి ఉండదు. ఈ పేరు వెనుక జర్మనీకి చెందిన సంస్థ చరిత్ర, ఇంజినీరింగ్ వారసత్వం దాగి ఉంది. మరిన్ని వివరాలు ఇక్కడ తెలుసుకుందాం.BMW ఫుల్‌ఫామ్బీఎండబ్ల్యూ పూర్తి పేరు Bayerische Motoren Werke. దీనిని ఇంగ్లిష్‌లో బవేరియన్ మోటార్ వర్క్స్ (Bavarian Motor Works) అని అనువదిస్తారు. ఇందులో Bayerische అంటే జర్మనీలోని బవేరియా ప్రాంతానికి చెందినది, Motoren అంటే ఇంజిన్లు లేదా మోటార్లు, Werke అంటే పరిశ్రమ లేదా కర్మాగారం. అంటే సింపుల్‌గా చెప్పాలంటే.. బవేరియా ప్రాంతంలో ఇంజిన్లను తయారు చేసే సంస్థ అనే అర్థం వస్తుంది.బీఎండబ్ల్యూ ప్రయాణం ఇలా..బీఎండబ్ల్యూ అంటే లగ్జరీ కార్లు గుర్తుకొస్తాయి. కానీ ఈ కంపెనీ ప్రయాణం మొదట్లో కార్ల తయారీతో ప్రారంభం కాలేదు. 1916లో జర్మనీలో ప్రారంభమైన బీఎండబ్ల్యూ, తొలినాళ్లలో ప్రధానంగా విమానాల ఇంజిన్ల తయారీపై దృష్టి పెట్టింది. అప్పట్లో విమానయాన రంగం వేగంగా అభివృద్ధి చెందుతుండటంతో, నమ్మకమైన ఇంజిన్ల తయారీలో బీఎండబ్ల్యూ కూడా తన వంతు పాత్ర పోషించింది.పేరులోనే కంపెనీ చరిత్ర!బీఎండబ్ల్యూకు సంబంధించిన మరో ఆసక్తికరమైన విషయం ఏమిటంటే.. కంపెనీ పేరు దాని పుట్టుకను, మొదటి వ్యాపారాన్ని ప్రతిబింబిస్తుంది. సంస్థ జర్మనీలోని బవేరియా ప్రాంతంలో ఏర్పడటం వల్లే Bayerische అనే పదం పేరులోకి వచ్చింది. కాలక్రమేణా బీఎండబ్ల్యూ తన వ్యాపారాన్ని విస్తరించి కార్లు, మోటార్‌సైకిళ్లు, ఎలక్ట్రిక్ వాహనాలను కూడా తయారు చేయడం ప్రారంభించింది. అయినప్పటికీ.. సంస్థకు ప్రారంభం నుంచి ఉన్న “Bayerische Motoren Werke” అనే పేరు అలాగే కొనసాగుతోంది. అందుకే బీఎండబ్ల్యూ పేరు కేవలం ఒక బ్రాండ్ మాత్రమే కాదు.. దాని ఇంజినీరింగ్ మూలాలు, జర్మన్ వారసత్వానికి గుర్తుగా కూడా నిలిచింది.

భద్రాద్రి కొత్తగూడెం జిల్లా జూలూరుపాడు మండలం వినోబానగర్‌లో విషాద ఘటన చోటుచేసుకుంది. గ్రామ సర్పంచ్ గంగావత్ నవీన్ పెద్ద కుమార్తె తన్వితా శ్రీ (4) మృతి చెందింది. ఆడుకుంటూ ఇంటి ఎదుట నిలిపి ఉన్న కారులోకి వెళ్లిన ఆ చిన్నారి.. కారు డోర్లు లాక్ కావడంతో లోపలే చిక్కుకుపోయింది. దీంతో ఆ చిన్నారి ఊపిరాడక మృతి చెందింది. చిన్నారి జాడ తెలియక కుటుంబ సభ్యులు ఊరంతా వెతికారు. చివరకు కారులో చూడగా ఆ చిన్నారి కనపడింది. చిన్నారి మృతితో కుటుంబంలో విషాదఛాయలు అలుముకున్నాయి.

సాక్షి, అమరావతి: వాతావారణ శాఖ రాష్ట్రానికి వర్ష హెచ్చరికలు జారీ చేసింది. వర్షాల నేపథ్యంలో 12 జిల్లాలకు ఎల్లో అలర్ట్‌ జారీ చేసింది. మన్యం, విజయనగరం, అల్లూరి, పోలవరం జిల్లాలకు అలర్ట్ జారీ చేసింది. వాటితో పాటు అనకాపల్లి, కాకినాడ, కోనసీమ, తూర్పు గోదావరి, పశ్చిమ గోదావరి, ఏలూరు, కృష్ణా, ఎన్టీఆర్‌ జిల్లాల్లో ఉరుములు, మెరుపులతో కూడిన వర్షాలు పడే అవకాశం ఉందని తెలిపింది.

స్టార్‌ హీరోల సినిమాల్లో యాక్షన్‌ సన్నివేశాలు ఎంత కీలకమో ప్రత్యేకంగా చెప్పాల్సిన అవసరం లేదు. అయితే తెరపై హీరో ఎంత రిస్క్‌ తీసుకున్నట్లు కనిపించినా.. వాస్తవానికి కొన్ని యాక్షన్‌ సీన్లను డూప్‌ల సాయంతో పూర్తి చేయడం సాధారణమే. ముఖ్యంగా ప్రమాదకరమైన ఫైట్లు, హై-రిస్క్‌ స్టంట్స్‌ ఉన్నప్పుడు హీరోలకు బదులుగా డూప్‌లు రంగంలోకి దిగుతుంటారు. కానీ నేచురల్‌ స్టార్‌ నాని మాత్రం తన సినిమాల విషయంలో ఈ పద్ధతికి వీలైనంత దూరంగా ఉండేందుకు ప్రయత్నిస్తున్నాడట. తనకు డూప్‌తో సన్నివేశాలు చేయించడం అసలు ఇష్టం లేదని చెబుతున్నాడు.నాని నటించిన భారీ మాస్‌ యాక్షన్‌ చిత్రం ‘ది ప్యారడైజ్‌’ ఈ నెల 24న విడుదల కాబోతుంది.మూవీ ప్రమోషన్స్‌లో భాగంగా తాజాగా మీడియాతో ముచ్చటించారు. ఈ సందర్భంగా సినిమాలోని యాక్షన్‌ సీన్లను డూప్‌తో చేశారా? లేక మీరే చేశారా? అని ఓ విలేకరి ప్రశ్నించగా.. నాని ఆసక్తికరమైన సమాధానం ఇచ్చాడు.‘నాకిప్పుడు ఏజ్‌ ఉంది.. ఓపిక ఉంది..అందుకే అన్నీ నేనే చేశాను. 50 ఏళ్లు దాటిన తర్వాత డూప్‌ని పెడతానేమో తెలియదు. కానీ ఇప్పుడు మాత్రం నా సినిమాల్లో డూప్‌ని పెట్టడం నాకు నచ్చదు. నా సినిమాలో ఒక్క డూప్‌ షాట్‌ కనిపించినా ఎంజాయ్‌ చేయలేను. సినిమా చూస్తున్నప్పుడు ఆ షాట్‌ నాది కాదనుకోండి.. సినిమా చూస్తూ ఎంజాయ్‌ చేస్తూనే.. ఆ సీన్‌ రాగానే ‘అబ్బా.. డూప్‌ షాట్‌’ అనుకుంటా. దాన్ని నేను ఓన్‌ చేసుకోలేను. ప్రశంసలు కూడా తీసుకోలేను. ఎవరైనా ‘నాని బాగా చేశావ్‌’ అంటే.. ‘ఆ నాలుగు డూప్‌ షాట్లు తప్పితే’ అని నా మనసు నాకు చెబుతూనే ఉంటుంది. అందుకే చిన్న చిన్న లెగ్‌ షాట్స్‌ కూడా నేనే చేస్తా. ఒక్కోసారి అసిస్టెంట్‌ డైరెక్టర్లు ఇలాంటి సీన్లను డూప్‌తో చేద్దామని అనుకుంటారు. కానీ నేను ముందుగానే వాళ్లకు చెబుతా.. నా సీన్లన్నీ నేనే చేస్తానని చెప్పి క్యారవ్యాన్‌లోకి వెళతా. అయితే ఈ కసి, ఓపిక మరో పదేళ్ల తర్వాత కూడా ఇలాగే ఉంటుందో లేదో చెప్పలేను. ప్రస్తుతానికి మాత్రం సినిమాల్లో డూప్‌ లేకుండా వీలైనంత వరకు అన్ని సన్నివేశాలను నేనే చేయాలని అనుకుంటున్నాను’అని నాని చెప్పుకొచ్చాడు.

హిమాచల్‌ప్రదేశ్‌లోని మండీకి చెందిన నేహా ఠాకూర్‌ చిన్నప్పటి నుంచి ఉన్న భారీ ట్రక్కులపై ఆసక్తిని వృత్తిగా మార్చుకున్నారు. గ్రాడ్యుయేషన్‌ తర్వాత చండీగఢ్‌లో విమాన సహాయకురాలి శిక్షణ తీసుకున్నప్పటికీ, చివరకు ట్రక్‌ డ్రైవింగ్‌నే వృత్తిగా ఎంచుకున్నారు. ప్రస్తుతం ఆమె హిమాచల్‌ప్రదేశ్‌ తొలి మహిళా ట్రక్ డ్రైవర్‌గా గుర్తింపు పొందారు.నేహాకు చిన్నప్పటి నుంచే పెద్ద టైర్లు, భారీ ట్రక్కులంటే ఆసక్తి ఉండేది. ఆమె తండ్రి కూడా ట్రక్ డ్రైవర్‌ కావడంతో ఆయన పనితీరు, కష్టపడే విధానం నేహాపై ప్రభావం చూపాయి. తండ్రి తరచూ ట్రక్‌లోనే ఆమెను పాఠశాలకు తీసుకెళ్లేవారు. 2022లో ట్రక్ నడపాలని నేహా నిర్ణయించుకున్నప్పుడు ఆమె తండ్రి పూర్తి మద్దతు ఇచ్చారు. అప్పటి నుంచి ఆమె ట్రక్ డ్రైవింగ్‌ ప్రారంభించారు. ఆ నిర్ణయంతో హిమాచల్‌ప్రదేశ్‌లో తొలి మహిళా ట్రక్ డ్రైవర్‌గా నిలిచారు.అయితే అంతకుముందు నేహా మరో వృత్తి వైపు అడుగులు వేశారు. గ్రాడ్యుయేషన్‌ పూర్తి చేసిన తర్వాత చండీగఢ్‌కు వెళ్లి విమాన సహాయకురాలి వృత్తిపరమైన శిక్షణ తీసుకున్నారు. విమానయాన రంగంలో కొనసాగేందుకు అవకాశం ఉన్నప్పటికీ, తనకు చిన్నప్పటి నుంచి ఉన్న ట్రక్ డ్రైవింగ్‌ ఆసక్తినే ఎంచుకున్నారు. ఈ నిర్ణయానికి కుటుంబం కూడా మద్దతు ఇచ్చింది.ట్రక్ నడపడమే కాకుండా తన రోజువారీ జీవితాన్ని కూడా నేహా సామాజిక మాధ్యమాల్లో వీడియోల రూపంలో పంచుకుంటున్నారు. వర్షం, ఎండ వంటి వాతావరణ పరిస్థితులతో సంబంధం లేకుండా ట్రక్‌కు సంబంధించిన వీడియోలను ఆమె షేర్‌ చేస్తున్నారు. ట్రక్‌ ప్రారంభమైన వెంటనే తన కెమెరా కూడా ప్రారంభమవుతుందని ఆమె ఓ వీడియోలో చెప్పింది. ప్రస్తుతం నేహా ట్రక్ డ్రైవింగ్‌ అనుభవాలు, రోజువారీ ప్రయాణాలను వీడియోల ద్వారా షేర్‌ చేస్తున్నారు. దీంతో ఆమె వృత్తి ప్రయాణం సామాజిక మాధ్యమాల్లో మరింతగా దృష్టిని ఆకర్షిస్తోంది. View this post on Instagram A post shared by Instagram’s @Creators (@creators)

సాక్షి, నెల్లూరు: ప్రజా సమస్యలు, ప్రభుత్వ వైఫల్యాలు చర్చకు వచ్చిన ప్రతిసారీ లిక్కర్‌ కేసును తెరపైకి తెచ్చి ప్రజల దృష్టి మళ్లించే ప్రయత్నం చేస్తున్నారని నెల్లూరు జిల్లా వైఎస్సార్‌సీపీ అధ్యక్షుడు, మాజీ మంత్రి కాకాణి గోవర్థన్‌రెడ్డి మండిపడ్డారు. లేని స్కామ్‌ను ఉన్నట్టుగా చూపించి వైఎస్సార్‌సీపీని అప్రతిష్టపాల్జేసే కుట్ర జరుగుతోందని, లిక్కర్‌ స్కామ్‌ అంటూ చెబుతున్న లెక్కల్లో భారీ తేడాలే అందుకు నిదర్శనమన్నారు.ఎన్నికల ముందు లక్ష కోట్లుగా చెప్పిన లిక్కర్‌ స్కామ్‌ ఇప్పుడు రూ.3 వేల కోట్లకు చేరిందని.. కానీ, దానికి కూడా ఇప్పటి వరకు ఎలాంటి ఆధారాలు చూపలేకపోయారని గుర్తు చేశారు. సిట్‌ దర్యాప్తు పేరుతో వ్యక్తులను ఒత్తిడికి గురిచేసి, ప్రలోభపెట్టి వాంగ్మూలాలు తీసుకుంటున్నారని తెలిపారు. సత్యప్రసాద్‌ను అప్రూవర్‌గా మార్చి ఆయన వాంగ్మూలాల ఆధారంగా కేసును ముందుకు నడిపించే కుట్ర చేస్తున్నారని నెల్లూరులో మీడియాతో మాట్లాడిన మాజీ మంత్రి కాకాణి గోవర్థన్‌రెడ్డి ఆక్షేపించారు. ఆయన ఇంకా ఏం మాట్లాడారంటే..:డైవర్షన్‌ పాలిటిక్స్‌లో భాగంగా..:ప్రజా సమస్యలు, ప్రభుత్వ వైఫల్యాలపై చర్చ జరుగుతున్న ప్రతిసారీ ప్రజల దృష్టి మళ్లించేందుకు లిక్కర్‌ కేసును తెరపైకి తెస్తున్నారు. ఎన్నికలకు ముందు లిక్కర్‌ స్కామ్‌ రూ.లక్ష కోట్లు అని చెప్పిన చంద్రబాబు.. పవన్‌ కల్యాణ్‌ రూ.44 వేల కోట్లు, టీడీపీ నేతలు రూ.33 వేల కోట్లు, అసెంబ్లీ శ్వేతపత్రంలో రూ.18 వేల కోట్లు, చివరకు సిట్‌ రూ.3 వేల కోట్లు అంటోంది.ఒకే కేసులో ఇన్ని రకాల లెక్కలు రావడం వెనుక వాస్తవాలు లేవనే విషయం స్పష్టమవుతోంది. రూ.3 వేల కోట్ల స్కామ్‌ జరిగిందని చెబుతున్నా ఇప్పటివరకు ఒక్క రూపాయి అక్రమ లావాదేవీని కూడా నిర్దిష్ట ఆధారాలతో చూపలేకపోయారు. రెండేళ్లుగా దర్యాప్తు సాగుతున్నా కొత్త పాత్రలు, కొత్త వాంగ్మూలాలతో కేసును సాగదీస్తున్నారు.సత్యప్రసాద్‌ను అప్రూవర్‌గా మార్చి కేసును నడిపించే ప్రయత్నం:సత్యప్రసాద్‌ను అప్రూవర్‌గా మార్చి ఆయన వాంగ్మూలం ఆధారంగా కేసును ముందుకు తీసుకెళ్లే ప్రయత్నం జరుగుతోంది. ఆయన 2025 ఫిబ్రవరి 21న దర్యాప్తు అధికారి ముందు, ఫిబ్రవరి 25న మేజిస్ట్రేట్‌ ముందు, జూలై 16న మరోసారి, తాజాగా మరో వాంగ్మూలం ఇచ్చారు. ఆయన చెబుతున్న భారీ మొత్తాల చెల్లింపులను స్వయంగా చూశారా? సంబంధిత వ్యక్తులతో సమావేశాల్లో పాల్గొన్నారా? అనే ప్రశ్నలకు సమాధానం చెప్పాలి. 57 మంది వ్యక్తులు, సంస్థలను కేసులోకి లాగి 17 మందిని అరెస్ట్‌ చేశారు. పలువురికి బెయిల్‌ వచ్చింది. కుటుంబ సభ్యులను బెదిరించడం, ప్రలోభ పెట్టడం వంటి పద్ధతులతో వాంగ్మూలాలు తీసుకుంటున్న పరిస్థితులు కనిపిస్తున్నాయి.దర్యాప్తు పేరుతో ఒత్తిళ్లు.. హైకోర్టు వరకు వెళ్లిన బాధితులు:దర్యాప్తు అధికారుల మాట విన్న మాజీ ఎమ్మెల్యే చెవిరెడ్డి భాస్కర్‌రెడ్డి గన్‌మ్యాన్‌కు జీతం పెంపు, ప్రమోషన్లు ఇచ్చిన వ్యవహారం ఉంది. మరో గన్‌మ్యాన్‌ వాస్తవాలు చెప్పినందుకు థర్డ్‌ డిగ్రీకి గురై హైకోర్టును ఆశ్రయించాల్సి వచ్చింది. వెంకటేష్‌ నాయుడిని కూడా తమకు అనుకూలంగా స్టేట్‌మెంట్‌ ఇవ్వాలని డబ్బులు ఇస్తామంటూ ప్రలోభపెట్టిన విషయాన్ని కోర్టులో వెల్లడించారు. వర్ధమాన్‌ ఇంజనీరింగ్‌ కాలేజీ సమీపంలోని ఫార్మ్‌హౌస్‌లో రూ.11 కోట్ల నగదు వ్యవహారంలోనూ హైకోర్టు ప్రశ్నలు లేవనెత్తింది. సీజ్‌ చేసిన ల్యాప్‌టాప్‌లను ఫోరెన్సిక్‌ ల్యాబ్‌కు పంపడంలో ఆలస్యం జరిగింది. ఇలాంటి పరిణామాలన్నీ దర్యాప్తు తీరుపై ప్రశ్నలు లేవనెత్తుతున్నాయని కాకాణి గోవర్థన్‌రెడ్డి చెప్పారు.ఇదీ చదవండి: ‘ఆగు నాయనా.. వచ్చే ఏడాది నీకోసం పెద్ద బావి తవ్విస్తా’

జపాన్ వేదికగా జరుగుతున్న ఆసియా గేమ్స్ 2026లో భారత మహిళల బ్యాడ్మింటన్ జట్టు శుభారంభం చేసింది. ఆదివారం జరిగిన రౌండ్ ఆఫ్ 16 (ప్రీక్వార్టర్స్) పోరులో భారత్ 3-0తో కజకిస్థాన్‌ను చిత్తు చేసి క్వార్టర్ ఫైనల్స్‌కు దూసుకెళ్లింది. ఈ మ్యాచ్‌లో భారత షట్లర్లు పి.వి. సింధు, ఉన్నతి హుడా, తన్వి శర్మలు అద్భుత ప్రదర్శనతో ప్రత్యర్థి జట్టుకు చెమటలు పట్టించారు. వీరి ధాటికి కజకిస్థాన్ ఆటగాళ్లు చేతులెత్తేశారు.మొదటి సింగిల్స్‌లో కామిలా స్మాగులోవాపై 21-7, 21-9 తేడాతో పి.వి. సింధు ఘనవిజయం సాధించింది. అనంతరం రెండో సింగిల్స్‌లో అలెస్సా కులేషోవాను 21-7, 21-10 తేడాతో ఉన్నతి హుడా ఓడించి భారత ఆధిక్యాన్ని 2-0కి పెంచింది. ఇక మూడో సింగిల్స్‌తో డయానా నమేనోవాపై 21-5, 21-10 తేడాతో తన్వి శర్మ విజయం సాధించి 3-0తో క్లీన్ స్వీప్‌ పూర్తి చేసింది. ఈ భారత త్రయం కేవలం 65 నిమిషాల్లోనే ప్రత్యర్థులను మట్టికరిపించడం విశేషం. మంగళవారం రోజున క్వార్టర్‌ఫైనల్లో ఆతిథ్‌య జపాన్ జట్టుతో భారత బృందం తలపడనుంది. మొదటి రౌండ్‌లో 'బై' పొందిన జపాన్, క్వార్టర్స్‌లో భారత జట్టుకు గట్టి పోటీనిచ్చేందుకు సిద్ధంగా ఉంది.చదవండి: IND vs NZ: టీమిండియాకు కొత్త కెప్టెన్‌?

ప్రస్తుతం పశ్చిమాసియా యుద్ధం తీవ్రరూపు దాలుస్తోంది. ఈ నేపథ్యంలో ఇరాన్‌ మరోసారి అమెరికాకు భారీ ఆఫర్‌ ఇచ్చింది. యుద్ధాన్ని ఆపాలంటే తమ వద్ద ఒక ప్లాన్‌ ఉందని తెలిపింది.. టెహ్రాన్‌ ప్రతిపాదించిన ఏడు షరతులను అంగీకరిస్తే వెంటనే యుద్ధం ముగిసిపోతుందని లేకపోతే అమెరికా వద్ద మరో ప్లాన్‌ ఏది లేదని స్పష్టం చేసింది.ఇరాన్‌ సుప్రీం నేషనల్ సెక్యూరిటీ కౌన్సిల్ కార్యదర్శి మొహ్సెన్ రెజాయీ... ఈ విషయమై మాట్లాడుతూ అమెరికా ముందు తన ఇరాన్‌కు చెందిన ఏడు ప్రతిపాదనలను ఖతార్‌ మధ్యవర్తిత్వంతో అమెరికాకు చేరవేశాం. ప్రస్తుతం యుద్ధం మెుదలై ఏడు నెలలు కావస్తుందని ఇరాన్‌ షరతులపై ట్రంప్ స్పందన కోసం ఎదురుచూస్తోన్నామన్నారు.ఆయన మాట్లాడుతూ "ఏదైనా చర్చలు ప్రారంభించడానికి ఇరాన్ తన ఏడు షరతులను అమెరికా ప్రభుత్వానికి ప్రకటించింది. టెహ్రాన్ సందేశం స్పష్టంగా, నిస్సందేహంగా ఉంది. వాషింగ్టన్ తాను సృష్టించుకున్న చిక్కుముడి నుండి బయటపడాలనుకుంటే, అందులో మరింత చిక్కుకోకుండా ఉండాలంటే, ఇరాన్ హక్కులు, షరతులను అంగీకరించడం తప్ప దానికి మరో మార్గం లేదు," అని ఆయన ఆదివారం తెల్లవారుజామున Xలో పోస్ట్ చేశారు.ఇరాన్ ప్రధాన డిమాండ్లు ?మెుహ్సెన్‌ రెజాయీ ప్రకారం, ఇరాన్ ప్రతిపాదనల్లో ప్రధానంగా అన్ని రంగాల్లో యుద్ధాన్ని ముగించడం, ఇరాన్‌కు చెందిన స్వాధీనం చేసుకున్న ఆస్తులను విడుదల చేయడం, ఇరాన్ నౌకాశ్రయాలపై అమెరికా విధించిన నావికా దిగ్బంధాన్ని తొలగించడం వంటి అంశాలు ఉన్నాయి. అదే విధంగా యెమెన్‌కు చెందిన హౌతీలు, సౌదీ అరేబియా మధ్య కొనసాగుతున్న పోరాటానికి సైతం ముగింపు పలకాలని ఇరాన్ స్పష్టం చేస్తోంది. మధ్యప్రాచ్యంలో వివిధ ప్రాంతాల్లో కొనసాగుతున్న సైనిక ఘర్షణలకు సమగ్ర ముగింపు రావాలన్నదే తమ ఉద్దేశమని రెజాయీ తెలిపారు.ఖతార్ ద్వారా అమెరికాకు సందేశం.ఇరాన్, అమెరికా మధ్య నేరుగా కాకుండా మధ్యవర్తి దేశం ఖతార్ ద్వారా సంప్రదింపులు కొనసాగుతున్నట్లు తెలిపారు. ఇరాన్ షరతులను ఖతార్ అమెరికాకు చేరవేసిందని, ప్రస్తుతం వాషింగ్టన్ నుంచి అధికారిక స్పందన కోసం వేచి చూస్తున్నామని ఆయన చెప్పారు. “ఈ షరతులను అంగీకరించడం అమెరికా ప్రయోజనానికే” అని వ్యాఖ్యానించారు. అదే సమయంలో అమెరికా నుంచి మరోసారి దాడి జరిగే అవకాశం ఉందని కూడా ఆయన హెచ్చరించారు.మరో అమెరికా దాడి జరిగే అవకాశం?ఇరాన్ సైనిక అంచనాల ప్రకారం అమెరికా మరోసారి ఇరాన్‌పై దాడి చేసే అవకాశం ఇంకా చాలా ఎక్కువగానే ఉందని రెజాయీ పేర్కొన్నారు. అందుకే తమ దేశం కొత్త వ్యూహంతో ముందుకు వెళ్తోందని, ఈ యుద్ధాన్ని వీలైనంత త్వరగా ముగించడమే ప్రస్తుత లక్ష్యమని చెప్పారు. ట్రంప్ స్పందనపై సస్పెన్స్‌?ఇరాన్ తన ఏడు షరతులను అమెరికా ముందుంచిన నేపథ్యంలో, వాషింగ్టన్ నుంచి ఎలాంటి స్పందన వస్తుందన్నది ఇప్పుడు కీలకంగా మారింది. ఒకవైపు యుద్ధాన్ని ముగించేందుకు దౌత్యపరమైన ప్రయత్నాలు కొనసాగుతుండగా, మరోవైపు ఇరాన్ మరో అమెరికా దాడి జరిగే అవకాశం ఉందని హెచ్చరిస్తోంది. దీంతో మధ్యప్రాచ్యంలో యుద్ధానికి నిజంగా ముగింపు పలికే దిశగా ఇరాన్-అమెరికా చర్చలు సాగుతాయా? లేక ఉద్రిక్తతలు మరింత పెరుగుతాయా? అన్నది ఆసక్తికరంగా మారింది.

భారీగా పెరుగుతున్న బంగారం ధరలు.. వచ్చే వారంలో ఒడిదుడుకులతో, ఒక పరిమిత శ్రేణిలో కొనసాగవచ్చని విశ్లేషకులు చెబుతున్నారు. ముఖ్యంగా అమెరికా డాలర్ విలువ, బాండ్ ఈల్డ్స్‌లో మార్పులు, పశ్చిమాసియాలో కొనసాగుతున్న ఉద్రిక్తతలు, ముడి చమురు ధరల కదలికలు బంగారం ధరలపై ప్రభావం చూపే అవకాశం ఉంది. ఇటీవల ద్రవ్య విధానం, భౌగోళిక రాజకీయ పరిణామాలపై దృష్టి పెట్టిన మార్కెట్లు.. ఇప్పుడు కొత్తగా వెలువడే ఆర్థిక గణాంకాలపై దృష్టి సారించనున్నాయి.ఆర్థిక గణాంకాలపై దృష్టిఅమెరికాతో పాటు ఇతర ప్రధాన ఆర్థిక వ్యవస్థలకు సంబంధించిన మాన్యుఫ్యాక్చరింగ్, సర్వీసెస్ గణాంకాలు కీలకంగా మారనున్నాయి. అంతే కాకుండా.. అమెరికా హౌసింగ్ మార్కెట్ గణాంకాలు, డ్యూరబుల్ గూడ్స్ ఆర్డర్లు, వినియోగదారుల సెంటిమెంట్‌కు సంబంధించిన డేటా కూడా మార్కెట్‌కు సంకేతాలు ఇచ్చే అవకాశం ఉంది. ఈ గణాంకాలు అమెరికా ఫెడరల్ రిజర్వ్ భవిష్యత్ వడ్డీ రేట్ల నిర్ణయాలపై అంచనాలను ప్రభావితం చేయనున్నట్లు సమాచారం. ఈ ప్రభావం బంగారంపై కూడా పడవచ్చు.దేశీయ మార్కెట్‌లో బంగారం, వెండిమల్టీ కమోడిటీ ఎక్స్ఛేంజ్ (MCX)లో, అక్టోబర్ డెలివరీకి సంబంధించిన గోల్డ్ ఫ్యూచర్స్ గత వారం రూ. 1,597 లేదా 1.04 శాతం పెరిగి, 10 గ్రాములకు రూ. 1.54 లక్షల వద్ద ముగిసింది. సిల్వర్ ఫ్యూచర్స్ రూ. 6,629 లేదా దాదాపు 3 శాతం పెరిగి, కేజీకి రూ. 2.41 లక్షల వద్ద ముగిసింది.గత వారం MCX బంగారం 10 గ్రాములకు రూ. 1.5 లక్షల వద్ద బలహీనంగా ప్రారంభమైనప్పటికీ, తక్కువ స్థాయిలలో కొనుగోలు ఆసక్తి పెరగడంతో 10 గ్రాములకు రూ. 1.54 లక్షల వైపు బలంగా పుంజుకుందని LKP సెక్యూరిటీస్, కమోడిటీ అండ్ కరెన్సీ విపి రీసెర్చ్ అనలిస్ట్ జతీన్ త్రివేది వెల్లడించారు.అంతర్జాతీయ మార్కెట్‌లో కామెక్స్ బంగారం డిసెంబర్ ఫ్యూచర్స్ స్వల్పంగా పెరిగి ఔన్సుకు 4,424.9 డాలర్ల వద్ద ముగిశాయి. గత కొన్ని వారాలుగా బంగారం ధరలు ఒక పరిమిత పరిధిలోనే కదులుతున్నప్పటికీ, ధరలు తగ్గిన సమయంలో కొనుగోళ్లు కనిపిస్తున్నాయని విశ్లేషకులు చెబుతున్నారు. మరోవైపు గోల్డ్ ETFలలో పెట్టుబడుల ప్రవాహం కొనసాగుతుండటం కూడా బంగారానికి మద్దతుగా నిలుస్తోంది. ఇక వెండి ధరలు పారిశ్రామిక లోహాల కదలికలకు అనుగుణంగా పుంజుకుని వారాన్ని లాభాలతో ముగించాయి.వచ్చేవారంలో ఇలా..ప్రధాన కేంద్ర బ్యాంకుల కీలక నిర్ణయాలు పూర్తవడంతో.. ఇప్పుడు మార్కెట్ దృష్టి చైనా పీపుల్స్ బ్యాంక్ తదుపరి ద్రవ్య విధాన నిర్ణయంపై ఉండనుంది. సోమవారం వెలువడే ఈ నిర్ణయంలో వడ్డీ రేట్లు యథాతథంగా ఉండొచ్చని అంచనా. మొత్తం మీద.. వచ్చే వారం బంగారం ధరల దిశను అమెరికా డాలర్, బాండ్ ఈల్డ్స్, చమురు ధరలు, పశ్చిమాసియా పరిణామాలు, కొత్త ఆర్థిక గణాంకాలు నిర్ణయించే అవకాశం ఉంది. అందువల్ల బంగారం మార్కెట్‌లో ఒడిదుడుకులు కొనసాగుతూ, ధరలు పరిమిత శ్రేణిలో కదిలే అవకాశం ఉందని విశ్లేషకుల అంచనా.ఇదీ చదవండి: సంపద సృష్టికి బఫెట్ చెప్పిన సూత్రాలు!

జపాన్‌లో జరుగుతున్న ప్రతిష్టాత్మక ఆసియా క్రీడల్లో స్టార్‌ హీరో కుమారుడు పోటీ పడుతున్నారు. ఈ విషయాన్ని హీరోనే స్వయంగా వెల్లడించారు. బాలీవుడ్ హీరో, నటుడు ఆర్ మాధవన్ తన కుమారుడు స్విమ్మింగ్‌లో పోటీ పడుతున్నారని తెలిపారు. ఈ విషయాన్ని సోషల్ మీడియాలో పంచుకున్నారు. కాగా.. ఆర్ మాధవన్ కుమారుడైన వేదాంత్.. స్విమ్మింగ్‌ ఫ్రీస్టైల్ విభాగంలో పోటీకి రెడీ అయ్యారు. కాగా.. ఆర్ మాధవన్ కుమారుడు వేదాంత్ మాధవన్ స్విమ్మింగ్‌ పోటీల్లో ఎన్నో రికార్డులు సాధించారు. పలు అంతర్జాతీయ ఈవెంట్స్‌లో ఇప్పటికే ఎన్నో పతకాలు సాధించారు. మలేషియన్ ఓపెన్‌లో ఐదు స్వర్ణాలు, డానిష్ ఓపెన్‌లో ఒక స్వర్ణం, ఒక రజతం గెలుపొందారు. లాత్వియన్, థాయ్‌లాండ్ ఓపెన్ టోర్నీల్లో కాంస్య పతకాలు సొంతం చేసుకున్నారు. కామన్వెల్త్ యూత్ గేమ్స్‌లో ఐదో స్థానంలో నిలిచి తన టాలెంట్‌ నిరూపించుకున్నారు. భారత్ తరపున స్విమ్మింగ్‌లో అత్యుత్తమ ప్రదర్శన చేస్తోన్న యువ క్రీడాకారుల్లో వేదాంత్ ఉన్నారని ఒలింపిక్స్ అధికారిక వెబ్‌సైట్ ప్రశంసించింది.

విజయనగరం జిల్లా: కూటమి నేతలు దోపిడీకి అలవాటు పడ్డారని మాజీ మంత్రి, శాసనమండలి విపక్ష నేత బొత్స సత్యనారాయణ అన్నారు. గజపతినగరం నియోజకవర్గం విస్తృత స్థాయి సమావేశంలో బొత్స సత్యనారాయణ పాల్గొని మాట్లాడారు. ‘‘40 సంవత్సరాలుగా రాజకీయాల్లో ఉన్నాం. రాజకీయాల్లో వస్తూ ఉంటారు... పోతూ ఉంటారు.ఒకరు పోతే వంద మంది వస్తారు. ఇప్పుడు కూటమి నేతల తీరు చూస్తూ ఉంటే బీపీ పెరిగి పోతుంది. కూటమి నేతలు దోపిడీకి అలవాటు పడ్డారు. అలీబాబా 40 దొంగలు తీరులా వీళ్లంతా ఒకటయ్యారు. సెటిల్‌మెంట్లు అన్నీ పోలిస్ స్టేషన్లల్లో, ఎండీవో ఆఫీసుల్లో జరుగుతున్నాయి. ఇదీ కూటమి ప్రభుత్వ తీరు. మీ వెంటే... అప్పలనర్శయ్య తో పాటుగా నేను. మా పిల్లలు ఉంటారు. పార్టీ బోలేపేతానికి కృషి చెయ్యండి’’ అని అన్నారు.కాగా, గజపతినగరం నియోజకవర్గంలో బొత్స అప్పలనరసయ్య అధ్యక్షతన వైఎస్సార్‌సీపీ విస్తృత స్థాయి సమావేశం జరిగింది. ఈ సమావేశానికి బొత్స సత్యనారాయణతో పాటు జిల్లా పార్టీ అధ్యక్షులు బెల్లాన చంద్రశేఖర్, ఎమ్మెల్సీలు పాలవలస విక్రాంత్, పెనుమత్స సురేష్ బాబు, పార్లమెంటు ఇన్‌చార్జ్ సత్యనారాయణ, గజపతినగరం నియోజకవర్గం ఇన్‌చార్జి జగన్ మోహన్ రావు హాజరయ్యారు.

రంజీ ట్రోఫీ 2026-27 సీజన్‌లోని మొదటి రెండు మ్యాచ్‌లకు హైదరాబాద్ క్రికెట్ అసోసియేషన్ (HCA) తమ జట్టును ప్రకటించింది. ఈ జట్టుకు స్టార్ ఫాస్ట్ బౌల‌ర్ మ‌హ్మ‌ద్ సిరాజ్ నాయ‌క‌త్వం వ‌హించ‌నుండ‌గా, సి.వి. మిలింద్ వైస్ కెప్టెన్‌గా (డిప్యూటీ) ఎంపిక‌య్యాడు. తనయ్ త్యాగరాజన్, అనికేత్ రెడ్డి, తన్మయ్ అగర్వాల్, ఎం. అభిరత్ రెడ్డి వంటి ప్రముఖ ప్లేయ‌ర్ల‌కు ఈ జ‌ట్టులో చోటు ద‌క్కింది.ఎలైట్ గ్రూప్-బిలో ఉన్న హైద‌రాబాద్‌ జట్టు తన తొలి మ్యాచ్‌లో త్రిపురతో (అక్టోబర్ 11-14) త‌ల‌ప‌డ‌నుంది. అనంత‌రం విజ‌య‌న‌గ‌రం వేదిక‌గా జరిగే రెండో మ్యాచ్‌లో ఆంధ్ర జ‌ట్టును ఢీకొట్టనుంది. అయితే ఈ మొదటి రెండు మ్యాచ్‌లకు మాత్ర‌మే సిరాజ్ అందుబాటులో ఉంటాడు. ఆ తర్వాత అతడు న్యూజిలాండ్ ప‌ర్య‌ట‌న కోసం భార‌త జ‌ట్టుతో కలిసి వెళ్లనున్నాడు.మరోవైపు కల్నల్ సి.కె. నాయుడు ట్రోఫీలో రైల్వేస్ (అక్టోబర్ 12), ఉత్తరాఖండ్ (అక్టోబర్ 19) జట్లతో తలపడే అండర్-23 జట్టును కూడా హెసీఎ ప్రకటించింది. ఈ జట్టుకు పేరాల అమన్ రావు నాయకత్వం వహించనుండగా, ఆరోన్ జార్జ్ వైస్ కెప్టెన్‌గా వ్యవహరించనున్నాడు.హైదరాబాద్ రంజీ జ‌ట్టుమహ్మద్ సిరాజ్ (కెప్టెన్), సి.వి. మిలింద్ (వైస్-కెప్టెన్.), తన్మయ్ అగర్వాల్, అభిరత్ రెడ్డి, రాహుల్ సింగ్, హిమ తేజ, రాహుల్ రాధేష్ (వికెట్ కీప‌ర్‌), సాయి ప్రగ్నయ్ రెడ్డి (వికెట్ కీప‌ర్‌), వరుణ్ గౌడ్, తనయ్ త్యాగరాజన్, అనికేత్ రెడ్డి, రక్షన్ రెడ్డి, అజయ్ దేవ్ గౌడ్, రుతిక్ యాదవ్ మెండే, సాయి వికాస్ రెడ్డి.హైదరాబాద్ అండర్-23 జట్టుఅమన్‌రావు (కెప్టెన్‌), ఆరోన్‌ జార్జ్‌ (వైస్‌ కెప్టెన్‌), ఎ. అవనీష్‌ రావ్ (వికెట్ కీప‌ర్‌), రాఘవ్‌ పట్టాపు, వాఫీ కచ్చి, ఎ. విఘ్నేష్‌ రెడ్డి, సుంకరి ధీరజ్‌ (వికెట్ కీప‌ర్‌), ఆర్‌. సాయి శరణ్‌, ప్రణవ్‌ వర్మ, మురుగన్‌ అభిషేక్‌, కుష్‌ అగర్వాల్‌, నిశాంత్‌ మహోద్‌లీ, డినేష్‌. రాహుల్‌. కార్తికేయ.చదవండి: IND vs NZ: టీమిండియాకు కొత్త కెప్టెన్‌?

చిరంజీవి హీరోగా వస్తోన్న లేటేస్ట్ మూవీ కాకా. ఈ సినిమాకు బాబీ దర్శకత్వం వహిస్తున్నారు. ఈ మూవీ టైటిల్ ఇటీవలే ప్రకటించిన సంగతి తెలిసిందే. వీరిద్దరి కాంబోలో వస్తోన్న రెండో చిత్రం కావడంతో అభిమానుల్లో అంచనాలు భారీగా నెలకొన్నాయి. ఈ సినిమా వచ్చే ఏడాది సంక్రాంతి కానుకగా థియేటర్లలో సందడి చేయనుంది.అయితే మెగాస్టార్ అప్పుడప్పుడు తన సినిమాలకు సంబంధించి లీక్స్‌ చేస్తుంటారు. గతంలో చాలాసార్లు టైటిల్స్ లీక్ చేస్తూ అభిమానులకు సర్‌ప్రైజ్‌ ఇస్తుంటారు. తాజాగా కాకాకు సంబంధించి ఆసక్తికర విషయాన్ని లీక్ చేశారు. ఈ మూవీలోని తన పాత్ర పేరును బయట పెట్టేశారు. ఇటీవల ఓ ఈవెంట్‌కు హాజరైన చిరంజీవి తన రోల్ వెల్లడించారు.కాకాలో తాను కదిరి కాళీదాస్ పాత్రలో కనిపించనున్నట్లు చిరు వెల్లడించారు. తన పక్కనే ఉన్న యాంకర్ స్రవంతిని చూపిస్తూ.. తన ఊరి పేరునే తన క్యారెక్టర్‌లో పెట్టుకున్నానని నవ్వుతూ అన్నారు. ఈ వీడియో సోషల్ మీడియాలో వైరల్‌గా మారింది. కాగా.. ఈ చిత్రంలో అనస్వర రాజన్, నివేదా పేతురాజ్ కీలక పాత్రలలో నటిస్తున్నారు. ఈ ప్రాజెక్ట్‌ కేవీఎన్ ప్రొడక్షన్స్ బ్యానర్‌లో నిర్మిస్తుండగా.. తమన్ సంగీతం అందిస్తున్నారు. కాకా… కదిరి కాళిదాస్ ❤️‍🔥❤️‍🔥❤️‍🔥#KAAKA - JAN 13th Sankranthi 2027🔥#KAAKAOnJan13 pic.twitter.com/tfaa5Nmadk— Kaaka (@KaakaMovie) September 20, 2026

ఇంగ్లాండ్‌లోని టెల్ఫోర్డ్‌లో భారత సంతతికి చెందిన సిక్కు బస్సు డ్రైవర్‌పై యెమెన్ దేశస్థుడు దాడి చేశాడు. దాడి చేయడమే కాదు.. బస్సును కూడా దొంగిలించాడు. ఆ బ‌స్సును రాంగ్ రూట్‌లో నడుపుతూ బీభత్సం సృష్టించాడు. ఈ ఘటన మొత్తం కెమెరాలో రికార్డ్ అవ్వగా.. ఆ వీడియో వైరల్‌గా మారింది. నిందితుడిని పోలీసులు అదుపులోకి తీసుకున్నారు.డ్రైవర్ దగ్గరకు వెళ్లిన నిందితుడు.. ఆయన గడ్డం పట్టుకుని లాగాడు. గొడవ వద్దని చెబుతున్నా ఆ వ్యక్తి వినలేదు. తన తలను డ్రైవర్ తలతో ఢీకొట్టినట్లు వీడియోలో కనిపిస్తుంది. ఈ దాడి ఘటనను ఓ మహిళ వీడియో తీసింది. అసలు ఏం చేస్తున్నావంటూ అంటూ దుండగుడిని ఆ మహిళ ప్రశ్నిచింది. డ్రైవర్‌పై దాడి చేయొద్దంటూ ఆమె చెబుతున్నా దుండగుడు పట్టించుకోకుండా దాడికి పాల్పడ్డాడు. దీంతో డ్రైవర్‌.. పోలీసులకు ఫోన్ చేయాలని ఆ మహిళను కోరాడు. దీంతో మరింత రెచ్చిపోయిన నిందితుడు బస్సులోని వస్తువులను కూడా ధ్వంసం చేశాడు.డ్రైవర్ క్యాబిన్‌లోని లైట్‌లా కనిపించే ఒక వస్తువును తీసి.. దాంతో సిక్కు డ్రైవర్‌పై దాడి చేస్తానని బెదిరించాడు. బస్సును తనకు ఇవ్వాలని డ్రైవర్‌ను పదేపదే కోరాడు. చివరకు డ్రైవర్‌ను బస్సు నుంచి బయటకు తోసి.. తానే డ్రైవింగ్ సీటులో కూర్చున్నాడు. బస్సు నడుపుకుంటూ వెళ్లాడు. ఆ బ‌స్సును రాంగ్‌రూట్‌లో నడుపుతూ పలు వాహనాలను ఢీకొట్టాడు.వీడియోలో ఓ మహిళ భయంతో ఏడుస్తూ.. ప్రజలను పక్కకు తప్పుకోవాలని పదేపదే కోరుతూ.. ‘ఓ మై గాడ్’ అంటూ అరుస్తున్నట్లు వినిపిస్తుంది. ఘటన జరుగుతున్న సమయంలో ఆమె బస్సు వెనుక పరుగెత్తుతున్నట్లు వీడియోలో కనిపిస్తుంది. పోలీసులకు సమాచారం అందడంతో ఘటనాస్థలానికి చేరుకుని దుండగుడిని అరెస్ట్ చేశారు. విచారణ చేపట్టిన పోలీసులు దర్యాప్తు చేస్తున్నారు.A Sikh bus driver was assaulted by a man in his 20s. The accused attacked the driver, pulled his beard and forced him out of the bus and hijacked the bus.The incident took place on Court Street, telford near to London. The police have arrested the suspect. #Uk #Telford pic.twitter.com/s9KBZ3BxqA— Ravinder Singh (@ravindraJourno) September 19, 2026ఇదీ చదవండి: బ్రిడ్జిపై నుంచి పడిన బీఎండబ్ల్యూ కారు

జర్మనీకి చెందిన ప్రముఖ కార్ల తయారీ సంస్థ ఫోక్స్‌వ్యాగన్ తన వ్యాపారాన్ని తిరిగి గాడిలో పెట్టేందుకు భారీ మార్పులకు సిద్ధమవుతోంది. ఇందులో భాగంగా స్పోర్ట్స్ కార్ల బ్రాండ్ పోర్షేలో మరో 4,100 ఉద్యోగాలను తగ్గించే ప్రతిపాదన ఉన్నట్లు జర్మన్ బిజినెస్ డైలీ హాండెల్స్‌బ్లాట్ నివేదించింది.పోర్షేలో ఉద్యోగాల కోత ఇదే మొదటిసారి కాదు. ఇప్పటికే 4,000 ఉద్యోగాల కోతకు నిర్ణయం తీసుకోగా, జూలైలో మరో 5,000 ఉద్యోగాలను తగ్గించేందుకు యాజమాన్యం, కార్మిక ప్రతినిధులు అంగీకరించారు. తాజాగా నివేదించిన 4,100 ఉద్యోగాల కోత కూడా అమల్లోకి వస్తే.. సంస్థలో ఉద్యోగుల సంఖ్యపై గణనీయమైన ప్రభావం పడనుంది. అయితే.. దీనిపై ఫోక్స్‌వ్యాగన్, పోర్షే అధికారికంగా స్పందించలేదు.పోర్షేకు ప్రధానంగా చైనా మార్కెట్‌లో అమ్మకాలు తగ్గడం, ఎలక్ట్రిక్ వాహనాల వ్యూహంలో మార్పుల వల్ల ఇబ్బందులు ఎదురవుతున్నాయి. ఈ పరిణామాల ప్రభావం ఫోక్స్‌వ్యాగన్‌పై కూడా పడింది. దీంతో కంపెనీ తన పూర్తి ఏడాది ఆపరేటింగ్ మార్జిన్ అంచనాను గతంలో ఉన్న 4.0-5.5 శాతం నుంచి గరిష్ఠంగా 1 శాతానికి తగ్గించింది. పోర్షేలో ఆస్తుల విలువ తగ్గింపుతో పాటు ఇతర సమస్యలు ఇందుకు కారణమయ్యాయి.ఇప్పుడు పోర్షే సీఈఓ మైఖేల్ లైటర్స్ ముందు సంస్థను తిరిగి వృద్ధి బాటలోకి తీసుకురావడం ప్రధాన సవాలుగా మారింది. చైనాలో అమ్మకాలను పెంచడం, ఎలక్ట్రిక్ వాహనాల వ్యూహాన్ని సరిచేయడం, ఖర్చులను తగ్గించడం వంటి అంశాలపై కంపెనీ దృష్టి పెట్టాల్సి ఉంది. ఉద్యోగాల కోతలతో ఖర్చులను నియంత్రించే ప్రయత్నం చేస్తున్నప్పటికీ.. పోర్షేను తిరిగి బలమైన స్థితిలోకి తీసుకురావడమే ఫోక్స్‌వ్యాగన్ ముందున్న అసలు సవాలుగా కనిపిస్తోంది.ఇదీ చదవండి: సంపద సృష్టికి బఫెట్ చెప్పిన సూత్రాలు!

వెస్టిండీస్‌తో స్వదేశంలో వైట్-బాల్ సిరీస్ పూర్తి చేసుకున్న తర్వాత భారత క్రికెట్ జట్టు ఆల్-ఫార్మాట్ సిరీస్ కోసం న్యూజిలాండ్ పర్యటనకు వెళ్లనుంది. ఈ పర్యటనలో భాగంగా టీమిండియా ఆతిథ్య కివీస్‌ జట్టుతో ఐదు టీ20లు, ఐదు వన్డేలు, రెండు టెస్టుల సిరీస్‌లలో తలపడనుంది. అయితే వైట్-బాల్ మ్యాచ్‌లతో పోలిస్తే ఈ టూర్‌లో టెస్టు సిరీస్ భారత్‌కు అత్యంత కీలకం. వరల్డ్ టెస్ట్ ఛాంపియన్‌షిప్ ఫైనల్ రేసులో నిలవాలంటే టీమిండియా ఖచ్చితంగా కివీస్‌ను ఓడించాల్సి ఉంది. ఇందుకోసం టీమ్‌ మేనేజ్‌మెంట్ ప్రత్యేక వ్యూహాలను సిద్ధం చేస్తోంది.చివరి వన్డే ముగిసిన కేవలం మూడు రోజులకే మొదటి టెస్టు ప్రారంభం కానుంది. దీంతో కెప్టెన్ శుభ్‌మన్ గిల్‌తో పాటు టెస్టు జట్టుకు ఎంపికైన ముఖ్య ఆటగాళ్లు చివరి రెండు వన్డేల నుంచి విశ్రాంతి ఇవ్వ‌నున్న‌ట్లు తెలుస్తోంది. వీరంతా వెల్లింగ్టన్‌లో జరిగే మొదటి టెస్టు కోసం ముందుగానే రెడ్-బాల్ ప్రాక్టీస్ ప్రారంభించనున్నారు. గిల్ గైర్హాజరీలో చివరి రెండు వన్డేలకు భారత జట్టు నాయకత్వ బాధ్యతలను శ్రేయస్ అయ్యర్ చేపట్టే అవకాశం ఉంది. గిల్‌తో పాటు జ‌స్ప్రీత్ బుమ్రా, సిరాజ్‌, ప్ర‌సిద్ద్ కృష్ణ వంటి ప్లేయర్లు కివీస్‌తో చివరి రెండు వన్డేలకు దూరమయ్యే ఛాన్స్ ఉంది.టీ20 సిరీస్‌ షెడ్యూల్‌తొలి టీ20: అక్టోబర్ 22 – క్రిస్ట్చర్చ్ (మధ్యాహ్నం 12:30) రెండో టీ20: అక్టోబర్ 24 – క్రిస్ట్చర్చ్ (మధ్యాహ్నం 12:30)మూడో టీ20: అక్టోబర్ 27- వెల్లింగ్టన్ (మధ్యాహ్నం 12:30)నాలుగో టీ20: అక్టోబర్ 30-ఆక్లాండ్ (మధ్యాహ్నం 12:30)ఐదో టీ20: నవంబర్ 1 – హామిల్టన్ (మధ్యాహ్నం 12:30)వన్డే సిరీస్‌ షెడ్యూల్‌తొలి వ‌న్డే: నవంబర్ 4 – ఆక్లాండ్ (ఉదయం 7:30) రెండో వ‌న్డే: నవంబర్ 7 – వెల్లింగ్టన్ ((ఉదయం 7:30)మూడువ వన్డే: నవంబర్ 10 - హామిల్టన్ (ఉదయం 7:30)నాలుగో వ‌న్డే: నవంబర్ 13 : మౌంట్ మాంగనుయ్ -ఆక్లాండ్ (ఉదయం 7:30)5వ వన్డే: నవంబర్ 15 – మౌంట్ మాంగనుయ్ (బే ఓవల్) (ఉదయం 7:30)టెస్టు సిరీస్‌తొలి టెస్టు: నవంబర్ 19 - నవంబర్ 23 – వెల్లింగ్టన్ (ఉదయం 3:30)రెండో టెస్టు: నవంబర్ 27 - డిసెంబర్ 1 – హ్యాగ్లే ఓవల్, క్రిస్ట్చర్చ్ (ఉదయం 3:30)

సాక్షి, సూర్యాపేట: సూర్యాపేట -ఖమ్మం 365 హైవేపై ఘోర ప్రమాదం జరిగింది..పిల్లల మర్రి సమీపంలో డివైడర్‌ను వోల్వో ఢీకొట్టింది. ఈ ప్రమాదంలో కారులో పెద్దఎత్తున మంటలు చెలరేగి అందులో ప్రయాణిస్తున్న డాక్టర్‌ కాసకుర్తి జగదీష్‌ ప్రాణాలు కోల్పోయారు. మంటలలో ఆయన సజీవ దహనమయ్యారు. మృతిచెందిన డాక్టర్ మమత హాస్పిటల్ న్యూరో సర్జన్ డాక్టర్ కాసకుర్తి జగదీష్ గా పోలీసులు గుర్తించారు. ఈ ఘటనపై మాజీ మంత్రి పువ్వాడ అజయ్‌ విచారం వ్యక్తం చేశారు. ప్రముఖ న్యూరో సర్జన్ జగదీష్ మృతి పట్ల మాజీ మంత్రి సంతాపం వ్యక్తం చేశారు. Neurosurgeon Burnt Alive After His Car Crashes into Divider in Suryapet A horrific road accident occurred on National Highway 365, connecting Suryapet and Khammam.Near Pillalamarri, a Volvo car reportedly lost control, hit the road divider at high speed and suddenly caught… pic.twitter.com/eCSKMR8XYg— Sowmith Yakkati (@YakkatiSowmith) September 20, 2026

టాంజానియాలోని యునెస్కో గుర్తింపు పొందిన న్గోరోంగోరో పరిరక్షణ ప్రాంతంలో విషప్రయోగం జరిగినట్లు అనుమానాలు వ్యక్తమవుతున్నాయి. అందులో 10 సింహాలు మృతి చెందినట్లు అధికారులు తెలిపారు. న్గోరోంగోరో పరిరక్షణ ప్రాంత ప్రాధికార సంస్థ (ఎన్‌సీఏఏ) శనివారం (సెప్టెంబర్ 19) రాత్రి విడుదల చేసిన ప్రకటనలో.. సెప్టెంబర్ 18న న్డుటు ప్రాంతంలో 10 సింహాలు మృతి చెందినట్లు ప్రజలకు తెలియజేసింది.ప్రాథమిక పరిశీలనలో సింహాలు విషం తీసుకోవడం వల్ల మృతి చెందినట్లు తెలుస్తోందని అధికారులు తెలిపారు. ఘటనకు కారణం ఏంటో, బాధ్యులు ఎవరో గుర్తించేందుకు నిపుణుల దర్యాప్తు కొనసాగుతోందని వెల్లడించారు. న్గోరోంగోరో ప్రాంతంలో అధికారులు, స్థానిక సంచార సమాజం మధ్య చాలా కాలంగా ఉద్రిక్తతలు కొనసాగుతున్నాయి. 2022లో ప్రభుత్వం ఖాళీ చేయించే కార్యక్రమాన్ని ప్రారంభించిన తర్వాత కొన్ని సందర్భాల్లో ఈ ఘర్షణలు ప్రాణాంతకంగా మారాయి.జనాభా పెరుగుదల వల్ల వన్యప్రాణుల ఆవాస ప్రాంతాలు ఆక్రమణకు గురవుతున్నాయని టాంజానియా ప్రభుత్వం చెబుతోంది. 1959లో న్గోరోంగోరోలో సుమారు 8,000 మంది నివసించగా.. ప్రస్తుతం ఆ సంఖ్య 1,00,000 దాటిందని పేర్కొంది. జూన్ నుంచి టాంజానియా సరిహద్దుకు సమీపంలోని కెన్యాలోని అంబోసెలి పర్యావరణ వ్యవస్థలో దాదాపు 20 ఏనుగులు అనుమానిత పురుగుమందు విషప్రయోగంతో మృతి చెందాయి. అయితే ఆ మరణాలు ప్రమాదవశాత్తూ జరిగాయా, ఉద్దేశపూర్వకంగా జరిగాయా అనేది అధికారులు నిర్ధారించలేకపోయారు.

ముంబై: ముంబై కోస్టల్‌ రోడ్డుపై ఇవాళ (ఆదివారం) తెల్లవారుజామున ఘోర ప్రమాదం జరిగింది. అతివేగంగా దూసుకెళ్లిన బీఎండబ్ల్యూ కారు అదుపుతప్పి బ్రిడ్జి గోడను ఢీకొట్టి కింద పడిపోయింది. ఈ ప్రమాదంలో ముగ్గురు అక్కడికక్కడే మృతి చెందగా.. మరో యువకుడు తీవ్ర గాయాలతో ఆస్పత్రిలో చికిత్స పొందుతున్నాడు.బీఎండబ్ల్యూ కారు మెరైన్‌ డ్రైవ్‌ నుంచి హాజీఅలీ వైపు కోస్టల్‌ రోడ్డుపై వెళ్తుండగా ఈ ఘటన చోటుచేసుకుంది. అతివేగం కారణంగా కారు నడుపుతున్న వ్యక్తి నియంత్రణ కోల్పోయినట్లు పోలీసులు తెలిపారు. కారు ముందుగా బ్రిడ్జి గోడను ఢీకొట్టి.. అక్కడి నుంచి కిందకి పడిపోయింది. ప్రమాదం జరిగిన ప్రాంతంలో కార్ల పార్కింగ్‌ పనులు జరుగుతున్నాయి. ప్రమాదంపై తెల్లవారుజామున 5:20 గంటల సమయంలో కోస్టల్‌ రోడ్‌ కంట్రోల్‌ రూమ్‌కు సమాచారం అందింది. కారులో ఉన్న నలుగురినీ వెంటనే నాయర్‌ ఆస్పత్రికి తరలించారు. అయితే వైద్యులు ముగ్గురు అప్పటికే మృతి చెందినట్లు నిర్థారించారు.మృతులను షనాయ్‌ గజ్జల్‌(21), ధైర్య దర్శన్‌ సేథ్‌(17), ఆదిత్య జకాస్నియా(19)గా గుర్తించారు. తీవ్రంగా గాయపడిన ఆదిత్య కల్పేశ్వర్‌ ఓస్వాల్‌(23)కు ఐసీయూలో చికిత్స అందిస్తున్నారు. అతని పరిస్థితి విషమంగా ఉన్నట్లు వైద్యులు తెలిపారు. ప్రమాదానికి అసలు కారణం ఏమిటన్న దానిపై పోలీసులు దర్యాప్తు చేపట్టారు.Three killed, one injured as speeding BMW crashes on Coastal Road in Mumbai.#Mumbai #BMWcrash pic.twitter.com/Mt0fXslLdN— Ravinder Singh (@ravindraJourno) September 20, 2026ఇదీ చదవండి: హైదరాబాద్‌లో ఒరిగిన భవనం.. ఎలా కూల్చేశారంటే..

మాస్కో: రష్యాలో ఎన్నికలు జరుగుతున్నవేళ ఉక్రెయిన్‌ రెచ్చిపోయింది. రాజధాని మాస్కోతో పాటు ఇతర చుట్టుప్రక్కల ప్రాంతాలే టార్గెట్‌గా విరుచుకపడింది. 1600 డ్రోన్లతో ఏకకాలంతో దాడి చేసింది. ఈ దాడుల్లో ఇద్దరు రష్యాపౌరులు మరణించగా ఒక ప్రధాన చమురు శుద్ధి కర్మాగారం దెబ్బతింది. ఈ దాడిపై రష్యా తీవ్ర ఆగ్రహం వ్యక్తం చేస్తుంది.ఇటీవల రష్యా- ఉక్రెయిన్‌ దాడులు తీవ్ర స్థాయికి చేరుకుంటున్నాయి. రష్యా మౌలిక సదుపాయాలే లక్షంగా ఉక్రెయిన్‌ దాడులకు తెగబడుతుంది. రష్యా సైతం పెద్దఎత్తున ప్రతి దాడులు జరుపుతుంది. ఈ దాడుల వల్ల పెద్ద సంఖ్యలో పౌరులు ప్రాణాలు కోల్పోతున్నారు. తాజాగా మరోసారి ఉక్రెయిన్ రష్యాపై పెద్దఎత్తున డ్రోన్‌ దాడులు చేసింది.ఈ విషయమై రష్యా మేయర్‌ మాట్లాడుతూ.. 1,600కు పైగా డ్రోన్లను అడ్డుకుని కూల్చివేసాం. ఇందులో 450 డ్రోన్లు మాస్కోను లక్ష్యంగా చేసుకుని వచ్చాయి. రెండు వేర్వేరు దాడుల్లో 44 ఏళ్ల మహిళ, ఒక వృద్ధుడు మరణించినట్లు తెలిపారు. 21 అంతస్తుల భవనంపై డ్రోన్ కూలిపోవడంతో మంటలు చెలరేగాయి. దీంతో సుమారు 400 మందిని భవనం నుంచి ఖాళీ చేయించాల్సి వచ్చింది." అని ఆయన అన్నారు.రష్యాలో జరుగుతున్న ఎన్నికలను అడ్డుకునే ప్రయత్నంలో భాగంగానే ఉక్రెయిన్ ఈ దాడికి పాల్పడిందని ఆయన ఆరోపించారు. "ఎన్నికలను భంగపరచాలనే ఉద్దేశంతోనే ఈ దాడిని స్పష్టంగా ప్రణాళిక చేశారు. అయితే శత్రువు అందులో విజయవంతం కాలేదు” అని ఆయన సోషల్ మీడియాలో పేర్కొన్నారుమరోవైపు, ఉక్రెయిన్ అధ్యక్షుడు జెలెన్‌స్కీ ఈ దాడులను ప్రశంసించారు. “గత రాత్రి మాస్కో ప్రాంతంలో మా సుదూర దాడులు చాలా ప్రభావాన్ని చూపించాయి. రష్యా చమురు పరిశ్రమలోని కీలక సదుపాయాల్లో ఒకదానితో పాటు లాజిస్టిక్స్‌కు సంబంధించిన సదుపాయం కూడా దెబ్బతింది. ఇవి యుద్ధ యంత్రాంగాన్ని కొనసాగించేందుకు ఉపయోగపడే బిలియన్ల డాలర్ల నిధులు” అని ఆయన ఎక్స్‌లో పోస్టు చేశారు.ఇదిలా ఉండగా, ఉక్రెయిన్‌లో రాత్రిపూట రష్యా జరిపిన దాడుల్లో కీవ్ ప్రాంతంలో కనీసం నలుగురు మరణించినట్లు అధికారులు తెలిపారు. మృతుల్లో ముగ్గురు చిన్నారులు ఉన్నారు. రష్యా, ఉక్రెయిన్‌లు ఒకరిపై ఒకరు సుదూర ప్రాంతాలను లక్ష్యంగా చేసుకుని డ్రోన్, క్షిపణి దాడులను మరింత తీవ్రతరం చేస్తున్న సమయంలో ఈ తాజా దాడులు చోటుచేసుకున్నాయి.యుద్ధం ప్రారంభమైనప్పటి నుంచి రష్యాపై జరిగిన అతిపెద్ద ఒక్కరోజు దాడుల్లో ఇది ఒకటని విశ్లేషకులు భావిస్తున్నారు. ఈ భారీ స్థాయి దాడి రష్యా ఎన్నికల చివరి రోజునే జరగడం యాదృచ్ఛికం కాదని అంటున్నారు. కాగా ఉక్రెయిన్‌ దాడులతో పరిస్థితులు మరోసారి ఉద్రిక్తంగా మారాయి. రష్యా భారీ స్థాయిలో ‍ప్రతిదాడులు చేసే అవకాశం ఉంది.

ప్రపంచంలోనే అత్యంత విజయవంతమైన పెట్టుబడిదారుల్లో వారెన్ బఫెట్ ఒకరు. ఎన్నో దశాబ్దాలుగా పెట్టుబడుల రంగంలో కొనసాగుతూ.. తన ప్రత్యేకమైన ఆలోచనా విధానంతో ఎంతో సంపదను సృష్టించిన, బఫెట్ విజయానికి ముఖ్య కారణం కేవలం డబ్బు సంపాదించడం కాదు. ఓర్పు, క్రమశిక్షణ, సరైన నిర్ణయాలు మరియు దీర్ఘకాలిక ఆలోచన ఆయన పెట్టుబడి విధానంలో ముఖ్యమైనవి. ఆయన చెప్పిన కొన్ని విషయాలు షేర్ మార్కెట్‌లో పెట్టుబడులు పెట్టేవారికే కాకుండా, జీవితంలో ముందుకు వెళ్లాలనుకునే ప్రతి ఒక్కరికీ ఉపయోగపడతాయి.మంచి కంపెనీలను సరైన ధరకు ఎంచుకోవాలిబఫెట్ పెట్టుబడి విధానంలో ముఖ్యమైన విషయం మంచి వ్యాపారాలను గుర్తించడం. ఒక కంపెనీ షేరు ధర పెరుగుతోందని మాత్రమే దాన్ని కొనడం సరైనది కాదు. ఆ కంపెనీ ఏం చేస్తోంది?, దాని వ్యాపారం బలంగా ఉందా?, భవిష్యత్తులో కూడా ఆ కంపెనీ అభివృద్ధి చెందగలదా? అనే విషయాలను ముందుగా తెలుసుకోవాలి. మంచి కంపెనీని గుర్తించడం ఎంత ముఖ్యమో, దాని షేరును సరైన ధరకు కొనడం కూడా అంతే ముఖ్యం.పెట్టుబడుల్లో ఓర్పు ఉండాలిషేర్ మార్కెట్‌లో ధరలు ప్రతిరోజూ మారుతుంటాయి. ఒకరోజు మార్కెట్ పెరగవచ్చు, మరొకరోజు పడిపోవచ్చు. ఈ మార్పులను చూసి ప్రతిసారీ మన పెట్టుబడులను మార్చుకుంటే నష్టపోయే అవకాశం ఉంటుంది. బఫెట్ మాత్రం దీర్ఘకాలికంగా ఆలోచించేవారు. మంచి కంపెనీలో పెట్టుబడి పెట్టిన తర్వాత, దాని ఎదుగుదలకు తగిన సమయం ఇవ్వాలని ఆయన విధానం చెబుతుంది. మంచి పెట్టుబడికి ఓర్పు చాలా అవసరం.భయం, అత్యాశకు లోనుకాకూడదుమార్కెట్‌లో అందరూ ఒక షేరును కొనుగోలు చేస్తున్నారని మనం కూడా వెంటనే కొనాల్సిన అవసరం లేదు. అలాగే మార్కెట్ పడిపోతున్నప్పుడు భయపడి మన పెట్టుబడులను అమ్మేయాల్సిన అవసరం కూడా లేదు.బఫెట్ ప్రసిద్ధ సూత్రం ఏమిటంటే.. ''ఇతరులు అత్యాశతో ఉన్నప్పుడు భయపడండి, ఇతరులు భయపడుతున్నప్పుడు అవకాశాలను చూడండి''. దీని ఉద్దేశం ఇతరులను గుడ్డిగా అనుసరించకుండా, మన సొంత ఆలోచనతో నిర్ణయం తీసుకోవడం.పెద్ద నష్టాలను నివారించాలిపెట్టుబడుల్లో లాభం ఎంత ముఖ్యమో, నష్టాలను నియంత్రించడం కూడా అంతే ముఖ్యం. రూల్ నెం1-ఎప్పుడూ డబ్బును కోల్పోవద్దు. రూల్ నెం. 2: రూల్ నెం. 1ని ఎప్పుడూ మర్చిపోవద్దని బఫెట్ చెబుతారు.ప్రతి పెట్టుబడిలో నష్టం అసలు రాకుండా ఉండటం సాధ్యం కాకపోవచ్చు. కానీ మనకు అర్థం కాని వ్యాపారంలో లేదా ఎక్కువ రిస్క్ ఉన్న పెట్టుబడిలో తొందరగా డబ్బు పెట్టకుండా జాగ్రత్తపడవచ్చు.ఇతరుల మాటలను బట్టి నిర్ణయాలు తీసుకోకూడదుపెట్టుబడుల విషయంలో మన చుట్టూ ఉన్నవాళ్లు కూడా మన నిర్ణయాలను ప్రభావితం చేయవచ్చు. ఎవరో ఒకరు ఒక షేరు చాలా బాగుందని చెబితే వెంటనే కొనడం, ఇంకెవరో మార్కెట్ పడిపోతుందని చెబితే భయపడటం సరైన విధానం కాదు. ముందుగా మనమే విషయాన్ని అర్థం చేసుకుని నిర్ణయం తీసుకోవాలి. ఇతరుల అభిప్రాయాలను వినవచ్చు, కానీ తుది నిర్ణయం మాత్రం ఆలోచించి తీసుకోవాలి.మన చుట్టూ ఉన్న వ్యక్తులుజీవితంలో మనం ఎవరితో కలిసి ఉంటామనేది కూడా చాలా ముఖ్యమని బఫెట్ చెప్పారు. మన స్నేహితులు, మనతో పనిచేసే వ్యక్తులు, మనం గౌరవించే వ్యక్తులు మన ఆలోచనలు మరియు నిర్ణయాలపై ప్రభావం చూపుతారు. అందుకే మంచి ఆలోచనలు ఉన్నవారితో ఉండటం, వారి నుంచి మంచి విషయాలు నేర్చుకోవడం మన జీవితానికి ఉపయోగపడుతుంది.దీర్ఘకాలికంగా ఆలోచించాలివిజయానికి ప్రధాన కారణాల్లో ఒకటి ఆయన దీర్ఘకాలిక ఆలోచనా విధానం. వెంటనే లాభం రావాలని కాకుండా, భవిష్యత్తులో మంచి ఫలితాలు రావాలని ఆలోచించడం ఆయన పెట్టుబడి విధానంలో కనిపిస్తుంది. జీవితంలో కూడా ఇదే విధానం ఉపయోగపడుతుంది. చిన్న చిన్న సమస్యలు లేదా తాత్కాలిక పరిస్థితుల వల్ల మన పెద్ద లక్ష్యాలను మార్చుకోకుండా, ఓర్పుతో ముందుకు సాగాలి.ఇదీ చదవండి: డబ్బు సమస్యలు తగ్గాలంటే?: కియోసాకి చెప్పిన సీక్రెట్

అక్కినేని కోడలు శోభిత ధూళిపాల నటిస్తోన్న లేటేస్ట్ మూవీ వెట్టువం. ఈ సినిమాకు కోలీవుడ్ స్టార్ డైరెక్టర్ ​పా రంజిత్‌ దర్శకత్వం వహిస్తున్నారు. ఈ చిత్రాన్ని సైన్స్ ఫిక్షన్ యాక్షన్ డ్రామాగా రూపొందిస్తున్నారు. ఇటీవలే ఈ మూవీ నుంచి వరల్డ్ ఆఫ్ వెట్టువం పేరుతో ఓ వీడియో రిలీజ్‌ చేశారు. ఇందులో ప్రాచీన యుద్ధ కళలను చూపించారు. ఈ సీన్స్ కోసం నటీనటులు యుద్ధ కళలు నేర్చుకున్నారని వెల్లడించారు. దాదాపు ఐదు నిమిషాల పాటు ఉన్న ఈ వీడియో సినిమాపై ఆసక్తిని పెంచేసింది.ఈ మూవీ శోభిత రోల్‌ మరింత ఇంట్రెస్టింట్‌గా ఉండనుందని ఈ వీడియోలో చూస్తే అర్థమవుతోంది. ఇది వీక్షించిన హీరో నాగార్జున.. కోడలిపై ప్రశంసలు కురిపించారు. శోభిత పడుతున్న కష్టాన్ని ప్రశంసించారు. ఈ మూవీ కోసం ఆత్మరక్షణ కళలను నేర్చుకున్న శోభితన ఉద్దేశించి ఎక్స్‌ వేదికగా ఓ పోస్ట్‌ చేశారు. ఈ సినిమా కోసం శోభిత చాలా కష్టపడినట్లు కనిపిస్తోంది.. వెట్టువం వీడియో చాలా అద్భుతంగా ఉంది. ఈ సినిమాను చూసేందుకు ఆసక్తిగా ఎదురుచూస్తున్నా అని నాగ్ తన పోస్ట్‌లో రాసుకొచ్చారు. కాగా.. ఈ సినిమాలో శోభిత రాధి అనే పాత్రలో నటిస్తున్నారు. ఈ మూవీకి జీవీ ప్రకాశ్ కుమార్ సంగీతం అందిస్తున్నారు.

పెనమలూరు: ఆంధ్రప్రదేశ్‌లో దౌర్భాగ్య పరిస్థితులు ఉన్నాయని, రైతు కన్నీరు రాష్ట్రానికి అరిష్టం కాదా? అని మాజీ మంత్రి పేర్ని నాని అన్నారు. ఆదివారం కృష్ణాజిల్లా పెనమలూరు నియోజకవర్గ వైసీపీ విస్తృతస్థాయి సమావేశం జరిగింది. పార్టీ బలోపేతం, రాబోయే స్థానిక సంస్థల ఎన్నికల సన్నద్ధత, భవిష్యత్ కార్యాచరణపై కార్యకర్తలకు నేతలు దిశానిర్దేశం చేశారు.ఇందులో పేర్ని నాని మాట్లాడుతూ... ‘‘స్థానిక సంస్థల ఎన్నికల్లో ప్రతి ఒక్కరూ కష్టపడి పని చేయాలి. వైసీపీ జెండా రెపరెపలాడాలి. చంద్రబాబు తన ధన బలంతో ఓటర్లను ప్రలోభ పెడతారు. ఓటర్లను డబ్బుతో కాదు ప్రేమతో కొనాలి. స్థానిక సంస్థల ఎన్నికల్లో మానవత్వం..మంచితనం ఉన్న అభ్యర్థిని నిలబెట్టండి.వైసీపీ ఆవిర్భావం నుంచి జగన్ మోహన్ రెడ్డితో చక్రవర్తి ఉన్నారు. పెనమలూరు నుంచి మళ్లీ ఎమ్మెల్యే అభ్యర్థిగా దేవభక్తుని చక్రవర్తి నిలబడతారు. ఈ ప్రభుత్వంలో యూరియా, డీఏపీ దొరక్క రైతు కష్టాలు పడుతున్నారు. యాప్ ద్వారా ఎరువులు తెచ్చుకోవాలని రైతులను కాల్చుకుతింటున్నారు. వైఎస్‌ జగన్ హయాంలో ఆర్బీకే ద్వారా ఎరువులు అందించాం’’ అని చెప్పారు.ప్రభుత్వాలు కూలిపోతాయి రైతు కన్నీరు పెడితే ప్రభుత్వాలు కూలిపోతాయని పేర్ని నాని అన్నారు. ‘‘రాష్ట్రంలో కరెంట్ కోతలు మొదలయ్యాయి. రాబోయే రోజుల్లో వైఎస్‌ జగన్ పై చంద్రబాబు అండ్ ముఠా మతం అనే విషయుద్ధం చేయబోతున్నారు. వైఎస్‌ జగన్‌ను వదులుకున్నామని జనం బాధపడుతున్నారు. చంద్రబాబు , లోకేశ్‌కు డబ్బు పిచ్చి పట్టిందని సొంత పార్టీ వాళ్లే అంటున్నారు. వైఎస్‌ జగన్ కంటే ఎక్కువగా ఏమీ చేయలేదని చంద్రబాబుకు అర‍్థమైపోయింది. అందుకే మతం అనే ముద్రతో చంద్రబాబు రాజకీయం చేస్తున్నారు.క్రైస్తవ సభల్లో చంద్రబాబు మాట్లాడింది నీకు వినపడలేదా ఏబీఎన్ రాధాకృష్ణ? చంద్రబాబు పాపాలను దేవుడు వెంట వెంటనే బయటపెట్టేస్తున్నాడు. తిరుపతి లడ్డూలో ఏ జంతువు కొవ్వూ లేదని ఈడీ, సీబీఐ చెప్పింది. తిరుపతి వేంకటేశ్వరస్వామి ఎంత గొప్పవాడో ఇంతకంటే నిదర్శనం ఏముంది? మతం మార్చి ఓటు బ్యాంకుగా తీర్చిదిద్దారని వైఎస్‌ జగన్ పై తప్పుడు వార్తలు రాస్తున్నారు. అధికారం కోసం ఎంత దుర్మార్గంగానైనా ఈనాడు, జ్యోతి వార్తలు రాస్తాయి. మీ కులం తప్ప మరో కులం అధికారంలో ఉండకూడదా? కమ్మ కులస్తులే ఈ ప్రభుత్వాన్ని తిట్టుకుంటున్నారు. ఏ కార్యాలయానికి వెళ్లినా డబ్బులేనిదే పని కావడం లేదు’’ అని చెప్పారు.

సాక్షి నెల్లూరు: మమ్మిడివరం మండలం కోమానిపల్లి వద్ద ఆర్టీసీ బస్సు రోడ్డు ప్రమాదానికి గురైంది. జాతీయ రహదారి 216పై ఎదురెదురుగా వస్తున్న ఆర్టీసీ బస్సు, టిప్పర్‌ ఢీకొన్నాయి. దీంతో బస్సులో ప్రయాణిస్తున్న పలువురు ప్రయాణికులకు గాయాలయ్యాయి. దీంతో వారిని వెను వెంటనే ఆసుపత్రికి తరలించారు. యాక్సిడెంట్‌ తీవ్రతతో బస్సు ముందుబాగం నుజ్జునుజ్జయ్యింది.

ఆసియా గేమ్స్ 2026 మహిళల క్రికెట్ పోటీల్లో భారత జట్టు ఫైనల్‌కు దూసుకెళ్లింది. ఆదివారం జరిగిన రెండో సెమీఫైనల్లో 114 పరుగుల తేడాతో బంగ్లాదేశ్‌ను చిత్తు చేసి తుది పోరుకు భారత్ అర్హత సాధించింది. ఈ మ్యాచ్‌లో తొలుత బ్యాటింగ్ చేసిన హర్మన్‌ప్రీత్ బృందం నిర్ణీత 20 ఓవర్లలో 4 వికెట్ల నష్టానికి 195 పరుగుల భారీ స్కోర్ సాధించింది. యువ ఓపెనర్ షెఫాలీ వర్మ విధ్వంసకర సెంచరీతో చెలరేగింది. షెఫాలీ 49 బంతుల్లో 3 ఫోర్లు, 9 సిక్సర్లతో సరిగ్గా 100 పరుగులు చేసి అజేయంగా నిలిచింది. ఆమెతో పాటు హర్మన్‌ప్రీత్ కౌర్ (40), స్మృతి మంధాన(37) రాణించారు. అనంతరం ఈ భారీ లక్ష్య చేధనలో బంగ్లా జట్టు భారత బౌలర్ల ధాటికి 81 పరుగులకు కుప్పకూలింది. ఇక ఈ మ్యాచ్‌లో తుపాన్ సెంచరీతో విరుచుకుపడ్డ షెఫాలీ వర్మ పలు అరుదైన రికార్డులను తన పేరిట లిఖించుకుంది.షెఫాలీ సాధించిన రికార్డులు ఇవే👉మహిళల ఆసియా గేమ్స్ క్రికెట్‌ చరిత్రలో సెంచరీ సాధించిన తొలి ప్లేయర్‌గా షెఫాలీ రికార్డు సృష్టించింది.👉మహిళల టీ20ల్లో భారత్ తరఫున వేగవంతమైన సెంచరీ చేసిన హర్మన్‌ప్రీత్ కౌర్ రికార్డును షాఫాలీ సమం చేసింది. హర్మన్‌ప్రీత్ కౌర్ కూడా ఇంతకుముందు న్యూజిలాండ్‌పై 49 బంతుల్లోనే శతక్కొట్టింది.👉టీ20 సెంచరీ చేసిన మూడో భారత మహిళా బ్యాటర్‌గా షెఫాలీ నిలిచింది. ఆమె కంటే ముందు స్మృతి మంధాన (2 సెంచరీలు), హర్మన్‌ప్రీత్ కౌర్ ఈ ఫీట్ సాధించారు.👉మహిళల టీ20 క్రికెట్‌లో 100 సిక్సర్ల మార్కును అందుకున్న రెండో భారత బ్యాటర్‌గా షెఫాలీ రికార్డులకెక్కింది. ఓవరాల్‌గా ప్రపంచంలో ఐదో బ్యాటర్‌గా ఆమె నిలిచింది.👉మహిళల టీ20 క్రికెట్‌లో భారత్ తరఫున అత్యధిక సిక్సర్లు కొట్టిన బ్యాటర్‌గా షాఫాలీ వర్మ (104) రికార్డు సృష్టించింది. ఇంతకుముందు ఈ ఫీట్ మంధాన(100) పేరిట ఉండేది. తాజా ఇన్నింగ్స్‌తో ఆమెను షెఫాలీ అధిగమించింది.👉మహిళల టీ20 అంతర్జాతీయ క్రికెట్‌లో ఒక క్యాలెండర్ ఈయ‌ర్‌లో అత్యధిక సిక్సర్లు బాదిన ప్లేయ‌ర్‌గా షెఫాలీ వ‌ర‌ల్డ్ రికార్డు నెల‌కొల్పింది. ఈ ఏడాది టీ20ల్లో షెఫాలీ వ‌ర్మ ఏకంగా 35 సిక్స‌ర్లు బాదింది. ఇంత‌కుముందు ఈ రికార్డు శ్రీలంక కెప్టెన్ చమరి ఆటపట్టు (32 సిక్సర్లు, 2024) పేరిట ఉండేది.👉ఒక క్యాలెండర్ ఇయర్‌లో భార‌త మ‌హిళ‌ల జ‌ట్టు త‌ర‌పున‌ అత్యధిక పరుగులు చేసిన ప్లేయ‌ర్‌గా షెఫాలీ నిలిచింది. ఈ ఏడాది ఇప్ప‌టివ‌రకు ఆమె 815 ప‌రుగులు చేసింది. ఇంతకుముందు ఈ రికార్డు స్మృతి మంధాన (763 పరుగులు, 2024) పేరిట ఉండేది. తాజా నాక్‌తో మంధాన ఆల్‌టైమ్ రికార్డును షెఫాలీ బ్రేక్ చేసింది.చదవండి: టీమిండియాతో సిరీస్‌కు వెస్టిండీస్‌ జట్ల ప్రకటన

స్టార్ హీరోయిన్ మృణాల్ ఠాకూర్ ప్రధాన పాత్రలో నటించిన సస్పెన్స్ థ్రిల్లర్, కోర్ట్‌రూమ్ డ్రామా ‘పూజా మేరీ జాన్’ ఎట్టకేలకు ఓటీటీ బాట పట్టింది. దాదాపు నాలుగేళ్ల క్రితమే షూటింగ్ పూర్తి చేసుకున్న ఈ సినిమా పలు కారణాలతో థియేటర్లలో విడుదలకు నోచుకోలేదు. ఇప్పుడు ఎలాంటి థియేట్రికల్ రిలీజ్ లేకుండా నేరుగా డిజిటల్ ప్రీమియర్‌కు సిద్ధమైంది.గాంధీ జయంతి సందర్భంగాజీ5 వేదికగా అక్టోబర్ 2 నుంచి ఈ సినిమా స్ట్రీమింగ్ కానుంది. గాంధీ జయంతి సందర్భంగా హిందీలో ప్రేక్షకుల ముందుకు రానుంది. అనంతరం తెలుగులోనూ అందుబాటులోకి వచ్చే అవకాశం ఉంది. దీనికి సంబంధించిన అధికారిక ప్రకటనను మేకర్స్ తాజాగా వెల్లడించారు. ‘కొన్ని కథలు మీరు చూసే విషయాలనే అనుమానించేలా చేస్తాయి. మరికొన్ని మీరు నమ్మే విషయాలను ప్రశ్నించేలా చేస్తాయి. కానీ ఈ కథ మాత్రం వాటి మధ్యలో ఉన్న ప్రతిదానినీ ప్రశ్నించేలా చేస్తుంది’ అంటూ మేకర్స్ విడుదల చేసిన ట్రైలర్ సినిమాపై ఆసక్తిని పెంచుతోంది.విభిన్నమైన కథాంశంతో..నవజ్యోత్ గులాటీ, విషాషా అరవింద్ దర్శకత్వం వహించిన ఈ చిత్రంలో మృణాల్ ఠాకూర్‌తో పాటు హుమా ఖురేషీ, విక్రమ్ సింగ్ చౌహాన్, విజయ్ రాజ్, చైతన్య వ్యాస్, రాజేష్ జైస్ తదితరులు కీలక పాత్రల్లో నటించారు. దినేష్ విజన్‌కు చెందిన మడాక్ ఫిల్మ్స్ ఈ చిత్రాన్ని నిర్మించింది. మృణాల్ ఠాకూర్ కెరీర్‌లో విభిన్నమైన కథాంశంతో తెరకెక్కిన చిత్రంగా ‘పూజా మేరీ జాన్’ నిలవనుంది. థియేటర్లలో విడుదల కాకపోవడంతో ఇన్నాళ్లుగా ఈ సినిమా కోసం ఎదురుచూస్తున్న ప్రేక్షకులకు ఇప్పుడు ఓటీటీ రిలీజ్‌తో క్లారిటీ వచ్చింది.

నెల్లూరు కార్పొరేషన్‌ ఎన్నికల వేడి మొదలవకముందే అధికార టీడీపీలో మేయర్‌ పీఠం చిచ్చు రేపుతోంది. ఎన్నికల నోటిఫికేషన్‌ వెలువడక ముందే అభ్యర్థిత్వంపై నేతలు తమ వర్గాల బలాన్ని చాటుకునే ప్రయత్నం చేస్తున్నారు. మేయర్‌ పీఠం తమ గుప్పెట్లో పెట్టుకోవాలని ఎవరికి వారు అభ్యర్థిత్వాలపై ప్రతిపాదనలను తెరపైకి తీసుకొస్తున్నారు. ఆ పీఠంపై తమ మాటే నెగ్గించుకోవాలన్న పట్టుదల కీలక నేతల మధ్య ఆధిపత్య పోరుకు తెర తీస్తున్నట్లు రాజకీయ వర్గాల్లో చర్చ జరుగుతోంది. మంత్రి పొంగూరు నారాయణ, ఎంపీ వేమిరెడ్డి ప్రభాకర్‌రెడ్డి వర్గం నుంచి డిప్యూటీ మేయర్‌ రూప్‌కుమార్‌యాదవ్‌ పేరు ప్రచారంలో ఉండగా, రూరల్‌ ఎమ్మెల్యే కోటంరెడ్డి శ్రీధర్‌రెడ్డి తన వర్గం నుంచి ప్రత్యామ్నాయ పేర్లను తెరపైకి తీసుకురావడం ఆసక్తి రేపుతోంది. దీంతో మేయర్‌ పీఠం ఎవరికి దక్కుతుందన్న దానికంటే.. పార్టీలో ఎవరి రాజకీయ ఆధిపత్యం నిలుస్తుందన్నదే ఇప్పుడు నెల్లూరులో హాట్‌టాపిక్‌గా మారింది.సాక్షి ప్రతినిధి, నెల్లూరు: టీడీపీలో మేయర్‌ పీఠం కుంపటి రగులుతోంది. త్వరలో జరగబోయే నెల్లూరు కార్పొరేషన్‌ ఎన్నికల నేపథ్యంలో మేయర్‌ అభ్యర్థిత్వంపై ఆ పార్టీ కీలక నేతల మధ్య అంతర్గతంగా మంటలు రాజకున్నాయి. ఇటీవల టీడీపీ ముఖ్య నేత లోకేశ్‌ పర్యటన నేతల మధ్య విభేదాలకు మరింత ఆజ్యం పోశాయి. మేయర్‌ పీఠంపై ఆధిపత్యం ప్రదర్శిస్తున్న నెల్లూరు రూరల్‌ ఎమ్మెల్యే కోటంరెడ్డికి చెక్‌ పెట్టేందుకు మంత్రి నారాయణ, ఎంపీ వేమిరెడ్డి కలిసి ప్రయోగించిన అస్త్రం గురి తప్పలేదు. అధిష్టానం వద్ద కోటంరెడ్డి పరపతి ఇంతేనని ఆఖరి క్షణంలో నెల్లూరు రూరల్‌లో లోకేశ్‌ పర్యటనను రద్దు చేయించడంతో ఘోర పరాభవం తప్పలేదు. ఈ పరిణామాలతో రగిలిపోతున్న కోటంరెడ్డి మేయర్‌ అభ్యర్థిత్వంపై తన మాటే చెల్లుబాటయ్యేలా తన రాజకీయ వ్యూహాలకు పదును పెడుతున్నారు. మైనార్టీ మెలిక.. వ్యూహం కార్పొరేషన్‌ ఎన్నికలకు షెడ్యూల్‌ విడుదల కాకముందే మేయర్‌ అభ్యర్థిత్వంపై మంత్రి నారాయణ, ఎంపీ వేమిరెడ్డి ఆధిపత్యానికి చెక్‌ పెడుతూ ఎమ్మెల్యే కోటంరెడ్డి మెలిక ఆ పార్టీని అంతర్మథనంలో పడేస్తోంది. రోస్టర్‌ ప్రకారం నెల్లూరు కార్పొరేషన్‌ జనరల్‌ అయ్యే అవకాశం ఉందని తెలుస్తోంది. ఈ క్రమంలో జనరల్‌ కేటగిరీకి చెందిన వారికే అవకాశం ఇవ్వాలని అన్ని రాజకీయ పార్టీల ఆలోచన. కానీ టీడీపీలో మాత్రం మేయర్‌ అభ్యర్థిత్వంపై నెల రోజులుగా నేతలు భిన్నాభిప్రాయాలు వ్యక్తమవుతున్నాయి. రాజకీయ వ్యూహకర్తగా ఉన్న నెల్లూరురూరల్‌ ఎమ్మెల్యే శ్రీధర్‌రెడ్డి మేయర్‌ పీఠం తన గుప్పెట్లో పెట్టుకునేందుకు, రానున్న రోజుల్లో మైనారిటీల్లో తన పట్టును నిలబెట్టుకునేందుకే ముందుగానే నెల్లూరు మేయర్‌ సీటు మైనారిటీలైన ముస్లింలకు ఇవ్వాలని మెలిక పెట్టారు. ఒక వేళ పార్టీ ఓకే అంటే ఆ క్రెడిట్‌ తనదిగా చెప్పుకోవచ్చు.. లేదంటే నేను మైనార్టీలకు ఇవ్వాలని చెప్పినా మంత్రి నారాయణ ఒప్పుకోలేదని ఆ నెపం ఆయనపై నెట్టేయొచ్చు అనే రాజకీయ వ్యూహంతో కోటంరెడ్డి తుట్టెను కదిలించారు. నెల్లూరు రూరల్‌పరిధిలో మైనార్టీ ఓట్లను ఆకట్టుకునేందుకు ఈ అస్త్రం ఉపయోగించారని రాజకీయ విశ్లేషకులు అభిప్రాయపడుతున్నారు. ఇప్పటికే కోటంరెడ్డిని ఆయనకు అత్యంత సన్నిహితుడైన కోడూరు కమలాకర్‌రెడ్డి కలిసి తన అభ్యర్థిత్వాన్ని ఆమోదించాలని ప్రతిపాదనలు పెట్టినట్లు తెలిసింది. రూప్‌ అభ్యర్థిత్వాన్ని వ్యతిరేకిస్తున్న కోటంరెడ్డి డిప్యూటీ మేయర్‌ రూప్‌కుమార్‌ అభ్యర్థిత్వాన్ని ఎంపీ వేమిరెడ్డి, మంత్రి నారాయణ ఖరారు చేయిస్తున్నారని తెలియగానే ఎమ్మెల్యే కోటంరెడ్డికి మింగుడు పడలేదు. రూప్‌కుమార్‌కు మేయర్‌ అభ్యర్థిత్వం అయితే తన పవర్‌ సెంటర్‌కు చిల్లు పడుతుందని, ఎలాగైనా రూప్‌ అభ్యర్థిత్వాన్ని అడ్డుకునేందుకు తన రాజకీయ అస్త్రాలు వాడుకొనేందుకు ప్రయత్నిస్తున్నారు. జనరల్‌ సీటులో బీసీకి ఎలా ఇస్తారంటూ మెలిక పెట్టి తాజాగా తన సోదరుడు గిరిధర్‌ రెడ్డి పేరు తెరపైకి తెచ్చారు. చాపకింద నీరులా ప్రయత్నాలు తీవ్ర తరం చేస్తున్నారు. ఒక వేళ తన సోదరుడు కాకుంటే తన అనుచరుడు కోడూరు కమలాకర్‌రెడ్డిని పేరును తెరపైకి తెచ్చినట్లు సమాచారం. రూప్‌ అభ్యర్థిత్వానికి నారాయణ.. వేమిరెడ్డి పావులు నెల్లూరు కార్పొరేషన్‌లో విజయావకాశాలు పక్కన పెట్టి.. టీడీపీ అభ్యర్థిత్వంలో తన మాటే నెగ్గాలని మంత్రి నారాయణ తన ఆధిపత్య అ్రస్తాన్ని ప్రయోగిస్తున్నారు. జిల్లా టీడీపీలో కీలకంగా మారిన ఎంపీ వేమిరెడ్డి దంపతులు సైతం నారాయణ నిర్ణయానికే జైకొడుతున్నారు. బీసీ వర్గానికి చెందిన రూప్‌కుమార్‌ జనరల్‌ సీటులోనైనా తన అభ్యర్థిత్వాన్ని పరిశీలించమని వేడుకోవడంతో ఈ క్రమంలో మంత్రి, ఎంపీలకు ఇష్టుడుగా ఉన్న డిప్యూటీ మేయర్‌ రూప్‌కుమార్‌యాదవ్‌ పేరు తెరపైకి తెచ్చారు. ఇప్పటికే సీఎం చంద్రబాబు వద్దకు తీసుకెళ్లి రూప్‌ పేరు ప్రతిపాదించినట్లు ప్రచారం జరుగుతోంది. ఇటీవల లోకేశ్‌ వద్ద కూడా రూప్‌ పేరునే ఖరారు చేయమని ఎంపీ వేమిరెడ్డి దంపతులు, నారాయణ చెప్పినట్లు రాజకీయ వర్గాల్లో గుసగుసలు వినిపిస్తున్నాయి.